Familijaret njoftojne se, mbas nji semundjeje te rande vdiq Ndue Gjoke Berisha ne mbramje e dites se diele me 8 qeshor 2014 ne spitalin White Plains, NY.
I ndiejemi len mbrapa bashkeshorten Drande Buçaj dhe femijet, Kristina, Liza, Zhakline, Shpresa, Leka dhe Florina, si dhe vllaznit Zefi, Markun e Luigji, motrat Filja dhe Lula, me shume nipa, mesa e familijare te tjere.
Prindet Gjoka dhe Prenda, iken nga Shqipnija kur Ndou ishte 10 vjeçare. Ky qift me 5 femije te vegjel, pjese e nji grupi prej 17 vetesh, nder ta edhe Genc Kortsha, kaluen Drinin naten e vitit te ri dhe kapercyen kufinin ne mengjesin e 2 janarit 1953. Kjo ikje dramatike prej diktatures komuniste asht pershkrue mjeshterisht ne detale nga Genc Korça ne librin e kujtimeve te tija ne gjuha anglishte, “One Man’s Journey to Freedom – Escape from Behind the Iron Curtain” (botue 2010 prej Joseph Karl Publishing, MI).
Mbas 13 vjetesh familja Berisha emigroi ne Belgjike, mandej, neper Itali, ne Shtetet e Bashkueme ne vbitin 1970.
Vatra dhe redaksija e gazetes “Dielli” u shprehin ngushllime familijarvet me urimin te kene gezime tash e mbas.
**********
Familjaret don te presin vizita ne Ballard Durand Funeral Home – 2 Maple Ave., White Plains, NY 10601, diten e marte me 10 qeshor, prej ores 2pm-9pm; te nesermen, mbas meshese pershpirtjes ne oren 11am te kisha Zoja Shkodres ne Hartsdale, trupi i te Ndjemit do te percjellet te vorret e familjes ne St. Raymond’s Cemetery ne Bronx, NY. 10530
DR. AGIM LEKA, MJEKU QË KUROI PLAGËT E KOMBIT DHE U SHËRBEU PËR 50 VJET SHQIPTARËVE TË AMERIKËS
NGA DALIP GRECA/
Një mbrëmje të ftohtë të marsit 2014, së bashku me dr. Skënder Murtezanin, udhëtuam nga Bronxi drejt Baldwin, një qytezë, e vendosur në pjesën jugore të Long Island- ishullit më të populluar në të gjithë Amerikën- për dendësinë e popullsisë, renditet i 17-ti në Botë.Nëse do të ishte shtet Long Island, do të renditej i 13-ti në Amerikë, në SHBA-pas Virginias. Dendësia e popullsisë është 5402 banorë për një milje katrore (2,086 për km2.). Ishulli ka një popullsi prej 7,740, 208 (Sipas statistikave të 2013-ës), ndërsa qyteza e Baldwin, sipas Censusit prill 2010, regjistronte një popullsi prej 23.455 banorë. Baldwin është një njësi banimi që klasifikohet e pasur; të ardhurat mesatare për çdo familje janë $72.456. Pikërisht këtu është vendosur dr. Agim Leka me familjen, që në vitin 1960, ku hapi zyrën e tij të shërbimit shëndetsor. Në muzg shtëpia ka një pamje magjike, veçanërisht në lindje dhe perëndim të diellit, tabloja që përfitohet është e rrallë.Qëndrojmë një copë herë duke vëzhguar diellin që po “zhytet” në oqean, ndërsa dr. Murtezani bën telefonatën e mbërritjes. Dr. Agimi i shoqëruar nga zonja Elisabeth dalin në paradhomë dhe na presin me përzemërsi shqiptare. Edhe pse nga shëndeti nuk janë mirë, duken plot gjallëri dhe gëzimi për vizitën, u lexohet ndër sy.
Pas përshëndetjeve, dr. Leka propozon që të shkojmë për darkë në restorantin Oak Schalet , që është jo më larg se 7 minuta prej shtëpisë së tyre.
Është një restorant me klientelë të zgjedhur, ku gjithçka të mbetej në mendje, që nga tavolinat me dru lisi, kthinat, dhe gjellët karakteristike të kuzhinës gjermane, e deri tek gjysëm ndriçimi, që krijon një mjedis romantik. Biseda nis që aty dhe dr. Agimi, kujton rininë, luftën, shkollimin të shtrirë në shumë shtete, ardhjen në Amerikë, studimet universitare, praktikën mjeksore, specializimin, njohjen me bashkëshorten Elizabeth, punën studimore, shërbimin ndaj komunitetit shqiptar, pa harruar veprimtarinë e tij në mjekimin e plagëve të Kombit, artikujt në The New York Times… dhe këtë shërbim e ka nisë që në rininë e tij…Shqetësimi për plagët e Kombit ka qenë pjesë e vetëdijes së tij kombëtare.
Vonë kthehemi sërish në shtëpinë e dr. Lekës dhe vazhdojmë aty bisedën e nisur në restorant Oak Schalet. Zonja Elizbeth duket pak e lodhur, por fisnikëria nuk e lejon që të largohet. Ulet në një nga kolltukët dhe e ndjek bisedën tonë.
Dr. Agim Leka ka se çfarë tregon nga jeta e tij 90 vjeçare, e cila që në rini është e mbushur përplot ngjarje, ku ai ka qenë protagonist. Më tregon se ka qenë me fat për trashëgiminë familjare dhe për shkollimin, që e ka kryer në shkollat më të mira të kohës.
Edukata familjare la gjurmë tek dr. Agim Leka dhe i përcaktoi orientimin kombëtar.Shërbimin ndaj Kombit, ai e ka konsideruar detyrë, si testament i trashëguar nga gjyshi; Ibrahim Leka Borshi, i cili pat kryer detyrën e Qark/komandantit të Beratit dhe Lushnjës, dhe gjyshi tjetër Nebi Sefa. Ende sot rrëfehen shërbimet e gjyshit të tij atdhetar, i cili shpëtoi Ismail bej Qemalin nga arrestimi, duke e udhëhequr drejt Vloës përmes Myzeqesë. Po ashtu ai krenohet me gjyshin nga nëna, Nebi Sefa, i cili ishte delegat i Lusnjës në Kuvendin e Shpalljes së pavarësisë në Vlorë dhe nënshkrues i aktit historik, si dhe kontribues kryesor në Kongresin kombëtar të Lushnjës. Po nuk kishte se si të mos ndikonte tek ai dhe babai, një intelektual i spikatur i kohës së tij. Juristi Rakip Leka dha një kontribut të vlefshëm profesional në shtetin e pavarur shqiptar, duke shërbyer në poste të larta në Ministrinë e Drejtësisë.
Dr. Leka, thotë se i është mirënjohës babait të tij, që i shpjegoi me detaje vuajtjet e popullit kosovar nën Serbi, vuajtje që ngjanin si dy pika ujë me vuajtjet e shqiptarëve të Jugut nga represioni dhe masakrat greke. Babai i dr. Agimit, Rakip Leka, e kishte përjetuar në moshën 16 vjeçare djegien e fshatit të tij, Borsh nga andartët grekë. Rrefimet e të atit i dhanë kahje nacionaliste vetëdijes së tij.
Dr. Agim Leka më tregon se ishte me fat që njohu apostullin e shqiptarizmës, Mit’hat Bej Frashërin, me të cilin i pat nisë takimet në librarinë e tij në Tiranë dhe mbeti një nxënës i zellshëm i ideve të tij. Në edukimin e tij nacionalist lanë gjurmë edhe Prof. Vasil Andoni, Prof. Abaz Ermenji dhe nacionalistë të tjerë.
NË RRUGËT E LUFTËS DHE TË JETËS
Dr. Leka nuk e ka të vështirë ta kthejë pas shiritin e kujtesës. Ai kujton se pushtimi fashist i Shqipërisë e gjeti në radhët e demonstruesëve në Korçë, ku kryente studimet në Lice. Organizimi i Batalionit të Liceut të Korçës, në mars 1939, e gjeti në radhët e tij, si luftëtar, nën komandën e Prof. Abaz Ermenji. Ishte më i riu i batalionit, vetëm 15 vjeç. Në pranverën e vitit 1943 ai është në radhët e luftëtarëve të ballit nën komandën e Abaz Ermenjit në Skrapar. Atje pati rastin të takohej me udhëheqësin e misionit anglez në Shqipëri, kolonel McLean. Po atë pranverë Agim Leka është pjesmarrës-vëzhgues, në Kongresin e Ballit në Berat. Dy nga fotografitë e kësaj pjesmarrje, janë botuar nga publicisti Ylli Polovina në Gazetën Illyria në New York.
I riu Agim leka, pati fatin që të ishte në Konferencën e Mukjes, ku komunistët e prishën marrveshjen e nënshkruar nga diktati i Jugosllavëve sepse në të njihej e drejta e vetëvendosjes për Kosovën, trevat e tjera etnike në Maqedoni e Mal të Zi si dhe Çamërinë shqiptare, sipas Kartës së Atlantikut.
Dr. Leka, kujton se me 28 nëntor 1943 me një grup djelmoshash të Ballit Kombëtar, realizuan një takim me heroin e 7 prillit, Abaz Kupin. Aty, thotë dr. Leka,- mbajta një fjalë të zjarrtë ku kërkova bashkimin e ballistëve me Legalistët. Fati e deshi, thotë dr. Leka, që me 9 janar 1976, heroi i 7 prillit, Abaz Kupi, ndërroi jetë nën përkujdesjet e tij mjeksore, pas një operacioni të rëndë në spitalin Mercy Medical Center në Rockeville Center, NY.
-Fati ka qenë me mua,- thotë dr. Leka. “U largova nga Shqipëria pa mbaruar lufta. Me 2 maj 1944, së bashku me 100 studentë shqiptarë, duke qenë se lufta i kishte ndërprerë shkollat në Shqipëri, udhëtuam drejt Vienës për të vazhduar studimet.”
Pas një viti ai përfundoi me sukses studimet në Gjimnazin e Salzburgut. Diploma e Salzburgut i dha mundësi që të regjstrohej në Universitetin”La Sapienza” të Romës. Nga ajo kohë ruan një kujtim; ishte ndalur në Milano para se të shkonte në Romë. Në Milano ai ishte pjesmarrës i rastësishëm në një manifestim popullor në Piazzale Loreto, ishin varur nga partizanët italianë, trupat e udhëheqësit fashist Benito Musolini dhe së dashurës së tij Clara Petacci.
– Më bëri përshtypje, thotë dr. Leka se si ai popull që kishte thirrur për vite me radhë”Rroftë Duçja” ,tash qëllonte kufomat me zemrim! Turmat entuziazmohen, manipulohen, zemrohen…
SHKOLLIMI- NGA KORÇA E TIRANA, NË FIRENCE, SALZBURG, ROMË, NEW YORK…
Shkollimi i dr. Agim Leka u bë në shkollat më të njohura të vendit dhe jashtë tij. Për shkak të luftës atij iu desh që të arsimohej në disa shkolla. Filloi në Liceun Francez të Korçës, më i miri në vend. Për katër vite studioi aty dr. Leka. Më pas u zhvendos në Liceun “Francesco Krispi” në Tiranë, për t’u zhvendosur më pas në Liceun”Cicognini” në Firenze të Italisë. Maturën do ta kurorëzonte në Salzburg të Austrisë.
Studimet universitare dr. Leka i kreu në Fakultetin e Mjeksisë në Universitetin e njohur “La sapienza” të Romës, ku u diplomua si mjek kirurg më 1953. Pas diplomimit ai vjen në SHBA për të kryer intership në Jersey City në New Jersey. Beteja për studimet mjekësore nuk kishte mbaruar ende. Ai vazhdoi specializimin në Universitetin e Nju Jork-ut dhe në “Graduate School” të Universitetit të Pensilvanisë, ku u specializua për sëmundjet e brendshme, me përqëndrim të posaçëm në Kardiologji. Ky specializim i mori dr. Agim Lekës, jo pak, por pesë vjet, nga viti 1953 deri në vitin 1958.
NGA KENTUCKY NË NEW YORK
Pas specializimit dr. Agim Leka, në qershor të vitit 1958, u emërua specialist internist në spitalin e veteranëve në Louisville, Kentucky, spital i Qeverisë amerikane. Po ashtu ai ishte në të njëtën kohë dhe pedagog në Universitetin e Lousville, Shkollë e Mjekësisë. Përvoja dyvjeçare që fitoi në Kentucky ishte me vlerë. Pas dy vjetësh ai u kthye në Nju Jork. Dr. Leka nuk e harron datën 1 korrik 1960. Ajo ishte një ditë e veçantë sepse pikërisht me 1 korrik hapi zyrën e tij mjekësore në Baldwin në Long Island, New York. Dalëngadalë qyteza e vogël u bë pjesë e jetës së tij, ndërsa ai një mjek i papërtuar, që ishte përherë pranë pacientëve të tij.
Kalendari kronologjik i shërbimeve të tij mjekësore është i pasur me data e kontribute. Në vitin 1978 dr. Leka emërohet Instruktor i Mjekësisë së Brendshme në Stony Brook University në Long Island. Ky është një ndër universitetet e njohura në fushën hulmtimit publik, edhe pse është relativisht i ri, renditet ndër më të njohurit në Amerikën e Veriut.Kontributi i dr. Agim Lekës edhe në këtë institucion ishte me vlera.
Në vitin 1994. Dr. Agim Leka u emërua asistent –profesor i sëmundjeve parandaluese në New York Medical College në Valhalla, NY. Këtë pozitë ai do ta mbante deri në 31 Dhjetor 2002, kur për arsye të moshës e mbylli veprimtarinë akademike, për ta vazhduar ende atë profesionale.
Shërbimet e dr. Agim Lekës janë me vlerë. Ai ishte anëtar i Komitetit Edukativ i “Mercy Medical Centre” në Rockville Centre, NY. Në atë kohë dr. Leka kreu një shërbim me vlerë për komunitetin.Arriti që të ndërlidhte Universitetin e Harvardit në Boston me Mercy Medical Centre në Long Island. Kjo u bë për të parën herë dhe tërhoqi vëmendjen e medias.
-Kjo, thotë dr. Leka, ishte e para dhe e vetmja lidhje që Universiteti i famshëm i Harvardit, realizonte me një Institut jashtë Bostonit. Ardhja e profesorëve të Harvardit në Long Island bëri përshtypje të madhe dhe solli një përvojë të çmuar. Zbulimet e fundit të shkencëtarëve të arritura në Universitetin e famshëm të Harvardit u publikuan nga profesorët në konferencat e Harvardit në Long Island.
Kjo ngjarje nuk i shpëtoi as gazetës The New York Times, e cila në numrin e saj të 26 prillit 1975, shkroi:”Bashkëshoqërimi i Harvardit me Mercy Hospital, një nga katër spitalete Dioqezës të Rockville Centre, që përmbledh tërë rajonin e Long Island-it, u krye prej dr. Agim Lekës nga Baldwin, anëtar i Komitetit Edukativ.
Dr. Agim Leka, tha se pasi ka frekuentuar kurse në shkollën mjekësore të Harvardit, ai pa nevojën për ta prurë atë program”afër vendit ku jeton dhe të lidhur me vendin e punës…”.
NË SHËRBIM TË KOMUNITETIT SHQIPTAR
Dr. Agim Leka është i njohur për shumë familje shqiptare në shtetin e New York-ut. I janë mirënjohës doktorit, veçanërisht shqiptarët e porsaardhur në Amerikë, të cilët për shkak të gjuhës, i trokisnin shpesh në derë doktorit.
Dr. Leka, më tregon se, veprimtaria e tij humanitare mjeksore për një gjysëm shekulli të ushtrimit të profesionit, u shërbeu pacientëve të shtresave të ndryshme shoqërore, që nga diplomatët, ministra të qeverive shqiptare postkomuniste të ardhur këtu për mjekime e ekzaminime, nacinonalistë të ikur nga Shqipëria pas luftës së Dytë Botërore, Heroi Kombëtar antifashist Abaz Kupi, shqiptarëve nga Kosova dhe viseve të tjera etnike, që vuajtën nën genocidin e sllavëve, si dhe ish të përndjekurit e burgjeve të diktaturës komunsite, që erdhën pas vitit 1990 në Amerikë.Janë të shumtë emigrantët që kanë marrë shërbimin dhe këshillat e tij mjekësore.
Dr. Leka, me zërin e tij të butë,me zemrën plot dashuri e atdhetarizëm, thotë se si mjek, si shqiptar, u ka shtrirë dorën dhe u ka shërbyer me zemër, të gjithë shqiptarëve që i kanë trokitë në derë.
Shërbimi i tij në ndihmë të komunitetit shqiptar nisi që në vitin 1960, kur hapi zyrën në Baldwin.
Dr. Leka i ka shërbyer falas komunitetit shqiptar me vizita, vaksina e shërbime të tjera. Ja se çfarë i ka deklaruar ai Revistës”Jeta Katolike” të majit 1972, kur përshkruan përvojën e tij me fëmijët shqiptarë gjatë vaksinimit, të mbledhur në Kishën “Zoja e Këshillit të Mirë:” Rrallëherë e kam ndjerë veten time aq të kënaqur me ushtrimin e profesionit se sa kur, pa ansjë interes lëndor, i jap ndihmën time mjeksore, bashkësisë shqiptare, popullit tim, që ka nevojë, dhe që është pjesë e pandarë e racës sonë…”.
Por në tërësi, Komuniteti Shqiptar, e ka prekur shumë herë kontributin e dr. Lekës. Ai ka kryer shërbime të vlefshme për komunitetin. Dr. Leka për të ndihmuar bashkësinë shqiptare të New York-ut me rrethe, siguroi ndërlidhjen me Qendrën Mjeksore ”Our Lady of Mercy Medical Centre” në Bronx dhe shkollën mjeksore “ New York Medical College” në Valhalla, në Westchester County; krijoi “Qendrën Mjeksore Shqiptare” me 3 Qershor 1994. Kjo Qendër u përurua nga klerikët e të tri feve, nga diplomatët shqiptarë në Kombet e Bashkuara dhe nga përfaqësues të politikës amerikane. Me këtë rast, kongresmeni demokrat Eliot Engel, i dha dr. Lekës një çmim të veçantë. Pllaka me këtë çmim u lexua nga Kongresmeni Engel edhe në Kongresin Amerikan me 26 Maj 1994. Në çmim evidentohet roli kryesor që dha Dr. Leka në krijimin e “Qendrës Shqiptare të Shëndetit”. Edhe kjo ngjarje nuk kaloi pa u pasqyru në shtypin e kohës. Gazeta “The Bronx Times Reporter” e 9 qershorit 1994, Studio TV Victoria dhe gazeta ILLYRIA i kushtuan shkrime dhe kronika televizive kësaj ngjarje.
Dr. Agim Leka, vazhdoi për 12 vjet të punonte me përkushtim në shërbim të bashkësisë shqiptare në Bronx, duke kryer vizita dy herë në javë në klinikën e hapur në Bronx, përveç asaj në Baldwin. Për arsye të moshës, me 31 dhjetor 2006, ai e kishte të vështirë të udhëtonte nga Long Island në Bronx.
Një vit më vonë, me 30 qershor 2007, po për arsye të moshës, dr. Leka do të mbyllte veprimtarinë aktive edhe në zyrën ku shërbeu për gati 50 vite, në Baldwin. Ishte 83 vjeç, një jetë të tërë në roje të shëndetit të qytetarëve.
***
Dr. Leka i ka shërbyer komunitetit shqiptar edhe në fusha të tjera, përveç mjekësisë. Në shtator të vitit 1967 dr. Leka me bashkëshorten Elizabeth, profesoreshë e gjuhëve të huaja, dhe një grup edukatorësh shqiptarë të devotshëm në përkushtim Kombëtar, hapën shkollën shqipe të Qendrës Shqiptare në Woodhaven, Jamica, New York. Dr. Leka drejtonte funksionimin administrativ të shkollës, ndërsa zonja e tij, Elizabeth, drejtonte anën akademike. Çifti Leka pati fat se në këtë nismë iu bashkuan edhe Prof. Sami dhe Diana Repishti, që të dy profesorë të njohur dhe të regjistruar në Shtetin e Nju Jork-ut. Elizabeth Leka, çifti Repishti, Dr. Ramazan Turdiu, Nesti Andrea, morën përsipër mësimin e gjuhës shqipe dhe historisë shqiptare, dr. Leka mori përsipër mësimin e shqipes në klasën e më të rriturve. Në këtë nismë kontribuan edhe: Albert dhe Joan Fundo, zonja Mini Domni dhe të tjera zonja kontribuan për mësimin e valleve dhe këngëve shqiptare. Qyteti i Nju Jork-ut vuri në dispozicion të bashkësisë shqiptare shkollën publike nr. 60 në Woodhaven, Jmaica, NY. Shkolla shqipe ishte e ndarë në pesë klasa nga 5 vjeç deri në 16 vjeç. Shkollën e frekuentuan 80 nxënës.
NË NDIHMË TË SHQIPËRISË DEMOKRATIKE
Rrëzimi i Murit të Berlinit dhe ngjarjet që pasuan, ngjallën shpresa edhe tek dr. Agim Leka. Nisja e ndryshimeve në Shqipëri e gjeti atë të gatshëm për kontribute konkrete.
Ai u ndje mirë, kur djali i tij, Donald Leka, ndërmjetësoi për lidhje ndërmjet Shqipërisë dhe shtetit të Oklahomes. Donald Leka në pozicionin e kryetarit të Shoqatës Amerikane Sirius Systems Inc, inicioi bijësimin ndërmejt Universitetit të Oklahomes dhe Universitetit të Tiranës, i pari në historinë e dy kombeve. Dr. Leka së bashku me Donaldin vizituan Universitetin e Oklahomes së bashku me një delegacion nga Universiteti i Tiranës realizon lidhjen. Marrëveshja u nënshkrua nga Rolanda Dhimitri, zv/ rektorja e universitetit të Tiranës dhe pala tjetër.
Më 1992, dr. Leka së bashku me Joan Fultz Kontos, e bija e profesorit të shquar amerikan Harry Fultz, ish drejtor i Shkollës Teknike të Tiranës e hapur që më 1922, Donald Leka dhe një grup dashamirësisht të Shqipërisë, ndërmjet tyre dhe ambasadori William Kontos, bashkëshorti i Joana Fultz, krijuan Fondacionin Edukativ Shqiptaro-Amerikan Harry Fultz”. Fondacioni u ndihmua financiarisht nga Departamenti Amerikan i Shtetit dhe nga Fondacioni SOROS. Qëllimi i fondacionit ishte rihapja e Shkollës teknike Harry Fultz në Tiranë. Mijëra studentë e kanë frekuentuar këtë shkollë. Dr. Leka ishte nënkryetar i Fondacionit deri në 31 Mars 2006. Donald Leka, një nga themeluesit e fondacionit, u emërua drejtor ekzekutiv, pozitë që e mbajti për shtatë vjet, kohë kur u trasferua me zonjën e tij Claire Leka në New York.
Gjithësesi, dr. Leka ndjehet mirë, që i biri i tij, Donaldi nuk është ndarë nga Shqipëria as sot e kësaj dite. Para pak ditësh ai ishte sërish në Shqipëri, ku media shqiptare e kishte në qendër të vëmendjes.
GJITHË JETËN DUKE MJEKUAR PLAGËT E KOMBIT
Që në rini Agim Leka ishte i kthjellët në qëndrimin nacionalist. Reagimet e tij janë pjesë e vetëdijes kombëtare. Ishte vetëm 18 vjeç kur me 5 Maj 1942 përktheu dhe botoi librin”Skandali Cordignano dhe Mbrojtja e Kombit Shqiptar” në gjuhën italiane me titullin” Risposta a Cordignano su suoi giudizi nei riguardi degli Albanesi”. Ishte një aventurë e gjatë botimi i këtij libri, që dr. Leka ma tregon me detaje. Nuk ishte e lehtë, duheshin kaluar shumë pengesa sepse në Shqipëri ishin italianët, por ai arriti që ta botonte librin në 2 mijë kopje përmes Shtypshkronjës ”Kastrioti”. Libri u shoqërua me një parathënie të shkruar nga i riu Agim Leka”Prefazione e traduzione di Agim Leka(Borshi)”. Ai spjegonte aty nevojën për botimin e librit në gjuhën italiane gjatë pushtimit fashist. Punimi në origjinal ishte shkruar me pseudonimin Nike Barcolla. Autori i vërtetë ishte kleriku atdhetar Don Nikollë Mazrreku, që aso kohe ishte ndihmës famullitar në famullinë Katolike të Tiranës. Libri mbronte Kombin shqiptar, kundër një artikulli denigrues përkundrejt Kombit shqiptar shkruar nga prifti katolik italian Fulvio Cordignano, i cili pat botuar një punim antishqiptar në “Rivista d’Albania” me titull” L’Albania nella storia e nella vita ossia visione panoramica di un piccolo mondo primitive”. Botimi i priftit fashist shkaktoi indinjatë, ndërkohë që studentët shkodranë i dorëzuan rektorit të Jezuitëve në Shkodër peticionin, ku kërkonin që At Fulvio Cordignano, të tërhiqte publikisht artikullin, ndërsa grupi i profesorëve të Liceut të Shkodrës, botuan një broshurë me titull” Cordignano në gjyq para botës”! Punimi i Don Nikollë Mazrrekut “Skandali Kordignano dhe mbrojtja e Kombit shqiptar” ishte një përgjigje e merituar. Pas botimit Don Mazrreku u internua në fshatrat e malësisë për mënjanuar ndikimin e tij në kryeqytet, ndërsa libri i shkruar në shqip, u sekuestrua me urdhër të Mëkëmbsit të Mbretit Viktor Emanueli…
Dr. Leka ka qenë përherë i vëmendshëm ndaj zhvillimeve që kishin të bënin me Shqipërinë. Ja një shembull: Gazeta amerikane The New York Times e 7 shtatorit 1957 botoi shkrimin e dr. Agim Leka(me pseudonimin “Illyricus”) me titull”Për Lirinë e Shqipërisë, kërkohet një politikë pozitive amerikane për të nxitur çlirimin nga Sovjetikët”. Në artikull dr. Leka shkruante:”Deklarata e Ministrit të Jashtëm të Amerikës z. Dulles se”Qeveria amerikane nuk do të pushojë përpjekjet e saja të shohi Shqipërinë të lirë është e mirëpritur pa dyshim nga shumica e madhe e Kombit shqiptar, e cila e sheh demokracinë amerikane , drejtimin shpirtëror të botës. Atë që shqiptarët duan ta shohin si shtojcë e kësaj deklarate, është një garanci nga z. Dulles që SHBA nuk do të lejojnë një tjetër shqyerje të Kombit shqiptar, i cili është gjysëm i coptuar.”
Më 1961, dr. Leka protestoi në redaksinë e Enciklopedisë Britanike për jetshkrimin e gabuar për heroin Kombëtar Shqiptar, Gjergj Kastrioti Skënderbeu, që paraqitej me origjinë serbe. Dr. Leka ishte shqetësuar dhe i kërkoi ndihmë Metropolitan Fan S Noli, për të dokumentuar prejardhjen shqiptare të Gjergj Kastriotit. Përgjigja erdhi nag Peshkop Noli me 21 gusht 1961. Letra shoqërohej me dokumente të botuar në librin e Nolit”George Kastrioti Scanderbeg”. Dr. Leka i dërgoi dokumentet dhe u korrigjua gabimi. Në ribotimin e vitit 1967, Enciklopedia Britanike botoi, jo më shkrimin me burim serb, por shkrimin jeshkrues të Tajar Zavalanit për heroin Kombëtar të Shqiptarëve.
Në bisedë, i kujtoj dr. Lekës ,se në arkivin e Federatës Vatra kam gjetë një kronikë të veprimtarive të organizuara me rastin e 60 vjetorit të gazetës Dielli, ku morën pjesë edhe arbëreshët e italisë. Në kronikë shkruhej se në konferencën shkencore, përshkruhej dhe një ligjëratë juaja për një dokumentar televiziv në NBC. A mund të kujtoni detaje, çfarë përshkruante dokumentari dhe cili ishte reagimi?
Spjegimi i dr. Lekës:- Me 29 Dhjetor 1968, një vit para se të vinin arbëreshët në ceremonitë madhështore të 60 vjetorit të Diellit, ishte shfaqur në kanalin NBC dokumentari “Sicilia e Rosselinit”. Në dokumentar Rosselini thoshte:” Prania greke akoma ndjehet në Sicili. Ky fshat është “Piana Dei grecci”, fjalë për fjalë”Rrafshina e grekëve”. Ndikimi i Greqisë kristiane duket haptazi këtu:”Musolini urdhëroi që emri të ndryshohet në Piana degli albanesi”(rrafshina e shqiptarëve”, por kjo nuk e bëri punën. Prapë Piana është akoma greke në dukje dhe zakonet e vjetra mbahen të pa prekura.”
Cili ishte reagimi juaj, dr. Leka?
“ I dërgova një letër të hapur regjizorit italian Roberto Rosellini me anë të Kanalit Televiziv NBC duke i dokumentuar shqiptarsinë e Arbëreshëve dhe i kërkova kanalit televiziv që ky dokumentar nuk duhej shfaqur më për pasaktësi. Po ashtu, ua dërgova arbëreshëve letërkëmbimin me kanalin televiziv NBC , duke iu kërkuar që të mbronin origjinën e tyre. Reagimi ishte i menjëhershëm, Kanali televiziv ktheu përgjigje se dokumentari nuk do të shfaqej më. Dhe kështu ndodhi.”
Dr. Leka përherë ka qenë i ndjeshëm ndaj Kombit të vet. Ngjarjet në Kosovë në fundvitet ’60 ai i përjetoi me dhimbje. Me 18 janar 1969, Gazeta The New York Times, botoi një letër të gjatë të dr. Lekës me titull”Shqiptarët e Jugosllavisë.” Kjo letër ishte e frymëzuar nga një shkrim që vetë gazeta kishte botuar rreth vrasjes të një djali shqiptar në demonstratën e 28 nëntorit 1968 në Prishtinë.
Shkëpusim një fragment nga letra:” Qeveria Jugosllave mund të fitojë dashamirësinë e Botës së qytetëruar dhe të vetë kosovarëve, po qe se i trajton demonstruesit në mënyrë njerëzore.Gjithashtu, qeveria jugosllave mund të mësojë nga eksperienca amerikane, se demonstratat e zhvilluara në mënyrë paqsore mund tu vënë në dukje autoriteteve dhe botës mbarë padrejtësira, të cilat po të ndreqen me kohë, do të mund të ndihmojnë në fuqizimin e shtetit… Tito duhet t’i japë Kosovës pozitën politike që sot kërkon…”
Vëmendjen e dr. Lekës e kanë tërhequr edhe lëvizjet e shtetit grek në Jug të Shqipërisë. Nisja e shkrirjes së akujve në marrdhëniet mes Shqipërsië dhe Greqisë pas 31 vjet ngrirje, sollën reagimin e dr.Lekës. Në një letër me titull” Lidhjet e Shqipërisë me Greqinë”, që The New York Times e botoi me 17 Korrik 1971 në faqen editoriale, dr Agim Leka, pasi denonconte politikën absurde dhe kërkesat po absurde të Greqisë mbi Shqipërinë e Jugut, coptimin e saj, dhe pushtimin e Çamërisë, shkruante:”Konferenca e Paqes së Parisit 1919-20, përfundoi me coptimin e Kombit Shqiptar ndërmjet fqinjëve të saj duke lejuar pjesë të mëdha të trevave shqiptare të përvetohen nga shteti Jugosllav dhe shteti Grek”.
Rrallë gjejmë ndonjë intelektaul që të ketë reaguar kaq kthjelltsisht si dr. Leka. Me 12 shkurt ai i bëri një thirrje shkrimtarit disident jugosllav Milovan Djilas, i cili kishte qenë bashkëpunëtor i ngushtë i Titos, të cilit i kërkoi që të ngrinte zërin për lirimin e kolegut shkrimtar Adem Demaçi.
Detyra e atdhetarit nuk mbaroi këtu; dr. Leka u lidh me Komitetin për të Drejtat e Njeriut në NY, për të ndihmuar bashkësinë shqiptare në NY për të grumbulluar e dërguar pako ndihmash për të burgosurit shqiptarë në burgjet jugosllave. Ky Komitet u lidh me Ambasadën amerikane në Beograd që të ndërmjetësonte për dorëzimin e pakove tek të burgosurit shqiptarë.
Disa herë dr. Leka ka reaguar ndaj veprimeve antishqiptare të lobit greko-amerikan. Me 28 Janar ai shkroi kongresistit greko-amerikan Gus Yatron në lidhje me seancat e Kongresit Amerikan që ai drejtonte, dhe i bënte thirrje që ta ndalonte promovimin e kërkesave shoviniste greke në Shqipëri. Në seanca nuk ishte thirrë asnjë shqiptar që të mbronte tezën përkundër asaj greke se në Shqipëri keqpërdorej minoriteti grek.
Janë të njohura sulmet antishqiptare të shkrimtarit dhe ish gazetarit greko-amerikan Nicholas Gage kundër Shqipërisë së Jugut. Në një shkrim Gage botoi në Washington Post më 11 prill 1983 me titull”Kosova, fuçi baruti”, ku krahasohej Kosova me minoritetin grek në Shqipëri dhe kërkohej nga faktori ndërkombëtar trajtim i njëllojtë. Dr. Agim Leka replikoi në maj 1983 dhe me fakte ia hodhi poshtë Gage krahasimin e pa vend.Janë të njohura edhe reagimet e tij në mbrojtje të Ramush Haradinaj dhe çështjes së drejtësisë të luftës për çlirimin e Kosovës.
Shqetësimet për çështjen kombëtare dr. Leka i ka pasqyruar edhe në shtypin shqiptar, këtu dhe në Kosovë.
.. Ja kështu, dr. Leka, krahas detyrës humane si mjek, ka mjekuar dhe plagët e Kombit…
VLERËSIME
Dr. Agim Leka ndjehet i vlerësuar për çfarë ka bërë në jetë. Po vlerësimi i të tjerëve për të? Ai u ndje shumë i nderuar kur me 19 Mars 2011, Shoqata Mjekësore Shqiptaro-Amerikane organizoi një Mbrëmje madhështore kushtuar përkushtimit të tij gjysëm shekulli në shërbim të shëndetit të qytetarëve. Vlerat e këtij nderimi i shtoi edhe pjesmarrja dhe dorëzimi i çmimit që iu akordua prej shoqatës, nga Nobelisti Dr. Ferid Murat, kryetar nderi i shoqatës. Darka u shtrua në klubin prestigjioz të Universitetit të Harvardit.
Në këtë veprimtari vlerësuese kishin ardhë për ta nderuar dr. Lekën edhe Presidenti i Shoqatës Amerikane të Mjeksisë Dr. Peter Karmel dhe drejtori rajonal i Ministrisë Amerikane të Shëndetësisë dhe të Shërbimeve Njerëzore Dr. Jamie R Torres, të cilët edhe përshëndetën dhe e përgëzuan dr. Agim Lekën.
Dr. Agim Leka është nderuar edhe në Kongresin Amerikan me 26 Maj 1994, për hapjen e Qendrës Mjeksore Shqiptare.
Një vlerësim të veçantë i ka bërë dr. Lekës Mercy Medical Center në Rockville , duke e nderuar me motivacionin”Në mirënjohje të sinqertë dhe vlerësim për shërbim të dalluar, përkushtim dhe dhe angazhim në 40 vjetë.”
Në prill 2013, Shoqata Mjekësore e Shtetit të Nju Jorkut, i dha dr. Lekës një pllakë mirënjohje më mbishkrim”Në mirënjohje për 50 vjet përkushtimi, shërbimi ndaj publikut, në ushtrimin e profesionit të mjekut.”
Një vlerësim emocionues i bëri dr. Lekës në dhjetor të vitit 2006 ,Our Lady of Mercy Medical Center”, që shtroi një darkë madhështore dhe i dha mirënjohje me motivacion”në vlerësim, urimet më të mira për një jetë të gjatë dhe të lumtur me rastin e mbylljes karrierës profesionale-nga miqtë dhe kolegët”.(Ne foto: Gjate intervistes ne shtepine e dr. Agim Lekes)
New York, Maj 2014
Mehmet Agë Rashkoci, figurë e ndritur atdhetare e diasporës shqiptare në Amerikë
Konsullata e Republikës së Kosovës në New York, Familja Jahjaga dhe komuniteti shqiptar nderuan atdhetarin Mehmet Aga Rashkoci/
Nga Dalip Greca/
Të shtunën, me 7 Qershor, u bënë homazhe nga Konsullata e Kosovës dhe komuniteti shqiptar në nderim të figurës atdhetare të Mehmet Aga Rashkoci.Eshtrat e të ndjerit atdhetar prehen në varrezat publike që ndodhen në Nju Xhersi, në Rosemount Memorial Park.
Përvec familjes të djalit të ndjerit, e përfaqësuar nga nipërit Dervish dhe Ismet Jahjaga, kishin ardhë edhe veprimtari dhe biznesmeni Rrustem Gecaj, dr. Hasan Admeaj- anëtarët të Këshillit të Vatrës; Avni Gecaj, Besim Sejdiu,Bajram Dreshaj, miq që kanë njohë atdhetarin Mehmet Agë Rashkoci- si Rexhep dhe Muharrem Ahmetaj, Musli Mulosmanaj, Xhemë Avdyli, e bashkatdhetarë të tjerë.
Konsullata e Kosova përfaqësohej nga Konsulli i përgjithshëm i Republikës së Kosvës në Nju Jork, ambasador Bekim Sejdiu dhe konsulli i sapoardhur Ylber Kryeziu.
Përvec Gazetës Dielli, media e pranishëm për faqësohej,TV 21-Halil Mula, TV ALB-Bajram Dreshaj , TV Kultura Shqiptare dhe Bota Sot-Beqir Sina.
Vendosën lule në varrin e atdhetarit familjarët dhe një kurorë në emër të Konsullatës së Republikës së Kosovës, Konsulli i përgjidhëshëm Bekim Sejdiu dhe Dervish Jahjaga.
Duke vendosur kurorën me lule pranë patriotit Mehmet Agaa Rashkocit, ambasador Bekim Sejdiu tha se :” ne sot duke bërë homazhe tek varri i Mehmet Agë Rashkocit këtij atedhetari të paepur të cështjes kombëtare, nderojmë të gjithë ata nacionalistë që iu përkushtuan cështjes Kombëtare. Mehmet Agë Rashkoci është një prej figurave më të ndritura të veprimtarisë atedhetare të diasporës tone dhe e meriton nderimin që i bëjmë ne si konsullatë përfaqësuese të shtetit të Kosovës. Cdo shqiptar që ka luftuar për cështjen Kombëtare, për lirinë e atdheut tonë, e meriton nderimin. Ne kemi nderuar tre vëllezërit Bytyci, që dhanë jetën për lirinë e Kosovës, duke respektuar dëshmorët dhe luftëtarët e Kosovës, Ushtrinë Clirimtare të Kosovës, dhe do të nderojmë edhe në të ardhmen figurat e ndritura që kanë kontribu për liri.”
Rexhep Ahmetaj i Hasit, ka ardhë në këtë ceremoni nderuese së bashku me vëllanë Muharremin dhe nipin. Ai e ka të vështirë që t’u qëndrojë kujtimeve të bajraktarit Mehmet Aga Rashkocit, të cilin e pat njohur nga afër. Duke vlerësuar figurën e tij atdhetare, Rexhepi tha për gazetarët e pranishëm në ceremoni:”Ishte burrë i rrallë Mehmet Aga. Burrë që ndante drejtësinë. Nuk mburrej me të shkuarën e tij trimërore, por ne që ia dinim historitë, ndjeheshim mirë të qëndronim pranë tij dhe e respektonim. Kishte luftuar kundër shkjaut e kundër komunizmit. Pat qëndruar kacak maleve derisa mori rrugën e kurbetit nga Kosova në Greqi e më pas në Amerikë. Sllavët ia mbytën tri vajza në burgun e Gjakovës, por ai nuk u përul. Bajraktarin Mehmet Aga Rashhkoci e treti malli për familjen, për Kosovën, por s’mund të shkonte atje. Kosova e tij dashur për të cilën kishte luftuar ndër breza, ishte “mollë e ndalueme” për atdhetarin.”
-Ne, tregon Rexhep Ahmetaj, u përpoqëm që t’ia lehtësonim vuajtjet Mehmet Agës. Në fund të jetës u diagnostikua me kanser.Iu gejndëm tek koka. Doktor Koprencka, një mjek shqiptar që e deshte shumë Mehmet Agën, i tha një kolegu të vet hebrej” Bëj të pamundurën për ta shpëtuar këtë njeri. Ju hebrejtë ia keni borxh se ai dhe familaj e tij kanë shpëtuar gjatë kohës së gjermanëve shumë hebrenj. Shpëtojeni, jo, si larje borxhi, por ne shqiptarët e kemi ikonë për kombin tonë këtë luftëtar të lirisë Mehmet Agën.
. ..E kam takuar dhe vetë doktorin hebre, thotë Rexhepi. E njihja sepse ai jetonte në ndërtesën ku unë punoja në Manhattan. Më gjeti një herë tek koka e Mehmet Agës.
-Po ti, këtu?-më pyeti.
– Është miku im më i mirë, – i thashë dhe u hoqa mënjanë për ta pyetur:
– A ka shpresa?
– Fatkeqsisht jo, m’u përgjigj. Pas operacionit kanseri ka shpërthyer në të gjithë trupin, poi a tret kockat.
U trishtova dhe fillova të dridhesha.
-Po ai, a e di se ka kanser?-e pyeta doktorin.
– Ia kam thënë para operacionit, u përgjigj doktori.
-Mos…po ai është fetar i madh. Beson shumë në Zot.
…U ndava me mjekun dhe shkova prapë tek koka e Mehmet Agës për t’i shërbye dhe për t’i dhënë kurajë-,vazhdon rrëfimin Rexhepi.
– Mos u lodh kot Rexhep se e di se c’kam dhe i kam ditët e numëruara, më tha me zë gati në të shuar Mehmet Aga.
Cfarë t’i thosha?!
U përpoqa me sa munda t’ia largoja mendjen nga sëmundja:-“ Ti beson në Zot, Mehmet Aga. Vetëm Ai e di, mjekët njerëz janë edhe gabojnë.”
Ai mbylli sytë dhe lëshojë një pshertimë të thellë…
I qëndruam pranë derisa mbylli sytë. Dita e varrimit të tij më kujtohet si sot, tregon Ahmetaj. Ishte mbushur plot kjo lëndinë këtu ku jemi sot. Shumë pjesmarërs kishte atë ditë. Ne burrat kemi qa si fëmija. Na u dhimb shumë-, e mbyll rrëfimin e tij Rexhep Ahmetaj i Hasit.
Edhe Musli Mulosmanaj e ka njohur dhe i ka qëndruar pranë Mehmet Agës. Duke folur në ceremoninë e nderimit, ai tha se burra si Mehmet Aga i Rashkocit vijnë rrallë.Mehmet Aga ishte nacionalist i përkushtuar për Komb. Bashkë me të në mal kundër shkijeve ishte edhe Can Mulosmanaj. Edhe ai prehet këtu pranë. Mehmet Agën e kemi respektua dhe i kemi qëndruar pranë derisa e kemi përcjellë për këtu në varreza. Mbaj mend se lajmin e hidhur unë ia kam dhënë nga shtëpia ime me telefon djalit të tij, babës së Dervish Jahjagës. Dua ta përgëzoj Konsullatën e Kosovës që i nderon atdhetarët që kanë luftuar për Komb. Nuk ndodh kështu me diplomatët e Shqipërisë. Edhe pse janë këtu eshtrat e shumë nacionalistëve të shquar që kanë luftuar për cështjen Kombëtare, diplomatët e Tiranës nuk kanë shprehur asnjë vlerësim për ta. Nuk kanë shkuar të vendosin qoftë edhe një tufë lule tek varret, thotë atdhetari veteran Musli Mulosmanaj.
Në emër të familjes të Mehmet Agë Rashkocit, ka falenderuar nipi i të ndjerit, botuesi i gazetës “Bota Sot’ në SHBA, Dervish Jahjaga. Në fjalën e tij, Jahjaga tha: “Kam nderin që në emër të familjes Jahjaga, t’Ju falenderoj nga zemra, për pjesmarrjen tuaj në këtë takim përkujtimor të gjyshit tim dhe mikut personal të disave prej jush që jeni këtu sot për ta nderuar.”
Unë , tha Jahjaga,ndjehem shumë krenar për gjyshin, Mehmet Agë Rashkocin, për figurën e tij prej atdhetari të rrallë, të nderuar e të respektuar prej jush, sa jeni këtu dhe për shumë e shumë të tjerë që nuk patën mundësi të vinin.
Duke iu drejtuar organizatorit të kësaj veprimtarie, Konsullit të Përgjithshëm të Kosovës, Jahjaga tha: “Zoti Ambasador Sejdiu,
Mua nuk më takon të flas shumë, vecanërisht për shkak se ai ishte gjyshi im.
Ju, z. Ambasador, e keni nderuar dhe po e nderoni veten tuaj në radhë të parë, si dhe shtetin e Kosovës, që e përfaqësoni, për kujdesin që po tregoni për figurat atdhetare, si nga Kosova, ashtu edhe nga Shqipëria, në vlerësimin e këtyre njerëzve që morën botën në sy, për të shpëtuar nga armiku shekullor, por që s’pushuan kurrë së vepruari për lirinë e Atdheut tonë, Kosovës së pushtuar nga sllavët, ndërsa Shqipërinë, të shtypur nga regjimin komunist. “
***
Mehmet Aga Rashkoci lindi në në Rashkoc të Gjakovës me 5 Maj 1906 dhe ndërroi jetë në Nju Jork me 3 korrik 1972. Mehmet Aga, sic e thërrisnin bashkadhetarët tanë shquhej për cilësi burrërore dhe atdhetarizëm. Ai ishte përfaqësues tipik i një familje atdhetare, që Kombin e kishte të shënjtë.
Sic u shpreh Ambasador Bekim Sejdiu, Mehmet Agë Rashkoci përbën figurën e një atedhetari të paepur të cështjes kombëtare. Mehmet Agë Rashkoci është një prej figurave më të ndritura të veprimtarisë atedhetare të diasporës tonë.
Për të parën herë ky nacionalist u nderua nga komuniteti shqiptar në shtator 2011, ku presidentja e Kosovës shkoi pranë varrit dhe bëri homazhe, duke vlerësuar me këtë rast të gjithë nacionalistët shqiptarë.Ajo u shoqërua atë kohë , përvec këshilltarëve të saj, edhe nga ish ambasadori i Kosovës në Washington, Avni Spahiu, pjestarë të familjes Jahjaga në SHBA, botuesi i Bota Sot në SHBA dhe nip i Mehmet Agës, Dervish Jahjaga me familje dhe vëllezër si dhe veprimtarë të komunitetit: Harry Bajraktari, Rrustem Gecaj, Jonuz Ndreu, Musli Mulosmanaj, Sabit Bytyci, Zef Balaj, dr. Hasan Ademaj,Bajram Dreshaj e të tjerë. Këtë veprimtari e ndoqi dhe e pasqyroi Gazeta Dielli dhe Bota Sot.
***
I pyetur nga gazetarët para organizmit të veprimtarisë nderuse, Konsulli i Përgjithshëm i Republikës së Kosovës në New York, ambasador Bekim Sejdiu, për qëllimin e organizimit të homazheve, u përgjigj:
Ne si Konsullatë e Përgjithshme e Republikës së Kosovës përkulemi me respekt para figurave të shquara të diasporës shqiptare në SHBA, të cilët nuk jetojnë më, të cilët kanë dhënë kontribut të cmuar për lirinë dhe pavarësinë e Kosovës. Duke nderuar këto figura të njohura të diasporës tonë, ne përkujtojmë dhe shprehim mirënjohjen tonë për përpjekjet titanike të shqiptarëve të Amerikës, për lirinë dhe pavarësinë e Kosovës dhe për kombin tonë.
Kësaj here, tha ambasador Sejdiu, ne bëjmë homazhe tek varri i Mehmet Agë Rashkocit – një atedhetari të paepur të cështjes kombëtare. Mehmet Agë Rashkoci është një prej figurave më të ndritura të veprimtarisë atedhetare të diasporës tonë.
Sic e dini,shtoi Konsulli i përgjithshëm, ambassador Sejdiu, ne para disa muajsh nderuam tre vëllezërit Bytyqi-dëshmor të UCK-s.Në të ardhmen do nderojmë me homazhe të tilla edhe personalitete të tjera të njohura të diasporës tonë. Pavarësisht kohërave kur kanë vepruar, vendeve ku kanë jetuar ose pikëpamjeve politike që kanë përqafuar, e përbashkëta e këtyre figurave ka qenë përkushtimi i pashterrur për lirinë dhe pavarësinë e Kosovës dhe për të drejtat e shqiptarëve në Ballkan. Jeta, veprimtaria dhe sakrifica e Mehmet Agë Rashkocit dhe shumë atedhetarëve të tjerë në SHBA do mbeten të skalitura në themelet e shtetit të Kosovës.
Homazhe në Nju Xhersi tek varri i nacionalistit Mehmet Aga Rashkoci
Të shtunën, me 7 Qershor, do të organizohen homazhe nga Konsullata e Kosovës në nderim të nacionalistit Mehmet Aga Rashkoci. Homazhet do të nisin në orën 11 am, në varrezat, që ndodhen në Nju Xhersi, në adresën:
Rosemount Memorial Park
2 reviews
1109 Neck Ln, Elizabeth, NJ 07201
Tel- (973) 824-687
Mehmet Aga Rashkoci lindi në në Rashkoc të Gjakovës me 5 Maj 1906 dhe ndërroi jetë në Nju Jork me 3 korrik 1972. Mehmet Aga, sic e thërrisnin bashkadhetarët tanë shquhej për cilësi burrërore dhe atdhetarizëm. Ai ishte përfaqësues tipik i një familje atdhetare, që Kombin e kishte të shënjtë.
Sic u shpreh Ambasador Bekim Sejdiu, Konsull i përgjishëm i Kosovës në Nju Jork, Mehmet Agë Rashkocit përbën figurën e një atedhetari të paepur të cështjes kombëtare. Mehmet Agë Rashkoci është një prej figurave më të ndritura të veprimtarisë atedhetare të diasporës tonë.
Për të parën herë ky nacionalist u nderua nga komuniteti shqiptar në shtator 2011, ku presidentja e Kosovës shkoi pranë varrit dhe bëri homazhe, duke vlerësuar me këtë rast të gjithë nacionalistët shqiptarë.Ajo u shoqërua atë kohë nga ish ambasadori i Kosovës në Washington, Avni Spahiu, pjestarë të familjes Jahjaga në SHBA, botuesi i Bota Sot në SHBA dhe nip i Mehmet Agës, Dervish Jahjaga me familje dhe vëllezër si dhe veprimtarë të komunitetit: Harry Bajraktari, Rrustem Gecaj, Jonuz Ndreu, Musli Mulosmanaj, Sabit Bytyci, Zef Balaj, dr. Hasan Ademaj,Bajram Dreshaj e të tjerë. Këtë veprimtari e ndoqi dhe e pasqyroi Gazeta Dielli dhe Bota Sot.
***
I pyetur nga Gazeta Dielli, Konsulli i Përgjithshëm i Republikës së Kosovës në New York, ambasador Bekim Sejdiu, për qëllimin e organizimit të homazheve, u përgjigj:
Ne si Konsullatë e Përgjithshme e Republikës së Kosovës përkulemi me respekt para figurave të shquara të diasporës shqiptare në SHBA, të cilët nuk jetojnë më, të cilët kanë dhënë kontribut të cmuar për lirinë dhe pavarësinë e Kosovës. Duke nderuar këto figura të njohura të diasporës tonë, ne përkujtojmë dhe shprehim mirënjohjen tonë për përpjekjet titanike të shqiptarëve të Amerikës, për lirinë dhe pavarësinë e Kosovës dhe për kombin tonë.
Kësaj here, tha ambasador Sejdiu, ne bëjmë homazhe tek varri i Mehmet Agë Rashkocit – një atedhetari të paepur të cështjes kombëtare. Mehmet Agë Rashkoci është një prej figurave më të ndritura të veprimtarisë atedhetare të diasporës tonë.
Sic e dini,shtoi Konsulli I përgjithshëm, ambassador Sejdiu, ne para disa muajsh nderuam tre vëllezërit Bytyqi-dëshmor të UCK-s.Në të ardhmen do nderojmë me homazhe të tilla edhe personalitete të tjera të njohura të diasporës tonë. Pavarësisht kohërave kur kanë vepruar, vendeve ku kanë jetuar ose pikëpamjeve politike që kanë përqafuar, e përbashkëta e këtyre figurave ka qenë përkushtimi i pashterrur për lirinë dhe pavarësinë e Kosovës dhe për të drejtat e shqiptarëve në Ballkan. Jeta, veprimtaria dhe sakrifica e Mehmet Agë Rashkocit dhe shumë atedhetarëve të tjerë në SHBA do mbeten të skalitura në themelet e shtetit të Kosovës.(dalip Greca)
Concordia College Hosts Talk By Cardinal Dolan
Portrait artist Flladi Kulla painted a likeness of the Cardinal. Photo Credit: Contributed /
BRONXVILLE, N.Y. — Although the harsh winter postponed his speech nearly two months, Cardinal Timothy Dolan, the archbishop of New York was a star guest lecturer at Concordia College on Monday, June 2, as he became the latest figurehead to speak at the annual Jacobson Global Lecture Each year, Concordia honors the late David C. Jacobson, a former provost and professor at the school with its renowned guest speaker series. Dolan was originally scheduled to speak at the Meyer Athletic Center on Feb. 13, but winter weather warnings pushed his lecture into the spring.
Dolan joins a distinguished list of guests that includes New York City Police Commissioner Raymond Kelly, Time magazine Senior Editor Bobby Ghosh and Karl Theodor Paschke, the formerunder secretary general of the United Nations for Internal Oversight Services.
The cardinal’s speech, titled “Soul, Head and Heart,” discussed the importance of spiritual and emotional health, while using the last three popes: St. John Paul II, Benedict XVI and Francis as examples of these human characteristics.
During his lecture, Dolan surprised many in the audience with his wit, sense of humor and engaging speaking style.
“I like to attend the big-time lectures, but I really wasn’t sure what to expect from such a high-ranking religious leader,” alumna and Eastchester resident Jeanne Burke said. “But he was funny and open and just really interesting to listen to.”
Dolan, who has been named as one of Time magazine’s 100 Most Influential People in the World, expressed his admiration for Pope Francis’ heart and keen sense of judgment, while praising Pope John Paul’s soul and resiliency after struggling through a difficult upbringing as a child in Poland during the Nazi occupation. Dolan also cited Pope Francis’ intellect, as he sought to protect the environment as well as his constituents.
Natasha Miller, a professional photographer that has covered countless events throughout Fairfield, Westchester County, and New York City, was intrigued by the way Dolan seamlessly incorporated the theme of his lecture with the three popes.
“As an event photographer, I was honored to be invited to photograph Cardinal Dolan’s visit,” she said. “It was very interesting to hear Dolan speak about the past three popes in relation to the subject of his speech. I’m lucky to have these photos to look back on.”
The night concluded with acclaimed portrait artist – and Concordia alumnus – Flladi Kulla presenting “His Eminence” with a portrait of the cardinal’s likeness. Dolan, a New York native, was also presented with a Yankee hat from Concordia College President Viji George.
“Pope Francis has captured the world’s imagination by shining the light on the church’s compassionate persona rather than the punitive and generated considerable interest in re-examining the role of faith in the public square,” George said in a statement before the speech. “As the leading voice representing the Catholic Church in America, Cardinal Dolan is eminently qualified and adept at articulating this vision.”(Yonkers Daily Voice)
- « Previous Page
- 1
- …
- 295
- 296
- 297
- 298
- 299
- …
- 339
- Next Page »