ULQIN:Në Sheshin më të bukur të Kalasë përfundoi “Skena Verore”,edicioni i 27-të njofton, nga Ulqini në rrjetin social facebook Ismet Karanaga. Ai thotë se ky manifestim tradicional kulturor është hapur në fund të Korrikut dhe ka zgjatë deri me 20 Gusht. Mbi 20 ditë, për çdo natë ka pasur programe teatrale, letraro – muzikore dhe ekspozita të piktoreve të njohur nga Mali i Zi dhe Shqipëria.
Më tej ai informon se “Skena Verore” Ulqin 2015 ka pasur suksesë.
“Duke pasur parasyesh mungesën e mjeteve finansiare për hartimin e një programi më kualitativ, duhet të jemi të kënaqur më ato se çka është prezentuar në këtë Skenë. Përveç “Kalimerës Poetike” me të cilën ka filluar “Skena Verore” ka pasur edhe pjesë te tjera të cilat kanë lënë mbresa tek shumë dashamirësit të artit dhe tek mysafiret, të cilët pushojnë në qytetin e Ulqinit.Mbresa të veçanta ka lënë Maestro Ramazan Peku më orkestrën e tij, dhe sopranja e njohur Ulqinake Gjylije Pelinku”, thekson Karanaga.
Në fund ai shkruan se me këtë koncert festiv është mbyllur edhe “Skene Verore” 2015. Drejtori i Qëndrës për Kultur Dr. Nail Draga ka dhënë një kontribut të veçantë me praninë e tij për çdo natë, çka është për t’u lavdruar./B.S/