dgreca – Page 19 – Dielli

4 Korriku, ditëlindja e një shteti dhe një epoke të re për njerëzimin

July 4, 2021 by dgreca

4 Korriku i vitit 1776 hapi horizonte të reja, të papara gjer atëherë/

Shkruan:Dr. SADIK ELSHANI-FILADELFIA-USA/

Sot është 4 Korriku, ditëlindja e Shteteve të Bashkuara të Amerikës. Më 4 korrik të vitit 1776, 245 vite më parë, në Filadelfia u shpall pavarësia e Amerikës me nënshkrimin e Deklaratës së Pavarësisë, nga të gjithë përfaqësuesit e 13 kolonive të atëhershme – koloni që nuk donin më të jenë nën sundimin e Kurorës Mbretërore Britanike, por dëshironin të ishin të pavarura, të lira për të vendosur vetë për fatet dhe ardhmërinë e tyre. Në atë 4 korrik të atij viti të largët nuk u themelua vetëm një shtet i ri, por lindi një vizion, një ideal i ri i paparë gjer atëherë në botë – u themelua një shtet bazuar në parimin e lartë të vlerave njerëzore: Të gjithë njerëzit janë krijuar të barabartë dhe me një deklaratë që fillon me fjalët emblematike të gdhendura me shkronja të arta në historinë e ShBA-ve dhe tërë njerëzimit: Ne populli (Ëe the people). Ishte ky një ngadhnjim mbi dhunën, robërinë, tiraninë. 4 Korriku i vitit 1776 u bë burim frymëzimi, gurrë e pashterrshme lirie edhe për vendet dhe popujt tjerë anembanë botës. U bë burim frymëzimi për Revolucionin Francez të vitit 1789, që e hodhi poshtë sundimin mbretëror dhe hodhi themelet e Republikës Franceze bazuar në moton: Barazi, liri, vëllazëri (egalite, liberte, fraternite). Ishin idealet amerikane ato që u prinë edhe shumë lëvizjeve të tjera përparimtare në botë, lëvizjeve për liri e pavarësi. Shteti amerikan nuk u krijua si një shtet i përkryer dhe ende është larg i të qenit i përkryer, por është një vend gjithnjë në ndërtim, vend që kurrë nuk i hiqen skelat, vend që gjithmonë sfidon kufijtë e së pamundurës, vend që i ka krijuar mekanizmat për t’i korrigjuar të metat, padrejtësitë që janë shfaqur e mund të shfaqen herëpashere në shoqerinë amerikane. Shkurt, vend që nuk dorëzohet kurrë.

Amerika, vendi që ecën vetëm përpara

Është kushtetuta amerikane, ky dokument i shenjtë modern që siguron funksionimin e shtetit dhe qeverisë amerikane, edhe kur ballafaqohen me sfida të ndryshme e të ndërlikuara. Është dokument i përpiluar nga njerëz vizionarë, njerëz gjenialë, bazuar në ndarjen e barabartë të pushtetit: ekzekutiv, gjyqesor, legjislativ. Është populli amerikan këmbëngulës dhe i vendosur për të ecur vetëm përpara, për të arritur çdo qëllim, për të përballuar çdo sfidë. Në fillim të viteve të 60-ta të shekullit të kaluar Presidenti Kennedy hodhi një qëllim sfidues: Deri në fund të dhjetëvjeçarit të 60-të, njeriu të shkojë në Hënë dhe të kthehet i padëmtuar (i sigurt) në Tokë. Më 21 korrik të vitit 1969, astronauti Neil Armstrong shkeli në Hënë dhe ekipazhi u kthye në Tokë shëndosh e mirë. Është ky shpirti optimistik që e vë në lëvizje këtë vend vigan. Nuk është vetëm madheshtia tokësore e njerëzore, forca ekonomike e ushtarake që e bëjnë këtë vend të fuqishëm, por janë edhe vlerat e larta morale e njerëzore, të quajtura ideale amerikane. Amerika gjithmonë ka luftuar edhe për lirinë e të tjerëve dhe kurrë për t’i kolonizuar vendet tjera, përt’i roberuar popujt tjerë. Këtu perfshihen edhe shqiptarët, Shqiperia, Kosova. Prandaj, në bisedat, diskutimet me amerikanët shpesh e dëgjon fjalën: freedom (liri), fighting for freedom (lufton, të luftosh për liri).

Amerika dhe shqiptarët

Shqipëria (çdo pëllëmbë e tokës ku ujit i thonë ujë e bukës i thonë bukë) dhe shqiptarët shprehin një simpati e dashuri të veçantë e të pakufishme për Amerikën – engjëllin tonë mbrojtës, shpëtimtar. Miqësia shqiptaro – amerikane i ka rrënjët e thella dhe një histori të gjatë, duke filluar nga përkrahësi i vendosur i çeshtjes shqiptare, Kryetari (Presidenti) Uilson, i cili pas Luftës së Parë Botërore e mbrojti pavarësinë e Shqipërisë dhe e pengoi copëtimin e mëtejmë të saj. Ishte Presidenti Clinton që i shpëtoi shqiptarët e Kosovës nga pastrimi etnik, nga shfarosja e sigurt që i kanosej nga regjimi i egër i Millosheviqit. Ndërsa Presidenti Bush e përkrahu dhe e mundësoi Shpalljen e Pavarësisë së Kosovës më 17 shkurt të vitit 2008. Fal ndërhyrjes dhe përkrahjes së vazhdueshme të Amerikës dhe NATO-s, Kosova sot është e lirë dhe shtet i pavarur. Për këto shërbime madhore dhe ndihmat tjera, shqiptarët gjithmonë do t’u jenë mirënjohës Amerikës dhe aleatëve të saj përendimorë. Prandaj, 4 Korriku festohet me dashuri e madhështi edhe në Kosovë e Shqipëri. Edhe në ditët më të errëta të regjimit komunist, i cili orë e çast e baltoste Amerikën, shqiptarët shpresat i kishin drejtuar kah Amerika, shpëtimin e tyre e shihnin te Amerika. Regjimi komunist u përmbys dhe tani Shqipëria dhe Amerika janë aleat, ndajnë vlera të përbashkëta dhe ideale te njejta për lirinë, të drejtat e njeriut, mirëqenjen njerëzore. Gjatë gjithë këtyre viteve Shqipëria ka qëndruar një aleate e fortë e besnike e ShBA-ve dhe sot ushtarët shqiptarë dhe ata amerikanë shërbejnë krah për krah njëri – tjetrit ne Aganistan, si dhe më parë ne Bosnje e Irak. Kohëve të fundit edhe Kosova i ka dërguar ushtarët e saj në misionin paqëruajtës ne Kuvajt.

Amerika dhe bashkësia shqiptaro – amerikane

Tani ka më shumë se një shekull që edhe shqiptarët janë bërë pjesë e mozaikut amerikan, ëndrrës, jetës amerikane, realitetit amerikan. Bashkësia shqiptaro – amerikane ka luajtur një rol të rëndësishëm në historinë e popullit tonë, duke filluar me punën dhe veprimtarinë e palodhshme të Nolit, Konicës si dhe shumë atdhetarëve e intelektualëve të tjerë shqiptarë, Federatës Panshqiptare “Vatra”. Sot shqiptaro – amerikanët, sikurse paraardhësit e tyre vite më parë, janë duke dhënë ndihmesën e tyre në të gjitha lëmitë, sferat e jetës amerikane, nga yjet e Holivudit gjer te fituesit e Çmimit Nobel. Shqiptarët kanë ardhur në Amerikë të vendosur për të korrur suksese, për të përparuar, për të përmbushur ëndrrën amerikane. Bashkësia shqiptaro – amerikane është duke punuar me përkushtim që të sherbejë si një urë lidhëse e miqësie në mes së Shqipërisë, Kosovës dhe ShBA-ve, për t’i afruar qytetarët e të dyja shteteve shqiptare me Amerikën. Tani Amerika është bërë atdheu ynë i dytë, atdheu ynë i përvetësuar, i përshtatur (adoptuar). Janë këto lidhje ndër vite me presidentët, kongresistët, senatorët dhe zyrtarët tjerë të lartë amerikanë që e kanë ëerhequr vëmendjen e Amerikës për çeshtjet shqiptare, duke filluar nga takimet e Nolit me Presidentin Uilson.

Falenderojmë Amerikën që na ka përqafuar si qytetarë te lirë e të barabartë, na mundëson që t’i rrisim familjet tona, ta ruajmë gjuhën dhe traditat tona. Prandaj: Gezuar 4 Korrikun! Është një Dite e Madhe për Amerikën, shqiptarët dhe gjithë botën përparimtare e liridashëse.

Filadelfia, më 4 korrik, 2021

Sadik Elshani është doktor i shkencave dhe veprimtar i bashkësisë shqiptaro – amerikane.

UEFA EURO 2020 : Itali- Spanjë- Derbi i “madhërishëm”

July 4, 2021 by dgreca

Të Martën, ora 21.00 Londër, Stadiumi Wembley. /

Përgatiti Albano Kolonjari/

36 ndeshje, 11 fitore të italianëve, 13 barazime, dhe 12 fitore të spanjollëve, me golavarazhin 43-40 për italianët. Spanja është 3 herë fituese e Kampionat Europian, (1964, 2008, 2012), Italia vetëm një herë (1968).

Italia ka shënuar 11 gola në 5 ndeshje ndërsa ka pësuar 2 gola. Nga ana tjetër Spanja ka shënuar 12 gola në 5 ndeshje ndërsa ka pësuar 5 gola.
Stadiumi Wembley në Londër do të presë takimin Itali-Spanjë të Martën. Spanja arriti në gjysmëfinale pasi fitoi me penallti kundër Zvicrës. Ndërsa Italia mundi ekipin numër 1 të FIFA-s Belgjikën për të arritur në gjysmëfinale. Ky është Europiani i katërt radhazi në të cilin Italia luan me Spanjën. Në UEFA EURO 2008, Spanja fitoi 4-2 në penallti pas një barazimi 0-0 në çerekfinale në Vjenë. Katër vjet më vonë, ata barazuan 1-1 në fazën e grupeve në Gdańsk dhe më pas u takuan përsëri në finalen e Kievit. Spanja fitoi 4-0. Italia i ktheu reston me një fitore të raundit 16 me rezultat 2-0 në Stade de France. Në kualifikimet e Kupës së Botës FIFA 2018, ata barazuan 1-1 në Itali dhe Spanja fitoi 3-0 në shtëpi.
ITALIARezultatet e grupit A11/06: Turqi 0-3 Itali (Romë)16/06: Itali 3-0 Zvicër (Romë)20/06: Itali 1-0 Uells (Romë)
Raundi i 16-të26/06: Itali 2-1 Austri (aet) (Londër)
Çerek-finale02/07: Belgjikë 1-2 Itali (Mynih)
Gjysmëfinale06/07: Italia vs Spanja (Londër)
Golashënuesit më të mirëCiro Immobile, Lorenzo Insigne, Manuel Locatelli, Matteo Pessina (2 gola)
KualifikimiRekordi i grupit J: P10 W10 D0 L0 F37 A4Golashënuesi më i mirë i kualifikimit: Andrea Belotti (5)
UEFA EURO : Fitues ne (1968)
UEFA EURO 2016: çerekfinale, humbi 6-5 nga Gjermania në penallti pas barazimit 1-1Trajneri: Roberto ManciniNjë nga lojtarët më të mirë sulmues të brezit të tij, edhe pse asnjëherë me aq fat për të fituar trofe me Azzurrit si lojtar. Mancini është i etur të shkëlqejë si trajner. Pasi fitoi trofetë e klubeve që drejtoi në Itali, Angli dhe Turqi, dhe ka bërë një punë mjaft të mirë në drejtimin e Italisë. Trofete si LojtarSampdoria Seria A: 1990–91Coppa Italia: 1984–85, 1987–88, 1988–89, 1993–94Supercoppa Italiana: 1991Kupa e Fituesve të Kupave të Evropës: 1989–90Lazio Seria A: 1999–2000Coppa Italia: 1997–98, 1999–2000Supercoppa Italiana: 1998Kupa e Fituesve të Kupave UEFA: 1998–99Super Kupa e UEFA-s: 1999MenaxherFiorentina Coppa Italia: 2000–01Lazio Coppa Italia: 2003–04Inter Milan Seria A: 2005–06, 2006–07, 2007–08Coppa Italia: 2004–05, 2005–06Supercoppa Italiana: 2005, 2006Manchester CityPremier League: 2011–12 Kupa FA: 2010–11 FA Community Shield: 2012 Galatasaray Kupa e Turqisë: 2013–14IndividualPanchina d’Oro: 2007–08 Tranjeri i Muajit në Premier League: dhjetor 2010, tetor 2011 Çmimi Enzo Bearzot: 2019 Sportisti Italian i Vitit: 201Lojtari kryesor: JorginhoNë kampin e Italisë e quajnë Radio Jorginho sepse ai vazhdimisht flet gjatë ndeshjeve, duke drejtuar gjithnjë shokët e tij. Jorginho është truri i vërtetë pas kësaj skuadre Azzurri, një dirigjent i domosdoshëm i orkestrës.
Një për të parë: Nicolò BarellaMesfushori kuti në kuti mban çelësin e formimit të Mancini. I lindur në Sardenjë dhe tani një pjesë kryesore e skuadrës fituese të Interit Serie A, 24-vjeçari është me të vërtetë paketa e plotë, duke sjellë trajtim, teknikë, shumë energji dhe drejtime të rrezikshme, në kohë të duhur, në kutinë e kundërshtarit.
E dinitGjatë këtij turneu, Italia ka thyer rekordet e tyre për një rresht më të gjatë fitues (aktualisht 13) dhe vrapim pa humbje (aktualisht 32).
SPANJARegjistrimet e grupit E14/06: Spanjë 0-0 Suedi (Sevilje)19/06: Spanja 1-1 Polonia (Sevilja)23/06: Sllovakia 0-5 Spanjë (Sevilje)
Raundi i 16-të28/06: Kroaci 3-5 Spanjë (aet) (Kopenhagë)
Çerekfinalet03/07: Zvicra 1-1 Spanjë (aet, Spanja fiton 3-1 me stilolapsa) (Shën Petersburg)
Gjysmëfinale06/07: Italia vs Spanja (Londër)
Golashënuesit më të mirëVarlvaro Morata, Pablo Sarabia, Ferran Torres (2 gola)
KualifikimiRegjistrimi i Grupit F: P10 W8 D2 L0 F31 A5Golashënuesi më i mirë i kualifikimit: varlvaro Morata, Sergio Ramos, Rodrigo (4)
SuksesetUEFA EURO më e mira: fituesit (1964, 2008, 2012)UEFA EURO 2016: Raundi i 16-të, humbi 2-0 nga Italia
Trajner: Luis EnriqueLuis Enrique dha dorëheqjen në qershor 2019 për arsye personale, por u kthye në postin e tij nëntorin e kaluar pasi Spanja e kishte arritur kualifikimin ne Euro 2020. Luis Enrique udhëhoqi Barcelonën në lavdinë e UEFA Champions League në 2015.
Lojtari kryesor: Gerard Morenoështe një fitues i sapo kurorëzuar UEFA Europa League. I pëlqen të luajë ne krahun e djathtën, dhe gjuan sakte me këmbën e tij të majtë. Shpesh i kërkohet të interpretojë si një nëntë e rremë , por ai është gjithashtu një 10 ne fushen e lojes. . Pedri.Spanja ka patur, gjithmone talentë të rinj të mrekullueshëm , por pak ngaata që mund të bëhen mesfushore dominues në një klub si Barcelona në moshen 18 vjeç . Intelekti i tij i futbollit është sinqerisht i pabesueshëm.
E dinitSpanja është skuadra e vetme që ka mbrojtur me sukses titullin EURO, në 2012

KOSOVA: GËZUAR 4 KORRIKUN!

July 4, 2021 by dgreca

-FESTON DHE URON DITËN E PAVARËSISË SË AMERIKËS: GËZUAR 4 KORRIKUN!/

-Shtetet e Bashkuara të Amerikës janë vendi i parë nga gjithë bota me prani diplomatike në Kosovë që para çerek shekulli. I pranishëm në festën e hapjes së Zyrës Amerikane në Prishtinë në 5 Qershor 1996 shkruaja edhe kronikën: Flamur i shpresës për Kosovën…/

-Presidentja e Republikës së Kosovës, Vjosa Osmani:

Qytetarët e Kosovës sot e përjetojnë festën e pavarësisë së SHBA-ve si festë të tyre. Ata luten për mirëqenien e popullit amerikan dhe urojnë njëri-tjetrin për miqësinë me të, e cila, sikur thoshte presidenti historik i Kosovës, Dr. Ibrahim Rugova, është e përhershme/

-Kryeministri i Republikës së Kosovës, Albin Kurti: Në këtë ditë të pavarësisë së Shteteve të Bashkuara të Amerikës, shteti i Kosovës i bashkohet festës së popullit dhe institucioneve të ShBA-ve, partnerë dhe aleatë të pazëvendësueshëm në arritjet tona.

Gëzuar 4 Korrikun!/

Gazeta DIELLI nga korrespondenti në Kosovë Behlul JASHARI

PRISHTINË, 4 Korrik 2021/ Në Kosovë festohet tradicionalisht 4 Korriku, Dita e Pavarësisë së vendit të miqësisë së përjetshme dhe raporteve të veçanta – Shteteve të Bashkuara të Amerikës, të cilat janë të parat nga gjithë bota me prani diplomatike në Prishtinë që prej 25 vitesh dhe shtetin kosovar e kanë njohur që në ditën e parë pas shpalljes para 13 viteve në 17 Shkurtin historik 2008.

Para dy vitesh, në 4 Korrik 2019 Ambasadori i SHBA-ve në Kosovë, Philip Kosnett, dhe Zonja Alison Kosnett, ishin nikoqirë të pritjes që u mbajt për nder të Ditës së Pavarësisë së SHBA-ve, kur edhe u zhvillua ceremonia e përurimit të ndërtesës së re të Ambasadës Amerikane në Kosovë.

Dhe, këtë vit, në 29 Qershor 2021 Komuna e Prishtinës ka nënshkruar marrëveshje me Ambasadën Amerikane në Prishtinë për dhënie në shfrytëzim të pronës së paluajtshme komunale me një sipërfaqe prej 8,340 metra katrorë, për ndërtimin e Rezidencës së re për Ambasadorin e Shteteve të Bashkuara të Amerikës në Kosovë.

Në 2 Korrik 2021 u njoftua se Presidenti Amerikan, Joe Biden, ka nominuar Jeffrey M. Hovenier, për ambassador të ri në Republikën e Kosovës, si pasues të Philip Kosnettit.

Në 1 Korrik 2009 Prishtina ndau truall për ndërtimin e objektit të ri të Ambasadës së SHBA-ve në Kosovë, ndërsa në 5 Maj 2015 u zhvillua ceremonia e përurimit të fillimit të ndërtimit.

Para mëse 25 vitesh, në 12 Janar 1996, Presidenti historik Ibrahim Rugova përshëndeste paralajmërimin e atëherë Ndihmës-Sekretarit të Shtetit të SHBA, Riçard Hollbruk, për hapjen e një Zyre Amerikane në kryeqytetin e Kosovës, në Prishtinë. “Ky është një moment i rëndësishëm në marrëdhëniet e shkëlqyera midis SHBA dhe Kosovës, dhe tregon kujdesin e vazhdueshëm Amerikan për gjendjen në Kosovë dhe çështjen e Kosovës”, theksonte Rugova dhe shfaqëte shpresën se edhe vende të tjera, nga Evropa, do të hapnin zyra të tilla në Kosovë.

Hapja e Zyrës Amerikane në Prishtinë u bë nga Nënsekretari Amerikan i Shtetit, Xhon Kornblum, në një ditë historike – në 5 Qershor 1996. Në hapjen solemne ishte edhe Presidenti historik i Kosovës Rugova bashkë me familjen.

Fillimisht, Zyrtari i USIA-as (Agjencia Informative Amerikane), Majkëll Mekllellën (Michael McClellan) në 22 Maj 1996 ka mbërritur në Prishtinë për të udhëhequr punët në hapjen e Zyrës së këtij shërbimi.

Në ceremoninë festive të hapjes së Zyrës Amerikane në Kosovë, në 5 Qershor 1996, isha edhe për të raportuar për Agjencinë Shtetërore-Zyrtare të Lajmeve të Shqipërisë – Agjencinë Telegrafike Shqiptare, korrespondent i cilës isha që nga 24 Maji 1992 i zgjedhjeve të para pluraliste në Kosovë. Hapja e përfaqësisë amerikane në kryeqytetin e Kosovës ishte festë për kosovarët dhe u përjetua si një moment shumë i rëndësishëm dhe historik për të ardhmen, raportoja atëherë nga Prishtina në Tiranë…

Gazeta e rezistencës “Bujku” e ditës së enjte të 6 Qershorit 1996 në ballinë shkruante:

Dje në Prishtinë u hap Zyra e Agjencisë Informative Amerikane

“Jemi zotuar për të ardhem dhe lirinë tuaj”

-tha ambasadori Xhon Kornbllum, ndihmëssekretar amerikan i Shtetit, i cili zyrtarisht e hapi zyrën, duke shtuar se kjo është një provë e interesimit të vazhdueshëm amerikan e një kontribut për nxitjen e dialogut. – Dr. Ibrahim Rugova: “Kjo është ditë historike për Kosovën”.

Raportimi vijonte në faqen 2, ku botohej e plotë deklarata që e kisha marrë nga Presidenti historik i Kosovës Dr. Ibrahim Rugova:

“Deklaratë e Presidentit Rugova

Ditë historike për Kosovën

Në deklaratën e tij me rastin e hapjes së Zyrës së USIS në Prishtinë, presidenti i Republikës së Kosovës, dr. Ibrahim Rugova, tha se kjo është një ditë historike për Kosovën, për çështjen madhore të Kosovës, për popullin e Kosovës, për një zgjidhje paqësore dhe politike të çështjes së Kosovës në bazë të vullnetit politik të popullit. Falënderoj SHBA-të, presidentin Klinton, nënpresidentin Al Gor, sekretarin e Shtetit Kristofer, Kongresin Amerikan dhe të gjithë miqtë tanë në SHBA për këtë dhuratë të madhe për Kosovën dhe për rajonin në përgjithësi.”

Në faqen e parë botohej edhe raportimi me mbititull “Kryetari i Republikës së Kosovës Dr. Ibrahim Rugova priti Xhon Kornbllumin” dhe me titull e nëntitull: “SHBA-të do të angazhohen për të drejtat e popullit të Kosovës – tha Kornbllum duke ia përcjellë kryetarit Rugova zotimin e presidentit amerikan Bill Klinton.

E në faqen 3 të gazetës së rezistencës “Bujku”, kryeredaktor i parë-themelues i së cilës isha e që dilte nga 18 Janari 1991 me orientim e përcaktim të fuqishëm properëndimor euroatlantik e që ishte pjesë e lëvizjes e luftës për liri e pavarësi dhe sfidonte ndalimin e dhunëshëm nga Serbia okupatore të gazetës tradicionale Rilindja, atëherë të vetmen të përditshme në gjuhën shqipe në Kosovë, me titullin dhe nëntitullin

“Flamur i shpresës për Kosovën

(Kronikë e viteve që i paraprinë hapjes së Zyrës Amerikane në Prishtinë)”, shkruaja mes tjerash:

“Amerika në Kosovë, nga kjo e mërkurë, është e pranishme edhe me Zyrën e USIA-s.

Kjo për Kosovën ka shumë rëndësi e domethënie, prandaj shpesh quhet përfaqësi e mision diplomatik. Kështu, prezenca amerikane në Kosovë mori një formë institucionale dhe vlerësohet se kjo është shumë e rëndësishme për njohjen dhe afirmimin edhe më të madh të çëshjtes së Kosovës.

Flamuri amerikan, i shtetit më të fuqishëm në botë, vendit mik, dashamirës e përkrahës të shqiptarëve, prej dje valon në kryeqytetin e Kosovës, Prishtinë, i ngritur lart e solemnisht në selinë e Zyrës së USIA-s, në një godinë të bukur të lagjes së Dragodanit, duke sjellë mesazhet më të mira të aspiratave të zgjidhjes e të paqes për Kosovën e rajonin.

Zyra e USIA-s në Prishtinë shënon edhe një hap përpara në konkretizimin e interesimit të vazhdueshëm amerikan për Kosovën dhe të pranisë së SHBA-ve në këtë zonë të rrezikshme të konflikteve politike dhe jo vetëm politike në Evropën Jugore….

Flamuri amerikan në Prishtinë, që valon prej dje, është flamur i shpresës për Kosovën. Deri tash të gjithë flamujt e vendeve të huaja janë ngritur si flamuj të okupatorëve.”

Pas përfundimit të luftës, në Kosovën e lirë, Zyra e SHBA-ve në Prishtinë (USOP) rifilloi të punojë në Shtator të vitit 1999.

USOP përfaqësonte Departamentin e Shtetit të SHBA-së, Agjencinë për Zhvillim Ndërkombëtar të SHBA-së (USAID), Departamentin për Drejtësi dhe Departamentin për Mbrojtje.

Më pak se dy muaj pas shpalljes së Pavarësisë, para 13 viteve, Zyra e SHBA-së në Prishtinë u bë Ambasadë në 8 Prill 2008, ndërsa, po atë vit historik, në 18 Korrik, Tina Kaidanow është betuar si ambasadore e parë Amerikane për Republikën e Kosovës.

Pak ditë pasi u konfirmua nga Departamenti Amerikan i Shtetit si ambasadore Kaidanow solli letrat kredenciale të emërimit e pritur në takim në 25 Korrik 2008 atëherë nga presidenti i Kosovës Fatmir Sejdiu.

Ndërkohë,ushtarët amerikanë mbështesin KFOR-in qe 22 vjet. Trupat amerikanë kontribuojnë në misionin e NATO-KFOR-it për të garantuar mjedis të qetë e të sigurtë dhe lirinë e lëvizjes për të gjitha komunitetet në Kosovë.

Në urimet e krerëve të shtetit të Kosovës përkujtohet se, sot është ditëlindja e 245-të e Shteteve të Bashkuara të Amerikës.

Presidentja e Republikës së Kosovës, Vjosa Osmani shkruan:

Sot, populli amerikan feston 245-vjetorin e pavarësisë, kurse ne miqtë e tyre bashkëfestojmë me ta, ngaqë kjo ditë na e kujton rolin e këtij kombi të madh për jetësimin e synimit tonë për të jetuar të lirë e të mosvarmë.
Historia ka dëshmuar se në momentet më të vështira për kombin tonë, Amerika zgjodhi të ishte mbrojtësja dhe promovuesja më e madhe e së drejtës sonë, duke u rreshtuar përkrah nesh në përpjekjet tona për liri.
Prandaj, ne shqiptarët, populli mik i kombit amerikan, sot ndihemi të bekuar me miqësinë me të. Kjo miqësi mbështetet sa në përkushtimin tonë ndaj lirisë, po aq edhe në vlerat e përbashkëta të cilat ne i ndajmë me kombin amerikan.
Qytetarët e Kosovës sot e përjetojnë festën e pavarësisë së SHBA-ve si festë të tyre. Ata luten për mirëqenien e popullit amerikan dhe urojnë njëri-tjetrin për miqësinë me të, e cila, sikur thoshte presidenti historik i Kosovës, dr. Ibrahim Rugova, “është e përhershme”.

Kryeministri i Republikës së Kosovës, Albin Kurti, shkruan:

Idetë dhe idealet më fisnike, besimi në liri, barazi dhe të drejta individuale, përfshirë të drejtën e çdo personi për të kërkuar lumturinë – që burojnë nga Deklarata e Pavarësisë së ShBA-ve, vazhdojnë të frymëzojnë popuj e individë anembanë botës.

Në këtë ditë të pavarësisë së Shteteve të Bashkuara të Amerikës, shteti i Kosovës i bashkohet festës së popullit dhe institucioneve të ShBA-ve, partnerë dhe aleatë të pazëvendësueshëm në arritjet tona.

Gëzuar 4 Korrikun!

Kryetari i Kuvendit të Republikës së Kosovës, Glauk Konjufca, uron: Gëzuar 4 Korrikun Amerikë!

Me rastin e 4 Korrikut – Ditës së Pavarësisë së SHBA-ve, kryetari i LDK-së, Lumir Abdixhiku dërgon këtë mesazh urimi për popullin dhe qeverinë amerikane:

Në emër të Lidhjes Demokratike të Kosovës e uroj Qeverinë dhe popullin e SHBA-ve, për Ditën e Pavarësisë – 4 Korrikun.

Sot, ShBA-të festojnë ditën e pavarësisë, një ngjarje jashtëzakonisht e rëndësishme në përpjekjen e popullit amerikan drejt arritjes së synimeve dhe idealeve për liri dhe pavarësi. Që nga ai moment Shtetet e Bashkuara në politikën botërore mbajnë flamurin e lirisë dhe demokracisë.

Për Kosovën ShBA-të ishin dhe janë aleati jetik në ekzistencën tonë si komb dhe si shtet. Në momentet më kruciale kur populli ynë po ballafaqohej me jetë apo vdekje, Shtetet e Bashkuara vepruan në mbrojtjen e idealit për liri dhe çlirim, ideal dhe synim që e kanë të brumosur në vet gjenezën e tyre si shtet nga etërit themelues.

Kosova në gjithë këtë rrugëtim deri më sot, ka arritur falë mbështetjes së pa rezervë të ShBA-së, fillimisht në luftën për liri e më pas edhe në shpalljen e pavarësisë dhe tani e tutje në forcimin e subjektivitetit ndërkombëtar.

ShBA-të mbeten vendi mik më i mirë i Kosovës, si dhe raportet tona të ngushta nuk lejojmë asnjëherë të zbehen. Përjetësisht mirënjohës! Zoti i Bekoftë Shtete e Bashkuara të Amerikës.

Me rastin e 4 Korrikut – Ditës së Pavarësisë së SHBA-ve, kryetari i LDK-së, Lumir Abdixhiku dërgon këtë mesazh urimi për popullin dhe qeverinë amerikane:

Në emër të Lidhjes Demokratike të Kosovës e uroj Qeverinë dhe popullin e SHBA-ve, për Ditën e Pavarësisë – 4 Korrikun.

ShBA-të mbeten vendi mik më i mirë i Kosovës, si dhe raportet tona të ngushta nuk lejojmë asnjëherë të zbehen. Përjetësisht mirënjohës!

Zoti i Bekoftë Shtete e Bashkuara të Amerikës.

Kryetari i AAK-së, Ramush Haradinaj, ka shkruar:

Urimet më të përzemërta për popullin dhe shtetin amerikan, me rastin e Ditës së Pavarësisë së Shteteve të Bashkuara.

4 korriku përçon mesazhin e idealeve të larta dhe vlerave universale të demokracisë. 4 korriku është vet mesazhi i lirisë së kombeve.

Kosova do të jetë gjithmonë përkrah Amerikës, e cila është shembull që ne me krenari e ndjekim. Andaj 4 korriku është edhe festë e jona.Urime

KRYETARI I VATRES: GEZUAR 4 KORRIKUN!

July 4, 2021 by dgreca

-The Pan Albanian Federation of America Vatra salutes Fourth of July!

KRYETARI I VATRES: GEZUAR 4 KORRIKUN!

Sot Federata Pan Shqiptare e Amerikës Vatra nderon 4 Korrikun!

Kjo tokë është e shtrenjtë për ne të gjithë sepse forca e saj qëndron tek njerëzit e këtij vendi. Sot cdo shqiptarë amerikanë e vlerëson edhe më shumë kuptimin e lirisë dhe të pavarësisë si një popull që do t’i jetë përjetë mirënjohës Amerikës që është ngritur në mbrojtje të tyre.
Federata Pan Shqiptare e Amerikës Vatra mban një moment heshtje për heronjtë që kanë dhanë jetën e tyre sepse ëndrrat nuk arrihen pa liri. Si për brezin që u lind këtu, ashtu edhe për ata që erdhën më vonë, Amerika përvec se është një komb me njerëz të ardhur nga shumë vende, ajo është shprehje e premtimit për një të ardhme më të mirë. Dhe për atë ia vlen të festojmë. GEZUAR 4 KORRIKUN!

The Pan Albanian Federation of America Vatra salutes Fourth of July! This land means so much to all of us because its strength is in its people. Today, Albanian Americans take a moment to appreciate the meaning of freedom and independence as people who are forever grateful to this country for standing up to defend these values. The Pan Albanian Federation of America Vatra takes a moment to remember the martyrs who laid down their lives because freedom makes dreams possible. Whether you were born here or came to this land later in life, America is more than a nation of many. America holds the promise of a better future. That’s worth celebrating! HAPPY 4th OF JULY!

ELMI BERISHA

Kryetar i Federates Panshqiptare te Amerikes”VATRA

RIKTHIM NE IDENTITET- “Shpikësit” e futbollit në kërkim të trofeut pas 30 vjetëve…

July 4, 2021 by dgreca

Shkruan:ALBANO KOONJARI- Ukraine – Angli 0 – 4 (Kane 4, 50, Maguire 46, Henderson 63)/

Kapiteni Harry Kane shenoi dy herë ndërsa Anglia shpartalloi Ukrainën 4-0 të Shtunën në Stadiumin Olimpik të Romës. Kjo fitore i dha mundësinë Anglisë për të arritur në gjysmëfinalen e Euro 2020, dhe është një sukses që u ka muguar atyre që nga viti 1996. Skuadra e Gareth Southgate do të përballet me Danimarkën në Wembley të Mërkurën për një vend në finale pasi danezët mundën Republikën Çeke 2-1 në Baku. Kjo ishte një fitore e rehatshme, për anglezët. Ata e siguruar kualifikimin në fillimin e pjesës së dytë kur Maguire 46′ dhe Kanë 50′ do të shënonin dy gola brenda harkut kohor të katër minutave. Pas rezultatit 3-0, tekniku Southgate ishte në gjendje të hiqte nga fusha e lojës dy mesfushorët Declan Rice dhe Kalvin Phillips, të ndërshkuar të dy me karton të verdhë. Por në këtë mbrëmje kishim të bënim me një Angli pozitive në cdo repart të fushës. Raheem Sterling dhe Harry Kane ishin thjesht shkëlqyeshëm. Jadon Sancho, ofroi një kërcënim të vazhdueshëm për kundërshtarët ukrahinas. Mason Mount, që u kthye në fushën e lojës mbas izolimit të tij për shkak të protokolleve COVID-19, tregoi inteligjencën e tij, ndërsa Luke Shaw ishte një rrezik i vazhdueshëm nga e majta e sulmit anglez. Mbrojtja ishte në lartësinë e duhur dhe ndihmoi portierin Jordan Pickford të mbante portën e paprekur. Me këtë rezultat anglezët vendosën edhe një rekord të vecantë duke qënë ekipin i parë në një Kampionati Evropian që nuk pëson gol gjatë pesë ndeshjeve. Nuk kishin kaluar as katër minuta lojë kur anglezët shënojnë golin e parë me anë të Kane. Merita kryesore i takon Sterling. Kane shfrytëzoi një pasim në mënyrë perfekte nga Sterling brenda zonës dhe gjëndet i vetëm përballë me portierin e Ukrainës Georgiy Bushchan dhe e kalon sfreren e rrumbullakët në rrjetë. Sterling është një lojtar i cili është në formë shumë të mirë për momentin. Forma paksa zhgënjyese e Sterling me Man City në fundit të sezonit kishte çuar në pyetje nëse ai duhet ti fillonte ndeshjet e turneut, si lojtar i formacionit bazë. Dhe të gjitha këto dyshime ishin zhdukur pas ndeshjes kundër Gjermanisë. Anglia presoi dhe realizoi një ndeshje të mirë në mesfushë. Djemtë e Southgate e kontrolluan lojën. Rice, Sancho, dhe Bukayo Saka, ishin lider të mesfushës. Dinamika e lojës për Ukrahinën ndryshoi pasi Serhiy Kryvtsov u detyrua të largohej nga lëndimi pas 36 minutave. Kjo e detyroi menaxherin Andriy Shevchenko të ndryshonte formën nga 5-3-2 në 4-3-3 duke futur në fushën e lojës Viktor Tsygankov. Kjo zhvendosje solli më shumë hapësirë për Sterling dhe Sancho për të sulmuar, por kjo gjithashtu nënkuptonte që Ukraina nuk ofronte dot një kërcënim për anglezët. Një minute nga fillimi i pjesës së dytë, Anglia shënoi golin të dytë duke mbyllur praktikisht ndeshjen. Në Kupën e Botës tre vjet më parë, Anglia kishte qenë një kërcënim i madh për kundërshtarët e saj pasi kishte realizuar paraqitje të mira por ata gabuan në vazhdimi. Por një paraqitje e tyre si në Euro 2020 nuk kishte ndodhur më përpara. Shaw nga një goditje e lirë nga e majta dha një kros të përsosur, dhe Harry Maguire, ashtu siç bëri në çerekfinalen e Kupës së Botës kundër Suedisë, shënoi me një goditje me kokë. Goli i katërt erdhi gjithashtu nga një krosimi në zonë, Jordan Henderson realizoi me kokë nga Jordan Henderson, dhe ky ishte golin e tij i parë në Angline. Anglia do ta luajë gjysmëfinalen e saj në Londër në Wembley. Gjysmëfinalja shënon edhe një revansh për anglezët. Në një takimi të Ligës së Kombeve kundër Danimarkës në tetori 2020, ata kanë humbur 1-0. Goli i vetëm u shënua me penallti nga Christian Eriksen . Në mënyrë të pashmangshme, Anglia duhet të marrë masa që të mos përsëritet gjysmëfinalja e vitit 1996. Disfata ndaj Gjermanisë dhe dështimi i ekipit të Southgate erdhi nga nga pika e bardhë e penalltisë. Tashmë Anglia i ka të gjitha mundësitë të kthehet tek triumfin i titullit të fituar nga ata 30 vjet më parë.Ylli i Ndeshjes: Harry Kane (Angli)”Kane u largua nga fusha pasi rezultati ishte i sigurt. Ai shënoi dy herë dhe ishte shumë i rrezikshë në të gjitha përpjekjet e tij sulmuese, duke përfshirë edhe një goditje të mahnitshme në pjesën e dytë që u prit mirë nga portieri. Ai po fiton besim dhe po merr të gjithë skuadrën e Anglisë me vete “.Jean-François Domergue, Vëzhgues Teknik i UEFA-sHarry Kane, sulmues i Anglisë: ” Një natë fantastike; ne vazhdojmë të shkojmë ndeshje pas ndeshje. Ne ishim favoritë për të fituar këtë lojë – ushtruam shumë presion. Një tjetër rezultat i pastër dhe katër gola, ishte një natë perfekte për ne. “Harry Maguire, mbrojtës i Anglisë: “është një ndjenjë e mrekullueshme . Jemi në gjysmëfinale dhe do të luajmë në shtëpi. Unë nuk dua të ndalemi këtu. “Andriy Shevchenko, trajner i Ukrainës: “Ne kemi realizuar një turne të shkëlqyeshëm. Skuadra luajti deri ne fund, pavarësisht nga rezultatet dhe kundërshtaret. Nga ai këndvështrim, ekipi ka luajtur një futboll të mirë . Djemtë bënë gjithçka që mundën dhe unë dua t’i falënderoj për këtë sot “.
Andriy Yarmolenko, sulmues i Ukrainës: “Ne jemi një ekip i shkëlqyeshëm me një grup të shkëlqyeshëm njerëzish. Pavarësisht rezultatit, pavarësisht humbjes 4-0 sot, unë jam krenar që jam pjesë e kësaj skuadre. Po, sot kemi humbur, por duhet të shohim me kë kemi humbur. Sipas mendimit tim, ne kemi humbur ndaj një prej skuadrave më të mira në botë “Statistikat kryesoreKjo ishte fitorja më e thelle e Anglisë në një EURO: fitoret e tyre të mëparshme më të mëdha ishin 4-1 ndaj Hollandës në EURO ’96 dhe 3-0 kundër Zvicrës në EURO 2004.Kjo ishte hera e parë që Anglia shënoi katër gola në një ndeshje në një fazë nokaut të një turneu të madh që nga fitorja 4-2 kundër Gjermanisë Perëndimore në finalen e Kupës së Botës FIFA 1966.Kjo është hera e tretë që Anglia ka shënuar katër gola në një ndeshje finale të EURO (4-1 fitore ndaj Hollandës në 1996 dhe 4-2 fitore ndaj Kroacisë në 2004).Anglia ende nuk ka pësuar një gol në EURO 2020. Ata kurrë më parë nuk kishin realizuar një perfomancë të tillë. Paraqitja e tyre me e nire ishte ne Kupën e Botës 1966 ku në katër ndeshje te njëpasnjëshme nuk kishin pesuar gol. 24 golat e fundit të Harry Kane për Anglinë kanë qenë të gjitha në ndeshje konkurruese.Kane është lojtari i parë që shënoi dy herë për Anglinë në një ndeshje nokaut në EURO, dhe lojtari i parë i Anglisë që shënoi dy herë në një ndeshje të turneut përfundimtar të EURO që nga Wayne Rooney, kundër Kroacisë në 2004.Anglia ka shënuar brenda pesë minutave të para në katër nga gjashtë ndeshjet e fundit të fazës nokaut të turneut përfundimtar EURO.Anglia ka shënuar brenda pesë minutave të para në katër nga gjashtë ndeshjet e fundit të fazës nokaut të turneut përfundimtar EURO.Anglia është bërë skuadra e parë që mban porten e paprekur ne pesë ndeshje radhazi që nga fillimi i një turneu përfundimtar të EURO-s. Maguire shënoi golin e tij të katërt për Anglinë dhe të dytin në një turne të madh pas përpjekjeve të tij kundër Suedisë në Kupën e Botës FIFA 2018.Goli i parë i Jordan Henderson në Angli erdhi në paraqitjen e tij të 62-të për vendin e tij.Jude Bellingham është bërë lojtari më i ri që paraqitet në një ndeshje nokaut në EURO në moshën 18 vjeç dhe katër ditë.Ukraina nuk ka arritur të shënojë vetëm në dy nga 11 ndeshjet e fundit ndërkombëtare; ata duhet të mbajnë një rezultat të pastër në 11 ndeshjet e turneut përfundimtar të EURO-s.Kjo eshte hera e katert per Anglinë në çerekfinalen e turneut përfundimtar EURO. Secili nga tre nivelet e mëparshme përfundoi dhe kërkoi një gjuajtje penalltish për të vendosur rezultatin (1996 W vs Spanjë, 2004 L vs Portugal, 2012 L vs Itali).Duke përjashtuar gjuajtjet e penalltive, Anglia ka humbur vetëm një nga 16 ndeshjet e fundit të turneut të fundit në EURO (W9 D6 L1); ata kanë fituar dhjetë dhe kanë barazuar një nga 11 ndeshjet e tyre të fundit ndërkombëtare.RreshtimetUkrainë: Bushchan; Zabarnyi, Kryvtsov (Tsygankov 35), Matviyenko; Karavaev, Sydorchuk (Makarenko 64), Shaparenko, Zinchenko, Mykolenko; Yarmolenko, Yaremchuk
Anglia: Pickford; Walker, Maguire, Stones, Shaw (Trippier 65); Rice (Henderson 57), Phillips (Bellingham 65), Mount; Sancho, Kane (Calvert-Lewin 73), Sterling (Rashford 65)