• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kosova Urdhrin e Lirisë Presidentit Amerikan Trump

September 18, 2020 by dgreca

-Presidenti Thaçi nderon Presidentin Trump me urdhrin më të lartë shtetëror dhe e fton ta vizitojë Kosovën/

-Presidenti i Republikës së Kosovës, Hashim Thaçi – Presidentin e Shteteve të Bashkuara të Amerikës, Donald Trump  Z. President, kam privilegjin, si President i Republikës së Kosovës, që në shenjë mirënjohjeje për kontributin tuaj personal për lirinë e Kosovës, në arritjen e paqes, pajtimit dhe prosperitetit ekonomik, të ndaj për ju Urdhrin e Lirisë/

PRISHTINË, 18 Shtator 2020-Gazeta DIELLI/ Presidenti i Republikës së Kosovës, Hashim Thaçi ka ndarë urdhrin më të lartë shtetëror – Urdhrin e Lirisë – për presidentin e Shteteve të Bashkuara të Amerikës, Donald Trump, në shenjë mirënjohjeje për kontributin e tij për lirinë e Kosovës, forcimin e paqes dhe stabilitetit në rajon. Po ashtu, presidenti Thaçi ka ftuar presidentin Trump që ta vizitojë Kosovën në të ardhmen e afërt.

I pari i shtetit, në letrën drejtuar presidentit Trump, ka deklaruar se marrëveshja për normalizimin ekonomik në mes të Kosovës dhe Serbisë nuk do të ishte e mundur pa udhëheqjen e fuqishme të tij dhe të Shteteve të Bashkuara të Amerikës.

Kjo është letra e plotë e presidentit Thaçi drejtuar presidentit amerikan, Donald Trump:

I dashur z. President,

Dëshiroj të shpreh mirënjohjen time të thellë për kontributin tuaj personal në arritjen e marrëveshjes për normalizimin ekonomik në mes të Kosovës dhe Serbisë. Kjo marrëveshje është përparim i rëndësisë së jashtëzakonshme për përmbylljen e konfliktit shekullor mes popujve tanë. Pas dekadash bllokade dhe stagnimi në negociata, falë udhëheqjes tuaj të guximshme e arritëm këtë marrëveshje historike.

Populli i Kosovës mbetet përjetësisht mirënjohës ndaj Shteteve të Bashkuara të Amerikës – shpëtimtares sonë që në ditët tona më të errëta na qëndroi pranë dhe vazhdon edhe sot.

Më lejoni të ju siguroj që Kosova mbetet e përkushtuar ndaj paqes së qëndrueshme dhe prosperitetit afatgjatë në Ballkanin Perëndimor. Kemi punuar shumë në këto vite dhe jemi të përgatitur të japim kontributin tonë për paqe dhe siguri në botë. Po ashtu, jemi të palëkundur në përkushtimin tonë për arritjen e një marrëveshjeje që zgjidhë të gjitha çështjet e hapura dhe sjell njohjen e ndërsjellët në mes të Kosovës dhe Serbisë.

Është më e qartë se kurrë, që kjo mund të arrihet vetëm nën udhëheqjen e fuqishme të Shteteve të Bashkuara të Amerikës. Roli juaj në këtë proces është jetik. Kosova është me të vërtetë e bekuar që gëzon mbështetjen tuaj të palëkundshme për përmbushjen e aspiratave të saj.

Z. President, kam privilegjin, si President i Republikës së Kosovës, që në shenjë mirënjohjeje për kontributin tuaj personal për lirinë e Kosovës, në arritjen e paqes, pajtimit dhe prosperitetit ekonomik, të ndaj për ju Urdhrin e Lirisë.

Marrëveshja e nënshkruar në Shtëpinë e Bardhë nuk do të kishte qenë e mundur pa energjinë, synimin e qartë, dhe angazhimin direkt, të palëkundur dhe besnik të këshilltarit tuaj për siguri kombëtare, z. Robert O’Brien dhe të dërguarit tuaj special, ambasadorit z. Richard Grenell. Në shenjë mirënjohjeje për përpjekjet e tyre, po ashtu kam ndarë Medaljen Presidenciale të Meritave për z. O’Brien dhe z. Grenell, për meritat e tyre të veçanta në arritjen e marrëveshjes historike mes Kosovës dhe Serbisë, të nënshkruar në Washington.

Në emër të popullit të Kosovës, kam kënaqësinë t’ju ftoj që ta vizitoni Kosovën dhe të bindeni për progresin që ju e keni bërë të mundur. Do të ishte nder i madh t’ju mirëpres dhe t’ju prezantoj popullin më pro-amerikan në botë.

Sinqerisht,

Hashim Thaçi

Filed Under: Featured Tagged With: per president trump, Thaci, Urdheri iLirise

AKTAKUZA NDAJ THACIT, VESELI & Co, NJË QASJE NDRYSHE

June 27, 2020 by dgreca

Nga Skënder MULLIQI/
Tema me aktuale dhe e nxehtë politike eshtë ngritja e aktakuzave ndaj presidentit, Thaçi dhe ish kryeparlametarit Veseli nga Gjykata Speciale,që po komentohen ne menyra te ndryshme, dhe kan nxitur debate të forta ne opinionin e gjere public, si vendor ashtu edhe ate ndërkombëtar.Po ka mendime te ndryshme së si do të ndikojë kjo në situatën e përgjithshme politike në Kosovë , e veçmas tek partnerët tanë ndërkombëtar , që si duket janë ndarë në dysh lidhur më vazhdimin e negociatave më Serbinë. Proklamimi për opinion I këtyre dy aktakuzave , vetëm dy ditë para mbajtjës së samitit në Washington, sigurisht së ka karekter politike, më shumë së juridik në këtë momentum nepër të cilin po kalon Kosova. Përçarja e BE-së dhe Amerikës lidhur më bisedimet I gersheton edhe interesat strategjike të tyre ne rajon ,dhe Rusisë me Serbinë në anën tjetër.Edhe pse shpallja e pavarësisë u konsiderua legjitime konform ligjeve ndërkombëtare, planit të Ahtisarit dhe kushtetutës se vendit, kemi hy në një fazë të re gjeopolitike të Fuqive të Mëdha ,ku dialogu krejt politike më Serbinë sikur po e qetë në planë të parë, edhe padefinimin e statusit politike të Kosovës! Kjo sigurisht së bie ndesh më proklamimet e deritashme politike të tyre, bie ndesh më intervenimin e NATO-së mbi forcat ushtarake dhe paramilitare serbe, që shkaktuan gjenocid në Kosovë .E gjithe kjo zhurullti politike rreth çeshtjës së bisedimeve më palen serbe , ka qitur në sipërfaqe edhe ate ,së kush ta merre primatin politike në Ballkanin Perëndimor.E pa logjikshme do të ishte të mendohet së në rajonin ende te trazuar të Ballkanit, mos ti futë duartë thellë edhe Rusia e Putinit, e cila po tenton ta kthen ndikimin e humbur në këtë pjesë të botës. Këtë e verteton edhe deklarata e fundit të një zyrtari të lartë rus, i cili tha së “ Ishte gabim i madh tërheqja e forcave ruse nga aeroprti” Adem Jashari” në Prishtinë.Te kalojmë te gabimet e mëdha të klasës tonë politike përgjatë 20 viteve të qeverisjës më Kosovën. Me rastin e shpërbërjës më dhunë të ish –Jugosllavisë bashkësia ndërkombëtare kishte formuar TPI-në për krime luftës .Pranë këtij tribunali të drejtësisë në Hagë , patë të akuzuar për krime edhe nga ana e shqiptareve .Gjykata e Drejtësisë në Hagë sipas meje nuk u tregua e suksesshme që ti sjellë të gjithë kriminelet serbë të luftës ne banken e te akuzuareve.Në këtë gjykatë u futën ndikimet politike të qarqeve pro serbe e ruse , siç ishte edhe e para e TPI-së , Karla del Ponte.Puna jo shumë se suksesshme e Del Pontës është tregim i gjatë, por ku ishte Kosova në këtë mes? Politikanët tanë nuk u interesuan që të paraqesin shumë të dhëna dhe argumente për krimet serbe në Kosovë.Edhe pse gjykata funksionojë për shumë vite , Kosova , nuk paraqiti padi kunder Serbisë për gjenocid !Çka i parapriu Gjykatës Speciale?Ne vend të unitetit shumë të kerkuar pas përfundimit të luftës, na u mbollë fara e përçarjës të spektrit vëndimarrës politike .Kjo përçarje u bë në luftë për poste e pushtet, e shumë më pak për të ndertuar shtetin e dytë në Ballkan, që e fituam më shumë gjakë.Nuk u luftuan fenomenet negative ne shoqëri siç jane krimi i organizuar, korrupcioni, e dukuri tjera negative.Këto bën që mos të kemi shtet sa duhet te prosperuar, demokratik dhe ligjor.Mos formimi I institucioneve te qendrueshme , e veçmas të organeve te drejtësisë , bëri që shoqëria jonë në vend të zhvillimit , te shenoje stagnacion te proceseve.Po të kishim punuar mirë e ndershmerisht, e I kemi pasur të gjitha mundësitë dhe ndihmen e miqeve tanë evropian dhe amerikanë , zor qe do te formohej një Gjykatë vetëm për palën shqiptare . Pse gjykata speciale te posaçme nuk patem për kroatët , myslimanët e as për serbët, por vetëm për shqiptarët ,që natyrisht ishte padrejtësi e madhe?Këtë gjykatë ia servuam më shumë ne veti, e kemi mundur ta kemi gjykatën tonë për supozimet e krimeve te luftës.Nuk e bëm as ketë , dhe natyrisht së na bënë Gjykatën e cila u votua me shumice votash në Kuvendin e Kosovës .Kjo gjykatë u bazua në raportin e zviceranit, Dick Marti, dhe barra më e madhe ne kete raport, bie mbi ish udheheqësin politik të UÇK-së, tash presidentin, Hashim Thaçi.Unë e kam kritikuar këtë raport për njeanshmeri të madhe , sidomos kur bëhët fjalë gjoja për transplantim të organeve në “Shtepinë e Verdhë” në Shqipëri . Asnjë mundesi nuk e kan pasur UÇK-ja që të bëjnë transplantime kur dihet së në çfarë rrethanash behen punët e tilla. Transplantime kan bërë kriminelët serbë mbi shqiptarët , e sidomos mbi ata që I kan bartur në Serbi.Edhe ky fakt, pak ose fare nuk është zene në gojë nga politika e Kosovës ne takimet nderkombetare.Shumë akuza të ngritura nga Gjykata Speciale karshi pjestarëve te UÇK-së për krime të supozuara , nuk janë të drejta kur dihet së shqiptaret mbrojtën pragun e shtëpisë. U barazu keshtu viktima me gjelatin. Akuzat e fundit u publikuan nga dhomat e posaçme për presidentin , Thaçi dhe ish kryeparlamentarin , Veseli dy ditë para që Thaçi dhe Hoti të shkojnë në takimin e Washingtonit më ftesën e Grenelit.Lajmi mbi ngritjën e aktakuzës e smbrapsi Thaçin nga ky takim ,dhe as Hoti nuk udhëtojë për Amerikë, e qe për mua ishte gabim shumë I madh.Kjo mund të demton raportet më Amerikën më shumë se gjithçka tjetër, së mund te konsiderohet si nje formë e bojkotit. Qe negociatat mos të shkojnë në disfavor të Kosovës, duhet një rekuperim urgjenet I politikës tonë në Kuvend. Nuk guxojme të veprojme siç është vepruar deri më tash në politikat e jashtme . Bisedimet duhet të shpetohen duke ju përgjigjur thirrjës së Washingtonit dhe Brukselit,së kështu shpëtohet edhe Kosova si shtet .Shumë jane duke i shqetësuar miqët tanë më veprime të pamatura  kjo klase politike  me prodhimin e krizave institucionale. Kosovës i nevoitet një kurs dhe rreshtim i njerezeve  te ri ne politikëbërje, për ta kthyer gjendjen e normalitetit ne vend ,dhe për ta rikthyer besimin e humbur të  miqëve tanë në botë…

Filed Under: Analiza Tagged With: Skender Mulliqi, Thaci

Kosova, koordinim për rifillimin e dialogut me Serbinë

June 23, 2020 by dgreca

-Presidenti Thaçi dhe kryeministri Hoti koordinohen për takimin në Uashington/

-Sot në Kuvend: Raportim i Kryeministrit të Republikës së Kosovës dhe debat parlamentar lidhur me dialogun Kosovë-Serbi/

PRISHTINË, 23 Qershor 2020-Gazeta DIELLI/Para udhëtimit për në Shtetet e Bashkuara të Amerikës, presidenti Hashim Thaçi dhe kryeministri Avdullah Hoti janë takuar sot dhe i kanë harmonizuar qëndrimet për një përfaqësim sa më të mirë të Republikës së Kosovës në takim të rëndësishëm në Shtëpinë e Bardhë.

Presidenti Thaçi dhe kryeministri Hoti kanë vizion të qartë dhe pajtueshmëri të plotë për një përfaqësim shtetëror sa më dinjitoz në rifillimin e dialogut, i cili pritet të jetë i vështirë.

Republika e Kosovës është e bekuar më mbështetjen e partnerëve të saj strategjikë dhe krerët shtetërorë janë shprehur optimistë se ky proces do ta përmbyllë kapitullin e hidhur të luftës dhe do ta forcojë paqen në gjithë rajonin tonë, thekson deklarata dërguar nga Presidenca.

Kuvendi i Kosovës mblidhet sot pasdite në një seancë plenare, ku në axhendë janë edhe këto dy pika: Interpelancë me Kryeministrin e Republikës së Kosovës, z, Avdullah Hoti; Raportim i Kryeministrit të Republikës së Kosovës dhe debat parlamentar lidhur me dialogun Kosovë-Serbi.

Kryeministri Hoti të enjten pritet të udhëtojë në Bruksel për takime me krerë të Bashkimit Evropian e prej atje shkon Uashnigton, ku së bashku me presidentin Thaçi të shtunën do të kenë takim të dialogut Kosovë-Serbi.

Filed Under: Kronike Tagged With: Hoti, kosova, Thaci

Kosova në pritjet pas shkarkimit të Qeverisë,Takimi me ambasadorët

March 30, 2020 by dgreca

Kosova në pritjet pas shkarkimit të Qeverisë, Takimi me ambasadorët

-Presidenti Thaçi priti ambasadorët e Kuintit dhe atë të BE-së.Në këtë takim ishin Ambasadori i Shteteve të Bashkuara të Amerikës, Ambasadori i Britanisë së Madhe, Ambasadori i Gjermanisë, Ambasadorja e Francës, Ambasadori i Italisë dhe Shefja e Zyrës së BE-së në Kosovë/

 PRISHTINË, 30 Mars 2020-Gazeta DIELLI/ Presidenti i Republikës së Kosovës, Hashim Thaçi, ka takuar sot ambasadorët e Kuintit dhe atë të BE-së në Prishtinë, për t’i informuar për hapat që do t’i ndërmarrë pas shkarkimit të Qeverisë Kurti nga Kuvendi i Kosovës në javën e kaluar.

Në këtë takim ishin Ambasadori i Shteteve të Bashkuara të Amerikës, Ambasadori i Britanisë së Madhe, Ambasadori i Gjermanisë, Ambasadorja e Francës, Ambasadori i Italisë dhe Shefja e Zyrës së BE-së në Kosovë.

Presidenti Thaçi u shpreh se “pas shkarkimit të Qeverisë nga Kuvendi i Kosovës, më 25 mars, do të marrë hapa gjithnjë në përputhje me Kushtetutën e Kosovës, me ligjet e Kosovës dhe me detyrat si President i Republikës së Kosovës”.

Presidenti Thaçi shtoi se gjatë kësaj jave do të ketë konsultime me të gjitha partitë parlamentare, për t’i marrë sugjerimet dhe këshillat e tyre se cilën rrugë duhet ndjekur, duke u bazuar në Kushtetutën dhe ligjet e Republikës së Kosovës.

Ai ka thënë se si President i Republikës së Kosovës do të vendosë për opsionin më të mirë për të dalë nga situata në të cilën jemi futur, pas shkarkimit të Qeverisë së Kosovës.

Kreu i shtetit ka theksuar se Kosova ka nevojë për një qeveri që do të sjellë stabilitet, unitet sa më të madh politik dhe qytetar, që do të jetë gjithëpërfshirëse dhe e orientimit të qartë euroatlantik.

Filed Under: Analiza Tagged With: ambasadoret, Thaci

Thaçi dhe Vuçiç u takuan në Shtëpinë e Bardhë

March 2, 2020 by dgreca

Washington 2 Mars 2020- Siç kishte raportuar më herët Zeri i Amerikës, presidenti i Kosovës, Hashim Thaçi dhe ai i Serbisë, Aleksandër Vuçiç, u takuan të hënën në Shtëpinë e Bardhë me ndërmjetësimin e ambasadoritRichard Grenell, i dërguar i posaçëm i presidentit Trump për bisedimet Kosovë Serbi dhe këshilltarit për Siguri Kombëtare, Robert O’Brien.

Presidenti Thaçi shkroi në facebook se “Kosova është e bekuar me mbështetjen e Amerikës dhe Presidentit Trump. Tani jam rrugës për në Kosovë. Pres që menjëherë, të mërkurën apo të enjten, të më mundësohet raportimi në Kuvendin e Republikës së Kosovës, për t’i njoftuar deputetët dhe qytetarët e Kosovës për takimet në Uashington dhe më specifikisht për takimin e sotëm. Duke qëndruar të bashkuara institucionet, partitë politike dhe qytetarët, Kosova do të jetë edhe më e fortë. SHBA është shpresa dhe besimi ynë. Jemi mirënjohës përjetë!”, shkroi ai.

Në një bisedë të shkurtër me Zërin e Amerikës, presidenti Thaçi tha se takimi u mbajt “duke dëshmuar vullnetin e mirë, pa ndonjë të veçantë nga takimi, vullnetin dhe simbolikën e fqinjësisë së mirë dhe domosdoshmërinë e arritjes së një marrëveshje përfundimtare që nënkupton paqen dhe stabilitetin për Kosovën, Serbinë por edhe tërë Ballkanin Perëndimor. Është jashtëzakonisht inkurajues roli udhëheqës që po dëshmon ambasadori Grenell dhe lidershipi i presidenti Trump në këtë drejtim”.

Presidenti Thaçi tha se takimi e ka mesazhin e veçantë sepse Shtetet e Bashkuara “po rikthehen në pozicionin që e ka pasur atë të përcaktimit të agjendave paqësore dhe të perspektivës euro – atlantike për tërë Ballkanin Perëndimor”.

Ai tha se rëndësia e takimit të sontëm është e pakrahasueshme me të gjitha takimet që kanë ndodhur kudo në botë mes shtetit të Kosovës dhe Serbisë, për vet faktin se është zhvilluar në Shtëpinë e Bardhë dhe me ndërmjetësimin amerikan.

Të dy presidentët ndodheshin në Shtetet e Bashkuara në vizita të ndara gjatë të cilave zyrtarët amerikanë kanë kërkuar që të dyja palët të ndërmarrin verime që sigurojnë rifillimin e bisedimeve për normalizimin e marrëdhënieve ndërmjet tyre.

Zyrtarët amerikanë po i kërkojnë Kosovës që të heqë tarifat e vendosura në nëntor të vitit 2018 ndaj mallrave serbe, ndërsa Beogradit i kanë kërkuar t’i jap fund fushatës për tërheqjen e njohjeve të pavarësisë së Kosovës.

Presidenti Thaçi tha se Kosova duhet të krijojë rrethana lehtësuese për komunitetin ndërkombëtar dhe për vetveten dhe shfaqi besimin se institucionet e Kosovës do të marrin vendime të përgjegjshme.

“Kokëfortësia e çon Kosovën vetëm prapa dhe e stagnon zhvillimin e Kosovës, ndërsa vendimet e mençura, kohezive e të koordinuara me Shtetet e Bashkuara janë ato që e çojmë vendin përpara”.

Brenda më pak se një muaji Shtetet e Bashkuara siguruan dy marrëveshje ndërmjet palëve për vendosjen e linjës ajrore, asaj hekurudhore dhe ndërtimin e autostradave ndërmjet të dyja vendeve.(kortezi-Zeri i Amerikes)

Filed Under: Politike Tagged With: takimi ne Washington, Thaci, Vucic

  • 1
  • 2
  • 3
  • …
  • 22
  • Next Page »

Artikujt e fundit

  • 23 MARS 1935…Vdekja a aktorit te madh dhe “Unaza e Iffland-it”…
  • VATRA I PËRGJIGJET ADI KRASTËS
  • Në st. Gallen të Zvicrrës u promovua libri që i kushtohet 1432 fëmijëve shqiptarë – viktima të gjenocidit shtetëror të Serbisë gjakatare!
  • SCIENTIFIC AMERICAN (1942) / GJON MILI DHE METODA E BLICIT TË SHUMËFISHTË STROBOSKOPIK
  • VATRA URON BESIMTARËT BEKTASHIANË: GËZUAR SULLTAN NOVRUZIN
  • “Gjergj Kastrioti Skenderbeu Way Honors the Old and New Generation of Albanians,” Petitioners and Worcester Councilors Say
  • Dorëheqja si proces vetëdijësimi
  • Ndërthurrje mitesh
  • “Çfarë populli mendojnë ata se jemi ne…” Winston Churchill
  • ZERI I AMERIKES: DASH: Mangësitë në pavarësinë e gjyqësorit, mungesa e pavarësisë në media dhe korrupsioni, problemet kryesore në Shqipëri
  • FAQE ARKIVI: Reportazhi nga kufiri Kosovë-Shqipëri “Muri ndërshqiptar si ‘fundi i botës’”- Mars 1996
  • Tri objektiva të rëndësishme që duhet t’i arrijë Kosova
  • RRËFIME TË VEPRIMTARISË KOMBËTARE TË EKREM BARDHA
  • DOJA TË ISHA DHE UNË…
  • DASH godet ashpër Serbinë për diskriminimin e vazhdueshëm shtetnor e institucional ndaj shqiptarëve të Luginës së Preshevës

Kategoritë

Arkiv

Tags

alfons Grishaj Anton Cefa arben llalla asllan Bushati Astrit Lulushi Aurenc Bebja Behlul Jashari Beqir Sina dalip greca Elida Buçpapaj Elmi Berisha Enver Bytyci Ermira Babamusta Eugjen Merlika Fahri Xharra Frank shkreli Fritz radovani Gezim Llojdia Hazir Mehmeti Ilir Levonja Interviste Keze Kozeta Zylo Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT