Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Albanian Eagles Dance sjell traditën dhe krenarinë shqiptare në Punta Gorda International CultureFest

by

Bela Krosi/

Me shumë krenari, Albanian Eagles Dance përfaqësoi Shqipërinë në Punta Gorda International CultureFest, duke ndarë me komunitetin ndërkombëtar pasurinë e kulturës dhe traditave tona. Një falënderim i përzemërt për Pearl Cruz dhe Cultural Heritage Center of Southwest Florida për ftesën dhe mundësinë të jemi pjesë e këtij organizim të veçantë.

Programi ynë nisi me një kolazh këngësh dhe një valle çame, vijoi me “Katjushka” dhe një valle me motive tiranase, për t’u përmbyllur me këngën “Kuq e Zi”, të udhëhequr nga Elisa Qytyku. Krahas performancave, sollëm edhe Sofrën Shqiptare, ku përmes objekteve tradicionale dhe mikpritjes sonë, vizitorët patën mundësinë të njihnin më nga afër zakonet dhe trashëgiminë shqiptare.

Një mirënjohje e veçantë për z. Illison Hoxha, i cili me bujarinë dhe sponsorizimin e tij na ndihmoi të përfundonim kostumet tradicionale çame. Mbështetja e njerëzve që besojnë në rëndësinë e ruajtjes së kulturës sonë na jep mundësinë ta përcjellim atë me dinjitet te brezat e rinj.

Për ne, çdo dalje e fëmijëve në skenë ka një vlerë shumë më të madhe sesa vetë performanca. Janë përvoja që u mbeten në kujtesë, miqësi që krijohen dhe momente që i lidhin më fort me prejardhjen e tyre. Përmes valleve, këngëve dhe historive që mësojnë, ata rriten me dashuri për atdheun, me respekt për sakrificat e brezave para tyre dhe me krenarinë për të përfaqësuar identitetin shqiptar, kudo që të ndodhen.

Një ditë, këta fëmijë do të rriten dhe do të jenë ata që do t’ua mësojnë fëmijëve të tyre vallet, këngët dhe historitë që po mësojnë sot. Ndoshta nuk do të kujtojnë çdo hap që kanë hedhur në skenë, por do të kujtojnë emocionin e të mbajturit flamurin shqiptar, krenarinë e veshjes së kostumit tradicional dhe ndjenjën e përkatësisë që i bashkoi. Pikërisht këtu qëndron vlera e punës sonë: të krijojmë kujtime që me kalimin e viteve kthehen në dashuri për rrënjët dhe në dëshirë për t’ua përcjellë ato brezave që vijnë.

Shqiptarët në Michigan mbështesin kandidatët republikane për U.S. Senat Mr. Mike Rogers dhe për House of Representative Mr. Mike Bouchard

by

Dr. Dritan Demiraj,

Michigan, SHBA 🇺🇸/

Diten e sotme pasdite zhvilluam një takim të veçantë me komunitetin e mrekullueshem shqiptaro-amerikan në Michigan!

Sot gjate takimit me kandidatin e Partise Republikane për U.S. Senat Mr. Mike Rogers dhe kandidatin e Partisë Republikane për House of Representative Mr. Mike Bouchard ju shpreha mbështetjen e komunitetit tonë për zgjedhjet e 3 Nëntorit.

Nderkohe gjate fjales time analizova situaten e tmerrshme politike ne Shqiperi ku populli prej 133 ditesh eshte ne shesh dhe kerkon largimin e panegocueshem te KM me të korruptuar ne historine e Shqiperise.

Takimi u zhvillua ne nje atmosfere miqesore ku te dy kandidatet u shprehen shume qarte per mbeshtetjen e çeshtjeve qe shqetesojne komunitetin tone.

Ndërkohë ky takim ishte një tjeter mundësi e mirë për të shkëmbyer mendime dhe për të vlerësuar rolin dhe kontributin e komunitetit shqiptaro amerikan në jetën shoqërore dhe politike të Shteteve të Bashkuara.

Shqiptarët e Amerikës janë një urë e rëndësishme miqësie mes dy kombeve tona. Për mua është gjithmonë kënaqësi të jem pjesë e takimeve që forcojnë lidhjet dhe përfaqësimin e komunitetit tonë dhe te jem një zë i forte per çështjet qe shkaterrojne te ardhmen e vendit.

Ndjej një krenari te madhe që kam luftuar per Kombin Shqiptar dhe gjithashtu edhe per kontributin e madh ne luften globale kunder terrorizmit me ushtrine me te forte te globit por edhe si shtetas amerikan 🇺🇸.

Fredi Stefani, remembered with Love, Five Years On

by

Rafaela Prifti/

Fredi Stefani’s life was marked by perseverance, compassion, and service. Having experienced firsthand the uncertainty and hardship of migration, he devoted himself to helping others find stability, dignity, and opportunity in America. In September, on the fifth anniversary of his passing, his family and close friends gathered at the Staten Island home Fredi shared with his wife, Anila, and their daughter, Jona, to remember and celebrate his life. “We were thinking about how he made people’s lives better by helping them and giving their lives new meaning,” said Anila.

Born in Tirana in 1968, Fredi grew up facing difficulties at an early age. After losing his father, he assumed responsibilities for his family while still young. His path took him first to Greece, where he worked demanding jobs, learned the language, and continued his education despite limited means. Later, he came to the United States, carrying with him not only the hopes of an immigrant but also a deep awareness of the sacrifices required to begin again.

Fredi’s own journey shaped his vocation. After settling in America and working in several states before making a home in New York, he devoted more than fifteen years to the immigration field. He helped newcomers navigate the complicated processes of documentation, legal filings, and adjustment to life in a new country. His education in legal studies strengthened his ability to serve others, but it was his humanity that made the greatest difference.

In 2015, Fredi helped establish the Migration Resource Center, an organization dedicated to giving families and individuals the best possible chance to succeed. Its work reflected his belief that an immigration system could be both orderly and humane—that respect for the law should never require indifference to the people whose lives depend on it.

Those who knew Fredi remember more than his professional accomplishments. They remember his warmth, his humor, his generosity, and the ease with which he made people feel welcome. He possessed the rare ability to meet people where they were: frightened, confused, newly arrived, or simply in need of encouragement. For many immigrants and refugees, his guidance was not merely practical. It was an affirmation that they belonged and that their aspirations mattered.

His life left a lasting impression within the Albanian-American community. From Tirana to New York, Fredi carried with him the values of family responsibility, education, hard work, and solidarity. He understood that success was not measured only by personal advancement, but by what one was able to give back to others.

Fredi Stefani passed away on September 4, 2021, at the age of 53—a loss that came far too soon. Yet the work he began continues through the people he assisted, the colleagues he inspired, and the institutions strengthened by his dedication. Every family he helped, every newcomer he encouraged, and every person he treated with patience and respect forms part of his enduring legacy.

To remember Fredi Stefani is to remember a man who turned hardship into purpose. He did not forget where he came from, and he never stopped reaching back to help those walking a similar path. His story reminds us that one person’s courage can become another person’s refuge, and that a life devoted to service continues long after its final day.

Fredi believed in working hard and dreaming boldly. He did both; and through his kindness, commitment, and example, he made it possible for others to do the same.

https://gazetadielli.com/in-memoriam-frederik-fred…

Një zë, një histori, një betejë – Gratë shqiptare bashkohen për Tetorin Rozë

by

AWUSA

Foto: Erta Hajdari/

Në Manhattan, gratë e komunitetit shqiptar u bashkuan edhe këtë vit për një mbrëmje të veçantë në kuadër të Tetorit Rozë, një aktivitet që Albanian Women in USA organizon çdo vit me të njëjtin qëllim: ndërgjegjësimin, mbështetjen dhe forcimin e grave në komunitetin tonë.

Në qendër të këtij takimi ishin historitë reale të grave që kanë përballuar kancerin e gjirit, historitë e frikës, dhimbjes, pasigurisë, por mbi të gjitha të guximit dhe forcës për të vazhduar përpara.

Të ftuara ishin psikologia dhe terapistja Silvana Loka, e ardhur nga Chicago, si dhe poetja, shkrimtarja dhe kryeredaktorja e revistës Asaj, Arjana Fetahu Gabo nga New Jerseys! Përmes fjalëve dhe përvojave të tyre, ato sollën një mesazh të rëndësishëm: në një betejë të tillë, gruaja ka nevojë për mbështetje, mirëkuptim dhe mbi të gjitha, të mos ndihet vetëm.

Sepse pas diagnozës nuk është vetëm një paciente. Është një grua, një nënë, një bashkëshorte, një shoqe, një grua që jeton dhe ndërton jetën e saj në emigrim dhe që përballet me një nga sfidat më të vështira të jetës.

Tetori Rozë nuk duhet të jetë vetëm një muaj ndërgjegjësimi. Është një kujtesë për të gjithë ne se sa e rëndësishme është të flasim, të dëgjojmë, të kontrollohemi dhe të jemi pranë njëra-tjetrës.

Për Albanian Women in USA, ky aktivitet është më shumë se një event. Është pjesë e përgjegjësisë që komuniteti ynë ka ndaj grave të tij: të krijojë hapësira ku gratë mund të flasin, të ndajnë historitë e tyre dhe të gjejnë forcë tek njëra-tjetra.

Sepse asnjë grua nuk duhet ta përballojë e vetme një betejë të tillë.

Kur një grua flet, një tjetër gjen kurajën të mos heshtë. Kur një grua mbështetet, një tjetër kupton se nuk është vetëm.

Ky është mesazhi i Tetorit Rozë dhe një nga arsyet pse AWUSA vazhdon, vit pas viti, ta mbajë gjallë këtë nismë me gratë e komunitetit shqiptar.

Quincy kuqezi/ Kënga, çiftelia, vallja dhe shija shqiptare bashkojnë diasporën në Massachusetts

by

Mashqip.com/

Për disa orë, zemra e Quincy-t rrahu shqip. Flamuj kuqezi, këngë labe, çifteli, klarinetë, valle popullore, ushqime tradicionale dhe biznese shqiptare u bënë bashkë në “Albanian Heritage Festival 2026”, një festë që solli Shqipërinë në zemër të Massachusetts.

Festivali, i zhvilluar në Kilroy Square, u organizua nga “Fan S. Noli Library & Cultural Center” dhe Shoqata “Labëria” USA, duke mbledhur familje shqiptare, artistë e grupe nga Massachusetts dhe shtete të tjera, biznese të komunitetit, por edhe përfaqësues të qytetit të Quincy-t.

Ishte një ditë ku traditat shqiptare u prezantuan në të gjitha format e tyre: nga kënga dhe vallja te veshjet popullore, ushqimi, pijet dhe produktet e bizneseve shqiptaro-amerikane. Mbi të gjitha, festivali solli së bashku breza të ndryshëm, përfshirë fëmijët e lindur e rritur në Amerikë, të cilët patën mundësinë të shohin dhe përjetojnë nga afër kulturën e prindërve dhe gjyshërve të tyre.

Një nga momentet më të veçanta ishte ai kushtuar Laver Bariut, mjeshtrit të madh të klarinetës dhe një prej figurave që la gjurmë të thella në muzikën popullore shqiptare. Shoqata Labëria Boston solli një program të posaçëm. Dritan Danaj, nën shoqërimin në organo të Simon Tosllukut, interpretoi një kaba nga repertori i Laver Bariut, duke rikthyer në Quincy tingullin karakteristik të muzikës së Jugut.

Më pas skena i takoi Grupit Laberia nga Bostoni, i cili interpretoi edhe një këngë të krijuar posaçërisht në nderim të Laver Bariut, si homazh për trashëgiminë e tij. Një tjetër këngë iu kushtua Labërisë, vendlindjes dhe dashurisë për traditat shqiptare. Por festa nuk kishte vetëm tingujt e Jugut.

Vëllezërit Delia, me çifteli dhe këngën e rapsodëve, sollën në skenë një tjetër pjesë të shpirtit shqiptar: traditën e Veriut, këngët e burrërisë, historisë, vendlindjes dhe atdheut.

Nga New Jersey iu bashkua festivalit edhe QKSHA – “Qendra Kulturore Shqiptare Amerikane Struga”, duke sjellë kulturën dhe traditat shqiptare nga një tjetër komunitet i fuqishëm i diasporës.

Vallet shqiptare kishin gjithashtu një vend të rëndësishëm. Në skenë u ngjitën, Valle Tona, St. George Cathedral Dance Group dhe CT Dance Group, duke e kthyer sheshin në një mozaik kostumesh, ritmesh dhe krahinash shqiptare.

Në program ishin gjithashtu Flamur Biçaku & Band, Ylli Zhaveli, Eno Kalo dhe DJ Jorgo, duke e mbajtur festën gjallë me muzikë dhe argëtim.

Por Shqipëria në Quincy nuk u prezantua vetëm përmes skenës. Në festival kishte ushqime dhe pije shqiptare, ekspozime kulturore, biznese dhe shitës shqiptaro-amerikanë, duke treguar edhe një tjetër dimension të diasporës: shqiptarët që kanë ngritur biznese dhe kanë krijuar emër në komunitetet ku jetojnë.

Një kontribut të veçantë dha Leo Keka, pronari i Alba Restaurant Group dhe një emër i njohur i komunitetit shqiptaro-amerikan në Massachusetts. Keka, i cili ishte ndër njerëzit që ndihmuan në koordinimin e aktivitetit, ofroi edhe ushqimin për festivalin.

Prania e përfaqësuesve të qytetit të Quincy-t i dha festivalit edhe një tjetër domethënie: atë të një komuniteti që ruan fort identitetin e tij shqiptar, por njëkohësisht është bërë pjesë e jetës ekonomike, kulturore dhe qytetare të Massachusetts.

Të gjitha këto momente, nga tingujt e çiftelisë dhe klarinetës te vallet, kostumet tradicionale, flamujt kuqezi dhe emocionet e familjeve shqiptare, u fiksuan në fotografi nga Bujar Veseli, duke lënë të dokumentuar një ditë të veçantë për komunitetin shqiptaro-amerikan në Massachusetts.

Nga kaba e Laver Bariut te çiftelia e Vëllezërve Delia, nga kënga labe te valltarët e rinj shqiptarë, nga Struga në New Jersey te grupet e Bostonit, festivali bashkoi në një shesh tradita nga trevat shqiptare. Dhe ndoshta ky ishte edhe mesazhi më i bukur i ditës: mund të jesh mijëra kilometra larg Shqipërisë, por kur fëmijët kërcejnë vallen shqiptare, rapsodët i bien çiftelisë dhe familjet mblidhen nën flamurin kuqezi, atdheu është shumë më afër.

Foto: https://veseliphotography.pic-time.com/…/albanian…