Beqir Sina – Dielli

New York/Staten Island : Dita e Përkujtimit – Mijëra shqiptar në piknik

May 30, 2023 by s p

Shoqata Shqiptare mbajtën piknik në Staten Island, New York, në “Ditën e Kujtesës”

Nga Beqir SINA – Staten Island NY

Në Staten Island- Nju Jork, të dielën (28 maj 2023), parkun rekreativ “Wolfe’s Pond Park” shoqata : Malësia e Madhe, Fondacioni “Plavë e Guci” Ana e Malit, Kraja, Ulqini, Dibra, Rozafa, së bashku me organizatën Rrënjët Shqiptare, nën përkujdesin e Kryetarit të Këshillit Kombëtar të Diasporës zotin Mark Gjonaj, në ditën “Memorial Day” organizuan së bashku piknikun “Albanian Piknik”.

Mbas dy dekadave në këtë komunitet ky ishte dhe Pikniku më i madh për nga pjesëmarrja (rreth 2 mijë vet) që organizohet nga komuniteti shqiptar në zonën e Tri-Shtetshit, (New York, New Jersey, Conecticut).

Komuniteti shqiptar për çdo vjet vijon të organizojë piknikun vjetor që përkon me festimet e datave të rëndësishme në kalendarin amerikan.

Paraditen e 28 majit qindra shqiptar nga Staten Island dhe qendrave të tjera nga shtetet për rreth Nju Jorkut, mbushën fushën e parkut “ Wolf’s Pond Park” dhe mjediset sportive të qytetit, Staten Island për të festuar Ditën e Kujtesës – Memorial Day .

Çdo gjë ishte e përsosur dhe e organizuar mirë, ku dhe pjesëmarrësit u pa të dukeshin dhe të shpreheshin mjaft të kënaqur.

Mark Gjonaj i cili kishte ardhur me gjithë familje dhe stafin e tij të festojë me komunitetin shqiptar , thotë , se më u mbush zemra plot gëzim – kur shoh kaq shumë shqiptar, këtu, në këtë piknik madhështor.Kështu, dotë mblidhemi bashkë në çdo aktivitet të gëzuar dhe me familje që të shijojmë aktivitetet festive në një ditë të mrekullueshme në Amerikë-

“Ne do të vazhdojmë të festojmë ngjarje kombëtare të shqiptarve dhe amerikanve në çdo vit. Tê bashkuar gjithmonë! Është një moment që arrijmë më shumë se çfarë kemi arritur deri tani, gjithmonë të bashkuar dhe respekt e dashuri me njëri-tjetrin. Ky piknik kaq i bukur është puna dhe përkujdesja e të gjitha organizatave dhe anëtarëve të tyre që na nderojnë si komunitet (si shqiptar) kudo dhe kurdoher në qytetin e Nju Jorkut.” tha ai.

Festimin e kësaj dite Memorial Day, me pkinikun në Staten Island- Nju Jork, të dielën (28 maj 2023), parkun rekreativ “Wolfe’s Pond Park” nga shoqatat Malësia e Madhe, Fondacioni “Plavë e Guci” Ana e Malit, Kraja, Ulqini, Dibra, Rozafa, dhe organizata Rrënjët Shqiptare, nën përkujdesin e Kryetarit të Këshillit Kombëtar të Diasporës zotin Mark Gjonaj, u bë në sponsorizimin e mjaft kompanive dhe bizneseve shqiptare.

Njerëzit në tavolinat e mbushur plot me ushqime të pregatitura prej tyre perimet e frutat e sezionit ëmbëlsirat ndiqnin aktivitetet, bisedonin për jetën e tyre komunitare secili kishte shumë për të treguar, edhe për vendorigjinën e tyre.

Hapësira e gjelbër me një sipërfaqe prej disa akrash tokë, u krijonte mundësinë pjesëmarrësve të qëndronin grupe së bashku me familje, me miq e fëmijë si në vend lindjen e tyre.

Pra, në këtë ditë krahas pjesëmarrjes masive, për zhvillimin sa më normal të saj, u angazhuan e kujdesën të gjithë, jo vetëm udhëheqësit e shoqatave dhe stafi i tyre i përkushtuar, por edhe autoritetet e parqeve policia NYPD.

Gjithashtu, së bashku me komunitetin shqiptar në piknikun e shqiptarve ishte dhe Vito Fosella Presidenti i Borough State Island dhe zyrtar të Staten Island, Nju Jork.

Aktivitetet që nisën paradite vazhduan deri vonë

Ndërkohë në piknik janë fëmijët të rinjët e të rejat ata që zënë një vend të veçantë në këtë ditë, ndaj nga ora 11:00 e paradites deri më 19:00 të pasdites, ata zhvilluan lojra të ndryshme sportive, me veshje kuq e zi, e piktura të ndryshme në bluza e tyre, tatu të improvizuara në krah dhe fytyrë me temë atdhedashurinë, për Shqipërinë.

Kuptohet që në gara për fituesit e çdo gare kishte stimul simbolik material.Ky aktivitet madhështor ku gërshetohej tradita, puna, kultura, aftësitë, mosha dhe integrimi nuk kishte për të ngelur jashtë vëmendjes së të pranishmeve pa këngët e vallet ushqimet dhe suveniret për të gjithë pjesëmarrësit dhe familjet e tyre.

Pikniku vjetor në ditën e pavarësisë së SHBA – 4 korrikun, dhe Memorial Day kan qënë një nga aktivitetet më të rregullta të organizuara nga komuniteti shqiptar në Amerikë, prej nga klubet e para shqiptare në fillim shekullin 19të kur edhe erdhen shqiptarët e parë në Amerikë.

Në këto pikniqe mblidhen shqiitarët me familjet dhe shoqëria, krijohen mundësitë e lidhjeve të reja, flitet shqip, këndohen këngë patriotike dhe zhanrrve të ndryshme shqiptare, dhe konsumohen më së shumti ushqime tradicionale shqiptare. Në këto pikniqe shpalosen tradicionalisht të dy flamujt, flamuri shqiptar dhe ai amerikan.

Ky aktivitet vjetor është që të ruajnë lidhjet e ngushta mes shqiptarve me gjuhën dhe traditat shqiptare, dhe kontributin e tyre në fuqizimin e lidhjeve të shkëlqyera ndërmjet Shqipërisë dhe Shteteve të Bashkuara të Amerikës.

Memorial Day – Dita e kujtimit

Dita e Kujtimit të të Rënëve, është një ditë e veçantë në SHBA, sepse kujtohen e respektohen të gjithë meshkujt dhe femrat me uniformë që kanë dhënë jetën në beteja.

Kjo ditë e ka origjinën që nga Lufta Civile në SHBA, për të nderuar ushtarakët që vdiqën në luftë nga të dy palët luftuese. Fillimisht ajo njihej si dita e dekorimeve, por në shekullin e XX, koncepti i saj u zgjerua duke iu përkushtuar kryesisht të rënëve dhe veteranëve të luftës.

Nga fillimi i shekullit XX ajo festohet të hënën e fundit të majit dhe është ditë pushimi në të gjithë shtetet e SHBA.

Në ditën e kujtimit të të rënëve, veteranë të luftës, ushtarakë aktivë e në pension bashkë me familjet, si dhe qytetarë te shumte vizitojnë varret e të rënëve, memorialët e tyre, vendosin flamuj të SHBA e buqeta me lule në çdo var, vizitojnë muzetë e ushtrisë dhe qytetit.

Edi Rama, mbasi i “vodhi” dhe i “bleu” votat Shqiptarve, ua “vodhi” edhe presekutimin!

May 22, 2023 by s p

Nga Beqir SINA/

Ky njeri mendojë se “zemrën” e ka të fshehur thellë te “shpirtligësia” e asaj që qëndron brenda asaj që ky “pangopuri” bëri me Shkodrën( ta marri Shkodrën si i vetmi qytet i djatht traditionalisht) dhe, në 50 vjetorin e “Revoltës së Spaçit” të shfaqet me kapotën ushtarake, që mban të varur në kryemnistri, zyrën e tij. Të asaj saj kapote dhe përkatësisht atyre dy “thelpeve” të jakës së kapotës së Ushtrisë Popullore, që janë me simbolin e komunizmit.

Edi Rama, mendojë se i bën këto”shfaqje spektakolare” me simbole dhe batuta nëpër fjalime, jo paqëllim.

Ai i bën edhe për tu thënë nostaligjikve(komunisteve veteran, se ai është po ai Edi Rama, që ka qenë, si fëmijë i Bllokut, i biri i Kristaq Ramës dhe nipi i Spiro Kolekës. Një nga ata të rinjët e të rejat, që mbasi u ikën prindërit e tyre, Bllokmenë, me “zemër” janë për partinë me besnikëri deri në vedekje. Besinkë të partisë së punës dhe trashgimtares së saj Partisë Socialiste…….

Këtë ai e tregojë jo pa qëllim dhe pandonjë domethënje, edhe me vizitën e tij të parë të fitores në Shkodër, qytetin tradicional e më anti komunist, në botë. Qytet të cilín “mbas rrethimit dhe marrjes së Shkodrës”, nga komunistët në 1944, ai e rimerr “pa “luftë” pa u djersitur fare, si i themi ne shqiptaret, e nga Zyra e kryeministrisë në 14 mạj 2023. E mori me “votat” të dhunuara dhe të blera, edhe me një social demokrat si tipi i Tom (ko)Doshit, ose me ndonjërin nga ata persona publik, që u fut në Big Brothers VIP Albania, si “Demokrat” dhe doli fitues si “Socialist” me Erjon Veliajn dhe Edi Ramën.

Mirëpo, simbolika e tij me Shkodrën, në radhë të parë ishte të tregojë atë”zotësinë” e tij, si nuk e ka qejf fare opozitën. Ose si një ish fëmijë i Bllokut, duke u thënë edhe shkodranve që janë krenar për të kaluarën e tyre, “Boll më! se na keni mërzitur tash 30 vjet : “Ja dhe Shkodrën anti komuniste, unë ua mora, …….”

Duke, u thënë shkodranve të presekutuar dhe anti kommunist: “ “Boll më! Ngaqë, nuk ua mora si “babai dhe daja im” për 45 vjet, me pushkatime, burgosje e ineterrnime, luftën e klasave, dhe të një presekutimi biblik, që vetëm Shkodra e ka parë. “

Për të ardhur keq, dhe “vrasje” për demokracinë është se ai ua mori Shkodrën, shkodranve , Shkodren e cila ka dëshmi rrëqethëse të persekutimeve të pas Luftës së Dytë Botërore, prej se kur vendin tonë e mori pushtetin mortaja (Partia Komuniste shqiptare). Shkodra, i vetmi bastion i së djathtës për vetë faktin se ky qytet, madje e tërë kjo zonë, përfshirë Malsinë e Madhe të Prek Calit, njihet si mbajtja e peshës më të rëndë të persekutimit të egër komunist, në Shqipëri.

Faktet, dhe dëshmitë flasin për një numër të konsiderueshëm personash të pushkatuar me gjyq e pa gjyq, të torturuar në mënyrë çnjerëzore, apo të trajtuar mizorish, me gra, pleq e fëmijë nëpër internime. Në Shkodër, diktatura komuniste ishte nga më të egrat dhe barbaret, që ka historia e njohur në vendet komuniste të Europës. Statistikat dëshmojnë se në qytetin dhe qarkun e Shkodrës, janë pushkatuar 601 persona, ndër të cilët 61 klerikë, janë burgosur 2503 persona, janë internuar 2700, kanë vdekur në burgje 128.

Kujtojmë se të gjitha këto masakra kanë ndodhur në një qytet që athere ishte me 40 mijë banorë, edhe që ishte qendra e një zone rurale me 60 mijë banorë ku funksiononin 13 burgje. Sipas vetë të persekutuarve politikë, diktatura komuniste ka qenë një tmerr në Shkodre(Shqipëri), pasi në ndryshim me vendet e tjera të Europës, diferenca rezultonte në faktin se vendi ynë vuajti 50 vjet, ndërsa vendet e Europës, jo më së shumë 15 vjet.

Por, le t’i kthem përsëri kryeministrit Edi Rama, që po “tallet dhe kërcen “Arushën” tash 33 vjet me presekutimin më të rëndë dhe më të egër komunist, në botë, në të gjithë Shqipërinë.

Edi Rama, është i njohur për simbolikat e tij, çka e tregon në çdo dalje publike, sidomos, kur ato lidhen edhe me ndonjë ngjarje historike ose ditore. Pjesmarrjen e tij në evente me rëndësi kombëtare e ndërkombëtare, ai e kuronë mjeshtërisht jo vetëm në fjalim, piktura dhe skica, ose në batuta, por edhe në stilin e veshjes së tij ekstravagante.

Madje, këtë rënje në sy se përse i bën Edi Rama, gjithë këto gjëra nuk është aspak e vështirë që ta “lexoshë” ose ta kuptosh duke filluar prej nga “zhgarravinat” me veshjet e tij, e pikturat, deri te pjesëza nga fjalimet e tịj, të gjata e të lodhshme plot me “batuta”.

Për simbolet!

Më duhet të kujtojë atë me kollaren e tij me yllë gjatë takimit zyrtar me kryediplomatin grek, dy vjet më parë, në kryemnistri në Tiranë. Kollarja e kryeministrit, të Shqipërisë në të cilin ishte dizenjuar flamuri i ynë kombëtar, por që mbante edhe yllin e verdhë me 5 cepa, iu rivitalizua “kundrejt” ministrit të jashtëm grek , duke e paralelizuar atë “Yll” simbolikisht me kohën e Enver Hoxhës. Përkatësisht, me atë kohë kur Shqipëria socialiste, ishte ai fanari ndriçues, që ja tregonte armqve, përfshirë imperializmin amerikan “Kufrin te Thana” – ” Shqipëria, shkëmb granti – Kufinjët tanë i mbrojmë me gjak(me atë yllin dhe Drapërin e Çekiçin”, do të thoshte sundimtari Enver Hoxha, për 45 vjet.

Por, në 10 vjet “sundimi” Edi Rama, me simbole me veshje e piktura, gjeste dhe fjalime, si në parlament, televizionet, statuset e tij te hedhura çdo ditë në rrjjetet sociale, të cilat janë ”kartolinat” digjitale, ku ai shpesh here me sarkazamt e tij, vë në lojë simbas stilit, që ka mesuar nga partia, stil të cilin e perdor edhe nga “tribuna” e Parlamentit me batuta teksa “pozonë” her si Faik Konica dhe her si Noli , me batutat “thumbusese” të asaj kohe, është “karakteri” dhe “shpirtligësia” e tij.

Dje, në Shkodër, Kryeministri Edi Rama mbasi ia “vodhi” dhe ja “bleu” votat edhe shkodranve, futi në “thesin” e tij, edhe votat aq sa i duheshin edhe të, të presekutuarve, dhe ish të burgosurve politik ,në Shkodër e qarkun e saj( kuptohet edhe duke gjetur edhe ndonjë plak matuf, që ja dha votën si anti-Berishë).

Dhe, në këtë mënyrë ja vodhi gjithë Shkodrës(Shqipërisë), vendit më të presekutuar, dhe më anti komunist, atë të presekutimit 45 vjeçar. Por, tanimë jo duke u treguar si i biri i Kristaq Ramës, nipi i Spiro Kolekës, dhe i qeverisë së bijëve të partisë, por duke i “palluar në rrena e mashtrime”, dhe folur duke i “hëngur” fjalët, me hiprokrizinë e tij, që ka në karakter, për të treguar dhe u mburrur edhe me muzeun e kaluarës komuniste në Shkodër.

Ndërkohë, sot, në 50 vjetorin e Revoltës së Spaçit, kundra diktaturës së Enver Hoxhës, e cila ishte e vetmja dhe unike në botë kundra diktaturës komuniste, në vend që të dilte me një status në llogaritë e tij, në rrjetet sociale, në përkujtim si Kryeministër i Shqipërisë, ai ka publikuar vet një fotografi me një kapote ushtarake të Ushtrisë Popullore, dhe një mikun e tij nga amerika.

Revolta e Spaçit, duhet kujtuar për të mos harruar!

Ngase ajo revoltë dihet se e përbën një pikë kulmore në historinë e qëndresës antikomuniste, të shqiptarve por edhe të lëvizjes për liri e demokraci në Shqipëri, nuk duhet të ndodh që Kryeministri i Shqipërisë, të “zgjedhë” që ta kujtojë “Revoltën e Spaçit” me një simbol tjetër, atë të kapote të ushtrisë popullore, që mban varur në zyrën e tij në Kryeministri. Një kapote kjo jeshile e errët, leshi, qepur dy simbolet e kuq të komunizmit në dy jakat e saj. Pikërisht të asaj kapote që simbolikisht mban rëndë, izolimim e Shqipërisë komuniste, për 45 vjet, dhe Revoltën e Spaçit( 80 të ish të burgosurve politik, që u ridënuan, ndërsa 4 prej tyre u ekzekutuan, katër të pushkatuar Skënder Daja, Pal Zefi, Dervish Peka dhe Hajro Pashai.

Siç dihet për të marrë situatën në kontroll, dhe për të shtypur me dhunë Revoltën e Spaçit, aso kohe ishte ngarkuar zv.Ministri i Brendshëm Feçor Shehu, i cili së bashku me oficerat e minisitrisë së mbrojtjes dhe të ministrisë së punve të(për)brendeshme, ishin të veshur me ato kapota(të gadishmërisë së lart, kjo është thënë simbas deshmitarve – rrefimit të disa ish te burgosurve politik).

Dhe, pikërisht, ndoshta edhe kjo kapotë, që shikojmë sot në ditën e 50 vjetorit të Revoltës së Spaçit edhe në zyrën e kryeministrit, e cila është e ruajtur me kujdes, si një nga ato/ajo “kapota”, me ato dy yjet e kuq të simbolit komunist, si relike e masaj kohe të errët.

Mendojë se nuk është aspak çudi, që mund të jet edhe ky ekzemplar ai që mban në krahun e majtë të “zemëres” kryeministri i Shqipërisë, Edi Ramą, në fotografinë e tịj.

Të cilën Edi Rama e ruan me “besnikëri” në zyrën e tij në Kryeministri, dhe na e proklamon me shumë karshillëk edhe në këtë ditë – në 50 vjetorin e Revoltës së Spaçit, me mikun e shtrenjtë Alex Soros , ku si thotë ai janë takuar pas një darke pune në Tiranë.

Por, Shkodra e simbolit anti komunist, dhe kapota e Ushtrisë Popullore, kańë që të dyja domethënjen e simbolve komuniste dhe qoftë edhe si në konçidencë me datën kur sot përkujtohet “Revolta e Spaçit”, amo si do qoftë ajo tregojnë “babëzinë” e Edi Ramës, negase se i “pangopur” që është ai, mbasi e “shkatërroi” demokracinë në Shqipëri, duke e lënë Shqipërinë pa opozitë, tash e “vodhi” dhe i “bleu” votat Shqiptarve, më 14 maj duke ua “vjedhë” edhe presekutimin e Zojës Shkodër.

Seanca e Posaçme e Komisionit të Kongresit Amerikan për Marrëdhëniet e Jashtme, për Ballkanin

May 19, 2023 by s p

Nga Beqir SINA/

Uashington DC – Përfaqësues të Komisionit për Marrëdhëniet e Jashtme të Kongresit amerikan, drejtuar nga Senatori Bob Menendez, Kryetar i Komisionit të Senatit për Marrëdhëniet me Jashtë, mbajtën sot( të enjten, më 18 maj,) në Uashington një seancë dëgjimore “Vlerësimi i politikës së SHBA-së për Ballkanin Perëndimor”, në ndërtesën e Zyrës së Senatit Dirksen 419.

Në këtë seancë dëgjimore dëshmitarë ishin i nderuari Derek Chollet, Këshilltar i Departamentit të Shtetit të SHBA-së dhe z. Gabriel Escobar, Zëvendës Ndihmës Sekretari i Departamentit të Shtetit Amerikan për Ballkanin Perëndimor, nga Byroja e Çështjeve Evropiane dhe Euroaziatike, në administratën e presidentit Biden.

Në mesin e të ftuarve ishin ata që qëndrojnë pas kuintave, të kësaj senace dëgjimore, dy themeluesit dhe udhëheqësit e lobit të parë dhe të vetëm shqiptar në Uashington, Lidhjes Qytetare Shqiptare Amerikane, me ish Kongresistin republikan të New Yorkut, Joseph J. DioGuardi, president i LQSHA, dhe Shirley Cloyes DioGuardi – Këshilltare për Cështje të Ballkanit.

Senatori demokrat i New Jerseyt, Bob Menendez (D-N.J.), Kryetar i Komitetit të Senatit për Marrëdhëniet me Jashtë, dha sot deklaratën hyrëse në seancën e plotë të Komisionit të sotëm në Seancan e Posaçme e Komisionit të Kongresit Amerikan për Marrëdhëniet e Jashtme : “Vlerësimi i politikës së SHBA-së për Ballkanin Perëndimor”, në ndërtesën e Zyrës së Senatit Dirksen 419”duke pyetur dy dëshmitarët nga qeveria amerikane Derek Chollet, Këshilltar i Departamentit të Shtetit të SHBA-së dhe z. Gabriel Escobar, Zëvendës Ndihmës Sekretari i Departamentit të Shtetit Amerikan për Ballkanin Perëndimor, nga Byroja e Çështjeve Evropiane dhe Euroaziatike, në administratën e presidentit Biden .

Ai në fjalën hyrse të cilën e nisi me Ukraninën duke thënë se Ukraina ka rigjallëruar imperativin për të mbështetur përpjekjet e vendeve evropiane për të bërë reformat dhe angazhimet e nevojshme për t’u bashkuar me Bashkimin Evropian.

“Ne duhet ta shfrytëzojmë këtë moment për të parë se sulme të reja me partnerët me të cilët Rusia ka pasur tradicionalisht ndikim të rëndësishëm politik, ushtarak dhe ekonomik. Për mendimin tim,”tha Menedes, duke pohuar se thelbi i stabilitetit në Ballkanin Perëndimor qëndron tek zgjidhja e konfliktit ndërmjet Kosovës dhe Serbisë.

“Ne kemi nevojë për liderë të përgjegjshëm të gatshëm për të bërë dhe për të mbajtur angazhime të rëndësishme për popullsinë e tyre.” tha ai dhe vazhdojë “Kosova duhet të shfrytëzojë këtë mundësi të angazhimit të rinovuar dhe të punojë me partnerët evropianë për të ecur përpara.”

Megjithatë, theksojë Mennedes, unë personalisht nuk besoj se kemi pjesëmarrës të barabartë që veprojnë me mirëbesim.

“Në shkurt, si pjesë e dialogut në vazhdim të lehtësuar nga Brukseli, Serbia dhe Kosova ranë dakord verbalisht për një marrëveshje të negociuar nga Bashkimi Evropian. Sigurisht që pas kësaj, presidenti serb Vuçiç mbajti një fjalim publik duke mos u pajtuar me përmbajtjen e marrëveshjes dhe duke refuzuar nënshkrimin për shkak se ende nuk e njeh pavarësinë e Kosovës. Kjo është pjesë e një modeli që do të thotë një gjë, që zoti Vuçiç, për të qetësuar liderët perëndimorë dhe një gjë tjetër i thotë popullit serb nëpërmjet mediumit të tij të kontrolluar nga shteti, duke kontrolluar hapësirën e informacionit dhe duke goditur shoqërinë civile.”

Kryetari i Komitetit të Senatit për Marrëdhëniet me Jashtë, po ashtu permendi atë se Presidenti Vuçiç vazhdon të përqafojë narrativat nacionaliste serbe duke përjetësuar vizionin e tij për Sërbinë, një komb i madh serb, ashtu si Putini ka vizionet e Rusisë së madhe.

“Në të vërtetë, presidenti i Serbisë, është mburrur për lidhjet e tij të ngushta personale me Putinin. Ai ka fluturuar në Moskë për bisedime tregtare, ka refuzuar të bashkohet me partnerët evropianë dhe ka vendosur sanksione ndaj Rusisë. Kështu që sot, do të doja të dëgjoja nga dëshmitarët tanë se çfarë plani po shkon përpara.” tha Menedes.

Një nga pikat kryesore të ekspozes së Kryetarit të Komitetit të Senatit për Marrëdhëniet me Jashtë, senatorit Bob Menedes, ishte në atë se përse: presisonin” që po bënë Departamenti i Shtetit ndaj qeverisë së Kosovës, gjë që shumë pak ose aspak nuk po e bënë me Beogradin, presidentin serb Alexander Vuçiç?

“Pjesa më e madhe e asaj që shoh është presion mbi Kosovën për Asociacionin e komunave të caktuara, tha Menendes, duke vazhduar “për të cilin e njoh që Kosova, ka rënë dakord më parë, por më duket se ka pak ose aspak presion mbi Beogradin, as ndonjë plan apo garanci reale që asociacioni i disa komuna nuk do të bëheshin një tjetër skandal republikan, ndërsa duke parë implikimet e rrezikshme të asaj që ne po shohim implikimet e rrezikshme ndoshta si ato të bëra në Bosnje dhe Hercegovinë tani.”

Kryetari i Komitetit të Senatit për Marrëdhëniet me Jashtë, senatori Bob Menendes, pyeti dy zyrtarët e lart të departamentit të shtetit, Chollet dhe Escobar, mbi atë se sa besojnë ata mbi shkrimin investigues të Revistes “New York Times” dhe kredibilitetin e atij investigimi e cila tha ai “pikturoi kohët e fundit një pamje të ashpër të dhunës dhe ndërlidhjes së thellë me bandat e organizuara kriminale të Serbisë, dhe presidentit aktuar Alexander Vuçiç, “Kështu tha që shpresoj se mund të më ndihmoni të kuptoj se cili është mendimi i Departamentit të Shtetit”, tha ai.

Më tej në këtë ekspoze Menendes tha se, do të kërkoja gjithashtu që të flisni sinqerisht, jo vetëm për Kosovën dhe Serbinë si rrugë drejt normalizimit, por edhe për Maqedon e Veriut, Shqipërin dhe Malin e Zi dhe Bosnje Hercegovinën.

“Në Bosnje, shqetësohem se reforma e fundit zgjedhore e Zyrës së Përfaqësuesve të Lartë mund të përforcojë dhe jo të shpërndajë tensionet etnike. Ne duhet të sigurohemi që të drejtat e hebrenjve dhe romëve dhe pakicave të tjera të mbrohen. Sepse ndërkohë që liderët lokalë angazhohen në destabilizimin e rrëmujës për të çuar përpara fuqinë e tyre, Moska ka një punë të gjatë për të shfrytëzuar defektet historike etnike të Ballkanit për përfitimin e saj. Nëse Serbia do të anëtarësohet ndonjëherë, Bashkimi Evropian do të ketë nevojë për alternativa për t’i shpëtuar lidhjes të energjisë nga Putini. Në të vërtetë, një nga mënyrat më të mira për të ndihmuar Ballkanin dhe Evropën Qendrore dhe Jugore për t’u bërë energji e pavarur nga Rusia është të përfitoni nga potenciali i energjisë së pastër të Mesdheut Lindor. Kjo do të thotë mbështetje e vazhdueshme për ndërlidhësit që shkojnë drejt e në Ballkanin Perëndimor dhe ndjekin rrjedhën dhe regjimet e unifikuara rregullatore. Sigurisht, ndërsa ne punojmë me partnerët tanë për t’i larguar ata nga Rusia, ne nuk duam që ata të vrapojnë drejt Kinës, në këtë proces. Shtetet e Bashkuara nuk duhet të zënë vend të dytë këtu. Ky rajon mbetet një kujtesë e ashpër se si mungesa e angazhimit lejon rritjen e tensioneve etno-nacionaliste. Por ne e dimë që kur jemi të “zgjuar nga gjumi”, mund të ndodhin gjëra të mira. Dhe nëse jemi me sy të qartë dhe pragmatikë në qasjen tonë, ne kemi mundësinë të bëjmë përparim të vërtetë në të gjithë Ballkanin Perëndimor.”

Kryetari i Komitetit për Punë të Jashtme të Senatit amerikan, Bob Menendez, tha se në dialogun ndërmjet Kosovës dhe Serbisë, jo të gjitha palët po dialogojnë në mirëbesim.

Senatori amerikan shprehu shqetësimet e tij në lidhje me statutin e Asociacionit të komunave me shumicë serbe.

“Nuk ka garanci që Asociacioni nuk do të bëhet një Republika Sërpska, sikurse në Bosnjë e Hercegovinë”, paralajmëroi Menendez në nisje të kësaj seance të komitetit.

Chollet trondit Vuçiqin, thotë se ka të vërteta në raportimin e New York Times

Këshilltari i lartë i Departamentit amerikan të Shtetit, Derek Chollet, tha se beson që është i vërtetë raportimi Neë York Times e cila e lidh presidentin e Serbisë, Aleksander Vuçiq krim të organizuar.

Chollet gjatë raportimit në Komitetin për Punë të Jashtme të Senatit amerikan, i pyetur për këtë artikull nga senatori Bob Menendez nëse e beson si të vërtetë,

“Po besojmë se është. S’mund të flas për gjëra specifike, po ka shumë korrupsion atje”, tha ai.

I pyetur nga senatori Mendez nëse kjo mund ta bëjë Vuçiqin partnerë të rëndësishëm për ShBA-në, Chollet tha se “kjo është test ndoshta dhe po e bëjë më sy qelur”, duke shtuar se korrupsioni në vendet e Ballkanit Perëndimor është i përhapur dhe se kjo do ta pengojë rrugën drejt integrimit në BE”.

“Vuçiqin po e mbajmë përgjegjës dhe kolegët e tij për korrupsionin për sjelljet që po i bëjnë. Kemi vënë sanksione për shumë njerëz në krejt rajonin dhe e kemi bërë shumë të qartë se korrupsioni është kryesorja që e ndalon integrimin e rajonit në Evropë”, tha Chollet.

Revista javore e gazetës New York Times, ka botuar një artikull të gjatë, ku zbulon lidhje të pretenduara të presidentit serb, Aleksandër Vuçiç me botën e krimit në Serbi.

Escobar: Duam ta shfrytëzojmë Asociacionin për ta zhbërë atë që Serbia po bën me Veriun e Kosovës

Emisari i SHBA-së për Ballkanin Perëndimor, Gabriel Escobar në dëshminë e tij përpara Komitetit për Punë të Jashtme ka folur për shqetësimet e senatorit Bob Mendez rreth Asociacionit.

Escbar ka thënë se qëndrimi i SHBA-së është që Asociacioni është obligim ekzistues i Kosovës që e ka marrë në kuadër të procesit të dialogut të Brukselit.

Ai gjithashtu ka thënë se SHBA e ka përsëritur që janë për një model që nuk shkel rregullat evropiane, Kushtetutën e Kosovës apo që prish funksionalitetin e Kosovës.

“Qëndrimi ynë është që Asociacioni është obligim ligjor ekzistues. E kemi përsëritur që do të ndihmojmë Kosovën për një model që s’është kundër rregullave evropiane apo kundër Kushtetutës së Kosovës apo funksionalitetin”, ka thënë Escobar

Escobar thotë se Asociacionin e shohin si një rrugë përpara ku katër komunat (veriore), apo edhe komuna të tjerë mund të bashkohen për të ofruar shërbime komunale në gjuhën serbe për një pjesë të komunitetit.

Chollet zbulon kushtin e SHBA-së për ta ndihmuar Kosovën me 5-shën mosnjohëse të BE-së

Kryesuesi i Komitetit për Punë të Jashtme, Bob Mendez e ka pyetur këshilltarin special të Antony Blinken rreth problematikës së pesë vendeve të BE-së që vazhdojnë të mos e njohin pavarësinë e Kosovës.

Derek Chollet ka thënë se janë angazhuar në mënyrë aktive lidhur me këtë çështje, derisa ka thënë se angazhimi i SHBA-së do të varet në mënyrë specifike nga arritja e marrëveshjes për normalizim me Serbinë dhe implementimi i saj.

Ai thotë se këtë ia kanë bërë të qartë miqve nga Kosova.

“Kemi qenë në mënyrë të angazhuar për këtë cështje. Dhe e kemi bërë të qartë për miqtë kosovarë që do të vazhdojmë të jemi të angazhuar intensifikisht, vecanërisht nëse do të arrihet arrëveshjen për normalizim, e pajtuar dhe e implementuar”, ka thënë Chollet.

“Ajo sic e shohim ne është, që Asociacioni është një rrugë përpara që katër komunat, apo edhe ndonjë tjetër komunë që dëshiron të bashkohet, që të jenë në gjendje të ofrojnë shërbime komunale në gjuhën serbe për një pjesë të komunitetit”, ka thënë Escobar.

Ai tutje ka thënë se duhan ta shfrytëzojnë Asociacionin për të hequr veriun nga ndikimi i Beogradit dhe nga ajo çfarë Vuçiq po bën sot me këto komuna.

“Duam ta shfrytëzojmë Asociacionin që ta zhbëjmë atë që Serbia po e bën sot me veriun dhe që ta fusim brenda strukturës së Kosovës, që e kontrollon dhe që është nën ligjet e Kosovës”, ka thënë Escobar.

See Insights and Ads

Boost post

Comment

Ministri i Administrimit të Pushtetit Lokal, dhe katër kryetarët të komunave Junik, Shtime, Pejë dhe Gjilan, u pritën në Nju Jork, nga veprimtari Harry Bajraktari

May 2, 2023 by s p

Nga Beqir SINA/

Slideshow : https://youtu.be/D91bC8fuyrg

New York City : Gjatë qendrimit në Nju Jork, në vazhdim të një vizite disa ditore në SHBA, delegacioni nga Kosova, me në krye Elbert Krasniqin, Ministër i Administrimit të Pushtetit Lokal, Gazmend Muhaxheri, Kryetari i Komunës së Pejës, Alban Hyseni, Kryetari i Komunës së Gjilan, Qemajl Aliu, Kryetari i Komunës Shtime, dhe Ruzhdi Shehu, Kryetari i Komunës Junik, bashkë me stafet e tyre politike, zhvilloi një takim në lokalin “Allora” në Manhattan – NYC, me disa pjestar të komunitetit shqiptar, me ftesë të veprimtarit Harry Bajraktari.

Në këtë pritje për nder të mysafirve të nderuar nga Kosova, ishin të ftuar edhe dy përfaqësuesit diplomatik, të, të dy shteteve tona, Kosovës, dhe Shqiprisë, shefi i Misionit të Përherëshm të Shqipërisë, në OKB, Ambasador Ferit Hoxha, dhe Konsulli i Përgjithshëm i Republikës së Kosovës, në SHBA, Ambasador Blerim Reka, z. Mark Gjonaj, Kryetar i KKD-së & njëkohësisht ish-këshilltar i Bashkisë së New York-ut, zoti Haxhi Dauti, Kryetar i Këshillit Shqiptar Amerikan, Vedat Gashi ish kandidat për kongresist, biznesmeni i suksesshem Rustem Geci, dhe veprimtar të tjerë të komunitetit.

Vizita e këtij delegacioni nga pushteti vendor në SHBA, nisi në fillim të javës me takime zyrtare në Uashington, ku Ministri i Administrimit të Pushtetit Lokal, tha se kishte diskutuar për qeverisjen lokale, zhvillimin ekonomik lokal, rezultatet dhe sfidat në transformimin dhe digjitalizimin local në Kosovë.

Në pritjen, që u dha mbrëm në Nju Jork, nga veprimtari i dalluar Harry Bajraktari, u diskutua gjërësisht për veriun e Kosovës, dhe përfundimin e suksesshëm të zgjedhjeve lokale në pjesën veriore të Kosovës. “Zgjedhje, të cilat tha Ministri Krasniqi, u mbajtën konform Kushtetutës dhe ligjeve të Kosovës, ndërkohë, që ato janë në procesin e konstituimit të organeve të reja komunale”.

Po ashtu në pritjen në Nju Jork, me Ministrin e Administrimit të Pushtetit Lokal, dhe katër kryetarët të komunave Junik, Shtime, Pejë dhe Gjilan, u diskutua gjerësisht mbi sfidat me të cilat ballafaqohet Kosova sot, duke u ndalur respektivisht në ikjen e profesionistëve, dhe të rinjëve, punësimin, mënyrën e rritjes së pagave, reformën në drejtësinë, si dhe forcimin e mbrojtejs së shtetit të Kosovës. Gjithashtu, u fol edhe për modelume për investimet e diasporës nga Amerika, si dhe u diskutua pëciptazi edhe për rifillimin e dialogut Prishtinë – Beograd.

Mikëpritësi, i këtij takimi aktivisti i njohur Harry Bajraktari, mbas fjalës së mirëseardhjes shpjegoi rëndësinë e madhe këtyre takimeve, në SHBA, me politikanët dhe udhëheqësit lokal nga Kosova, që vinë në vizita në SHBA, dhe gjejnë rastin të takohen edhe me komunitetin shqiptar, për të diskutuar dhe ngritur më lart, tha ai “nëpërmjet kontributit historik të shqiptarve të Amerikës, forcojmë miqësinë dhe marrëdhëniet mes SHBA,& Shqiperise e Kosoves, rrisim lidhjet me Uashingtonin dhe Nju Jorkun”.

Harry Bajraktari, në cilësinë e mikëpritësit të këtij takimi, faleminderojë përzëmërsisht për prezencën e tyre në këtë pritje, mysafirët e nderuar nga Kosova, si dhe të dy ambasadorët e të dy shteteve tona, Ambasador Blerim Reka, Konsull i Përgjithshëm i Republikës śë Kosovës, dhe Ambasador, Ferit Hoxha shefi i Misionit të Përherëshëm të Shqipërisë në OKB.

Ai tha : “Diplomatët tanë janë ata që po e përfaqësojnë denjësisht diplomacinë tonë në Nju Jork, dhe Uashington, madje, tha Bajraktari, Ambasadori Hoxha, në Këshillin e Sigurimit ka përfaqësuar edhe Kosovën, njësojë sikur Kosova do të kishte qenë anëtare e Këshillit të Sigurimit”.

Zoti Bajraktari, në vazhdim të fjalës së tij preku me shumë shqetësim fenomenin e largimit të shqiptarve, nga Kosova dhe Shqipëria, trevat shqiptare, të cilat tha ai është kthyer në një trend të “hidhët”, që duhet punuar nga të dy shtetet tona, qeveritë e Prishtinës dhe Tiranës, që të ndalet ky trend emigrimi I mërgatës.

“Megjithse, Kosova sot nuk ka qenë ndonjëher më mirë, tha Bajraktari, por mendoj unë tha ai, ajo (qeveria Kurti), duhet të punojë më shumë për t’i dhënë më shumë qytetarëve të saj mirëqënje, barazi ligjore, të zhvillojë ekonominë dhe rrisi punësimin dinjitoz të kosovarve. T’ju krijojë atyre një jetë më të sigurt për të ardhmen e familjeve dhe fëmijve të tyre, që ata të mos e lëshojnë më Kosovën.”

Duke folur për rolin dhe kontributin e diasporës, për vendorigjinën e tyre, Kryetari i Këshillit Kombëtar të Diasporës, z. Mark Gjonaj, tha se dihet se ai është historik.

“Vendorigjina jonë e ka nderuar këtë diasporë për gjithçka që ajo ka bërë në të mirë të vendit të tyre, dhe diaspora ja ka kthyer me kontributin e saj. Por, sot kjo diaspor është koha që diaspora ka aq shumë nevojë për vendorigjinën e saj, aqsa ka nevojë edhe vedlindja e tyre për diasporën”, tha ai.

Gjonaj, u shpreh po ashtu se :“ Diaspora, është diçka e shenjët, ajo është që nuk njeh kufinjët shqiptaro-shqiptar, sepse, në se ndahemi mes njëritjetrit, simbas shteteve, krahinave, bindjeve tona, përkatësive, at’here theksojë Kryetari i Këshillit Kombëtar të Diasporës, z. Mark Gjonaj, është shumë e dëmshme për diasporën, por, edhe Shqipërinë, Kosovën dhe trojet shqiptare.”

Z.Elbert Krasniqi, Ministër i Administrimit të Pushtetit Lokal në fjalën e tij foli për sfidat me të cilat është duke u ballafaquar Kosova, ndërsa tregoi sukseset e shtetit të Kosovës dhe bëri thirrje për investime të diasporës për zhvillimin e Kosovës.

“Sigurisht, që Kosova sot ka shumë sfida,” tha ai, duke përmendur se një prej atyre sfidave që po merr një kohë të kosiderueshme, është dialogu mes Prishtinës dhe Beogradit: “Jemi të ndërgjegjëshëm dhe në një moment vendimtar “ose ne e kemi “fajë”, ose ne jemi në rrugë të drejtë. Unë si ministër i kësaj qêverie me besimin më të plot te Kryeministri Kurti, mund të them se ai është në rrugë të drejtë, duke vepruar edhe në harmoni edhe me miqt tanë.”

Ministri i Administrimit të Pushtetit Lokal, foli edhe për interesin e qytetarvë të Republikës së Kosovës, duke e pranuar se veriu I saj është në një situatë krejt tjetër.

“Atje në pjesën veriore sapo i përfunduam suksesshëm zgjedhjet lokale të cilat u mbajtën konform Kushtetutës dhe ligjeve të Kosovës, si dhe është duke u zhvilluar procesi I konstituimit të organeve të reja komunale. Sigurisht, që ne i fituam zgjedhjet, fituam katër kryetar duke treguar se ne si qeveri dhe si shtet tani mundë të tregojmë, që ne nuk shantazhohemi as nga Beogradi, por as edhe nga organet ilagale që veprojnë në veri, ku çdo qytetar duhet të jetë për të respektuar Kushtetutën dhe ligjet e Republikës së Kosovës”.

Ndërsa, duke folur për pushtetin lokal të cilin ai e drejton në kabinetin e qeverisë Kurti, Ministri Krasniqi, nënvizojë se për ti çuar përpara disa procese shumë të rëndësishme, në komunat e Kosovës, duhet të jemi koshijent se Kryetari është figura kryesore, ku qytetarët mund të drejtohen, ngase Kryeministri nuk mundet të takohet çdo ditë.

Mirëpo, sidoqoft këto ditë do të fillojë një proces i ri i dialogue, ku ne si ministri shpresojmë se do të jet një proces i mirëkordinuar per të marr vendime, gjithmon në interes të qytetarve dhe stabilitetit të Kosovës. “Unë mendojë, tha ai se Kryetarët e komunave kan gjithmon të drejt, sepse janë ata që përfaqësojnë një numër të konsiderueshëm të qytetarëve, ata janë shqetësimet e hallet e qytetarëve.”

Ministri foli edhe për regjistrimin i cili pritet të fillojë në shtator.

:”Pasi të përfundojmë censuesin, që është planifikuar për në shtator do të fillojmë edhe një finalizim të programeve. Por së parit duhet me ditë sa qytetar janë dhe si jan të ndarë në bazë komunash, dhe në bazë të këtyre rezultateve të këtij censusi, Ministria e Administrimit të Pushtetit Lokal, të cilën unë e drejtojë do të planifikojë edhe decentralizmin financiar dhe mbështetjen e tyre financiare”.

Z.Gazmend Muhaxheri Kryetari i Komunës së Pejës, foli për mbështetjen financiare që pritet të jepet nga qeveria.

Ai foli në mënyrë eskluzive për çështjet e infrastrukturës, në komunën e Pejës, sepse tha kryetari Muhaxheri, “Nëse pushteti qëndror e “zgjidh kuletën” me buxhetin e saj për komunat, atëhere sigurisht që do të kemi edhe më shumë zhvillimin e saj dhe Komunës, tonë, që do të thotë të kemi lëvizje më të madhe të njerëzve dhe bizneseve në mes fqinjëve tanë, sidomos ato me Malin e zi, me të cilin ne si komunë kemi lidhje të drejtpërdrejt infrastukturore. Prandaj, tha ai ne duhet të krijojmë mundësi që në të ardhmen dhe të fokusohemi edhe më shumë drejt fuqizimit të zhvillimit ekonomik, të komunave, punësimin e mirëqenjen, rritjen e pagave për të minimizuar edhe atë plagën e “pashërueshme” të ikjes nga vendi i tyre, të qytetarve tanë, në emigrim”.

Ndërsa,z.Alban Hyseni Kryetari i Komunës së Gjilanit, deklaroi se e kaluara duhet t’í hapë rrugën së ardhmes së Kosovës, e jo të bëhet ajo pengesë e së ardhmes.

Z.Qemajl Aliu Kryetari i Komunës Shtime, foli moi mënyrat sesi mund të “shërohen” plagët e dhimbëshme të largimit të qytetarëve nga Kosova, duke marrë si shembull e profesionin e tij të doktori, më të sëmurin, ” duke e filluar gjithçka nga zanafilla tha ai e jo nga plaga”.

Z. Ruzhdi Shehu, Kryetari i Komunës Junik, mori se shembull të “artë” kontributin e disaporës, shqiptare në Amerikë, sidomos me lobimin dhe investimet në Kosovë, dhe veçojë investimet e Harri Bajraktarit e Rustem Gecit.

Ai theksoi se bashkëpunimi me lobistët e shquar, aktivistët dhe organizatat patriotike në mërgatës këtu në SHBA, është i domosdoshëm dhe primar , sidomos në komunat tona që kemi nja pjes të mirë të mërgimtarve nëpër botë: “ Qeveria e Kosovës duhet të punojë më shumë që të rritet fuqia dhe mbështetja e mërgatës në dobi të çështjes së Kosovës, dhe mirëqënies së popullit në Kosovës” tha ai.

Në diskutime u përfshinë, edhe shefi i Misionit të Përherëshm të Shqipërisë, në OKB, Ambasador Ferit Hoxha, Konsulli i Përgjithshëm i Republikës së Kosovës, në SHBA, Ambasador Blerim Reka, zoti Haxhi Dauti, Kryetar i Këshillit Shqiptar Amerikan, biznesmeni i suksesshem Rustem Geci, politikani Vedat Gashi dhe veprimtar të tjerë të komunitetit.

Një libër i ri për lirinë, shpresën dhe të ardhmen, Beqir Sina sjell “Rob – Një biografi për dy kohë”

March 2, 2023 by s p

Një libër i ri për lirinë, shpresën dhe të ardhmen, Beqir Sina sjell “Rob – Një biografi për dy kohë” – Fedatata Pan-Shqiptare e Amerikës VATRA të promovojë më 5 Mars ora 2 pm në Royal Regency Hotel – Yonkers NY 165 Tuckahoe Rd 10710- librin e Gazetarit Beqir Sina “Rob – Një biografi për dy kohë”, me parathënie të Ilir Ikonomit , redaktor Ilirjan Agolli .Libri prej më shumë se 400 faqesh, botim i “Tirana Times”, paraqet jetën e autorit nën komunizëm dhe lirinë që ai gjeti në Amerikë.Autori lindi në internim, në Savër të Lushnjes në vitin 1957 dhe fati i tij ishte i vulosur që nga ai çast. Në mënyrë sureale, pa lindur mirë, atij i ishin mohuar të gjitha të drejtat njerëzore dhe duhej që jetën ta kalonte në mjerim.Autori Sina përshkruan brutalitetin e regjimit, por këtë e jep në një formë të re. Ai sjell një rrëfim të pa sforcuar, flet me vetpërmbajtje dhe me të njëjtin durim që ai dhe familja e tij treguan në vitet e gjata të vuajtjeve në Savër.