Harry Bajraktari/

Falënderoj pjesëtarët e komunitetit shqiptaro-amerikan që morën pjesë në ceremoninë e ngushëllimeve në nder të Kongresmenit Eliot Engel, organizuar dje nga Konsullata e Përgjithshme e Republikës së Kosovës në New York dhe unë, Harry Bajraktari.

Një falënderim i veçantë për bashkëshorten e Kongresmenit Engel, zonjën Pat Engel, për vajzën Julia Engel, si dhe për mikun dhe bashkëpunëtorin e tij të afërt, John F. Calvelli, të cilët na nderuan me praninë e tyre në këtë organizim.

E falënderoj Ambasadorin Blerim Reka dhe stafin e Konsullatës që hapën dyert e shtëpisë së Kosovës në New York në nder të Kongersmenit Engel. Pjesëmarrësit ndanë me ne rrëfime të ndryshme se si Kongresmeni Engel ka lënë gjurmë në jetët e tyre. Ishte emocionuese të dëgjohesh të gjitha ato histori që dëshmojnë lidhjen e fortë të Kongresmenit Engel me shqiptarët dhe respektin që ai gëzon në komunitetin tonë në Amerikë.

Që nga viti 1989, kur Eliot Engel nisi karrierën në Kongresin Amerikan, e deri në fundin e angazhimit të tij publik, ai hapi jo vetëm dyert e zyrës së tij për shqiptarët, por edhe zemrën e tij.

Brez pas brezi do të kujtojmë kontributin e tij të jashtëzakonshëm për çështjen shqiptare dhe për Kosovën në veçanti. Historia do të ruajë kujtimet e vitit 1998, kur, në kulmin e represionit serb kundër popullit tonë, ai, së bashku me Kongresisten Sue Kelly, u nis drejt Kosovës, por u ndalua nga forcat e kasapit të Ballkanit, Sllobodan Millosheviqit.

Nga kufiri me Maqedoninë, para gazetarëve, ai dha një mesazh të fuqishëm:

“Ta dini mirë: sot Millosheviqi po na ndalon të hyjmë në Kosovë. Por shumë shpejt, Kosova do të jetë e lirë dhe e pavarur dhe ne do të jemi ata që nuk do ta lejojmë Millosheviqin të hyjë në Kosovë.”

Dhe ashtu ndodhi.

Një vit më vonë, Kosova u çlirua. Dhe Millosheviqi nuk shkeli më kurrë në Kosovë.

Populli shqiptar do të jetë përherë mirënjohës ndaj veprës së tij. Falë angazhimit të vazhdueshëm të Kongresmenit Engel dhe miqve tanë në Washington, populli shqiptar sot jeton i lirë në tokën e tij

Zoti e bekoftë popullin amerikan.

Zoti e bekoftë popullin shqiptar.

: Fotografitë janë realizuar nga Dritan Haxhia

Nga Frank Shkreli/

  (Konsullata e Përgjithshme e Republikës së Kosovës në Nju Jork dhe verpimtari shqiptaro-amerikan, Harry Bajraktari organizuan pritje ngushëllimi ditëgel, i cili ndërroi jetë një javë më parë.  Me këtë rast përgatita disa fjalë në shqip dhe anglisht, në përkujtim të mikut të madh të shqiptarëve

                                                   ———————

Të dashur familjarë, miq dhe bashkëpunëtorë të mikut tone Eliot Engel —

Mblidhemi me dhimbje dhe respekt për të kujtuar jetën dhe veprën e Kongresmenit Eliot Engel–një figurë e shquar e jetës publike amerikane, por për ne shqiptarët, mbi të gjitha, një mik i çmuar dhe i sinqert.

Për dekada me radhë, Eliot Engel i shërbeu popullit amerikan me përkushtim të rrallë. Por përtej angazhimeve të tij të shumta politike, ai gjeti gjithmonë kohë dhe vullnet për të dëgjuar dhe për të mbështetur komunitetin shqiptaro-amerikan — një komunitet që tek Eliot Engel, pa jo vetëm një përfaqësues, por një aleat të vërtetë.

Falënderojmë Zotin, gjithashtu, që nga dita e parë, në vitin 1989, kur Harry Bajraktari, për herë të parë, trokiti në derën e zyrës së Kongresmenit të ri Eliot Engel për t’i folur për vuajtjet e popullit të Kosovës, ai hapi jo vetëm zyrën, por edhe zemrën e tij për popullin shqiptar.

Në momentet më të errëta të historisë sonë të afërt, gjatë luftës në Kosovë, kur populli i Kosovës përballej me dhunë, spastrime etnike dhe padrejtësi, zëri i Eliot Engel u ngrit fuqishëm në mbrojtje të së drejtës dhe dinjitetit njerëzor. Ai nuk qëndroi indiferent përballë vuajtjes – por ai veproi, duke ndihmuar që çështja e Kosovës të dëgjohej dhe të mbështetej në arenën ndërkombëtare.

Në një nivel personal, humbja e Eliot Engel është humbja e një miku të dashur. Ai ishte një njeri që dëgjonte me kujdes, që kuptonte thellë dhe që vepronte me guxim. Ai kurrë nuk kërkoi njohje as lëvdata për veten e tij — por historia me siguri do t’i japë vendin që meriton.  Ai besonte në një botë ku liria dhe dinjiteti njerëzor nuk janë kurrë të negociueshme. Dhe për këtë arsye, ai do të mbetet përgjithmonë në kujtesën e shqiptarëve si një nga miqtë e tyre më të mëdhenj – një mbrojtës i lirisë, të drejtave dhe identitetit të tyre kombëtar.

Ky angazhim nuk ishte i përkohshëm. Ai vazhdoi edhe pas luftës, duke mbështetur paqën, stabilitetin dhe ndërtimin e një të ardhmeje më të mirë për Kosovën dhe për rajonin. Për këtë, Eliot Engel fitoi, jo vetëm respektin, por edhe mirënjohjen e përjetshme të një populli të tërë.

Megjithatë, trashëgimia e tij nuk matet vetëm me vendime politike apo me poste të larta. Ajo matet me ndikimin njerëzor–me mënyrën se si ai i trajtoi të tjerët, me sinqeritetin e tij dhe me gatishmërinë për të qëndruar pranë atyre që kishin nevojë për një zë.

Për komunitetin tonë, ai do të mbetet gjithmonë një simbol i miqësisë së vërtetë dhe i solidaritetit në kohë sfidash.

Sot, ndërsa e kujtojmë me respekt dhe mirënjohje, ne themi: Faleminderit shumë Eliot Engel!

Faleminderit për guximin tuaj!

Faleminderit për përkushtimin tuaj!

Faleminderit për miqësinë tuaj!

I përjetshëm qoftë kujtimi i Eliot Engel — ndërsa urojmë që bashkpunimi i tij me aktivistin shqiptaro-amerikan Harry Bajraktarin dhe me komunitetin shqiptaro-amerikan — të mbetet si një shembull dhe një udhërrëfyes për brezat që vijnë.

Frank Shkreli

           ============================================

ELIOT ENGEL – A True Friend of Albanians and a Voice for Justice in Kosova – by Frank Shkreli

Dear family members, friends, and colleagues — We gather with sorrow and deep respect to honor the life and legacy of Eliot Engel–a distinguished figure in American public life, but for Albanians everywhere, above all, a trusted and cherished friend.  For decades, Eliot Engel served the American people with unwavering dedication. Yet, beyond his many political responsibilities, he always made time to listen to and support the Albanian American community—a community that found in him not just a representative, but a genuine ally.

We also thank God that from the very first day, in 1989, when Harry Bajraktari knocked on the door of the new Congressman Eliot Engel’s office to talk to him about the sufferings of the people of Kosova, he opened not only his office, but also his heart to the Albanian people of Kosova.

In the darkest chapter of our recent history, during the Kosova War, when the people of Kosova faced violence, displacement, and injustice, Eliot Engel raised his voice with clarity and conviction. He did not remain indifferent in the face of suffering–he acted, helping bring the cause of Kosova to the attention of official Washington and of the world, and supporting efforts for freedom and human dignity.

On a personal level, the loss of Eliot Engel is the loss of a dear friend. He was a man who listened carefully, who understood deeply, and who acted with courage. He never sought recognition for himself — but history will surely grant him the place he deserves.

He believed in a world where freedom and human dignity are never negotiable. And for that reason, he will forever remain in the memory of our community here and of the Albanians in general, as one of their greatest friends: a defender of their freedom, their rights and national identity.

His commitment did not end with the war. He continued to advocate for peace, stability, and a better future for Kosovo and the broader region. For this, he earned not only respect, but the enduring gratitude of an entire people.

Yet his legacy extends beyond policy and public office. It lives today in the human connections he built– in his sincerity, his integrity, and his willingness to stand with others, even when their struggles were far from his own.

For our community, he will always remain a symbol of true friendship and solidarity in times of need.

Today, as we remember Congressman Eliot Engel with gratitude and respect, we simply say: Thank you!

Thank you for your courage.

Thank you for your commitment.

Thank you for your friendship.

May the memory of Eliot Engel be eternal, and may his example continue to guide future generations.

Keze Kozeta Zylo/

Hajro Ceka një superstar i këngës u vlerësua me Pllakën e Mirënjohjes nga Bordi i TV dhe Shkollave Shqipe “Alba Life” Ambasador i Kombit.

Mjeshtër i Këngës, Hajro Ceka vizitoi Shkollën Shqipe “Alba Life” Ambasador i Kombit në Brooklyn në një nga shkollat e shumta të saj, rrjetit më të madh të Shkollave Shqipe në Diasporë. Vizita e një këngëtari në mjediset e shkollës shqipe në New York ishte një ngjarje e veçantë dhe e paharrueshme për nxënësit, mësuesit dhe prindërit. Kjo ditë solli emocione të mëdha dhe një atmosferë festive, duke bashkuar të gjithë nxënësit rreth dashurisë për muzikën dhe kulturën shqiptare.

Këngëtari u prit përzemërsisht nga z. Qemal Zylo themelues dhe drejtues i Shkollave Shqipe si dhe mësueset profesioniste Fatlinda Bajçinca Gashi dhe Rozeta Daçi Hyseni. Ai u mirëprit me duartrokitje të ngrohta dhe me shumë entuziazëm nga nxënësit, të cilët kënduan bashkë me të si: “Xhamadani Vija-Vija” etj. Kjo krijoi një lidhje të veçantë mes artistit dhe fëmijëve, duke i frymëzuar ata të ndjekin ëndrrat e tyre.

Gjatë vizitës, këngëtari ndau me nxënësit përvojat e tij në rrugën drejt suksesit, duke theksuar rëndësinë e punës së palodhur, përkushtimit dhe besimit në vetvete. P.sh. kur ai pyeti një nxënëse të talentuar si Ikbalen tek grupi i më të rriturve se sa vjeçe je? – Unë tha ajo jam 12 vjeçe. -Në moshën tënde kam ardhur në Amerikë iu përgjigj artisti, por Gjuhën Shqipe s’e kam harruar kurrë dhe jam munduar ta transmetoj atë tek fëmijët e mi. Mësojeni mirë Gjuhën Shqipe, pasi ju është dhënë një mundësi e artë nga Alba Life në këto mjedise të mrekullueshme. Unë e njoh mirë përkushtimin e themeluesit që në fillimet e krijimit të saj dhe sot prek suksesin, pasi kjo shkollë është hapur në gjithë Nju Jorkun dhe Online. Sot konkretisht iu përgjigj Qemali ndërkohë që jemi këtu në Brooklyn, vazhdojnë mësimin në të njëjtin orar në Staten Island, Queens dhe Albany.

Kjo vizitë nuk ishte vetëm një aktivitet i radhës, por edhe një mundësi e vlefshme edukative për nxënësit. Vizita i ndihmoi ata të ndihen më të lidhur me kulturën dhe identitetin e tyre, duke i motivuar të ruajnë dhe të promovojnë gjuhën dhe traditat shqiptare edhe larg atdheut. Z. Qemal Zylo në emër të Bordit të Alba Life e vlerësoi artistin e shquar Hajro Ceka me Pllakën e Mirënjohjes me këtë motivacion: “Televizioni dhe Shkollat Shqipe “Alba Life”, New York, Ambasador i Kombit i jep Çmimin e mirënjohjes Zotit Hajro Ceka Superstar i Këngës Shqipe, për kontributin e tij shumë të çmuar dhe profesional në Shkollat Shqipe, në Diasporë dhe në Atdhe. Kjo pllakë e mirënjohjes jepet në mbrëmjen gala, me rastin e 7-8 Marsit në nderim të mësueseve dhe të grave shqiptare organizuar nga TV dhe Shkollat Shqipe “Alba Life”

15 Mars, 2026, New York

Qemal Zylo

Themelues dhe drejtori i TV dhe Shkollave Shqipe, New York

Ky vlerësim u mirëprit me duartrokitje dhe shumë nxënës donin të bënin fotografi me artistin e shquar.

Ardhja e tij mbetet një kujtim i bukur dhe një përvojë frymëzuese për të gjithë nxënësit dhe mësuesit. Ai dëshmoi se arti dhe kultura kanë fuqinë të bashkojnë njerëzit dhe të krijojnë momente të paharrueshme.

Ne restorantin Si N’Shtepi

Rrënjët në Diasporë

Pas mbarimit të mësimit shqip, Z. Ceka na ftoi të darkonim së bashku me mësueset në restorantin shqiptar “Si n’shtëpi” me pronar shqiptar nga Kosova. Është kënaqësi gjithmonë të përzgjedhim restorante shqiptare dhe t’i çmojmë për sakrificat e tyre dhe suksesin.

Bisedat ishin të këndshme plot me vlerë. Ai u shpreh se i kishte bërë shumë përshtypje konfidenca e fëmijëve në të shprehur, takimi i tyre pa ndrojtje. Ja ç’do të thotë kur fëmijët vijnë në shkollën shqipe “Alba Life” dhe ata mësojnë jo vetëm shqip, por shoqërizimin me njëri-tjetrin, daljen në skenë, lidhjet me rrënjët, komunikimin më të ngrohtë me gjyshërit dhe të afërmit në Mëmëdhe. Ai solli përvojën e tij, luftën për Gjuhën Shqipe në Mal të Zi dhe punën e madhe të prindërve të tij për të na mësuar shqip.

Mësuese Fatlinda Gashi pasi e vlerësoi ardhjen e tij në shkollë tha se unë bashkë me familjen time vinim shpesh në Ulqin, Vuthaj etj. Xhaxhai im Prof. Isa Bajçnica profesori i dalluar i gjuhës ne Universitet dhe ish pjesëmarrës në Kongresin e Drejtshkrimit në Tiranë më 1972 dhe një nga themeluesit e Universitetit të Prishtinës na shoqëronte familjarisht gjithmonë për në Ulqin, Tivar, Vuthaj, etj na mësonte të këndonim së bashku në restorant si “Shqipëri o nëna ime”. Zërat tanë përhapeshin si jehonë ndaj dhe takimi me ju sot më solli nostalgji, lot në sy dhe mall që nuk rrëfehet dot me fjalë. Shtoj këtu se Hajro Ceka është shqiptar i Malit të Zi. Ne në Kosovë kemi vuajtur shumë vazhdoi mësuese Fatlinda! Kurre nuk e harroj kur si studente në demonstrata policia serbe përdori kërbaçin, apo mbylljen e shkollave dhe ne përdornim shtëpitë tona fshehtas për të mësuar shqip. Sa u gëzova kur mora vesh, që Alba Life kishte shkollë në Brooklyn, ndonëse vonë, por menjëherë regjistrova vajzën dhe si prind jam shumë e lumtur.

Mësuese Roza Hyseni tha se Alba Life është një mundësi e mirë për të mësuar shqip dhe ne duhet të punojmë fort për ta zgjeruar më tej. Mësuese Roza e ka çmuar së tepërmi përkrahjen që i ka dhënë Alba Life si dhe kontaktin direkt për të dhënë mësim dhe për të qenë pranë nxënësve. Ceka u shpreh se gjuha shqipe në Diasporë përbën një nga shtyllat më të rëndësishme të ruajtjes së identitetit kombëtar. Për shqiptarët që jetojnë jashtë atdheut, gjuha nuk është vetëm një mjet komunikimi, por edhe një lidhje e fortë me kulturën, historinë dhe traditat e tyre.

Këto shkolla luajnë një rol të pazëvendësueshëm në edukimin e brezave të rinj, duke u dhënë atyre mundësinë të flasin, të shkruajnë dhe të lexojnë shqip.

Megjithatë, ruajtja e gjuhës shqipe në diasporë përballet me sfida të shumta. Fëmijët shpesh rriten në një mjedis ku dominojnë gjuhët e huaja, dhe përdorimi i shqipes mund të zvogëlohet me kalimin e kohës.

Aktivitetet kulturore, si festat tradicionale, koncertet dhe organizimet komunitare, që keni organizuar janë gjithashtu një mënyrë efektive për ta mbajtur gjallë gjuhën shqipe. Përmes këtyre aktiviteteve, fëmijët jo vetëm që mësojnë gjuhën, por edhe ndihen krenarë për prejardhjen e tyre.

Suprizë e bukur ishte dhe takimi me dy efektivë të policisë së shtetit amerikan me pozicione të larta në hierarkinë e tyre. Njëri prej tyre u shpreh se duke qenë miq të Hajros me duhet të mësojmë shqip, pse jo mund të regjistrohemi tek Alba Life. Me shumë kënaqësi iu përgjigjën të dyja mësueset duke iu thënë se jeni të mirëpritur në çdo kohë.

Qemal Zylo tha se Hajro Ceka bashkë me grupin muzikor dhe DJ Ceka ka qenë vazhdimisht në aktivitetet e Alba Life dhe gjithmonë ka suportuar me profesionalizëm dhe plot dashuri. Artisti i shquar me zërin e tij magjik ka ndezur atmosferën nëpër koncerte, aktivitete madhështore, dasma shumë elegante, përvjetore, ditëlindje dhe këto si në Diasporë dhe në Mëmëdhe. Ai ka bërë që publiku të çohet në këmbë me zërin e tij shpërthyes.

Hajro Ceka është këngëtar shumë i njohur. Ka publikuar mjaft videoklipe dhe ja disa prej tyre si: “Jam shqiptar”, “Të kaloj afati”, “Ah bre zemër”, “Falë falë ti këtë zemër”, etj.

Krenar që Shkollat Shqipe “Alba Life” e kanë festuar për 19 vjet Ditën e Shenjtë të Mësuesit, nëpër klasa, shkolla, nëpër New York dhe kanë nderuar të gjitha mësueset dhe mësimdhënëset në këtë datë si dhe artistët tejet dashamirës të shkollave tona.

Ishte një darkë me një artist superstar, bisedat ishin të thella dhe interesante. Ato përfshinë tema si arti, muzika, jeta, sfidat dhe rruga drejt suksesit. Artisti ndau histori personale, momente frymëzimi dhe përvoja që kanë ndikuar në krijimtarinë e tij. Kjo e bëri mbrëmjen jo vetëm argëtuese, por edhe shumë edukative.

Për më tepër, të darkosh me një artist mund të jetë edhe një burim motivimi. Të dëgjosh për përkushtimin dhe pasionin e tij mund të frymëzojë të tjerët të ndjekin ëndrrat e tyre dhe të mos dorëzohen përballë vështirësive. Vizita e një artisti është më shumë se një takim social, është një përvojë që pasuron shpirtin, zgjeron horizontin, lë mbresa të paharrueshme sidomos kur repertori i këngëve ka tekste që bashkojnë Kombin si me artistin e madh Hajro Ceka.

Eliot Engel, in memoriam…