Ekonomi – Page 153 – Dielli

ARRIJNË DËRGESAT E PARA PËR KONKURSIN E GAZETËS “DIELLI

January 8, 2019 by dgreca

Njoftojmë lexuesit e Diellit se kanë nisë prurjet e para për Konkursin e hapur nga Gazeta “Dielli” me rastin e 110 vjetorit të saj. Konkuruesit e deritanishëm janë nga SHBA, Kosovë, Suedi dhe Itali. Ndërkohë është përcaktuar edhe Juria e Konkursit, e cila përbëhet nga gazetarë dhe studiues të njohur. Po ripublikojmë edhe një herë tekstin e shpalljes së KONKURSIT.

1 a Mbahu neno ok.JPG

GAZETA”DIELLI” SHPALL KONKURS ME RASTIN E 110 VJETORIT

Nju Jork, 29 Dhjetor 2018 – Viti 2019 përkon me 110 vjetorin e daljes të numrit të parë të Gazetës Dielli. Si gazetë e shoqërisë Besa-Besën numri i parë i gazetës doli në Boston me 15 Shkurt 1909 me editor Fan S. Noli dhe menaxher Geroge Konda(Gjonleka). Nga tetori i vitit 1909, Editor u bë Faik Konica. Pronare dhe themelonjëse e gazetës ishte Shoqata Besa-Besën, e cila qe krijuar që me 6 Janar 1907, duke patur si zyrtarë: Fan S. Noli-Kryetar; Goni Katundi-nën/Kryetar; Nini Fani Katundi-Sekretar; dhe anëtarë-(Pleq): John Gjoka, Mihal Panajot Katundi, Lazo Kozma, Nisi Konomi, dhe Lambi Josif. Dielli, që zëvendësoi “Kombin” e Sotir Pecit,që u mbyll me 10 Janar 1909, ishte gazetë javore dhe e para e përditshme shqiptare më 1914 me Kostë Cekrezin Editor. Në mbledhjen themeluese të Federatës Panshqiptare të Amerikës”VATRA” me 28 Prill 1912, gazeta Dielli u bë pronë e saj me editor Kristo Floqin dhe menaxher Kristo Kirkën. Në Kuvendin e parë të Vatrës pas themelimit të 14 Korrikut 1912, Editor u bë sërish Faik Konica, i cili kishte dhe postin e sekretarit të Përgjithshëm të Vatrës.

Federata Panshqiptare e Amerikës VATRA do ta festojë 110 vjetorin e Gazetës me një sërë veprimtarish, që do të bëhen të njohura në ditët në vijim. Gazeta në përkujtim të këtij përvjetori , dhe në nderim të Editorëve të saj për 110 vite, shpall Konkursin për gazetarë e studiues.

Preferohen libra të rinj, që janë botuar gjatë vitit 2018 dhe përgjatë vitit 2019(deri me 31 mars 2019); esse(shqip dhe anglisht), artikuj studimorë, Kritikë letrare, analiza, portrete, Dossier, Fejtone, kushtuar Vatrës, gazetës Dielli dhe editorëve të saj ndër vite. Cmimet do të mbajën emrat e editorëve më të shquar të Diellit.

Konkursi mbyllet me 31 Mars 2019. Fituesit do të shpallen me 6 Prill.

Së shpejti do të publikojmë edhe Jurinë, e cila tashmë është e përcaktuar dhe anëtarë të saj ajnë gazetarë.

Adresa ku dërgohen materialet: Email: gazetadielli@gmail.com

Adresa e Postimit:

VATRA

2437 Southern BLVD

Bronx, NY 10458

USA

Kumti i dheut, përpjekjet e arbdheut dhe mos heshtja pranë sfidave kombëtare

January 3, 2019 by dgreca

Gjakova 5

Nga Nue Oroshi/Gjermani/

Dhënja e kumtit të dheut, përpjekjet e trollit të arbdheut për të mos e lënë heshtjen që t’i mbytë ecjakjët përpara për ta gjetur rrugën pranë panteonit të mbarë dhe të mrekullushëm duke lënë anash botën e qudirave, shpeshëherë lënë anësh rrugën shekullore të ngjitjes së shkallëve me kujdes.Shpeshëherë kumti i dheut pranë tokës së arbdheut përzihet me shtresat e betonuara dhe të ngjyrosura,të kokës së politikanëve që krijojnë mure të pa imagjinuara dhe që nuk ju thehen dot pa ju thyer kockat e kokës së tyre.Ngjyrimet politike dhe sarkazmat satanike për ta parë botën si kurë në pasqyrën diellore,pa e futur mendjën dhe trurin ne veprim,i japin shoqërisë tonë një theqafje e cila për tu korigjuar duhet kohë dhe veprim konkret.Të krijuarit e një imagjinate përmes një sarkofagu që do ta zavendsonte trupin e shendoshë me ecjakjet e rendomta bije shpeshëherë ndeshë me rrugën e krijimit dhe të veprimit shekullor.Politika si artë i së mundurës shpeshëherë përzihet me hezitimet për ta parë atë si kapërcim i ngjyrave të ylberit dikund thellë në mbrendësinë e prarimitë të diellit pa i parë edhe skuqjen e atyre shenjave që do të lanë në botën që jetojmë dhe pa u kujdesur për gjurmët e mbetura pranë panteonit njerëzor.Ta shkëputësh fijen e borës dhe ta gjesh fijen e lamshit nuk është njësoj.Bota ka shumë sfida ndërkohë që ne shqiptarët këto sfida gjithmonë i patëm dhe i kemi të dyfishuara.E para sfidë është se shpeshë herë gjatë ngjarjeve dhe proceseve historike na kryqëzuan dhe na betonizuan rrugën e ecjes përpara të tjerët që e patëm fatin e keq te rrethohemi dhe të pushtohemi nga dy llojë dhe dy soje të popujve me një gjen dhe kulturë primitive siç janë serbët dhe turqit.Ndërsa nga ana tjetër shpeshëherë gjatë tërë historisë i kemi krijuar edhe sfidë vetvetesë duke mos diturë se si te mbrohemi nga sulmet e fqinjeve tanë dhe pushtusve të ndryshëm dhe shumë herë kemi ra në tradhëtira të thella e sidomos elita politike e cila në vendë që ta ndjekte rrugën e arber dheut e ndiqte rrugën e pushtusve te atdheut,duke u bërë krahë për krahë me pushtuesin për ta vrarë dhe luftuarë idenë kombtare të trasheguar shekuj me radhë.Vetdisimi i popullitë shqiptarë dhe i elitës politike shqiptare se puna për të krijuar një komb të fortë shqiptarë është me e madhe sesa për ta krijuar një pasuri private që në të shumtën e rasteve do të bëhet edhe breng apo mollë sherri, për pasardhësit e tyre, është një sfidë e cila duhet të realizohet.Në të kundërtën kumti i dheut na sjellë përpjekjet e arbdheut për t’i futurë në veprim dhe për ta mobilizuar dhe aktivizuar rolin e qytetaritë shqiptarë se nuk duhet heshtur kur preken interesat e atdheut, për këtë na la porosinë Gjergj Kastrioti ynë i madhë i cili përmes shpirtit te dheut,ju kthye trollit të arbdheut dhe i dha popullit tonë shqiptarë orjentimin shekullorë që duhet ta kemi si pikëveprim se si duhet perballuar sfidat nëpër periudhat historike.(Foto: Nga tubimi ne Gjakove)

KOSOVA MASËN 100% IA ZGJERON SERBISË…

December 28, 2018 by dgreca

-Qeveria e Kosovës, masë 100% edhe për markat, brendet e njohura ndërkombëtare që prodhohen në Serbi dhe Bosnje e Hercegovinë/

-Nismë Marrëveshje për ngritjen e pikave të përbashkëta të kalimit ndërmjet Republikës së Shqipërisë dhe Republikës së Kosovës dhe kryerjen e veprimtarive të përbashkëta të kontrollit kufitar/

-Mbledhja e 82-të e Qeverisë së Republikës së Kosovës, njëherit edhe e fundit për vitin 2018, ka nisur me një minutë heshtje në shenjë respekti dhe nderimi për pjesëtarin e Policisë së Kosovës, Izet Demaj/

Gazeta DIELLI nga korrespondenti në Kosovë Behlul Jashari/

PRISHTINË, 28 Dhjetor 2018/ Qeveria e Kosovës, e drejtuar nga Kryeministri Ramush Haradinaj, në mbledhjen e sotme miratoi vendimin për plotësimin dhe ndryshimin e vendimit për masën prej 100% për produktet e importuara me origjinë nga Serbia dhe Bosnja dhe Hercegovina të datës 21 nëntor 2018, nga i cili hiqet paragrafi 2 i vendimit bazë, me të cilin përjashtohen markat, brendet e njohura ndërkombëtare të vendeve tjera, të cilat prodhohen në Serbi dhe Bosnje e Hercegovinë.

“Qeveria ka shprehur respekt të jashtëzakonshëm për sugjerimet e aleatëve që të mos vazhdohet me veprime të tjera, por është e papranueshme letra e kryeministres së Serbisë dërguar kryeministrave të vendeve që e kanë njohur pavarësinë që të tërheqin njohjen”, tha me këtë rast Kryeministri Haradinaj.

“Po ashtu, është e papranueshme heshtja e zyrtarëve të lartë të BE-së, në këtë rast e zonjës Mogherni dhe komisionerëve të tjerë, në ketë letër”, vijoi ai, i cituar në komunikatën nga mbledhja dërguar nga Zyra e Kryeministrit të Kosovës.
“Kjo është një vepër agresioni, por edhe përkundër kësaj ne nuk do të vazhdojmë me masa tjera shtesë ndaj produkteve serbe, por do ta respektojmë masën 100 për qind, ndërsa heqja e listës së brendeve është e karakterit tjetër”, tha Kryeministri Haradinaj në mbledhjen e Qeverisë së Kosovës.

QEVERIA E KOSOVË, NISMË MARRËVESHJE PËR PIKA TË PËRBASHKËTA NË VENDKALIMET ME SHQIPËRINË

Qeveria kosovare në mbledhjen e sotme miratoi nismën për lidhjen e Marrëveshjes me Këshillin e Ministrave të Republikës së Shqipërisë për ngritjen e pikave të përbashkëta të kalimit ndërmjet Republikës së Shqipërisë dhe Republikës së Kosovës dhe kryerjen e veprimtarive të përbashkëta të kontrollit kufitar.

“Me këtë Marrëveshje, palët angazhohen për thjeshtësimin dhe përshpejtimin e verifikimeve kufitare, me qëllim lehtësimin e qarkullimit të shtetasve dhe mallrave”, u theksua në mbledhjen e Qeverisë së Kosovës.

Kryeministri i Kosovës, Ramush Haradinaj kërkoi nga organet kompetente që të nisin të gjitha procedurat për ta konkretizuar në kohë vendimin e sotëm.

Në 2018-tën, në 26 nëntor, qeveritë e Kosovës dhe Shqipërisë në qytetin e Pejës zhvilluan mbledhje të përbashkët, të pestën, pas të parës historike në Prizren në 11 janar 2014, të dytës në Tiranë në 23 mars 2015 , të tretës në 3 qershor 2016 në Prishtinë dhe të katërtës në 27 nëntor 2017 në Korçë.

QEVERIA NJË MINUTË HESHTJE NË SHENJË RESPEKTI DHE NDERIMI PËR PJESËTARIN E POLICISË SË KOSOVËS, IZET DEMAJ

Sot, Mbledhja e 82-të e Qeverisë së Republikës së Kosovës, njëherit edhe e fundit për vitin 2018, ka nisur me një minutë heshtje nga Kryeministri Haradinaj dhe Kabineti Qeveritar në shenjë respekti dhe nderimi për pjesëtarin e Policisë së Kosovës, Izet Demaj, i vrarë dje në mbrojtje të rendit dhe ligjit në vend, për të vazhduar me vendimin e Qeverisë, që familjes së tij, t’i ndajë 15 mijë euro.
Dje, Qeveria e Republikës së Kosovës ka dënuar ashpër vrasjen e pjesëtarit të Policisë së Kosovës në Istog, Izet Demaj dhe ka ftuar organet kompetente që të ndërmarrin të gjitha masat e nevojshme për zbardhjen e plotë të rastit dhe rrethanat që kanë shtyrë deri në këtë akt qyqar.

Qeveria e Kosovës i shpreh ngushëllimet më të sinqerta Familjes Demaj dhe Policisë së Kosovës për humbjen e pjesëtarit të tyre.

Vepra heroike e flijimit për të shpëtuar jetët e pafajshme është dëshmi e radhës për profesionalizimin dhe humanizmin e Policisë së Kosovës dhe vecmas të pjesëtarit të saj, njëherit ish ushtarit të UÇK-së, Izet Demaj.Qeveria e Republikës së Kosovës shpreh zotimin e saj se do të angazhohet me të gjitha mekanizmat për të krijuar ambient të sigurtë në Kosovë dhe se do të bëjë të pamundurën për luftimin e krimit dhe të dukurive negative në vend, duke kërkuar gjithashtu nga organet e rendit që të shtojnë masat e sigurisë që ngjarje të tilla të mos ndodhin dhe siguria e qytetarëve të jetë në nivelin e duhur.

Rastet si ky i sotmi, janë dëshmi se përkushtimi për fuqizimin e rendit dhe ligjit në vend, duhet të vazhdojë të jetë një nga prioritetet e Qeverisë së Republikës së Kosovës dhe gjithashtu kjo vrasje nuk do të ndaloj organet e rendit që të kryejnë punët e tyre me përkushtim dhe me përgjegjësi institucionale në shërbim të të gjithëve dhe krijimit të një klime të qetë, theksohej në deklaratën e djeshme të Qeverisë së Kosovës.

PRESIDENTI SHPALL TË SHTUNËN DITË ZIE SHTETËRORE NË NDERIM TË POLICIT IZET DEMAJ

Presidenti i Republikës së Kosovës, Hashim Thaçi, pas rënies heroike në mbrojtje të qytetarëve dhe në krye të detyrës të pjesëtarit të Policisë së Kosovës, Izet Demaj, ditën e shtunë më 29 dhjetor 2018, në shenjë nderimi shtetëror e ka shpallur ditë zie në Republikën e Kosovës.Në ditën e zisë shtetërore, në shenjë respekti për aktin heroik të policit Izet Demaj, në pajtim me legjislacionin në fuqi, flamuri shtetëror ngrihet në gjysmështizë në të gjitha objektet shtetërore të Republikës së Kosovës, brenda dhe jashtë vendit.

Kosova 2018, rritje ekonomike 4.3 përqind

December 27, 2018 by dgreca

-Ministri Bedri Hamza: 2018-ta, vit i suksesshëm për Ministrinë e Financave të Kosovës/

1 Ministri i financave Kos.jpg

Gazeta DIELLI nga korrespondenti në Kosovë Behlul Jashari/

PRISHTINË, 27 Dhjetor 2018/ Vit të suksesshëm për Ministrinë e Financave të Qeverisë së Kosovës e ka vlerësuar 2018-tën ministri Bedri Hamza sot në konferencën e fundit për shtyp për këtë vit fiskal.

“Duke ju falënderuar punës së madhe të stafit të Ministrisë së Financave, ne si Ministri po e përmbyllim një vit shumë të suksesshëm. Falë angazhimi të madh të stafit të MF-së dhe një bashkëpunimi të shëndoshë me donatorët kemi arritur të nënshkruajmë 25 marrëveshje financiare, 17 prej tyre janë marrëveshje grant në vlerë prej 181 milionë euro”, u shpreh ai.

Ministri Hamza gjithashtu theksoi se gjatë vitit 2018 Ministria e Financave ka performuar lartë në fushën legjislative – janë proceduar në Kuvendin e Kosovës 14 ligje.

Ndërsa, sa i përket reformave fiskale, ministri Hamza bëri të ditur se gjatë vitit 2018 është bërë reforma më e madhe ekonomike që ka ndodhur ndonjëherë në vend, , duke filluar nga lirimet nga tatimin doganore për lëndën e parë, gjysmë produkti, linjat e prodhimit, pjesët rezerve dhe pajisjet e IT-së, si dhe lirimi nga tatimi i akcizës për lëndët ndihmëse në procesin e prodhimit.

Ministri Bedri Hamza bëri të ditur se performanca ekonomike mbetet solide, me tendencë përmirësimi. Sipas tij, Kosova do të ketë rritje ekonomike prej 4.3 %, ku investimet private dhe publike, si dhe eksportet janë kontribuuesit kryesorë të kësaj rritje.

Ai gjithashtu theksoi performancën e lartë të Ministrisë së Financave në kryerjen e obligimeve ligjore dhe përgjegjësive që ka në menaxhimin e financave publike, ku sipas tij sot MF ka arritur të kryejë të gjitha transferet sociale dhe transferet e pagave, si në nivelin qendror ashtu edhe atë komunal.

Ndërsa, sa i përket të hyrave buxhetore, ministri Hamza bëri të ditur se ka pasur rritje prej 6 për qind, ku të hyrat tatimore kanë qenë 1.5 miliard euro, shumë e cila pritet të rritet për disa milionë euro deri në fund të vitit, respektivisht deri në 31 dhjetor 2018.

Ministri theksoi se në mospërmbushjen e planit të të hyrave ka ndikuar performanca e dobët komunave. Ai bëri thirrje për një angazhim dhe përkushtim më të madh nga komunat sa i përket të hyrave komunale.

Ministri Hamza tha se sa i përket shpenzimeve buxhetore një ndër sukseset më të mëdha në këtë vit është që për herë të parë që nga 2013-ta investimet kapitale kanë kaluar shumën mbi 500 milionë euro.

“Bilanci bankar është në një nivel shumë të mirë dhe presim që këtë vit të jetë 385 milionë euro, krahasuar me vitin e kaluar kur ishte 358 milionë euro. Ndërsa, deficiti buxhetor ka qenë i projektuar për 2 për qind dhe sipas rezultateve shihet që deficiti primar është 0.9 për qind”, shtoi ministri Hamza.

Ai falënderoi gazetarët për bashkëpunimin dhe qasjen profesionale ndaj Ministrisë së Financave, si dhe shfrytëzoi rastin që të urojë të gjithë qytetarët e Republikës së Kosovës për festat e fundvitit dhe për një vit të mbarë në 2019-tën.

Programet Amerikane në mbështetje të Kosovës

December 12, 2018 by dgreca

-Oda Ekonomike Amerikane në Kosovë përshëndet vendimin e Korporatës së Sfidave të Mileniumit për Programin Kompakt. Rikujton se programet e MCC, USAID dhe të Qeverisë Amerikane në përgjithësi, në mbështetje të shtetit të Kosovës, janë dëshmi e përkushtimit të vazhdueshëm të Shteteve të Bashkuara të Amerikës për popullin e Kosovës/

1 AmCham

PRISHTINË, 12 Dhjetor 2018-Gazeta DIELLI/ Oda Ekonomike Amerikane në Kosovë deklaroi sot se mirëpret vlerësimin e shtetit të Kosovës për Programin Kompakt nga ana e Korporatës së Sfidave të Mileniumit (MCC).

Ngritja e statusit të Kosovës në këtë program do t’i mundësojë vendit dhjetëra miliona dollarë amerikanë shtesë krahasuar me programin paraprak, të cilat do të mund të investohen në projekte që kanë për synim fuqizimin e sektorit privat në Kosovë, përmes adresimit të çështjeve të cilat pengojnë rritjen ekonomike të vendit, si përmirësimi i furnizimit me energji elektrike, si dhe sundimi i dobët i ligjit.

Oda Amerikane e vlerëson të një rëndësie të madhe përkrahjen financiare të Korporatës së Sfidave të Mileniumit për zhvillimin e kapaciteteve të reja të gjenerimit të energjisë elektrike, inkurajimin e efiçencës energjetike, por edhe përmirësimin e vendimmarrjes, transparencës dhe llogaridhënies së institucioneve shtetërore përmes rritjes së qasjes në të dhënat publike.Oda Amerikane vlerëson se një vendim i tillë i Bordit të Drejtorëve të MCC vjen si rezultat i angazhimit të shoqërisë kosovare për adresimin e sfidave me të cilat përballet vendi, por mbi të gjitha si rezultat i punës që bënë ekipi i MCC në Kosovë si dhe Fondacioni i Mileniumit në Kosovë (MFK).

Oda Ekonomike Amerikane në Kosovë rikujton se programet e MCC, USAID dhe të Qeverisë Amerikane në përgjithësi, në mbështetje të shtetit të Kosovës, janë dëshmi e përkushtimit të vazhdueshëm të Shteteve të Bashkuara të Amerikës për popullin e Kosovës./b.