Në emër të Federatës Panshqiptare e Amerikës VATRA, të familjes sime, të të gjithë vatranëve dhe shqiptaro-amerikanëve ju uroj nga zemra: Gëzuar 28 Nëntorin – festën Kombëtare të Pavarësisë së Shqipërisë dhe Flamurit tonë Kombëtar.

Kjo ditë është e shenjtë dhe e shtrenjtë për të gjithë kombin shqiptar. Është një ditë lavdie, historie, krenarie, gëzimi e galdimi për historinë tonë të lavdishme, sukseset dhe arritjet tona në 112 vite shtet.

Kjo ditë na gjen dhe më afër arritjes së aspiratave tona kombëtare: Shqipëria ka hapur kapitujt e parë të anëtarësimit në BE, Kosova lëviz e lirë në BE dhe ka shënuar progres mbresëlënës në proceset integruese dhe euroatlantike. Shqiptarët në viset etnike janë më të fortë e më të përfaqësuar se kurrë në institucionet vendimmarrëse shtetërore.

Sot përulemi me nderimin e respektin më të thellë para firmëtarëve të Pavarësisë së Shqipërisë, burrështetasve, heronjve e dëshmorëve të Atdheut për trashëgiminë shekullore kombëtare që na kanë lënë pas.

Akti sublim i pavarësisë kombëtare i udhëhequr nga Ismail Qemali, Luigj Gurakuqi, Hasan Prishtina, Isa Boletini, Mid’hat Frashëri, Dom Nikoll Kaçorri, Lef Nosi, Iljaz Vrioni, Pandeli Cale, Vehbi Dibra, Abdi Toptani, Dhimitër Berati, Thanas Floqi e shumë personalitete të kombit tonë e bënë shtetin shqiptar të lirë, të pavarur dhe sovran.

Shpallja e pavarësisë së Shqipërisë është dita më e shënuar në historinë moderne të shtetit shqiptar, ditë që na fton të punojmë fort për ta bërë atdheun tonë të bukur e të begatë.

Federata Pan-Shqiptare e Amerikës Vatra do të jetë përjetë e mot në shërbim komunitetit shqiptar, kombit shqiptar e çështjes sonë kombëtare në mërgatën shqiptare të Shteteve të Bashkuara të Amerikës.

Zoti e bekoftë Shqipërinë, Kosovën, Amerikën, miqtë e aleatët e kombit shqiptarë.

Gëzuar përjetë e mot festa e Pavarësisë së Shqipërisë dhe Flamurit tonë Kombëtar.

Me gëzim e zemërplotë

Kryetari i VATRËS

Dr. Elmi BERISHA

Rafaela Prifti/

On Tuesday evening, November 26, a lively reception at New York City Hall followed the flag raising ceremony in downtown earlier today to officially mark the 112 anniversary of Albania’s independence.

Multiple Albanian dignitaries, representatives of Albanian organizations and associations, and many New York Albanians descended upon City Hall to attend a one-and-a-half-hour long program with remarks by the City hosts, honored guests, as well presentations of citations.

Former NY City Council member Mark Gjonaj delivered opening remarks and introduced Kristy Marmorato, City Council Member of District 13 – home to a large Albanian community, which she serves, while “being inspired by them,” she said.

Dr. Pashko Camaj, VATRA Secretary was in attendance. Also Vatra members Pashk Maksuti and Mehill Gjuraj.

The doors, as announced, opened at five in the afternoon, and guests proceeded upstairs to an assortment of traditional Albanian cooking and pastries catered by Dua Gourmet Market. Afterwards, the attendees sat down on the floor and balcony of the Council Chambers, decked with the US, Albanian, Kosova, and the New York State flags.

The three honorees recognized at the flag raising ceremony held earlier just a few blocks down from City Hall, were acknowledged at the reception: Vera Mjeku, Legislative Policy Analyst with the New York City Council, Fadil Berisha, renowned photographer, Esad Gjonbalaj, a prominent activist.

Naser Nika of Staten Island received a citation from David Carr, NY City Council Member, Tina Lula’s proclamation was presented by NY City Council Member Kamillah Hanks. Lastly, Aleksander Nilaj and his volunteers were honored with citations by the Kristy Marmorato.

Appearances by Albanian dance group performers: Nora e Kelmendit, Grupi Barbana and Shkolla Fol Shqip were part of the artistic program.

Sokol Paja/

New York, 22 Nëntor 2024 – Federata Pan-Shqiptare e Amerikës VATRA, historia dhe identiteti i shqiptarëve në Amerikë, bashkoi vëllazërisht patriotët shqiptarë nga shtete të ndryshme të Amerikës, Kanadaja e Europa duke festuar me madhështi e hijeshi të veçantë 112 vjetorin e Pavarësisë së Shqipërisë dhe Festën e Flamurit Kombëtar. Në një ceremoni të veçantë festive organizuar në Bronx, New York, Vatra bashkoi organizata e shoqata patriotike, ambasadorë, diplomatë, luftëtar të UÇK, veprimtarë të çështjes kombëtare, aktivistë të komunitetit shqiptar, mësues, media e përfaqësues nga shoqat shqiptare në New York, New Jersey, Boston, Florida, Michigan e Connecticut në një festë madhështore siç i ka hije shqiptarëve të dashur e të suksesshëm në Shtetet e Bashkuara të Amerikës.

Festa e flamurit kombëtar, dita e Pavarësie është festa më e shenjtë dhe më e shtrenjtë e popullit e kombit shqiptar karshi kombeve më të përparuara e më të qytetëruara të botës. 28 Nëntori 1912 është dita e lirisë kombëtare që e bën të përjetshëm e të pavdekshëm historinë e lavdishme të popullit e kombit shqiptar. Flamuri që ngritën në Vlorë: Ismail Qemali, Dom Nikoll Kaçorri, Vehbi Dibra Agolli, Rexhep Mitrovica, Abdi Toptani, Mit’hat Frashëri, Iljaz Vrioni, Pandeli Cale, Luigj Gurakuqi, Lef Nosi e shumë patriotë të tjerë të shquar, është simboli më i çmuar i një populli e kombi të lirë e të pavarur. Flamuri kuq e zi është krenaria jonë kombëtare, identiteti ynë, frymëzimi i përjetshëm.

Me pjesëmarrjen e veçantë të patriotëve të shquar të kombit tonë si Elez Biberaj, Xhim Xhema, Rrustem Gecaj, Bajram e Drenusha Dreshaj, Rasim Hasanaj, Bujar Golemi, Virgjil Kule, Mimoza Ferraj e patriotë të tjerë, festa e flamurit kombëtar shënoi momentin më emocional kur këngëtari Hysni Kelmendi i dhuroi Vatrës flamurin kombëtar shqiptar të përdorur në luftën e Kosovës nga Ushtria Çlirimtare e Kosovës në vitin 1998. Ky flamur frymëzoi shqiptarët në betejat e lirisë, me një qëllim të vetëm për lirinë dhe pavarësinë e e Kosovës. Ky flamur i shenjtë falë luftëtarëve trima nuk ra kurrë në duart e serbëve dhe u mbrojt me gjakun e lirisë.

Nën prezantimin e Editorit të Diellit dhe videoregjistrimin mjeshtëror të gazetarëve: Halil Mula, Nazim Salihu( Noli Tv), Ramazan Çeka e Dritan Haxhia, darka gala e Vatrës në Bronx filloi me këndimin e himneve kombëtare të Republikës së Shqipërisë dhe Shteteve të Bashkuara të Amerikës që u ekzekutuan mjeshtërisht nga tenori Gëzim Nika (Mjeshtër i Madh) e tenori Julian Gjojdeshi.

Kryetari i Vatrës Dr.Elmi Berisha në fjalën e mirëseardhjes paraqiti me detaje para të pranishmëve sukseset dhe arritjet e Vatrës në vitet e fundit duke rreshtuar vizitat zyrtare në Uashington, Kosovë, Shqipëri, Çamëri, Vatikan dhe u përqendrua në rolin e jashtëzakonshëm që Vatra po luan në komunitetin shqiptar në Shtetet e Bashkuara të Amerikës dhe kthimi i Vatrës në institucion partner me Departamentin e Shtetit Amerikan, Shtëpinë e Bardhë dhe institucionet ligjzbatuese amerikane.

Imam Gazmend Aga gjatë bekimit të darkës së Flamurit Kombëtar solli dy shembuj klerikësh e patriotësh të shquar Vehbi Dibra që në ditët e pavarësisë kombëtare më 1912 u lut: “O Zot, jepi popullit tonë mendje të kthjellët dhe zemër të pastër që të ecë përpara me besim, dije dhe bashkim.” Na jep forcë, o Zot, që të ruajmë vendin tonë të bekuar, duke e ngritur atë me punë të ndershme, drejtësi dhe dashuri për njëri-tjetrin. O i Plotfuqishëm, ruaje gjuhën tonë dhe traditat tona të çmuara, që ato të mbeten gjithmonë burim krenarie dhe uniteti, u lut Imam Aga. Ai përmendi dhe Hafiz Ali Korçën i cili ka kujtuar: “Bashkimi, dashuria dhe puna e ndershme janë çelësi i shpëtimit të kombit.”

Kryetari i Komunës së Prishtinës z.Përparim Rama në fjalën e tij theksoi se Vatra, ka ruajtur dhe forcuar identitetin dhe traditat tona kombëtare. Vatra ka qenë një shtyllë e fortë që ka mbajtur gjallë traditat dhe vlerat tona, duke kontribuar në zhvillimin personal dhe profesional të shqiptarëve në Amerikë. Vatra vazhdon të jetë një forcë e rëndësishme në komunitetin shqiptar në Amerikë, duke organizuar aktivitete kulturore, edukative dhe lobuese që ndihmojnë në forcimin e lidhjeve mes shqiptarëve në diasporë dhe atdheut. Përmes gazetës së saj “Dielli”, Vatra ka mbajtur të informuar dhe të lidhur komunitetin shqiptar për më shumë se një shekull. Festa e Flamurit është një ditë që simbolizon shpirtin e qëndrueshmërisë dhe krenarisë kombëtare të popullit shqiptar. Le të vazhdojmë të punojmë së bashku për të ndërtuar një të ardhme më të mirë për të gjithë shqiptarët, kudo që ndodhen, tha ndër të tjera kryetari i Komunës së Prishtinës z.Përparim Rama.

Në emër të Ambasadës së Shqipërisë në Uashington dhe Misionit në Kombet e Bashkuara përshëndeti Konsullja e Shqipërisë në New York, Valentina Loka kurse në emër të Konsullatës së Kosovës në New York përshëndeti diplomati Fatmir Zajmi. Ata theksuan rëndësinë e Pavarësisë së Shqipërisë dhe rolin historik të Federatës Vatra në përpjekjet për kombin dhe komunitetin shqiptar në Shtetet e Bashkuara të Amerikës.

Diplomati Frymëzim Isufaj në fjalën e tij vuri theksin te miqësia jonë me Shtetet e Bashkuara të Amerikës, me popullin Amerikan, nuk është vetëm në shenjë falënderimi për gjithë kontributin që ky vend dhe ky popull mik e dha gjatë gjithë periudhës historike edhe në shpalljen e Pavarësisë së Shqipërisë, në ruajtjen e sovranitetit por edhe në ndërtimin e proceseve demokratike pas rënies së komunizmit, por edhe për shpalljen e pavarësisë së Republikës së Kosovës, për ndihmën vendimtare e të pakursyeshme, për intervenimin humanitar të NATO-s që ndali gjenocidin, që riktheu shpresat në vlerat humane, civilizuese, duke larguar një herë e përgjithmonë hegjemonizmin nga ajo pjesë e Evropës.

Nën tingujt e magjishëm të muzikës autentike shqiptare kënduar nga Gëzim Nika (Mjeshtër i Madh), tenori Julian Gjojdeshi e Hysni Kelmendi, mbrëmja festive kulmoi me recitimet e vallet kombëtare nga fëmijët shqiptarë të organizatës patriotike “Rrënjët Shqiptare” përgatitur nga koreografja Angjelina Nika (Mjeshtër i Madh), ambasadorja e veçantë e kulturës shqiptare në mërgatën e Amerikës.

Mbrëmja madhështore e Festës së Flamurit Kombëtar, përkoi në një ditë të shënuar historike kushtuar Alfabetit Kombëtar ku Vatra në kurorën e lavdisë kombëtare ka merita të përjetshme në shërbim të çështjes kombëtare e komunitetit shqiptar në Shtetet e Bashkuara të Amerikës. Vatra është nderi i kombit shqiptar, frymëzim për brezat e ardhshëm dhe urëlidhëse e pandarë me shtetin e kombin mik amerikan. Vatra në rrugëtimin e saj 112 -vjeçar ka dëshmuar vlera të larta të identitetit kombëtar, krenari dhe trashëgimi e çmuar historike e popullit shqiptar, ndjenja të thella atdhetarie, kontribute në procese shtetformimi në Shqipëri, Kosovë e më gjërë. Vatra është trashëgimi shpirtërore, kulturore dhe atdhetare e shqiptarëve në Shtetet e Bashkuara të Amerikës. Rroftë Vatra, rroftë Dielli, rroftë Kombi shqiptar.

Sokol Paja/

Worcester (Boston), 16 Nëntor 2024 – Patriotët shqiptarë në Worcester mikpritën në një takim vëllazëror e atdhetar ish- kryetaren e Parlamentit të Republikës së Shqipërisë zonjën Jozefina Topalli. Një bashkëbisedim i ngrohtë e shumë emocional rreth arritjeve e historive të sukseseve të shqiptarëve në Boston e mallit për atdheun larg vendlindjes. Patriotja Efi Qeleshi në fjalën e hapjes ftoi shqiptarët e Amerikës për tu angazhuar në ndryshimin e gjendjes në Shqipëri si kontribut atdhetar. “Jeni frymëzim dhe shpresë në ditët e sotme kur Shqipëria ka më shumë se kurrë nevojë për ndryshim rrënjësor e thelbësor. Ju na ngrohni zemrën sot se ditë të bukura e të mira do vijnë për Atdheun tonë. Shqipëria ka nevojë për ndryshim radikal. Qeverisja Rama e ka shkatërruar Shqipërinë: shpopullim, korrupsion, hajdutëri, paligjshmëri. Qeverisja e keqe ka larguar trurin kombëtar nga Shqipëria, forcën energjike, moshën vitale duke shkretuar atdheun tonë të bukur. Ju bëj thirrje shqiptarëve të Amerikës e çdo shqiptari kudo që ndodhet në diasporë që të punojë për të ndryshuar Shqipërinë. Shqiptarë, atdheu na thërret, atdheu po lëngon, atdheu ka nevojë për ne. Shqiptarët e Amerikës i janë gjendur pranë kombit e atdheut në çdo vështirësi. Kam bindjen se edhe sot do ta bëjnë këtë kontribut patriotik e historik në largimin e të keqes që shkatërron Shqipërinë prej 12 vitesh” tha ndër të tjera Efi Qeleshi. Patrioti John Lito kujtoi emocionalisht fëmijërinë, përmendi familjet që kanë mbajt krenarinë e vlerat më të mira shqiptare si Topalli, Çoba, Serreqt etj. Aktivisti i komunitetit Franklin Zdruli shpjegoi historinë 115 vjeçare të shqiptarëve në Worcester, histori patriotësh që i dhanë krenari e histori identitetit kombëtar në mërgatë dhe patriotë të shkëlqyer që kontribuan shumë për Shqipërinë, për ruajtjen e vlerave patriotike dhe identitare shqiptare ku shqiptarët e Worcesterit janë krenari kombëtare. Ish – kryetarja e Parlamentit të Shqipërisë zonja Jozefina Topalli në fjalën e saj u ndal te shpopullimi i Shqipërisë, një histori e dhimbshme që shuan çdo ditë Shqipërinë e kombin tonë. Një eksod modern që shuan çdo vit një qytet shqiptar, tha zonja Topalli. Largimi i shqiptarëve nga Shqipëria sipas Zonjës Topalli është një dramë kombëtare. Kemi “Një Shqipëri më të vogël, më të plakur më të vetmuar” tha në bashkëbisedim zonja Topalli. Si rrezik për lirinë dhe demokracinë zonja Topalli përmendi përfshirjen e grupeve kriminale në çdo zgjedhje elektorale apo lokale që zhvillohen në Shqipëri, politizimin ekstrem të administratës shtetërore, pastrimin e parasë dhe mbështetja shtetërore që iu bëhet bandave kriminale. “Kthehem te diaspora në shenjë mirënjohje dhe respekti për ju për mbështetjen historike që na keni dhënë si patriotë. E kërkojmë mbështetjen tuaj për të ndihmuar e ndryshuar Shqipërinë” përfundoi zonja Topalli. Kënga patriotike e vëllezërve rapsodë Geg e Ndoc Delia “Veç një gjak na rrjedh ndër vena, gjaku i shqipes me dy krena” emocionoi të gjithë të pranishmit në organizimin patriotik e shpirtëror të shqiptarëve të Worcester.

Sokol Paja/

New York, 14 Nëntor 2024 – Jozefina Topalli, ish kryetarja e Parlamentit të Republikës së Shqipërisë zhvilloi një vizitë të përzëmërt, vëllazërore e shumë emocionuese në Federatën Pan-Shqiptare të Amerikës Vatra. Ajo u prit ngrohtësisht prej vatranëve e aktivistëve të shquar të komunitetit shqiptar në Shtetet e Bashkuara të Amerikës. Pasi u njoh prej editorit me historinë shekullore të Federatës Vatra e gazetës Dielli, kontributin e jashtëzakonshëm atdhetar, veprimtarinë patriotike të shqiptarëve të Amerikës e përpjekjet e tyre për komb, atdhe e komunitet, në fjalën e mirëseardhjes arkëtari i Vatrës z.Besim Malota shprehu mirënjohjen dhe vlerësimin për doplomaten dhe shtetaren Jozefina Topalli, përcolli urimet në emër të kryetarit Dr. Elmi Berisha, Kryesisë dhe Këshillit të Vatrës. Z.Malota shpjegoi veprimtarinë e shkëlqyer të Vatrës dhe punët e mëdha kombëtare në shërbim të çështjes kombëtare dhe komunitetit shqiptar në Shtetet e Bashkuara të Amerikës. Z. Malota ekspozoi veprimtarinë institucionale të Vatrës në Departamentin e Shtetit dhe Shtëpinë e Bardhë. Z. Asllan Bushati shpalosi modelet, arritjet dhe krenarinë shqiptare për sukseset e tyre në diasporën e Amerikës duke rrezatuar energji kombëtare e patriotike si modele frymëzimi për çdo shqiptar. Vera Markaj e Bashkim Shehu vlerësuan zonjën Topalli duke veçuar cilësitë atdhetare, institucionale e profesionale dhe modelin moral dhe ardhetar që ajo frymëzon. Në fjalën e saj zonja Jozefina Topalli falenderoi Vatrën e shqiptarët e Amerikës për pritjen vëllazërore dhe krenarinë me të cilën shqiptarët e Amerikës përfaqësojnë e prezantojnë kombin shqiptar në shoqërinë dhe institucionet amerikane. Zonja Topalli vlerësoi kontributin e Vatrës, historinë e çmuar dhe frymëzuese të patriotëve shqiptarë përgjatë 1 shekulli dhe dekade të mërgatës shqiptare në Amerikë. Zonja Topalli çmoi Vatrën e Diellin si institucione patriotike, mërgatën e Amerikës si aset patriotik, atdhetar, ekonomik e kulturor. Ajo diskutoi rreth shpopullimit të Shqipërisë, rrezikut të braktisjes biblike të atdheut, nevojës ekstreme për të ndaluar eksodin biblik të shqiptarëve dhe nevojës për angazhimin e të gjithë shqiptarëve të diasporës për të kontribuar për kombin e atdheun. “Kemi nevojë për kthimin e një autoriteti moral, të një fuqie shpirtërore e patriotike për të dashur atdheun e ndryshuar Shqipërinë. Shqiptarët e Amerikës kanë shkruar historinë e lavdishme të kombin tonë. Vatra e Dielli, njëra ngroh e tjera ndriçon historinë tonë kombëtare dhe identitetin tonë” u shpreh ndër të tjera zonja Topalli përgjatë takimit vëllazëror në Vatër.