Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

KUSH ISHIN 42 KANDIDATURAT E SELEKSIONUARA PER GUVERNATORIN BSH-së, KU U PERZGJODH GENTI SEJKO?/

by

*Genti Sejko, kandidatura e Presidentit Bujar NISHANI, për postin e Guvernatorit të BSH-së/
* Kreu i Komisionit te Ekonomise ne parlament, socialisti Erjon Brace citohet te kete thene se nuk mund te merret kandidatura e Governatorit jashte Keshillit Mbikqyres./
Presidenti i Republikës Bujar Nishani i propozon Kuvendit emrin e Genti Sejkos për postin e Guvernatorit të Bankës së Shqipërisë
“Zoti Gent Sejko i propozohet Kuvendit të Shqipërisë për t’u zgjedhur Guvernator i Bankës së Shqipërisë. Ky dekret hyn në fuqi menjëherë”, thuhet në dekretin e bërë publik në faqen online të Presidencës.
Presidenca njofton se për postin e Guvernatorit të ri të BSH-së depozituan kërkesat e tyre 42 aplikantë, të cilat iu nënshtruan një proçesi vlerësimi nga ana e Institucionit të Presidentit të Republikës për plotësimin e kushteve dhe kritereve ligjore.
Arsyetimi i Dekretit “Për Propozimin e Guvernatorit të Bankës së Shqipërisë”
Presidenti i Republikës, bazuar në nenin 161, pika 2 të Kushtetutës, pas vendimit të Kuvendit të Shqipërisë për shkarkimin e Guvernatorit të Bankës së Shqipërisë, njoftoi fillimin e proçedurës së emërimit të Guvernatorit të ri.
Për këtë qëllim, përmes një njoftimi të bërë publik, Presidenti i Republikës ftoi të gjithë shtetasit shqiptarë, përfshirë dhe ata nga diaspora, të shprehnin interesin e tyre pranë Institucionit të Presidentit të Republikës për të kandiduar për këtë funksion, në përputhje me kushtet dhe kriteret e përcaktuara në Ligjin nr. 8269, datë 23.12.1997 “Për Bankën e Shqipërisë”, i ndryshuar.
Në përfundim të kësaj faze, depozituan kërkesat e tyre 42 aplikantë, të cilat iu nënshtruan një proçesi vlerësimi nga ana e Institucionit të Presidentit të Republikës për plotësimin e kushteve dhe kritereve ligjore.
Në vijim, bazuar në listën e kandidatëve që plotësonin kushtet ligjore si dhe me synim arritjen e standardeve më të larta për përzgjedhjen e kandidaturës së Guvernatorit të Bankës së Shqipërisë, Presidenti i Republikës zhvilloi një proçes informimi dhe diskutimi me përfaqësuesit më të lartë të shtetit dhe opozitës.
Në përfundim të këtij proçesi, duke vlerësuar me seriozitetin maksimal kandidaturat e paraqitura vendosa të dekretoj propozimin e zotit Gent Sejko në pozicionin e Guvernatorit të Bankës së Shqipërisë.

KUSH ËSHTË GENTI SEJKO

Në kandidaturën e zotit Gent Sejko, si një konkurrues që vjen nga rradhët e sistemit bankar, vlerësova përvojën menaxheriale, formimin e lartë profesional, edukimin dhe integritetin moral, të cilat në mënyrë të përmbledhur paraqiten më poshtë:
Zoti Sejko ka mbaruar studimet pranë Universitetit të Tiranës, Fakulteti i Ekonomisë, Tiranë, përgjatë periudhës Shtator 1987 – Gusht 1991, ku është diplomuar për ekonomist industrie. Gjithashtu, zoti Sejko ka kryer studimet pasuniversitare dhe zotëron diplomën Master në Kontabilitet Ndërkombëtar dhe Menaxhim Financiar (MAcc) të kryer pranë Universitetit të Glasgow-t, Departamentit të Kontabilitetit dhe Financës, Skoci, Mbretëri e Bashkuar, përgjatë periudhës Shtator 1996 – Tetor 1997 ku ka mbrojtur temën e dizertacionit për: “Roli i bankave dhe privatizimi i bankave në ekonomitë në tranzicion”.
Zoti Sejko ka punuar pranë Bankës së Shqipërisë në periudhën 1993-1995 në Departamentin e Mbikëqyrjes, në pozicionin e Inspektorit të Mbikqyrjes, duke u angazhuar për ekzaminimin e bankave private apo Joint venture që operonin në Shqipëri.
Përgjatë periudhës Qershor – Gusht 1996, Zoti Sejko ka qënë pjesëmarrës në ekzaminimet e Bankave tregtare në SHBA, Iowa, Chicago, përkatësisht në Federal Reserve Bank, Departamenti i Mbikëqyrjes.
Përgjatë Tetor 1997 – Janar 1998 ka punuar pranë Bankës së Shqipërisë, në Departamentin e Mbikëqyrjes, në pozicionin e Kryeinspektorit të mbikëqyrjes, si përgjegjës për përgatitjen e raporteve të mbikqyrjes bankare sipas sistemit CAMELS.
Zoti Sejko ka punuar pranë firmës DELOITTE & TOUCHE, në periudhën janar 1998 deri në dhjetor 2000, si auditor i lartë dhe konsulent, ku ka mbuluar detyrën e përgjegjësit për menaxhimin e procesit të auditimit.
Në periudhën janar 2001 deri më gusht 2001 ka punuar në Bankën Amerikane të Shqipërisë si Drejtor i Divizionit të Auditimit të Brendshëm dhe Përputhshmërisë duke qënë përgjegjës për procesin e Kontrollit të Brendshëm të Bankës dhe për përputhshmërinë me kuadrin rregullator.
Zoti Sejko ka punuar për hapjen e degës së Bankës Amerikane në qytetin e Vlorës, në pozicionin e Drejtorit të kësaj dege në periudhën Shtator 2001 – Qershor 2002.
Në periudhën Qershor 2002- Qershor 2004, zoti Sejko është rikthyer të punojë pranë Bankës së Shqipërisë, në Departamentin e Mbikëqyrjes, në pozicionin e shefit të sektorit të ekzaminimeve në vend.
Zoti Sejko ka pasur eksperiencë pune pranë Bankës RAIFFEISEN në periudhën Korrik 2004 – Maj 2007 në pozicionin e Drejtorit të Divizionit të Auditimit të Brendshëm, Përputhshmëria dhe Marrëdhëniet me Qeverinë.
Në vijim, ka punuar në RAIFFEISEN LEASING. Sh.A., në periudhën qershor 2007 – nëntor 2008, në pozicionin e Drejtorit të Përgjithshëm.
Ndërsa në periudhën nëntor 2008 – korrik 2010 ka punuar si Drejtor i Divizionit të Korporatave pranë Bankës RAIFFEISEN BANK, ku krahas detyrave të poshtëshënuara ka qënë dhe Anetar i Komitetit të Kreditit të Bankës, Anëtar i Komitetit të Menaxhimit të Aktiv Pasiveve, Anëtar i Këshillit Mbikqyrës të Raiffeisen Leasing dhe Anëtar i Këshillit Mbikqyrës të Fondit të Pensioneve.
Korriku i vitit 2010 dhe aktualisht e gjeti zotin Sejko në pozicionin e Zëvendës Drejtorit të Përgjithshëm dhe Drejtor i Divizionit Retail dhe Rrjetit të Degëve, pranë Bankës “SOCIETE GENERALE ALBANIA” ku mbulon një seri detyrash dhe është anëtar i Komitetit të Menaxhimit të aktiv-pasiveve, anëtar i Këshillit Mbikqyrës të SG Leasing dhe anëtar i Komitetit të Kreditit të Bankës.

42 KANDIDATURAT,7 TE SELEKSIONUARA
Arjan Kadare, Genti Sejko dhe Nik Markola mbërritën në fund të procesit të seleksionimit nga ana e presidentit, të mbi 40 CV-ve të paraqitura në aplikimin online për Guvernatorin e ri të Bankës Qendrore. Arjan Kadare është një emër i njohur në fushën e ekonomi-financës në vend. Ai aktualisht është pedagog në një institut privat në Tiranë dhe më herët ka qenë anëtar i Këshillit Mbikëqyrës të Bankës së Shqipërisë. Genti Sejko është zv/drejtor i një banke të nivelit të dytë në Tiranë. Nik Markola është drejtor menaxher i “Field Point Bank& Trust Gree-nwich” në Nju Jork, SHBA.
Kreu i shtetit, Bujar Nishani, zhvilloi ditë më parë konsultime me figurat kryesore të politikës Rama, Meta e Basha, për çështjen e Guvernatorit të ri të Bankës së Shqipërisë. Kryetari i Kuvendit, Ilir Meta, bëri të qartë se mazhoranca nuk ka një emër për postin e guvernatorit, por ka vullnet për të gjetur konsensus. “Natyrisht që ne do të respektojmë të drejtën kushtetuese të presidentit dhe shpresojmë dhe do të ofrojmë të gjithë bashkëpunimin tonë që ky emër të jetë një garant i drejtimit profesional të Bankës së Shqipërisë dhe i ruajtjes së pavarësisë së këtij institucioni. Është një proces vullnetmirë për të shkuar drejt konsensusit”, deklaroi Meta.
Nga ana e tij, kryeministri Edi Rama ka zhvilluar katër takime me presidentin për çështjen e guvernatorit, ndërkohë që kreu i opozitës, Lulzim Basha, ka zhvilluar dy takime për këtë çështje me kreun e shtetit.
Erjon Brace citohet te kete thene se nuk mund te merret kandidatura e Governatorit jashte Keshillit Mbikqyres.

NJË DITË ME ISH PARTIZANËT E TROPOJËS

by

*… Masakrat që janë bërë në Kosovë, në Sanxhak, në Plavë e Guci, janë të tmerrshme.Më shumë se 800 shqiptarë janë vrarë vetëm në Plavë e Guci!!/
* Folesi kryesor ishte kryetari i Komitetit Kombëtar të Organizatës së Veteranëve të LNÇ të Shqipërisë, i biri i Shefqet Peçit- RRUSTEM PEÇI/
Nga Rexhep DEDUSHAJ,N.Y./
Posa kisha arritur në Pejë, Dr.Isuf Dedushaj më thirri në telefon.Më uroi mirëseardhje dhe më njoftoi se më 6 Nëntor 2014,duhet të shkojmë së bashku në një përvjetor të Brigadës 25 -të Shqiptare ,na kanë ftuar udhëheqësite e saj – Doçët , dajat tonë…
Duke i ditur meritat e Niman Syle Doçit me t’bijtë ,vendosa ti bashkangjitem Doktorit edhepse nuk isha shumë kurioz!!Ditën e caktuar u takuame në Gjakovë .Me të ishte edhe punonjesi i Ambasadës së Shqipërisë në Kosovë z. ARBEN DOÇI, një pinjoll i Doçëve të T’Planit .
Meqë udhtonim me veturë diplomatike në kufi vetëm na përshëndetën .Vërtetë,njëri nga policët e Shqipërisë e tha pak si me cinizëm: ” Në festë po shkoni a ?!”
Arritëm në Tropojën zëmadhe ku nuk përputhej zeri i saj i madh me gjendjen katastrofike të saj??!
” Një fshat i prapambetur ” – u shpreh djali im – Arianiti që na shoqëronte.
Rreth labidarit ,ku para 70 vitesh ishin tubuar hiç më pak se 1700 vullnetar ( siç u cek ne tubim ) i gjetëm ca pleq me ca shamija të kuqe rreth qafës – ku shkruante; “70 VJETORI I FORMIMIT TË BRIG.XXV SHQIPTARE “.
Na pritën me buzeqeshje të malësorëve dhe na i lidhën nga një shami të tillë rreth qafës!Mu kujtua thenja : “Lidhe kalin ku t’ thot zotria “!!
Dalëngadalë u tubua një masë bukur e madhe,shume gazetar e kamera televizive dhe tubimi filloi e mbaroi sipas një skenarit të pregatitur nga ” Lartë “.Kishte edhe musafirë nga Tirana dhe nga Prishtina,në krye me Pajazit Nushin.
Fjalën e mori Kryetari i Komitetit Kombëtar të Organizatës së Veteranëve të LNÇ të Shqipërisë z. RRUSTEM PEÇI ( djali i Shefqet Peçit ) Dhe pastaj u renditën pothuajse të gjithë komandantët e batalioneve përbërëse të brigadës në fjalë.Sipas fjalorit që përdornin ta merrte mendja se jemi në kohen e komunizmit: ” shoku,antifashistët,çlirimi i Malësisë,i Plavës e Gucisë dhe shkuarja në ndihmë partizanëve (vetëm nuk thonin vëllezërve) jugoslavë,në çlirimin e Jugosllavisë etj.Pastaj shprehjet : luftë kundër okupatorit dhe bashkpunëtoreve të tij etj.”!! Foli edhe përfaqësuesi i Kosovës,që su dallua shumë prej kolegeve të tij nga Shqipëria. E ÇLIRUANE PRA KOSOVËN dhe në maj të vitit 1945 u kthyen ,sipas tyre triumfues në Tiranë…Duke e theksuar çdoherë 29 Nëntorin si ditën e çlirimit të Shqipërisë -kuptohet!!
Pastaj ndanë edhe shumë dekorata e mirënjohje , më të
merituareve, kuptohet…Nxënësit e shkollës fillore ” Ali Ibër Neza ” e kishin pregatitur një program të larmishëm dhe pastaj kaluam në një hotel në Bajram Curr.
Vëzhguesit nuk mund ti shpëtoj rasti pa e bërë një krahasim në mes të Tropojës së famshme gjatë historisë tonë krenare dhe ish Kolgecajve – sot Bajram Currit,që është shëndrruar në kryeqendër të Malësisë së Gjakovës:një zhvillim paksi interesant !!
Gjatë drekës ua dhanë fjalën edhe ca musafireve prezent:Pa e pritur fare,konferencieri tha: Fjalen e ka Rexhep Dedushaj ,nga Vuthajt!! dola në bina dhe i përshëndeta: ” Të nderuar Daje,nipa e miq.I lindur ne Vuthaj,dhe si shtetas e SHBA ua uroi këtë gazmend,Këtë takim të përbashkët.Këtë përkujtim të ditëve shumë të vështira dhe për mua është kënaqësi që gjindem sot në mesin tuaj.
Ditën e sotme,para 70 vjetëve janë tubuar djemtë e malësisë ,hiç më pak se 1700 veta për NJE QELLIM dhe për NJE DESHIRE:
Qëllimi i tyre ka qenë me iu bashkuar Frontit Antifashist ndërkombëtar të udhëhequr nga SHBA dhe dëshira e tyre ka qenë me i bashkuar trojet tona të mbetura padrejtësisht jashtë Shqipërisë më 1913 dhe me i zbatuar vendimet e Konferencës së Bujanit që ështe mbajtur diku këtu.
Ajo u pa më së miri kur shkuane prej këtu e në Ferizaj,dhe komandanti i kësaj brigade,pinjoll i familjes DOÇI ,VELI NIMAN DOÇI u drejtohet ferizajaseve me këto fjalë:( meqë pati ndërhyrje në shenjë mospajtimi .E ceka:Jam profesor i historisë dhe po e citoj historinë ) ” Të nderuar vëllazën,shkoni nëpër shtëpitë e juaja,jeni të lirë dhe s’ka me guxue kush me u prekë.Unë jam këtu !!( apllauze).
Veliu me këtë brigadë ka vazhduar deri në qoshe të trojeve shqiptare .Ka
shkuar deri atje ku,siç tha djali i Veli Niman Doçit sot, Gjeneral SKENDER DOÇI ,sfer Pazarit të Ri e ngulën shpatën duke thënë;” Deri këtu janë trojete tona “!!
Jane kthyer mbas,kane ardhe ne Tirane dhe Veli Niman Doçi ne çdo mbledhje,ne çdo tubim qe mbahej ne ate kohe ka pyetur : ” Çfare po behet me Kosoven,ç.po ndodhe me vendimet e Bujanit”?Mu per ate edhe e ka humbur jeten ,si duket!?
Ndersa djali i motres tij,agjutant i tij dhe perkthyesi i Brigades 25 Shqiptare,ISUF ZYMERI DEDUSHAJ, eshte detyruar qe te kaloi ne Vuthaj pasi i kishte kryer dy vite te akademise ushtarake ne TIRANE.
Atje meqe ishte i vetmi i ri i shkolluar ketu e ne Tirane ,ka organizuar kurset e analfabetizmit .Por me nje makinacion te UDB-ese ,bashk me vjen keq ta them,me ish Sigurimin e Shqiperise me 18 korrik 1951 pas nje montimi te nje rasti rreth kufirit shqiptaro – shqiptar,UDB-a e vret diten per dreke s’bashku me mixhen e tij – CUNG TAHIRIN DEDUSHAJ ( e keni librin ketu ).
E kane vrare se ka qene deshmitar okular ,ndoshta i vetem i cili i ka pare me syte e vet MASAKRATE qe jane bere ne trojete shqiptare mbas LDB ,ne fund te vitit 1944 dhe fillim te vitit 1945.
Masakrat që janë bërë në Kosovë, në Sanxhak, në Plavë e Guci, janë të tmerrshme.Më shumë se 800 shqiptarë janë vrarë vetëm në Plavë e Guci!!
Duhet falenderuar Zotin ,qe djali i Veli Niman Doçit ,SKENDER DOÇI ,i ka mbledhe djemte e diaspores se New Yorkut dhe me batalionin ATLANTIKU ka ardhur ne Luften e Kosoves ne vitin 1999 dhe sot eshte realizuar endrra e Veli Niman Doçit .Eshte realizuar endrra e juaj,Zoterinje te nderuar,KOSOVA ESHTE E LIRE dhe krenonu me festen e urime .Gjithmone ne gezime u ardheshim….

LE TE LUTEMI PER SHKRIMTAREN ROZI THEOHARI

by

Të dashur miq, ju kërkoj që të lutemi me shpirt për miken tonë të mirë Rozi Theohari. A ju ka rënë në sy mungesa e Rozit? Gazetat e komunitetit janë përpjekë që të mos e shpallin mungesën e Rozit, duke risjellë nga arkivi shkrime të saj. Miqtë në mesazhe e telefonata kanë folë dhimbshëm mes tyre për Rozin. Por, nuk mund ta mbulojmë me heshtje dhimbjen.
Gazetarja, shkrimtarja, poetja, vatrania, Rozi Theohari, eshte duke kaluar caste te veshtira ne Nahant Hospital Jesmond Nursing House ne Boston, ne adresen:
271 Nahant Rd, Nahant, MA 01908
(781) 581-0420
Le të lutemi për shpirtin e Rozit tonë të mirë, që me shkrimet e saj, essetë, poezitë,tregimet, romanet, përkthimet, përcolli vetëm mesazhe mirësie.
Rozi, ashtu sic u lute ti per shpirtin tim ne Kishen orthodokse ne Lynn,ne kohen e semundjes sime, kur i kerkove priftit te lutej per editorin e Diellit, ashtu dhe une i lutem Zotit per lehtesimin e vuajtjeve me te cilat po perballesh ti motra ime! Lutem me shprese se do ta perballosh te keqen!(D greca)

KUSH ËSHTË ROZI THEOHARI?

Rozi Theohari është shfaqur në fushën e letrave shqipe në vitet ’60 të shekullit të shkuar. Provoi gjini të ndryshme të krijimtarisë si: vjershat humoristike, tregimin humoristik për të rriturit dhe për fëmijet. Për lexuesin e rritur ka botuar librat: “Telashe nga emancipimi” (1969), “Në mungesë të gruas sime” (1973), “Shoku Ndriçim hapi kasafortën” (1977), “Pa diagnozë” (1978), “Teto Kalina” (1990). Në vitin 1987 ka shkruar skenarin e filmit artistik “Familja ime.” Për lexuesit e vegjël ka botuar dy përmbledhje me tregime. Rozi emigroi ne Amerikë në vitin 1994 me familjen e saj. Përvec dy fakulteteve, atij Ekonomik dhe të Historisë e të Filologjisë, të kryera në Universitetin e Tiranës, në vitin 2000 ajo perfundoi me sukses e u diplomua nga North Shore Community College në Lynn, Mass, USA, në degën “Artet Liberale.” Emri i Rozi Theoharit u vendos në Librin e Nderit “The National Dean’s List”, 1997-1998, si studente e dalluar dhe e nderuar e kolegjeve amerikane. Që prej 13 vjetësh në Amerikë vazhdon të jetë anëtare e shoqërisë së nderit “Phi Theta Kappa”. Në vitin 2002 ajo botoi në anglisht vellimin me poezi “Tëo Halves”, në vitin 2003 botoi në anglisht e shqip poemën “Rozafat”, në vitin 2004 romanin “Lajthitje dimërore”, në vitin 2005 librin “Mbi thinja fryn erë”, ne vitin 2006 librin publicistik “Jehona Skënderbegiane”, në vitin 2007 vëllimin poetik “Rozafa’s Tears On The River Drina” në tri gjuhë, anglisht, rumanisht dhe shqip, në vitin 2008 librin “Më shumë se një jetë”. Rozi vazhdoninjë aktivitet të mirë letrar në USA. Ajo është anëtare e Federatës Panshqiptare të Amerikës VATRA, anëtare e Shoqatës së shkrimtarëve shqiptaro-amerikanë dhe ka botuar në vazhdimësi në Gazetën DIELLI, Illyria dhe në revistën “Pena” të të shoqatës së Shkrimtarëve. Po ashtu, boton në gazetën shqiptaro-amerikane “Illyria” . Ka qenë pjesmarrëse e përhershme në aktivitetet kulturore të shtetit të Massachusettsit. Për vitin 2005 Rozi Theohari është nderuar nga Shoqata e shkrimtarëve shqiptaro-amerikanë me çmimin “Pena e Artë” për librin “Mbi thinja fryn erë”. Rozi Theohari në vitin 2006 fitoi Honour Prize në Konkursin Letrar Ndërkombëtar të “Maison Naaman Pour la Culture”, duke u bërë dhe Anëtare Nderi e kësaj shoqate.
Katër libra të Rozit ndodhen në Bibliotekën e Kongresit Amerikan në Washington DC.

Studiuesit maqedonas: “Shqiptarët lindën në Shkup së bashku me hënën dhe diellin!

by

Nga Fahri XHARRA/
Vorbulla e historisë sonë gjithëshqipatre, ishte marramendëse. Askush nuk mendonte se nga ato përplasje centripetale drejt vrimës së zezë, do të shpëtonim. Furtunat nga ato më të fuqishmet u munduan të na zhbënin, dhe të na hidhnin në vrimën e moskthimit, duke na mohuar të kaluarën tonë, duke na çrrënjosur nga trungu ynë mijëravjeçar. Tjetërsimin tonë e kishin në përparësi; kush duke na shlyer dhe humbur historinë e kush duke na tjetërsuar në kombe të tjera me qëllim të caktuar që të harrojmë vehtën tonë dhe një ditë të na vjen turp me atë se çka ishim
****
Në historinë e tij të gjatë, Shkupi disa herë është rrëzuar dhe prej fillimi ka lindur. Në hapësirën mes fshatrave Zlokuqan dhe Bardovcë ka ekzistuar qyteti i Skupit, metropol i provincës Dardania. Kjo qytet dardan në vitin 518 ka qenë plotësisht i shkatërruar nga tërmeti. Atëherë në provincën Dardania janë shkatërruar 24 bedena të qytetit. Forca e këtij tërmeti ka qenë 10-11 ballë. Tërmeti katastrofal plotësisht e ka shkatërruar Skupin. Gjatë kohës së dridhjes janë shkaktuar shumë plasje në tokë. Nga kodrat për rreth janë shkëputur masa të mëdha me shkëmbinj. Shkupi më pas është ndërtuar në vendin e sotëm.
****
“Ligjet fonetike dhe kronologjia e tyre na japin dorë t`u vëmë gisht toponimeve të lashta, vendbanimeve tona, oronimeve, emrave të maleve, qyteteve të moçme: Shkupi, Shari, Shtipi, Shkodër, Mat-i, Dri-ni, Lesh-Lezhë, Ishmmi, Buenë, Bunë, Durrës, Qafa e Prushit (Scupi, Scardus mons, Astibos, (us) Mathis, Drinus, Lissus, Issamus, Perustae, Pirustae). Është konstatuar se shumica e këtyre toponimeve të sapopërmendura janë ilire e zhvillimi i formave të sotme të tyre nga ato të moçmet ka qenë i mundshëm vetëm me ndërmjetësim të fonetikës historike të shqipes; gjuhët sllave, me të drejtë, janë përjashtuar, sepse në kohën e kryerjes së këtij procesi gjuhësor, bartësit sllavofolës të tyre, në ato kohë, po gjëllinin përtej maleve Karpate. (Idriz Ajeti”Formimi i popullit shqiptar dhe i gjuhës së tij”)
****
“Gazeta “Dnevnik” boton pjesë nga një studim i vitit 1951 të Dr. Jovan Trifunovskit, sipas të cilit shqiptarët e parë në Shkup dhe në rrethinat e saj kanë ardhur nga Veriu i Shqipërisë në fillim të shekullit XIX.
“Popullata shqiptare e fushës së Shkupit ndahet në shqiptarë të vërtetë dhe “magjupë” të shqiptarizuar. Ata u përkasin dy rrymave migruese, njërës që e ka prejardhjen nga Kosova dhe tjetra nga Veriu i Shqipërisë”, shkruan gazeta maqedonase.
Sipas studiuesit, migrimi më i vonshëm i popullatës shqiptare në Shkup është nga fundi i shekullit XVIII dhe fillimit të shekullit XIX. Ndërsa, ai shpjegon edhe emërtimin malokë, të cilin e lidh me romët e shqiptarizuar dhe në këtë kontekst, ai shkruan se nga pleqtë ka dëgjuar se ata kanë ardhur nga Fusha Kosova, Metohia, Morava e epërme dhe Drenica.
Në studimin”e tij thuhet se nuk dihet se nga ku kanë ardhur në Kosovë, malokët, por besohet se kanë ardhur nga Shqipëria e Veriut dhe janë vendosur në fushë Kosovë. Madje në studim thuhet se ata knë lëkurë të zezë, por kanë një qëndrim refuzues ndaj bashkëkombasve të tyre romë, me të cilët i kanë të ndarë varrezat, por as nuk martohen. “
***
“Gjyshja dhe babai im flisnin shqip në shtëpi. Babai im më thoshte përherë se kemi prejardhje shqiptare. Në atë kohë, unë isha shumë i ri dhe nuk arrija ta ndjej nevojën për të njohur rrënjët e mia. Tani lexoj dhe shoh gjithçka thuhet në lidhje me këtë, dhe thjesht nuk e kuptoj pse ky fakt tronditi kaq shumë opinionin”, tha Sinadinovski.
Presioni sllav eshte shume i madh. edhe motra e tij e ngrate iu desht te deshmoj kunder vellaut . Te gjithe shqiptaret ortodoks te ish Jugosllavise te bashkohen rreth trungut shqiptar!Ne jemi me Sinadinovskin!
Çështja e përkatësisë së tij etnike u aktualizua ditët e fundit, kur Sinadinovski hodhi idenë e formimit të Kishës Ortodokse Shqiptare.

“Kurir”: Rama, për të dytën herë me antiplumb në Beograd

by

E përditshmja serbe “Kurir” në numrin e saj të sotëm i kushton faqen kryesore kryeministrit shqiptar Edi Rama. Në artikullin me titull “Paranoja, Rama kishte frikë se mos vritej në Serbi”.
Kurir shkruan se krysministri shqiptar mbante veshur një antiplumb gjatë vizitës në Beograd më 10 nëntor.
Referuar burimeve te gazetës artikulli thotë se Edi Rama do të mbajë antiplumb edhe gjatë vizitës së dytë në Beograd më më 16 dhjetor në samitin e vendeve të Evropës Qëndrore dhe Lindore dhe Kinës.
Gazeta shkruan siguria e samitit do të garantohet nga 10 mijë policë, dhe se Rama e do të veshë sërish antiplumb, raporton Respublica.