Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Lironi Dr.Nail Dragën!

by

1 qemali NailiNga Keze Kozeta Zylo/

Shkolla e kezesFushata  antishqiptare nga ujkonjat e vjetra dhe këlyshët e rinj grabitqarë ndër trojet tona ku kanë zënë strofkull më shumë se një shekull është tejet tronditëse, është tejet alarmuese, është uleritëse…Rasti i fundit dhe më i freskët është hedhja e prangave Dr.Nail Dragës, një intelektuali të shquar, një patrioti shqiptar që jeton në Ulqinin tonë, por të gllabëruar nga qeverite antishqiptare mala-zeze… e nxiron dhe i vë vulën e urrejtjes së pashoqe që kanë këto qeveri karshi shqiptarëve…

Korrupsioni politik që ka përfshirë vendet e Ballkanit dhe që dhunojnë pa mëshirë bashkatdhetarët tanë të cilët janë në trojet e tyre qëkur ka lindur njerëzimi duhet të na bëjë më syçelët dhe më të lidhur së bashku se kurrë,…edhe pse mjerisht ne akoma zihemi mes vetit…, ndërkohë qeveritë jetojnë në lluks të shfrenuar dhe pasuri përrallore…

Dr.Nail Draga një zë intelektual ne botën shqiptare me botime të ndryshme dhe njëkohësisht me emër në Malin e Zi, i tmerron dhelprat dinake të politikës së fëlliqur dhe prandaj duan që këta burra dhe gra shqiptare t’i mbyllin në kafaz, pa Liri… që më sjellë ndërmend vargjet e poetes së famshme Maya Angelo në poezinë: “I Know Why the Cadged Bird Sings”, “Unë e di pse nuk këndon zogu në kafaz” ku midis të tjerash do të veçojë këto vargje:

Zogu i mbyllur në kafaz këndon, …

Me melodine qe jehon nder kodra,

Apo tek nje zogth tjetër i dënuar,

Që për Lirinë është duke cicëruar…

Jam e sigurtë se i lidhur në pranga Zeri i Dr.Nail Drages do të ndihet kudo dhe ndër të burgosur dhe të dhunuar të tjerë nga politika shfarosëse sllavo-maqedonase-serbe të lidhura me fijet e mafias të politikës së pabesë shqiptare, sepse njerëz të tille janë si Angelou e cila nuk rreshti së thëni edhe kur u ngujua të mos fliste se: “Unë ngrihem, ashtu si jeta; Unë jam ëndrra dhe shpresa e skllavit dhe kaq natyrshëm … unë përsëri ngrihem.

Tani e kuptoni pse zogu këndon…

Ngujimi dhe prangat që i hodhën Dr.Nail Drages nuk mund ta pengojne dot si përhapës i Dritës ndër turma të trullosura nga errëira…

Shkolla Shqipe “Alba Life” e kujton Dr.Nail Dragen me një respekt dhe mirënjohje të pakufishme i cili që nga Ulqini e gjeti udhën për të ardhur dhe përshëndetur mësusesit dhe nxënësit e Shkollës Shqipe “Alba Life” në Manhattan!

Lironi Dr.Nail Dragën!

14 Maj, 2017

Staten Island, New York

 

KOMUNITET-ARIZONA: GENA, NJE KONCERT I PAHARRUESHEM

by

6-lulzim-mulliqi-250x283

NGA:LULZIM MULLIQI/SHBA/

Me iniciativen e instrumentit te mirenjohur te komunitetit shqiptaro-amerikan,z.Murat Rama dhe ne bashkepunim me Albo’s Party Production,keto dite ne Feniks te shtetit te Arizones,u mbajt nje koncert madheshtor me kengetarin e mirenjohur te estrades muzikore shqiptare,Genen.Ky koncert i solli publikut te mergates nje fryme te re te muzikes se lehte dhe popullore i gershetuar me elemente kombetare nga te gjitha trevat shqiptare.Me kete rast kengetari Gena me nje repertor te larmishem te kengeve te tij solli ne skene per bashkeatdhetaret tane kenget me te te bukura qe i kendohen atdheut,pastaj kenget idilike,te mergimit dhe perditshmerise se jetes sone.

GenaSalla e mbushur me bashkatdhetaret tane nga te gjitha trevat etnike shqiptare,e perbenin nje Shqiperi ne miniature,te cilet duartrokisni e therrisni gezushem shqip dhe panderprere interpretimin brilant te kengetarit te mirenjohur,Gena.Ne turneun e tij koncertal ne Feniks te Arizones,kengetari Gena vinte pas shfaqjes se nje numri te madh koncertesh, ku ai kishte performuar me pare ne metropolet amerikane,perfshire: Los Angeles,Chicago,Miami,Las Vegas dhe Toronto te Kanadase.Kengetari Gena me nje ze tipik, karakteristik dhe melodik si dhe me nje performance te shkelqyer ka mrekulluar publikun,duke lene mbresa te paharrueshme tek bashkeatdhetaret tane ne Feniks te Arizones.Ne kete koncert kengetarin Gena e shoqeruan instrumentistet e mirenjohur,Murat Rama dhe Edlir Begolli.Pjesemarres ne kete koncert kishte edhe nga radhet e veprimtareve dhe perfaqesuesve me te larte te komunitetit shqiptaro-amerikan te Arizones,sic ishin ish- kryetaret,Skender Bajrami dhe dr.Arben Lasku.Ky koncert eshte mbajtur ne Qendren Kulturore”LA PRINCESSA” ne Betahany Home ne kryeqytetin e Arizones-ne Phoenix(Feniks).Se fundmi vlene te theksohet se ne komunitetin shqiptar te Arizones,verehet nje  begatim me i madh i  jetes kulturore ne krahasim me vitin pararendes,por njeherit eshte edhe nje publik i pasionuar pas muzikes sone popullore dhe shume adhurues per artistetet e zhanreve te ndryshme muzikore, qe vijne nga Kosova,Shqiperia dhe trevet tjera etnike shqiptare.

Gratë për Mark Gjonaj

by

1 ok MarkNga Mimoza Dajçi/Në një nga ambjentet e “Vila Barone” u mbajt takimi Fondmbledhës për fushatën e re elektorale të Z. Mark Gjonaj për postin e tij të ri në politikën amerikane. Mbështetje të kësaj natyre i kanë dhënë kandidimit të Tij për Këshillin Bashkiak të New York-ut, shoqata dhe organizata të ndryshme jo qeveritare në SHBA, kryesuar nga Federata Pan Shqiptare “Vatra”.

Takimi tek “Vila Barone” më datë 6 MAj 2017, i uniciua direkt nga bashkëshortja e Assemblyman Mark Gjonaj, Zj. Roberta Gjonaj. Morën pjesë përfaqësuese të organizatave të grave shqiptare – amerikane, avokate, biznesmene, artiste, nëpunëse të ndryshme dhe vajza të reja studente të shkëlqyera në New York e më gjerë.

Nën një atmosferë feste, ku nuk mungoi edhe muzika me DJ Fati, ushqimi ishte i pasur dhe i mrekullueshëm. Pas Hymnit Amerikan ku të gjitha gratë u ngritën në këmbë, mori fjalën Zj. Roberta Gjonaj, e cila pasi falenderoi pjesëmarrëset, foli mbi punën e deri tanishme të kryer nga bashkëshorti i saj Mark Gjonaj në dobi të komuniteteve, si dhe tha se ai do të luftojë për punët me pagesë më të mirë, për një ekonomi më të fortë që të funksionojë për të gjithë, për rritje të fondjeve për edukim dhe programe mbas shkollore, do të mbështesi politika që i bëjnë lagjet tona më të sigurta, zgjerimin e opsioneve të transportit publik, riparimin e rrugëve, dhe për uljen e taksave mbi pronën, ujin për bizneset dhe individët.

Më pas përshendeti dhe falenderoi të pranishmet Assemblyman Z. Mark Gjonaj, i cili ndërmjet të tjerave tha se ishte dyfish i lumtuar që ndodhej sot këtu, së pari që këtë event e kishte pregatitur bashkëshortja e tij Roberta, apo “ambasadorja” e familjes së tij siç e quajti me dashamirësi dhe së dyti që ndodhej aty mes motrash shqiptare dhe amerikane, të cilat vlerësojnë punën e tij të deritanishme, e që kanë besim tek vazhdimësia e tij e suksseshme.

Assemblyman Mark Gjonaj në Asamblenë e Shtetit të New York-ut përveç të tjerave ka ngritur dhe miratuar Ligje për mbrojtjen e të drejtave të gruas amerikane.

Gratë dhe vajzat shqiptare i uruan fitore dhe suksese Z. Mark Gjonaj në zgjedhjet e ardhshme elektorale që do të mbahen në muajt shtator dhe nëntor të këtij viti.

E pranishme në këtë takim si gjithmone ishte edhe e motra e Z. Gjonaj, Elsa Gjonaj – Lulaj, etj.

New York, Maj 2017

Shqiptarët me kohë i kanë thënë jo Moskës

by

(Reagim i SHSHA-së në Çikago)/

Për gjendjen e krijuar politike në Maqedoni kanë dorë edhe qarqet e huaja dhe skenarët e Moskës,thotë në fillim të reagimit SHSHA bë Çikago,që ky vend me një të ardhme të brishtë të bëhet mollë sherri në Ballkan.

Populli shqiptar në Maqedoni është në hapësirën e vet etnike dhe nuk ka nevojë për porosinë e Moskës së Putinit,,Ose me ne,ose me Amerikën,,që është ultimatum për Ivanovin dhe Gruevskin dhe skenarët e tyre antishqiptar në hapësirën etnike në Ballkan,ndonëse shqiptarët me kohë i patën thënë jo Rusisë dhe kanë përcaktuar udhën e vet në BE dhe në miqësi të përjetshme me SHBA,thuhet në reagimin e SHSHA-së në Çikago.
 
Kushdo që merre pjesë në këtë lojë politike dhe për skenarët e Putinit ndaj çështjes politike e të sigurisë në Ballkan,mund të ndahen e të shkojnë pa shqiptarët më Rusinë,kjo mund të jetë porosi nga shqiptaro-amerikanët  në Çikago për Ivanovin dhe Gruevskin,thuhet zëshëm në fund të këtij reagimi për opinion.
(Skënder Karaçica)

KOMUNA E GUCISË PERKRAH AKSIONIN HUMANITAR PËR FAMILJEN QOSAJ DHE VUKAJ

by

1 Komuna PlaveNga Esad Gjonbalaj/

Në mbledhjen e mbajtur me datën 30 mars 2017  Kuvendi i ll -të me radhë i Komunës së Gucisë në këtë vit ,me një rënd dite prej 17 pikave  të rendit të ditës ndër të tjera shqyrtoj edhe Kërkesën e iniciuar nga dy subjektet politike shqiptare pjesë e koalicionet qeverisëse së komunës së Gucisë .

-Propozim vendimi për lirimin nga pagesa për tokën ndërtimore për Haxhi Qosaj.

– Propozim vendimi për lirimin nga pagesa për token ndërtimore për Zef Vukaj .

Këto dy vendimet e fundit për lirimin nga pagesa për tokën ndërtimore për Haxhi Qosaj e Zef Vukaj , u propozua nga Sekretari I Kuvendit zt Enver Dedushaj , në emër të koalicionit  UDSH dhe Aleancës Shqiptare.

Familja Qosaj dhe Vukaj janë përfituese nga një aksion humanitar i iniciuar nga shoqata e jonë Fondacioni Plave Guci me veprimtari në New York, SHBA. Duke par gjendjen e rënd ekonomike të këtyre dy familjeve dhe kushteve të rënda për jetë Fondacioni Plavë Guci me përkrahjen e diasporës tuboj shuma të konsiderueshme mjetesh për të ndërtuar dy shtëpi të reja familjeve të cekuar ma lartë.

Koordinatori i emëruar nga Fondacionit Plavë Guci për implementimin e këtyre dy projekteve bashkëvendësi ynë zt Shaban Prelvukaj nga organet përgjegjëse të KK të Gucisë kërkoj që të has në mirëkuptim për rastin e familjeve të cekura më lartë. Kërkesë kjo që hasi në mbështetjen dhe përkrahjen e plot te tërë organeve të KK të Gucisë.

Duke u solidarizuar me aksionin e Fondacionit Plave Guci dhe të iniciuesve të Kërkesës të subjekteve shqiptare  UDSH dhe Aleancës Shqiptare të gjithë asamblistët jo vetëm që aprovuan liriminë nga obligimet tatimore të familjeve të cekura ma lartë por edhe dhuruan mëditjet e tyre nga 50 euro për të përkrah familjet Qosaj dhe Vukaj  . Nga kontributet e asamblistëve  u tubuan 1500.00 euro që do u dhurohen këtyre dy familjeve me kushte të rënda të jetës.

Në këtë mënyrë të gjithë këshilltarët ju bashkëngjiten aksionit solidar të Shoqatës, Fondacioni Plave e Guci nga New Yorku.

Ky veprim i KK te Gucisë  është për tu përshëndetur dhe vlerësuar por njëkohësisht edhe një inkurajim për diasporën qe në raste të kësaj natyre organet kompetente do të vlerësojnë dhe çmojnë angazhimet e mërgimtarëve për vendlindjen.