Komunitet – Page 241 – Dielli

Kosovë-Kuvendi në situatë të “ngrirë”

January 19, 2016 by dgreca

-Dimër me acar në ditën kur zyrtarisht sipas “kalendarit” nis sesioni pranveror i Kuvendit të Kosovës/
-Shtypi i Kosovës: “Bllokadë dhe protesta në 8-vjetorin e Pavarësisë”, Opozita do ta bllokojë Specialen”. A do të ketë zgjedhje të parakohëshme parlamentare?/
Nga Behlul Jashari*/ PRISHTINË, 19 Janar 2016/ Kuvendi i Kosovës në një situatë të “ngrirë” që prej fundverës 2015 nga bllokadat e opozitës, sot, në një ditë dimri me acar nis sesionin pranveror zyrtarisht sipas “kalendarit”, ndërkohë që ende nuk është ftuar seancë plenare, e cila pritet nga fundi i janarit, e as nuk është mbledhur për këtë Kryesia me shefat e grupeve parlamentare. Sot mblidhen dy komisione parlamentare, për Zhvillim Ekonomik, Infrastrukturë, Tregti dhe Industri dhe ai për Integrime Evropiane, për të shqyrtuar planet e punës për vitin 2016. Komisionet parlamentare bojkotohen nga opozita, e cila është shprehur se, “Kosova ka nevojë për një front të përbashkët për zgjidhjen e krizës politike”, dhe se “thirrja eventuale e seancave plenare të Kuvendit, nuk i kontribuon zgjidhjes së kësaj krize”.
Kuvendi i Kosovës, i zgjedhjeve të parakohëshme të 8 qershorit 2014 e i konstituuar pas plot 6 muajëve, prej më shumë se 4 muajsh, nga fillimi i sesionit vjeshtor me seancën e 17 shtatorit 2015, bllokohet nga opozita, në kundërshtim të 4 marrëveshjeve të 25 gushtit me Serbinë dhe marrëveshjes së demarkacionit me Malin e Zi, edhe me gjuajtje gazi lotsjellës në seanca e jashtë tyre, pas të cilave zhvillime ka pasur edhe deputetë opozitarë të arrestuar, 13 sipas opozitës, ndërkohë që ka ndodhur edhe lirimi i tyre.
Në 17 dhjetor, Kuvendi i Kosovës, i mbledhur në sallë “alternative” pa opozitën e përjashtuar e cila qëndronte në sallën plenare, të cilën, sipas diskutimeve të pozitës, e kishin uzurpuar dhunshëm, ka përmbyllur në mesnatë seancat plenare për 2015-tën me emërimin e Bordit të Agjencisë Kosovare të Privatizimit, të munguar gjatë vitit.
“Aktulisht nuk kemi asnjë çështje në pritje për shqyrtim në seancën plenare të Kuvendit. Shkojmë në pushimin, të cilin e kemi dimëror”, është shprehur në përmbyllje të seancës së fundit të vitit të kaluar kryeparlamentari kosovar Kadri Veseli.
Opozita në Kosovë, në vazhdimësi të organizimeve, ka paralajmëruar edhe protesta të reja duke u shprehur se “nuk do të ndalen deri në dorëheqjen e qeverisë”.
Në 9 janar 2016, në protestën në Prishtinë, kundër qeverisë, sipas opozitës ishin rreth 100 mijë pjesëmarrës, ndërsa sipas Policisë së Kosovës ishin 8 mijë. Më parë, në 28 nëntor 2015, në manifestimin e opozitës në Prishtinë sipas vlerësimeve të saj ishin 35 mijë pjesëmarrës.
“Bllokadë dhe protesta në 8-vjetorin e Pavarësisë”, është një nga titujt e ballinave në shtypin e sotëm kosovar.
Gazeta Koha Ditore paralajmëron se, procese të vështira e presin Kosovën brenda qarkut njëmujor, kur edhe festohet përvjetori i tetë i Pavarësisë së shtetit.
Madje analistët parashohin përkeqësim të situatës nëse vazhdojnë tensionet aktuale mes qeverisë dhe opozitës.
Zgjedhja e presidentit mes bllokadës në Kuvend dhe protestave të opozitës dhe dialogu me Serbinë po shihen si çështje me të cilat do të përballet Kosova deri më datë 17 shkurt (ditën e përvjetorit të shpalljes së pavarësisë).
Si arsyeja e vetme për festë në përvjetorin e tetë të Pavarësisë do të ishte rekomandimi eventual i Brukselit që Kosovës t’i hiqen vizat. Me gjithë pritjet se aktgjykimi i Kushtetueses mbi parimet e Asociacionit do të ndikojë në kthimin e normalitetit, kjo nuk ndodhi.
Qeveria refuzon ta hedhë poshtë marrëveshjen e 25 gushtit, duke premtuar se frymën e Kushtetutës do ta rikthejë me Dekretin qeveritar dhe Statutin e Asociacionit, përfundon citimi nga gazeta.
Në 23 dhjetor 2015, Gjykata Kushtetuese, pas kërkesës që i është bërë nga Presidentja e Republikës të vlerësojë përputhshmërinë e dokumentit të emërtuar “Asociacioni/Bashkësia e komunave me shumicë serbe në Kosovë – parimet e përgjithshme/elementet kryesore”, ka vendosur se, “këto Parime nuk janë tërësisht në përputhje me standardet kushtetuese përkatëse dhe ka konkluduar se akti ligjor i qeverisë së Republikës së Kosovës dhe Statuti duhet të jenë në përputhje”.
Pas këtij vendimi, qeveria e Kosovës ka siguruar se, “i tërë procesi dhe çdo akt juridik për të finalizuar asociacionin e komunave me shumicë serbe do bëhet duke u bazuar dhe respektuar konkluzionet e Gjykatës Kushtetues” dhe se “edhe Statuti i asociacionit do dërgohet në Kushtetuese”.
Edhe gazeta Zëri në kryetitullin në ballinë sot ka një paralajmërim: “Opozita do ta bllokojë Specialen”, ku theksohet se “çdo iniciativë që vjen nga qeveria, do të kundërshtohet dhe do të bllokohet”.
Kjo gazetë shkruan se, tre partitë opozitare që kanë formuar aleancën anti-qeveri kanë paralajmëruar bllokim të seancave plenare edhe atëherë kur pritet të vihet në votim ratifikimi i marrëveshjes me Holandën për selinë e Gjykatës Speciale. Sipas përfaqësuesve të opozitës, bllokimi i seancave plenare do të vazhdojë pavarësisht presionit ndërkombëtar, por edhe rëndësisë së seancave.

Në këtë vazhdë, ata thonë se do ta pengojnë edhe ratifikimin e marrëveshjes me Holandën për selinë e Gjykatës Speciale, e cila parimisht është vendosur të jetë në Hagë. Për këtë seli janë pajtuar përfaqësuesit e shtetit holandez, por që kjo të jetësohet kërkohet që marrëveshja të ratifikohet me shumicë votash, në dy Parlamentet, të Kosovës dhe të Holandës.

Tre partitë opozitare, Lëvizja Vetëvendosje, Aleanca për Ardhmërinë e Kosovës dhe Nisma, janë shprehur të vendosura për të kundërshtuar çdo iniciativë të Qeverisë, derisa vendi të shkojë në zgjedhje të parakohshme parlamentare. Opozita e bashkuar edhe një herë ka nënvizuar se marrëveshjet e arritura në Bruksel po shkelin integritetin e vendit dhe Kushtetutën, shkruan gazeta.
Ndërsa, gazeta Epoka e Re paralajmëron në kryetitullin e ballinës se, “Zgjedhjet në Serbi imponojnë edhe zgjedhjet në Kosovë”.
Sipas gazetës, njohësi i rrethanave politike në vend, Milazim Krasniqi, ka vlerësuar se mbajtja e zgjedhjeve në Serbi do t’i imponojë edhe zgjedhjet e parakohshme në Kosovë.
Ai ka deklaruar se një gjë të tillë do ta imponojë Bashkimi Evropian për nevojat e veta në procesin e dialogut për normalizim të marrëdhënieve në mes të dy vendeve.
Në bisedë për gazetën, Krasniqi ka treguar se zgjedhjet në Kosovë do të mbahen tek pas funksionalizmit të Gjykatës Speciale. “Mendoj se zgjedhjet në Serbi do t’i imponojnë edhe zgjedhjet në Kosovë. Jam i bindur që kjo do të ndodhë për shkak të një qëndrimi që do ta formulojë BE-ja për nevojat e veta”, ka thënë Krasniqi, duke përmendur edhe arsyet konkrete pse BE-ja do ta kërkojë mbajtjen e këtyre zgjedhjeve. “Së pari, BE-ja Kosovën dhe Serbinë, veçmas në procesin e Brukselit, në njëfarë forme i trajton si motra siameze. Pra, që janë të lidhura shpinë për shpine dhe në bazë të këtij procesi ato shihen se si mund të avancojnë derisa të shkëputën përfundimisht nga njëra-tjetra. Së dyti, mendoj se ndikimi i politikës serbe, fatkeqësisht në Kosovë, është shumë më i madh sesa që pranohet publikisht në Kosovë dhe kjo ka interferimet e veta jo vetëm në komunitetin serb, por edhe në gjithë Kosovën”, ka deklaruar Krasniqi.
Më tutje, Krasniqi ka sqaruar se me zgjedhjet e parakohshme në Serbi dhe Kosovë, BE-ja do të dëshironte ekipe të reja me mandat të ri për proceset e ardhshme.
*Foto Gazeta Dielli – Behlul Jashari: Dimër me dëborë e acar në Prishtinë – ndërtesat e Qeverisë e Kuvendit të Kosovës

NJE SHOQATE E RE NE SHBA

January 18, 2016 by dgreca

* Themelohet në Nju Xhersi, shoqata e grave shqiptare “Marigona” për Tri – Shteshin/
* “Jo rastësisht, u zgjodh emri Marigona. Ajo qendisi flamurin tonë më 28 Nëntorë 2012, kurse, ne do të jemi vazhdimësia e Margonës që do t’a mbajmë gjallë atë flamur që e qendisi dora e saj, dhe do të bëjmë të pa-mundurën që ky flamuri ynë të na frymëzojë në punën tonë – dhe, të na idetifikojë ne në indetitetin tonë kombëtar dhe traditave tona shqiptare. Edhe pse jemi në mërgim gruaja shqiptare ndado që ka ardhur në Amerikë, Shqipëria, Kosova, dhe trojet shqiptare , ajo ka kontribuar shumë në çështjen tonë kombëtare” tha kryetarja e Shoqatës së Gruas Shqiptare “Marigona”/
Nga Beqir SINA/
WAYNE – NEW JERSEY : Në prani të më shumë se 300 grave, kryesisht ato nga Struga në SHBA, aktivisteve dhe veprimtareve të komunitetit në Qendren Kulturore Shqiptare në New Jersey, është shënuar me një darkë festive, të shtunën mbrëma, themelimi i shoqatës së grave “Marigona” në zonën e Tri-Shteshit, Nju Jork, Nju Xhersi dhe Kenektiket.
Himnet kombëtare të dy vendeve, SHBA dhe Shqipërisë shënuan hapjen e kësaj mbrëmje festive.
Ndërkaq, prezantuesja e programit znj. Zera Musliu, ftoi kryetaren e Shoqatës së Gruas Shqiptare – Amerikane “MARIGONA’ znj. Sabie Veseli, të përshëndeste gratë pjesmarrëse dhe lexonte fjalën e saj . Nën kryetari i Qendres Kulturore Shqiptaro Amerikane z. Nebi Kaba dhe sekretari i qendrës Urim Shabani përshëndetë dhe uruan suksese grave shqiptare në këtë shoqatë, më e madhja e shqiptarë në SHBA, thanë ata.
Kryetarja kësaj shoqate më e reja – që i vjen komunitetit shqiptarë në Shtetet e Bashkuara, zonja Sabije Dervishi – Veseli, shkrimtare nga Struga, duke paraqitur qëllimin e themelimit të shoqatës ka theksuar se synohet emancipimi i grave shqiptare, e të gjitha anëve në diasporë, angazhimi dhe mbrojtja për të drejtat e tyre, mbështetje për nismat si dhe organizimi i tyre në veprimtarit tona kombëtare në komunitetin shqiptarë, aktivitete dhe veprimtari kombëtare .
Duke folur për shoqatën e tyre, dhe, zgjedhjen e pagëzimit me emrin e bukur Marigona, kryetaria e saj , Veseli, thotë se jo rastësisht ato u zgjodhën emrin e Marigonës, për shoqatën e grave shqiptare në zonën e Tri-Shtetshit.
“Jo rastësisht, u zgjodh emri Marigona, tha strugnaja, Sabije Dervishi Veseli. Margona qendisi flamurin tonë më 28 Nëntorë 2012, kurse ne do të jemi vazhdimësia e Margonës që do t’a mbajmë gjallë atë flamur që e qendisi dora e saj, dhe do të bëjmë të pa-mundurën që ky flamuri ynë të na frymëzojë në punën tonë – dhe, të na idetifikojë ne në indetitetin tonë kombëtar dhe traditave tona shqiptare. Edhe pse jemi në mërgim gruaja shqiptare ndado që ka ardhur në Amerikë, Shqipëria, Kosova, dhe trojet shqiptare , ajo ka kontribuar shumë në çështjen tonë kombëtare” tha kryetarja e Shoqatës së Gruas Shqiptare “Marigona”
Themelimin e shoqatës me emrin e bukur Marigona, me kryetare Sabije Veseli, nën kryetare Zera Musliu, sekretare, Gonxhe Meta, arkëtare Teuta Sela dhe Suzana Naxhaka, webmaster Ike Bairami, këshillater Memnune Abdullai, e kan përshëndetur edhe producentja e njohur Mrika Krasniqi, poetja dhe shkrimtarja Rita Saliu, profesore Ludmilla Meçaj, aktivistja e njohur Shqipe Biba, këngëtarja e njohur Sabahete Bërjallori – Sebi, të cilat kan theksuar besimin në angazhimin e kësaj shoqate për përmirësimin e pozitës së femrës nëkomunitetin shqiptarë në SHBA .
Ndërsa, nënkryetaria e kësaj shoqate, znj. Zera Musliu, në një pronocim për gazetë tonë duke potencuar rolin e femrës në shoqëri, ka shprehur bindjen se kjo shoqatë do të gëzojë mbështetje të madhe edhe tek shoqatat dhe organizatat e tjera, në komunitetet, dhe mbarë gratë shqiptare në zonën e ashtuquajtur Tri-Shteshit, për përmbushjen e objektivave të saj dhe ruajtjen e kultivimin e traditës së gruas shqiptare në diasporë – kontributin e saj në çështjen kombëtare.
Aktivitetit më i madh i grave në SHBA , pas fjalimeve vazhdoi me pjësën më të këndëshme për gratë me mbrëmjen muzikore me këngë valle nga Shqipëria, Kosova dhe të gjitha trevat, nga Grupi muzikor Afrim Deberdoli me shok, me këngëtarët Linda Bytyqi , Fation Krasniqi, dhe interpretimin tepër virtuoz i këngëtares së mirënjohur nga Prizereni – Sabahete Bërjallori – Sebi, me “mjaltin” e këngëve të saj.
Simbas Wikpedia : Marigo Posio, mbiemri i vajzërisë Poçi, lindi në Korçë, me 2 shkurt 1892 dhe vdiq në 23 shkurt 1932. Ishte e bija e Papakosta Poçit dhe Lenka Ballauri me origjinë nga Voskopoja. Ajo kishte dhe dy motra; Urania Poçi (e martuar me Kristo Floqi) dhe Angjeliqi Poçi (e martuar me Koço Kosta, kryeministër në kohën e mbretit Zog).
Marigoja u martua me Jovan Posio nga Hoçishti i Devollit. Familja u vendos më vonë me banim në Vlorë. Marigo do të lindte tri vajza, Evridhiqi, Fereniqi dhe Liria. Evridhiqi u martua me një ushtar italian dhe emigroi. Marigoja vuante nga turbekulozi, sëmundje e pashërueshme për kohën. Po ashtu ajo humbi edhe shikimin gjatë viteve të fundit të jetës.
Po kështu Marigo shkruante dhe botonte në shtypin e kohës dhe mjaft poezi, si për shembull, kushtuar Avni Rustemit; “Ti vrapove porsi plumbi/ Ti u bëre erë e hije/ Shkele, shkove dhe e shove/ Shqipërinë e shpëtove…”.

Flamuri kombëtar

Sipas Zhaneta Poçit , mbesë e Marigo Posios, Marigoja e qëndisi flamurin kombëtar sipas një modeli të Don Mark Vasa, për pajën e saj qëkurse ishte çupë. Këtë flamur ajo ja dha Ismail Qemalit! Marigoja e qëndisi flamurin në një copë që e kishte blerë nga një tregtar me mbiemrin Diamanti. Më pas në gjithë dritaret e asaj godine janë valëvitur flamujt e stamposur nga Marigoja me përmasa 70 – 40 cm, me shkabë në mes dhe anash me shkrimin: “Rroftë Shqipëria”.

Miss New York USA 2016 është Serena Buçaj

January 18, 2016 by dgreca

Dy vjaza shqiptare mes 20 më të bukurave në Nju Jork- Florinda Kajtazi dhe Serena Buçaj/
Nga Beqir SINA/
NEW YORK CITY : 27 vjeçarja shqiptare Serena Buçaj – u kurorëzua mbrëmë Mis New York USA 2016 – në fund të konkursit të bukurisë të mbajtur më 17 janar, 2016.
Ajo është duke punuar si një modeliste në kompaninë e njohur të modës “Major Modeli” në metropolin e botës qytetin e Nju Jorkut. Buçaj thotë me krenari se ajo i ka rrënjët e saj shqiptare – Albanian Roots.
Në të njëjtën garë të bukurisë u kurorëzua për të përfaqësuar Nju Jorkun, në garën e vajzave të bukura nën 18 vjeç – për Miss Teen USA, konkurusia, Natalia Terrero.
Bukuroshja shqiptare me origjinë nga Puka – lindur e rritur në SHBA , Serena Buçaj, do të ketë mundësi këtë vit për të konkurruar në Miss USA 2016 – ku ajo shpreson që do të kurorëzohet me “Kurorën Mbretërore” të bukurisë, nga Miss USA Olivia Jordan nga Oklahoma.
Përveç përfitimeve materiale – dhe konkuruese, 27 vjeçarja shqipare Buçaj, është edhe fituese e Miss USA 2016 e cila tash thuhet se do të shkojë të përfaqësojë Shtetet e Bashkuara në konkursin Miss Universe 2016.
Ajo që tërheq vëmendjen kësaj rradhe në garën më të madhe të bukurisë në New York, për këtë vit është se në mesin e 20 finalisteve në fund të garës ishte edhe një bukuroshe tjetër shqiptare – vashëza Florinda Kajtazi nga Kosova, e cila jeton në Shtetet e Bashkuara.
Është, për t’u permendur me këtë rast fakti – se bukuroshja shqiptare Buçaj arriti në Mis New York USA 2015, së bashku latinen Thatiana Diaz duke konkuruar mes 50 femrave më të bukura më 12 korrik 2015 për titullin e Miss USA 2015, duke u vendosë në Top 15 femrat më të bukura në SHBA.

Historia e Mis New York USA Pageant
Nju Jorku metropoli botror qendra më e madhe e botës për modën- së bashku me Londrën, Parisin, Romën, Amsterdamin, Berilinin, është një nga qytetet më të suksesshme në Miss USA, dhe është renditur e treta në aspektin e numrit dhe vlerës së vendosjes në të gjitha vitet e konkurrencës.
Nju Jorku ka fituar Miss USA në konkursin e bukurisë së femrave në rang kombëtar, tri herë: Jackie Loughery (1952), Maria Therese Friel (1979), Kimberly Pressler (1999). Ky qytet gjithashtu ka numrin e tretë më të lartë të gjysmë-finalisteve (ose më mirë) me 33 vasha.
Mis New York USA 2016 Rezultatet përfundimtare
1 Briana Siaca
2 Hannah Lopa
3 Ashley Edwards
4 Christina Brat

Gjysmë-finalistë

Morgan Lucas
Susanna Domosi
Briana Siaca
A’storia Hill
Victoria Smurro
Kylie Jasenski
Sarah Rattan
Natalie Negrotti
Rebecca Herman
Ashley Edwards
Serena Bucaj
Jenna Tirado
Hannah Lopa
Summer Gardner
Christina Monello
Blaidy Garcia
Florinda Kajtazi
Shannon Geraghty
Alyssa Schmidt
Çmimet – Awards
Miss Photogenic – Rebecca Herman
Miss Congeniality – Serena Hutton

JU KAM DHJERË REFORMËN!

January 17, 2016 by dgreca

Nga Pellumb KULLA/
Në kalendaret e historisë së shqiptarëve ka plot ditë të tjera shumë më të përgjakshme se 21 janari, por kjo e janarit, përveç gjakut ka në ballë edhe turpin, ngaqë shënohet në kalendarin e bardhë të të ashtuquajturës demokraci brenda kornizës së BEsë dhe NATOs.
Ishte i rëndë dhe i turpshëm 21 janari i 2011, por gjithsesi më pak i rëndë dhe më pak i turpshëm se këta dy, të 2015 dhe 2016!
Para pesë vjetësh vrasësit ishin prepotentë, të paprekshëm. Ata vranë katër vetë teksa po mbanin duart në xhepa dhe tani që njohim karakterin e pushtetit të tyre, ai akt kriminal, thjesht, u shtohet historive të përgjakura qeverisëse në arkivat e njerëzimit. Ajo histori e tyre vrastare pasurohet me faktin se patën dy vjet e gjysmë kohë, që formalisht ta mbyllnin kapitullin me gjyqe të stisur dhe me fajtorë nga kundërshtarët që po u rrezikonin tua shqitnin kulltuqet nga bythët.
Nuk e bënë dot… Kësisoj ishin gati të mirëkuptuar, edhe kur I soditnim tek fshihnin gjurmët e krimit me shuarjet e filmimeve, ndërrimet e tytave, injorimet e prokurorëve…
Edhe 21 janari i vjetshëm, bile, ishte më i kuptueshëm dhe më pak i turpshëm se ky i sivjetmi! Sivjet, 21 janari ulurin dhe çirret! Pritet sërish të mbulohen hipokritikisht me lule njollat e gjakut të përfytyruar në bulevard, në vendet ku u gjendën shtrirë ata të vrarët me duart në xhepa…
Dhe do të dërdëlliten premtimet e reformës në drejtësi… Kjo përralla me reformë, do t’u shtohet luleve sivjet…
Ju kam dhjerë reformën!
Ju kam dhjerë konsensusin, ekspertët, amendamentet për Venecien, vetë Venecien dhe përpjekjet e ambasadorit amerikan! Premtoni alpet, kur nuk ngjisni dot një pirg dheu!
Nuk ka reformë më të thjeshtë se sa kjo e juaja:
Formuloni një akuzë për 21 janarin dhe shpjereni në gjykimin e Llallës, Venecies, Brukselit dhe Uashingtonit! Ose dorëzoni për hetim dy akuza të kundërta: një të kësaj qeverie për të shkuarën dhe një të qeverisë të shkuar për këtë të sotmen! Lerini listat me Rrugë Kombi, parajsen e Gjirit të Lalëzit dhe të Surrelit, me Gërdec dhe me naftën Millosheviçit! Ndaluni tek njëra! Përqendrohuni veç tek njëri nga turpet e kësaj gjenerate politikanësh! Qërroni dhe kthjelloni 21 janarin 2011!
Dhe ta shikoni sa e thjeshtë është reforma juaj e famshme e drejtësisë! Jepini paqë pikëllimit të 21 janarit dhe do ta shikoni se reforma është bërë vetvetiu!
Se ai 21 janar, e ka një fajtor.
Dhe ai fajtor, daçi besoni, daçi mos besoni, ai nuk jam unë! Prandaj kam kaq vrer, kaq përbuzje dhe mushkëri që të ulurij që këtej: ju kam dhjerë mu në reformë! Dëgjuat?

Famous Famiglia Pizza, tanti edhe në Washington

January 16, 2016 by dgreca

SHBA: Famous Famiglia Pizza, e vëllezërve Kolaj nga Kosova, hapin biznesin e tyre, në kryeqytetin e SHBA, Uashington/
Famous Famiglia Pizza, e vëllezërve Kolaj nga Kosova, një nga bizneset më të mëdha në botë të industirsë kulinare këto ditë ka bërë hapjen e njësisë së saj të parë në kryeqytetin amerikan Uashington, në stacionin e saj historikë të trenit – “Union Station”, pas asaj në Lindjen e Mesme dhe Mexico City./
Nga Beqr SINA, New York/
WASHINGTON D.C:: Një numër jo i vogël shqiptarësh që kanë emigruar në Shtetet e Bashkuara, janë bërë këtu biznesmen, afaristë apo njerëz të suksesshëm. Kan bër emër në Shtetet e Bashkuara të Amerikës. Një familje shqiptare nga Kosova, emigruar këtu 40 vite më parë, Familja Kolaj, tre vëllezërit, Paul, Gergio dhe Johni – të cilë me krenari thonë se janë shqiptarë – tani janë pronarët të pica – restoranteve të njohura “Famous Famiglia Pizza”, të cilët kan pica restorantetet e tyre, në më shumë se 20 shtete të Amerikës, dhe në Europë e Azi, duke u bër kështu një nga shembujt e suksesit të shqiptarëve në diasporë.
Ditët e fundit mbas biznesi i tyre për herë të parë hyri edhe në një nga qendrat më të njohura të biznesit në botë , në Lindjen e Mesme dhe më pas zingjiri i tyre shkoi në kryeqytetin e Meksikës – Mexico City – Kurse këto ditë – të para të viti të ri njoftohet se ata kan bërë hapjen e njësisë së saj të parë, edhe në kryeqytetin amerikan Uashington, në stacionin e saj historikë të trenit – “Union Station”
Familja Kolaj – e cila thuhet se emigroi nga Kosova në Itali dhe se në Amerikë e filloi aktivitetin e saj me 200 dollarë kursime, të mbledhuar në Itali, erdhi duke u bërë simbas viteve një nga më të famshmet frechchains pica në botë. Famous Famiglia Piceria e ka filluar aktivitetin e saj në vitin 1986 dhe që prej atij viti se ka qindra restorante në SHBA dhe mbarë botën. Ajo është një nga picat zyrtare për publicitetin e skuadrës së famshme të Bejsbollit – New York Yankees. Ajo është një nga më të biznesit me rritjen më të shpejtë në Amerikë, simbas FOX Business Channel nga Nju Jorku.
Në statusin e saj në facebook pronari i saj Gorgio Kolaj, shkruan se këtë javë “Famous Famiglia Pizza – është e ngazëllyer për të njoftuar se ka bërë hapjen më të re të dyqanit të saj në Stacionin e trenit Union Station në Uashington DC. Stacioni Union Station, i ndodhur disa blloqe larg Capitol Hill – Kongresit amerikan dhe Shtëpisë së Bardhë, është një stacion treni historik në SHBA, i cili u hap në vitin 1908, dhe sot ky stacion treni për udhetarët është një nga objektet më të ngarkuara hekurudhore dhe destinacionet më të vizituara në vend, dhe është vizituar nga mbi 40 milionë njerëz çdo vit.
Në ingaurimin e shitores së re Famous Famiglia Piceria ka shkuar njëri prej vëllezërve Kolaj – Gorigio i cili ka celebruar së bashku me puntorët dhe pronarët në atë që quhet këtu në Amerikë “Hapja e Madhe Grand Opening” ose ” Famous Famiglia Pizzeria – Grand Opening!”
Kështu që vazhdon rritja e biznesit Famous Famiglia Piceria në Shteteve të Bashkuara nga , vëllezërit shqiptarë Kolaj – pronarët të pica – restoranteve të njohura “Famous Famiglia Pizza”, të cilët kan pica restorantetet e tyre, në më shumë se 20 shtete të Amerikës, të cilët ngadonjëherë dalin e “hidhen” duke kaluar edhe përtej oqeanit, edhe në anë tjetër të botës, për të treguar suksesin e tyre në industrinë kulinare të pica – restaurant.
Biznese zyrtare këto, që janë të regjistruara dhe janë të hapuara në të tri kontinentet – Amerikë(në 20 shtete), Europë dhe Azi. Industria e këtij lloj biznesi, të quajtur Franchising – “disa restaurante të njëjtës firmë”, është nga më populloret dhe model biznesi të suksesshëmnë SHBA-së.
Famous Familigia Pizza,që njihet si biznesi zyrtar i vëllezërve Kolaj, nga Kosova, Paul, Girogio dhe Johni është fitues i dhjetëra medaljeve dhe titujve nga më prestigjiozët në Amerikë, për restaurantet.
Biznesi i tyre, është sponsori i disa filmave të njohur amerikan, i fushatave elektorale, dhe fushatave humanitare. Ata kanë një biznes të suksesshëm, kryejnë vepra bamirësie dhe janë njujorkezë të vërtetë, thonë gazetarët amerikanë.