Queens, New York
25 Qershor 2026
URDHËR I NDRYSHUAR (AMENDED ORDER)
Ky URDHËR I NDRYSHUAR i drejtohet Valentino Lumajt dhe duhet të publikohet menjëherë në gazetën DIELLI.
Më 24 qershor 2026, monitori i nënshkruar lëshoi një urdhër drejtuar Valentino Lumajt.
Monitori gaboi kur deklaroi në URDHRIN e mëparshëm të datës 24 qershor 2026 se Valentino Lumaj kishte publikuar informacion të pasaktë në gazetën DIELLI lidhur me anulimin e Kuvendit dhe Zgjedhjeve të Vatrës, të planifikuara për të shtunën, më 27 qershor 2026.
Tani jam informuar se informacioni i rremë lidhur me anulimin e Kuvendit dhe zgjedhjeve NUK është publikuar në gazetën DIELLI, por është dërguar me email nga Valentino Lumaj te 55 persona.
Prandaj, po korrigjoj urdhrin e përmendur dhe urdhëroj që ky URDHËR I NDRYSHUAR të publikohet në gazetën DIELLI sa më shpejt të jetë e mundur.
Z. Valentino Lumaj urdhërohet që të mos publikojë, dërgojë me email apo shpërndajë me çfarëdo mjeti tjetër informacione të rreme ose të pasakta lidhur me caktimin e datës së Kuvendit dhe Zgjedhjeve, të cilat do të zhvillohen më 27 qershor 2026, në përputhje me URDHRIN e Gjyqtarit Cohen të datës 5 qershor 2026.
KËSHTU URDHËROHET
25 Qershor 2026
John G. Ingram
Ish-Gjyqtar i Gjykatës Supreme të Shtetit të Nju Jorkut
Monitor i Zgjedhjeve
Zyrtar për Seancat Gjyqësore (Judicial Hearing Officer)