Komisioni Përgatitor i Kuvendit të Vatrës zhvilloi mbledhjen e radhës në Selinë Qendrore duke analizuar të dhënat e dërguara nga degët mbi anëtarësinë dhe listëpagesat. Në mbledhjen e komisionit mori pjesë Mondi Rakaj -Kryetar (Online), Bashkim Musabelliu – Nënkryetar, Mirela Kanini – Sekretare (Online), Ilir Cubi – Anëtar dhe Anton Raja – Anëtar. Komisioni çmon dhe vlerëson punën e kryetarëve të degëve, korrektesën, profesionalizmin, angazhimin e tyre patriotik, punën e shkëlqyer atdhetare dhe detyrën vatrane për të plotësuar kushtet e pjesëmarrjes në Kuvend. Degëve që kanë disa mangësi iu lanë 1 javë afat shtesë për të bërë plotësimet e fundit për Kuvendin e Federatës Vatra që zhvillohet në New York më 25 Prill 2026.