Në stadiumin ‘Skëndërbeu’ skuadra e Mirel Josës priste 27 herë kampionët e Shqipërisë, Tiranën, me bardheblutë që kërkon me çdo kusht pikë duke parë situatën e vështirë në renditje. U zhvillua një ndeshje e fortë dhe me nivel të lartë, me bardheblutë që ishin dominues të lojës ashtu siç ka pranuar edhe vetë trajneri Skëndërbeut Josa në fund të ndeshjes. Gjithçka është vendosur në minutën e 60-të të ndeshjes falë golit të ishit Sabien Lilaj që ndëshkon Tiranën e cila një minutë më përpara kishte humbur një rast ideal për gol. Skuadra e Maganit beson deri në fund te rezultati pozitiv por sulmi bardheblu nuk arrin të finalizojë dhe rezultati përfundimtar është 1-0, vendos goli Lilajt që nuk gëzon për respekt të ish tifozëve të tij. Deri këtu situata është normale, mbyllet në fair play ndeshja. Por nuk ishte e thënë të ishte e tillë situata në stadium. Sapo skuadrat janë futur në dhomat e zhveshjes fillojnë dhe incidentet. Ishte e pritshme që të kishte tension, por nuk mendohej asnjë moment që situata do degjeneronte në skena të dhunshme ku nuk kanë munguar gurët, shkopijt e gomës si edhe goditja e policisë. Prej vitesh ndeshjet ndërmjet Tiranës dhe Skëndërbeut janë shoqëruar me tension, kujtojmë këtu Superkupën e përpara katër sezoneve si edhe ndeshjen e parafundit të zhvilluar në ‘Qemal Stafa’.
Një papërgjegjshmëri e policisë që nuk kontrollon një tifoz të Skëndërbeut që shkëputet nga turma e ‘Ujqërve të Dëborës’ dhe drejtohet drejt sektorit të tifozëve bardheblu sjell dhe tensionin e situatës e cila për pak minuta ka dalë nga kontrolli. Tifozët e Tiranës reagojnë dhunshëm, duke goditur me stola tifozët kundërshtar dhe duke u konfrontuar me policinë të cilët humbasin kontrollin e situatës dhe sëbashku me Forcat e Ndërhyrjes së Shpejtë ushtrojnë dhunë ndaj ‘Tirona Fanatics’. Kundërpërgjigjen dhe këta të fundit duke goditur një polic i cili del i përgjakur dhe shoqërohet në komisariat. Nuk ishte e thënë të përfundonte gjithçka këtu. Tifozët shoqërohen në autobusat e tyre por të provokuar nga disa tifozë kundërshtar që ishin afruar aty, nga pakujdesia e policisë, ‘Fanatics’ zbresin nga autobusi dhe masakrojnë tifozët e Skëndërbeut. Policia shoqëronë 3 tifozë nga Tirana, të cilët pasi janë mbajtur për një orë në komisariatin e Korçës janë liruar dhe janë bashkuar me grupimin e tyre për të udhëtuar drejt kryeqytetit.
Në mesjavë mblidhet komisioni disiplinës në FSHF dhe do të jenë ata që do të vendosin për masat që do të merren ndaj kampionëve të Skëndërbeut që kanë dështuar totalisht në organizimin e ndeshjes. Tirana vazhdon të mbetet në vend të fundit, dhe shpresat për të qëndrruar në Superligë sa vijnë e shuhen. Kjo situatë e skuadrës më të titulluar në vend ka sjellë normalisht nervozisëm dhe te tifozët e bardhebluve që tashmë duket se nuk do të ndalen ‘në betejën e tyre’ për drejtësi.
SKËNDERBEU-TIRANA 1-0
Golat: S.Lilaj 58′
Gjyqtarë: L.Alla, I.Tartari, D.Korreshi