E nderuar familja Funici
Të nderuar vatranë e patriotë
I tronditur dhe me keqardhje të thellë mësova lajmin e largimit nga jeta të vatranit të përkushtuar, patriotit, aktivistit të dalluar të komunitetit tonë, mikut tim të çmuar Kujtim Funici. Kujtimi ishte mik fisnik e besnik, mikpritës, i papërtueshëm, zemërbardhë, shumë i këndshëm e i hareshëm, i dashur e i nderuar në mbarë komunitetin shqiptaro-amerikan.
Në emër të Federatës Pan- Shqiptare të Amerikës VATRA, të gazetës Dielli, në emër të të gjithë vatranëve e të familjes sime ju përcjell ngushëllimet tona më të sinqerta e më të dhimbshme familjes, farefisit e miqve për humbjen e parakohshme të Kujtim Funicit.
Nderimi, mirënjohja dhe kujtimi do të jetë i paharrueshëm. Të gjithë bashkë si vatranë jemi pranë familjes në këto momente trishtimi e lamtumire të pakthyeshme.
Lusim Zotin për shpirtin e tij.
Pushoftë në mbretërinë e engjëjve e të shenjtërve.
I pikëlluar në zemër
Pranë jush dhe me nderime
Kryetari i Vatrës
Dr.Elmi Berisha