Alban Kolonjari – Page 4 – Dielli

Volejboll Meshkuj! Kombetarja ” Endra e nje nate vere”.

June 18, 2017 by Administrator

Europa Lige. Kombetarja e volejbollit per meshkuj, realizon suprizen e madhe./

Nga Albano Kolonjari.

Dy fitoret ne turneun e pare qe u zhvillua ne Maqedoni, i japin Kombetares Shqiptare ne volejboll per meshkuj te drejten e endres per tu kualifikuar me tej. Nje “arme” plus ne duart e volejbollisteve tane eshte fakti qe ndeshjet e kthimit do te zhvillohen ne Tirane ne “Parkun Olimpik” nga data 23 deri me 25 qershor. Ne grupin tone marrin pjese kater skuadra, Shqiperia, Maqedonia, Suedia dhe Azerbajxhani. Pasi fituan takimin e pare perblla Suedise 3-2, kuqezinjte humben takimin me Maqedonine me rezultatin e paster 3-0. Ne diten e trete Kombetarja jone luajti perballe Azerbajxhanit. Djemt e rrjetes u treguan me te sakte ne kete takim duke fituar 3-1. Dy setet e para fitohen nga kuqezinjte me rezultatin 25-22. Seti i trete flet per skuadren e Arzebajxhanit qe tregon rritje ne lojen e saj 17-25. Ne setin e katert Kombetarja jone fiton bindeshem 25-10. Dy fitoret e arritura ne turnin e pare te Europa Lige jane nje sukses i jashtezakonshem per volejbollin shqiptar, kur dihet gjate dekadave te fundit Kombetarja jone ka qene nje skuader e vogel dhe pa ndonje histori. Skuadra qe drejtohet nga tekniku i volejbollit Jani Melka eshte e bazuar tek djemt te rinj dhe shtatelartesi mbi mesataren. Kjo Kombetare me pak kujdes dhe shume besim ne vetevete i ka te gjitha mundesite qe te kualifikohet per me tej .

De Biazi :”Shumë mes jush ishin gati të bënin funeralin tim! Unë e kam vendosur, në fund të kualifikueseve iki”

June 13, 2017 by Administrator

Pergatiti Albano Kolonjari/

“Ne fund te Eleminatoreve te Kampionatit Boteror do te largohem”. Tekniku kuqezi Gianni De Biazi ne nje konference per shtyp te zhvilluar ne Tirane pas takimit Izrael-Shqiperi 0-3, ka lajmeruar opinionin futbolldashes por edhe drejtuesit e FSHF se nuk do te jete me ne krye te Kombetares Shqiptare. “Dashuria” midis De Biazit dhe FSHF duket se ka marre fund dhe palet kane vendosur te “divorcohen”. Por deri ne perfundim te Eleminatoreve, De Biazi kerkon qe te marre 15 pike dhe ta mbylle karrieren e tij me Shqiperine ne vendin e trete. Sipas italo-shqiptarit FSHF u tregua shume skeptike ne rinovimin e kontrates. Situata ne Grupin G ku ben pjese Shqiperia eshte e qarte. Spanja dhe Italia luftojne per vendin e pare qe do ti kualifikonte direkt per ne Kampionatin Boteror. Perballe tyre Shqiperia, Izraeli, Maqedonia dhe Leiteshtenji jane te “pafuqishme” per te bere suprizen. Ne keto kushte Shqiperia kishte dhe ka vetem nje qellim, vendin e trete dhe nje paraqitje dinjitoze ne keto eleminatore. De Biazi ka te drejte kur thote:”Nese mendojme se jemi ne lartesine e Spanjes dhe Italise, gabojme dhe kemi humbur dimensionin te gjithe”. Por mesa duket fakti qe Shqiperia u kualifikua ne eleminatoret e kampionatit europian sezonin e kaluar, beri qe disa “drejtues” dhe opinioniste te “fluturojne” dha ta kualifikojne Shqiperine nga “tavolina” ne Boteror, por ne fakt fusha e blerte flet krejt ndryshe. Shqiperia e ka dhe do ta kete shume te veshtire te behet nje ekip i madh, prandaj edhe objektivat e saj duhet te jene realiste.

Çfarë ndryshoi në ndeshjen e fundit që skuadra u soll si gjithmonë?

“Ndryshoi fakti që kishte më shumë bindje, më shumë vendosmëri. Kishte një qasje të ndryshme nga ndeshja kundër Luksemburgut. Ndaj Italisë kishim bërë një ndeshje të mirë, pastaj nëse mendojmë se jemi në lartësinë e Spanjës dhe Italisë, mendoj se kemi humbur dimensionin dhe kemi gabuar gjithçka, si ambient, si tifozeri, apo si media.”

E ardhmja

“Unë nuk duhet të flas me askënd, aq më pak me mediat. Unë jam këtu prej 5 vite e gjysmë, e di që secili nga ju ka një ide se cila ka qenë sjellja e Xhani De Biazit dhe nuk kam pse jap shpjegime. Kur të marr ndonjë vendim, nëse do të marr, atëherë do të shpjegoj. Çfarë të shpjegoj sot, asgjë? Që flitet për lëvizje andej apo këndej, nuk është problemi im.”

Rinovimi

“Ka disa situata në jetë në të cilat dikush duhet të ndjejë rrotull besimin dhe konsideratën, të cilën pavarësisht 5 viteve e gjysmë, mendoj se ende nuk e kam nga dikush. Mendoj se nëse Federata dëshironte Xhani De Biazin, do ta bënte më parë, jo sot, se tani është vonë. Por unë prisja diçka ndryshe, nuk funksionon kështu. Ata që janë më të mirë, si Lëv, janë konfirmuar 4 vite më parë, unë nuk prisja të më konfirmonin dy vite para, por prisja një diskutim ndryshe nga federata.”

Për lidhjen me Dukën

“Me presidentin kam një raport të mirë, mendoj se është personi me të cilin jam ndjerë më mirë nga pikëpamja e punës, një person i këndshëm me të cilën mund të kalosh kohën me gëzim. E di që unë kam një aspekt profesional dhe një njerëzor që ecin përkrah. Shpesh pikëpamja njerëzore më ka bërë të bëj disa gabime të tmerrshme që nuk dua t’i ribëj.”

Kriza me Dukën

“Sa i përket krizës, nuk ka. E vetmja gjë që më vjen keq është që shumë mes jush ishin gati të bënin funeralin tim pas Izraelit. Më vjen keq që fituam dhe nuk u realizua. Mendoj se trajneri duhet vlerësuar për gjëra të ndryshme, përveçse humbjes së 5 ndeshjeve radhazi, ku një është miqësore me Luksemburgun.

Shqipëria ka humbur në kualifikuese ndaj Luksemburgut, në kualifikuese. Unë për aq sa do të jem këtu do të jap 110%, nuk mund të vihet në diskutim përkushtimi nga pikëpamja e punës, nga përfshirja në kauzën shqiptare.”

Për arsyet e vendimit

“Kur u përgjigja një ditë para ndeshjes, mendova me vete se historia me Shqipërinë mund të përfundonte sot këtu, nëse humbnim në Izrael, sepse ndoshta mendohej nga dikush që ndeshjet e fundit ishte më mirë që të bëheshin me trajner tjetër. Unë e kam vendosur në mendjen time që në fund të kualifikueseve të iki, është një proces natyral, ka fillim dhe fund. Është momenti të kërkoj sfida të reja. Por mjafton që Shqipëria të mos bëjë revolucion dhe makina është në rregull.”

A ka marrë më shumë nga Shqipëria, apo i ka dhënë më shumë?

“Kjo histori është si veza dhe pula. Unë kam marrë gjithmonë përgjegjësitë për humbjet, ndërsa për fitoret janë të aftë të gjithë të marrin meritat. Puna ime është të qetësoj lojtarët dhe pastaj të vlerësoj atë që ishte ndërtuesi i vërtetë i kësaj, presidenti që më mbajti, i cili vazhdoi me mua edhe pas dyvjeçarit të parë. Jo gjëra stratosferike, por ai kishte parë te puna që bëmë atë që duhej bërë dhe arritur në pjesën e dytë.”

Pse kjo konferencë për shtyp sot?

“Sepse ka një evolucion për gjithçka, jeta vazhdon, ka një fillim dhe një fund për të gjitha. Edhe në punë është e njëjta gjë, edhe në marrëdhënie ndodh. Ajo që nuk duhet të ndodhë është që unë të shkatërroj një eksperiencë të jashtëzakonshme, fantastike. Raporti ekziston, ndoshta prisja gjëra të tjera që nuk ndodhën, e ndaj mendoj se në fund secili zgjedh rrugën që sheh më të përshtatshme për të.”

Për kënaqësinë pas fitores me Izraelin

“Unë mendoj se si person jam i aftë të tregoj nëse më bezdis ndokush apo jo. Ky është defekti im i madh. Kundër Izraelit ishte një kënaqësi e jashtëzakonshme, sepse e dija që po i krijoja probleme dikujt.

E dyta, e bukura është se në fund të ndeshjes u thashë djemve që më në fund hoqëm ato 3 centimetra pluhur nga truri dhe gjetëm shpirtin që na solli gjëra të rëndësishme, të cilin po e humbëm më pas kthehemi nga e para.

Jam i lumtur dhe isha shumë i tensionuar sepse klima para kësaj ndeshjeje më la një shije të hidhur. Pavarësisht se dikush bën të pamundurën, është dikush tjetër që gëzon kur të tjerët janë keq. Kjo më tërbon, pastaj fiton ndeshjen, të vijnë mesazhet, gjërat. Unë e di kur është momenti që njerëzit duhet të më vijnë afër, kur humb, sepse kur fiton janë të gjithë të aftë, janë miq. Duhet të jemi më të vërtetë në momentet thelbësore.”

Largimi, tani apo në fund të kualifikueseve

“Nuk e kam menduar ende, sot flasim pas Izraelit, ndjenjat etj. Pastaj koha për të folur ekziston, ndoshta takohemi më vonë, por sot kjo nuk është e rëndësishme. E rëndësishme është se ka katër ndeshje, dy janë të mundura, dy të pamundura, në letër. Por në futboll letra shërben për të shkuar në një vend tjetër. Mund ta mbyllim me 15 pikë, një pikë e gjysmë në ndeshje, e jashtëzakonshme. Megjithatë nuk duhet të flasim, por të bëjmë.

Shqiperia “Hakmerret” ne “Token e Shenjte”

June 11, 2017 by Administrator

Foto nga Gerti Carcani.

Shqiperi brilante. Nje loje prefekte, dhe nje fitore e shkelqyer. Shqiperia ka gjetur vetveten ne Israelin e larget. Dy gola te Armando Sadikut dhe nje nga Ledion Memushaj i dhane kuqezinjeve fitoren e paster 3-0. Shqiperia ka rrembyer vendin e trete, nderkohe qe Vipat e grupit tone Spanja dhe Italia jane ne dy vendet e para. Kuqezinjte luajten gjate 90 minutave ne nje loje prefekte, duke mos i dhene shume hapsira kundershtarit, nderkohe qe per here te pare pas disa ndeshjve te dobeta skuadra intrepetoi ne fushen e lojes nje loje te madhe ku te gjitha repartet funksionua ne meyre prefekte.

Për fitoren

“Ia kisha kërkuar skuadrës, kjo është fitore e skuadrës, që ka bërë atë që duhej të bënte, atë që ka bërë në pjesën më të madhe të drejtimit tim. Ka treguar cilësitë që ka, ato që ka treguar edhe në Europian. Kjo është fitorja që u kisha thënë edhe lojtarëve pas Italisë, që do të fitonim 3-0 në Izrael. Jam i inatosur sepse mund të bënim edhe 1 gol tjetër.”

Përse merr përsipër dështimet ndërsa fitoren ia kushton skuadrës

“Unë mendoj se trajneri shërben për këtë, se fitoret janë të skuadrës, trajneri duhet të punojë për të marrë më të mirën e skuadrës dhe kostot e dështimeve pastaj i merr trajneri. Problemi kryesor është që në këtë nivel Kombëtarja është e vështirë se i shohim lojtarët një herë në tre muaj. Këtë herë kishim mundësinë që të qëndronim dy javë me ta dhe kjo ka sjellë benefitet e saj”.

Për komentet rreth largimit

“Unë flas për ndeshjen, pastaj pasneser shihemi dhe diskutojmë për gjithçka tjetër”.

Deklarata për Supersport

Për ndryshimin mes ndeshjes së parë dhe të dytës

“Sot ndryshoi kundërshtari, se kur humb kundër Spanjës e Italisë, kur humb kundër Bosnjës, mund të pranohet. Ndoshta jo me Portugalinë, Luksemburgun e Izraelin në shtëpi. Në rrugëtimin tonë të Botërorit, ajo që na mungon është ndeshja në shtëpi me Izraelin, atë e gabuam. Ishte ndeshje e shtrembër, e kujtoni të kuqin. Këtu jo, treguam që ishim superiorë ndaj Izraelit në të gjitha pikëpamjet”.

Për mënyrën si motivoi lojtarët

“Mundësia për të qënduar gati dy javë, për të punuar bashkë me ta. Duke u mundruar që të nxjerrim në pah cilësitë që na çuan në Europian. Kjo është pikëpamja ime. E di që ndaj Spanjës e Italisë mund të humbësh, por me të tjerët mund ta luash si i barabartë me të gjithë”.

Për momentet e fundit kur kërkonte që lojtarët të ruanin prapavijën

“Nuk duhej të pësonin gol, duhej të bënin të katërtin. Por djemtë iu përmbajtën fjalës për rezultatin 0-3”.

Nëse është përgjigje ndaj kritikave

“Kritikat, kur janë konstruktive më pëlqejnë. Kur janë ato që bazohen vetëm mbi rezultatet, nuk shihen ndeshjet, më pëlqejnë më pak.

Në vijim janë vlerësimet e dhëna për paraqitjen e futbollistëve të përfaqësueses shqiptare nga portali i njohur italian “Tuttomercatoweb” pas ndeshjes së fituar në transfertë kundër Izraelit

Strakosha 6.5 – Del nga fusha me portën e paprekur, rezultat i rëndësishëm për të dhe mbrojtjen e tij.

Hysaj 7 – Shtysa e zakonshme dhe punë e mirë në fazën mbrojtëse. Është ai që jep asistin vendimtar për golin e tretë të shënuar nga Memushaj.

Gjimshiti 6.5 – Mbulon mirë hapësirat, bashkëpunim i mirë me shokët e tjerë të skuadrës dhe pozicionim i mirë në fushë.

Kukeli 6 – Ndonjë lëvizje e ngadaltë për të, që i lë gjithsesi pak hapësira kundërshtarëve, duke u rritur minutë pas minute. (82’ Veseli – pa notë).

Mavraj 6 – Mban prapavijën, Izraeli krijon pak rreziqe por ai është gjithmonë gati për të mbyllur hapësirat.

Aliji 6 – Del shpesh në krah, duke u munduar edhe të pasojë për lojtarët në mes, por është i vëmendshëm edhe në mbulim.

Abrashi 5.5 – Arrin të bëjë shumë pak. Nuk gjen hapësirat e duhura për të goditur dhe shpesh është jashtë dinamikës së lojës të skuadrës.

Hyka 6 – Një tekash i mirëfilltë për kundërshtarët në krahun e tij, provon të shfrytëzojë hapësirat që i mundësohen nga mesfusha izraelite me rezultate shpesh të mira,.

Memushaj 6.5 – Është ai personi që gjen golin e 3-0 që mbyll diskutimet, duke shfrytëzuar një manovër rrëmbyese të të gjithë skuadrës, me pasimin e Hysajt.

Roshi 6 – Sidomos në pjesën e parë, hidhet në çdo hapësirë, duke i krijuar jo pak kokëçarje mbrojtjes kundërshtare. (54’ Lila 5.5- Hyn në fushë dhe merr karton të verdhë, një nga ngjarjet e pakta të denja të ndeshjes së tij).

Sadiku 7.5 – Është ai njeriu i mbrëmjes! Dy gola që nisin të tijtë drejt një fitoreje shumë të rëndësishme. Goli i dytë është një shpikje e vërtetë, gjuajtje nga distanca dhe këndi i gjetur me saktësi mbresëlënëse (69’ Cikalleshi 5.5- Hyn për t’i dhënë një ndihmë ekipit e sidomos në fazën mbrojtëse. Ndihmon skuadrën të ruajë avantazhin

De Biasi:”Spanja do te ndalet vetem nese ekipi do te jape mbi 101% “

October 8, 2016 by Administrator

Nga Albano Kolonjari/A do te parkoje Shqiperia neser “autobusin” perballe Spanjes:”Nuk e di nese do te kemi nje autobus aq te gjate sa per te mbuluar gjithe porten. Nese do te kemi, do te vendosim nje pa rrota ne menyre qe te mos na hyje topi poshte, sepse rrezikon qe edhe ne ate pak hapesire qe ekziston, ta pesosh. Gjithsesi, rreshtimi i ngjeshur në mbrojtje nuk eshte çeshtje zgjedhjeje, Pergjigjia jone per kete menyre mbrojtje vjen edhe si rezultat i skemes qe ka kundershtari per te na sulmuar”, tha tekniku kuqezi Giani De Biasi ne koferencen per shtyp qe u zhvillua nje dite para takimit Shqiperi-Spanje. Por a do te kete Shqiperia mundesine e nje rezultati pozitiv me Spanjen. De Biasi thote qe ne kete pike duhet te jemi te ndergjegjshem”Ne jemi te ndergjegjshem per aftesite e ekipt tone. E dime qe jemi te vegjel dhe perpapa nje kundershtari si Spanja diferencat jane te medha. Gjithsesi do te zbresim ne fushen e Loro Boricit per te bere lojen tone, duke luajtur ne menyre te zgjuar. Edhe me Portugaline askush nuk na jepte shans por ndeshjen e fituam ne. Futbolli eshte ii tille”. Spanja eshte nje super skuader. Per teknikun shqiptar De Biasi, Spanja e ka kaluar periudhen e “renies”. “Spanja vjen nga nje periudhe e sukseshme me Del Boskon ku fitoi tre trofe. Me pas pati nje periudhe renie. Por tani me tranjerin e ri Lopetegu lojtaret po rizgjohen pasi kane te bejne me nje tranjer te ri . Megjithate shperosoj qe neser te mos jene ne formewn e tyre me te mire”.

Mungesat.

Shqiperia nuk do te kete ne dispozicon sulmuesin e vet Armando Sadiku. Tekniku De Biasi thote:”Eshte nje mungese e madhe. A ka luajtur shume mire ne ndeshjet e fundit. Ai eshte nje lojtar shume i rendesishem per ne. Megjithate edhe futbollistet e tjere qe kemi ne sulm jane te forte dhe besoj se do te bejne qe mungesa e tij te mos ndihet”. Ne pikepyetje do te jete edhe Kukeli, per te cilin De Biasi thote:”Pesoi nje demtim ne fundin e pjeses se pare ne takimin me Lihtenshtenjin. Nuk e dime nese do te arrije te rikuperohet. Eshte shume i rendesishem per ne dhe po bejme perpjekje qe ta kemi, ne te kundert do te jete ne stol”.

Dy fitoret e para dhe ecuria e ekipit :

”E kam deklaruar edhe here te tjera. E kemi arritur mrekulline me pjesemarjen ne Kampionatin Europian. Tashme pjesa me e veshtire eshte ta mbajme gjalle kete mrekulli. Megjithat une jam i bindur se ky grup lojtaresh ka mundesi te shkoje shume me teper. Spanja do te ndalet vetem nese ekipi do te jape mbi 101% ne takim e neserm. Besoj se kemi mundesi ende qe te rritemi. Eshte normale qe pas nje kualifikimi historik si ai i yni, tani te kerkojme me teper. Duhet te kemi parasysh qe Spanja eshte shume me e mire se ne, por do te luajme me dinjitet dhe krenari, duke shpresuar qe pas ndeshjes do te flasim rreth nje rezultati pozitiv. ”.

DE BIAZIN: HEROI I PROFESIONIT

October 8, 2016 by Administrator

Trajneri i kombëtares shqiptare, Xhani De Biazi, ka dhënë një intervistë të gjatë për prestigjiozen spanjolle “AS” duke treguar gjithë historinë e tij me kombëtaren shqiptare dhe duke komentuar takimin e nesërm ndaj Spanjës në “Loro Boriçi”, i vlefshëm për kualifikueset e Kupës së Botës “Rusi 2018”

Ndeshja kundër Spanjës do të jetë një vazhdim i paraqitjes së mirë në Kampionatin Europian?

Shpresojmë të kemi një rendiment të mirë, edhe pse e kemi të qartë që Kampionati Europian i përket së shkaurës tashmë. Duhet të jemi të përulur dhe të përqëndruar. Madje, edhe në këtë mënyrë, diferencat mes nesh dhe Spanjës janë si të shkosh nga Toka në Hënë, ose si një luftë me gurë ndaj Kallashnikovit.

A mund të surprizojë Shqipëria në këtë grup të vështirë?

Për ne është akoma më e vështirë të bëjmë histori tani që ia arritëm njëherë. Grupi është shumë i fortë. Ndeshjet më të rëndësishme për ne janë kundër Maqedonisë, Izraelit dhe Lihtenshtejnit. Kundër Spanjës dhe Italisë nuk kemi çfarë të humbim. Mendoj se 40% shanse të dalë e para ka Spanja, 40% Italia dhe 20%-ëshi tjetër ndahet mes 4 ekipeve të tjera.

Ju pëlqen stili i lojës së Spanjës?

Më pëlqen, por preferoj të jem më shumë konkret sesa poetik. Nëqoftëse dikush ka cilësi, mund ta bëjë atë lojë. E rëndësishme është të marrësh maksimumin e mundësive që ke. Të gjithë lojtarët e Spanjës luajnë në ekipe të mëdha. Shikoni ku luajnë lojtarët e mi.

Diego Kosta apo Morata?

Nëqoftëse nuk luan asnjëri prej tyre do të ishte më mirë (qesh).

Jeni mik me Del Bosken. Çfarë mendimi keni për të?

Ka bërë një punë të jashtëzakonshme. Të gjithë thonë se është e lehtë të fitosh me lojtarët që pati ai, por ai ia arriti me një përulësi të madhe. Në takimin mes trajnerëve në Paris na tha: “Kam fituar sepse kisha lojtarë të mirë.” Unë them se diçka e tillë ndihmon, por duhet t’u japësh atyre motivim për t’i bërë të fitojnë gjithnjë.

Është më e vështirë të fitosh trofe me Spanjën apo të kualifikohesh me Shqipërinë në Kampionatin Europian?

Janë dy suksese të ndryshme. Spanja pas 2008-s arriti të fitojë edhe në 2010-n dhe 2012-n. Ne shkuam në Hënë me kualifikimin për në Kampionatin Europian dhe tani është më e vështirë për ta përsëritur në vitet në vazhdim. Disa ditë më parë u thashë lojtarëve: “Jeni ngjitur nga Kategoria e dytë në të Parën. Tani duhet të tregoni që jeni lojtarë të së Dytës që luftojnë në të Parën. Nëse mendojmë se jemi lojtarë të së Parës, jemi të vdekur.”

Ju shkuat në Shqipëri pas një periudhë të vështirë në Serinë A.

Po. Më kishin shkarkuar nga Udineze pas vetëm 3 muajsh. Akoma nuk e kam kuptuar. Më acaroi diçka e tillë. Nuk mund të vendosësh për fatet e një trajneri në vetëm 3 muaj. Isha shumë i rënë moralisht, nuk doja të trajnoja më në Itali.

Bëtë një hap prapa për të ringritur karrierën tuaj?

Po, dhe askush nuk do ta kishte menduar. Në historinë time si trajner gjithnjë kisha arritur të plotësoja objektivat që më kishin vendosur klubet. U ngjita nga Seria C në Serinë A me Modenën, më larguan 3 herë nga Torino dhe gjithnjë i arrita rezultatet që më kërkuan, përfshirë ngjitjen në Serinë A. Goditja e fundit, përfundimtare, ishte ajo e Udinezes.

Mendonit se mund të bënit historinë që arritët me Shqipërinë?

Më duhej një sfidë e vështirë sepse doja t’u tregoja njerëzve që isha një trajner i vlefshëm. Shqipëria ma dha mundësinë. Askush nuk e mendonte se do të shkonim në Kampionatin Europian, por duke punuar fort, duke vepruar me mendje të ftohtë dhe duke zgjedhur lojtarët e duhur, ia arritëm qëllimit.

Çfarë menduat në momentin e parë që shkelët në Shqipëri?

Shkova aty një ditë dhjetori, e mbaj mend mirë. Nuk kisha qënë kurrë më parë. Në fillim ishte e vështirë sepse kisha vendosur me vështirësi. Fola me presidentin dhe arriti të më bindte. Ishte shumë e vështirë, por me kalimin e kohës mund të them se mora një vendim të mirë.

Çfarë ju shtyu të thonit po?

Më dhanë një fletë të bardhë pa kushte, dhe ta dini që nuk ishte për para, sepse fitoja 4 herë më shumë më përpara, por të kesh një popull mbrapa që të motivon dhe shpreson të ndryshojë mentalitet me ty, më shtyu të pranoja. Federata ishte e vogël, vendi gjithashtu, po përjetonin shumë probleme. Ndeshja e parë që luajtëm ishte në një stadium të vjetër që e kishin ndërtuar italianët në 1935-n dhe që thuajse nuk kishte ndryshuar fare që atëherë.

Dhe ju desh që të ndërtonit një kombëtare thuajse nga zero.

Nuk kisha njohuri për lojtarët që duhet të ndiqja. E filluam punën që nga themelet dhe udhëtuam shumë në kërkim të lojtarëve. Që nga Suedia deri në Azerbajxhan. Duhej të ndryshonim diçka, sepse me të njëjtët lojtarë të ekipeve të mëparshme do të kishim të njëjtat rezultate negative. Në ndeshjen e parë kundër Gjeorgjisë u shkuajta një letër futbollistëve: “Nëse ju më ndiqni mua, do të arrijmë aty ku nuk e mendoni.” Në fund ia arritëm, por ishte një udhëtim shumë i gjatë.

Si i gjetët futbollistët që mund të grumbullonit?

Në internet. Filluam nga sajti “Soccerassociation” duke parë në çdo lojtar të çdo lige nëse kishin shtetësi shqiptare ose nëse mbiemri i tyre ishte shqiptar. Sapo i gjenim, analizonim videot e tyre në “Youtube” për të parë nëse ishin të vlefshëm. Më pas, në fazën e fundit, shkonim të flisnim em ta dhe i pyesnim nëse dëshironin të luanin me ne.

Dhe funksionoi.

Po. Portierin Berisha shkuam ta kërkonin në një fshat peshkatarësh në Suedi. Luante në ligën e parë të Suedisë për Kalmarin. E bindëm dhe e bëmë të debutonte ndaj Iranit në një ndeshje të zhvilluar në Turqi. Priti çdo gjuajtje që i erdhi dhe bëri një super ndeshje.

Pra keni qënë më shumë se një përzgjedhës.

Duhet të punoja psikologjikisht më shumë se të trajnoja. U mundova t’u shpjegoja lojtarëve atë çfarë doja duke i parë në sy dhe duke i bërë të kuptonin. U përqëndrova te emocionet. Shumë donin të luanin për Shqipërinë sepse familja e tyre ishte nga atje, ose sepse gjyshërit e tyre kishin emigruar gjatë luftës. Në fund arritëm të bashkonim një grup djemsh që ishin të dhënë pas flamurit dhe që japin gjithnjë 100% për vendin e tyre.

Keni patur aq sukses sa ju dhanë dhe nënshtetësinë shqiptare…

Kryeministri Edi Rama është një njeri me vlera të mëdha. Ka jetuar në Gjermani dhe Francë dhe flet disa gjuhë. Për shkak të rezultateve tona të mira, arrita të krijoj një marrëdhënie direkte me të. Më dha pasaportën diplomatike, gjithashtu titullin “Honoris Causa”, dhe mbi të gjitha më krijoi iluzionin e të qënit një trajner shqiptar.

Si u përjetua pjesëmarrja historike e Shqipërisë në Kampionatin Europian?

Më e rëndësishmja ishte kur arritëm kualifikimin, duke u kthyer nga Armenia. Kishte njerëz në aeroport, në sheshin “Nënë Tereza” në Tiranë, nëpër të gjitha rrugët e Shqipërisë. Lojtarët nuk mund ta besonin çfarë kishin arritur. U tregua që ishim të gjithë bashkë dhe kishte një solidarizim të madh.

Mund të shërbejë futbolli për të ngritur një shtet me probleme si Shqipëria?

Sigurisht. Më e rëndësishme për mua ishte që u dhamë fëmijëve të vegjël mundësi dhe iu vërtetuam që nëqoftëse gjërat bëhën mirë, atëherë mund të arrihen rezultate të mira. Tani jemi idhuj për ta, njësoj si Kristiano Ronaldo apo Mesi. Sot të rinjtë përvvec këtyre të fundit, flasin për Xhakën, Sadikun… Pjesëmarrja në Kampionatin Europian ka bërë të mundur rinovimin e dy stadiumeve. Janë stadiume moderne, si ato të Francës apo Spanjës. Të mëparshmit ishin katastrofë.

Shqipëria ka përjetuar një diktaturë 45 vjet me Enver Hoxhën. A dallohet kjo gjë në mentalitetin e lojtarëve?

Po, njësoj si në shumicën e njerëzve në atë vend. Kur më shohin në rrugë vendosin dorën në zemër dhe më falenderojnë. Ata vuajnë autoritetin e njerëzve me më shumë pushtet, qoftë ekonomik. Janë të bindur dhe të disiplinuar. Mua njerëzit më ofrojnë çdo gjë. Nuk mund të paguaj nëqoftëse shkoj në një restorant.

Ishim një ditë në një të tillë dhe nga një tavolinë tjetër na u ofrua një shishe që kushtonte 120 euro. Të mendosh sa vlerë kanë aty 120 euro. Dhe kjo nuk vjen prej suksesit tonë, por sepse e kuptojnë që jemi duke i bërë gjërat me seriozitet dhe duke u përfshirë në gjendjen e vendit. Nuk punojmë në Shqipëri për të nxjerrë fundin e muajit dhe për të kursyer. Nëqoftëse do të ishte për atë gjë, do të kisha ikur në Kinë kur e pata mundësinë.

A ndiheni shqiptar, edhe pse jeni italian?

Në njëfarë mënyre po. Për mua është shumë e rëndësishme besnikëria. Më ndodh kur jam në një klub dhe gjithashtu tani me kombëtaren shqiptare. Jam shqiptar sepse jetoj në atë realitet, edhe pse në disa pjesë të Italisë nuk tingëllon mirë të shprehem kështu. Është një pjesë që bën ndryshimin mes dy vendeve dhe i takon formës së politikës.

Por më përpara Italia ishte gjithashtu mafia, përveçse pica dhe spageti. Në fakt, në Amerikë gangsteri më i njohur është një italian. Mendoj se e gjithë bota është njësoj, dhe që kudo ka të këqinj dhe të mirë. Në Shqipëri shumica e njerëzve janë puntorë dhe jetojmë me pak. Është një popull me krenari. Më thonë gjithnjë që jam ambasadori i Shqipërisë në Itali.

Lojtari juaj më i mirë, mbrojtësi i djathtë Elseid Hysaj i Napolit, shkoi në Itali me gomone bashkë me babain e tij…

Dhe kjo gjë e ka bërë të jetë shumë kërkues. I ati tentoi të shkonte në Itali tre herë derisa ia arriti. Më pas çoi aty familjen e tij për të siguruar një jetë me më shumë mundësi, siç ndodhi me djalin e tij i cili u formua si futbollit në kategoritë inferiore të Empolit.

Si e kujtoni ngjarjen e dronit në ndeshjen kundër Serbisë?

Kur shkuam në Beograd ishin marrë masa të tilla sigurie njësoj si për zv. presidentin e SHBA-ve që kishte qënë për vizitë disa ditë më parë. Qarkullimi ishte bllokuar dhe çdo 150 metra kishte policë. Luanim në një stadium të vjetër ku nuk ishin përgatitur mirë dhe ku njerëzit mund të futeshin në fushë pa asnjë problem. Në fund mirë që dolëm shëndoshë, pasi mund të kishte shkuar më keq.

Tani luan gjithashtu Kosova. Si ju ndikon kjo?

Është e çuditshme. Shumica e tifozëve tanë nuk duan që Kosova dhe Shqipëria të luajnë të ndara. Për shumë prej tyre Kosova është Shqipëri. Tani ata kanë dy përfaqësuese, edhe pse slogani i tyre është “një komb, një kombëtare”. Lojtarët nga Kosova që luajnë për ne nuk duan të ndryshojnë ekip. Të shohim në të ardhmen.

EDHE “MARCA” SHKRIM PËR DE BIAZIN: HERO I PROFESIONI(panoramasport)