Dr. Prenjo Imeraj pas një qëndrimi shumëvjeçar në SHBA po kthehet në Atdhe, edhe pse është nënshtetas amerikan. Prej kohësh është i anëtarësuar në Vatër dhe i abonuar në gazetën Dielli, duke qenë edhe një bashkëpunëtor i rregullt i saj. Para largimit për në Atdhe(dr. Prenjo do të largohet në fund të qershorit) ai na njoftoi se kishte dëshirë, që të bënte një vizitë në shtëpinë e Vatrës. E priti sekretarja e Vatrës, Nazo Veliu dhe editori i Diellit.Shoqërohej nga inxhinieri Azbi Shheu.
-Erdha për dy arsye, na tha dr. Prenjo, sapo u takuam. E para erdha të shlyej pagesën e anëtarësimit për vitin 2014. Do të largohem për në Atdhe, por nuk dua që të shkëputem nga Vatra e Atdhetarizmit në SHBA. Gazeta le të shkojë në adresën e shtëpisë në Astoria, Queens. Djali im, Sokoli, le të jetë vazhduesi im këtu e tutje. Arsyeja e dytë , ju kam sjellë një dhuratë; Një gravurë të punuar në bakër –Heroi Kombëtar Gjergj Kastrioti Skënderbeu mbi kalë. “
Në dedikim, dr. Prenjo ka shkruar:”
VATRËS
Me konsideratë, për punën dhe luftën e pa ndërprerë dhe shumë të çmuar që ka bërë dhe po bën për Çështjen Kombëtare.
Prenjo dhe Jeffrey Sokol Imeraj
Astoria, NY…
E falenderuam dr. Prenjon dhe i uruam rrugëtim të mbarë. Disa fotografi në mjediset e Vatrës, dhe e përcollëm.
Veprimi i d r. Prenjo Imeraj është për t’u përshëndetur. Edhe pse po largohet ai kreu një obligim moral që meriton vëmendje: La djalin që të vazhdojë kontaktet me Vatrën! Një mesazh domethënës për shqiptarët e Amerikës për t’u bashkuar rreth Vatrës.
Faleminderit dr. Prenjo Imeraj!