Zyrtarizohet shoqata e parë shqiptare në Kaliforninë Veriore me emrin “Komuniteti Shqiptar në Kaliforninë Veriore” (Albanian Community in Northern California)/
Nga Emine Bajrami/
“Qëllimi i hapjes së shoqatës është bashkimi i shqiptarëve nga të gjitha trojet tona që jetojnë në Kaliforninë Veriore, si dhe ruajtja e traditës, kulturës dhe gjuhës sonë të lashtë dhe madhështore”
Pas shumë përpjekjeve të shumë viteve me radhë nga shumë aktivistë dhe veprimtarë shqiptarë në Kaliforninë Veriore, me datën 22 Mars, 2015 në Luigi’s Deli and Market, 537 Main Street, Martinez, CA, u zyrtarizua shoqata e parë shqiptare në pjesën Veriore të Kalifornisë e emëruar Komuniteti Shqiptar në Kaliforninë Veriore ( Albanian Community in Northern California).
Në këtë mbledhje me shumicë votash u zgjodhën kryesuesit e shoqatës të cilën e përbëjnë: Arben Hamiti kryetar, Brixhilda Dabërdaku nënkryetare, Arjet Skenduli sekretar, Fatos Plaka arkatar dhe Gentian Muzhaqi zëvendes arkatar. Me këtë rast gjithashtu u zgjodh edhe bordi prej 5 antarësh: Hasan Berisha kryetar dhe anëtarë të bordit; Sanije Berani, Mentor Gjata, Enver Sedolli dhe Nazim Nushi. Për nderë të veprimtarisë së tyre shumëvjeçare në ndihmë të komunitetit shqiptarë dhe respektit të madh që kanë nga ana e bashkatdhetarëve tanë, si kryetarë nderi të bordit u emëruan Ali Kraja dhe Xhevat Saiti.
Hapja e mbledhjes u fillua në menyrë festive, së pari me hymnin e flamurit të SHBA-së dhe pastaj të hymnit të flamurit shqiptar. Fjalën së pari e mori Hasan Berisha i cili përshëndeti të gjithë dhe uroj që shoqata të ketë suksese, pastaj iu dha fjala Arben Hamitit i cili shpjegoi në detaje arsyen dhe qëllimin e hapjes së shoqatës. Pas presantimit te tij u krijua komisioni zgjedhor të cilët ndihmuan në zgjedhjen e kryesisë.
Zgjedhja e kryesisë dhe bordit u bë në mënyrë të rregullt dhe demokratike në përputhje me ligjet e Kalifornisë.
“Qëllimi i hapjes së shoqatës është bashkimi i shqiptarëve nga të gjitha trojet tona që jetojnë në Kaliforninë Veriore, si dhe ruajtja e traditës, kulturës dhe gjuhës sonë të lashtë dhe madhështore” tha Arben Hamiti në fjalimin e tij si kryetar i shoqatës Komuniteti Shqiptar në Kaliforninë Veriore ( Albanian Community in Northern California).
Pjesmarrës të themelimit të shoqatës ishin: Elvira Frakulli, Dijana Berisha, Xhafer Nushi, Gentian Muzhaqi, Silvi Palloj, Arben Hamiti, Mentor Gjata, Gezim Kovaçi, Emine Bajrami, Hasan Berisha, Qëndresa Sedolli, Nazim Nushi, Luigj Dabërdaku, Sanije Berani, Arjet Skenduli, Fatos Topanica, Bukurije Sedolli, Markopalos Fotiu, Buqe Sedolli, Enver Sedolli, Brixhilda Dabërdaku dhe Fatos Plaka.
Mbledhja u përmbyll me shpresë që të gjithë shqiptarët në Kaliforninë Veriore një ditë t’ju bashkohen shoqatës së tyre dhe ta japin kontributin e tyre në fusha të ndryshme profesionale.