Pa dashur të keqpërdor kritikën për masën e madhe të dekorimeve ( si vertikalisht dhe horizontalisht në krejt botën tonë shqiptare), si me një treg shumicë është tejkaluar çdo kufi me “qytetar nderi” me “Mjeshtër i Madh” e deri me “Nderi i Kombit”,”Kalosi i Skenderbeut”…

.Dhe krejt  e pakuptimtë ishte dhe së fundi  ceremonia e Dekorimit të Bandës së Vatrës, pa nderimin me pjesmarrje të vatranëve të sotëm të Vatrës sonë shqiptare apo të mungesës së ftesës të familjeve të anëtarëve të Bandës?!!!

–Presidentit të Shqipërisë: zotit Ilir Meta & Presidentit të Kosovës: zotit Hashim Thaçi-
Nga Sami Mulaj-

Dhe të  gjithë institucioneve që japin dekorime e vlerësime për personalitete e figura të komunitetit e të mbarë Botës e shoqërisë shqiptare.
 Mbillni një Pemë, ju lutem!
 U njoha këto ditë me ceremoninë e dekorimit të  bandës Vatra a dhe të  dekorimit të ish presidentit të Shqipërisë Rexhep Mejdani …U bënë lajm  në media si pjesmarrja e të gjithë krahëve të politikës shqiptare si në Shqipëri dhe nga Kosova. Pa dyshim vlerësim shumë I merituar për Vatrën e Bandën e saj, vlerësim dhe për shtetarin dinjitoz ish presidentin Mejdani.
Ekrani dhe gazetat me pamje e figurë paraqesin takimet e  buzëqeshjet  e pjesmarësve në koktej dhe vetëm kaq.
 …Pas kësaj bujë rutinë çfarë mbeti?!
Edhe një emër më shumë në listën e dekorimeve, edhe një kornizë më shumë në muret e dhomave a të zyrave të të dekoruarve (!) dhe vetëm kaq.
 Pa dashur të keqpërdor kritikën për masën e madhe të dekorimeve ( si vertikalisht dhe horizontalisht në krejt botën tonë shqiptare), si me një treg shumicë është tejkaluar çdo kufi me “qytetar nderi” me “Mjeshtër i Madh” e deri me “Nderi i Kombit”.
Dhe krejt  e pakuptimtë ishte dhe së fundi  ceremonia e Dekorimit të Bandës së Vatrës, pa nderimin me pjesmarrje të vatranëve të sotëm të Vatrës sonë shqiptare?!!!
 Përsëri  kjo do të vazhdojë, është e kuptueshme për kulturën tonë, e për traditën tonë. Nuk do ta tejkalojmë aq shpejt e as lehtë mentalitetin e të “madhit e të parit të oxhakut “ por duhet të përpiqemi e të mësojmë se si të tjerët e përdorin dekorimin e më të spikaturve në fushat e ndryshme të jetës.
 Shumë e thjeshtë, pa koktej e duartrokitje të mëdha, pa salla e pa përqafime “ Belulësh” e pa qefmbejtje ftesash… vendos një pemë në një park a pranë një rruge dhe thuaje me plot gojën: Pema e doktor Rexhep Mejdanit,i dekoruar me “Flamurin Kombëtar”, pema e Bandës Vatra, pema e… kështu me radhë për të gjithë dekorimet.
Ajo pemë do lëshonte lule, aromë të mirë për ambjentin e njerëzit për rreth, dhe Rexhep Mejdani do mbahej mend më gjatë nga brezat dhe….Banda e Vatrës, e Vatra e shqiptarëve  të Amerikës mbi 100 vjeçare do nguliteshin më thellë në memorien e shqiptarëve, si Krenari e vërtetë Kombëtare.
 Më shumë pemë, më shumë lule, më shumë bukuri në mjediset shqiptare do të ishin dekoratat më të mira për majat e personaliteteve shqiptare, që nuk I kanë munguar dhe nuk do ti mungojnë Kombit   tonë Shqiptar.