Të Enjten me 29 Gusht pasdite Vatrën e vizitoi një cift bashkatdhetarësh nga Kansas City, Shteti Missouri. Surri dhe Suzana Hotaj, shoqëroheshin nga drejtusit e shoqatës “Skënderbej” në Nju Jork, kryetari Bashkim Shehu dhe nënkryetari Marka Qehaja, si dhe Arian Haxhiu.Editori i Diellit u uroi mirëseardhjen dhe u përshkroi mysafirëve historinë e Vatrës, e cila për 107 vite, ka qenë dhe mbetet në shërbim të Kombit Shqiptar, duke ndërtuar ura miqësi mes SHBA-së dhe Trojeve shqiptare. Editori u ndal në pikat kulmore të historisë së Vatrës, si: Fushata për Shpëtimin e Shqipërisë, emrimi i ambasadorëve në Europë dhe SHBA, Organizimi i Huasë Kombëtare në ndihmë të Qeverisë së dalë nga Kongresi i Lushnjës, dërgimi i Trupava të Vatrës në ndihmë të stabilizimit të kufijëve jugor, dërgimin e Bandës Muzikore të Vatrës në Shqipëri, dërgimin e librave shqip për shkollat shqipe, si dhe në shërbimin që i bën Vatra sot Diasporës dhe kombit. Editori nuk la pa permendur ndeshkimin qe iu beri diktatura vatranëve idealiste qe shkuan te benin Shqiperine, por qe u shperblyen ne menyre tragjike me plumba dhe burg. Po ashtu ai u ndal edhe në historinë e gazetës Dielli, gazetë që vjen nga koha e Rilindjes kombëtare dhe ka hyrë në dekadën e dytë të shekullit të dy të jetës së saj dhe vazhdon të jetë një zë i fuqishëm, jo vetëm për Vatrën.Mysafirët nga Kansas City shprehën kënaqësinë që u ndodhën në Vatër dhe mësuan rreth historisë të shoqatës më të vjetër të shqiptarëve në botë, që ka bërë aq shumë për shtetin dhe kombin Shqiptar. Surri dhe Suzana Hotaj shkruan në librin e mysafirëve: U impresionuam nga historia dhe aktiviteti i Vatrës, vecanërisht kontributi për krijimin dhe ruajtjen e shtetit shqiptar, integritetit të Shqipërisë, ruajtjen e traditave dhe kulturës shqiptare në SHBA etj. Vatra i ka dhënë Kombit figura të shquara dhe ka ngritur ura miqësie mes Amerikës dhe trojeve shqiptare. Nderim për vatranët!Mysafirët u regjistruan anëtarë të Vatrës dhe bënë pagesën e anëtarësisë familjare. Nga ana e tyre dhe drejtusit e Shoqatës “Skënderbej” bënë regjsitrim dhe abonim në Gazetën”Dielli”.Editori i falenderoi për vizitën dhe përkrahjen për Vatrën dhe Diellin.
