KALENDARI I VATRES PER MUAJIN KORRIK- 27 KORRIK 1919, METROPOLIT PLATONI REFUZOI TË DORËZOJË NOLIN PESHKOP/
Sinodi rus kishte njoftuar se e kishte pranuar që ta dorëzonte Arkimandrit Nolin Peshkop, por çuditërisht në çastine ceremonisë njoftoi se e refuzonte. Dorëzimi i Arkimandrit Fan s Noli ishte caktuar të bëhej me 27 Korrik 1919. Një ditë më parë se të bëhej ceremonia, ishte e Shtunë 26 Korrik, Platoni lajmëroi Fan S Nolin për vendimine refuzimit. Sipas komenteve refuzimi vinte pas ndërhyrjes të kishës Greke. Ceremonia ishte paralajëmruar dhe nuk mbetej kohë që të lajmëroheshin besnikët të mos vinin në ceremoninë e dorëzimit Peshkop. Të Dielën në mëngjes, 27 Korrik 1919, u mblodhën shumë besimtarë në Kishë dhe thirrnin në kor:”E duam sot Peshkop, mjaft duruam talljet e të tjerëve. Tani të vishet Peshkop!.”
Noli iu përgjigj:”O Zot, zëri i këtij populli është zëri Yt!…Dorëzimi u bë prej besimtarëve po atë ditë…
***
KUVENDI VJETOR I VITIT 1920 ZGJATI 15 DITE
Kuvendi vjetor i 1920-tës i nisi punimet me 11 Korrik. Çairman pati Shefki Alikon,ndërsa Kristo Polena ishte-sekretar dhe Sefer Prishta -Reporter. Në këtë Kuvend u raportua se Vatra e kishte përballuar me sukses lobimin për në Konferencën e Paqes, duke i bërë ajo pagesat dhe se në arkë ndodheshin ende $ 65.940.09.
Në Kuvend merrnin pjesë 52 delegatë. Punimet e kuvendit zgjatën 15 ditë. Zyrtarët e vitit u zgjodhën:Kryetar:Anastas Pandeli; arkëtar-Kostë Ratska, sekretar-Ndreko Stavro. Komisioni i qendrës përbëhej nga: Kristo Kirka, Kristo Polena, George Prifti, dhe Hasan Bitincka-Kryetar Nderi. Zyrtarët e Diellit: Andon Frashëri, Editor; Aqile Tasi-Ndihmës Editor, Loni Nini-sekretar i Diellit.
***
22 KORRIK 1920, AT FAN S. NOLI, AT VANGJEL ÇAMÇE DHE AT VASIL MARKO SHKUAN NË SHQIPËRI
Njoftimi i nisjes për në Shqipëri i At Nolit, Vangjel Çamçe dhe Vasil Marko, u bë në ditët që vazhdonte Kuvendi i Vatrës, që kishte nisë punimet me 11 Korrik. Delegatët e Kuvendit, siç njoftonte Dielli i 22 Korrikut, i përcollën me nderime udhëtarët misionarë drejt Shqipërisë. Ata i shoqëruan deri në Back Bay Station.
***
Me 26 Korrik një tjetër lajm të gëzuar morën vatranët dhe të gjithë shqiptarët e Amerikës:Franca dhe Italia e njohën Qeverinë Shqiptare.
***
Dielli i datës 30 Korrik botonte një Telegram të Fan S Nolit, me këtë tekst:Shokëve të Kryqëzatës Kombëtare u lëmë shëndet dhe i presim në Shqipëri për të pasuar Luftën e Shenjtë- Nju Jork-29 Korrik 1919.
***
Po në numrin e 26 Korrikut, Dielli lajmëronte Shqiptarët e Amerikës:”Midhat Frashëri vjen në Amerikë për një Hua Kombëtare.
KUVENDI I VATRËS I VITIT 1921
Edhe kuvendi i Vatrës për vitin 1921 i zhvilloi punimet në muajin Korrik. Ai u cel me 10 Korrik 1921 në Castle Square Hall, me çairman Shefki Alikon, Sekretar-Midat Delej dhe rap[orter Vasil manni, Marshall Thomas Ballkameni. Katër Komisioni vëzhguan llogariët e Vatrës gajtë një viti. Kuvendi i vazhdoi punimet për 10 ditë. Zgjedhja e zyrtarëve:Kryetar -Faik Konitza, Sekretar-Kosta Isaak, Arkëtar-Kostë Ratska; Editor Andon Frashëri, nën/editor Aqile Tasi. Komisioni i qendrës: Xhevat Harxhi, Shefki Aliko, Hasan Bitincka, dhe Sotir Treska.
Mehmet Konitza sërish u aprovua si delegat i Vatrës. Kuvendi votoi 2 mijë dollarë për studentët shqiptarë në Amerikë.(Vijon)