Përgatiti: Dalip Greca/

New York, 29 Prill 2022- Familjet Rakaj dhe Mrnaçaj në Nju Jork dhe Michigan, miqtë, të afërmit dhe komuniteti, përjetuan këto ditë ndarjen e dhimbshme nga jeta të Petrit Rakaj, i datëlindjes 15 Korrik 1978. Petriti u nda nga jeta me 25 Prill 2022, në moshën 43 vjeçare. Me ikjen e tij ai la në pikëllim të thellë prindërit Nua Rakaj e Diella Rakaj(Mrnaçaj),Vëllain Çesk, motrat Vali, Drita, vëllain Aleks, motrën Leonora, vëllezërit Alfons, Berti e Valentin si dhe të gjithë të dashurit e fiseve Rakaj dhe Mrnaçaj. Petriti ishte nip i vatranëve(Mark Mrnaçaj, djal i motrës Diella) dhe nip i Pal Rakaj(babai i Mondit). Lajmi i dhimbshëm ka trishtuar mbarë komunitetin,i cili kreu homazhe të Enjten me 28 Prill, nga ora 2pm deri 9pm në shtëpinë mortore, F.Ruggiero & Son’s Funeral Home, 732 në Yonkers, NY.Mesha e Dritës dhe salikimet e fundit u kremtuan të Premten me 29 Prill, në orën 11:00 am në Kishën “Zoja e Shkodrës”. Meshën e drejtoi famullitari Dom Pjetër Popaj. Në emër të familjes përcolli mesazhe dhimbjeje për ikjen në amshim të Petritit, i vëllai Albert Rakaj. Përmes lotëve dhe zërit që i dridhej nga dhimbja, Alberti tha se kjo vdekje ksihte shkaktuar dhimbje të madhe për të gjithë familjen e fiset Rakaj e Mrnaçaj, të shpërndarë anë e mbanë botës-E kam të vështirë sot të flas për ty, o vëlla i dashur, por e kam obligim t’i them pak fjalë për jetën tënde, i shtrenjti vëlla.Ti ishte fëmijë, 14 vjeçar, kur more rrugët e mërgimit në Greqi, e më pas në Itali, e prej andej në Agli.Ike fëmijë, por hallet të rritën e të burrëruan para kohe, duke u bërë krah për familjen.E ndihmove sa munde. Ti u bëre strehë e ndihmove shumë shokë e miq që të trokitën në derë sepse ti e kishe zemrën e madhe, të mbushur me dashuri… Zoti deshti që të sillte në vendin e lirisë, në Shtetet e Bashkuara të Amerikës, në këtë vend të bekuar. Ardhja jote na i ngrohu zemrat, veçanërisht nanës e babaës. Të gjithëve na kishte marrë malli dhe të pritëm krah hapur.Më pas Alberti kujtoi dhimbjen me të cilën ishte përballë familja para 25 viteve: Në vitin 97 familja jonë përjetoi me dhimbje të madhe largimin nga kjo jetë të vëllait tonë 20 vjeçar, Linit.Nëna jonë ishte rritur gjithmonë me vuajtje e dhimbje se regjimi komunist ia burgosi babën e ia internoi familjen.Në internim u rrit edhe ajo. Vdiq në mënyrë të pa pritur dhe kushërini në Amerikë në moshën 30 vjeçare Nik Mernaçaj në demonstratat kundër komunizmit.Si kjo plagë nuk u shërua por u ba dhe ma e madhe? Alberti shprehu dhimbje për mungesën në këtë përcjellje të fundit të dy vëllezërve, të Çeskut në Angli dhe të Alfonsit në Itali, që e patën të pamundur udhëtimin për t’i hedhur një dorë dhe’, por ata kanë shkuar në Atdhe, ku kanë çelë dyert mortit për të nderuar ty, vëlla i dashur, po presin miq e fis atje. Duke iu rdjetuar pjesmarërsve në meshë, Alberti tha se kjo fatkeqësi, që na gjeti, vdekja e vëllait tonë të dashur, Petritit, na i ka plagosë rëndë zemrat dhe shpirtrat të gjithë ne familjarëve dhe tërë fisit tonë,por falë Zotit, shtëpinë e kemi plot me djem e vajza, nipa e mbesa, kemi pranë kushërinj e miq, që na e zbusin dhimbjen dhe lusim Zotin të na japë forcë për ta përballuar dhimbjen. Alberti e ka mbyllur mesazhin e tij: E kemi të vështirë të themi Lamtumirë, o vëlla i dashur. Krishti të pastë në Parriz! Shpirti yt pushoftë në Paqe! I përjetshëm do të mbetesh në zemrat tona! Të pranishmit në Meshë janë përlotur nga mbesa e Petritit, Meri Ujkaj, e cila fillimisht, falenderoi të gjithë ata që iu gjendën familjes dhe të afërmëve për të përballuar këtë tragjedi të parakohshme. Ajo solli në kujtesë vizitën e dajës Petrit në Amerikë në vitin 2004. Ai bënte gjithçka për t’i bërë të lumtura mbesat dhe nipërit.Në kujtesën e Merit, daja Petrit ishte përherë i sjellshëm, i veshur me shije, elegant, ishte mendjemprehtë, i zgjuar, i prirur për të bërë gjëra të jashtzakonshme.Mbesa kujtoi gjithçka të bukur për dajën e saj. Në fund lotët dhe dhimbja i mundën fjalët!Dashuri, respekt e dhimbje për dajën e dashur.Për një moment u duke se Meri po dialogonte me dajën e dashur: -Ne mund të pyesim si,? Pse dhe nëse? … ose mund të bëjmë atë që na kanë mësuar gjithmonë, t’i besojmë fjalës së Perëndisë. Është Fjala Jote që unë kërkoj të ndriçoj këtë kohë të errët. Na ndihmo të të shohim me gjithë lavdinë dhe dhembshurinë Tënde, në mënyrë që të bekohemi me kuptimin e vullnetit Tënd. Besimi ynë në ty, Zot Perëndi, është ajo që na mban në këmbë. Kjo është arsyeja pse një grua si gjyshja ime qëndron ende e fortë edhe sot e kësaj dite, pavarësisht nga fatkeqësitë me të cilat u përball. Ne jemi mësuar gjithmonë të qëndrojmë në lutje dhe të kërkojmë Fjalën e Tij për udhëzim. Ai na thotë të mos shqetësohemi. Për ta kërkuar atë për ngushëllim në të panjohurën. Ai na thotë te Zbulesa 21:4 “Ai do të fshijë çdo lot nga sytë e tyre. Nuk do të ketë më vdekje, as vajtim, as klithmë, as dhimbje, sepse rendi i vjetër i gjërave ka kaluar.” Ajo që dihet është se nuk e njeh më dhimbjen. Është premtimi i Zotit! Pra, ne duhet të gjejmë gëzim në rilidhjen e Perëndisë si familje dy vjet më parë, që i lejova gjyshërit e mi të të mbanin në krahë për herë të fundit. Dhe tani, jenë në krahët e Jezusit ku hyni, Ju dhe vëllai juaj, Lini, e dini paqen përfundimtare. Unë do të vlerësoj të gjitha momentet e mia me ju… Do më mungoje, Daja im i dashur.Mbas Meshës i ndjeri u përcoll në varrezat “Gate of Heaven”, ku u organizua ceremonia e varrimit në drejtimin e dom Pjetër Popaj. Lot dhe kurora të shumta me lule…Në emër të familjes falenderoi Pal Rakaj. Familja shtroi drekë në Tramonto Restorante, NY. Në emër të Vatrës ngushëlloi familjen dhe miqtë ish nënkryetari i Vatrës z. Asllan Bushati. Nju Jork, 29 Prill 2022