NGA ASLLAN BUSHATI/I nderuar eurodeputet, unë që po replikoj në distancë me ju, jam një  ish ushtarak i lartë në Ushtrinë Shqiptare, por edhe një mik i popullit gjerman. Kur isha në detyrën time  në Ministrinë e Mbrojtjes, kam patur rastin ta vizitoj disa herë vendin tuaj për trajnim dhe shkëmbim eksperience. Ju siguroj se  kam mbetur e vazhdoj të jemë shumë i kënaqur edhe sot me  respektin, ndihmesën dhe   nderimet që më kanë bërë kolegët gjermanë përfshi pritjen nga personalitetet e kohës në Sallën Adenauer në Ministrinë tuaj të Mbrojtjes. Por i nderuar Zoti Flekcenstein të gjitha këto, nuk më pengojnë që t’ju them  Ju publikisht disa  mendime e  ndiesi të miat , cilat ndoshta nuk janë shumë të këndshme, por që për mua janë të vërteta dhe se e vërteta duhet të dalë në shesh edhe kur ajo është  disi e vrazhdë.

Ju keni ardhur në Shqipëri si përfaqësues i Parlamentit Europian ( shpresoj me dëshirën e mirë për ta bërë sa më shpejt vendin tim anëtar të këtij organizmi). Edhe unë ashtu dëshiroj që vendi im të eci  përpara e të bëhet si vendet e BE-së në cdo drejtim,  në qoftë se kjo BE do ta ketë jetën të gjatë.  Por para se të niseshit për në Shqipëri,  i nderuar deputet, a e keni pyetur veten se si dhe me kë jeni të përfaqësuar si  BE në Shqipëri? Ka zëra (mund të thoni edhe gojë të liga), se Ambasadorja juaj ka patur ca problem korrupsioni në vendin e saj  para se të vinte  në vendin tim dhe që janë mbyllur vetëm për procedurë (por jo se nuk janë të vërteta). E nderuara përfaqësuese e BE-së në vendin tim, kohët e fundit ka blerë një ultra vilë (1,2 deri 1,4 milion euro) në Tiranë ,që  sic shkruan media i kalon kufijt e të ardhurave të saj. Zyra e BE-së i ka keq përkthyer dokumentet zyrtare  përciellë Gjykatës së Venecias për mendim, sa u detyrua Gjykata Kushtetuese e Shqipërisë të kërkonte falje publike dhe t’i drejtpërkthente . Ka zëra (por edhe shumë fakte) se ajo është tërësish e njëanëshme në veprimet e gjykimet e saj duke u bërë me dhe pa të drejtë palë me qeverinë e Edi Ramës se pas tij lëvizin shuma të mëdha parash. Ajo me shumë stiocizëm zen karrigën e BE-së në mbledhjet paraprake të vetingut duke diktuar  vullnetin e saj për fatet e të ardhmes së vendit tim. Ju me këto informacione jeni të njohur zoti eurodeputet, por unë nuk kam parë ndonjë  shprehje pa pajtueshmërie nga ju dhe nga BE-ja. Pyetja ime publike  për Ju Zoti Flekcenstein është:  për gjithsa u tha më lart a ndieheni të mirëpërfaqësuar  si  BE në Shqipëri? A jeni  serioz e të ndershëm në ato që thoni e bëni? A mendoni ju se me të korruptuarit e BE-së mund të shërohet nga korrupsioni vendi im?

Ju e takuat dhe biseduat me  Kryeministrin Edi Rama , kjo është puna e drejta dhe detyra  juaj. Por para se ta takonit (për autoritetin e BE-së dhe tuajin) a  menduat se pse ky njeri  i solli kriminelët në Parlamentin shqiptar, në strukturat e larta të shtetit e tek të zgjedhurit vendor (gjë që s’kishte ndodhur më parë)? Duke u bërë ortak me krimin ai e ktheu gjithë Shqipërinë në fushë kanabisi, gjë që ky fenomen negativ  nuk ndodhi në Mal të Zi , Kroaci, Kosovë, Bosnje, Serbi, Maqedoni, Greqi etj.  Ambasadori i OSBE-së në Tiranë, Bernd Borchardt deklaroi publikisht se:”Qarkullojnë më shumë se 2 miliardë euro para të pista. Pra ekziston rreziku se këto para mund të përdoren për të blerë deputetë”. Ju po ashtu  keni informacionin e nevojshëm se pas dakortësisë për reformën në dretjësi, Edi Rama  në mënyrë të njëanëshme e  për interesa të tij dhe të klanit mafioz që e rrethon, e prishi konsensusin dhe e përjashtoi opozitën nga  vendim marrja. Pyetja ime për Ju zoti eurodeputet është: Pse e mbështesni Edi Ramën në rrugën kriminale që ka marrë e po zbaton në Shqipëri? Këto pyetje që unë po ju a adresoj Juve a ja bëtë ju Edi Ramës? A mos edhe ju  keni dëshirë   që ca deputetë kriminelë të vijnë si stoli edhe në Parlamentin e BE-së?