PRISHTINË, 30 Gusht 2017-Gazeta DIELLI/ Senatori amerikan, Ronald Johnson, anëtar i Komitetit të Senatit për Politikë të Jashtme, mbërrin sot për vizitë në Kosovë.Sipas axhendave të njoftuara deri tani, Senatori Johnson do pritet në takime të veçanta nga presidenti i Republikës së Kosovës, Hashim Thaçi, dhe kryeministri Isa Mustafa.Media ka njofuar se, dje në Beograd, senatori amerikan Johnson është takuar me presidentin e Serbisë Aleksandar Vuçiç, ku kanë biseduar për Kosovën, dialogun, ekonominë e integrimet europiane.
***
Senatori Johnson: Administrata e Presidentit Trump do të vazhdojë të mbështesë Kosovën në të gjitha fushat/
-Presidenti Thaçi priti në takim senatorin amerikan, Ronald Johnson. Takohet edhe me kryeministrin Mustafa/
PRISHTINË , 30 Gusht 2017-Gazeta DIELLI-B.Jashari/ Senatori amerikan, Ronald Johnson, sot në Prishtinë ka siguruari se administrata e Presidentit Trump do të vazhdojë të mbështesë Kosovën në të gjitha fushat dhe do të mbetet e përkushtuar për paqen dhe stabilitetin në Kosovë dhe rajon.Kjo bëhet e ditur nga takimi me presidentin e Republikës së Kosovës, Hashim Thaçi, i cili ka pritur Senatorin amerikan, Ronald Johnson, me të cilin ka bashkëbiseduar për shumë tema që përbëjnë interes për dy shtetet.Njoftimi dërguar nga Presidenca bën të ditur se, presidenti Thaçi ka falënderuar senatorin amerikan për mbështetjen që po i jep Kosovës administrata e presidentit Trump në rrugën e saj drejt integrimit në struktura euroatlant“Mbështetja amerikane është përcaktuese për ruajtjen e paqes, stabilitetit dhe sigurimin e rrugës euroatlantike për Kosovën dhe shtetet e tjera të rajonit”, ka theksuar presidenti Thaçi.Presidenti ka njoftuar senatorin amerikan për dialogun ndërmjet Kosovës dhe Serbisë, për procesin e transformimit të FSK-së dhe për sfidat që e presin qeverinë e re të Kosovës në jetësimin e prioriteteve strategjike, duke theksuar se institucionet e reja duhet të themelohen sa më shpejtë.Senatori amerikan, Ronald Johnson, anëtar i Komitetit të Senatit për Politikë të Jashtme, mbërriti sot për vizitë në Kosovë, ku, sipas axhendës, pasdite pritet në takim të veçantë edhe nga kryeministri Isa Mustafa.
TAKIMI ME KRYEMINSTRIN ISA MUSTAFA
Edhe kryeministri i Republikës së Kosovës, Isa Mustafa, priti sot pasdite në takim senatorin amerikan, Ronald Johnson, anëtar i Komitetit të Senatit për Politikë të Jashtme i Shteteve të Bashkuara të Amerikës.
Kryeministri Mustafa e njoftoi për punët që janë bërë gjatë mandatit qeverisës dhe fokusin kryesor në zhvillimin ekonomik, proceset integruese euroatlantike, si dhe në fuqizimin e institucioneve demokratike.
Kryeministri Isa Mustafa, theksoi mirënjohjen e qeverisë dhe të qytetarëve të Kosovës për përkrahjen e pazëvendësueshme që kanë dhënë SHBA-të për Kosovën në të gjitha periudhat. “Shtetet e Bashkuara të Amerikës mbesin miqtë dhe përkrahësit më të mëdhenj të Kosovës, prandaj u jemi mirënjohës përjetë”, tha kryeministri Mustafa, duke shprehur po ashtu përkushtimin e qeverisë për thellimin e bashkëpunimit me SHBA-të, edhe në të ardhmen.
Senatori i SHBA-ve, Ronald Johnson, gjatë takimit, vlerësoi progresin që është arritur në Kosovë gjatë këtyre viteve. Senatori Ronald Johnson u interesua për proceset zhvillimore në Kosovë, duke theksuar përkrahjen e mëtejme të SHBA-ve për Kosovën.Senatori amerikan, Ronald Johnson, anëtar i Komitetit të Senatit për Politikë të Jashtme, mbërriti sot për vizitë në Kosovë.