Ish- gazetari i Zërit të Amerikës është nderuar nga kryeminsitri Ramush Haradinaj me çmimin “Gjergj Kastrioti – Skëndërbeu”/

Të martën në New York figura emblematike e Zërit të Amerikës  u nderua për kontributin në çështjën shqiptare. Kryeministri Haradinaj në profilin e tij në facebook shkruajti Shaqiri nderohet: “Për kontributin e madh për çështjen shqiptare dhe forcimin e marrëdhënieve mes Kosovës dhe ShBA-së, kam ndarë për shoqata e veprimtarë të shumtë medaljen “Gjergj Kastrioti – Skëndërbeu”. Shqiptarëve të Amerikës, ata që ishin krahu më i fuqishëm në shtetkrijim dhe shtetbërje”, tha Haradinaj.

Kohë më parë Shaqir Salihu publikoi librin “RRËFIME LIRIE” – Shtegtimi i një mësuesi shqiptar nga burgjet serbe te Zëri i Amerikës

Dhe në këtë libër autori thotë: “ Jetova vetëm 27 vjet në Kosovë. Atje nisa hapat e parë të jetës sime në fshat. Në Kosovë linda, por nuk do të vdes atje. Dora-dorës eca mbi truallin e saj vetëm për 27 vjet, sepse e braktisa. Por edhe pse larg saj, unë eci me të dora-dorës. Kosovën e mora me vete. E mora me vete si mall. E mora me vete si dhimbje. E mora me vete si amanet dhe si dëshirë të flaktë për ta ndihmuar dhe për ta nderuar, siç ndihmon e nderon biri nënën e vet.

Për shumë vite gazetar i “Zëri Amerikës”, ndërsa tash pas moshës 75 vjeçare vazhdon të kontribuojë  në veprimtaritë patriototike e atdhedashurie me  komunitetit shqiptarë, në Washington, New York, dhe kudo tjetër.

Shaqir Salihu, e filloi punën në Zërin e Amerikës, në fillim të viteve ‘80-ta, pasi kishte shkuar në Amerikë, si refugjat politik nga Kosova.

Ndërsa doli në pension pas një karriere të pasur 30 vjeçare.