Nga Shefqet Kërcelli/
Ishte një befasi e këndshme takimi i ditës së sotme me dy futbollistë të vjetër, zotërinjtë Skënder Gega {ish futbollist i ekipit të “Partizanit”}, dhe zotit Gut Tafaj, {portier i ekipit të “Tiranës”}, sportistë me emër në historinë e futbollit shqiptar, për talentin dhe spektaklin që i kanë dhuruar dashamirësve të këtij sporti para dhe pas viteve ’80. Një takim moshatarësh, që na riktheu kujtimet e atyre viteve. Komanda e Forcës Detare, ku unë punoj, e vendosur tashmë në ambientet e Shtëpisë së Pushimit të Ushtarakëvë në Plepa, më mundëson të sodis jo vetëm qytetin bregdetar të Durrësit, por dhe detin që e rrethon, duke më lehtësuar punën time si gazetar i kësaj fushe. Por sot, në shëtitjen e radhës përjetova surprizën më të këndshme të këtyre ditëve. Nuk më shkonte në mëndje që pas 30-të e ca vitesh, të takoj këta yje të futbollit shqiptar. Në kufirin midis Shtëpisë së Pushimit dhe Kompleksit “Tropikal” pashë dy burra me trup atleti që po shëtisnin duke biseduar për detin, mjedisin dhe ndotjet që kishte krijuar moti i këtyre ditëve. Vitet bëjnë të vetën, por tek Skënderi dhe Guti, vec thinjave, pashë energjinë dhe zhdërvjelltësinë e moshës së rinisë. Dukej qartë që ata nuk e kishin lënë sportin e tyre të dashur dhe në këtë moshë. Një takim bashkëmoshatarësh që na riktheu në vitet tona të rinisë, kur ata si futbollistë por dhe unë si ushtarak vraponim nga ishKavaleshenca në Golem e kthim, ku vec jodit shijonim natyrën e virgjër me plot pisha dhe rërë të pastër të këtij bregdeti. Ndjemë keqardhje për situatën e tanishme të ndotjes mjedisore. Dhe fotot që bëmë nuk ja cuam fëmijëve tanë në SHBA. Na vjen vërtet keq për këtë situatë thotë Skënderi, se ne po përpiqemi të sjellim sa më shumë turistë Amerikanë në vendin tonë. Mbase do përmirësohet në muajt në vijim, ja ktheu Guti. Më pas biseda vazhdoi për futbollin shqiptar dhe përgatitjen e brezave të rinj në këtë sport të parapëlqyer të bashkëkombasve tanë kudo që janë. Tashmë Skënderi dhe Guti jetojnë familjarisht në SHBA, ku dhe atje janë të angazhuar me këtë sport, por aktualisht federata shqiptare i ka thirrur ata të grumbullojnë e stërvisin kombëtaren shqiptare të U-21. Është zgjidhja e duhur të vendosësh në krye të juniorëve shqiptarë këta yje të futbollit shqiptar. Futbollistë të talentuar dhe me përvojë që kanë cfarë ti japin ekipit tonë të të rinjve. Stërvitje, disiplinë, kolektivitet, pasion, garë të fortë sportive, kjo është motoja që karakterizon skuadrën tonë të U-21. Dhe për këtë po punojnë intensivisht dy trajnerët tanë, Skënderi dhe Guti, që nga New Jersey i SHBA, me përkushtim e profesionalizëm po përgatisin kombëtaren tonë të të rinjve për sfidat e radhës. Në këtë ditë shkurti, bashkë me kolegët e mi detarë, i uruam me zemër fitore e përfaqsim dinjitoz në kampionatin evropian kombëtares sonë të U-21, të drejtuar nga dy përfaqësues të denjë të futbollit shqiptar, por dhe qytetarë të nderuar në SHBA.