Të dashur bashkombas të besimit Islam
Më lejoni që në emër të Federatës Pan-Shqiptare të Amerikës VATRA, të gazetës Dielli, të familjes sime dhe në emrin tim personal t’ju uroj përzemërsisht: Gëzuar Fitër Bajramin.
Në këtë festë të shenjtë e ditë falenderimi ndaj Zotit të gjithësisë le të lutemi për paqe në botë, bekim e prosperitet për kombit tonë e familjet tona. Kjo festë e begatë çmon veprat e mira dhe sakrificën që çdo besimtar i dedikon Zotit të madhërishëm në shenjë mirënjohje e falenderimi për kalimin me lutje e sakrificë të një muaji të shenjtë e përshpirtshmërie ndaj Zotit tonë.
Uroj nga zemra që ta kaloni gëzuar dhe me lumturi e harmoni me familjen dhe njerëzit tuaj të zemrës.
Mësimet dhe bekimet e Zotit ju shoqërofshin përgjatë gjithë jetës suaj të dashur miq e bashkëpunëtorë prej dekadash.
Kjo festë e shenjtë na fton për vepra të mira, reflektim, bamirësi, përkujdesje ndaj të varfërve, jetimëve e çdo njeriu në nevojë.
Kjo festë e madhe le të na zgjojë dëshirën për të falur, për të dashur dhe për të dhënë më të mirën nga vetja jonë si besimtarë e shqiptarë të mirë.
Gëzuar nga zemra.
Me respekt e gëzim
Kryetari i VATRËS
Elmi BERISHA