Archives for October 2022

FEDERATA PANSHQIPTARE E AMERIKËS “VATRA” ORGANIZON SIMPOZIUM SHKENCOR ME RASTIN E 110-VJETORIT TË PAVARËSISË SË SHQIPËRISË

October 31, 2022 by s p

“110 VJETORI I PAVARËSISË SË SHQIPËRISË NË VATËR”

E Diel, 27 Nëntor 2022
Ora 2:00 p.m në selinë qendrore të “Vatrës”
2437 Southern blvd, Bronx, NY. 10458

Me rastin e 110-vjetorit të Pavarësisë së Shqipërisë, Federata Pan-shqiptare “Vatra” organizon simpozium shkencor. Ky aktivitet ka për qellim të bashkojë studiues, profesor, gazetar e profesionist të fushës, të cilët do të sjellin kontributet e tyre shkencore falë kërkimeve në dokumente (vendase dhe të huaja), monografi, artikuj shkencorë dhe nëpërmjet hulumtimeve në shtypin periodik të kohës, (shqiptar dhe të huaj). Koha në dispozicion për çdo kumtesë do të jetë (maksimumi 10 minuta), ndërsa materiali i plotë do të botohet në gazetën “Dielli”.
Tematika orientuese e Simpoziumit:
-Rilindësit Kombëtar Shqiptar, Kongresi i Manastirit, roli dhe kontributi historiko-kulturor në funksion të unitetit kombëtar.
-Roli i Fuqive të Mëdha në Pavarësinë e Shqipërisë.
-Shqiptarët dhe politika e Perandorisë Osmane në prelud të Pavarësisë së Shqipërisë.
-Lufta Ballkanike dhe rreziku i tokave shqiptare.
-Roli i “Vatrës” dhe i diasporës shqiptare në shpalljen e Pavarësi së Shqipërisë.
-Kleri shqiptar dhe Pavarësia e Shqipërisë.
-Pavarësia e Shqipërisë dhe njohja e Shtetit Shqiptar në Arenën Ndërkombëtare bazuar në shtypin shqiptar dhe të huaj.
-Çështja shqiptare në kancelaritë e huaja në dhe në konferencat Ndërkombëtare.

Shënim:

Për të interesuarit, ju lutemi dërgoni titullin e plotë të punimit, një abstrakt deri në 250 fjalë për temën që do të trajtoni, emrin e autorit, gradën/titullin akademik, adresën e postes elektronike në
e-mailin: 110vjetoripavarsisenevater@gmail.com
Pranimi i kumtesave do të jetë deri më datën 4 nëntor 2022.
Bordi Organizativ i Simpoziumit do të njoftojë me e-mail ligjëruesit që do të përzgjidhen për të marrë pjesë në simpozium brenda datës 7 nëntor 2022.

Bordi organizativ i simpoziumit shkencor:

Dr. Paulin Marku (kryetar)
Z. Idriz Lamaj (anëtar)
Z. Frank Shkreli (anëtar)
Msc. Marjana Zeneli Bulku (anëtare)
Dr. Sokol Paja (anëtar)
Dr. Pashko Camaj (anëtar)

Albania-American Bektashi Monastery

October 31, 2022 by s p

The 26 October we got the great opportunity to make an official visit to the Pope Francis in the Vatican City , such an event was part of an official invitation from the department of interfaith relations of the Vatican to our beloved Dervish Eliton as leader of the First Albanian Bektashi Teqe in America.

It was a ceremony that not only gave hope to all bektashis around the world but also marked the first step to relations between the Vatican and the Bekashi Teqe in America. The main topics were the problem of irreligious sentiments and the common points about muslim and christians.

Some of the words Dervish Eliton share with the pope were:

“People have come to give more importance to materialism rather than spirituality. However, the same problem existed not only at the beginning of Islam, but also at the beginning of Christianity. Personally, I cannot accept that the world is going thorough this problem. Such claims are essentially expectations, perhaps secret desires, put forward by those who cannot accept themselves with their own values, hoping for help from conflicts and hostilities. As it is expressed in the Qur’an, human beings have been created and always pursue good and beautiful things. But sometimes, unintentionally or unconsciously, stones that he does not expect appear on his path . It is this generosity and beauty inherent in man’s own creation that encourages the man for a worldwide dialogue. I have full faith and hope that humanity, whose yeast is kneaded with goodness and beauty, will one day come to the line required and forced by this leaven. At the moment, I believe that humanity, tired of wars, conflicts, spilled blood, and persecutions, is ready for a universal dialogue and peace, and that the conjuncture is suitable for such a dialogue, and that for this blessed purpose, if we do not take a wrong step, we will be at a point of fate-equilibrium.”

Also the Pope emphasized that is very important that in hard times trust in God is the clue to overcome problems and that every battle in our lives have a purpose in our path that comes from God.

Finally our dear Dervish expressed that:

“Muslims and Christians have more things in common than differences and that we must focus on this similarities.”

This meeting marks the first of upcoming events planned by the teqe to spread the message of peace,love and respect trough the world.

SHQIPTARËT E ARIZONËS FESTUAN 100 VJETORIN E MARRËDHËNIEVE SHQIPTARO-AMERIKANE

October 31, 2022 by s p

Sokol Paja/

Shqiptarët e Arizonës festuan me madhështi 100 vjetorin e marrëdhënieve Shqiptaro-Amerikane. Grupi organizator në Arizona që përfshinte tre organizatat: “Albanian Civic Center of Arizona”, “Albanian Cultural Center Eagle of Arizona”, “Albanian-American Women Association of Arizona”, i rrëfyen Diellit organizimin dhe detajet sesi shkëlqyen në një festë të veçantë për të gjithë shqiptarët e Arizonës me rastin e 100 vjetorit të marrëdhënieve diplomatike Shqiptaro-Amerikane.

100 VITE MIQËSI SHQIPËRI-AMERIKË

Shqiptarët e Arizonës në shenjë nderimi, respekti dhe vlerësimi festuan me madhështi festën një shekullore të miqësisë me aleatin më të madh e më besnik të kombit shqiptar, Amerikën e dashur dhe të ëndërruar. 100 vjetori i marrëdhënieve diplomatike mes Amerikës dhe Shqipërisë është moment i shënuar dhe shumë i veçantë për të dy popujt, shtetet e kombet. Shqiptarët i janë mirënjohës Amerikës pasi në çdo moment që kombi ynë ka pasur nevojë, Amerika është përgjigjur dhe s’na ka lënë kurrë vetëm. Në 100 vjetorin e marrëdhënieve diplomatike mes Amerikës dhe Shqipërisë si popull kemi shansin dhe nderin e madh të trashëgojmë miqësinë dhe të rrisim mbështetjen e bahskepunimin me krenari e dinjitet. Kjo miqësi e ngohtë dhe e sinqertë mes dy popujve do të ndriçojë rrugën përpara në misionin tonë të përbashkët, si aleatë besnik, si miq e si bashkëpunëtorë për të mirën e popujve tanë e shteteve tona. Ky përvjetor shekullor është një bekim dhe urim për 100 vjetorin e miqësisë së shtrenjtë e të shenjtë. Zoti i bekoftë të dy vendet tona të begata.

PROGRAMI I FESTËS QË NGROHU ZEMRAT SHQIPTARE NË TOKËN E PREMTUAR

Festimet që u kremtuan në Arizona, filluan me një program shumë të ngjeshur patriotik dhe artistik. Pas fjalës përshëndetëse të Ambasadores Floreta Luli-Faber, në fjalën përshëndetëse folën: Florim Ymeri, President i Albanian-American Cultural Center “Eagle of AZ”. Të ftuar ishin John dhe Cindy Gillan, miq të Shqipërisë. Dr.Gillan është dentist në Arizona dhe një mik i vjetër i Shqipërisë. Ai është një nga themeluesit e Shoqatës Mjeksore Shqipëri-Amerikë, ku ka dhënë nje kontribut të çmuar në shkëmbimin e eksperiencave mjekësore mes dy vendeve. John e ka vizituar Shqipërinë që në 1995, dhe mbas saj pothuajse çdo vit. Ai meriton një pashaportë shqiptare. Ai ka marre pjesë në demonstratat për Pavarësinë e Kosovës /Dardanisë. Po ashtu ishin të ftuar Philip dhe Sharon Jay, financierë, miq të Shqipërisë. Philip na nderoi me fjalën përshëndetëse. Po ashtu dhe ai ka marrë pjesë në demonstratat për Pavarësinë e Kosovës /Dardanisë në vitet 1997-1998. Prof. Dr. Arben Lasku prezantoi një përmbledhje të marrëdhënieve dipllomatike Shqipëri-Amerikë, që me fillimet e saj. Disa momente interesante nga fjalimi i tij ishin 1819 – Dy gazetarë Amerikanë vijnë në oborrin e Ali Pashë Tepelenës. 1891 – qeveria Amerikane merr leje në Stamboll për hapjen e shkollës shqipe për vajza në Korçë. 1919 – presidenti Wilson mbështet integritetin territorial të Shqipërisë, pengohet ndarja. 1922 – vendosen mardhëniet diplomatike Shba-Shqipëri. 1930 – ndërtohet ambasada e Shba në Tiranë, si e para ndërtesë ambasade e ndërtuar ndonjëherë nga Amerika . 1991 – rivendosen mardhëniet Amerikë-Shqipëri pas 52 vjet ndërprerje. Afërdita Ollomani nga Maqedonia e Veriut lexoi një poezi për Pavarësinë e Kosovës/ Dardanisë, si dhe ndau me të gjithë, ndihmën që ka dhënë familja e saj në kohën e luftës së Kosovës/Dardanisë. Anton Gega agjent imobilar përshëndeti në emër të komunitetit nga Malsia / Mali i Zi, gjithashtu edhe Nora Qorri agjente imobilare përshëndeti në emër të grupit organizator.

PROGRAMI ARTISTIK I FESTËS

Programi artististik permbante valle nga fëmijët Arianna, Isabella, Gabriella, Alexander, Dominick, Emma, Besarah, Brian, Ana, Viktoria, Christina, Andra, Evelyn, Veronika, Klea, Sia, nën drejtimin e Xhesi Fidanit me kengën “Valle Tropojane” dhe “Këngë moj buçit në Male”, me kostumin më të veçantë, krahët e shqiponjës, një projekt i desinjuar dhe prodhuar nga Eliana Nikolla. Aktiviteti për fëmijët, u pasurua dhe më shumë nëpërmjet vizatimeve dhe stickers me flamurin shqiptar, nën përkujdesjen e Doriana Pëllumbi dhe Valbona Pëllumbi. U bë promovimi i filmave me metrazh të shkurtër “ My Secret War” nga Rina Hajra. dhe “The Dark Web”, Ervin Musabelliu, të rinj të talentuar që Amerika i ka dhënë mundësinë të zhvillojnë talentet e tyre. Nëpërmjet “Power Point” që u shfaq në televizor, u paraqitën veprimtaritë e shoqatave në Arizona ndër vite. Një falenderim i veçantë në atë prezantim i bëhej çiftit Remzi e Mary Barollit për kontributin e tyre të çmuar në komunitetin e Arizonës. Po ashtu u shfaq dhe një power point me njerëz të shquar Amerikano-Shqiptarë si Dua Lipa, Rita Ora, Ava Max, Bebe Rexha, Jim Belushi, Eliza Dushku etj. Në program ishte përfshirë një ekspozitë fotografike nga aktivitet e komunitetit shqiptar në Arizona ndër vite. Gjithashtu u pasqyrua një ekspozite nga piktorët tanë të talentuar Engjëll Musabelliu dhe Afërdita Ollomani. Familjet e Remzi Barollit, Arben Laskut, Shahin Berisha, Rusha Hamitit, Rakip Syla kishin përgatitur posters nga kontributi I familjeve të tyre në komunitet, sidomos nga lufta e Kosovës/Dardanisë. Ekspozita fotografike nga aktivitetet e Shoqatave në Arizona ndër vite, ngjalli shumë interes për të gjithë të pranishmit. Në këtë festim nderoi me pjesëmarrjen e tij anëtari i Dhomës së Përfaqësuesve të Arizonës John Kavanagh dhe gruaja e tij Linda Kavanagh. Për miqtë dhe të ftuarit u ofrua ushqim tradicional i përgatitur nga Merita Kraja Idrizaj, Nora Qorri, Djellza Shkodra, famijla Gegaj, Afërdita Ollomani.

MIRËNJOHJE DHE VLERËSIM

100 vjetori i marrëdhënieve diplomatike mes Amerikës dhe Shqipërisë duhet të shoqërohet pa dyshim me mirënjohje dhe vlerësim për angazhimin, punën e palodhur, profesionalizmin dhe shpirtin e festës bashkëpunëtorët që mundësuan gjithçka: Merita, Nora, Djellza , Elonia, Eliana, Oli, Rina, Xhesi, Vlera, Doriana, Valbona, Vjollca, Florim, Arben. Falenderohen anëtarët e komunitetit në Arizona për donacionet në mbështeje të aktiviteteve të tilla. First Interstate Bank me menaxhere Brisilda Hysenaj dhuroi $ 1,000. Prezantueset e programit Rina, Xhesi, Vlera, këto vajza që përfaqësojnë bukurinë shqiptare, shfaqën talent dhe performancë të shkëlqyer për të gjithë të pranishmit. Të gjithë bashkë kanë punuar shumë dhe kjo është edhe nxitje për Shoqatat e tjera që nesër të bëjnë dhe më shumë aktivitete të përbashkëta në diasporë. Kjo ishte një festë madhështore e pritur shumë mirë si në komunitetin shqiptar dhe më gjërë. Zoti e bekoftë Shqipërinë, Kosovën, Amerikën dhe shqiptarët kudo që janë.

Shqiptarët në New York u takuan me “heroin” e lirisë së Kosovës Gjeneralin Amerikan me katër yje, Wesley Clark

October 31, 2022 by s p

Alketa Ktona Veshi

30 Tetor 2022 New York/

Shoqata Shqiptaro – Amerikane “Skënderbej’Inc. sot mori pjesë në takimin e komunitetit Shqiptar me “heroin” e lirisë së Kosoves Gjeneralin Amerikan me katër yje, Wesley Clark, I cili ishte Komandant Suprem I Forcave të NATO-s që udhëhoqën bombardimet e ushtrisë Serbe në Kosovë për 78 ditë.

Takimi u zhvillua ne Staten Island shoqëruar me emocione të forta. Sejcili pjesëmarës u përlot nga madhështia e figurës, thjeshtësia njerëzore e fjalët prekëse që dilnin prej thellësisë së zemrës. Fëmijë që I shprehnin mirënjohjen Gjeneralit për mbështetjen dhe çlirimin e Kosovës, mbushnin me lot sytë e heroit që mundi bishën Serbe. Prezantuesja e aktivitetit citoi: “Gjenerali Clark ish Komandanti Suprem I Aleances për Europen, ju jeni ushtaraku më I dekoruar në rang kombetar por dekorimi më I lartë që ju u dedikohet është “hero” I kombit shqiptar. Heroit të lirisë që shpetoi kombin tonë nga zgjedha e eger Serbe nuk ju thanë sytë nga lotët përgjatë gjithë takimit. Kombi ynë shquhet për virtytin e mirënjohjes, dhe atë e tregoi sot e më së miri komuniteti në atë sallë. Me gjithë madhështinë e merituar Gjenerali vlerësoi ndihmën e UÇK-së dhe njëherësh dy luftëtarët e lirisë së Kosovës të pranishëm në sallë të cilët janë dhe anëtarë të shoqatës “Skënderbej”Inc. Blerim dhe Qerim Gjocaj u angazhuan familiarisht në luftimet e UÇK-së ku Qerimi humbi njërën dorë. Gjenerali ndau me të pranishmit kujtime të dhimbshme nga lufta e Kosoves dhe Genocidit më të egër të kohës, atij Serb.

Gjenerali vlerësoi ushtarakun e mbrojtjes së paqes dhe lirisë zotin MAX ROSE I cili ka shërbyer në luftën e Afganistanit. Ai kandidoi në vitin 2018 për Kongresin Amerikan dhe kur askush nuk mendonte se ishte e mundour ai suprizoi me fitoren e tij. Max ka dhenë prova se punon zellshën pavarësisht çmimit për zhvillimin e New York-ut dhe Amerikës. Ai ka marë medaljen nga Sekretari I Mbrojtjes për shërbim të shquar publik I cili është çmimi I dytë më I lartë dhënë nga Sekretari I Mbrojtjes për punonjësit federalë jo në karierë.

Gjenerali Clark kërkoi mbështetjen nga komuniteti shqiptar, për ti mundesuar sërisht vendin në Kongresin Amerikan zotit MAX ROSE, “Ne duhet ti japim mundesinë sërisht njerëzve që punojnë”, citoi Ai. MAX ROSE ka qënë pranë dhe ka kontribuar për komunitetin shqiptar përgjatë gjithë karierës së tij politike. Mes shkëmbi përqafimesh, mirënjohje e falenderimi u ndamë me heroin e luftës së Kosovës Gjeneralin Clark.

Unioni i Gazetarëve Shqiptarë nderoi me çmimin “Karriera” Dalip Grecën Editorin e Diellit 2009-2021

October 31, 2022 by s p

Unioni i Gazetarëve Shqiptarë në mbrëmjen e ndarjes së çmimeve për gazetarët zhvilluar në Prishtinë, ka nderuar me çmimin “Karriera” Dalip Grecën Editorin e Diellit 2009-2021. Unioni i Gazetarëve Shqiptarë ka bërë ndarjen e çmimit për gazetarinë ekonomike “Vangjush Gambeta”, për gazetarët nga Kosova, Shqipëria dhe Maqedonia e Veriut.

Për shkrimin më të mirë në shtypin e shkruar dhe online në Kosovë, u shpërblye gazetarja e KTV-së Marigona Brahimi.

Çmimi “Reporteri i vitit” iu dha gazetares Ilnica Agolli, ndërsa çmimi raportimi më i mirë i vitit shkoi për gazetarin, Artur Bibe.

Çmimi “Vangjush Gambeta”, iu dha gazetarit Xhenur Iseni, për shkrimin më të mirë ekonomik në shtypin e shkruar dhe online në Maqedonin e Veriut.

Çmimi për shkrimin më të mirë ekonomik në shtypin e shkruar dhe online në Shqipëri, shkoi për Esmeralda Topin.

Gazetares Elisabeta Dosku, iu dha çmimi për shkrimin më të mirë ekonomik televiziv në Shqipëri.

Çmimi “ Karriera” shkoi për gazetarin Dalip Greca, pas vdekjes, përderisa çmimi karrierës iu dha gazetarit Gëzim Baxhaku nga Kosova.

Kurse gazetari Bashkim Tufa morri çmimin “Ismet Bellova”