Pavarësia e Kosovës në New York.

Shtëpia botuese prestigjioze “Springer“ ka botuar në gjuhën angleze librin “Surgical Decision Making”, të autorit të njohur nga fusha e kirurgjisë Prof. Dr. Rifat Latifi, i cili me përvojën e tij të pasur dhe me ndikimin e tij profesional dhe akademik, që ka lënë gjurmë të pashlyera në analet e kirurgjisë globale, këtë libër e sjell për të gjithë adhuruesit, ekspertët, studiuesit e shumtë kudo në botë, si një sihariq për këtë fillim vit.

Profesor, Rifat Latifi tashmë konsiderohet si një ekspert me nam në arenën ndërkombëtare dhe çdo prezantim i tij shkencor e studimor, pritet me kënaqësi nga publiku dhe jo vetëm.

Ndryshe lajmin për botimin e librit e ka bërë të ditur vet autori profesor Latifi përmes një postimi në rrjetin social “Linkedin” i cili shprehet si në vijim:

Profesor Rifat Latifi: Me kënaqësi njoftoj se edicioni i ri i një prej librave të mi të preferuar që kam shkruar/redaktuar është publikuar dhe do të jetë i disponueshëm më 24 janar 2025: – Surgical Decision Making ..Marrja e Vendimeve Kirurgjikale“. Ky edicion i rishikuar dhe i zgjeruar trajton vendimmarrjen kirurgjikale në procedura të ndërlikuara kirurgjikale, duke përfshirë marrjen e vendimeve të vështira, ndërgjegjësimin e vazhdueshëm mbi gjendjen fiziologjike të pacientit, profilin biokimik, rikuperimin me parametra përfundimtarë dhe gjendjen fiziologjike të vetë kirurgut.

Diskutohen gjithashtu vendime specifike kirurgjikale, si kur duhet ndërhyrë dhe kur jo, ri-operacionet dhe operacionet në kushte dhe grup mosha të caktuara.

Ky edicion i ri adreson këto dhe elementë të tjerë që janë të rëndësishëm për procesin e vendimmarrjes intraoperative dhe perioperative, duke përfshirë pyetje bazë që nuk janë trajtuar siç duhet në literaturë.

Shumë prej nesh marrim vendime bazuar në prova aktuale, por shpesh ato bazohen në “ndjenjën e brendshme”, “intuitë” apo “efektin e flokëve të thinjur,” ndër teknika të tjera. Në këtë libër, anatomia e këtyre vendimeve eksplorohet nga një këndvështrim teorik si dhe përmes të dhënave objektive që ne si kirurgë përdorim për të marrë vendime kirurgjikale.

Askund tjetër, çështja e si marrim një vendim – shpesh me një sasi shumë të kufizuar të dhënash, vendime që vendosin mes jetës dhe vdekjes së dikujt – nuk është më e dukshme se në kirurgjinë e traumës dhe në operacionet komplekse, përfshirë kthimin e paparashikuar në sallën operatore. Përvoja jonë kolektive si kirurgë tregon se një kombinim faktorësh kontribuojnë në procesin tonë të vendimmarrjes perioperative dhe intraoperative, përfshirë arsimin, njohuritë klinike, mentorimin, si dhe kreativitetin dhe ekselencën që vijnë me praktikën e gjatë dhe disiplinën e rreptë.

Edicioni i dytë i Surgical Decision-Making: Evidence and Beyond ofron një burim të veçantë dhe të vlefshëm në fushën e kirurgjisë për kirurgët që janë aktualisht në trajnim dhe për ata që tashmë ushtrojnë kirurgjinë në nivel akademik apo në komunitet.

Për botën akademike shqiptare në fushën mjekësore – kirurgjikale ky libër ka vlerë të jashtëzakonshme, ndërsa profesor Latifit, i dëshirojmë suksese në rrugëtimin e tij, të ndritur në arenën botërore.

Urojmë të ketë sa më shumë lexues të këtij libri, e autorit suksese të tjera!

Pjetër Lucaj/

Në tokën e malit, ku qielli prek majat,

Një burrë me zemër, me vizion të qartë,

Gjon Gjekë Lucaj, mësuesi i parë,

Hapi dritaret e dijes, mbi errësirën e gjatë.

Në 1917, në Triepshin krenar,

Hapi shkollën e parë shqipe, një akt madhështor.

Mes maleve e gurëve, një fllad drite nisi,

Në gjuhën e nënës, shpresa rilindi.

Më pas, në 1929, Dinosha përqafoi,

Shkollën e dytë shqipe, që Gjoni ndërtoi.

Një histori e re, në gjuhën e tokës,

Dhe populli ndjeu frymën e lirisë së kokës.

Në vitet ’50, me krenari të thellë,

Shkolla e Triepshit mori emrin e gjallë,

Gjergj Kastriotit, heroit të pavdekshëm,

Një nderim i madh për kombin e përjetshëm.

Por Gjoni nuk luftoi me shpatë as me armë,

Dija e tij ishte flaka që ngrohte çdo zemër.

Libri dhe penda ishin fuqia e tij,

Shpëtimtar i fjalës shqipe, pishtar në stuhi.

Këshilltar i Bajram Currit, në kohë të vështira,

Gjoni i dha zë, idealit të lirisë së vërtetë.

Me mendje të ndritur dhe shpirt të madh,

Ai qëndroi pranë, si prijës i paepur dhe i rrallë.

Me libra në dorë dhe zemër të kthjellët,

Ai ndriçoi errësirën e një epoke të thellë.

Shkolla e tij, strehë për çdo brez të ardhshëm,

Një tempull i dijes, një testament i ndritshëm.

Gjon Gjekë Lucaj, emër i pavdekshëm,

Mësues i kombit, vizionar i përjetshëm.

Gjurmët e tua ndriçojnë rrugën tonë,

Hero i dijes, frymëzim që s’na lë kurrë vetëm.

Prof.Dr.Fejzulla BERISHA/

Krijimi dhe finalizimi i një marrëveshjeje për dialog strategjik mes SHBA-së dhe Kosovës është një hap thelbësor për konsolidimin e marrëdhënieve dypalëshe dhe garantimin e qëndrueshmërisë politike, ekonomike dhe të sigurisë në rajon. Një dialog strategjik do të përqendrohej në disa fusha kyçe, të cilat janë mbështetur në përvojat e mëparshme dhe në rastet konkrete të bashkëpunimit SHBA-Kosovë.

1. Bashkëpunimi në Fushën e Sigurisë

SHBA-ja ka qenë partneri kryesor për ndërtimin dhe forcimin e Forcës së Sigurisë së Kosovës (FSK). Një marrëveshje strategjike mund të forcojë:

   •   Tranzicionin e FSK-së në një ushtri të plotë: Deri tani, SHBA-ja ka dhënë ndihmë teknike dhe trajnim për FSK-në. Për shembull, në vitin 2023, programet e bashkëpunimit ushtarak rezultuan me pjesëmarrjen e FSK-së në stërvitjen “Defender Europe,” një nga stërvitjet më të mëdha të NATO-s. Një dialog strategjik mund të formalizojë këtë mbështetje dhe të përfshijë furnizimin me pajisje moderne ushtarake.

   •   Pjesëmarrjen e Kosovës në misionet ndërkombëtare të paqes: Duke ndjekur shembullin e shteteve të tjera të vogla aleate të SHBA-së, Kosova mund të përfshihet në misione të përbashkëta me SHBA-në. Kjo do të forconte pozitën ndërkombëtare të Kosovës dhe do të rrisë aftësitë operacionale të FSK-së.

2. Forcimi i Demokracisë dhe Sundimit të Ligjit

SHBA-ja ka luajtur një rol kyç në forcimin e sundimit të ligjit në Kosovë. Për shembull:

   •   Rastet e përfshirjes amerikane në reformën gjyqësore: Programet si USAID dhe ICITAP kanë ndihmuar në trajnimin e gjyqtarëve, prokurorëve dhe policisë së Kosovës. Një marrëveshje për dialog strategjik do të mundësonte ndihmë më të madhe teknike për luftën kundër korrupsionit dhe për reformat e sistemit gjyqësor.

   •   Rast konkret – lufta kundër korrupsionit: Në vitin 2021, ambasada amerikane mbështeti krijimin e Task-Forcës Kundër Korrupsionit. Një marrëveshje strategjike do të formalizonte dhe zgjeronte projekte të ngjashme.

3. Zhvillimi Ekonomik dhe Investimet Amerikane

Kosova ka përfituar shumë nga investimet dhe mbështetja amerikane, por potenciali i saj ekonomik mbetet i paplotësuar.

   •   Rastet konkrete të mbështetjes ekonomike: Korporata amerikane për Sfidën e Mijëvjeçarit (MCC) ka investuar miliona dollarë në projekte të energjisë së qëndrueshme dhe digjitalizimit. Për shembull, në vitin 2022, MCC ndihmoi në zhvillimin e projektit për ruajtjen e energjisë përmes baterive, një nga projektet më të mëdha të këtij lloji në rajon.

   •   Tërheqja e investimeve të huaja direkte (FDI): Një dialog strategjik mund të përqendrohet në krijimin e politikave që favorizojnë investitorët amerikanë, duke ndjekur shembullin e marrëveshjeve SHBA-Slloveni ose SHBA-Lituani për bashkëpunim ekonomik dhe teknologjik.

4. Diplomatika dhe Njohjet Ndërkombëtare

Një nga prioritetet e Kosovës është forcimi i pozitës së saj ndërkombëtare, dhe SHBA-ja ka luajtur rol kyç në këtë drejtim.

   •   Rast konkret – Marrëveshja e Washingtonit (2020): Kjo marrëveshje e ndërmjetësuar nga SHBA-ja rezultoi në normalizimin ekonomik mes Kosovës dhe Serbisë, duke hapur rrugën për më shumë njohje ndërkombëtare. Një dialog strategjik mund të institucionalizojë mbështetjen e SHBA-së për njohjet e reja dhe anëtarësimin në organizata ndërkombëtare si INTERPOL dhe UNESCO.

   •   Një shembull i ngjashëm – Izraeli dhe Emiratet e Bashkuara Arabe: SHBA-ja ka ndërmjetësuar marrëveshje të suksesshme në rajone të tjera, dhe kjo përvojë mund të aplikohet në avancimin e pozitës ndërkombëtare të Kosovës.

5. Bashkëpunimi në Iniciativat Rajonale

Dialogu strategjik mund të shërbejë për forcimin e pozitës së Kosovës në Ballkanin Perëndimor, ku Serbia dhe vendet e tjera shpesh sfidojnë sovranitetin e saj.

   •   Rast konkret – Procesi i Berlinit dhe Ballkani i Hapur: Me mbështetjen e SHBA-së, Kosova mund të përfitojë nga iniciativat ekonomike rajonale, duke rritur tregtinë dhe bashkëpunimin ndërkufitar, gjithmonë duke ruajtur integritetin e saj politik dhe ekonomik.

Pse Kjo Marrëveshje është Thelbësore?

   •   Stabiliteti në rajon: Një marrëveshje e tillë do të forconte rolin e SHBA-së si garantuese e paqes dhe stabilitetit në Ballkan.

   •   Siguria ndërkombëtare: Në një kohë kur Rusia dhe Kina po zgjerojnë ndikimin e tyre, një marrëveshje për dialog strategjik do të siguronte që Kosova të mbetet pjesë integrale e kampit perëndimor.

   •   Përfitimet për të dyja palët: SHBA-ja do të përfitonte nga një partner i fortë dhe i besueshëm në një rajon strategjik, ndërsa Kosova do të forconte sovranitetin dhe zhvillimin e saj.

Një marrëveshje për “dialog strategjik” do të institucionalizonte mbështetjen amerikane dhe do të siguronte një plan të qartë për zhvillimin e Kosovës në të gjitha fushat. Rastet konkrete të bashkëpunimit deri tani tregojnë se ky dialog mund të sjellë rezultate të prekshme dhe afatgjata. Për të finalizuar një marrëveshje të tillë, është e nevojshme që qeveria e Kosovës të tregojë iniciativë dhe të kërkojë përfshirje aktive nga administrata e SHBA-së.

Asociacioni serb i çfarëdo lloji e fut Kosovën nën Serbi.

Nga Agim Aliçkaj

Sulmi terrorist serb i 29 nëntorit në kanalin ujor të sistemit Ibër-Lepenc ishte drejtuar konkretisht kundër popullit të Kosovës. Kjo tregon qartë fytyrën kriminale të regjimit serb të Vuçiqit. Edhe skeptikët më të mëdhenj më në fund duhet ta kuptojnë se me Serbinë nuk mund të arrihet asgjë me dialog. Ata duhet të kuptojnë se nëse veriu futet në kontrollin e serbëve, Kosova do të shuhet si shtet.

Ata duhet të kuptojnë se pa veriun nuk ka Kosovë.

Cilido politikan i Kosovës që guxon ta krijojë asociacionin serb, do të zenë “vendin e nderit” në murin e turpit të historisë kombëtare. E njejta gjë i pret ata që bëjnë pazare me tokat shqiptare në çdo formë. Le ta kuptojnë të gjithë tradhtarët, frikacakët dhe shpirtat e shitur. Jo asociacion serb, jo shkëmbim territori, jo përshtatje kufijsh, dhe pikë.

Për hegjemonistët serbo-rus, kërkesa për asociacion serb është vetëm edhe një parakusht, një hap tjetër në drejtimin e duhur për të vazhduar me kërkesa të tjera më radikale. Qëllimi i tyre përfundimtar është shkatërrimi i Kosovës, marrja nën kontroll i të gjitha trojeve shqiptare dhe dalja në det. Kosova është pengesa kryesore dhe e fundit për realizimin e dëshirave të tyre të errëta.

Pretendimet e regjimit kriminal serb për kinse persekutim dhe shkelje të drejtave të minoritetit serb në Kosovë janë të pavërteta dhe absurde. Kosova është nën mbikëqyrje të rreptë ndërkombëtare nga të gjitha anët, nga KFOR-i, UNMIK-u, EULEX-i, opozita, shtypi dhe shumë organizata joqeveritare. Shtojini asaj edhe shërbimet e huaja miqësore dhe armiqësore të inteligjencës si CIA, MI6, BND, KGB, MSS, BIA dhe shumë të tjera. Edhe po të donte t’i shkelte, e ka të pamundur.

Po ashtu, deklaratat e disa politikanëve të opozitës se kinse Kosova po e sundon pakicën serbe me forcë si Milosheviqi, Rankoviqi etj. janë të pavërteta, të rrezikshme dhe idiotike. Akoma më keq, ata që thonë se Serbisë duhet t’i jepet diçka për të marrë njohjen, janë budallenjtë më të mëdhenj të këtij shekulli.

Kushtetuta e Kosovës i garanton pakicës serbe më shumë të drejta se kudo tjetër në botë. Ata kanë nevojë për mbrojtje nga bandat e Vuçiqit, jo ndonjë asociacion që i izolon nga shteti i tyre. Natyrisht, qeveria e Kosovës duhet të bëjë gjithçka që është e mundur për të fituar besimin e tyre pa cenuar interesat shtetërore. Garancitë ndërkombëtare për krijimin e një asociacioni serb kinse “të padëmshëm” për Kosovën janë të pamundura dhe mashtruese.

Nga ana tjetër, Serbia po shkel të drejtat njerëzore dhe kombëtare të shqiptarëve që jetojnë në trojet e tyre stërgjyshore në Serbi, Preshevë, Bujanoc, Medvegjë dhe Sanxhak. Pasivizimi i adresave dhe spastrimi etnik i shqiptarëve nga Serbia po vazhdon pa u penguar nga askush. Qeveria e Kosovës duhet ta ngrejë këtë çështje në çdo moment dhe të insistojë që ky problem të futet në dialog me Serbinë.

Urrejtja paranojake e klikave të ndryshme serbe, përfshirë Kishën Ortodokse Serbe dhe Akademinë e Shkencave për kombin shqiptar nuk ndalet kurrë. Në platformën e tyre të evidentuar me shkrim në pamfletin e shovinistit serb Vaso Çubriloviq, të provuar nga krimineli i luftës Millosheviq dhe të përshtatur nga ndjekësi i tij i verbër Aleksandar Vuçiq thuhet qartë: “Ekzistenca e kombit serb varet nga mosekzistenca e kombit shqiptar”.

Lirinë e fituam me gjak dhe me sakrifica të panumërta ndër shekuj. Pavarësinë tonë e fituam me luftë kundër okupatorit serb. Liria dhe pavarësia nuk mund të negociohen dhe të dorëzohen përmes dialogut në tryezë. Këtë nuk e lejon gjaku i komandantit Adem Jashari dhe familjes së tij, dëshmorëve të tjerë, heronjve të lirisë dhe mijëra civilëve të pafajshëm, viktima të gjenocidit serb. Veçanërisht nuk e lejon gjaku i 1432 fëmijëve të masakruar nga ushtria terroriste serbe.

Përpjekjet e dështuara të Evropës për ta tërhequr Serbinë nga Rusisa në kurriz të Kosovës janë të pashembullta. Emisarët evropianë shfrytëzuan liberalizimin e vizave për t’ia dhënë Çakorrin Malit të Zi, Këshillin e Evropës për t’i dhënë tokat turistike Manastirit të Deçanit dhe po përpiqen të përdorin dialogun për t’i dhënë Serbisë kontroll mbi veriun e Kosovës. Presioni i tyre fillestar u kthye në mashtrim, shantazh dhe sanksione të padrejta ndaj Kosovës.

Të gjitha këto të dhëna tregojnë se disa politikanë evropianë mund t’i kenë premtuar Serbisë veriun e Kosovës. Duket se ata duan që Kosova e pavarur të kontrollohet nga Serbia. Të njëjtën gjë kërkon edhe kryeministri i Shqipërisë Edi Rama.

Ata ia dolën të frikësojnë dhe nënshtrojnë qeveritë e mëparshme. Por qeveria e guximshme, e aftë dhe e pakorruptuar e Kosovës e dalë nga zgjedhjet e 14 shkurtit 2021, e kryesuar nga presidentja Vjosa Osmani, KM Albin Kurti dhe kryeparlamentari Glauk Konjufca e nxori veriun nga kthetrat serbe. Ata e shpëtuan Kosovën nga shkatërrimi i sigurt.

Akuzat ndaj qeverisë së Kosovës për ftohje të marrëdhënieve me miqtë ndërkombëtarë janë absurde dhe të pabaza. Miqtë u kthyen në tregtarë të trojeve shqiptare për interesat e tyre të përkohshme gjeopolitike. Ata ishin mësuar të jepnin urdhra dhe të kontrollonin klasën e korruptuar të Kosovës. Nuk është çudi që ata janë të befasuar dhe të zemëruar me vendosmërinë e KM Albin Kurti për të mbrojtur interesat e vendit të tij.

Fajtorët e vërtetë për ftohjen e marrëdhënieve dhe dështimin e dialogut me Serbinë janë vetë ndërkombëtarët. Ata e dënojnë Kosovën për zbatimin e demokracisë, ligjit dhe rendit. Ndërkaq Serbinë e marrin me të mirë dhe nuk ndërmarrin asnjë veprim kundër saj për sulmet terroriste dhe agresionin ndaj Kosovës.

Fajtorë edhe më të mëdhenj janë opozita e Kosovës, KM i Shqipërisë Edi Rama dhe mediat e shitura që po nxisin agresivitetin serb. Përpjekjet e tyre për të fajësuar qeverinë e Kosovës janë të kota. Populli i Kosovës e di shumë mirë këtë çështje, nuk mund të mashtrohet.

Prandaj Vjosë, Albin dhe Glauk. Të nderuar! Merreni nga unë dhe mijëra votues të pavarur, të cilët nuk kanë asnjë interes personal në jetën politike të Kosovës, përveç interesit kombëtar. Mos u përçani! Jeni të sulmuar nga të gjitha anët vetëm se po punoni mirë për shtetin dhe kombin. Serbia ka derdhur miliona në Kosovë dhe po përdor çdo mjet për t’ju përçarë dhe përmbysur. Ju lutemi mos u përçani!

Kosova ka arritur shumë nën udhëheqjen tuaj. Mos i lëndoni këto arritje sepse të gjitha përpjekjet tuaja të mëparshme do të shkojnë kot. Mundohuni t’i kapërceni mosmarrëveshjet privatisht me mençuri dhe respekt. Mos e sulmoni njëri-tjetrin sepse bëheni me karakter të ulët si të tjerët. Ju jeni të veçantë dhe si të tillë do të keni mundësinë të lini gjurmë në historinë kombëtare shqiptare.

Kosova dhe mbarë kombi kanë nevojë për ju, për punën tuaj të përbashkët dhe për unitetin tuaj. Jeni shumë të aftë për postet që mbani. Ju ende konsideroheni treshja e ndryshimit dhe shpresës së Kosovës.

Gjëja më e rëndësishme është që ju e keni mbështetjen e shumicës së popullit të Kosovës. Politikanët dhe diplomatët ndërkombëtarë vijnë e shkojnë. Të gjithë ata janë të përkohshëm. Vetëm populli është i përhershëm. Jeta juaj politike varet nga populli i Kosovës, jo nga ndërkombëtarët. Qëndroni së bashku për të fituar të paktën edhe një mandat me më shumë se 50% vota. Vetëm kështu miqtë dhe armiqtë do t’ju respektojnë ju dhe vendin që përfaqësoni.

Ju gëzoni respekt dhe mbështetje të veçantë nga veprimtarët e shquar për të drejtat e njeriut dhe kombëtare shqiptare, legjendat e gjalla të lobimit në Washington Joe DioGuardi dhe Shirley Cloyes DioGuardi, shumica e Bordit të Ligës Qytetare Shqiptaro Amerikane, si dhe shumica dërrmuese e mërgimtarëve në SHBA.

Mos lejoni që politikanët të cilët janë të gatshëm të shesin shtetin dhe kombin për interesa personale e partiake, për vjedhje e korrupsion, të marrin në dorë qeverisjen e Kosovës.

Partitë opozitare të Kosovës duhet ta kuptojnë njëherë e mirë se për të fituar besimin e popullit duhet të bëhen më të mira se pozita. Kërkesat e tyre ndaj komunitetit ndërkombëtar në interes të shtetit duhet të jenë më të mëdha, jo më të vogla se ato të qeverisë. Pritshmëria minimale për ta është uniteti kundër Serbisë. Mbështetja e popullit nuk mund të arrihet me ofendime, shpifje dhe kritika të pavend, por duke ofruar zgjidhje konkrete.

Mediat në hapësirën shqiptare dhe analistë të ndryshëm janë bërë aq të neveritshëm me komentet e tyre saqë është e pamundur të ndiqen. Ata po gënjejnë aq shumë kundër qeverisë, sa nuk mund t’u besohet as kur thonë të vërtetën.

Ndonëse e sulmuar nga të gjitha anët, qeveria e Kosovës ka bërë një punë të madhe, veçanërisht në planin ndërkombëtar. Presionin ndërkombëtar e ka përballuar me dinjitet dhe në mënyrën më të mirë të mundshme, duke bërë lëshime për gjëra të vogla, por jo për ato që cënojnë sovranitetin dhe integritetin e shtetit.

Marrëveshja e BE-së Macron-Scholz, e refuzuar nga Serbia, duhet të jetë kompromisi i fundit që Kosova mund të bëjë ndaj bashkësisë ndërkombëtare. Dialogu ka dështuar për shkak të Serbisë. Problemi është në Serbi dhe mund të zgjidhet vetëm atje. Nuk do të ketë paqe dhe siguri në Evropë derisa Serbia të dekriminalizohet.

Kosova nuk ka rrugë tjetër veçse të rezistojë dhe të përgatitet për mbrojtje derisa bashkësia ndërkombëtare të lodhet nga destruktiviteti dhe agresiviteti serb. Prandaj shteti i Kosovës duhet të jetë gati me të gjitha mjetet diplomatike, ekonomike dhe ushtarake sepse autokratët serbë kuptojnë vetëm presionin e vërtetë dhe gjuhën e forcës. Të gjithë ne duhet të kontribuojmë në Fondin e Sigurisë.

Kjo është vetëm pikënisja. Meqenëse Serbia mbështetet drejtpërdrejt nga Rusia, Kosova ka nevojë për një fuqi më të madhe për t’u përballur me të. Kjo mund të bëhet vetëm me ndihmën e Amerikës dhe askujt tjetër. Bashkëpunimi dhe koordinimi me Amerikën është i nevojshëm për të mbijetuar. E drejta është në anën tonë. Serbia është me Rusinë dhe nuk do të jetë kurrë me Amerikën. Kosova është Amerikë, dhe pike.

Është e nevojshme të gjendet një mënyrë për të bindur administratën e presidentit të ardhshëm Donald Trump që t’i ngrit marrëdhëniet ekonomike dhe diplomatike në një nivel më të lartë dhe të arrihet një marrëveshje për mbrojtjen e shtetit të Kosovës deri në sigurimin e anëtarësimit në NATO.

Ekziston mundësia që në dialogun me Serbinë të ketë rol edhe emisari i propozuar nga presidenti Trump për misione speciale në Korenë e Veriut dhe Venezuelë, Richard Grenell. Askush nuk e di me siguri, por shpresoj që jo. Arsyeja kryesore është njëanshmëria e tij e hapur ndaj Kosovës dhe afërsia ekstreme me kriminelin Vuçiq, i cili edhe e ka dekoruar.

Megjithatë, nëse Grenell angazhohet në Kosovë dhe nuk ndryshon qasjen e tij, ai mund dhe duhet të kundërshtohet, së pari nga mbështetësit shqiptaro-amerikanë të Presidentit Trump, së dyti duke lobuar në Kongresin Amerikan përmes përfaqësuesve të të dyja partive dhe më pas me diplomaci të bazuar në fakte nga qeveria e zgjedhur e Kosovës, por vetëm në mënyrë private. Këtë mund ta bëjë vetëm një kryeministër i aftë dhe i vendosur me mbështetje të madhe popullore dhe ky është KM Albin Kurti.

Shovinistët serbë presin që administrata Trump t’i mbështesë për të bërë gjëra të këqija, për të shkatërruar Kosovën dhe për të destabilizuar Evropën. Populli i Kosovës dhe i gjithë kombi shqiptar pret mbështetjen nga Amerika për të bërë gjëra të mira, për paqen dhe sigurinë, marrëdhëniet e mira me fqinjët dhe forcimin e Evropës. Zgjedhja duhet të jetë e lehtë. Lëshimet e mëtutjeshme ndaj Serbisë dhe komunitetit ndërkombëtarë nuk jan një opsion.

Në fund të fundit gjithçka varet nga ne, nga puna, përkushtimi, uniteti dhe qëndresa jonë. Nuk ka fuqi në botë që mund ta detyrojë Kosovën të bëjë lëshime në dëm të shtetësisë së saj, nëse kjo nuk pranohet nga populli trim dhe liridashës i Kosovës.

Pa Veriun nuk ka Kosovë dhe pa Kosovën nuk ka komb shqiptar!

KOSOVA WITHOUT THE NORTH IS NOT A STATE

Serbian association of any kind puts Kosova under Serbia

By Agim Aliçkaj 

The Serbian terrorist attack of November 29 in the water canal of the Ibër-Lepenc system was directed specifically against the people of Kosova. This clearly shows the criminal face of Vucic’s Serbian regime. Even the biggest skeptics must finally understand that nothing can be achieved with Serbia through dialogue. They must understand that if the north is put under the Serbian control, Kosova will disappear as a state.

         They must understand that without the North there is no Kosova.

         Any Kosova politician who dares to create the Serbian association, will get “the place of honor” on the wall of shame of national history. The same thing awaits those who bargain with Albanian lands in any form. Let all traitors, cowards and sold souls understand it. No Serbian association, no exchange of territory, no adjustment of borders, period.

         For the Serbian-Russian hegemonists, the demand for Serbian association is just another precondition, another step in the right direction to continue with other, more radical demands. Their ultimate goal is the destruction of Kosova, taking control of all Albanian lands and access to the sea. Kosova is the main and last obstacle to the realization of their dark desires.

         The claims of the Serbian criminal regime about persecution and violation of the rights of the Serbian minority in Kosova are untrue and absurd. Kosova is under strict international surveillance from all sides, from KFOR, UNMIK, EULEX, the opposition, the press and many non-governmental organizations. Add to it friendly and hostile foreign intelligence services like CIA, MI6, BND, KGB, MSS, BIA and many others. Even if Kosova wanted to violate their rights, it would be impossible. 

         Likewise, the statements of some politicians from the opposition that Kosova is ruling the Serbian minority by force like Milosevic, Rankovic, etc. are untrue, dangerous and idiotic. Even worse, those who say that Serbia should be given something to get recognition are the biggest fools of this century.

         The Constitution of Kosova guarantees the Serbian minority more rights than anywhere else in the world. They need protection from Vucic’s gangs, not some association that isolates them from their country. Of course, the government of Kosova must do everything possible to gain their trust without compromising state interests. International guarantees for the creation of a possibly “harmless” Serbian association for Kosova are impossible and misleading.

         On the other hand, Serbia is violating the human and national rights of Albanians who live in their ancestral lands in Serbia, Presheva, Bujanoc, Medvegja and Sanxhak. The passivization of addresses and the ethnic cleansing of Albanians in Serbia is continuing without being hindered by anyone. The Government of Kosova should raise this issue at every moment and insist that this problem is entered in dialogue with Serbia.

         The paranoid hatred of various Serbian cliques, including the Serbian Orthodox Church and the Academy of Sciences for the Albanian nation never stops. In their written platform evidenced in the pamphlet of the Serbian chauvinist Vaso Čubrilović, tried by the war criminal Milosevic and adapted by his blind follower Aleksandar Vučić, it is clearly stated: “The existence of the Serbian nation depends on the non-existence of the Albanian nation”.

         We won our freedom with blood and countless sacrifices over the centuries. We won our independence with a war against the Serbian occupier. Freedom and independence cannot be negotiated and surrendered through dialogue at the table. This does not permit the blood of commander Adem Jashari and his family, other martyrs, heroes of freedom and thousands of innocent civilians, victims of the Serbian genocide. It especially does not allow the blood of 1432 children massacred by the Serbian terrorist army.

         Europe’s failed efforts to pull Serbia from Russia at the expense of Kosova are unparalleled. The European emissaries used the liberalization of visas to give Çakorr to Montenegro, the Council of Europe to give touristic lands to the monastery of Deçan and are trying to use the dialogue to give Serbia control over the northern Kosova. Their initial pressure turned into deceit, blackmail and unfair sanctions against Kosova.

         All these data indicate that some European politicians may have promised Serbia the northern part of Kosova. It appears that they want independent Kosova to become controlled by Serbia. The Prime Minister of Albania Edi Rama wants the same thing.

         They succeeded in intimidating and subduing the previous governments. But the courageous, capable and uncorrupted government of Kosova that emerged from the elections of February 14, 2021, headed by President Vjosa Osmani, PM Albin Kurti and Speaker Glauk Konjufca took the North out of the Serbian clutches. They saved Kosova from certain destruction.

         Accusations against the government of Kosova for worsening relations with international friends are absurd and baseless. Friends turned into traders of Albanian lands for their temporary geopolitical interests. They were used to giving orders and controlling the corrupt class of Kosova. No wonder they are surprised and angry with the determination of PM Albin Kurti to protect interests of his country.

         The real culprits for the worsening of relations and the failure of the dialogue with Serbia are the internationals themselves. They punish Kosova for implementing democracy, law and order. Meanwhile, they appease Serbian autocrats and do not take any action against them for the terrorist attacks and aggression against Kosova.

         Even bigger culprits are the opposition of Kosova, PM of Albania Edi Rama and the sold media who are encouraging Serbian aggression. Their efforts to blame the government of Kosova are useless. The people of Kosova know this matter very well, they cannot be deceived.

         Hence Vjosë, Albin and Glauk. Honorable! Take it from me and thousands of independent voters, who have no personal interest in the political life of Kosova, except for the national interest. Don’t be divided! You are attacked from all sides just because you are working well for the state and the nation. Serbia has poured millions into Kosova and is using every means to divide and overthrow you. Please don’t be divided! 

         Kosova has achieved a lot under your leadership. Do not hurt these achievements because all your previous efforts will go in vain. Try to overcome disagreements privately with wisdom and respect. Don’t attack each other because you become low character like others. You are special and as such you will have the opportunity to leave your mark on Albanian national history. 

         Kosova and the entire nation need you, your joint work and unity. You are very capable for the positions you hold. You are still considered the trio of change and hope for Kosova.

         The most important thing is that you have the support of the majority of the people of Kosova. International politicians and diplomats come and go. All of them are temporary. Only the people are permanent. Your political life depends on the people of Kosova, not on internationals. Stay together to win at least one more term with more than 50% of the vote. Only then will friends and enemies respect you and the country you represent.

         You have special respect and support from prominent Albanian national and human rights activists, the living legends of lobbying in Washington Joe DioGuardi and Shirley Cloyes DioGuardi, the majority of the Board of the Albanian American Civic League, as well as the vast majority of expatriates in USA.

         Do not allow politicians who are ready to sell the state and the nation for personal and party interests, for stealing and corruption, to take over the governing of Kosova.

         The opposition parties of Kosova must understand once and for all that in order to gain the trust of the people, they must become better than the position. Their demands towards the international community in the interest of the state should be bigger, not smaller than the ones by the government. The minimum expectation for them is to unite against Serbia. People’s support cannot be gained by insults, slander and inappropriate criticism, but by offering concrete solutions. 

         The media in the Albanian space and various analysts have become so disgusting with their comments that it is impossible to follow. They are lying so much against the government that they can’t be trusted even when they tell the truth.

         Although attacked from all sides, the government of Kosova has done a great job, especially on the international level. It has faced the international pressure with dignity and in the best possible way, by compromising on small things but not those that endanger the sovereignty and integrity of the state.

         The EU Macron-Scholz agreement, rejected by Serbia, should be the last compromise that Kosovo may make towards the international community. The dialogue has failed because of Serbia. The problem is in Serbia and can only be solved there. There will be no peace and security in Europe until Serbia is decriminalized.

         Kosova has no other way but to resist and prepare for defense until the international community gets tired of Serbian destructiveness and aggressiveness. Therefore, the state of Kosova must be ready with all diplomatic, economic and military means because Serbian autocrats only understand real pressure and the language of force. All of us must contribute to the Security Fund. 

         This is just the starting point. Since Serbia is directly supported by Russia , Kosova needs a greater power to confront it. This can only be done with the help of America and no one else. Cooperation and coordination with America is necessary to survive. The right is on our side. Serbia is with Russia and will never be with America. Kosova is America, period.

         It is necessary to find a way to convince the administration of the incoming president Donald J. Trump to raise economic and diplomatic relations to a higher level and to reach an agreement on the defense of the state of Kosova until NATO membership is secured. 

         There is a possibility that the emissary proposed by President Trump for special missions namely in North Korea and Venezuela, Richard Grenell, will also have a role in the dialogue with Serbia. No one knows for sure, but I hope not. The main reason is his open bias towards Kosova and his extreme closeness to the criminal Vucic, who even decorated him.

         However, if Grenell gets involved in Kosova and does not change his approach, he can and should be opposed, first by Albanian-American supporters of President Trump, second by lobbying in the American Congress through representatives of both parties, and then by diplomacy based on facts of the elected government of Kosova. Only a capable and determined prime minister with great popular support can do this, and this is PM Albin Kurti. 

         Serbian chauvinists expect the Trump administration to support them in doing bad things, destroying Kosova and destabilizing Europe. The people of Kosova and the entire Albanian nation are expecting the support from America to do good things, for peace and security, good relations with neighbors and the strengthening of Europe. The choice should be easy. Further concessions to Serbia and the international community are not an option.

          In the end, everything depends on us, on our work, dedication, unity and perseverance. There is no power in the world that can force Kosova to make concessions to the detriment of its statehood, if this is not accepted by the brave and freedom-loving people of Kosova.

         Without the North there is no Kosova and without Kosova there is no Albanian nation!