Ajet Delaj/

Në fillim duhet thënë se fitorja e Donald Trump nuk është thjeshtë zgjedhja e presidentit të Shteteve të Bashkuara për katër vitet e ardhshme por është shumë më tepër. Nisur nga ky konstatim mund të shtoj se për realitetin shqiptar fatkeqësisht ata që quhen analistë apo politikëbërës në Shqipëri ose nuk arrijnë ta kuptojnë këtë ose nuk dëshirojnë ta pohojnë pasi nuk duan të tregojnë pizicionin apo rrugëtimin e tyre.

Pra nuk ishte thjeshtë një përplasje ndërmjet kraheve politike këtu në Shtetet e Bashkuara por e dy filozofive që ka mbërthyer kryesisht perëndimin pra qendrën e botës që konsiston në vazhdimësinë apo më mirë të themi në mbijetesën e vlerave demokratike e konservatore të shoqërisë Amerikane ku leftistet ekstremistë me axhendën e tyre synuan përmbysjen e vlerave të shoqërisë Amerikane që bota është njohur më së pakti përgjatë gjithë historisë së shtetit e shoqërisë Amerikane që nga shpallja e pavarësisë.

Kushtetuta Amerikane garanton mundësi të barabarta për qytetarët Amerikan duke përfshirë liritë ekonomike, lirinë fjalës e besimit ku si motorr i shoqërisë Amerikane në të tëra fushat mbetet konkurrenca ku të tëra së bashku e kanë ngritur Amerikën në krye të botës.

Fatkeqësisht leftistet ekstremistë kanë synuar për ti atakuar të tëra këto vlera duke përfshirë goditjen e themelit të shoqërisë Amerikane dhe jo vetëm të Amerikës, familjen. E them këtë pasi network neoliberal është shtrirë në të gjitha vendet ku Amerika ka pasur influencë duke synuar e akoma më keq duke imponuar filozofinë e tyre shkatërrimtare të familjes, shoqërisë e ekonomisë që dukshem nuk përfaqësojnë vlerat e shoqërisë Amerikane të materializuar në kushtetutën e këtij vendi të madh.

Jo vetëm kaq por në kundërshtim me të tëra ligjet e këtij shteti shqyen kufijtë e Shteteve të Bashkuara duke synuar hapur për të ndryshuar me dhunë strukturën demografike të shoqërisë Amerikane duke krijuar edhe premisa për trazira sociale. Lavdi Zotit e shpirtit të lirë të popullit Amerikan që i tha ndal theqafjes së sigurtë të Shteteve të Bashkuara e padyshim do të ndalojnë edhe trazira të mëdha globale.

Populli Amerikan mandatoi përfaqësuesin e filozofisë së tij të lirisë e vlerave konservatore që padyshim i materializon më së miri Presidenti tashmë i zgjedhur, Donald Trump duke i thënë stop shkatërrimit të vlerave të familjes e regresit ekonomik e social jo vetëm të Amerikës por të krejt Perëndimit .

Duke qenë se Amerika ka qenë lidershipi jo vetëm i perendimit por i krejt botës padyshim që epoka “Trump” do e kthejë Amerikën në piedestalin aty ku realisht e meriton Kombi Amerikan me filozofinë e tij të lirisë e vlerave njerëzore. Për këtë jo vetëm jam optimist por edhe i bindur ashtu si populli Amerikan që u shpreh me votë por dëshiroj t’u bie në fokusin tuaj faktin që më zgjedhjen e Presidentit Trump stack market u rrit me 20% vetëm një ditë më pas.

Europa dhe bota me siguri do i gjejnë ekuilibrat e rinj me një Amerikë të kthyer në lidership të fuqishëm por për mua gjëja më e keqe në tërë këtë histori të shkëlqyer për Amerikën mbete fakti që shqiptarët pothuaj nuk kanë kuptuar asgjë se përse u rikthye Donald Trump .

Për të qenë më i saktë kur them shqiptarët e kam fjalën për mediat e politikën në krejt hapësirën shqiptare në Ballkanin Perëndimor. Dëshiroj të bie në fokusin tuaj ankronimin MAGA që është slogani jo vetëm i fushatës së Presidentit Trump por i jetës së tij.

Presidenti Trump synon të realizojë qëllimin e jetës së tij nëpërmjet instrumentit të lirisë mbështetur në votën e vlerat konservatore të popullit Amerikan gjë që realisht ja arriti me një vullnet të palëkundur që di ta shfaqë vetëm ai.

Cilat nga këto vizione lirie e vlera konservatore që i përfaqëson klasa politike shqiptare duke përfshirë shenjtërinë e votës, respektimin e pronës e lirive ekonomike e deri respektimin e zbatimin e Kushtetutës së Shqipërisë.

Fatkeqësisht asnjë grupim pas vitit 1994.

Pra reshtimi i grupimeve apo politikanëve shqiptarë gjoja në krah të Presidentit Trump është thjeshtë demogogji për mbijetesë në kushtet e reja të triumfit të vlerave të lirisë e konservatorizmit që shpreh bindjen se do jetë një periudhë e gjatë.

Kush realisht dëshiron të rreshtohet përkrah Presidentit Trump duhet më së pari të pranojë e zbatojë vlerat dhe parimet me të cilat Presidenti Trump u rikthye ku padyshim është dashuria e tij për Atdheun e angazhimi për ti shërbyer Amerikës deri edhe me gjakun e tij .

Cili politikan shqiptar i mbart këto vlera sublime në shërbim të Shqipërisë e shqiptareve? Përgjigjën e kësaj pyetje dëshiroj t’ia lë ta japë vetes gjithsecili që do i lexojë këta rreshta.

Dihet nga gjithë bota se Presidenti Trump është i vërtetë dhe i drejtpërdrejtë e për këtë e duan Amerikanët por duhet thënë se leftistet ekstremistë që realisht janë e njëjta gjë me trashëgiminë komuniste sunduese post komuniste do ta kenë të pamundur të mbijetojnë epoken “Trump” në Shqipëri e padyshin në krejt Europë e më gjërë . Kthimi në rrugën e Zotit nuk është vonë kurrë e padyshim nuk do i mohohet askujt.

𝐃𝐫. 𝐁𝐥𝐞𝐝𝐚𝐫 𝐊𝐮𝐫𝐭𝐢/

Këtu, përpara Kongresit Amerikan, në Capitol Hill, Washington DC, më 20 janar 2025 me rastin e betimit të Presidentit të 47-të të SHBA, priten rreth 600-800 mijë persona.

Në betimin e marrjes së detyrës, Presidenti i SHBA, betohet se ai do e kryejë detyrën e Presidentit me të gjithë forcën dhe aftësinë e tij dhe se do mbrojë Kushtetutën e vendit.

E veçanta e këtij betimi është se për “mbroj” janë përcaktuar tre fjalë: “preserve, protect and defend” (ruaj, t’i qëndroj besnik, të mbroj) të cilat në thelb kanë kuptimin “mbroj” por në fakt etërit amerikanë kanë përcaktuar qëllimisht tre fjalë të cilat parashikojnë tre skenarë të ndryshëm në lidhje me Kushtetutën ndaj të cilave Presidenti duhet të qëndrojë vigjilent dhe i vendosur në mbrojtje të saj.

𝟏. “𝐓𝐞̈ 𝐫𝐮𝐚𝐣”

“Të ruaj” Kushtetutën siç na është votuar dhe mbështetur nga populli, zotohet Presidenti. Pushtetarët ikin e vijnë por ajo mbetet themeli i një shteti. Ajo është vetë shteti. “Të ruaj” Kushtetutën, zotohet ai, pa lejuar asnjë eksperiment por duke respektuar trashëgiminë e kombit dhe vullnetin e një populli.

Për më shumë se dy shekuj asnjë gërmë e tekstit bazë të Kushtetutës nuk është prekur, por janë shtuar vetëm 27 amandamente, 10 prej të cilave u shtuan në vitin 1791 – të njohura si Bill of Rights – e më pas u shtuan edhe 17 të tjera, e fundit në vitin 1992.

Kjo tregon rëndësinë dhe shenjtërinë e Kushtetutës: e ruajtur, e respektuar, e pandryshuar, e pa dhunuar. Ndaj edhe ShBA është lider i kombeve sepse sekretin e ka te Kushtetuta.

𝟐. “𝐓’𝐢 𝐪𝐞̈𝐧𝐝𝐫𝐨𝐣 𝐛𝐞𝐬𝐧𝐢𝐤”

Kështu ai betohet se jo vetëm do ruajë Kushtetutën që kanë lënë trashëgimi etërit e kombit dhe vullneti i një populli por zotohet t’i qëndrojë besnik duke dhënē shembullin t’i bindet çdo gërme dhe frymës së Kushtetutës. Kështu ai do jetë shembull dhe shtysë si për qeveritarët ashtu edhe për çdo qytetar të thjeshtë.

Etërit amerikanē, përmes kësaj fjale përçuan mesazhin që Presidenti ka si detyrë të jetë garantues i Kushtetutës. Madje i pari në mbrojtje të saj!

𝟑. “𝐓𝐚 𝐦𝐛𝐫𝐨𝐣”

“Ta mbroj” nga çdo përpjekje e brendshme apo e jashtme për ta cenuar atë. Fjala që kanë zgjedhur etërit amerikanë është “defend” që do të thotë t’i dalësh përballë me trupin, forcën, të gjithë qenien tënde çdo përpjekjeje për dhunim, shkelje, abuzim, sulm dhe kërcënim nga aktorë të brendshëm dhe të jashtëm.

Etërit amerikanë i kërkuan Presidentit të përdorë të gjithē fuqinë e tij dhe çdo mjet që disponon individualisht por edhe institucionalisht në mbrojtje të Kushtetutës.

Më 20 janar Donald Trump betohet si Presidenti i 47-të i SHBA, por edhe Republikanët kanë shumë për të festuar pasi ata kontrollojnë Presidencën, Senatin, Dhomën e Përfaqësuesve, e mbi të gjitha siguruan bindshëm shumicën e votës kombëtare. Kjo tregon se Amerika do nisë rrugëtimin e saj drejt një kapitulli të ri si brenda ashtu edhe jashtë vendit.

Gjeneral ® Piro Ahmetaj/

Establishmenti politik, kancelaritë, mediatiat dhe opinioni publik, në Washington, kryeqytetet e NATO/BE, dhe botën, mbeten ende të “të ekzaltuaara” nga një kakofoni histerike e urimeve të kortezisë, apo edhe të sforcuara, për ri-kthimin trumfalist të Sh.T  Donald John TRUMP si president i 47 i ShBA-ve.

Jo vetëm në 2017 (i ftuar dhe pjesëmarrës pa zero pagesë në ceremoninë e marrjes së detyrës nga Trump-1 në Washington DC) por edhe në këtë rast/2024, jam ekspozuar publikisht si mbështetës i Trump-2. Thënë këto, sigurisht j’u mbashkohem urimeve për Presidencën e tij të dytë, në misionin e “çlirimit/shërimit nga Deep State dhe demokracia burokratike” jo vetëm në ShBA. 

Pa përsëritur anësinë dhe besimin, që kam artikuluar në disa shkrime/statuse të posaçme, në vijim po paraqes një opinion përmbledhës mbi “10 betejat e fituara” nga z. Trump, por edhe “5 mesazhe shpresëdhënese” për ardhmërinë euro-atlantike të kombit tonë (R.Sh dhe Kosovës):

(1). I luftuar pothuaj nga të gjitha anët, faktorët, aktorët, tashmë edhe kundërshtarët e pranojnë se z. Trump bëri histori me këtë rikthim edhe më të fuqishëm në Shtëpine e Bardhë, duke i fituar të gjitha, pra: “312 votat elektorale për President, shumicën vendimarrëse në Senat, Kongres si dhe votën popullore”! 

(2). Ri-fitoi me shumë meritë mandatin e dytë, por dhe besimin e qytetarëve Amerikanë për t’i finalizuar reformat e nisura nga Trump-1, duke forcuar fuqinë e Shtepisë së Bardhë (Presidentit); për t’u përballur me pasojat e krizës ekonomike, korrupsionin, emigracionin e paligjshëm, abortin; me rikthimin e besimit te demokracia funksionale, te modeli “Amerika e para” si dhe ndryshime radikale në Politikën e Jashtme; në marrëdhëniet me NATO-n, BE, Ukrainën, Lindjen e Mesme, Ballkanin, Rusinë, Kinën, Iranin, etj.  

Tashmë edhe kundërshtarët e pranojnë se, rikthimi edhe më i fuqishëm i Trump-it u mundësua nga Projekti Tij i bazuar në: “një pakete politikash konservatore për të çliruar ShBA-të, nga “Deep State”, pra nga interesat e aktorëve të nënëdheshëm (të pa votuar), burokracia me kollaro demokratike, korrupsioni, filantropistët, etj”. Me fjalë të tjera, e gjunjëzoi statuskuonë e së majtës Obama/Biden dhe fitoi me meritë projekti Trump-2, për ta ç’burokratizuar, reformuar dhe forcuar pushtetin e Presidentit, si garant për ta: “ri-bërë Amerikën edhe më të madhe, ose një superfuqi të pakonkurrueshme edhe për shekujt që vijnë”!  

(3).  Në 4 vitet që lamë, u përball si burrë i madh shteti duke fituar me dhjetra proçese gjyqësore, fatëkeqësisht të inspiruara jo vetëm nga kundërshtarët politik/majtët brenda shtëpisë bardhë, nga fuqia imponuese e oligarkisë që kane pushtuar/kapur institucionet shtetërore, por edhe nga lufta brenda llojt, pra nga të ashtuquajturit kockat e Partisë Republikane. 

(4). Ndoshta “Zoti vetë e shpëtoi nga dy atentatet për ta vrarë me armë zjarri”, sipas shërbimeve të Intelegjences): “të inspiruara jo vetëm nga shtetet/organizatat teroriste, por edhe nga tentakulat dhe fryma armiqësore e Deep State”. Por siç z. Trump kishte premtuar “të gjithë të interesuarit për ta patur në burg ose të vdekur”, përfshi terroristët e fshehur mbas atentateve e morën pergjigjen me vota në 5 Nëntor 2024.  

(5). U përball si askush dhe i poshtëroi me shumë se asnjë tjetër më parë, pronarët si dhe çirakët/sekserët e industrise mediatike, pra fake-news, deep-fake, dezinformimin dhe exit pollet, …. “F*ck you, adresuar ekspertëve të sondazheve” ishte mesazhi i merituar pas zgjedhjeve …!

(6). Përtej fjalëve, me vepra/prova nga nga Presidenca e parë (dëshmimtarë +qindra mijë familje Shqiptare), të gjithë u gjunjëzuan (ose pranuan kokëulur) se biznesmeni sukseshëm, z. Trump paraqiti projektin me bindës për ekonominë dhe përmirësimin e ndjeshëm të mirëqënies së qytatarëve amerikanë. Konkretisht: “kalimi nga taksat mbi të ardhurat në vetëm një taksë konsumi”; thjeshtimin e taksave mbi të ardhurat individuale nga: “15% mbi të ardhurat në pagën bazë dhe 30% të ardhurat mbi të; uljen e normë se taksës së korporatave nga 21% në 18%, ndërsa gjatë Trum-1, e uli nga 35% në 21%” !

(7). Fitoi dhe e diskretitoi, makinerinë e dezinformimeve, se: “Trump do e shkrinte NATO-n si dhe do linte në mëshirën e Ariut të uritur Rus vendet që nuk përmbushin detyrimet 2%”. Ndërsa z. Trump me vendosmërinë e tij të pakrahasueshme, ka rikonfirmuar projektin Trump-2: “për SHBA të pakonkurrueshme, por edhe nevojën për NATO dhe BE më e fortë, pra për një botë edhe më e sigurt”. Ndërkohë sjell në vëmendjen publike që falë edhe këij “kërcënimit të shumëpërfolur”: “nga më pak se 5 (para 2017), sot (2024), 25 nga 32 vendet anëtare (perfshi RSh) kanë rritur shpenzimet ushtarake në 2% të GDP, ndërsa BE arriti në 500 milard € për mbrojtjen”. Sigurisht të vërtetat/veprat (do) flasin më fortë se gënjeshtrat.

Një qasje edhe më agresive se në mandatin e tij të parë, do të aplikohet nga Trump-2 në marrëdhënie me Kinën, që e konsideron një kërcënim serioz për ekoniminë dhe interesat e USA. Prandaj ka paralajmëruar Pekinin se do vendos tarifa të larta ndaj importeve kineze por ka lënë hapur mundësinë e një marrëveshjeje të re tregëtare me Xi Jinping, duke tejkaluar 4 vitet e stanacionit te ngathët/mplakur të Presidencës Biden. 

(8). Përtej prapagandës internacionaliste, programi Trump-2 bazohet në një politikë edhe më të rreptë (përveç murit-diçital) për emigrantët e paligjshëm, që shërbejnë edhe si bazë e krimit të organizuar, drogës, trafiqeve njerëzore, etj. Sipas një sondazhit te fundit, kjo qasje fortë (disa e quajnë të ashpër), ishte një ndër arsyet e fitores historike, pasi 65% e amerikanëve në shtetet kufitare votuan Trump-2. Nga ana tjetër, gjykoj se me këtë përqasje “të ashpër” ndaj vetëm emigranteve të paligjshem, kontribuon në luftën kundër krimit të organizuar edhe në vendet respektive nga vijnë emigrantet, pasi kjo industri kërcënon jo vetëm punësimin dhe sigurinë e amerikanëve por edhe të tyre të origjinës. 

(9). Sigurisht, ka korrur këtë fitore spektakolare, edhe për shkak se që në krye të heres, ka mbjellë projektin konservator (Reganian) mbi familjen që mbështetet në parimet e djathta duke adresuar pabarazitë racore dhe programe që mbështesin komunitetet e margjinalizuara. Trump-2 ka premtuar se do të krijojë: “Departamentin e Jetës“, duke promovuar “Medicare Advantage” për pensionistët, por edhe një përpjekje për të rritur konkurrencën në tregun e kujdesit shëndetësor.  Trump-2 parashikon të anullojë urdhrat ekzekutivë të Presidentit Biden për programet e mbrojtjes nga ndryshimet klimaterike, përfshirë ligjet e Agjencisë së Mjedisit, etj, të cilat ai i konsideron: “si nxitësit e industrisë së korrupsionit klimatik ….”! 

(10). Fitoi betejën kundër propagandës majtiste/cinike, që e cilësonin Trump-2 si “Projekt e izacionalist”, nga jo vetëm kundërshtarët politik brenda USA. Si I privilegjuar/dëshmitar në ceremoninë e 20 Janarit 2017, Trump ka ri-shpalosur dhe konfirmuar edhe më qartë gjatë kësaj fushatë, se, po citoj: “ndërsa garantoj se po/do bëj gjithshka për një Amerikë edhe më të madhe/fuqishme”, gjithashtu u bëj thirrje, udhëheqësve të BE, Gjermanisê, UK, Francë etj që: “ti bëjnë edhe më të forta vendet e tyre respektive, kështu të gjithë bashkë e bëjmë botën më të sigurtë”. Me fjalë të tjera është shumë e përafërt, me qasjen e themeluesut të Turqisë, Ataturk: “Peace at home Peace in the world”, ose e Shqipëruar: “pa patur paqe në shtëpi nuk mund të ndërtosh paqe në botë”! 

Për më tepër, ka fituar përqasja e Tij e “ekspozimit te forcës në dialog” për ta gjunjëzuar ekonomikisht, ushtarakisht (po qe e nevojshme) dhe gjeopolitikisht Rusinë – Putinist ne Ukrainë si dhe ka paralajmeruar Iranin se “do të përballet me fuqine dërrmuese të ShBA nëse përdor armët bërthamore kundër aleatit strategjik, shtetit Demokratik të Izraelit, apo kundër statuskuosë dhe interesave gjeopolitike të USA në Lindjen e Mesme”. Kjo “gjuhë e forcës”, u konfirmua edhe ne takimin me presidentin Zelensky në Washington: “nëse do ishte z. Trump President, Putini që e njeh mirë vendosmërinë, prandaj as nuk do kishte ndërmarrë këtë marrëzi në shkurt 2022”, ndërsa garantoi se: “do ta mbyllë shume shpejt luftën”. Gjithësesi mbetet të elaborohet si/kur (?), ndërsa zgjedhjet provuan se 60 % e amerikanëve besojnë se USA duhet të jetë më e ashpër ndaj Rusisë por edhe ndaj Iranit dhe terroristeve në lindjen e mesme.   

NË SHTESË, Pse/Sa fitorja e Presidentit Donald Tump mbart edhe “pesë mesazhe shpresë” (?):

Së pari, uroj që kjo fitore të shërbejë zgjimin e aspiratës fisnike të Shqiptrarëve për tu përballur dhe tejkaluar “shtetin e pushtuar nga politikanët e korruptuar, demokracia fasade, pluralizmin e privatizuar nga Kryetarët e pavdekshëm, si dhe fuqina elektorale e Partisë në Pushtet” !

Së dyti, përtej garës së peshtirë, se kush të gjejë fjalët më të madhërishme, për ta uruar Presidentin e sapo zgjedhur z. Trump, jo emrat e pronarëve të Partive apo Pusht-etarëve të emëruar, por; “partneriteti strategjik me USA mbetet me rëndësi kritike, në mos jetik për interesat reciproke RSh-ShBA në rajon dhe mesdhe si dhe ardhmërinë euroatlantike te Shqipërise dhe Kosovës”.  

E thënë fare shkoqur, mbetem shumë i sigurt se kushdoqoftë që përçudnisht përpiqet të shpërdorojë Presidentin e ShBA për ta “bërë palë në axhendën e tyre bolshevike” do të (keq) zhgënjehet. Kjo pasi z.Trump ka konfirmuar se qëndra e gravitetit të angazhimeve të Tij mbetet ShBA, pra: “nuk ka as kohë as vullnet dhe as plan, të merret me çdo pushtetar të korruptuar, apo çdo egocentrik që i del/dalldis rrugës”. 

Së treti, Pa kujtuar dalldisjet e (mbi) Pushtetit që: “Trump” përbën kërcenim për USA dhe marrëdhëniet me Shqiperinë”(!?), si në 33 vitet që po lëmë pas, edhe gjatë Trump-2 do të dështojnë me turp edhe opozitarët vulëhumbur në Tiranë si dhe sovranistët -markist të Prishtinës zyrtare, që mesazhet diplomatike, fotot me Presidentin Trump apo me Senatorët, darkat informale apo “mëngjeset e luftjeve”, etj; “t’jua shesin shqiptarëve si mbështetje partiake apo edhe me keq, personale”. Në të kundërt, si dhe Presidëntet e USA në 112 vjet, edhe z. Trump ka ri-konfirmuar fuqishëm se prioritet nr.1 nuk janë emrat e pronarëve/kryetarëve të partive politike, por për ShBA: “kanë qenë dhe mbeten vetëm Shqiptarët si dhe ndërdhuria e interesat gjeopolitike të ShBA me ato të RSh në rajon, mesdhe etj”. Kaq e thjesht!

Së katërti,, konsideruar peshën/mesazhet e kësaj “fitore spektakolare” besoj edhe më fort se pas 33 vjetesh,Shqipëria ka domosdosmëri jetike të ” vetë-prodhojë një Trump dhe një Lëvizje Trumpiste” për t‘u përballur dhe tejkaluar krizën më të rendë të demokracisë, pluralizmin fasadë, pasojat e shtetit të dështuar, duke j’u ri-kthyer me këllqet e Saj të djathtës moderne, ku të privalojnë: “Familja, Atdheu, Zoti, Vota, Tregu, Interesat  Kombëtare, balancat demokratike të pushteteve dhe orientimi Euroatlantik i Kombit”.  

Së pesti, shpresoj po ashtu që krahas mbështetjes konstante nga USA për “njohjen  e pavarësisë 112 vjet më parë; çlirimin e Kosovës 1999; anëtarësimin në NATO 2009, etj”, do të skalitet në memorjen e mirënjohjes (mbarë) Kombëtare edhe “Marrevëshja e Paqes e nënshkruar në Shtëpinë e Bardhë, nën përkujdesjen e Presidentit Donald Trump-1 (shtator 2020)” nga  dy vendet sovrane (Kosovë-Serbi), ose një: “paketë me investime  gjeostrategjike si autostrada e paqes Beograd-Prishtinë, Port rajonal në ujërat e thella të Adriatikut, si dhe qershia mbi torte, njohja nga Izraeli e Kosovës, etj”.  Për hatër të së vërtetës, duhet të shtojmë se, asnjë njohje e Re për Kosovën përgjatë Presidencës Biden-Harris !? 

Duke kujtuar këtë, besoj edhe më shumë që kjo marrëveshje paqe (+), e përditesuar, do të “imponohen nga Presidenca Trump-2”, përkundër riciklimit të oshilacioneve të Millosheviçit, sovranistëve marksist,etj bollshevik mëndjendryshkur jo vetëm në Kremlin, Banja Luka, Beograd, Prishtine dhe Tiranë. 

Së fundmi, mbetem shpresëplotë se përball dalldisjes së makinerisë elektorale të pushtetit si dhe përtej “luftës së pisët” për në listën e të ndenjurave të opozitës në kuvendin e ardhshëm (përfshi trima/et pas betejave turpëruese “për vulën” të Gaze/ërve në 8 janar 2022, etj apo dhe krye-Euroatlantikasin qesharak që edhe me (i thënçin) Qeveri Teknike në 2017, PD mori “Noc-Rrokun”, pra 7 ministra delirant  dhe 43 Deputet seksere), shqiptarët e frymëzuar edhe nga kjo fitore historike e z. Donald Trump, do të zgjojnë vetëdijen fisnike, duke j’u bashkuar misionit të së djathtës moderne, që Shqipëria të bëhet demokratike edhe për inat të këtij sekti politikanësh zullumqarë, shtetarësh kusarë, philanthopistë globalë, sovranistësh marksist dhe sekserëve të gjithë-pushteteve që 33 vitet e fundit kanë pushtuar vlerat konservatore dhe sundojnë me “kollare demokratike” kombin tonë të bekuar 

Zoti e bekoftë fitoren e Presidencës Trump-2, partneritetin strategjik ShBA-RSh si dhe ri-ngjalljen e shpresës së Shqiptarëve, për ta bërë Kombin (R.Sh/Kosovë) si ShBA dhe gjithë Europa Demokratike.  

Autori: Gjeneral ® Piro Ahmetaj:

Ekspert për SK, Rajonin dhe NATO-n,

Zv/President i Këshillit të Atlantikut; & ish:

Këshilltar për Sigurinë Kombëtare në PD,

Këshilltar i Presidentit të RSh; Zv/ShShPFA,

Përfaqësues Ushtarak në SHAPE/NATO. 

6 November 2024

Albanians for America, a US nonprofit advocacy organization, joins millions of Albanians from all over the world in congratulating the United States in the recent elections and, in particular, President Donald Trump on his impressive election victory!

Many of us in the community have known and worked with the President-elect for decades in various capacities. Most notably, we recall meetings with him and his representatives, where we discussed the prospects for peace and prosperity, the deep affection Albanians have for the United States, and our strategic relationship. We hope to once again enlist President Trump’s bold leadership to end Serbia’s ongoing aggression toward neighboring countries, which has persisted since the time when the United States intervened militarily to halt the region’s genocidal war.

We appreciate President Trump’s commitment to the ‘peace through strength’ approach in global affairs, a principle that can bring a just peace in the region closer to reality. We are hopeful we can put it into action together.

We look forward to an era of a strong United States of America under President Trump’s decisive leadership. We rely on continued strong bipartisan support for Kosova, Albania, and other emerging democracies and near-term EU and NATO aspirants in the region. The success of these democracies can serve as a beacon to Serbia and others within the orbits of Russia, China, and other malign actors, signaling that it’s time to change direction.

We remain committed to developing mutually beneficial political and economic cooperation that will benefit both of our nations. Albanians, as one of Europe’s youngest and most vibrant societies, are factors in every country of the Balkans. Albania and Kosova moreover have been growing their institutions and considerably increasing military spending in compliance with commitments to NATO and to defend against any hostility, thus contributing to ensuring long- term peace and security in Europe and the Transatlantic community alongside our allies.

We look forward to leaders from the region visiting to personally congratulate President Trump and to engage in strengthening our strategic partnership with the United States, founded on our shared principle of “peace through strength.”

It’s time for progress.

ADVOCATING FOR ALBANIAN AMERICAN VALUES

712 H Street NE, Unit 747, Washington, DC 20002 phone 202-280-2465

admin@AlbaniansForAmerica.org AlbaniansForAmerica.org

Në ambientet e UBT-së, studentët e Fakultetit të Sigurisë dhe Shkencave Politike patën nderin të dëgjojnë një ligjëratë të veçantë nga Dr. Elmi Berisha, Presidenti i Federatës Panshqiptare VATRA. Tema e ligjëratës ishte “Roli i Lobit Shqiptaro-Amerikan për Lirinë dhe Pavarësinë e Kosovës,” një çështje me rëndësi të veçantë për të kuptuar angazhimin historik dhe strategjik të komunitetit shqiptaro-amerikan në çlirimin e Kosovës dhe njohjen e saj ndërkombëtare.

Gjatë ligjëratës, Dr. Berisha përshkroi me detaje rrugëtimin e gjatë dhe sfidues të diasporës shqiptaro-amerikane në mbështetje të çështjes së Kosovës. Duke përmendur momente kyçe dhe përpjekje të palodhshme, ai vuri në dukje ndikimin e madh që komuniteti shqiptar ka ushtruar përmes lobimit në qarqet politike dhe institucionet amerikane, veçanërisht gjatë dhe pas luftës së Kosovës.

Dr. Berisha theksoi se përkrahja e vazhdueshme e SHBA-së për Kosovën nuk do të kishte qenë e mundur pa ndihmën e organizatave të tilla si VATRA, të cilat me angazhimin e tyre kanë ngritur zërin e Kosovës në nivel global. “Lobi shqiptaro-amerikan ka qenë një nga aleatët më të fuqishëm të Kosovës në arenën ndërkombëtare, duke u bërë shtytës i fuqishëm për pavarësinë dhe lirinë e saj,” theksoi Dr. Berisha.

Studentët patën mundësinë të diskutojnë dhe të parashtrojnë pyetje mbi sfidat aktuale dhe të ardhshme për zhvillimin e mëtejshëm të Kosovës si shtet i pavarur.

Ligjërata u organizua nga Arian Kadriu, profesor i UBT-së, duke e kthyer këtë ligjëratë në një mundësi të vlefshme për studentët e sigurisë dhe shkencave politike që të mësojnë nga përvoja e një figure të njohur dhe të përfshirë direkt në çështjet kombëtare.

Në përfundim, Dr. Berisha u bëri thirrje studentëve të ndjekin shembullin e diasporës shqiptaro-amerikane dhe të kontribuojnë për të ardhmen e Kosovës, duke theksuar rëndësinë e ruajtjes së lidhjeve të forta me aleatët ndërkombëtarë dhe vlerën e veçantë të edukimit për forcimin e pozicionit të Kosovës në arenën globale./UBTNews/