(Një vizitë në biblotekën Inernacionale A. Bellusci: Mes Librave në arbërisht dhe kulturës arbëreshe). 

Thuhet që zoti la nga  parajsa  mbi tokë fëmijët dhe lulet.

Jemi në Frascineto\ Frasnitë një ngulim arbëresh në Kalabri. Është ditë e shtunë 1 Qershor  “Dita e fëmijëve”. Me rastin e kësaj dite mesueset e shkollës fillore të Franitës së bashku me atë të Civita,(dy ngulime arbërsh distante jo më tepër se 5-6 km larg nga njëri tjetri) Carolina Sancineto, Anna Tarantino, Rosita Barile, Teresa Carollo e Loredana De Franco, shoqëruan  për më tepër se një orë leksion nxënësit e tyre  në Bibliotekën Bellusci. Tematika ishte. Si të pasurojmë leksikun. Gjatë kësaj ore kërkuam që tiu pasuronim leksikun nëpërljet fjalës shkruar si edhe kulturës trasmetur, kështu që  përfituam dhe i njohëm nxënësit edhe me disa koncepte në arbërisht. 

Siç është folur shpesh, gjuha arbëreshe nuk është gjuhë e kurrukulave shkollore, gjë që do të thotë se nuk mësohet në shkollë, por që nëpërmjet Ligji 482\99 jep këtë mundësi që të mësohet gjuha arbéreshe në formë fakoltative, dhe para disa ditësh shteti Italian në gazetën e tij Ufficiale nr 121 iu njeh arbëreshëve, arbërishten si gjuhë zyrtare në përdorim të gazetarisë, të radiofonisë si dhe të pragrame të ndryshme. Ky ishte një Hap historik, duke shënuar për arbërishten një kthesë epokale. 

Por, le të kthehemi tek dita e 1 Qershorit kur rreth orës 10 u paraqiten para bibliotekës  rreth 38 nxënës. 

I priste At Bellusci tek zyra e tij, i cili i mblodhi në gjirin e tij e  iu foli këndshëm e se sa e rëndësishme është libri, dhe më tepër të lexojmë aq më të ditur bëhemi, kështu i shërbejmë shoqërisë. 

Kushtet shëndetësore të At Belluscit penalizojnë shëndetin e tij, por punën e tij po e vazhdon me vullnet e impegnim vëllai i At Belluscit  Avv Tommaso Bellusci i cili është edhe Drejtori i Bibliotekës. 

Fëmijët spostohen për te qëndra Albanologjike themeluar nga At Bellusci që ndodhet pranë bibliotekës. 

Saph hyjnë gumëzhijnë si zogj. Biblioteka është e vendosur në një banesë  400-vjeçare, ndërtuar me gurë është një nga bibliotekat më të rëndësishme në Krahinën e Kalabirisë. 

E veçanta e kësaj biblioteke është se në brendësi të saj përmban  mbi 10.000 mijë egzemplarë në gjuhën shqipe dhe arbërisht.

Fëmijët pozicionohen dhe fjalën e merr sekretari i kësaj Biblioteke Emanuele Rossanova. Një djalosh që është shembull për arbëreshët. Ai e mësoi gjuhën në këtë Qendër prej At Belluscit dhe duke qenë një djalë i zoti At Bbellusci e mbajti si sekretar të Bibliotekës. Midis Emanuele dhe fëmijët u krijua menjëherë ajo sienergji e fort dhe pozitive. Që në fillim treguan inters dhe u zhvillua një dialog pyetje përgjigje.

Ishte një raport  miqësor midis fëmijëve dhe tij. 

Biseda kaloi midis fëmijëve dhe  mua (Ornela Radovicka) ku u përqëndrova në botën arbëreshe, duke parë që një fetë e mirë e fëmijëve kishin edhe me origjinën arbëresh apo me prindër të përzjerë. Tematika ishte të pasurojmë fjalorin dhe ajo u përqëndrua tek fjalët arbëreshe Gjitonija, si edhe tek koncepti i saj si edhe tek  fjala “ Poliglot” 

Koncepti i Gjitonisë u spjegua dhe u shtjellua në formën e saj të mirfilltë në  përfshirjes së 5 shqisave: Shikimi, shija, nuhatja, prekja, dëgjimi. Fjalë këto që jo vetëm për ti mësuar në arbërisht, por edhe për të kuptuar arkitekturën e fshatrave arbëresh, sepse askush nuk u flet mbi këto argomenta. 

Koncepti i dyte ishte “Poliglot. Tematika prekte idenë për të mësuar arbërishten( vlente edhe për fëmijët e tjerë  të karkaterit multi kultural që të mësonin gjuhën e prindërve të tyre “Bashk edhe pse jemi të ndryshëm” është një pasuri e humanitetit). Fjalën “Poliglot” e lidha me kulturën  arbëreshe duke nxjerrë në pah që të parët e tyre arbëresh,  të cilët erdhën në këto troje në shekullin XIV,XV  në Itali komunikonin në 4 gjuhë: Kalabreze, (gjjuha me të cilin bënin tregëti) Greqishtja( sepse kishte qenë liturgjia), Latinishtja që ishte gjuha zyrtare( gjuha me të cilën shkruheshin aktet notarile) dhe Gjuha arbërishte, ( gjuha e shpirtit, gjuha e mëmës)të cilën e flisnin çdo ditë, këndonin, rrëfenin, luteshin etje.

Në këtë mënyrë  këta fëmijë nuk mësonin vetëm fjalën “ Poliglot” dhe pasuronin leksikun por edhe historikun mbi popullin arbëresh.  

Momenti më i bukur ishte kur shumë prej këtyre fëmijëve  panë libra,  u lindi dëshira që të shkruanin edhe ata libra.

 Secili kishte idetë e tij, dhe idetë ishin nga më të ndryshme, po përcjellë një ide që më bëri disi përshtypje  Ja se çmë tha njëri prej tyre: Unë dua të shkruaj në Arbërisht  një libër, por a mund të flas brenda këtij libri  edhe për  “Dinosaurit”? 

Përse dëshiron ti futësh edhe Dinosaurët brënda këtij libri?- e pyeta gjithë kurjozitet.    

Dua të them se nëse arbëreshët janë populli më i lashtë, me pa tjetër do të kenë parë ndonjë Dinosaurë para se ata të zhdukeshin kommplet. Unë mendoj se  me siguri që ndonjë prej tyre  ata i ka  njohur Dinosaurët, e fundit, para se të  zhdukej i fundit prej  Dinosaurët – mu përgjigj Ai.

 Vura buzën në gaz. 

Në çastin e largimit, i folëm edhe  për fjalën “Mikpritje”. Gjesti që At Antonio Bellusci edhe pse i sëmurë,  u ngrit për ti përcjellë fëmijët, të cilët i kishte pritur me dashuri, iu ofroi  karamele dhe biskota, e në fund i përcolli deri jasht porte. Këto shenja tregojnë “ Mikpritjen” që iu bëhet miqve, që është shenjë e respektit të një civilizimi e vlera humane të popullit arbëresh. 

Gjendeshim në rrugën “ Udhe e Malit”. Pyeta nëse dikush dinte të lexonte tabelën dygjuhëshe që ishte vendosur tek fasada e shtëpisë së At Belluscit. Nuk dinin ta lexonin, vetëm dikush tha: Është në arbërisht dhe lexohet Uda\ Udha e Malit. Nuk arrinte ta kuptonte shkronjën “ Dh” por nuk dinin as kuptimin.  

Kaluam disa momente të bukura ku me “Atlanten tonë” për të pasurar leksikun,  fluturuam në botën arbëreshe, në Bibliotekën A. Bellusci dhe mësuam fjalën, por edhe konceptin dhe kulturën nëpërmjet fjalës.  

U gëzova pa masë kur të nesërmen Emanuele Rossanova më thotë. Ornela  takova gjyshen e njërës prej nxënësve, e cila  ishte kthyer në shtëpi shumë e kënaqur dhe kishte kërkuar të thellonte dijen mbi “Gjitoninë”. 

Nëpër mend më erdhi menjeherë idea se – Nëse do të impenjohem më tepër që të rrisim “ il  Senso della appartenza” do të shohim se gjërat do të ndryshojnë. Gjakun nuk mund ta mohosh dot, dhe pa rrënjë nuk mund të qëndrojmë. Mendoj se Ligji 482\99 është një ligj i çalë, dhe nuk njeh si detyrim shkollën në arbërisht, por deri sa që përmirësojmë gjërat nuk mund të qëndrojmë duar lidhur, prandaj nuk mund të presim më. Arbëreshët janë në tehun e thikës së asimilitit. Unesco po “ Ulurin” duke thënë se Arbërishtja është një gjuhë në rrezik zhdukje. Akademikët me sa duket nuk janë më të zotë që të bëjnë Unifikimin e gjuhës arbëreshe, nuk kanë me sa duket edhe istrumenta për ta bërë. Kanë humbur dhe po humbasin shumë kohë duke mos i dhënë PRIORITET GJUHËS. 

Kurset që bëhen sot ndihmojnë deri diku  dhe janë vetëm instrumenta “ terapi intensive”, por nëse nuk kemi një ABETARE të përbashkët,  nëse nuk arrijmë në unifikimin e arbërishtes,  Nëse nuk zgjidhet një model UNIK  për 52 fshatrat arbëreshe në një Arbërishte Nacionale nuk kemi një Arbëri të fort e të shëndosh. Përfitoj  të zë në gojë punën e madhe të Dy federatat e mëdha në Kalabri  UNIARB DHE FAA , si  dhe të gjithë individët, studiues, autor,  hulmtues,mësues vullnetarë, sporteli linguistici, teatro, grupe folkloristike, korograf, istrumentist, të cilët  bëjnë të pa mundur për të mbajtur gjallë gjuhën. 

Pa këta nuk do të kishte Arbëria. Kjo arbëri është falë këtyre njerëzve! 

Falenderojmë në mënyrë të veçantë mësueset e këtyre dy shkollave Frasntitës dhe Civita, që falë tyre kaluam këto emocione, dhe falë tyre duhet të Reflektojmë se sfida të reja për gjuhën dhe kulturën arbëreshe na presin.  

I urojmë këtyre fëmijëve: Shëndet, Gëzime, të bëhen të aftë në dobi të shoqërisë, ndërsa për ata fëmijë që që janë të komunitetit arbëresh, i urojmë që të rriten edhe me  dashurinë, për këtë gjuhë sa të rrallë e të lashtë siç është arbërishtja. 

Shënim:  midis Qëndrës Albanologjike A. Bellusci dhe Lidhjes së Krijuesve në Diasporë, me Kryetar Musa Jopulli dhe sekretar Mentor Thaqi, hulmtuesin, studiuesi në Austri prof Hazir Mehmeti, Koordinatorin e gjuhës shqipe në Svicër prof Vaxhid Seidiu, si dhe me  Anëtarin e Nderit të  Qendrës Albanologjike Rexhep Rifati, lidhur një akord në mbështetje, për përhapjen dhe promovimin e gjuhës dhe kulturës arbëreshe. 

Përgatiti materialin    

Ornela Radovicka.Qëndra Albanologjike A. Bellusci 

Sokol Paja/

New York, 19 maj 2024 – Federata Pan-Shqiptare e Amerikës Vatra promovoi veprën historiko-religjioze “Historia e Jezuitëve në Shqipëri 1841-1946” të Dr. Ines Murzakut. Me pjesëmarrjen e gjërë të përfaqësuesve të organizatave patriotike shqiptare në New York, studiuesve, historianëve, studentëve, mediave, mësuesve e aktivistëve të komunitetit, promovimi u kthye në një homazh nderimi për qëndresën antikomuniste të klerit fetar e popullit shqiptar. Sekretari i Vatrës Dr. Pashko Camaj vlerësoi punimin e Prof. Murzakut “Historia e Jezuitëve në Shqipëri 1841-1946” në shërbim të lartësimit të vlerave fetare e historike kombëtare. Studiuesi Dr. Paulin Marku në kumtesën e tij u ndal te rrugëtimi i Jezuitëve në Shqipëri, ngjarjet e rrethanat historike, kombëtare, traditat, gjuhësia e kultura kombëtare shqiptare e lidhur me urdhërin fetar të Jezuitëve. Sipas Dr. Markut Arkivat Italiane dhe të Propagandës Fide janë shfrytëzuar mjeshtërisht për ti sjellë publikut një vepër të arrirë shkencore. Libri i Dr. Murzakut është një kontribut i vyer shkencor me burime e dokumenta arkivore të veçanta që paraqet veprimtarinë e Jezuitëve në një vend të sunduar nga Perandoria Osmane, tha ndër të tjera Dr. Marku. Historiani Dr. Naim Musliu në kumtesën e tij u ndal te roli i jashtëzakonshëm i Jezuitëve në historinë e religjionit dhe kontributin e lartë të Jezuitëve në arsimin e kulturën kombëtare shqiptare. Dr. Musliu u ndal gjithashtu në persekutimin e komunistëve dhe sulmet ndaj Jezuitëve e klerit fetar shqiptar. Dr. Musliu renditi në detaje persekutimin e klerikëve më të lartë shqiptarë në projektin komunist ateist të zhdukjes së fesë në Shqipëri. Nancy Kajo, kryetarja e shoqatës së studentëve shqiptarë në Seton Hall University diskutoi rreth rëndësisë së studentëve shqiptarë në ruajtjen e trashëgimisë kulturore shqiptare në mërgatën e Shteteve të Bashkuara të Amerikës. Dr. Sulejman Çelaj foli për rëndësinë që japin Jezuitët për edukatën dhe kulturën shoqërore. Në fund të promovimit, Dr. Ines Murzaku ekspozoi për të gjithë të pranishmit detaje të përgatitjes së librit, bashkëpunimin e ngushtë me At Zef Bishën, audiencën me Papa Françeskun, vlerësimet rreth librit nga Ati i Shenjtë dhe nderimet e Papa Françeskut për popullin shqiptar. Dr. Ines Murzaku u ndal te martirizimi i At Giovani Faustit, qëndresa dhe martirizimi klerit dhe popullit shqiptar prej komunistëve. Dr. Murzaku diskutoi gjithashtu rreth historisë së Jezuitëve, ardhjes së tyre në Shqipëri pas shembjes së komunizmit, përurimit të qendrës kulturore At Zef Valentini në Tiranë, dhe kontributin e Jezuitëve në promovimin dhe ruajtjen e gjuhës, traditës, kulturës e qytetërimit shqiptar dhe figurat e shquara të 38 martirëve të Kishës Katolike Shqiptare. Vatra shpreh mirënjohjen e veçantë për z.Nazim Salihu i “Noli Tv” për pasqyrimin mediatik të aktivitetit patriotik, komunitar e kombëtar.

Kryetari i Federatës Pan-Shqiptare të Amerikës “Vatra” z.Elmi Berisha me komandantet e Koshares nderoi 114 dëshmorët e heronjtë e Kosovës në Kosharen legjendare të cilët janë bazamenti i shtetit të Kosovës. Sot, toka e qielli ishin bashkuar flisnin shqip ndërsa mjera të pranishëm qe kishin ardhur në përkujtim të tyre nderojnë dhe lartësojnë pavdekshmërinë e tyre. Kosharja e cila i dha hapësirë krahut të shqiponjës mbi Pashtrikun e lashtë, njejtë si një qenie mitike, duke bërë të mundur prekjen reale të fitores që po mbështetej fuqishëm nga aleatët e shqiptarëve dhe të Kosovës, në krye me SHBA.

Atje ku prehen, krye heroi e veterani i organizimit të luftës, Sali Ceku, i cili na inkurajonte se “serbët nuk janë të pavdekshëm, dhe së në një të ardhme të afërt këta të fundit do ta lëshojnë Kosovën me turp”, dhe “pavarësisht se si do të jetë, me luftë apo me paqe, Kosova është e jona”. Strategu Agim Ramadani, që na frymëzonte tek vrojtonte fushëbetejën mbi Dukagjin se “ia vlen me vdekë vetëm për emrin Kosovë” dhe detyrën se “nëse një ushtar do mbetet, ka detyrë ta riformojë ushtrinë e të vazhdojë luftën”. Erdhën dhe ata të cilët e drejtuan këtë beteje, Rrustem Berisha, Hisen Berisha, Musa Gjakova, Fadil Hadergjonaj të cilët me z.Elmi Berisha Kryetari i Federatës Pan-Shqiptare të Amerikës Vatra me buqeta me lule përkujtuan 25 vjetorin e betejës së lavdishme të Koshares.

“Sot për mua dhe Federatën Pan-Shqiptare të Amerikës “Vatra” për shqiptaro-amerikane është një ditë shumë e veqnatë sepse jemi ardhur të përulem para sakrificës sublime qe e kane bere keta djem dhe vajzave qe kane sakrifikuar jetën e tyre për shtetin e Kosovës. Kjo është beteja me e lavdishme e historisë moderne shqiptare, kjo është beteja e cila e kthejë moralin tek diaspora shqiptare, të miqtë tanë e Uashington dhe gjithandej. Kjo është një beteje një luftë me te cilën krenohemi jemi krenuar dhe do të jete si motiv mbrojtjes se kombit tone i bashkimit tone i unifikimit politik, diplomatik, moral dhe kombëtar. Unë kam pas nderin që me disa nga keta heronj te cilët dhanë jetën per lirinë dhe shtetin e Kosovës . Ekam pas nje rrugëtim te vogël me heronjtë që e ruaj shume pranë zemrës dhe mburrmëm. Sot e falënderoj komandantin, Rrustem Berisha, Hisen Berisha ,Fadil Hadergjonaj , Musa Gjakova e të gjithë juve që me disa nga ju kam pas fatin të punojë në shërbim të kombit. Jam krenar që një pjesë të jetës sime, një pjese të shkurtë por të lavdishme të kontributit tim dhe kontributit të përgjithshëm si shqiptaro amerikan dhe puna jone e afërte me ministrin e mbrojtës kolonel Ahmet Krasniqin i pavdekshëm qoftë kujtimi dhe vlerësimi për Lavdi dëshmoreve të kombit. Lavdi të gjithë atyre që dhanë jetën per lirinë e Kosovës nga të gjitha viset shqiptare. Ju falënderoj shumë dhe jam shumë krenar që jam në mesin e luftëtarëve” theksoi në fjalimin e tij Kryetari i Federatës Pan-Shqiptare të Amerikës “Vatra” z.Elmi Berisha.

Ndërsa njëri nga drejtuesit e betejës së Kosharës Rrustem Berisha duke u falmederuar thotë së

“Në emër të gjithë bashkëluftëtareve të Koshares e falënderoj Z.Elmi Berishën për vizitën për kontributin që ka dhënë vatra dhe në të kaluarën por përmes këtij kontributi dhe kësaj vizite dëshiroj të falënderoj të gjithë shqiptaret e mërgatës, qe kanë ndihmuar shume luftën e fundit që pa ndihmën e tyre do te kishim të vështire dhe çlirimin e Kosovës dhe luftën qe kemi bere. Fal ndihmës dhe Angazhimit të tyre është ne na është lehtësuar ne një fare forme zhvillimet e veprimeve luftarake”.

Edhe Hisen Berisha njëri nga komandantet e kësaj beteje e cila kishte vijën frontale 14 kilometra thotë:

“Z.Elmi Berisha ka që pjese e angazhimeve të para të ushtarakëve e mbështetjes së luftës së UÇK-së në përgjithësi, sot na ka nderuar shumë që ishte pjesë e nderimit të luftëtareve të dëshmoreve dhe veteranëve që jemi gjallë dhe familjareve të dëshmoreve që ishin prezent me homazhet që u organizuan në këtë kompleks memorial”.

Krahas gjithë sakrificës dhe luftës sonë të lavdishme, falënderimi jeton përherë për aleatin tonë të përhershëm SHBA thonë të gjithë ata që ishin të pranishëm në kompleksin Memorial duke falmenderuar aleatin tonë strategjik, që me vijat e kuqe që ia vuri Serbisë, Presidenti Bush senior, për të vazhduar me vendimin e Presidentit Klinton që ta mbështesë luftën e UÇK-së, për ti dhënë fund shkeljes masive të të drejtës humanitare, për t’i dhënë fund tragjedisë njerëzore, për ta ndalur barbarinë dhe mizorinë e Millosheviçit, me goditjet ajrore shkatërruese. Na kujtohet kur thoshte Presideni Klinton, Kosova është, vendi ku u trazua ndërgjegja jonë, sepse Ju i treguat botës se keni shpirt të madh ndaj dhe fituat. Ne e bëmë luftën, ju bëjeni paqen, të cilën e konsiderojmë me shumë rëndësi për Amerikën. Në Kosovë, shqiptarët dhe aleatët tanë, vendosën të ardhmen e shekullit të ri, këtë që po e jetojmë sot.

Dr. Iris Halili

Kryetare e Degës Vatra Miami

Presidente e Klubit “Flas Shqip” (Non- Profit Organization)/

Vatra Miami mblodhi kominitetin shqiptar të Floridës së Jugut me rastin e festën së Nënës. E ftuar ishte artistja e shquar Artjola Toska. Mirënjohje të veçantë për zonjën Mimoza Karaj Ninçeviç që krijoi lidhjen me divën e muzikës popullore Artjola Toska. U promovua “Klubi Flas Shqip”, i cili për herë të parë në shtetin e Floridës do të zhvillojë mësime të gjuhës shqipe, si dhe për herë të parë në SHBA këto mësime do të zhvillohen falas. Pas 28-vjetësh Vatra Miami dhe Artjola Toska arritën të rimbledhin Ansamblin Migjeni!

E gjithë simbolika e festës së Nënës organizuar nga Vatra Miami shihet në pankartën ku janë rradhitur portreti i Rozafës, logoja e Vatrës Miami dhe ajo e Klubit “Flas Shqip”. Të treja imazhet kanë një lidhje shumë natyrale. Kur mendoja për imazhin femëror që do të vendosnim në festë nuk gjeja dot figurë më të madhërishme se Rozafa jonë e mijra viteve më parë, ekzakt 4 shekuj përpara krishtit. Ajo na vjen nga legjenda si gruaja që pranon të muroset në mbrojtje të Atdheut por që edhe nuk rresht së kryeri mision e saj më të shenjtë atë të vazhdimësisë së jetës. Rozafa pranon që në mbrojtje të atdheut të flijojë anën e majtë të trupit andej nga reh zemra, ndërsa anën e djathtë të trupit kërkoi ta mbajë jashtë e ti jap kështu gji foshnjes e ta përkund atë. Në besimin pagan ana e djathtë është simboli i diellit. Sikur dielli që rilind çdo ditë edhe nënat janë simbol i rilindjes së përjeteshme. Rozafa na vjen kështu simboli më i skalitur i nënës shqiptare! Amaneti kryesor i kolosëve shqiptarë Fan Noli dhe Faik Konica , që ngritën Federatën Pan-Shqiptare Vatra pikërisht 112 ishte: “Të rit në mes shqiptarëve të Amerikës dhe me anë të tyre në mes Shqiptarëve të Shqipërisë, shpirtin e ndihmës në mes tyre dhe dashurinë për kombësinë e tyre”! Ne në Vatra Miami, mendojmë se ky është një amanet për të cilin duhet të punojmë fort me të gjithë komunitetin shqiptar të zonës së Miamit që njihet edhe si FIorida e Jugut (Miami Dede, Broward dhe Palm Beach). Ajo që na lidh në moton tone “Duam Shqipërinë, kur duam më shumë njëri-tjetrin”, nuk është as e shkuara jonë në atdhe dhe as e tashmja jonë në emigrim, as bindjet politike dhe as ato fetare. Sado e bukur qofte një poezi ajo asnjëhere nuk e shfaq gjithë formën e saj në gjuhë të huaj. Kështu është edhe puna e emigrantëve, nëse do të bëja këtu një metaforë. Sado bukur ta ndërtojmë ne jetën në emigracion dhe sado të arrirë të jemi larg vendit, neve sërisht do të na mungojë ajo që kemi lënë pas dhe për të mos e vuajtur këtë mungesë ne duhet të lidhemi me njëri -tjetrin dhe të duhemi sa më shumë me njëri tjetrin, se jemi të gjithë pasardhës të Heroit tonë kombëtarë Skënderbeut, që na la amanetin e madh: “Qëndroni gjithmonë të bashkuar” !!

Dhe në këte bashkim ajo që na lidh është pasuria më e madhe që trashëgon çdo shqiptar kudo ku jeton, dhe kjo është GJUHA SHQIPE! Sikur thonte edhe Iluministi i madh Mit’hat Frashëri: “Gjuha i lidh njerëzit me njëri-tjetrin, vëllezër dhe motra, që nuk dinë gjuhën e nënës, janë më të huaj në mes tyre sesa dy njerëz që njihen për herë të pare”.

Duke i mësuar fëmijëve tanë gjuhën shqipe ne mbajmë të gjallë frymën kombëtare dhe mbi të gjitha ne mbajmë të gjallë kombin tonë që falë gjuhës nuk e humbi kurrë identitetin e tij sa të lashtë aq edhe të veçantë. Pa gjuhë nuk ka komb!

Në kuadër të këtij misioni, Vatra Miami vjen përpara të gjithë komunitetit shqiptar të Floridës së Jugut me premtimin e sinqertë se më datë 1 Qershor 2024 Klubi Flas Shqip do të hapë rregjistrimin për cdo fëmijë apo të rritur në komunitet që kërkon ta mësojë gjuhën e nënës. Dhe për këtë kam krijuar Klubin “Flas Shqip” , ku çdo i rregjistruar do të ketë mundësi të mësojë gjuhën shqipe FALAS sikurse edhe nëna ja mëson fëmijës gjuhën e saj.

Këtu dua të ndalem në një falenderim të vecantë për të gjithë ata prindër që jo vetëm e mbështetën idenë time, por që ishin bashkë me mua që në fillesat e këtij misioni. Z. Ilir Dekaj i cili solli i pari vajzën e ti Anabela dhe te gjithë fëmijët e familjes se tij sikur nipërit Abriel, Dariel, Florina dhe Ledion; Zonja Rovena Barbuto e cila e hapi shtëpine e saj për ditën e parë të takimit me fëmijët, ku ishin edhe të sajët – Sofia dhe Leo; Z. Alban Hoti solli të dy fëmijët e tij Fisnikun dhe Delvinën si dhe mundësoi mjedisin ku ne zhvilluam provat e korrit. Zonjat Uarda Selimaj dhe Arjola Dedaj sollën fëmijët e tyre Natalia, Joan dhe Giani, dhe më ndihmuan për ti mësuar fëmijve këngën Fol Shqip si dhe për ti mbajtuar ata në ritëm; Zonja Mirlinda Ajgeri e cila ishte e para nënë kosovare që regjistroi fëmijët e saj Mikana dhe Alien në Klubin Flas Shqip. Ajo ishte e para që më grishi me idenë e ftesës të Arjojës në Florida pasi fëmijët e saj e duan shumë këtë këngëtare. Zoti Nesti Nikaj, Nënkryetari i Vatra Miami si dhe zonja e tij Esmeralda të cilët e bindën vajzën e tyre Athina që ti bashkëngjitet klubit; Jonida solli së fundmi të dy vajzat e saj Jolyeen dhe Adria dhe megjithëse me dy herë prova ato ishin gati për koncertin. Falenderoj me gjithë zemrër zonjën Rezarta dhe zonjushën Keida Dervishi, Nënë e Bijë, dy sipermarëse të talentuara të kompanisë “Soulemade Customers” që më ndihmuan shumë në formësimin e logos së Klubit , si dhe dhuruan të gjitha bluzat e fëmijve dhe prindërve të Klubit “Flas Shqip”. Një falenderim i vecantë i shkon Zonjës Elsa Kerpi e cila sponsorizoi gazetaren Eva Dori nga TV Albanian Dream , si dhe bëri të mundur prezencën e një fotografi profesional. Mbi të gjitha Elsa m’u gjend me kohën dhe gadishmërinë e saj për te ndihmuar në prag të eventit.

Nje tjetër mirënjohje i shkon komunitetit shqiptar nga Kosova dhe Maqedonia dhe qe banojnë në West Palm Beach. Ata të organizuar më së shumti nga Doktoresha Vlora Sulejmani ishin të pranishëm në event me të gjithë familjet e tyre.

Një moment vërtet mbresëlënës për të gjithë të ftuarit ishte dekori i veshur me Kostume Popullore Shqiptare, të sjella nga gazetarja Eva Dori. Te ftuarit kishin mundësi të bënin foto profesionale apo dhe 3 D si për të rritur dhe për fëmijë. Ky moment i dha Klubit Flas Shqip vërtet një fillim të bukur shqiptar ku do të flitet dhe ndihesh shqiptar .

E ftuara e nderit në event ishte zonja Artjola Toska, diva e muzikës së kultivuar popullore shqiptare. Me këngën Fol Shqip ajo i ka dhuruar çdo shqiptari në botë një himn frymëzues pasi sikur dihet shumë herë më shume sesa politika apo leadërshipi frymëzon kënga apo poezia; Kanë qënë të shumta rastet në histori kur këto kanë sjellë revolucione shoqërore dhe jo vetëm. Artjola Toska erdhi posaçërisht për ne në Miami, për herë të parë në këtë rajon të Floridës si dhe na nderoi me zërin e saj magjik. Lidhjen me Artjolën e bëri të mundur ish solistja e parë e Ansamblit Migjeni, Zonja Mimoza Karaj. Të pranishme ishin edhe disa nga ish – valltarët e Ansambilit Migjeni. Ky moment i solli edhe një lajm tjetër të bukur festës, pasi pas 28-vjetësh Vatra Miami dhe Artjola Toska arritën të rimbledhin Ansamblin Migjeni.

Të ftuar të tjerë të nderit ishin ish Ambasadori i Shqipërisë në Kombet e Bashkuara, autori i shumë librave dhe skeceve ( dikur pranë ish-estradës së Fierit) zoti Pëllumb Kulla me bashkëshorten aktoren e mirënjohur Xhuljet Kulla. U rikujtuan shumë momente nga pjesë së shfaqjeve të këtyre dy gjigandëve të humorit shqiptar. Zonjës Xhuljeta Kulla ju dorëzua Trofeja e Mirënjohjes për Talentin dhe Aktrimin e një jete në skenë.

Atmosfera u ndez me një energji gati sublime kur Artjola Toska dhe fëmijët e Klubit “Flas Shqip” u vendosën brënda një flamuri gjigand dhe së bashku kënduan këngën “Xhamadani Vija Vija” “Flamuri më i bukur në Botë” dhe sigurisht hymnin “Fol Shqip”.

Në mes të entuziazmit që kishte përfshirë sallën u krijua mundësia për dhënien e disa trofeve nga Vatra Miami:

Zonjës Merita MC’CORMACK nga Washington DC– “Për 20 vite përkushtim pranë Vatrës”

Zonjës Shpresa Gallaj – “Për shërbim të shkëlqyer në Vatra Jacksonville”

Zonjës Rezarta Reso nga Worcester e Shtetit të MA– “Për Shërbim të shkëlqyer në komunitetin shqiptar”

Shkollës së Gjuhës Shqipe pranë shoqatës “Bijtë e Shqipes”, me Mirënjohje dhe Respekt.

Gazetares së “Albanian Dream TV” zonjës Eva Dori, me motivacionin “Si zëri real i disporës”.

Zonjës Anila Tahiraj & Anila Kitchen “Për zemrën dhe duart e arta” pasi i shërben shumë komunitetit të Filadelfias dhe Vatra Miami kërkon ta sjellë atë si një shëmbull për komunitetin e saj.

Ndersa nga komuniteti i Floridës së Jugut ju dhanë zonjave:

Elian Magari – Nga Fort Lauderdale si “Liderja e Vitit” , trofe e bazuar ne karrieren e saj prej disa dekadash në pozicione drejtuese në një prej kompanive të grupit 500 Fortune.

Rezarta dhe Keida Dervishi – Boca Roton, Nënë dhe Bijë si inovatore dhe bisnesmene të shkëlqyera në komunitet.

Resmije Hoxha – Miami “Super Mama”, pasi me vetmohimin e saj duke bërë disa punë e vetme arriti të shkollojë dhe nxjerrë ne jetë si dhe ta këshillojë në drejtim të karries vajzën e saj Anjeza Chukos cila ka përfunduar studimet në tre prej top Universiteteve Amerikane (Emory University undergraduate, Michigan University – Medical School dhe Satandfort University – Residency , dhe sot ajo punon si partnere në një prej qëndrave mjekësore më prestigjioze në Miami.

Dr. Vlora Sulejmani – West Palm Beach – “Gruaja e Hekurt” , Për luftën dhe fitorën që ka patur me vdekjen pasi ka kaluar disa sëmundje kanceroze në të njëjtën kohë.

Jonida Goga – Role Model, Për Respektin që gëzon në komunitet dhe profesionalizimin si Agjente Shtëpish.

Mimoza Karaj – Soliste e Pare e Ansamblit Migjeni, me Mirënjohje dhe Respekt nga komuniteti.

Elsa Kerpi – Gruaja e Vitit, për arritjet profesionale në fushën e biznesit dhe ndihmën e pakursyer në komunitet.

Xhuljeta Kulla- Me Mirënjohje për Talentin dhe Humorin e një Jete në Skenë.

Artjola Toska- Të parës dhe të vetmes Yllit Artjola Toska, ne kujtim të kësaj mbrëmjeje maji.

U vlerësua si një model i arrirë një nënë e re, zonja Tika Hoti, e lindur dhe rritur në SHBA, por me orrigjinë nga Kosova, ajo ka sjellë në jetë 5 fëmijë dhe ështe model i nënës së re që duam ta shohim sa më shumë në komunitet.

Nuk mund të lija pa një trofe mirënjohjeje nënën time Sabire Halili, që mbetet dhe shoqja ime më e mirë e jetës . Trofeja e saj ishte nga unë vajza e saj, në shenjë mirënjohjeje dhe dashurie që nuk njeh kufi.

Në fund të eventit u shpërndanë dhurata surprizë si dhe u bë një foto e përbashkët, që sigurisht nuk përmblidhte dot të gjithë të ftuarit. Dritat u shuan, por të ftuarit donin që festa të vazhdonte dhe kjo na la me mbresën e një fillimi të mbarë të një pune që do të jetë në vazhdimësi. Komentet dhe përshtypjet e të gjithëve ishin nga më të lartat. Tashmë edhe Florida e Jugut po mblidhet në një komunitet sikur NY, apo disa komunitete të tjera të diasporës.