Sokol Paja/

New York, 9 shtator 2024 – Dega e Vatrës në Boston zhvilloi një vizitë zyrtare në selinë qëndrore të Federatës Pan-Shqiptare të Amerikës Vatra. Delegacioni i Bostonit i kryesuar nga kryetari z.Mentor Maksutaj, sekretari z.Flamur Vezaj, arkëtari z.Jorid Çelaj dhe anëtarët e kryesisë Lindita Meçe e Ervis Dhima e vatranët Klajdi Haruni, Gëzim Meçe e Artian Rreza u pritën nga kryetari i Vatrës Dr. Elmi Berisha, sekretari Dr. Pashko Camaj, vatrani historik z.Marjan Cubi, editori i Diellit e vatranë të tjerë. Në fjalën e mirëseardhjes Dr. Berisha përgëzoi vatranët e Bostonit për punën e shkëlqyer, patriotizmin, angazhimin komunitar e kombëtar në shërbim të çështjes kombëtare. Z. Berisha vlerësoi cilësitë atdhetare, kulturore, e kombëtare të grupit të shkëlqyer të Bostonit, veprimtaritë dinjitoze dhe të dinjitetshme të Vatrës Boston që rrezaton e frymëzon Vatrën e komunitetin shqiptar në Amerikë. Kryetari i Vatrës në Boston z.Mentor Maksutaj u shpreh i emocionuar rreth vizitës në Vatër, shprehu respekt e vlerësim për punës e Kryesisë së Vatrës sidomos mbi vizitën në Vatikan, vizitën në Shtëpi të Bardhë e Departament të Shtetit, vizionin e lidershipin e Vatrës dhe u ndal në kontributin historik të vatranëve në jetëgjatësinë shekullore të Vatrës e Diellit. Delegacioni i Bostonit pa nga afër Bibliotekën Shkencore e Arkivin e pasur të Vatrës si pasuri kombëtare e komunitare e dëshmi historike e identitare kombëtare shqiptare në Amerikë. Kjo vizitë e përzemërt e vëllazërore ishte në respekt të punës e përpjekjeve të përbashkëta për të mirën e çështjes kombëtare e komunitetit shqiptar në Shtetet e Bashkuara të Amerikës. Pas takimit vëllazëror kryetari i Vatrës shtroi një drekë në restorant “Cakor” në shenjë respekti, vlerësimi e nderimi për ekipin e shkëlqyer patriotik të Vatrës Boston.

Sokol Paja/

New York, 9 shtator 2024- Në selinë e Organizatës së Kombeve të Bashkuara në New York u përkujtua kontributi i madh i Fan Nolit për kombin shqiptar në një simpozium përkujtimor dhe historik kushtuar 100-vjetorit të misionit të Fan S. Nolit në Lidhjen e Kombeve në Gjenevë. Ky organizim historik u realizua me iniciativë të Bibliotekës së Fan Nolit në Boston, Federatës VATRA, gazetës “Dielli,” dhe pjesëmarrjen e akademikëve, studiuesve dhe autorëve e kërkuesve shkencor që vlerësuan trashëgiminë shumë dimensionale të Imzot Fan Nolit. Një organizim i shkëlqyer nga Neka Doko, Rafaela Prifti, Ilir Ikonomi dhe Mentor Maksutaj. Në fjalën e hapjes së simpoziumit, Suela Janina, Ambasadore e Shqipërisë në Kombet e Bashkuara, në fjalën e mirëseardhjes e quajti Imzot Nolin një personalitet të shquar të kombit shqiptar dhe u ndal te suksesi i Fan Nolit në Lidhjen e Kombeve. Peshkopi Nikodhim nga Kisha e Shën Gjergjit në Boston nëpërmjet video mesazhit bekoi të pranishmit në sallë. Ambasadori i Shqipërisë në Uashington Ervin Bushati e krahasoi personalitetin, peshën dhe rolin e Imzot Nolit për kombin shqiptar e kulturën kombëtare në nivel të Skënderbeut dhe Nënë Terezës. Ambasadori Blerim Reka veçoi Nolin si prijës fetar, politikan e diplomat, duke e cilësuar diplomatin e parë shqiptar që punoi në diplomacinë ndërkombëtare.

Neka Doko drejtoresha e Bibliotekës Noliane shpjegoi për të pranishmit rrugëtimin dhe përgatitjen 4 vjeçare të evenimentit në bashkëpunim me Arkivin e Gjenevës. Nancy Kajo lexoi kumtesën e Prof. Nick Pano ku u fokusua te roli dhe kontributi i Fan Nolit në Kishën Ortodokse të Shën Gjergjit, gazetën Dielli dhe Federatën Pan-Shqiptare të Amerikës Vatra. Dr. Elmi Berisha, kryetari i Federatës Vatra në fjalën e tij u shpreh se Noli është ndër figurat më të shquara kombëtare të shekullit të kaluar, Noli ishte bekim nga Zoti për popullin, kombin, shtetin dhe emigracionin kombëtar shqiptar në Shtetet e Bashkuara të Amerikës. Sipas z.Berisha Imzot Noli ishte intelektual, përkthyes dhe shkrimtar i kalibrit botëror. Më tej foli rreth kontributit të Imzot Nolit për kombin shqiptar. Editori i Diellit u shpreh se Imzot Noli me veprimtarinë politike, fetare, diplomatike e komunitare, letërkëmbimet e shumta me personalitete botërore si politikanë, diplomatë e shkrimtarë, Imzot Noli themeloi diplomacinë shumëplanëshe të shtetit shqiptar. Imzot Noli krijoi një shkollë të mendimit politik e oratorisë shqiptare në skenën politike të Shqipërisë së viteve 20-30-të. Editori përpara fjalës së tij ftoi të gjithë të pranishmit për 1 minutë heshtje në nderim të gazetarit Astrit Lulushi ndarë nga jeta pak ditë më parë. Studiuesi Ilir Ikonomi shpjegoi rrugëtimin e Imzot Nolit nga përpjekja për tu bërë deputet shqiptar në Shqipëri, për themelimin e Kishës Ortodokse Shqiptare, te mos lejimi për të zbritur në Durrës e deri te dërgimi si përfaques i shtetit shqiptar në Lidhjen e Kombeve, ardhjen më 8 prill 1921 të Nolit si hero në Shqipëri pas suksesit në Lidhjen e Kombeve. Evans Liolin në fjalën e tij paraqiti aspekte rreth fjalimit të Atë Arthur Liolin për trashëgiminë e Metropolit Fan Noli, “Fan S. Noli dhe ndërgjegjja shqiptare”, ndërsa kryetari i Vatrës në Boston z.Mentor Maksutaj shpjegoi për të pranishmit arritjet e degës së Vatrës në Boston dhe projektet për të ardhmen për të ndihmuar digjitalizimin e Bibliotekës së Fan Nolit në Boston. Enriketa Kalldremxhiu- Barbey nga Gjeneva solli me video dokumente arkivore dhe mediatike autentike rreth veprimtarisë së Fan Nolit në Lidhjen e Kombeve. Programi ka vazhduar si më poshtë:

Entela Komnino- Fan Noli’s Perorate for Albania– Ligjerimi per Shqiperine- at the League of Nations, Ph.D., Dr.Afrim Shabani – The Musicological Process of Fan S. Noli: Beethoven and the French Revolution, Dr.Ines Murzaku- Unity in Diversity: Noli’s Ecumenical Legacy, Dr.Gazmend Kapllani – Noli’s Academic & Historic Legacy from Beethoven and the French Revolution to George Castrioti Scanderbeg, Neka Doko- Fan S. Noli, Heart- Mind- Soul- all Aligned for the Albanian Nation, Multilateral Enlightenment and Spiritual Realization, Faton Limani- Department Administrator; Albanian Language Lecturer. Eva Stathi – Misho- Student Coordinator, Harvard University. Cambridge. MA, Dr. Yllka Filipi- Fan Noli Between Albania and America: The Symbol of Self Sacrifice for the Sake of National Interests, Dr. Arjeta F. Kotrri- Research Perspectives on Fan Noli’s Creative Writing. From the Experience of the Poetic Classic Book Albumi, New Publication, Elona Lopari- Noli’s Inspiring Mission Driven Leadership Ahead of Time and Generations.

Gazeta “Dielli” do të publikojë të gjitha kumtesat e Simpoziumit dhe në formatin Print do të sjellë një reportazh më të gjatë rreth këtij aktiviteti historik kushtuar shqiptarit të madh Imzot Fan Noli.

Gazeta Dielli – Owned and published by the Pan-Albanian Federation of America -VATRA

2437 Southern Blvd, Bronx, NY, 10458

Uashington, 29 Gusht 2024 – Federata Pan-Shqiptare e Amerikës Vatra u prit në Departamentin e Shtetit Amerikan. Delegacioni zyrtar i Vatrës i kryesuar nga kryetari Dr. Elmi Berisha, nënkryetari z.Alfons Grishaj, kryetari i Këshillit të Vatrës z.Kolec Ndoja, drejtori i degëve z.Mondi Rakaj dhe arkëtari i Vatrës z.Besim Malota, u takuan me z. Alexander Kasanof zëvendës ndihmës Sekretari për Ballkanin Perëndimor, Shtypin dhe Diplomacinë Publike në Byronë e Çështjeve Evropiane dhe Euroaziatike. Takimi zyrtar prej një ore ishte i hapur dhe i përzemërt, ku u sollën në vëmendje disa pika thelbësore të çeshtjes shqiptare në përgjithësi. Kryetari i Vatrës, Dr. Elmi Berisha paraqiti një tablo të detajuar mbi situatën në Ballkanin Perëndimor e veçanërisht Kosovës dhe Shqipërisë. Të gjithë anëtarët e delegacionit zyrtar të Vatrës dhanë mendime të vyera, ide dhe pikëpamje profesionale për situatën në Kosovë dhe Shqipëri.

Z. Kasanof siguroi partneritetin midis Departamentit të Shtetit dhe Federatës Vatra. Ai theksoi se impenjimi i tij do të jetë maksimal për zgjidhjen e problemeve të Kosovës dhe në Ballkanin Perëndimor. Njëkohësisht ai garantoi që në mandatin e tij bashkëpunimi midis zyrës së tij dhe Vatrës vetëm do të fuqizohet në interesin e përbashkët.

Sokol Paja/

New York, 22 Gusht 2024- Kongresisti republikan Keith Self përfaqësuesi i Distriktit të 3-të në Teksas vizitoi Federatën Pan-Shqiptare të Amerikës Vatra i shoqëruar nga Gino Mulliqi, Këshilltar Bashkiak në qytetin Wylie në Teksas dhe aktivisti i komunitetit shqiptar në Texas, Doc Vranici drejtues i “Albanians for America”. Në fjalën e mirëseardhjes kryetari i Vatrës Dr. Elmi Berisha shprehu mirënjohjen e thellë dhe vlerësimin e lartë për Kongresistin Keith Self, lidhjen e tij me kombin tonë dhe diskutoi rreth kontributit historik që Shtetet e Bashkuara të Amerikës i kanë dhënë kombit shqiptar. Përgjatë fjalës së tij Dr. Berisha kërkoi mbështetjen e kongresistit Keith Self në aprovimin e ambasadorit amerikan në Tiranë David Kostelancik dhe ambasadorin amerikan në Mal të Zi Bix Aliu, emërime këto kaq të nevojshme dhe të domosdoshme në një kohë që po rritet ndërhyrja e trysnia ruse në Ballkan. Kongresisti republikan Keith Self shprehi kënaqësi e respekt për vizitën te Vatra i shoqëruar nga veprimtarë të komunitetit shqiptar në Texas. Ai kujtoi kohën e bashkëpunimit me gjeneral Wesley Clarc, takimin me presidentin e Shqipërisë e Kosovës, kryeministrin e Kosovës dhe mbështetjen ndaj shqiptarëve përgjatë veprimtarisë së tij në Uashington. Gino Mulliqi, Këshilltar Bashkiak në qytetin Wylie në Teksas vlerësoi punën e jashtëzakonshme të Vatrës dhe vlerësoi Kongresistin për ndihmën në çështjen e Kosovës ku renditi ndihmën në kohën e bombardimeve të Serbisë nga NATO ku kongresisti Self kordinoi ushtarë nga 37 vende të ndryshme të botës në kohën e luftës së Kosovës. Kemi nevojë për miq të fortë në Uashington për të kontribuar për çështjen kombëtare, tha ndër të tjera z.Mulliqi. Veprimtari Doc Vranici drejtues i “Albanians for America” e cilësoi takimin në Vatër shumë të rëndësishëm dhe emocio al në respekt të historisë së Vatrës dhe komunitetit shqiptar në Shtetet e Bashkuara të Amerikës. Delegacioni i Vatrës përbëhej nga kryetari i Vatrës Dr. Elmi Berisha, sekretari Dr. Pashko Camaj, editori i Diellit, anëtari i kryesisë Ilir Cubi dhe veprimtari Anton Raja.