Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

FESTA SHQIPTARO-AMERIKANE E PAVARËSISË SË KOSOVËS KULMON NË RADISSON HOTEL NË MANHATTAN

by

Konsullata e Përgjithshme e Kosovës, Mark Gjonaj dhe komuniteti Shqiptaro-Amerikan organizuan në Manhattan një ceremoni festive me rastin e 12-të vjetorit tëPavarësisë së Kosovës, ku morën pjesë Trupa Diplomatike dhe Komuniteti Shqiptar. E pranishme edhe ambasadorja e Amerikës në Tiranë zonja Yuri Kim./

Nga Keze Kozeta Zylo/

Në Manhattan në mjediset e hotelit “Radison” u organizua një ceremoni festive me rastin e 12 vjetorit të Pavarësisë së Kosovës Aktiviteti u organizua nga Konsullata e Përgjithshme e Kosovës nën drejtimin e AmbasadoresTeuta Sahatqija në bashkëpunim me Këshilltarin në Bashkinë e Nju Jorkut z.Mark Gjonaj dhe organizatat në Diasporë.Në këtë ceremoni nderoi me pjesëmarrjen e saj Ambasadorja e Amerikës në Shqipëri znj.Yuri Kim.Ishte vërtetë një surprizë ardhja e saj, kur unë e pyeta gjatë intervistës se pak orë kam që ju kam lexuar në faqen tuaj të Ambasadës në Internet që ju ishit në Tiranë, ajo m’u pergjigj se po vi direkt nga aeroporti dhe nuk mund të mungoja për këtë festë të rëndësishme për Pavarësinë e Kosovës… Aktiviteti u transmetua direkt nga TV “Alba Life”, një transmetim që realizohet për herë të parë drejpërsëdrejti nga salla ku u mbajt ceremonia. Për këtë më duhet të falënderoj bashkëpunëtorët e TV “Alba Life” si Valon Gërbeshi dhe Bujar Sadikaj të cilët profesionalisht dhe me përkushtim punuan fort për ta realizuar transmetimin në kanalin televiziv.Pranë kamerave ne sollëm, komandantë, gjeneralë, ambasadorë, aktivistë, bizenesmenë, gazetarë, editorë, fotograf të mirënjohur, mësues nga Shkolla Shqipe “Alba Life” dhe mbi të gjitha Ushtarë trima të UÇK-së, bijtë e Lirisë që populli do t’ju jetë përjetësisht mirënjohes si komandantin e batalionit “Atlantiku” z.Gani Shehu, Blerim Gjocaj etj. Ndërsa për Qerim Gjocaj, kur e solla para mikrofonit dhe kamerave dhe thashë se ky Bir i UCK-së luftoi me armë për Kosovën dhe i ngrita njerën dorë se tjetrën e la aty në Kosove nuk mund të vazhdoja me nga mbytja e lotëve. E njoh mirë historinë e kësaj familje të nderuar të Kosovës dhe të Kombit tim…

Dashuri dhe respekt për UÇK-në, përjetësisht mirënjohje! Pjesëmarresit u argëtuan nën tingujt e DJ Sammy dhe me interpretimin e artistëve të mirënjohur si Ergin Oda, Mira Konçi dhe Elona Muça.Pjesa e parë e këtij aktiviteti ishte nën kujdesin e Konsullatës së Përgjithshme të RKS në New York ku ishin të ftuar Ambasadorë të Misioneve pranë Kombeve të Bashkuara, Konsujt ePërgjithshëm, diplomat dhe përfaqësues të komunitetit.

Nderoi Shoqata e policisë së Nju Jorkut NYPD “Illyrian” të cilët parakaluan me flamujtë e Kosovës dhe SHBA-s. Pjesa e dytë ishte nën organizimin dhe kujdesin e Këshilltarit të Bashkisë së Nju Jorkut, z.Mark Gjonaj dhe shoqatat shqiptare në New York. Sipas Ambasadores Sahatqija ishte hera e parë një bashkëorganizim dy pjesësh të Konsullatës dhe Komunitetit.

Gezuar Kosovë!

Gëzuar vëllezër dhe motra shqiptarë!

Nga fjala e Konsulles së Përgjithshme të Kosovës në Manhattan Ambasadore Sahatqija…

I dashur Këshilltar ne Bashkine e Nju Jorkut z. Mark Gjonaj,Të nderuar ambasadorë, diplomatë, artistë,E nderuar ambasadore amerikane në Shqipëri znj. Yuri Kim

Zonja dhe zoterinj,

Të dashur vëllezër dhe motra,Kjo festë është behet dhe më e bukur sot me njohjen nga shteti I Xhamajkes per Kosoven.Kjo festë është në koordinim dhe mbështetje të plotë të diasporës sonë të çmuar dhe shumë sponsorëve.Më lejoni t’ju shpreh respektin dhe vlerësimin e thellë për mikun tim të dashur Këshilltar MarkGjonaj, udhëheqjen e tij brenda komunitetit shqiptar dhe përkushtimin për të bashkuar shoqatat, bizneset, miqtë, komunitetin për ta bërë këtë festë më domethënëse. Diaspora na mbajti shpresat për liri kur Kosova po përjetonte aparteidën e fundit në mes të Evropës. Diaspora ishte me ne kur regjimi kriminal serb i Miloshevic drejtoi spastrimin etnik dhe genocidin kundër popullatës shqiptare të Kosovës. Në 90 ‘ata treguan historinë e shtypjes, të shkeljes së të drejtave të njeriut, të vrasjeve në Kosovë,para KB, Kongresit amerikan dhe gjetkë. Komuniteti shqiptar ishte zëri ynë kur ne nuk e kishim zërin.Të dashur vëllezër dhe motra,12 vjet më parë, më 17 shkurt 2008, Parlamenti shpalli Pavarësinë e Republikës së Kosovës. Ishte një nga ditët më të ftohta që mbaj mend, njerëzit ishin nëpër rrugë duke mos vërejtur të ftohtin jashtëzakonisht të madh, duke dëshmuar lindjen e shtetit tonë, duke jetuar ëndrrën, duke qenë të vetëdijshëm për shumë gjenerata që nuk bënë të shohin lirinë dhe shtetësinë e Kosova, duke qenë mirënjohës për kontributin e tyre.

Mirënjohës për Presidentin Historik Ibrahim Rugova dhe rezistencën paqësore, për Adem Jasharin dhe Ushtrinë Clirimtare, për SHBA dhe të gjitha vendet përparimtare që ndaluangenocidin dhe ndihmuan për të sjellë paqen në Kosovë. Sot ne festojmë 12 vitet e Pavarësisë së Kosovës të rrethuar me shumë miq, duke festuar shumë suksese, duke qenë të vetëdijshëm për shumë sfida dhe një punë për të bërë para nesh.Kosova sot është një anëtar i respektuar i bashkësisë ndërkombëtare që i jep vlerë të shtuar sigurisë, sigurisë, sportit, muzikës, artit në botë. Biznesi modern dhe i gjallë po gjen rrugën e tij drejt tregjeve të reja për produktet e tyre, qoftë IT, shërbime, mobilje me cilësi të lartë, turizëm, miniera apo produkte bujqësore. Judokët tanë e vendosën Kosovën në samitet më të larta të xhudos në botë.Lojtarët e futbollit kosovar, shumica prej tyre fëmijë refugjatë në 1999, po bëjnë krenarë ekipet më të mira të futbollit në botë.

Këngëtarët më të mirë të muzikes poop në botë janë vajza krenare kosovare, Rita Ora, Dua Lipa, Era Istrefi etj. Malet më të larta botërore janë pajtuar nga vajzat e Kosovës duke i treguar botës se qielli është kufiri kur ju merrni mundësinë. Më në fund Kosova mori mundësinë, shansin për të qenë gjallë, shansin për të garuar, shansin për të shtuar vlerë, shansin për të qenë pjesë e botës.

Zonja dhe zoterinj,

Ju lutem bashkohuni me mua në festimin e 12 vjetorit të Pavarësisë së Kosovës. Le të ngremë gotën e verës së Kosovës, të provojmë disa ushqime të shijshme shqiptare të Kosovës dhe të dëgjojmë këngët dhe muzikën tonë kombëtare.

Gezuar!

Manhattan, 2020

URDHRI “HERO I KOSOVËS” PËR KOMANDANTIN SHABAN POLLUZHA

by

-Presidenti: Shaban Polluzha ishte frymëzues për shumë breza në përpjekjet për liri dhe pavarësi/

PRISHTINË, 21 Shkurt 2020-Gazeta DIELLI/ Presidenti i Republikës së Kosovës, Hashim Thaçi, sot ka marrë pjesë në Akademinë Përkujtimore për heroin Shaban Polluzha, me rastin e 75 vjetorit të rënies së tij.

Presidenti Thaçi ka thënë se sot kujtojmë dhe nderojmë me pietetin më të lartë dhe me përgjegjësinë më të lartë shtetërore Shaban Polluzhën dhe të gjithë bashkëluftëtarët e tij.

“Është në nderin e kombit shqiptar rreshtimi në kampin antifashist në periudhën e Luftës së Dytë Botërore. Rreshtim me vlerat demokratike dhe civilizuese. Radhitja në bllokun antifashist ishte shpresë se çështja e Kosovës do të zgjidhej, duke u bazuar në vullnetin politik të njerëzve të Kosovës. Ky vullnet ishte shprehur në Konferencën e Bujanit. Por, për fat të keq ëndrra për çlirim dhe bashkim me Shqipërinë do të vritej nga kreu politik dhe ushtarak jugosllav. Kjo shpresë u vra edhe nga njerëzit e instaluar të Jugosllavisë në Kosovë”, u shpreh presidenti Thaçi.

Kreu i shtetit theksoi se Kosova dhe Drenica përjetuan terrorin dhe krimet më të tmerrshme të diktaturës komuniste në dimrin e vitit 1944-1945.

“Periudha tremujore: dhjetor 1944, janar dhe shkurt 1945, ishte ndër periudhat më tragjike, por edhe më heroike e popullit shqiptar në Kosovë. Një burrë Drenice, në moshën 74 vjeçare, kishte vendosur që ta ndajë fatin dhe udhëheq popullin e pambrojtur. Me paramendim dhe me strategji të qartë antishqiptare, kreu politik e ushtarak i Jugosllavisë me gjithë aparatin shtetëror filloi zbatimin e likuidimit të çdo atdhetari që kundërshtonte Jugosllavinë. Mijëra shtëpi u dogjën, mijëra civilë të pa armatosur u vranë dhe u masakruan. Më 8 shkurt 1945, kreu jugosllav e futi Kosovën nën masat e administrimit ushtarak, duke shpallur gjendjen e jashtëzakonshme”, ka thënë presidenti Thaçi.

Ai shtoi se objekt i këtij i këtij administrimi u bë e tërë Kosova, me fokus të veçantë Drenica e Hasan Prishtinës dhe Azem e Shotë Galicës.

“Synim i sulmit dhe goditjes u bë Drenica e komandantit Shaban Polluzha dhe Mehmet Gradica. Ai në krye të një numri të madh luftëtarësh vendosi që ta ndajë fatin me njerëzit e pambrojtur. Rezistenca u shua me gjak. Pas shuarjes së kryengritjes së Shaban Polluzhës, Kosova dhunshëm u aneksua nga Serbia në korrik të vitit 1945 në Mbledhjen e Prizrenit. Ky krim do të mbahej gjatë i heshtur”, u shpreh ai.

Presidenti Thaçi shtoi se zona ku ndodhi kryengritja më e madhe antikomuniste pas luftës së Dytë Botërore u diskriminua për 5 dekada me radhë.

“U diskriminua me moszhvillim, me izolim, me injorim nga të gjitha pushtetet që u instaluan në atë kohë, ai jugosllav dhe ai i instaluar në Kosovë. Emri i komandantit Shaban Polluzha u ndalua zyrtarisht, por asnjëherë nga mendjet e ndritura dhe zemrat e pastra atdhetare në Kosovë. Historia ndërroi rrjedhën dhe nga një figurë e ndaluar, Shaban Polluzha sot zë vendin e duhur në historinë moderne të Kosovës”, ka thënë presidenti Thaçi, duke shtuar se ai qëndroi në anën e popullit në të gjitha periudhat e historisë.

“Ai mbrojti popullatën boshnjake nga sulmet çetnike në Kolashin dhe Novi Pazar, dhe ende në kujtesën e tyre çmohet si hero. Në periudhën e sundimit turk, pastaj serb, bullgar, italian dhe gjerman, Shaban Polluzha mbrojti interesat kombëtare të Kosovës. Sado në kushte jo të favorshme historike, me luftën e tij kundër aspiratave shoviniste dhe shkombëtarizuese të komunizmit jugosllav, Shaban Polluzha u bë frymëzues për breza të tërë, që u angazhuan për lirinë dhe pavarësinë e Kosovës”, u shpreh presidenti Thaçi.

I pari i vendit theksoi se pa luftën e Shaban Polluzhës, Mehmet Gradicës dhe gjithë bashkëluftëtarëve të tyre nga Drenica dhe gjitha hapësirat shqiptare në Kosovë dhe jashtë saj nuk do të ndodhnin as rezistencat e mëvonshme të Lëvizjes Kombëtare të Kosovës, si Lëvizja për Liri, Pavarësi e Bashkim e simbolit të rezistencës Adem Demaçi, demonstratat e vitit 68 dhe 81 për Republikë dhe Pavarësi, as grevat e minatorëve dhe nuk do të ndodhte as ky progres i Kosovës e nuk do të lindte as Ushtria Çlirimtare e Kosovës, si dhe nuk do të ndodhte fare liria dhe pavarësia e Kosovës.

“Çdoherë me përulësi do ta kujtojmë jetën, veprën dhe luftën e komandantit Shaban Polluzha, Mehmet Gradicës dhe gjithë bashkëluftëtarëve ndër breza që dhanë jetën për lirinë dhe pavarësinë e Kosovës”, përfundoi presidenti Thaçi.

Në kuadër të kompetencave të tij kushtetuese, Presidenti i Republikës së Kosovës sot ndau urdhrin “Hero i Kosovës” për komandantin Shaban Polluzha.

Remarks by Ambassador Teuta Sahatqija at the 12th Anniversary of Independence in Kosovo

by

It is my great privilege to welcome you to the reception on the occasion of the 12th anniversary of the Independence of the Republic of Kosova.

This celebration is even more special to us in New York. This celebration is in full coordination and support of our precious diaspora and many sponsors.

Let me express my deep respect and appreciation to my dear friend Councilman Mark Gjonaj, his leadership within the Albanian community, and dedication to bring together associations, businesses, friends, community to make this celebration more meaningful.

Diaspora kept our hopes for freedom when Kosovo was experiencing the last apartheid in the middle of Europe. Diaspora was with us when criminal Serb regime of Miloshevic led ethnic cleansing and genocide against Albanian population of Kosova.

In 90’ they told the story of oppression, of violation of human rights, of killings in Kosova, in front of UN, of US Congress and elsewhere.

Albanian community was our voice when we didn’t have the voice.

12 years ago, on 17th of February 2008, Parliament declared the Independence of Republic of Kosova.

It was one of the coldest day I remember, People were all over the streets not noticing the enormous cold, witnessing the birth of our state, living the dream, aware of many generations that didn’t make to see the freedom and the statehood of Kosova, being grateful for their contribution.

Grateful to Historic President Ibrahim Rugova and the peaceful resistance, to Adem Jashari and the Liberation Army, to USA and all progressive countries who stopped the genocide and helped to bring peace to Kosova.

Today we celebrate the 12th years of Kosovo’s Independence surrounded with a lot of friends, celebrating many successes, being aware of a lot of challenges and a work to do in front of us.

Kosova today is a respectable member of international community bringing added value to the world’s security, safety, sport, music, art.

The modern and vibrant business is finding its way to new markets for their products, whether it is IT, services, high quality furniture, tourism, mining or agriculture products.

Our Judokas put Kosovo in the highest summits of the world’s Judo.

Kosovo soccer players, most of them baby refugees in 1999, are making proud the best soccer teams of the world.

The world best pop singers are proud Kosovar girls, Rita Ora, Dua Lipa, Era Istrefi,

The highest world mountains are concurred by Kosovo girls showing to the world that sky is the limit when you get the chance.

Kosovo finally got the chance, the chance to be alive, the chance to compete, the chance to add value, the chance to be a part of the world.

Ladies and gentlemen,

Please join me in celebration of 12th anniversary of Kosovo’s Independence. Let us raise the glass of Kosovo wine, try some delicious Kosovo Albanian food and listen to our national songs and music.

Cheers!

20.02.2020; Radisson Hotel

VATRA, PRITJE FESTIVE PËR 12 VJETORIN E PAVARËSISË SË KOSOVËS

by

 Morën pjesë Ambasadorja Teuta Sahatqija me personelin diplomatik, akademiku Prof. Dr. Isuf Dedushaj, biznesmeni dhe veprimtari i njohur Harry Bajraktari, Kryetari i Shoqatës Atlantiku Gani Shehu, Kryetari i shoqatës së Shkrimtarëve Shqiptaro-Amerikanë Mhill Velaj e të tjerë./

Të Martën në mbrëmje në selinë e Federatës Pan Shqiptare të Amerikës VATRA u organizua një pritje festive kushtuar 12 Vjetorit të Pavarësisë së Kosovës. Së bashku me Vatrën festoi edhe Misioni i Kosovës & Konsullata e Përgjithshme. Kreu i Misionit zonja Teuta Sahatqija shoqërohej nga këshilltarja Albana Bylykbashi, Sekretaret e Misionit Ines Demiri dhe Butrint Ymeri. I ftuar ishte edhe ish Komandanti i batalionit Atlantiku, tash Kryetar i Shoqatës Atlantiku Gani Shehu. Në mesin e vatranëve ishte i ftuar dhe biznesmeni i njohur, veprimtari i Komunitetit dhe mbështetës i Vatrës z. Harry Bajraktari, themelues i gazetës shqiptaro-amerikane Illyria. Po ashtu ishte ftuar akademik Prof. dr. Isuf Dedushaj dhe miq të tjerë të Vatrës. 
Kryetari i Vatrës z. Elmi Berisha, u ka uruar mirëseardhjen mysafirëve i shoqëruar nga Presidenti i nderit Agim Rexhaj, nga sekretarja Nazo Veliu, nënkryetarët Ervis Dine, Dr. Pashko Camaj, Besim Malota, nga anëtarët e kryesisë Zef Balaj, Idriz lamaj,Anton Raja, Mark Mrnaçaj,Marjan Cubi, anëtarët e Këshillit: Agim Aliçkaj, Arjeta Ferlushkaj,Rafaela Prifti, Mehmet Kadrija,Mhill Velaj, Ismer Mjeku, Shkumbin Tetaj, ish nënkryetari Asllan Bushati e të tjerë. Fillimisht janë takuar gotat për Pavarësinë e Kosovës dhe janë përcjellë urime. Më pas Kryetari Berisha ka mbajtë fjalën e përshëndetjes me rastin e Pavarësisë së Kosovës, të cilën do ta botojmë të plotë në Diellin në print.
Ambasadorja Teuta Sahatqija ka uruar festën e Pavarësisë duke shprehur kënaqësinë që ishte bashkë me personelin diplomatik të Misionit këtu në Vatrën e ngrohtë shqiptare. Ajo tha se vizitën e parë të saj në komunitetin shqiptar kur nisi detyrën diplomatike në Nju Jork, e bëri në Vatër, dhe që prej asaj kohe marrëdhëniet kanë qenë të ngrohta.
Ambasadorja Teuta Sahatqija, e shoqëruar nga diplomatët e Konsullatës së Përgjithshme të Republikës së Kosovës në Nju Jork, shfrytëzoi rastin ta urojë z. Berishën për zgjedhjen e tij rishtazi si i pari i Vatrës. Njëkohësisht, krahas një urimi të përzemërt për përvjetorin e Pavarësisë së Kosovës, me një urim të veçantë për kontributin e dhënë për çështjen kombëtare, zonja Sahatqija e përgëzoi edhe gazetën “Dielli” në Nju Jork, me rastin e 111-vjetorit të themelimit të saj. Në Letrën Uruese dorëzuar Kryetarit të Vatrës zonja Sahatqija vlerësonte rolin që ka luajtë kjo gazetë për 111 vite.”Përvjetori i Diellit, shkruante ajo, përkon afër edhe me atë të Pavareësisë së Kosovës. Muaji Shkurt shënon edhe ditëlindjen e Republikës së Kosovës. Në 12 vjetorin e Lindjes së Republikës së Kosovës, kujtojmë bijtë dhe bijat më të mira që dhanë më të çmushmen e tyre-jetën, që ne të jetojmë të lirë.
Gazeta Dielli-organ i federatës mbarëshqiptare VATRA në Nju Jork, vazhdon edhe sot të luajë rolin e udhëheqësit të veprimtarisë patriotike në komunitetin shqiptaro-amerikan dhe të forcimit të miqësisë me vendin tonë mik, Amerikës. Kontributi i saj për çështjen tonë kombëtare do të mbetet i pazëvendësueshëm.Ju përgëzojmë për punën e mrekullueshme që bëni!-Ambasadore:Teuta Sahatqija.
Presidenti i nderit i Vatrës Agim Rexhaj ka përcjellë një urim të veçantë për Pavarësinë e Kosovës, duke i falenderuar pjesmarrësit. Ai tha se kjo ishet një ditë e shënuar për Kosovën dhe në këtë ditë nuk mund të mos përmendim arkitektin e Pavarësisë dr. Ibrahim Rugova.
Gani Shehu, kryetar i shoqatës Atlantiku krahas mesazhit të urimit për përvjetorin e 12-të të Pavarësisë së Kosovës përcolli dhe nderimin për luftëtarët e Lirisë, dëshmorët dhe heronjtë si dhe për batalionin Atlantiku dhe dëshmorët e tij, vëllezërit: Ylli, Agron dhe Mehmet Bytyqi.
Z. Harry Bajraktari ka falenderuar kryetarin Elmi Berisha për ftesën, ka uruar ambasadoren Sahatqija dhe të gjithë pjesmarrësit për festën e Pavarësisë së Kosovës. Ai tha se detyra e diapsorës nuk ka përfunduar dhe Vatra dhe ne të gjithë duhet të vazhdojmë t’i shërbejmë çështjes Kombëtare dhe të lobojmë më fort.
Dr. Isuf Dedushaj, tha se ndjehej i privilegjuar që këtë përvjetor të Pavarësisë së Kosovës po e fetsone bashkë me vatranët në Shtëpinë e Vatrës. U përula para këtyre burrave të mençur të Vatrës që bënë shuëm për Shqipërinë, tha ai duek u drejtuar nga Noli dhe Konica… Ju shqiptarët e Amerikës keni bërë shumë për Lirinë dhe Pavarësinë e Kosovës. Dëshmorët nderohen të parët në përvjetorë të tillë. Po shoh këtu në Vatër portretet e Dr. Rugovës dhe të heroit Adem Jashari. Ndjehem mirë sepse secili kontribuoi për lirinë e Kosovës, Adem Jashari me të gjithë familjen dha ç’ka kishte më të shtrenjtë për Lirinë_jetën, ndërsa dr. Rugova na ruajti nga kasaphana serbe duke mos u nxitua që të na fuste në vorbullën e luftës në kulmin e kaspahanës, por duke pritur momentin e favorshëm, kur bota ta kishte mendjen tek ne. Dhe nuk u gabua. Ai tërhoqi me vete fuqinë më të madhe të kohës, Amerikën dhe Evropa erdhi pas.
Më pas kanë përshëndetur Nazo Veliu, Zef Balaj, Dr. Pashko Camaj e të tjerë!
Festa u shoqërua me pije dhe ushqime të shumëllojshme. Pijet ishin prodhim Kosove-Stone Castel të biznesmenit Rrustem Gecaj, ndërsa ushqimet u sponsorizuar nga bashkatdhetarët: Tony Musaj, Isa Brijaj, Milaim Ukhaxhaj e të tjerë.
Tony Musaj, pronar i Europian Market tha për Diellin se ai ishte përpjekur që të sillte ushqime dhe pije nga Shqipëria etnike: djathi prej Gjirokastre, ullinjtë nga Berati, spece të mbushura me djath nga Kosova, qebapa e qofte, pije energjike nga Golden Eagel prej Kosove, Ivi nga Shqipëria, biskota dhe llokume, Bakllava prej Tirane etj.
“DARDANIA” është njësia më e re tregtare e Tony(Tush) Musaj, e sapo hapur me 80 përqind të produkteve nga Shqipëria dhe Kosova, që ndodhet në adresën: 2000 Continental Ave, Bronx, New York 10461.
Vatra i falenderon përzemërsisht të gjithë sponsorizuesit për bujarinë e tyre.(Gjerësisht do të lexoni në Diellin e printuar)

Fotografi nga festimi i 12 vjetorit te Pavaresise se Kosoves ne Vater.

*Me shume fotografi shine ne Fb dielli vatra.

DIALOG NË GJUHËN AMTARE NË DITËN E GJUHËS AMTARE

by

21 shkurti është dita e gjuhês amtare, një ditë që njihet dhe nuk njihet, një ditë që pa asnjë dyshim është tradita më e bukur të cilit po i kushtojmë këtë dialog me Drita Gjongecaj, drejtuese në arsimin publik në Nju Jork, krijuese e shkollës shqipe “Children of the Eagle”, ideatore dhe zbatuese e Seminarit të përvitshëm mbi gjuhën shqipe dhe pêrsosjen e saj në Diasporë.

Marjana Bulku: -A është gjuha shqipe një sfidë e së ardhmes për gjeneratat që rriten këtu? 

Drita Gjongecaj: Gjuha shqipe është një sfidë e pamohueshme për gjeneratat që po rriten në diasporë, sfidë që përfshin disa aspekte që lidhen me vetë natyrën e jetesës në vend të huaj. Ndonëse dëshira dhe ndërgjegjësimi i emigrantëve mbi rëndësinë e ruajtjes së gjuhës në përgjithësi egziston, një faktor që e vështirëson atë është qasja që vetë shqiptarët i bëjnë këtij problemi. 
Shumë prindër që kanë ardhur në moshë madhore në Amerikë, mendojnë se mund t’ia dalin vetë t’ua mësojnë shqipen fëmijëve dhe nuk u bashkohen programeve shkollore që ofrohen. Praktika ka treguar në më të shumtën e rasteve që prindërit kanë dështuar në këtë drejtim pasi gjuha vendase, ngarkesa e jetës së përditshme, koha e pakët për ata që punojnë, etj, e kufizojnë mundësinë e përmbushjes së saj. Shumë herë prindërit kanë edhe konceptin e gabuar që përdorimi i shqipes do t’i lërë mbrapa me anglishten, pa harruar këtu edhe atë kategori prindërish që për të përparuar vetë me anglishten, flasin me fëmijët vetëm në anglisht. 
Përdorimi masiv i teknologjisë është një tjetër faktor që stimulon gjuhën vendase. Po ashtu, mjedisi ku jetojmë nuk e mbështet familjarizimin me gjuhën shqipe; në shkollë, punë, madje edhe në familje pak flitet shqip. Nuk duhet harruar në mes të tjerash që shqipja nuk është gjuhë e lehtë për t’u mësuar, nuk ka ngjashmëri me gjuhen angleze dhe se gramatika, format e ndryshme që marrin fjalët gjatë përdorimi në fjali e vështirësojnë atë edhe më shumë. Gjithsesi vihet re një tendencë dhe dëshirë e të rinjve për të mësuar shqip dhe kjo premton për më shumë. Ne kemi edhe të rritur që marrin mësime gjuhe në shkollën tonë dhe ky sinjal vërteton vullnetin dashamirës ndaj gjuhës tonë.

Marjana Bulku: -Qasja juaj ndaj këtij proçesi që zgjat gjithë jetën duket shumë interesant, ju i afroheni fëmijëve përmes edukimit në klasë, përmes metodologjive më të mira, një stafi mësimdhënësish tejet vital, faktorëve ndihmës dhe nxitës si; vizitat, projektet, ftesat, seminaret, etj;si mendoni cilat rezultojnë më të dashura për fëmijët sipas jush?

Drita Gjongecaj: Për ne, shumëllojshmëria e metodave mbetet prioritare në mënyrë që të mbajmë gjallë e ta shtojmë interesin e fëmijëve dhe të të rinjve ndaj mësimit të gjuhës shqipe. Dihet që fëmijët dhe rinia e sotme e kanë kohëzgjatjen e fokusimit më të shkurtër se ç’ka qenë para kohës së elektronikës; domethënë ata nuk e preferojnë shumë metodën tradicionale të mësimit. Më shumë pëlqehet mësimi përmes lojës sidomos për moshat e vogla. Kjo metodë është jo vetëm zbavitëse por u jep edhe mundësinë e të përsëriturit që është kyçi i mësimit të një gjuhe. Mësimi nëpërmjët teknologjisë është po aq i preferuar dhe frutdhënës. 
Një nga risitë që ne kemi sjellë në programin tonë janë vizitat që kemi mundësuar për fëmijët në vende ku flitet shqip, ku ka histori, letërsi, art dhe kulture shqiptare, etj. Vizitat e organizuara në ambientet e Shoqatës Vatra, Konsullatës së Përgjithshme të Kosovës, shëtitja në pjesën tregtare të Arthur Ave, etj. janë experienca të pashlyeshme që i japin kuptim real atyre që mësohen në klasë dhe njëkohësisht përforcojnë mësimin e gjuhës. 
Ajo që e bën të veçantë dhe superiore shkollën shqipe Children of the Eagle është se mësueset tona kanë kualifikimin më të lartë në mësimdhënie; ato janë profesioniste të licensuara dhe aktualisht punojnë me kohë të plotë në Departamentin e Arsimit të NY. Me fjalë të tjera, stafi ynë jo vetëm flet shqip por edhe i njeh metodat bashkëkohore mësimore, njeh edhe psikologjinë e fëmijëve të lindur e rritur në Amerikë. 

Marjana Bulku: – Miqtë e shkollës shqipe “Children of the Eagle” sa rol, peshë dhe rëndësi kanë ato?

Drita Gjongecaj: Miqtë i kemi të shumtë dhe të çmuar dhe mund të themi pa frikë se miqtë dhe bashkëpunëtorët më të afërt të shkollës shqipe janë vetë prindërit. Prej tyre kërkohet një angazhim i madh që të gjejnë kohën t’i sjellin fëmijët në shkollë. Ata gjithashtu punojnë krahas mësuesve për të rrënjosur dëshirën për të mësuar shqip, për të mësuar rreth trojeve tona, historisë, etj. Misioni ynë është i tillë që kërkon angazhim kompleks përndryshe rezultatet nuk do jenë ato që presim. 
Në shtatorin e këtij viti shkollor, fëmijët, prindërit dhe mësuesit e shkollës Children of the Eagle patën nderin të vizitohen nga Ministri i Jashtëm i Shqipërisë, z. Gent Caka dhe Ambasadorja e Republikës së Shqipërisë në Washington, znj. Floreta Faber. Kjo është një shprehje e miqësisë, inkurajimit dhe vlerësimit të punës sonë. 
Miqtë e tjerë janë dashamirë që na mbështesin me mënyra të ndryshme, që nga vlerësimi dhe inkurajimi për të vazhduar punën tonë, njohja publikisht e arritjeve tona, aktivitetet e përbshkëta për sensibilizimin e komunitetit shqiptar, vënia në dispozicion e ambienteve për aktivitete të veçanta, etj. Mbështetje të konsiderueshme kemi pasur edhe me libra nga Konsullata e Kosovës dhe Ambasada e Republikës së Shqipërisë ndonëse këto nuk kanë qenë të mjaftueshme për të mbuluar krejt nevojat tona. Megjithëse relativisht e re, shkolla jonë ka marrë vlerësime të shumta për shërbim cilësor ndaj komunitetit shqiptar, si p.sh nga Misioni i Kosovës në NY, nga organizata Motrat Qiriazi, nga Festivali i 5të i shkollave shqipe, etj. Mbështetje financiare nuk kemi pasur deri tani e për këtë arsye fundraising është një nga burimet e pakta për të mbuluar shpenzimet përgatitore për mësimin apo aktivitetet me fëmijët, shpenzimet organizative, qiranë dhe siguracionin për ambientet e mësimit, etj. 

Marjana Bulku: -Identiteti i Children of the Eagle ? e dëshmon përkatësinë shqiptare qysh në emërtim, autenticiteti i saj vuloset edhe në kremtimin e një kalendari festiv që është tipik shqiptar, çfarë ka stacionuar te fëmijët kjo?

Drita Gjongecaj: Ju falenderoj që e sillni në bisedë edhe emërtimin e shkollës që është sa domëthënës edhe tipik shqiptar, edhe pse në anglisht. Duke i quajtur “Fëmijët e Shqipes” kemi bërë të mundur që nxënësit tanë ta përfaqësojnë dhe përcjellin me krenari simbolin e lashtë të shqiponjës edhe te bashkëmoshatarët e tyre jo shqiptarë në ambientet ku studiojnë, jetojnë, apo në aktivitete të shumta ku ata marrin pjesë. Po ashtu, kalendari festiv siç e quani ju, pasqyron identitetin tonë dhe përfshin data të shënuara që janë mësim më vete rreth historisë së popullit tonë. Po përmend vetëm disa që kanë lënë gjurmë në kujtesën e fëmijëve dhe prindërve: Me rastin e 11 Vjetorit të Pavarësisë së Kosovës, një grup nxënësish, prindër dhe mësues vizituan ambientet e Konsullatës së Kosovës, vizitë që është e barazvlefshme me një seri të tërë mësimesh të zhvilluara në klasë. Aty ishte e gjallë historia, arti, mikpritja tipike shqiptare, etj, etj.; vizita në Selinë e Vatrës, njohja më nga afër me përpjekjet për ruajtjen dhe përhapjen e shqipes, historia e diasporës, etj; projekti i hartuar me shumë dashuri nga fëmijët tanë me rastin e 20 vjetorit të çlirimit të Kosovës, projekt që iu bë dhuratë Konsullatës në qershor të 2019; koncerti në Montessori School në Yonkers me rastin e Ditës së Flamurit; Festa e 1 Qershorit, e shumë të tjera. 
Të gjitha këto kanë vlerë të shumëfishtë, ato shtojnë krenarinë për identitetin tonë, mbajnë të ndezur dëshirën për t’u njohur më shumë me traditat e kulturën, përforcojnë njohuritë gjuhësore, etj. 

Marjana Bulku: – Një shkollë relativisht e re por me produkte cilësore që maten dhe prevalojnë në një ditë si kjo, çfarë i tërheq më shumë fëmijët që po rriten këtu; një ditë feste shqip, një ditë mësimi shqip, një tubim për kauza shqip? Apo diçka tjetër? 

Drita Gjongecaj: Festat janë më të dashurat për fëmijët. Aty zbaviten por edhe shpalosin krenarinë e tyre fëminore që janë shqiptarë dhe janë pjesë e programit të shqipes. Është për t’u admiruar dhe të jep emocion kur sheh që fëmijët e duan programin shqip. Entuziazmi u lexohet në sy dhe kupton se ata janë të ndërgjegjshëm që po bëjnë diçka më shumë se moshatarët e tyre dhe vinë me gaz çdo të shtunë e të dielë. Natyrisht që lumturohen kur kanë ato minutat e pushimit midis mësimit dhe aktiviteteve. Ajo u ka forcuar marrëdhëniet shoqërore, një shoqëri ndryshe nga ajo që gjejnë në shkollën e përditshme – e ndjejnë se kanë edhe diçka tjetër të përbashkët që ua shton dëshirën për të qenë pranë njëri-tjetrit. Këtu fillon edhe njohja dhe të pranuarit në mënyrë të ndërgjegjshme të identitetit tonë shqiptar. Kjo për ne mësuesit flet shumë. Na bën të mos i përfillim lodhjen as sakrificën që nuk është e vogël.  
Marjana Bulku: -Këtë vit për herë të parë Dita e gjuhës amtare do të nderohet me një festim gala me miqtë e shkollës shqipe “Children of the Eagle”. A do na zbuloni disa nga miqtë tuaj, ato më besnikët, dashamirêsit, admiruesit, përfituesit?

Drita Gjongecaj: Do ta filloja me z. Mark Gjonaj, Këshilltar i Qytetit të NY mbështetja e të cilit ka qenë esenciale. Mark Gjonaj ka përqafuar projektin e nisur nga organizata jonë, Albanian American Dual Language & Culture (AADLC), mbi hapjen për herë të parë në NY dhe krejt Amerikën të Programit Dy-Gjuhësor Anglisht – Shqip në shkollat publike. Mark Gjonaj e ka çuar projektin Dy-Gjuhësor në instancat më të larta të NY dhe ka siguruar miratimin zyrtar për futjen e shqipes në këto shkolla. Kjo është një arritje me shumë vlera për komunitetin shqiptar. Këtu dua të bëj një sqarim: Dual Language Program (Dy-Gjuhësia) nuk është programi i fundjavës që ne zhvillojmë me orë të reduktuara; ai është program i plotë që zhvillohet çdo ditë gjatë gjithë vitit shkollor, krahas lëndëve në anglisht. Shqipja përdoret në çdo lëndë përfshi edhe Matematikën apo Edukimin fizik, etj. 
Një mike tjetër e vyer është Ambasadore Teuta Sahatqija. Znj. Sahatqija është më shumë se një mbështetëse e programit tonë. Unë me të drejtë e quaj znj. Ambasadore, partneren tonë. Përveç librave që na ka dhuruar, znj. Sahatqija është bërë pjesë e Seminarit Shkencor të Gjuhës Shqipe. Për më tepër, Seminari i Dytë vjetor është zhvilluar pikërisht në ambientet e Konsullatës së Kosovës duke na bërë të ndjehemi “si në shtëpinë tonë” siç e cilëson vetë ajo. 
Nuk mund të lë pa përmendur këtu ndihmën që ju znj. Marjana i jepni AADLC dhe Children of the Eagle. Ju keni qenë pjesë aktive dhe keni kontribuar me referate në të dy seminaret e gjuhës shqipe, keni pasqyruar punën tonë në shkrime të ndryshme duke sensibilizuar komunitetin rreth punës sonë por edhe rreth diferencës në rezultat që sjell mësimi i shqipes në shkollë krahasuar me atë në familje. Është kënaqësi e veçantë që ju kemi anëtare në Bordin Këshillimor (Advisory Board) të shkollës dhe organizatës në tërësi. 
Vargu i miqve e dashamirësve është i gjatë, nuk mund t’i përmend të gjithë. Por një vend të veçantë zë edhe znj. Beti Beno, Presidente e organizatës prestigjioze “Motrat Qiriazi” dhe Federata Panshqiptare Vatra. 

Marjana Bulku: -Një seminar kushtuar gjuhës shqipe organizuar nga ju & miqtë e shkollës “ Children of the Eagle” në dy vitet e shkuara në dy vende simbol të shqiptarëve që jetojnë në Amerikë, selia e Vatrës dhe konsullata e Kosovës; pa dashur të zbulojmë shumë detaje si do jetë ky seminar gjuhsor i së ardhmes dhe cila ishte risia më e fundit?

Drita Gjongecaj: Seminari i sivjetshëm do të ketë më shumë shtrirje. Kolegë nga shkolla shqipe edhe jashtë New Yorkut do të sjellin përvojën dhe studimet e tyre. Në këtë mënyrë, bashkëpunimi ynë zgjerohet dhe të gjithë përfitojmë nga shkëmbimi i experiencave dhe analizave shkencore studimore. Për më shumë detaje besoj do flasim një herë tjetër sepse deri atëhere nxënësit dhe mësuesit tanë do të kenë edhe më shumë veprimtari të cilat do shpalosen e shkëmbehen në takimin tonë të përvitshëm i cili përveç te tjerash ka si qëllim interaktivitetin e edukimit dhe përvetsimit të gjuhës tonë amtare edhe duke komunikuar së bashku si bashkëautorë të rëndësishëm të këtij procesi.

Dialoguan:Marjana Bulku
Drita Gjongecaj

Shkurt 2020