Featured – Page 333 – Dielli

Marin Mema dhe Trëndafilat e Çamërisë

June 4, 2019 by dgreca

Marin Mema dhe Trëndafilat e Çamërisë të Shkollës Shqipe “Alba Life”, New York/

Shkruan: Keze Kozeta Zylo/

Kur kërcej unë vallen çame,

Gjithe Nju Jorku ndizet flakë,

Diaspora si krah shqiponje,

E vë gishtin përmbi plagë… interpretuar nga A.Xhaferri

1 Qershori dita e fëmijëve u mirëprit me plot dashuri dhe gëzim nga gjithë nxënësit e Shkollës Shqipe “Alba Life”, që operon në disa lagje të Nju Jorkut. Në këtë ditë të bukur pranvere me aromë çamërie dhe qiell të blunjtë erdhi pranë nxënësve gazetari i shquar i Kombit Marin Mema, pena dhe oratoria e të cilit ka prekur zemrat e miliona shqiptarëve në mbarë trojet tona.

Gazetari Mema shoqërohej nga Marko Kepi, president i organizatës së mirënjohur “Rrënëët Shqiptare”. Vlen për të theksuar se në Pardën e sivjetme që do të organizohet në Manhattan, Rrënjët Shqiptare me organizuesit kryesorë e kanë përzgjedhur gazetarin Marin Mema: “Marshall të Paradës” dhe kjo paradë i kushtohet Çamërisë.

Pranë nxënësve të Shkollës Shqipe “Alba Life” ishte dhe editorja për gjuhën angleze në gazetën “Dielli” znj.Rafaela Prifti e cila i dëgjoi me plot dashuri dhe vëmendje pyetjet dhe përgjigjet e nxënësve. Emocionant ishte fakti kur takoi nxënësin Diellon Bardhi ku i ati i Diellonit Shpëtim Bardhi bëri lidhjen si: Ja u takuan Dielli dhe Dielloni… Gazetarja Prifti tha se ja që tani Dielloni do të jetë e ardhmja dhe një anëtar i ardhshëm i Diellit. Nuk ka detyrë më të shenjtë se t’ju mësosh brezave të ardhshëm historinë!

Me plot dashuri tri zonja i dhuruan z.Qemal Zylo logon e Traditës dhe veshjeve popullore shqiptare të cilat kishin ardhur enkas nga Atdheu për të marrë pjesë në Paradën Shqiptare dhe për të paraqitur kostumet dhe veshjet popullore që ato punojnë.

Duke qenë në prag të përgatitjeve për paradën madhështore në Manhattan nxënësit e shkollës Shqipe “Alba Life” nën kujdesin e mësueseve Laçaj, Sela, Muda, Puli, Watkins, Bulku dhe Vadahi kanë përgatitur nxënësit me projekte për Çamërinë. Ata mësuan historinë tragjike rreth Çamërisë, genocidin e gjeneralit famëkeq Zverdës si dhe traditat, veshjet popullore, heronjtë dhe shkrimtarët dhe për të gjitha këto nxënësit morën njohuri të paditura më parë rreth kësaj treve ku banonin, jetonin dhe shkruajtën historinë shqiptarët çamë.

Ardhja e gazetarit Marin Mema është një frymëzim për nxënësit, sepse tek ai shohin modelin e një gazetari që eksploron në trojet shqiptare dhe tregon historitë e vërteta të mohuara dhe të zhdukura nga armiqtë e Shqipërisë si dhe nga pluhuri i harresës. Gazetari Mema u mirëprit nga themeluesi dhe drejtori i Shkollës Shqipe “Alba Life” që operon në disa lagje të Nju Jorkut. Nxënësit e mirëpritën me plot dashuri dhe duartrokitje, ngase ata e kishin parë disa herë në ekran, në mësimet që u zhvilluan për Çamerinë, me një fjalë ata ishin njohur me punën dhe oratorinë e tij.

Nxënësja Dea Watkins i dhuroi një buqetë me trëndafila me aromë çamërie në emër të shkollës dhe i tha se unë e kam vizituar Çamerinë, kam qenë në Filat, Paramithi, Gumenicë, Pargë…

Marin Mema së bashku me stafin e tij nga Top Channel, qëndroi pranë klasave dhe dëgjoi me vëmendje të posaçme nxënës të ndryshëm që iu përgjigjën pyetjeve të gazetarit rreth Çamërisë dhe Shqipërisë. Të gjitha projektet e tyre ishin përgatitur plot dashuri fëmije dhe seriozitet. Pranë kamerave folën rreth projekteve të tyre si Oresti Salillari, Rafael Gjona, Arelt Xhaferi, Gloria Puli, Natalia Sinani, Kelvin dhe Enea Bulku, Blenda Shehu, Elio Tahiri, Erla Lamçe, Loriana Thaqi, Onida Granica, Diellon Bardhi, Enri Kume me origjinë nga Çamëria, Eduart Maqellara, Alba Vadahi, Era Vadahi etj…

Në klasën e grupmoshës së më të vegjëlve të mësuese Vlerës dhe Brunildës u pa një orë mësimi e hapur rreth historisë së Çamërisë, ku shumë prej tyre iu përgjigjën pyetjeve saktësisht.

Nxënësit nuk do t’i harrojne kurrë këto mësime që morën për Çamërinë si dhe dëshminë nga ish mesuesja e Shkolles Shqipe Betulla Bollati me origjinë nga Çamëria, familja e së cilës është dëshmitare e masakrave nga genocidi grek. Ata do ta kujtojne këtë ditë pasi ata realizuan dhe finalizuan projektet për Çamërinë me plot sukses dhe u njohën me një trevë historike të Shqipërisë që i është rrëmbyer padrejtësisht nga trungu amë. Ata u dashuruan me Çamërinë sa nxënësi Eduart Maqellara tha se unë kur të shkoj në Shqipëri do të vete të vizitoj medoemos Çamërinë.

Duke dëgjuar zërin e ëmbël të Eduartit dhe duke parë fytyrat e gëzuara të nxënësve kur i përgjigjeshin gazetarit Marin Mema para kamerave në sytë e mi hapeshin petalet e Trëndafilave të Çamërisë.

Trëndafili i Çamërisë është një poezi mjaft prekëse dhe plot dhimbje për Çamërinë shkruar nga poeti Fatmir Muja i cili midis të tjerash lë amanet në këto vargje si:

Si mund të të puth edhe një herë o trëndafil në Çamëri?

E të mbahem mend si puthje e përgjakur në histori!

Amanet vetëm këtë poezi t’ua lexoni të gjithë njerëzve të mi

Për Trëndafilin tim të tharë në Çamëri…

Marin Mema, Trëndafilat e Çamërisë të shkollës Shqipe “Alba Life”, Organizata Panshqiptare “Vatra”, “Illyria”, Rrënjët Shqiptare dhe gjithë diaspora po ujisin rrënjët e trëndafilit të Çamërisë që të mos thahet kurrë më…

Mësimi i hapur, projektet e nxënësve, bisedat e ngrohta u filmuan nga Top Channel me kameraman Deni, TV “Alba Life” me kameraman Agron Ceka dhe Aaron Suka.

Autorja është shkrimtare, publiciste, gazetare për TV “Alba Life”, mësuese dhe themeluese e Shkollave Shqipe në New York

1 Qershor, 2019- Staten Island, New York/-Per me shume foto shko ne facebook- Gazeta Dielli

DITA E TRADITAVE SHQIPTARE NË NJU JORK

June 3, 2019 by dgreca

MIJËRA PJESMARRËS NË DITËN E TRADITAVE SHQIPTARE NË NJU JORK

Nga Marjan CUBI/DIELLI/*

Dita e Traditave Shqiptare që organizohet për çdo vit nga Kisha Katolike Shqiptare “Zoja e Shkodrës” dhe Qendra e saj Kulturore, që mbanë emrin e Shenjtëreshës Nënë Tereza, mblodhi mijëra shqiptarë(rreth 6 mijë) nga Trishtetshi: New York-u, New Jersey dhe Connecticut të djelën e 2 qershorit 2019 organizuar në parkun e bukur e plot hijeshi në Kensico Dam Plaza- Westchester. Mjediset e gjelbërta të Parkut u hijeshuan nga ngjyrat kuq e zi të flamujëve shqiptarë krahas flamujëve amerikanë, dhe prej kostumeve tradicionale, bluzat kuq e zi me simbolikë kombëtare, që aq hijshëm i mbanin veshur gjenerata e tretë, e lindur në Shtetet e Bashkuara të Amerikës. Edhe pse njoftimi i publikuar parashikonte startimin e veprimtarive në orën 12 të mesditës, grupet kishin ardhur më herët dhe sportistët kishin filluar garat sportive në lëndinat e parkut, ku luhej futboll, volejboll, shah e lojëra të tjera. Drejtuesi kryesor i veprimtrivë të kësaj dite, z. Fran Çotaj i ndihmuar nga ndihmësit e tij vullnetarë , i kishte marrë të gjitha masat që veprimtaritë të zhvilloheshin normalisht dhe me frymë gare sportive. Fituesëve iu dhanë kupat e veprimtarive dhe çertifikata nderimi.

Moderator i veprimtarisë ishte seminaristi Vasel Gjonlekaj. Famullitari i Kishës “Zoja e Shkodrës” Dom Pjetër Popaj, pasi ka pranuar Proklamatën nga Westchester County, ka falenderuar, dhe i ka përshëndeti pjesmarrësit e shumtë duke i uruar ata për këtë ditë të bukur, dhe për ruajtjen e traditave kombëtare, kulturore e artistike si dhe gjuhën e bukur shqipe. Dom Pjetri ka falenderuar publikisht dhe ish kongresmenin republikan, arbëreshin Joseph DioGuardi, i cili ka bërë aq shumë për Kombin shqiptar në Shtëpinë e Bardhë e më gjërë.

-Jemi të gëzuar sot në këtë ditë kaq të bukur, pa shi- Jemi lutur dhe le të vazhdojmë të lutemi që sot të mos bjerë shi,- tha dom Pjetri.

Vërtetë ishte një mrekulli, pritej nga momenti në moment të niste shiu sipas parashikuesëve të kohës në rrjetet televizive, por kjo nuk ndodhi.

Duke folur për traditat kombëtare, për veprimtaritë e shumta që organizohen gjatë kësaj dite, dom Pjetër Popaj tha: Jemi krenarë që sot ne shpalosim traditat tona më të bukura, të trashëguara nga të parët tanë, të cilët i kanë rujatë dhe përcjellë në shekuj këto tradita, edhe pse në kushte të vështira dhe të okupuar prej pushtuesëve. Është kënaqësi, jo vetëm që shihemi dhe takohemi me njeri-tjetrin në këtë ditë të Traditave, por kemi dhe kënaqësinë të ndjekim këngët e artistëve tanë, si dhe vallet e djemëve dhe vajzave të lindura këtu.Ata përbëjnë gjeneratën e re që nuk i harron traditat e të parëve të tyre.Nuk ka më bukur se sa t’i përcjellim këto valle të bukura tek brezat, që ata t’i çojnë më tutje. Edhe amerikanët i ndjekin me interes këto tradita të shpalosura gjatë kësaj dite.

Më pas famullitari ka përcjellë lutje për popullin shqiptar çam, që para 75 vjetëve , ka pësuar gjenocid prej Greqisë dhe fatkeqësisht ende sot autorët e gjenocidit nuk kanë kërkuar falje për viktimat e pafajshme çame, që janë vrarë e pjesa tjetër është përzënë dhunshëm nga shtëpitë e pronat e tyre.Ne duhet të jemi bashkë edhe në këtë çështje dhe të lutemi për ta dhe familjet e tyre.

Dom Pjetri ka falenderuar drejtuesin e ditës së traditave Fran Çota për mirëorganizimin e Ditës së Traditave me pjesmarrjen e mijëra bashkatdhetarëve

Moderatori i veprimtarisë së traditave Vasel Gjolekaj ka prezantuar më pas z. George Latimer, ekzekutiv County, i cili ka drejtuar një përshëndetje të veçantë.

Ka përshëndetur dhe presidenti i Ligës Qytetare Shqiptaro-Amerikane z. Joseph DioGuardi.

Më pas gazetari Marin Mema është pritur me duartrokitje tek ka përshëndetur. Ai tha se ndjehej i gëzuar tek i shihte shqiptarët të gjithë së bashkë, pa dallime fetare, pa dallime politike, vetëm kështu shqiptarët do të ecin përpara. Kështu, tha ai, të jemi edhe me 8 qershor në paradën e madhe shqiptare, që organizohet në kujtim të vëllezërve dhe motrave çamë, që u masakruan nga fqinji ynë , Greqia.Në këtë ditë nuk nderohet e përkujtohet vetëm çështja Çame, por lartësohet Flamuri ynë kombëtar dhe Kombi ynë.

Vëllezër dhe motra, do të dëshiroja që ne gjithmonë të ndjehemi bashkë, edhe këtu në Amerikën e largët, edhe në trojet tona etnike. Qëndroni gjithmonë bashkë si vëllezër e motra të një gjaku, të një gjuhe. Përcillni traditat tona tek fëmijët tuaj. Ruajeni gjuhën e bukur shqipe. Sot ndjehem i emocionuar nga bashkimi juaj në këtë ditë të traditave.Jeni të mrekullueshëm! Mema është përcjellë me duartrokitje të pandërprera.

Ne Diten e traditave shqiptare ishte i pranishem edhe Keshilltari i Nju Jorkut, z. Mark Gjonaj.

Më pas pistën e parkut e kanë pushtuar valltarët e moshave të ndryshme të Grupit Rozafat, ku të vegjëlit janë shumë të pëlqyer e të duartrokitur. Të veshur me xhubletën tradicionale vajzat dhe djemtë me tirqe e kostumet e bukura të veriut, kërcejnë plot siguri vallet kombëtare.

Koreografja Angjelina Nika dhe përgjegjësja e grupit Kristina Popaj ndjehen të shpërblyera nga duartrokitjet që marrin valltaret.

Duartrokitje të shumta fituan dhe nxënësit e shkollës shqipe pranë Qendrës Nënë Tereza, të cilët recituan poezi për gjuhën shqipe, për Abetaren, për heronjtë kombëtarë, për historinë tonë.

Këngëtarët e njohur të botës shqiptare Merita Halili, Kino Gara, mjeshtri i fizarmonikës Raif Hyseni, u duartrokitën në interpertimet e tyre. Këngët dhe vallet çame ishin ato që iu dedikuan viktimave të Çamërisë nga gjenerali Zerva dhe shteti grek.

Në këtë ditë të bukur të traditave morën pjesë familjet e shqiptaro-amerikanëve pa dallime fetare. Ushqime të shumta tradicionale u gatuan për drekë aty në park.

Dita e Traditave që nisi në 12 te mesditës e mbylli siparin e saj në 12 të natës në Qendrën “Nënë Tereza ” të Kishës Katolike “Zoja e Shkodrës”, ku vazhdoi me koncertin e artistëve dhe me ushqime. Kjo ditë i pati të gjitha: këngët, vallet, recitimet, fjalimet, shpalosjen e veshjeve kombëtare, lojrat sportive, pati shumë gëzim, madje edhe një ditëlindje u festua aty…. Mirupafshim në veprimtaritë e tjera: Në Paradën e 8 Qershorit, ku komuniteti shqiptar do të prijë me flamujt Kombëtar, me kostumet kombëtare, me banderola , me këngë e valle, -si dhe në Festivalin Shqiptar në nëntor, që e organizon çdo vit nga Qendra Nënë Tereza, si dhe në Qershorin e ardhshëm, sërish në Ditën e Traditave!

Per me shume fotografi shkoni ne Facebook

Protesta në Tiranë, 42 të arrestuar

June 3, 2019 by dgreca

Tirane, 3 Qershor 2019- Në Shqipëri policia njoftoi sot se 42 persona janë arrestuar dhe 18 të tjerë, përfshirë Sekretarin e Përgjithshëm të Partisë Demokratike, Gazmend Bardhi, do të procedohen në gjendje të lirë lidhur me gjarjet e dhunshme të rregjistruara gjatë protestës së mbrëmshme të opozitës të cilat kulmuan para selisë së parlamentit. Aktet e dhunës në protestat e opozitës janë dënuan sot dhe nga Kryetari i rradhës së OSBE-së, ministri i Jashtëm sllovak Miroslav Lajçak, sipas të cilit “pjesmarrja në institucionet demokratike është e vetmja rrugë e ligjshme drejt pushtetit politik”.

Sipas policisë, gjatë protestës përpara parlamentit “pjesëmarrësit në tubim kanë kundërshtuar, goditur me mjete të forta, fishekzjarrë, tymuese dhe kapsolla me fuqi të lartë shpërthimi punonjësit e Policisë, të planizuar me shërbim para Kryeministrisë dhe selisë së Parlamentit të Shqipërisë”, shpjegon njoftimi, duke shtuar se “si pasojë e përdorimit të lëndëve piroteknike, fishekzjarrëve, kapsollave e sendeve të tjera janë shkaktuar dëme të konsiderueshme në godinën e Kryeministrisë dhe selisë së Parlamentit”. Të gjithë personat e arrestuar dhe proceduar për protestën e mbrëmshme akuzohen për kryerjen e veprave penale “Organizimi dhe pjesmarrja në grumbullime e manifestime të paligjshme”, “Kundërshtimi i punonjësit të policisë së rendit publik”, “Goditje për shkak të detyrës”, “Prishja e qetësisë publike”, ”Shkelja e rregullave mbi lëndët plasëse, djegëse dhe radioaktive”.

Mbrëmjen e së dielës, për më shumë se një orë, hyrja kryesore e parlamentit mori pamjen e një fushë beteje, me tym e flakë. Grupe protestuesish lëshuan pa ndërprerje shashka, flakadanë dhe fishekzjarre drejt oborrit të godinës, në brendësi të së cilës qëndronin të rreshtuara forcat speciale të policisë si dhe një automjet ujëhedhës. Pas thirrjeve të përsëritura drejtuar protestuesve që të largoheshin, policia përdori gazin lotsjellës dhe ujëhedhësen.

Bilanci i mbrëmjes ishte me 13 të lënduar, nga të cilët sipas ministrit të Brendshëm Sandër Lleshaj “10 janë punonjës policie dhe 3 protestues, dhe këta të prekur nga lëndët piroteknike”. Nga spitali ku vizitoi të plagosurit, ministri Lleshaj, bëri përgjegjës kryetarin demokrat Lulzim Basha “për sulmin kriminal nga militantë të Partisë Demokratike, kundër Policisë së Shtetit. Është jashtë çdo standarti një sulm i dhunshëm kundër policisë. Përpjekja për destabilizim e dhunë është e pashpresë”, theksoi ai.

Më herët ishte zoti Basha që akuzoi policinë për “dhunë jo proporcionale. Shqiptarët nuk do pranojnë dhe nuk do lejojnë mbajtjen e pushtetit me dhunë. I them Ramës e LLeshajt se do mbani përgjegjësi para ligjit. Se përpjekja për t’i faturuar dhunë një proteste kundër dhunës do marrë përgjigjen e merituar”, tha zoti Basha.

Lidhur me zhvillimet në Shqipëri u shpreh sot dhe Kryetari i radhës i OSBE-së Miroslav Lajçak, gjatë vizitës së tij në Tiranë. “Përshkallëzimi i dhunës gjatë disa protestave të udhëhequra nga opozita është bërë shumë i mërzitshëm. Vazhdimi i tyre do të dëmtojë përpjekjet e Shqipërisë për reforma dhe pa dyshim do të pengojë realizimin e përparësive të saj të brendshme dhe ndërkombëtare. Trazirat nuk duhet të zëvendësojnë angazhimin demokratik, përkundrazi ato heqin çdo shans për dialog dhe për të gjetur një terren të përbashkët”, deklaroi zoti Lajçak, gjatë konferencës së përbashkët për shtyp me ministrin Jashtëm shqiptar në detyrë Gent Cakaj. Sipas tij “vendimi i anëtarëve të opozitës për të hequr dorë nga mandatet është për të ardhur keq. Demokracia kërkon kontroll dhe ballancë. Dhe opozita ka një rol të rëndësishëm”, u shpreh ai duke shtuar se “dhuna dhe frikësimi i zyrtarëve të organizatave ndërkombëtare është i papranueshëm”, ndërsa ju referua rastit të ambasadorit të OSBE-së në Tiranë, pas disa deklaratave të tij ku dënonte dhunën në protestën e opozitës të pak javëve më parë. Zoti Lajçak theksoi se “e vetmja mënyrë për të arritur përparim dhe për të gjetur zgjidhje është përmes dialogut kontruktiv mes të gjithë palëve, për të tejkaluar dallimet dhe për të punuar në interesin më të mirë të vendit”.(Kortezi-Sipas VOA)

DITËT SHQIPTARE NË BAVARI

June 3, 2019 by dgreca

–
Prezenca e jashtzakonshme e sopranos me famë botërore Ermonela Jaho , interpretimet e artistëve te rinj: Flaka Goranci , mezo soprano, Ausilijo Mehmeti, pianist, formati mjaft i bukur me të cilin ishte konceptuar kjo veprimtari çelëse …/

NGA MARJANA BULKU/

Identifikimi i shqiptarëve nëpër botë në ditët e sotme perbën një nga sfidat akute të shekullit aktual në kushtet kur bota shqiptare e ka më shumë sesa jetike bashkimin e vlerave, individëve, historive të tyre të punës, progresit dhe suksesit.”Ditët shqiptare ne Bavari” nisën me një veprimtari të veçantë ideuar dhe organizuar nga Konsullata Shqiptare në Mynih ,konsulli i përgjithshëm zoti Arten Hanku dhe një grup pune që mbështetën,sponsorizuan dhe organizuan një veprimtari të veçantë jo vetëm në axhendën e Konsullatës por edhe për komunitetin e shqiptarëve të cilët jetojnë aty.

Prezenca e jashtzakonshme e sopranos me famë botërore Ermonela Jaho , interpretimet e artistëve te rinj: Flaka Goranci , mezo soprano, Ausilijo Mehmeti, pianist, formati mjaft i bukur me të cilin ishte konceptuar kjo veprimtari çelëse krijuan një impakt mjaft pozitiv edhe për miqtë gjermanë të ftuar të shumtë të cilët e ndoqën këtë event mbresëlënës.

Veprimtari të tilla duket se janë intesifikuar vitet e fundit në Mynih, shprehen disa prej pjesmarrësve ndërsa për Konsullin Arten Hanku ky është vetëm fillimi pasi sipas tij kapacitetet akademike , kulturore e intelektuale nuk mungojnë dhe duhen ca energji të përbashkëta dhe vullnete pozitive për ti vene ne pah në mjedise si këto .

Paneli i mbrëmjes i thjeshtë në dukje por jo aspak në përmbajtje i vendosur në një sallë prestigjioze në zemër të Mynihut kishte , në qendër ekranin gjigand me disa spote interpretimesh madhështore të Ermonela Jahos në Madrit, Londër , Washington, Nju Jork, Australi, Gjermani dhe dy karrike ku Ermonela Jaho (soprano) dhe Shpresa Gazheli ) permes një komunikimi të veçantë, dialogues, transmetuan mesazhe të cilat i dhanë mbrëmjes elemente të shumfishta emocionesh por edhe informacionesh me vlerë.Madhështia e artistes u shkri me rrëfimet e udhëtimit të saj artistik plot me sfida e vështirësi, plot me shkëlqime dhe vlerësime nga kritikët mē të mëdhenj të cilët e ndjekin artisten në axhendën e saj të pandalshme. Rolet tragjike të Jahos, plastika interpretative, duartrokitjet e pandalshme, vlerësimet e kritikëve dhe shtypit prestigjioz ndërkombëtar duket se nuk do ta zëvëndësonin dot këtë ditë shqiptare në Bavari që nis dhe kulmon me një prej ikonave shqiptare e cila është kaq e thjeshtë dhe e brishtë në komunikimin e saj po aq sa madhështore dhe magjike në interpretimet dhe rolet operistike skenave botërore.

Ditët shqiptare në Bavari , një traditë pothuaj tre vjeçare bashkojnë qindra shqiptarë të cilët jetojnë , sfidojnë dhe arrijnë suksese nē Gjermani duke mos harruar vendin nga vijnë. Profesorë, mjekë e specialistë i japin duart njëri tjetrit duke dëshmuar se nuk ka qenë e lehtë t’ ja nisësh nga e para në vend të huaj , por është bukur kur së bashku dëshmojnë arritje e vështirësi duke dëgjuar dhe ndihmuar njëri -tjetrin. Ndërsa për brezin që rritet këtu , ditë si këto janë më shumë se historike, janë pesha e kohës që ata nuk e njohin por që është prezente nëpër rrënjët e tyre prindërore.

Ditët shqiptare në Bavari do vazhdojnë për një javë me evente të tjera të cilat do identifikohen mes produkteve më tē mira të botës shqiptare këtu, – shprehet Konsulli shqiptar Arten Hanku i cili është nxitësi , iniçuesi dhe organizatori i këtyre ditēve që lënë pas jehonë të gjatë sa vërtet bëhen të domosdoshme në rutinën e pêrditëshme të jetës së shqiptarëve të Gjermanisë

31 maj 2019

SHKOLLA E VATRES NE CLEWATER FESTOI 1 QERSHORIN

June 3, 2019 by dgreca

NE SHKOLLEN SHQIPE NE CLEARWATER FLORIDA,FESTOHET 1 QERSHORI DITA NDERKOMBETARE E FEMIJEVE/

SHKRUAN: NDUE GJEKAJ /Clewater-Florida/

Festa e 1 Qershorit, dita ndërkombëtare e femijeve,tani është kthyer në traditë të zakonshme edhe ne shkollen shqipe ne Clearwater Florida. Nen kujdesin e Deges se Federates Pan Shqiptare te Amerikes”VATRA” te Tampa bay dhe te mesueseve te kesaj shkolle Mimoza Tragaj e Ana Kullaj ne mjediset e kesaj shkolle u mblodhen te festonin se bashku prinder dhe femije. Ceremonia ishte emocionuese. Ne fjalen e hapjes mesuesja Mimoza Tragaj pershendeti femijet, mesueset dhe prinderit. nder te tjera ajo nenvizoi arritjet e shkolles: “kete vit shkollor pati arritje te shkelqyera si te nje pjesmarrjen me te gjere te femijeve ne mesim, ashtu dhe ne nivelin e perversimit te programit mesimor”. Ajo falenderoj degen e Vatres dhe kryetarin e saj z.Tasim Ruko per interesimin mbeshtetjen dhe kontributin e tyre, c’ka ka bere te mundur funksionimin normal te kesaj shkolle. Nje falenderim special ajo percolli per prinderit e e mrekullueshem,qe gjate te gjithe vitit shkollor jane perkujdesur per marvajtjen ne mesime te femijeve te tyre, ku vecoje prinderit Ardina Naqo, Ante & Genta Zizolli, Blendi Priftin, te cilet kane dhene kontribute et vecanta per shkollen.

Pas fjales se mesueses Mimoza Tragaj,do ta merrnin fjalen femijet, te cilet i dhane nje gjalleri te vecante festes se tyre. Moderatorja e veprimtarise festive kushtuar 1 Qershorit, nxenesja e kesaj shkolle Sara Bako,hapi programin e pregatitur posacerisht me kenge,valle dhe recitime ne gjuhen e embel shqipe, ku ishin aktivizuar pothuajse te gjithe nxenesit. Interpretimet e bukura si ne te folurit shqip,ashtu dhe lojen aktoreske,bene qe salla te shperthente me duartrokitje te panderprera. Nga emocionet prinderit nuk i mbajten lotet e gezimit tek degjonin femijet e tyre qe flisnin e interpretonin aq bukur ne gjuhen e nenes, ne nje shqipe te paster. Jo vetem Alisa e vogel,Kostina,Andrea dhe Izabela, por te gjith pa perjashtim;,Katja, Sierra,Kostina,Kledi,Migeli,Diari,Joeli,Saranda,Nadja, Mariza,ishin te mrekullueshem.

Pas programit artistik,mesuese Mimoza,nderoj me certefikata nxenesit per rezulttet e shkelqyera ne mesime per vitin shkollor 2018-2019.

Nxenesit, mesuesit dhe prinderit, i ka pershendetur dhe kryetari i deges se Vatres Z.Tasim Ruko i cili falenderoi te pranishmit,e ne vecanti vlersoi kontributin dhe punen e pa lodhur te mesueseve dhe prinderve ne funkesion te mbarvajtjes se shkolles shqipe. Ai duke cituar vargjet e Fishtes: “Pra mallkue njaj bir shqiptari/ Qe kete quhe te perendise/ Trashigim qe ja la i pari/ Trashigim s’ja len ai f’mise”….

Z. Ruko u beri thirrje te gjithe komunitetit shqiptar,qe te punojne per trashegimin e kesaj gjuhe tek brezat, duke ju bashkengjitur shkolles shqipe. Ne fund, per nxenesit dhe gjithe te pranishmit me mbeshtetjen e Vatres dhe te prinderve,u shtrua nje koktej me pije freskuese,embelsira etj , me sponsor New York pizza Tampa,dhe kaluam shume momente te bukura gezimi e lumturie,qe prania e femijeve sjell ne shpirtin e cdo prindi….

Clearwater me 1 Qershor2019.