Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kalaja në Porto-Palermo në 15 destinacionet e pazbuluara europiane

by

NGA GËZIM LLOJDIA/   1./9 prill 2014 ,Huffpost travel sjell 15 destinacionet e pazbuluara europiane. Kur është fjala për destinacionet shumë të mira evropiane, më i madh nuk do të thotë gjithmonë  më e mira. Ndërsa udhëtarët zakonisht shkojnë  në drejtim të  qyteteve të   mëdha si në: Londër dhe Paris, disa nga sekretet më të dobishme dhe më të mirë-mbajtur të rajonit janë të vendosur si alternativë e mirë jashtë tyre. Nga një qytet të vogël shkëmb shqiptar me pamjet mahnitëse malore, në një fshat malor zviceran i njohur për birrë e saj dhe djathëin, kjo është edhe vlerë në përpjekje shtesë për të marrë një  nga 15 zgjedh tona për destinacionet më të mira evropiane të pazbuluara.Strehim ndër kodrina kodra e gjelbër vetëm në jug të qytetit të Himarës është Porto Palermo. Ky fshat shqiptar mban një profil , por përmban një kështjellë  të shekullit të 18-të që mbikëqyr një gji detar. Vizitorët mund të eksplorojnë bazë  e saj të mirë-ruajtur, dhe të marrë në peizazh piktoresk  të vijës bregdetare.

2. Nga objektet arkeologjike sipas informatave të fillim vitit ‘ 91  në brigjet shqiptare të detit Jon, nga Kepi i Gjuhëzës gjer në Kapoqefal të Sarandës, janë zbuluar 20 fortifikime pre-historike. Qarku Vlore është i përberë prej rretheve:Vlore, Sarande, Delvine. Shtrihet ne pjesën jugperëndimore të vendit dhe laget nga deti Adriatik dhe deti Jon. Qendër e Qarkut është qyteti i Vlores, e cila është qendër tregtare, industriale dhe e ndërlidhjeve te shumta.Himara .Ne krahinën e Himarë bëjnë pjese qyteti  i Himares se bashku me fshatrat Palas, Gjilek, Dhermi, Iliaz, Vuno, Qeparo, Kudhes, Piluri. Krahina e Himares shtrihet përgjatë bregdetit te detit Jon, duke filluar nga veriu ne Llogora e deri ne lumen e Borshit ne Jug. Nga veri- lindja, lindja dhe jug-lindja rrethohet nga vargmali  i Akroceraunit me majën me te larte atë te Çikës me lartësi 2045m mbi nivelin e detit. Ne krahinën e Himarës rrjedhin përrenjtë e Ksarrollakos, të Polopotamo, të Gjipes,të Vishes dhe të Qeparoit, të cilët në periudha shume të nxehta te vitit mund dhe te shterojnë. Gjiret kryesore ne det janë ato te Spilese dhe te Panormit (Porto-Palermos). Pasuritë kulturore, historike dhe artistike prezentë. Në territorin e Bashkise Himarë objektet kryesore te cilat përbejnë pasuri kulturore, historike dhe artistike janë Ne Panormi: Kalaja e Porto-Palermos dhe Kisha e Vasilikes (gruas se Ali Pashes). Kjo kala thërritet ndryshe edhe Kalaja Pashe Tepelenës, ndodhet ne afërsi te Himarë, ne gjirin me te njëjtin emër. Kjo kala u projektua nga një inxhinier francezne formën e një pesekendeshi. Porta e hyrjes ndodhet nga ana e lindjes. Muret janë te trashe 1.6m. Në shënimet e tij konsulli francez Pukevil shënon se me 1806 ali Pashe Tepelena, i rezervoi atij një pritje ne kalanë e Kastrise, Himarë. Sipas studiuesve te quajtur te bregdetit Janko Palit, ne ballin e portës te kësaj kalaje jene te gdhendura me germa greke ne stilin bizantin.

3.-Në ballin e portikut të kështjellës së Ali Pashait,në Porto Palermo,në jug të gdhendura gjenden në një stil,ndoshta në atë  bizantin, vargjet nga mënyra e të kënduarit duken që janë të bejtexhinjve të oborrit:”Ktheni ploret o detarë…afrohuni pa frikë,inati  i erës dhe dallgët janë frikë…Ky është varianti i parë që unë gjeta dhe ne fund do tju paraqese variantin e dyte  te mesuesit Janko Pali nga Qeparoi.Çfarë do të kuptojë ky rapsod oborri i Ali Pashait me fjalët,ktheni ploret o detarë…,Flitet për anijet detare, që të ankorohen aty buzë vendit ku prehej pashai. Një ditë do të kthehem tek ju i ka thënë edhe  Pukevil  ,i cili ka shkruar për këtë takim dhe ka përmendur vitin 1806,kohë këtë cilin Ali Pasha e mirëpriti në kalanë pesë këndesh e projektuar nga një inxhinier bashkëkombës i Pukevilit, po francez. Afrohuni pa frikë besoj shqyrton,aty për ku je nisur,po të them në gjuhën vendase  ”Mirëardhësh ! Në një sterre,dallgët të krijojnë ndenjën e madhe të frikës,zhurma e tyre,shkrumbëzimi,përplasjet,lartësia e tyre e matur në disa ballë,dhe kësisoj inati i erës,nuk mund të përballohen përveçse tu thuash hapu ,janë goditje që ndryshojnë format e shkëmbinjve .Ktheni ploret o detar… në qiellin e kthjelltë nëpër natë,nuk ka ndonjë formulë të fshehtë mikpritje,për të kthyer anijet në gjirin e kështjellës ku qëndronte pashai plak i menduar,që ishte  e rebeluar me perandorin.

Frynë jug erë e fortë, që ndihet më tepër në jug ,por sidomos në këtë pjesë jugore. Kalaja është në vendin më të bukur,një ishull deti e rrethon më tre pjesët me ujë,ndërsa përkarshi është rruga që mbrinj deri atje. Duken muret e kalasë, frëngjitë e vogla të mbuluara me rrasa guri. Murre,portik, frëngji .Kalaja është mirëmbajtur mirë. Brenda ka dhoma,puset  e ujit. Dhoma të errtë si biruca. Koridorre dhe mjedise të tjera. Punuar me gurë. Një ndër specialistët e monumenteve të kulturës në rrethin e Vlorë, N .B shprehet se ka një ide interesante. Duke parë se në ishullin e Janinës,   kanë krijuar një muze për Ali Pashën,përse ndoshta në të ardhmen mund të projektohet dhe të ndërtohet një muze për Ali  Pashën.  Aty mund të përmblidhen të gjitha të dhënat si dhe dokumentet,reliktet dhe foto për sundimtarin Ali Pasha. Duhet thënë se pas Skënderbeut,është Ali Pasha ,sundimtari që sundoi jugun e vendit duke e taposur pushtimin osman. Duke bashkëvepruar më bektashinjtë për një aleancë të vetme të dy palët kishin një kundërshtar,shteti i Ali Pashës është i njohur duke ekzistuar ,ku Ali ishte sundimtari një lloj kryeministri shqiptar .Dhe është e kuptueshme koha e tij,por është pak e njohur si kohë e qëndrimit te ekzistencës së shtetit shqiptar karshi  osmanllinjëve . Në muzeun e Ali Pashës mund të vendosen dokumente origjinale që gjenden në shtetin turk,por edhe në ishullorin e Janinës .A duhet menduar sa për fillim duhet thënë se është një ide e mirë për ti hapur udhë realizimit të më vonshëm. Kjo edhe nga fakti sepse sivjet kalaja në Porto Palermo pati vizitorë të shumë,turistë tëhuaj që interesoheshin për Ali Pashën dhe kalanë e tij,kohën e sundimit,rreth dy shekuj më parë. Kalaja e Ali Pashës mbart një tregim të moçëm. Ali Pashai e ndërtoi këtë kala për gruan e tij Vasiliqinë. Thuhet se thesari i saj është zhytur në katakombet e saj dhe pas mërgimit të pashit dhe gruas së tij ,thesari nuk u gjet,duke treguar se legjenda ishte më tepër një sajim popullor.

Kështjella -Kështjella në jug, e Ali Pashës mësuar me gjuhën e fjalëve të patregueshme,ku të shfaqet  Vasiliqia ,që e parandien ardhjen e orëve te territ,në dyert e saj nga shenjat pluskuese i solli koha. Ti hënëz e plotë,në flokë!O pishës e ndezur në muzg!Sa shikime janë ngurosur përmbi ty:” C’pret moj e gjorë,Aliu s’është më i gjallë…

Kjo kala me shkruante një ish i burgosur aty ka shërbyer si burg, Ata shkruan aty vite te rinise.Thuhet se në Himarë kalonte trakti i Egnatias jugore, që përshkonte Aulonën, Llogora, Himarë, Finiq. Himara e ka plazhin në Spile më të mirin. Ajo,që mund të tërheq kureshtar është shpella e Odisesë në Spile. Si i shpëtoi Ciklopit varur në leshin e deleve. Në Porto Palermo,kështjella e Ali Pashait ka formë pesëkëndëshe. Muret janë të trashë 1.6 m .Në ballinë gjenden vargje poetësh,gdhendur me stilin bizantin. Ndërtuar poetika e tyre me kaq ëmbëlsi me detin:Mbishkrimi i dyte na e ka dërguar nga USA Pertaq Pali ibiri i Janko Palit.

Mbishkrim ne deren e forteses se Palermos te ngritur me 1806 nga ALI PASHA, Vezir i Janines.

Stripste tis pllores afova thallasopori kseni
S’tin thallasa tu Panormu, thimos vjeni !
Q’eme pu tora vlepete s’ton urano san astro
Ime tis niqis tropeo astrapovollo Kastro !
Nifadhes Himarjotises m’ektisane me zillo
Afillo pros tus afillus qe pros tus fillus fillo !
M’ezilepse o Faethondas m’ihe nakari o Pirros
ALIS o protos me krati Tepelenjotis iros !
Afendis plireksusios s’tis Ipiros ta meri
Qe stratighoa Asirios me ta spathi s’to heri !
Pende mirjadhes stratevma Krata s’ton orismo tu
Afovos penda q’atromos anandja s’ton enthrotu !
S’ta Janin’ ahapavete t’atromito londari
Tis Athinas to jenima q’anathrema tu Ari !

Ngritur ne kopje ne vend me 1932 nga Arsimtar Janko Pali

Ktheni plloret o detare,hyni ne liman rehat
Këtu ne Panormen deti s’trembet erës me inat
Edhe mua qe shikoni lart ne qiell qe çaj rete
Jam e fitores trofe fortes’ qe shkrep rrufete !
Nuset e Himarjoteve me ngritën me kujdes
Armike për armiqtë, për miq mike me bese !
Me pati zili Fatheondi dhe Pirro me pat nakar
I Tepelenës me sundoi heroi Aliu i par
I plotfuqishem është sot ne ç’mban Epiri vende
Dhe gjeneral Asirian me shpat’ e me mende !
Pese dekada mijëra ka n’urdher ushtare
Pa frike e pa u tutur u ben armiqve balle
Tani Janine prehet luani pa frike
Nga Athinaja lindur , qe Marsi vete ka rrite !

Përkthyer dhe përshtatur ne shqip nga arsimtar Janko Pali ne vitin 1932 (shkruar me makine shkrimi mare nga origjinali i vitit 1932 dhe ne dy ½ flete, formati ) .Qeparo me 29. XI. 1979

*Mr.Anëtar i Akademisë Evropiane të Arteve

 

HËNA VERDHANE E BEN BLUSHIT

by

Nga Kolec TRABOINI/
 Ben Blushi nxorri një libër që u përcoll me pompë si çdo libër të pjellë nga kuintat e politikës që duke pasur paranë dinë si t’i bëjnë edhe menaxhimin produkteve të veta, anipse mund të jenë në nivelin e mediokritetit.  U mësuam tashmë. Në politikë gjithmonë mbarsen malet e pjellin minj. Një mi ishte edhe libri i Fevzos për diktatorin, nën sqetullat e një minidiktatori tjetër, po aq tinzar e i ethshëm për pushtet sa i mëparshmi. Plot minj politikë kemi parë e shohim nëpër skedat e librarive. Nuk ka nevojë t’i përmend se aty i keni në vitrina e me volume të mëdha e publicitet televiziv të marramendshëm. Madje edhe në Panairet qesharake të librave në çdo nëntor po ketë masakradë sheh, karnavalet e politikës. Kësisoj, pasi u bë zhurma tollumbacore për librin e Benit kësaj radhe i sajuar me shkrime gazetash e i arnuar me pakëz aktualitet  mercenarësh shqiptarë në Siri (1000 shkruan Beni në librin e vet), doli dhe ndonjë mendim pakëz kundër. Se mos vallë Beni qe ngutur në këtë prognozë hënore që përbëka ankthin e tij, por edhe të ca bisnesmenëve të medias që anipse janë mediokër, kanë mbirë si lule mbi bajga në Shqipëri. E kam fjalën jo vetëm ata që kanë ndërruar emrat për t’u bërë edhe më kontemporanë, por edhe për ata që nuk kanë ndërruar në asgjë nga asgjëja që më parë kanë qënë.
Dom Gjergj Meta bëri një reflektim të librit më të ri me qëndizma politike të Ben Blushit. E lexova shkrimin  Dom Gjergjit  dhe m’u duk më se i drejtë e i vërtetë. Ben Blushi me hënën e tij (e jo të Shqipërisë)  sheh ëndrra me sulltanë që i presin koka. Por Ben Blushi do ta kishte më të lehtë të bënte diçka për të ndaluar këtë dyndje të pseudokulturës otomane me sulltan sulejmanë e të tjerë para se të ngutej të tregonte prognoza të përgjakuara të së ardhmes. E ardhmja është ajo që gatuajmë sot e Ben Blushi është pjesë e asaj strukture parlamentare ku nuk të zgjedh populli, por lista e kryetarëve të partive. Për mua e keqja janë pikërisht këto soj njerëzish që vijnë në krye të katapultuar dhe kësisoj kemi një parlament impotent, të mbytur nga injoranca dhe produkti i soj-soj klanesh mafioze të cilët ia kanë zënë frymën shqiptarëve që nuk kanë punë e mezi e përballojnë jetesën. Ben Blushi mesa duket nuk do të dijë se populli do punë e kur nuk ka punë djemtë patjetër do të shkojnë mercenarë kudo ku del paraja, sepse këtë punë kanë bërë shqiptarët që 2000 vjet ndryshe nuk do të kishin mbijetuar. Beni është rritur mirë, nuk i ka munguar asgjë në jetë dhe e ka vështirë të dijë ëdo të thotë të varësh veten në litar se nuk ke bukë t’u japësh fëmijëve….Beni këto gjëra nuk i di, sepse për Benin populli është një turmë e destinuar në fatin e vet të mjerueshëm. Benit i tundohet mendimi politik se do të dalin partitë islamike e do t’i marrin pushtetin që e kanë(ai dhe të tjerë) që 23 vjet dhe e kanë katandisur këtë popull në gjendjen më të mjerueshme. Beni qan sot për pushtetin që do t’i marrin nesër, ata “islamikët”, kur sot populli nuk ka bukë të hajë dhe as e ka në axhendën e vet (pra nuk pjerdh fare) se kush do ta marrë pushtetin nesër.
Populli, me të cilin spekullojnë aq shumë, pyet, por askush nuk ka ndërment t’i përgjigjet, një pyetjeje si kjo: po mirë që shqetësohesh i nderuari deputet që me partinë tënde ke shumicën në parlamant, çfarë ju pengon ju të vendosni një ligj që në Shqipërinë laike, të ndalohen partitë me konotacione fetare. Por kjo ama nuk mund të bëhet vetëm për islamikët, kjo duhet të bëhet për të gjitha partitë që kanë qoftë dhe emërtimin fetar. Ta zëmë pse duhet të ketë parti kristiane dhe këto janë një tufë e jo një e vetme që na bëjnë edhe federata. Pse pra duhet të jenë këto parti fantazma dhe marioneta politike. Por jo të shkohet deri atje siç bën autori Ben Blushi në librin e tij “Hëna e Shqipërisë” ku shkruan as më pak e as më shumë por: “ Pyetja: “Duhet apo nuk duhet Kisha?”, është sot më e fortë se kurrë.”.
Vërtetë është e pamoralshme që në shtëpinë e të varurit të kujtohet litari, dhe harron kësisoj ky autor i librit në fjalë se sa krime të përbindëshme janë bërë kundër klerikëve të krishterë pikërisht nën një retorike të tillë vrastare  se “çfarë na duhet kisha”. Një kalvar i përgjakur ky,  ku u kryqëzua edhe e drejta e njeriut për të qënë i lirë në atë që beson. Ndaj them pa hezitim se këtu kemi një lajthitje të autorit.

Dhe e fundit, sa i bëjnë leksione me morale politike popullit me ca rrëfime të frikshme si në filmat horror të Hollivudit, më e dobishme do të qe  ngritja e zërit në parlament, duke kërkuar një komision miks parlamentar, duke propozuar  një projektligj për ndalimin e partive fetare e të mos rrinë në karrigen e deputetit veç për të ngritur dorën( a të kundërtën)  e marrë rrogën. Eshtë një luks i tepërt për këtë popull të varfër të mbajë me bukë deputetë që vegjetojnë në Parlamentin e mendjeve të Kombit,  ndërsa, ashtu si femijeve u tregohet gogoli për ti trëmbur, edhe këta u tregojnë shqiptarëve me gisht horizontin e murrëtyer ku  ju fanepsen fantazmat e të ardhmes. Nuk përjashtohet mundësia që e ardhmja mund të jetë me të papritura, por meqë flisni nga tempulli i sovranit popull e në emër të tij,  së pari duhet ti pergjigjeni një pyetje fare të thjeshtë:  Pse vallë e sotmja ekziston?!

E FTUAR NE SOFREN POETIKE TE DIELLIT- GLADIOLA BUSULLA

by

“MOS I BESO LOTIT”- CIKEL POETIK NGA GLADIOLA BUSULLA/ DURRES/

Në zemër

A e di

Kujt i përket jeta?

A e di

Kujt i falen qiejtë?!

A e di

Ku përqafohen zotat?!

Në zemër.

Atëherë,

mos i beso

lotit.

As  dhembjes, jo!

Parajsa ndodhet

në zemër.

Pa gënjeshtra

Gënjeshtra  hesht.

Njeriu pwr njeriun wshtw mik.

Një vjeshtë pa shira

po vjen.

Pres,

një dimër të butë.

Vdesin  mëritë.

Zhbëhen intrigat.

Djallin,

më s’e kam frikë.

Pa  ty

Nuk do të copëtoj qiellin.

Nuk do të mallkoj jetën.

Nuk do të tund dheun.
Pa zhurmë,
u largove nga unë.
Heshturazi,
do të vdes…
pa ty.

EROS 1

Dritë e amshuar

mbi dallgëzime !

Deti më thotë:

“Prit hapat e tij”.

Sënduku i jetës

shkund pluhur vetmie.

Ora e zemrës

troket dashuri.

EROS   II

Muskuj të stërlodhur,

spektatorë të  natës !

Turbullirë e ethshme

spërkatur me zjarr.

Frymëmarrje e thellë,

gjer në qiell, e ngritur.

Përmbi tokë ngadalë,

Sërishmi, e zbritur.

Luan lumturia

me flatrat e shpirtit.

Pasion’i gjunjëzuar

para  dashurisë.

THANATOS  I

Do ta shoh

nesër hënën ?!

Po yjet

që natën vezullojnë?!

Do të

dëgjoj

krakëllima  zogjsh?!

Cast i vrullshëm

dhe i trishtë!

Pegasus

fluturues

mbi petale trëndafilash.

Të ëmblat

ëndërrime

prehen

kaltërsisht.

THANATOS  II

S’ dua ta mendoj

të padukshmen…

Në ekziston

apo jo ?!

Vetë heshtja e qiellit

më flet për të.

Dhe gjumi i përjetshëm

në shtratin e tokës.

Agim e muzg

bëhen një.

As Lutja, përgjërimi,

Hadin s’e ndal.

Jetëshuarit, veç qiparisi

prehjen

ia fal.

 Mikut

Një mik kur shkon,

trishtim lë pas.

E mijëra kujtime

që s’dua të humbas.

Shoqëri e hershme.

Gjerdan’ i cunguar.

Malli s’ka fjalë,

por sy të pikëlluar.

Bebëzat

E  trishtë,

qetësi  e natës.

E gënjeshtërt,

paqja

mbi tokë.

Shpresa të vagëlluara!

Bebëzat e syrit

gjysmëhije të ngrysura.

Loti

Sa  shumë e desha

lotin tënd !

Mbi buzët e mia

vdiq.

Loti yt,

aq i shtrenjtë.

Lot  i dashurisë.

 

 

Micstura mortalis

 

Nën shpresa të braktisura,

përpëliten retë.

Luzma insektesh

Boshësisht kapluar.

Smog hipokrizish,

dhunë e padukshme.

Apokalips klishesh,

në grahma e rënkime.

Micstura mortalis!

Përtej horizontit,

fajkoi rebel,

s’e ndal

fluturimin.

Shën. i autorit:micstura mortalis – përzierje vdekjeprurëse

Lumi i jetës

Lumin e jetës sodis.

Mahnitje dhe frikë!

Dallgët kur s’dua

t’i ndal.

Më shohin

si mik.

Fajtor pa faj.

I marrë pa marri.

Çdo ditë e më shumë,

unë ndihem

fëmijë.

Manjolë në vargje të kapërthyera

 Këmban’ e zemrës

së rëni s’pushon.

Kujtimi yt

Manjolë e rinisë sime .

Përqafuar në mua

mbretëreshë e yjeve.

Shpirtin tim

merre me vete.

Ndieje përshkënditjen.

Të nesërmen

të rilindim …

të dashurohemi

sërish.

….

Yjet numëro me mua.

Mjafton një shkëndijë drite.

Dhe ne

me ajrin puthemi

që nata

të mos kundërmojë

trishtim.

Veç, të të dua

të të dua

të të dua.

Në mugëtirë e mugëllimë,

në përflakje e terrinë.

…

Zemër e brishtë

mbushulluar

me krenari.

A thua

trandet ngadalë,

në kumtin pa fjalë?!

As moshë, as ngjyrë

në  lutjet

që ngrihen

mes tokës dhe qiellit.

Ligjërimi i mëkatit

në përqafime rebele.

Përkohësisht dhurohen

në mbretërinë e Amave.

Puthja e muzës

Kur heshtin rënkimet.

dhe shpresa rikthehet në qiell,

Kur  simfonia e yjeve

mbështjell universin.

Kur pema e manjolës

shndrit natën pa ngjyra.

Kur puthja e muzës

të prek.

Atëherë do të lindë

Poezia.

Kaddish

Djepi i qiellit

është bosh.

Toka e zezë

si  vejushë.

11 muaj

rëndojnë,

njeriun pa dashuri.

Kaddish.

O Zot !

C’kohë e trishtë!

Ofshamë…

Kaddish.

Shenjteruar

Emri yt.

Meshire,

Besim,

Virtyt.

 

 

 

 

 

 

 

Italy honours HRH Prince Leka II and the Albanian Indipendence

by

The “Famiglie storiche d’Europa” and the “Famiglie storiche d’Italia” pay tribute to the Albanian sovereignity and to the Albanian independant Kingdom 75 years after the fascist invasion of Albania.

75 years after the fascist italian invasion of Albania and the birth during these tragic events of the future King Leka I, the prestigious « Cento e non più Cento » Circle, constituted by members of the high italian and european aristocracy and elite, was pleased to reserve to HRH Prince Leka II of the Albanians the guest of honour’s place at its annual ball which took place at the Palazzo Treville, in Casale-Monferrato, in Piedmont, Italy, on April 4-6 2014.

In his quality of Head of the Royal Albanian Family and Sovereign Chief of the Orders of the Besa and Skanderbeg, HRH Prince Leka II was received with full protocolar and military honours.
In beloved memory of his father, the late King Leka I, who was very much attached to the Order of Skanderbeg, whose colours and name symbolise Albanian sovereignity, national flag and our struggle for independence and liberty, HRH Prince Leka II weared the grand sash with star of this royal order.
During this event, HRH Prince Leka II was registered as member of honour of the European Historic Families Association, as well as member of honour of the Italian Historic Families Association and of the « Cento e non più Cento » Circle. The honorary membership was conferred to His Royal Highness respectively by HIRH princess Margarete of Austria, HE the duke Diego de Vargas Machuca and Dr. Pier Felice degli Uberti.
HRH Prince Leka II was also invited to take the place of his late Father as one of the patrons of the International Commission on Orders of Chivalry. King Leka I was amongst the patrons since 1974 until his death.
The event in Casale-Monferrato was also attended by representants of other royal families from Austria, Afghanistan and Russia, by members of Italian nobility as the Caracciolo or the Giovanelli Marconi and members of the economic and social italian elite as well.
During his stay in Piemont had the occasion to meet some members of the Albanian community who work hard and honestly to help their own families and Albania as well and felt honoured to share with them our common national joys and sorrows.

 

Italia nderon LTM Princin Leka II dhe pavarësinë e Shqipërisë

“Famiglie storiche d’Europa” dhe “Famiglie storiche d’Italia” nderojnë sovranitetin shqiptar dhe Mbretërine e pavarur shqiptare 75 vjet pas pushtimit fashist të Shqipërisë

75 vjet pas pushtimit të Shqipërisë së pavarur nga Italia fashiste dhe lindjes në kushte dramatike të mbretit të ardhshëm Leka I, rrethi prestigjoz i « Cento e non più Cento » që mbledh në gjirin e tij familje të fisnikërisë së lartë italiane dhe europiane, i rezervoi LTM Princit Leka II të Shqiptarëve vendin e nderit gjatë ballos së tij të përvitshme në Pallatin Treville, seli e Akademisë filarmonike të qytetit të Casale-Monferrato, në rajonin historik të Piemontit në Itali.
Në cilësinë e tij prej kreu të Familjes mbretërore shqiptare dhe Prijësi të Urdhërave të Besës dhe Skënderbeut, LTM Princi Leka II u prit me nderime protokollare të veçanta. Nderimet ushtarake u kryen nga një kompani e fanfarës së armës së bersaljerëve.
Në kujtim të babait të tij, mbretit Leka I i cili i jepte një rëndësi të veçantë Urdhërit të Skënderbeut, ngjyrat dhe emri i të cilit simbolizojnë sovranitetin e Shqipërisë, flamurin e saj, dhe dëshirën për liri e pavarësi kombëtare, LTM Princi Leka II mbajti gjatë darkës solemne, kordonin e madh me yll të këtij urdhëri.
Gjatë këtij evenimenti, LTM Princi Leka II i Shqiptarëve u regjistrua si anëtar nderi i Shoqatës së Familjeve historike të Europës, i Shoqatës së Familjeve historike të Italisë, dhe i rrethit të « Cento e non più Cento ». Diplomat ju dhanë respektivisht nga Lartësia e Saj Perandorake dhe Mbretërore, princesha Margarete Habsburg e Austrisë, Shkëlqesia e Tij, duka Diego de Vargas Machuca dhe Dr. Pier Felice degli Uberti.
LTM Princi Leka II pranoi të zinte vendin që mbreti Leka II mbante që prej 1974 si një nga kumbarët e nderit të International Commission on Orders of Chivalry.
Në eveniment merrnin pjesë përfaqësues të disa familjeve mbretërore, si ajo e Habsburgëve, e Afganistanit, e Rusisë, etj., familje të fisnikërisë së lartë italiane (Caracciolo, Giovanelli Marconi, etj.) dhe përfaqësues të ekonomisë dhe biznesit italian.
Gjatë qëndrimit tre ditor në Piemont, LTM Princi Leka II pati mundësinë të takohej edhe me pjestarë të komunitetit shqiptar në këtë rajon, të cilët me ndershmëri dhe vendosmëri punojnë për të ndihmuar familjet e tyre dhe vendin tonë, dhe u ndje i nderuar të bashkndante me ta gëzimet dhe shqetësimet e përbashkëta kombëtare.

 

Thaçi: Kosova do të ketë statusin zyrtar të vëzhguesit në NATO

by

Kosova do të ketë statusin zyrtar të vëzhguesit në NATO, shprehet optimist kryeministri kosovar, Hashim Thaçi, pas votimit dje për status të vëzhguesit.ka shkruar pak më parë kryeministri Thaçi në faqen e tij zyrtare në Facebook.
.thekson kreu i Qeverisë së Kosovës,  Hashim Thaçi.

Edi Rama: Kosova vëzhguese në Asamblenë e NATO-s, perspektivë e shkëlqyer për shqiptarët/

Kryeministri shqiptar, Edi Rama ka vlerësuar pozitivisht vendimin e Asamblesë së NATO-s për t’i dhënë Kosovës mundësinë për të qenë vëzhguese e Asamblesë Parlamentare të NATO-s.Kreu i Ekzekutivit në faqen e tij zyrtare në Twitter thekson se kjo mundësi që i jepet Kosovës, është një hap i shkëlqyer.“Kosova vëzhguese në Asamblenë e NATO-s, një tjetër perspektivë e re dhe e shkëlqyer për shqiptarët në rajon.”, shkruan Rama në Twitter .

BERISHA PERSHENDET KOSOVEN PER NATON

Ish-kryeministri, Sali Berisha, ka përshëndetur vendimin e Asamblesë Parlamentare në NATO për të pranuar Kosovën me statusin e vëzhguesit të saj.Në një postim në faqen e tij zyrtare në facebook, Berisha vlerëson se kjo është një arritje e madhe e Kosovës së pavarur në rrugën e saj të anëtarësimit të plotë në Aleancën e Atlantikut të Veriut.“Te dashur miq, Asambleja Parlamentare e Aleancës se Atlantikut te Veriut e mbledhur ne Riga vendosi te pranoje Kosovën me statusin e vëzhguesit te saj. Kjo është një arritje e madhe e Kosovës se pavarur ne rrugën e saj te anëtarësimit te plote në Aleancën e Atlantikut te Veriut. Urimet me te përzemërta për Kosovën, qytetaret, institucionet, shtetarët, forcat e saj politike për këtë arritje te rëndësishme në rrugën e integrimit euroatlantik-’shkruan Berisha.Kreu i delegacionit të Lituanisë në Asamblenë Parlamentare të NATO-s, Ojars Eriks Kalnins, ka bërë të ditur se, gjatë takimit në Riga, Parlamentit të Kosovës i është dhënë statusi i vëzhguesit në Asamblenë Parlamentare të NATO-s.Ndërkohë, Rusia është përjashtuar nga Asambleja Parlamentare e NATO-s, në të cilën përfaqësohej me një marrëveshje të veçantë me Aleancën atlantiko-veriore.