Featured – Page 763 – Dielli

NEW YORK : Kremtohet me një aktivitet ndërfetar Ditëlindja e Profetit Muhamed a.s.

January 23, 2014 by dgreca

* Ligjerues : Honorable Congressman Michael Grimm, (nuk arriti të mbërrij në kohë, por kishte konfirmuar prezencën e tij dhe ishte në listën ligjeruesve).Honorable Bekim Sejdiu Consul General of Republic of Kosova, Honorable Assemblyman Mark Gjonaj/ Bronx,Honorable Assemblyman Michael Cusick,Honorable/

* Profeti Muahmmed a.s. drejtësinë e lartësonte përherë, ndërsa shprehte bindjen e tij se nderi dhe respekti i njeriut mund të ruhet e mbrohet në një shoqëri ku sundon vetëm drejtësia/

Nga BEQIR SINA, Staten Island – New York/

STATEN ISLAND NYC : Në Qendrën Islame Kulturore Shqiptare / AICC, të premten më 17 janar 2014 është organizuar një celebrim ndërfetar me rastin e ditëlindjes së Prophet Muhammed a.s. me titullin ” Festojmë jetën e Profetit Muhammed a.s.”.

Kjo ditëlindje festua me moton e më të Dashurit shoqëruar me fjalime dhe me një program i cili nisi me rastin Javës Festive të Ditëlindjes së Shenjtë, që i kushtohet ditëlindjes së Prophet Muhammed a.s. .

Në kremtimin e lindjes së shenjtë morën pjesë edhe personalite të shquara njujorkeze, liderit fetar të besimeve të ndryshme, të krishter, ortodoks, Jews, veprimtar të organizatave jo qeveritare, liderët lokal dhe politikë, disa nga udhëheqësit më të lart të qytetit të Nju Jorkut, dhe përfaqësues të Departmentit të Policisë së qytetit të Nju Jorkut, besimtarë të ishullit të Staten Island, ku ndodhet edhe xhamia më e madhe shqiptare, dhe, një ndër më të mëdhat në Shtetet e Bashkuara të Amerikës.

Ligjerues : Honorable Congressman Michael Grimm, (nuk arriti të mbërrij në kohë, por kishte konfirmuar prezencën e tij dhe ishte në listën ligjeruesve).Honorable Bekim Sejdiu Consul General of Republic of Kosova, Honorable Assemblyman Mark Gjonaj/ Bronx,Honorable Assemblyman Michael Cusick,Honorable

(Pjesmarrës nga NYPD Officers: Honorable Thomas M. Chan,Chief Community Affairs Bureau of NYPD,Chief Edward Delatorre, NYPD,Commanding Officer Staten Island/ Deputy Chief Michael Marino, Inspector James Klein, Commanding Officer Crime Prevention Section NYPD,Honorable Inspector John Sprague/ NYPD 120 Precinct, Captain Flamur Cani NYPD, Lt. David Goodwin Community Affair Staten Island, NYPD, Sergeant Raffet Awad, NYPD Community Affairs Division, Detective Karim Zada, NYPD, Detective Ahmed Nasser NYPD, Detective Elton Shametaj NYPD, Honorable Philip Banks III Chief of NYPD, Honorable Raymond Kelly former Police Commissioner of NYPD .

Imamët: Honorable Imam Dr. Rufat Halili, Honorable Imam Nexhat Abdovic, Honorable Imam Kemal Bekteshefic, Honorable Imam GulamRassul/ Pakistani Mosque, Honorable Imam Edin Gjoni, Honorable Imam Mehdija Demirovic,

Klerikët – Staten Island Clergy : Father Liam O’Doherty (OLGC), Mrs. Mona Zaloom Building Bridges Coordinator Rev. Terry Troya Project Hospitality Dr. Ram Nair Hindu Temple.

Aktivistët : Mr. Bobby Digi, SINSIBA Org. Mr. Gonzalo Mercado Director of El-Centro Immigrant Council of Staten Island Mr. Marko Kepi/ Albanian Roots,)

Në ditëlindjen e Profetit Muhamed a.s. u tha se ky celebrim ka për qëllim të sjell grupet e ndryshme ndërfetare në Staten Island të festojnë jetën e Pejgamberit Muhammed me komunitetin musliman e Shqiptar të Staten Island. Vlen të theksohet thanë ata se festime të tilla ndërfetare në Staten Island janë të respektuara shumë dhe kan një trajtim të veçant. Në këtë aspekt AICC është nji ndër qëndrat prijatare në këtë mjedis. Në Staten Island përndryshe nga komunat tjera të New Yorkut celebrohen se bashku edhe festat e tjera ndërfetare si : Kërshëndellat, Honekan, Sederet dhe Thanksgiving.

Këto festime ndërfetare, dikur nuk kan qenë as të imagjinuara në formën sikur ato organizohen tani në Staten Island, por fal lidershipit fetarë në Staten Island – kjo gjë është arrirë dhe është për t’u marrë shembull në të gjithë Nju Jorkun. Duhet cekur se në këtë drejtim janë dalluar dhe Imamët shqiptarë, të kësaj qëndre cilët janë edhe lidershipi i qëndrës Islamike – AICC , Imam Dr. Zurkani Vardar, Imam Ferid Bedrolli dhe dr. Tahir Kukaj, të cilët kan kontribuar në afrimin e komuniteteve të ndryshme ndërfetare. Sipas, tyre thuhet se AICC, është një ndër qendrat islame me aktive në New York.

Kjo qendër ka fituar disa mirënjohje dhe vlerësime nga lidershipi politik, i New Yorkut, nga ish Mayor Bloomberg, Police commissioner Raymond Kelli, Kongressmani Michael Grimm, Assemblymani Michael Cusick, Borough President James Molinaro si dhe nga institutet akademike si Wagner College dhe poashtu nga organizatat joqeveritare si Project Hospitality.

Pjesmarrja në këtë mbrëmje ishte impozante dhe masive. Këtë eveniment e përshëndetën edhe i nderuari Thomas M. Chan Chief Community Affairs Bureau of NYPD, i cili foli në emër të policisë së Nju Jorkut.

Shefi i Çështjeve të Komuniteteve nga Departamenti i Policisë së Nju Jorkut, Thomas M. Chan, tha se :”Falenderoj imamët e kësaj qëndre për rolin e tyre, në nivel të qytetit të New Yorkut, që kjo qëndër e cila është një prej qëndrave të para që kemi parasyshë në bashkpunimin dhe partneritetin me qëndrat fetare. Dr. Tahir Kukaj, është njëherit edhe antarë i këshillit musliman pran zyrës së Police Commissioner of New York, Ne tha ai me AICC kemi parneritet afër një dekadë, ku rinia e kësaj qëndre merr pjesë në aktivitetet sportive që organizohen nga NYPD si futbolli, basketbolli dhe kriket.

Ne së bashku me AICC kemi arganizuar kurse të Akademisë së policisë së New Yorkut, ku pjesmarrja e komunitetit ishte shumë e madhe dhe e vlerësuar. Ne si NYPD vlerësojmë shumë punën dhe lidershipin e kësaj qëndre dhe shikojmë që të kemi edhe më tutje partnership me AICC. Urime edhe njëherë ditëlindja e Profetit Muhammed.” ka përfunduar fjalën e tij shefi i policisë Thomas M. Chan,

Më pasë në emër të politikanëve përshëndeti Assemblymani Michael Cusick , nga Distrikti 63të Staten Island

I cili, pas urimit të rastit, iu drejtua masës që ishte mbledhur në sallë, duke u shprehur se kjo qëndër është nji qëndër që me të vërtetë është në shërbim të gjithëanshëm të komunitetit në Staten Island. AICC , tha asamblesiti Cuisck, është një qëndër që shërben si shembull se si duhet organizatat dhe qendrat joqeveritare të funksionojnë dhe shërbejnë në qytetin e tyre. Propheti Muhammed a.s, tha ai “Ishte njeri modest, që shërbeu popullin e tij, dhe në këtë aspekt AICC, është duke zbatuar shëmbëlltyren e Prophetit Muhammed me aktivitetet e saja”.

Në emër të klerikëve të feve të tjera përshëndeti ditëlindjen e Profetit Muhamed I Përndershmi Liam O’Doherty (OLGC – Our Lady of Good Council)

Ai foli për rolin e AICC dhe se si kjo qëndër Islamike ishte pikërisht ajo që i hapi e para dyert e aktiviteteve të saj, pasiqë, ai kishte ardhur nga Bostoni të shërbente në Staten Island. Father Liam tregoj se si një nga qytetarët e Staten Island – kur e kishte takuar në rruge i kishte thënë atij, “të njoh ty, ti je ai prifti musliman,” dhe ky i drejtohet, kalimtarit se “ ne fakt jam prift katolik e jo musliman, por jam shok i muslimaneve dhe ndihem krenar që kam bashkëpunuar me qëndrën islame kulturore Shqiptare.” Father. Liam, tregoj se si AICC dhe OLGC realizuan vizitën e Kardinalit Timothy Michael Dolan në qershorin e 2013. “Aktualisht, tha Father Liam, aktivitetet tona me rininë e dy qëndrave vazhdojnë, vetëm në muajin dhjetorë dhe janar, ne së bashku kemi përgatitur ushqime për të vorfrit në ishullin Staten Island, ku rinia e AICC dhe OLGC kan bërë përgatitjen e ushqimeve dhe pakove, shpërndarjen e tyre nëpër shtëpia dhe qëndrat e të moshuarave. Ndërkaq, në emër të diplomatëve foli Konsulli i Përgjithshëm i Kosovës në Nju Jork, ambasadori Bekim Sejdiu

Në fillim të fjalës së tij, Ambasadori Sejdiu, uroj AICC për këtë organizim ndërfetar kaq të mrekullueshëm si e quajti ai.”Ne populli shqiptar, tha ambasadori Sejdiu vlerësojmë shumë diversitetin fetar, nga që ne jemi popull që i përkasim tri feve qiellore dhe dua të theksoj se vëllazërimi fetar e kombëtar ndër shqiptarët është shembull për mbarë botën. Në, AICC, ne si diplomat kemi ardhur edhe disa herë tjera për celebrime të ndryshme, dhe jemi përherë krenar me të arriturat e kësaj qendre në fusha të ndryshme. Fjalët e mira që dëgjojmë, sot këtu nga liderët e ndryshëm të New Yorkut, na bejnë të ndihemi krenar me ju komunitetin shqiptar në Staten Island” theksojë Ambasadori Sejdiu – Konsull i Përgjithshëm i Kosovës Në New York.

Kurse, fjalimi dr. Tahir Kukaj, Imam i kësaj qëndre, u përqëndrua rreth prezencës së të krishterëve dhe jahudive në jetën e Pejgamberit a.s.

Dr. Kukaj, potencoj se të krishterët i gjejmë si personalitete të rëndësishme në jetën e Pejgamberit a.s. dhe të muslimaneve. Prifti Behira, tha ai ishte prift krishterë i cili ishte i pari që i tha axhës së Pejgamberit a.s. Abu Talibit, se ky djal ka një ardhmëri të shëndrritshme, ky duhet të jetë pejgamberi i fundit. Pastaj mbreti i drejtë i Etiopisë , mbreti i krishterë ishte ai mbreti, që ju ofroj muslimanëve strehim dhe mbrojtje.

Ndërkohë, duke folur posaqërisht për gazetën tonë, Dr. Tahir Kukaj, një ndër Imamët e kësaj qëndre, tha se :” Qëllimi ynë në organizimin e një celebrimi ndërfetar ishte që të paraqesim Pejgamberin a.s. edhe atyre që nuk e njohin për pejgamber, por që e njohin si figurë ndërkombëtare me një influence të madhe madje edhe të pakrahasuar.”

Qëndra jonë shtoi ai është prej qëndrave fetare dhe kulturore prijatare në fushat të ndryshme të jetës fetare, sociale e shoqerore në New York. AICC, është themeluese e dy organizatave ndërfetare në Staten Island në parteneritet me qendrat tjera në këtë qytet, ku bashkërisht shërbejmë në ishullin Staten Island dhe New Yorkun.

Më tej ai, shprehet se të pranishmëve u treguam se muslimanët në New York, janë saktësisht sikur çdo komunitet tjetër, ne jemi besnik këtij qyteti e shteti, pohon Imam Kukaj duke shtuar se figura jonë themelore e personalitetit tonë na mëson se nuk mund të jesh fetare i mirë, derisa njerëzit të besojnë me jetën, pasurin dhe nderin e tyre.

“ Muslimanët, sipas tij janë besnik dhe duan këtë vend, e në mënyre të veçant ne shqiptarët, ne i jemi shumë mirënjohës popullit Amerikan dhe qeverisë së Shteteve të Bashkuara, për atë që e kan ndihmuar në kohët më të vështira popullin shqiptar , ishin ata që ndihmuan popullin shqiptarë më shumë se kushdo nga e gjithë bota, sidomos në rastin e luftës së Kosovës, si dhe me rastin e formimit të shtetit të Kosovës.”

Duke folur me rastin e kësaj dite, ai përmendi rastin e studimit të jetës së Pejgamberit a.s. ku si shpejegon Dr Kukaj, duket qartë se jeta e tij ishte e lidhur me popullin e librit, sikur e thirrën të krishterët dhe jahudit. Andaj edhe mesimet e pejgamberit Muhammed a.s. janë po ato mësime që pejgamberët e tjerë para tij i sollën njerëzimit.

Andaj me këtë rast “Ne dëshirojmë, që ti njohim të tjerët ashtu sikur janë e po ashtu dëshirojmë, që të tjerët të na njohin ashtu si jemi, drejtë për së drejti e jo të na njohin përmes dikujt që në fakt nuk prezenton Islamin e as muslimanët. Ne kultivojmë vlerat fetare dhe kombëtare që janë në sherbim të qytetit dhe vendit ku frymojmë dhe veprojmë.” u shreh Dr. Tahir Kukaj – një ndër Imamët e qëndrës Islamike AICC, në Staten Island ku u mbajtë edhe kjo veprimtari ndërfetare kushtuar: Ditëlindjes së Profetit Muhamed a.s.

Nata përkujtimore, u ndoq me këndimin e Kuranit të Madhëruar dhe Ilahitë e interpretuara nga Kori i Muzikës djemëve dhe vajzave nga Shkolla islamike Miraj, e cila i bashkoi të gjithë besimtarët në frymën e Profetit Muhamed a.s..

Ky aktivitet përcolli mesazhe të rëndësishëme të natës festive të cilat edhe në fjalët përshëndetëse nxorën në pah drejtësinë e profetit. Ku ata theksuan se Profeti Muahmmed a.s. drejtësinë e lartësonte përherë, ndërsa shprehte bindjen e tij se nderi dhe respekti i njeriut mund të ruhet e mbrohet në një shoqëri ku sundon drejtësia.

Në fund të festimit, nxenësat e MIS, shkollës islame Miraxh, prezentuan disa Ilahi në tri gjuhët, shqip, anglisht dhe arabisht. Pas këtij programi, musafirët u shërbyen me ëmbëlsira, kafe, çaj dhe lëngje të ndryshme frutash.

SHOQATA “PAPA KLEMENTI XI ALBANI”, (SHSHASH) SUEDI MBAJTI KUVENDIN

January 23, 2014 by dgreca

Shoqata e Shkrimtarëve dhe Artistëve Shqiptarë ”Papa Klementi XI Albani”, Suedi, mbajti Kuvendin vjetor, më 18 janar 2014, në Ängelholm, Suedi nën udhëhqejen e Kryesisë së punës nga Qibrije Hoxha, nënkryetare, Prof. Fetah Bahtiri dhe Sokol Demaku, anëtarë të Kryesisë së ShShAShS-së. Për punën njëvjeçare raportoi kryetari z. Hysen Ibrahimi. Për arkën raportoi arkëtari z. Rrahman Rrahmani, kurse për librin ”Thesar Kombëtar 3” që është në përgatitje e sipër foli kryetari i Komisionit redaktues Prof. Fetah Bahtiri.

Kuvendi vjetor i miratoi raportet unanimisht pa asnjë votë kundër dhe pa asnjë abstenim. Kuvendi falënderoi raportuesit për punën e tyre,. Në mënyrë të veçantë u duartrokit Mr. Fadil Geci i cili ishte deklaruar se vullnetarisht me mjete të veta do ta financojë botimin një numri të librit ”Thesar Kombëtar”.

Gjithashtu me kënaqësi të posaçme u mirëprit ndarja e mjeteve për botimin e librit ”Thesar Kombëtar 3” në shumën prej 3.350 € nga Ministria e Diasporës. Ky njoftim erdhi nga znj. Shukrije Ramadani, udhëheqëse e Divizionit për Kulturë, Rini e Sport për Diasporë pranë Ministrisë së Diasporës.

Kuvendi vjetor falënderoi ngrohtësisht të gjithë sponsorët që ndihmuan dhe janë duke ndihmuar ShShASh-në, si: Halim Hoti, Albert dhe Artan Jashari, Qazim Hoti, Burim Muharremi, Naim Latifi, Robert Hoti, Haki Ademi.

Kuvendi, ndër të tjera mori këto vendime:

– Shoqata e ndryshon emrin. Ajo tani e tutje do quhet: Shoqata e Shkrimtarëve dhe Artistëve Shqiptarë ”Papa Klementi XI Albani”, Suedi.

– Shoqata shpalli anëtar nderi: Prof. dr. Shefkije Islamajn, Prishtinë, Prof. Salih Zogianin, Prishtinë dhe Prof. Flora Dervishin, Durrës.

– Shoqata mori vendim që për punën dhe ndihmën e dhënë asaj, t´u ndajë Mirënjohje publike këtyre individëve: Sadri Mustafës, Avdullah Pllanës, Rrahman Rrahmanit dhe Mursel Shkupollit.

Mirënjohjet për anëtarë nderi dhe mirënjohjet e tjera, do të dorëzohen me rastin e promovimit të librit ”Thesar Kombëtar 3” në Biblotekën Kombëtare Universitare të Kosovës në Prishtinë, kah mesi i muajit korrik 2014. Për promovimin me kohë do të jepet njoftimi.

Në emër të SHSHASH-së,

Hysen Ibrahimi, kryetar.

SHQIPTARET NE SIRI, Bedel për IHH

January 23, 2014 by dgreca

Nga Gëzim Llojdia/

Shqiptarët në Siri,çfarë mund të jenë përveçse-bedel në shërbim të IHH.

Organizata bamirësie turke, IHH , ka rekrutuar qindra shqiptarëve myslimanë dhe i dërgoi në Siri pas trajnimeve ushtarake në Turqi për të marrë pjesë në luftë të armatosur kundër qeverisë së Damask kanë cilësuar agjenci lajmesh.

Si vepron IHH? ” IHH , e cila vepron nën mbulesën e ndihmave bamirësie dhe të aktiviteteve dhe akteve në koordinim të plotë me MJT dhe grupeve ekstremiste saudite vahabiste deri tani ka rekrutuar dhe ka transferuar një numër të 769 shqiptarëve në Siri për t’u bashkuar me të ashtuquajturën ushtria siriane pa pagesë. Ky burim për dërgikmin e kësaj shifre të lartë shqiptarësh në Siri duhet marrë me rezervë sepse vjen nga raportimi i një agjencie iraniane e cila mundohet të shtojë numrin e të rekrutuarve në Siri,ngase dihen lidhjet dhe avantazhin që ka Irani me dominimin në Siri ku rrënjët e kësaj të fundit janë shtrirë thellë në Siri, ne ekonomi dhe ushtri,arsim etj.

Burimet thonë se:ata që janë rekrutuar nga IHH ” janë transferuar në Turqi nëpërmjet Tiranës kanë kryer trajnime ushtarake nga oficerë të stacionuar në bazën Reyhanli ushtarake në krahinën jugore të Turqisë Hatay “. ” I fundit i këtyre grupeve të rekrutuar ishte përbërë 90 shtetas shqiptarë të cilët u dërguan në Stamboll nga Tirana në fluturimin turk Air nr 1078 . Më 30 qershor, 2013.

Sidoqoftë shifrat e referuara nga iranianët për rekrutimet e shqiptarëve nuk mbeten shumë të besueshme për faktin se iranianët kanë arsyet e tyre për shkak të tokës së djegur ku po rrëshqet Siria prej tre vjetësh në luftë ,mbështetësja e tyre dhe me këtë rast ata mundohen që të artikulojnë fakte se lufta në Siri bëhet nga grupe të jashtme terroriste.

” Përkundër përpjekjeve të IHH -së për të rekrutuar njerëzit, rreth 450 prej këtyre shqiptarëve myslimanë kanë dezertuar pas disa javë të luftës dhe u bashkua me grupet e lidhura al – Qaeda ,posaçërisht Front al – Nusra ” si grupet e al – Kaedës që gëzojnë furnizime më të mira.Nëse do të kërkojmë arsyen përse agjencitë iraniane theksojnë këto shifra duhet kuptuar me ikjen e Assadit,këputet litari që ka mbajtur varur politikën e Iranit në Siri.Dhe a duhet të besojmë këtë shifër që sjellin agjenci lajmesh të cilat kanë interesat e tyre në këtë rajon dhe për të mbrojtur këto interesa fryjën shifrat reale?Burimet nga Kosova flasin për një numër të pakët shqiptarë të Kosovës që kanë shkuar si luftëtarë kundër regjimit të Assadit dhe kjo duhet pranuar si shifër e vërtetë,burimet e Kosovës.

Çfarë është IHH si lindi në Stamboll dhe misionet e saj në Ballkan. Burimet flasin se

IHH është themeluar në Stamboll në vitin 1991 nga avokatët e Partisë së Mirëqenies të Turqisë themeluar nga ish- kryeministri turk Nexhmedin Erbakan . Ajo ka luajtur një rol pozitiv në mbështetjen e muslimanëve boshnjakë gjatë luftës së Bosnjës ( 1992-1995 ) .

Gjatë gjithë viteve të ardhshme , IHH distancuar veten nga të Mirëqenies dhe lumturia Palëve të Turqisë . Pas shpërthimit të trazirave në Siri në mars 2011 ajo mori pjesë në mënyrë aktive duke ndihmuar grupet opozitare siriane .

IHH ishte menduar për të ofruar ndihmë humanitare në rast të shpërthimit të luftës , tërmeti , uria apo konflikti . Presidenti aktual i IHH është Fehmi Bulent Yildirim , por zëvendësi i tij Osman Atalaj është praktikisht i ngarkuar me çështjet IHH -së .

Atalay vepron në koordinim të plotë me vehabitët , dhe është e angazhuar në operacionet e ndihmës humanitare në sipërfaqe .Sipas Fondacionit të Vëllazërisë islame , nuk ka dëshmi konfirmuese se IHH ( nën mbulesën e ndihmës humanitare ) është duke siguruar luftëtarve në Siri me armëve të rënda , duke përfshirë edhe raketa anti -ajrore dhe gazetat turke dhe zyrtarëve perëndimore në Siri e kanë përmendur këtë ndihmë për të rebelët sirianë .Në tetor , IHH ka dërguar armatime të rënda të rebelëve sirian nën maskën e ndihmave humanitare .

“Agjencia sekrete turke dërgoi 93 anëtar të Al – Kaedës dhe taleban nga Vaziristanin për provincën Hataj pranë kufirit me Sirinë në një fluturim të Air Airbus turk me fluturimit Nr 709 më 10 shtator, 2012 dhe përmes rrugës fluturimit Karaçi – Stamboll .

Të 93luftëtarët kaluan transit kufirin turk me Sirinë përfshirë militantë të Al – Kaedës nga Arabia Saudite , Kuvajti, Jemeni , Pakistani, Afganistani dhe një grup i arabëve me banim në Vaziristan .Anëtarët e rinj të al-Kaedës janë trajnuar në Vaziristanin e Veriut deri pak ditë më parë dhe pastaj të dërguar në Siri , por tani ata janë transferuar qendrën e tyre komanduese për kufijtë midis Turqisë dhe Sirisë , si një hap i parë për t’u ndjekur nga një fundit të lëvizur direkt në pjesët e trazuar të Sirisë në anën tjetër të kufirit .

” Turqia ka keqpërdorur grupet ekstremiste Selefite dhe Al – Kaedës t për intensifikimin e krizës në Siri dhe se kohët e fundit ka shtuar përpjekjet e saj në këtë drejtim duke ndihmuar degë e re të Al – Qaeda duke ngritur një kamp në Vaziristanin e Veriut në Pakistan për të trajnuar taleban të Al – Kaedës , si dhe Selefite turke dhe arabe muxhahidët të cilët më pas janë dërguar në Siri për operacione luftarake. Duhet përmendur se jo të gjithë ata çka janë dërguar në frontin sirian janë shqiptarë dhe se ky numër nuk duhet marrë shumë për bazë sepse dihet burimet nga ka rrjedhur informacioni i përket mbështetësve të politikës së Assadit në rajon.

Ç’punë kanë shqiptarët në këto rajone,duhet thënë se shqiptarët që nga koha e perandorisë osmane kanë luftuar në këto rajone dhe shumë prej tyre kanë humbur në këto luftëra pa nishanë. Kënga’Mbec more shok mbec përtej urës së Qabes është një këngë nizamësh, për ata shqiptarë që u vranë apo mbeten në rërat e Arabistanit në kohët e perandorisë osmane. Dikur ishte perandoria osmane që dërgonte nizamë në rërat e Arabistanit e më thellë,dhe po të besosh burimet e sotme,kupton se burimi është i njëjtë vendi nga ku dërgoheshin nizam shqiptarë.

Heshtja që flet bukur me shqisën e penelit….

January 22, 2014 by dgreca

Nga Raimonda MOISIU/

Pikturistja e talentuar Lidia Capa, vjen nga shtresa e Personave me Aftësi të kufizuar, ajo nuk flet dhe dëgjon. Por kjo mungesë aftësie, ku realiteti i zhurmshëm nuk depërton te ajo, nuk e ka ndaluar atë që të sfidojë në jetë, të shprehet bukur nëpërmjet talentit dhe pasioni për pikturën, nëpërmjet ngjyrave që ajo me penel në dorë hedh “fjalët”, që asaj i mungojnë në botën e saj. Situtata më mbresëlënëse ka qenë ekspozita e parë më mbështetjen e Zonjës Liri Berisha. Në Ditën Ndërkombëtare të Personave me Aftësi të Kufizuar në ambientet e Muzeut Historik Kombëtar, ditë që përkonte edhe me 25 vjetorin e Artistes, -Lidia me mbështetjen e familjes dhe shoqërisë celi ekspozitën “Heshtja flet”, dhe promovoi pikturat e saj. Morën pjesë shumë prej figurave të njohura nga bota e artit, letrave shqipe dhe jetës social-ekonomike politike e kulturore të shoqërisë shqiptare. Ja si shprehet intelektuali e politikani Arben Malaj, pjesëmarrës në këtë ekspozitë: “Lidia është një nga pak shëmbujt e përkyer që na tregojnë se si vullneti dhe pozitiviteti mposht cdo kufizim edhe kur padrejtësisht një person mund të ketë kufizime të ndryshme. Lidia nuk flet dhe nuk dëgjon, por ajo është një piktore e talentuar. Lidia flet shumë bukur me pikturat e saj dhe dëgjon shumë mirë kur tregon se cfarë mesazhi përcjell me artin e saj”.

Edhe Ministrja e Zhvillimit Urban dhe Turizmit, znj. Eglantina Gjermeni, e pranishme në Ekspozitën e 25-vjeçares me aftësi të kufizuar, por shumëë të talentuar, Lidia Capa, të titulluar “Heshtja që flet” ishte befasuar nga kolori i ngjyrave plot jetë, shpresë e optimizëm, ndërsa rektori i Akademisë së Arteve z.Petrit Malaj, i cili e ka njohur Lidian që në moshë të re dhe ka ndjekur atë hap pas hapi në artin e pikturës, njohës mbresëlënës i sukseseve të saj, u shpreh se ai dhe institucioni që drejton do të mbështesin gjithmonë Lidian. Për më shumë ndiqni intervistën.

-Zonjusha Lida, jeni diplomuar në Akademinë e Arteve. Cila është eksperienca tuaj më e preferuar si një artiste, në Skulpturë apo pikturë?

Po është mëse e vërtetë që jam diplomuar në Akademin e Arteve, biles kam mbaruar edhe Masterin. Të dyja janë degë të bukura, pak më e vështirë është skulptura për delikatesën femërore. Nëse dëshiron të jesh piktore e mirë duhet të jesh më parë skulptore e mirë. Këtë ide ma mësoi xhaja im Dashi, si një nga zgjedhjet e mia të para. Kjo më bëri më pas që unë vendosa të mos i ndahem penelit e t’i përkushtohem artit të bukur të pikturës .

-Cfarë do të thotë për ju të bësh skulpturë? Po pikturën! Ku qëndron ndryshimi mes të dyjave, që janë pjesë e artit?

Të bësh skulpturën është pak vështirë, sikundër e theksova më lart. Do punë e përkushtim, me procese të ndryshme kohore.Ndërsa piktura gati është e përcaktuar në imagjinatën time. Piktura më duket më e leht, ka variacione e bukuri në ngjyra që mund të luash simbas emocioneve e ndjenjave.Ky është mendimi im.

-A mund të më përshkruani lidhjen që ju keni me artet, vecanërisht me pikturën? Pse jeni kaq e apasionuar pas pikturës? Cfarë ju ka inspiruar e motivuar të bëhen artiste në artin e bukur të pikturës?

Lidhja ime me artin është gjenetike. Babai im e ka pas ushtruar e punuar me skulpurë që në rininë e tij.Po ashtu edhe dy xhajat e mij.Ndërsa halla ime që është poeteshë më ka mbështetur dhe inkurajuar me këshillat e saj. E palodhura nëna ime më ka shoqëruar kudo në konkurse dhe ekspozita. Piktura ka qenë për mua gjithshka e munguar tek unë, ka qenë pjesë e jetës, mbushja e ushqimit tim shpirtëror e mendor. Motivet kanë qenë të ndryshme, të kohës e të moshës.

– Cila ka qenë piktura tuaj e parë, tema dhe subjekti i saj?

Piktura ime e parë ka qenë një shtëpi e vogël, në një kodrinë, mes gjelbsrimit, buzë një përroi dhe një varkë pranë. Por nuk ka qene vetëm kjo e para. Shtysa ime ka qenë disi e vecantë; në një ditë me shi dhe unë nuk mundesha të dilja në oborr të luaja me dy kushërinjtë e mij më të vegjël. Kështuqë halla ime na bëri një lojë. Të përfytyronim sikur ishim në klasë në një minikonkurs të improvizuar. Mua më caktuan që të pikturoja dicka , ndërsa ata që dinin dikush të imitontë dikë e dikush të këndonte. Në fund panë të befasuar, që unë kisha bërë një kopje identike me kopertinën e një reviste. Halla e gëzuar sikur kishte gjetur celësin e Aladinit, dhe e mori fletën në dorë dhe me vrap jau tregoi pjestarëve të tjerë të familjes.Që nag ai moment intersant e mbresëlënës u vendos fati im. Te nesërmen u regjistrova te një mësues privat, që të vazhdoja trajnimin me pikturën. Ai e pëlqeu punën time dhe kështu unë më pas vazhdova Liceun me konkurim si të gjithë të tjerët.

-Punimet tuaja të para janë disi të ndryshme nga ato aktualet. A mos në penelin tuaj udhëhiqeni nga vizioni konceptual?

Unë nuk ndjek një linjë, unë eksploroj, unë pikturoj edhe kur jam e mërzitur, edhe kur kam shi brenda meje, edhe kur kam gëzim, unë edhe fantazoj shumë, perdor imagjinatën.Kolorin e ngjyrave e përdor simbas emocionit aktual të gjendjes.

-Nga ju vjen inspirimi në pikturat abstrakte, peisazhe të natyrës, –duke rënë shi, apo borë, lindja apo perëndimi i diellit, deti i qetë apo me valë?

Natyra më pelqen në pikturat e mia, cdo gjë që ka toka më bukurit e saj edhe shiu edhe dimri me ftohtësinë e tij edhe vera me detin, malin. Cdo gjë që ka lidhje me natyrën, më inspiron. Perëndimin shpesh e kam filmuar në ikjen e diellit mbrapa kodrës, me nuancat e tyre të ndërmjetme, pemët që kanë atë madhështi zogjtë kafshët më dhimbsen, jam vetë vegjeteriane .

-Keni piktura që kanë gati të njëjtën mënyrë trajtimi si në fillesën tuaj.Pra jeni shumë e vetëdijshme për sipërfaqen dhe ngjyrat, por kur i shihni mbas një kohe, vini re bojë të pasur dhe material, por duke punuar me të njëjtën teknikë që nuk gjendet në origjinal, pse ndodh kjo?

Mundohem të jem vetvetja, të kem imazhin tim original, sepse edhe bota ime kështu është e vecantë.

-Cfarë stili të artit, do e klasifikoni talentin tuaj ?

Stili i Artit tim është Modern, më pëlqejnë aplikacionet e ndryshme e të tjera si këto.

-Jam kurioze të dij si lindi ideja për të celur ekspozitën që ju promovuat paradokohësh në Tiranë, në Ditën e Personave me Aftësi të Kufizuara? C’mund të na thoni për burimet origjinale të pikturave tuaja?

Ideja ishte se ditëlindja ime përkon me këtë ditë. Kjo më dha mundësinë që ta bëja në këtë ditë, por edhe me rastin e mbarimit të Akademisë e Masterit më duhej të hapja këtë ekspozitë, plus që ditlindja ime ishte përvjetor e kështu u bënë tre mundësi për këtë ekspozitë. Burimet origjinale të pikturave janë ndjeshmëria, talenti, vullneti e dëshira për të qenë dikush në jetë.

-Si ja keni arritur të jeni kaq e sukseshme? Si ia keni dalë që pikturat tuaja janë bërë të mirënjohura e plot talent?

Suksesi nuk arrihet pa punë, pa talent e pa dashuri për atë që do e bën në jetë.

-Kur dhe ku keni lindur? A mund të na tregoni fakte interesante nga jeta tuaj?

Unë kam lindur në Tiranë nga dy prindër shëmbullorë, nga një baba që unë i kam ngjarë në cdo gjë, si nga ngjashmëria fizike. Talentin e kam nga ai të trashëguar. Unë jam vajza e vetme e tyre, mbasi kam pasur një vëlla që e doja e më donte aq shumë sa betohej për kokën time. Jeta ka dhimbjet e saja, dhe mua më goditi në të dyja anët e saja më të errta. Si sprovë më vuri durimin dhe unë luftoj e sfidoj të përballem me të gjitha vështërsitë e saj, e vetme në mes dallgëveqë rrahin cdo ditë të jetës..

-Një moment i vështirë në jetën tuaj?

Moment i vështirë në jeten time, sikundër e përmenda më lart ka qenë ndarja nga jeta me vëllain tim të vetem që e doja si sytë e ballit. Nuk ka më vështirë dhe dhimbje se të humbësh njeriun tënd të vetëm dhe më të dashur e të shtrenjtë të familjes, aq më tepër në prag të martesës, mua më ikën gjysma e gëzimit tim. Ai ishte gjithshka për mua , gjithshka që kishim ëndërruar u shemb brenda një dite, brengë që më duhet ta vuaj gjithë jeten time.

-Një situatë mbresëlënëse?

Situata më mbresëlënëse është një surprizë që ma bëri halla ime me hapjen e ekspozitës time të parë nga prezantuesja Rudina Magjistari, ku të ftuar kishim edhe znj. Liri Berisha e shuëe Artistë të Artit e Kulturës. Në një kohë që jeta ime ishte kthyer mbrapsh, në vetëm gri e pa shpresa, që nga ndarja e vëllait tim të dashur.

-Cfarë këshille do ju jepni artistëve fillestarë?

Artistët fillestarë duhet të kuptojnë a kanë talent. Më pas duhet ta dashurojnë punën me vullnet që të arrijnë sukseset.

-Cfarë po pikturoni aktualisht? Cilat janë projektet e pikësynimet në të ardhmen?

Tani kam disa piktura të pa mbaruara të lëna përgjysëm.

-Cili është mesazhi tuaj optimist, për personat me Aftësi të kufizuara?

Kam dëshirë të filloj punë në mesin e personave me aftësi të kufizuara që të jap shëmbullin tim personal edhe duke u frymëzuar nga sakrificat që bëjnë për jetën e tyre .

-Kush janë artistët-pikturistë famozë të preferuar nga Ju, të huaj e shqiptarë?

– Artistët që me frymëzojnë janë nga e madhja Helen Keler e Dalia dhe shumë artista famozë , librat e të cilëve i kam në komonë time, që miq të ndryshëm m’i kanë dhuruar

Ju faleminderit,

Bisedoi :Raimonda MOISIU

Struga do të binjakëzohet me qytetin e Waterbury në SHBA

January 22, 2014 by dgreca

* Në korrik kryetari i Waterburyt Neil O Leary, do të vizitojë Strugën/

* Kryetari i qytetit të Strugës zoti Ziadin Sela , me këtë rast pranoi shpalljen për një ditë “Major i Qytetit” nga autoritet lokale , shtetërore , dhe politikanët federalë , në një ceremoni simbolike, ku atij iu dha çelësi i qytetit nga kryetari i Bashkisë së Waterburyt Neil O’Leary , i cili me të drejtë pranoi se komuniteti shqiptarë në këtë bashki ka ndikimin të fuqishm të shqiptarëve etnikë nga Struga në strukturën dhe jetën e qytetit, shkruan gazeta Waterbury Observer /

Nga BEQIR SINA, New York/

WATERBURY – STRUGE : Kryetari i komunës së Strugës, zoti Ziadin Sela po qëndron për një vizitë në SHBA, i ftuar nga komuniteti shqiptar këtu. Ai fillimisht javën e kaluar ka zbritur në qytetin e Waterbury në shtetin e Connecticut, ku është takuar me komunitetin shqiptar të këtij shteti, por edhe me kongresmenë e senatorë amerikan. Sela ka pasur rastin të takoj edhe kryetarin e qytetit Waterbury, ku është theksuar arritja e një marrëveshje të bashkëpunimit. Kryetari i komunës së Strugës, Ziadin Sela takoi gjatë viztës së tij edhe dy senatorët amerikanë përfaqësues të këtij shteti në Senatin e SHBA-ve, Richard Blumenthal dhe Chris Murphy, me të cilët ka diskutuar për tema të përgjithshme dhe zhvillimet në Maqedoni dhe qeverisjen lokale në komunën e Strugës. Gjithashtu kryetari Sela ka pasur rastin që të falënderoj dy senatorët për gjithçka që SHBA kanë bërë për shqiptarët.

Kurse,në takimin mes kryetarit të Waterburyt Neil O Leary, dhe kryetarit të komunës së Strugës, Ziadin Sela, është diskutuar mundësia e intensifikimit të marrëdhënieve mes komunës së Strugës dhe qytetit të Waterburyt, sidomos ato në fushën e ekonomisë dhe të kulturës, ndërmjet këtij komuniteti i cili përbëhet më së shumti nga struganët.

Bashkëbiseduesit, duke shfrytëzuar këtë rast, vlerësuan praninë e komunitetit shqiptar në SHBA, si një komunitet i mirë-integruar në shoqërinë amerikane. Më tej, ata propozuan një binjakëzim të qytetit të Strugës dhe Waterburyt.

Dhe kjo u realizua dje! Qyteti i Strugës, me rreth 22 mijë banorë, tashmë, sipas gazettes së qytetit me të njëjtin emër është binjakëzuar me qytetin e Waterbury me 110 mijë banorë , qytet që gjendet në jug lindje të shtetit të Connecticut në SHBA-, shkruan sot gazeta amerikane Waterbury Observer.

Waterbury dhe Struga ranë dakord për t’u bërë qytete binjakë , O’Leary pritet të vizitojë Strugën në Maqedoni verën që vjen.
Qytetet si motra si i quajnë këtu në SHBA, kanë një lidhje unike dhe të fuqishme , dhe në këtë frymë , qytetet e Waterbury i shtetit federal Connecticut, dhe Strugës të Maqedonisë, ranë dakord që të bëhen qytete si motra – binjakzim, u tha dje gjatë një takimi midis liderëve të tyre komunale në zyrën e Komunës së Waterburyt – City Hall . Kryetari i qytetit të Strugës zoti Ziadin Sela , me këtë rast pranoi shpalljen për një ditë “Major i Qytetit” nga autoritet lokale , shtetërore , dhe politikanët federalë , në një ceremoni simbolike, ku atij iu dha çelësi i qytetit nga kryetari i Bashkisë së Waterburyt Neil O’Leary , i cili me të drejtë pranoi se komuniteti shqiptarë në këtë bashki ka ndikimin të fuqishm të shqiptarëve etnikë nga Struga në strukturën dhe jetën e qytetit, shkruan gazeta Waterbury Observer . Sipas saj Kryetari i Bashkisë Sela e ftoi kryetarin e bashkisë së O’Leary, të vizitojë Strugën në korrik(këtë verë) për të bërë zyrtarizimin e marrëveshjes së dy qyteteve në binjakzim. Kryetari i bashkisë O’Leary , i cili tha se ai do të paguajë udhëtimin nga xhepi e tij , pranoi ftesën , dhe tha , “Se ky është një binjakëzim i madh mes dy qyteteve , por kur unë kam për të shkuar atje , kam për të shqyrtuar munhdësit se si ne mund të ndihmojmë njëri-tjetrin në këtë binjakzim dhe për të parë se:” Cilat janë nevojat tona ? ”

Waterbury dhe Strugës së shpejti do të jenë të binjakzuara – simotra .
Gazeta shkruan se Bashkia e Waterburyt, nuk i mbylli zyrat dje, megjithse, ishte një ditë pushimi në respektimin e Dr Martin Luther King Day , por kryebashkiaku O’Leary, i ka hapur zyrat e tij për të përshëndetur kryetarin e bashkisë së Strugës, zotin Ziadin Selën dhe rrethin e liderëve lokalë të komunitetit shqiptarë, që e shoqëronin atë gjatë kësaj vizite .
Gjatë takimit të Kryetari O’Leary dhe Kryetarit Ziadin Sela, gazeta shkruan se ata kan prekur gjatë bisedës së tyre vllazërore, shumë çështje në lidhje me qeverisjet në komunat e tyre , dhe të dy pohuan vështirësitë në këndëvështrimet e tyre.
Struga, ka dy qytete të tjera simotra – Mangalia , Rumani dhe Famagusta , Qipro ndërsa tani me Waterburyn ajon bën qytetin e tretë simotër, citohet të ketë thënë kryetari i Strugës zoti Ziadin Sela. duke shtura se :”Struga, është qytet shqiptar në Maqedoni , është një qytet turistik, sidomos në verë , kur ky qytet pret edhe një nga festivalet më të mëdha me poezi në botë çdo gusht , i quajtur Mbrëmjet Poetike të Strugës “.
Kryetari i Bashkisë Neil O’Leary, gjatë bisedes me kolegun e tij nga Struga,  ka veçuar një lidhje të veçantë me komunitetin lokal shqiptar nga Struga në Waterbury, atë kur ai merr pjesë në të gjitha festivalet , me këngë e valle popullore shqiptare, dhe aktivitetet e ndryshme komunitare .
Waterbury, shkruan kjo gazetë është nji qytet i rreth 110,000 banorëve me qytetarët nga çdo cep të botës – irlandezë , italianë , francezë, kanadezë , Puerto Ricanë , grekë , libanezë , Domenikanë , portugezë dhe dhjetra të kombësive të tjera. Sipas saj tani mendohet se ka 12.000 shqiptarë që jetojnë në Waterbury , më së shumtë nga qyteti i Strugës , Maqedoni . Ata janë biznesmen në biznese të tilla si dyqane për shitjen e bukës, dhe ëmbëlsirave , piceri , restorante dhe kanë edhe oficer të policsë në Waterbury dhe kan një ndihmëse për kryetare komune që punon brenda bashkisë . Kryetari Ziadin Sela u zgjodh vetëm nëntë muaj më parë , dhe ka përpara shumë punë të vështirë në një qytet, që është dalluar me një ndarje nga tensionet etnike mes shqiptarëve dhe maqedonasve . Shumë shqiptarë në Strugë, shkruan gazetari janë në favor për t’u bashkuar me Shqipërinë dhe Kosovën për të formuar një shtet të Shqipërisë Etnike.
Para Luftës së Dytë Botërore një copë e Maqedonisë, e cila etnikisht ka qenë pjesë e Shqipërisë , kur u ndryshuan kufijtë për të krijuar Jugosllavinë , i janë grabitur Shqipërisë dhe kan mbetur nën Maqedoninë, shkruan sot Waterbury Obserever .
Saranda Belica, sipas saj është shqiptare,  një zyrtare e bashkisë së Waterburyt, që ka lindur në Strugë dhe u zhvendos në Waterbury me familjen e saj kur ajo ishte 16 vjeç . Familja e saj u rikthye përsëri në Strugë , por Belica ka vendosur të jetojë në Waterbury, dhe tani punon në administratën O’Leary si një ndihmëse e zyrës së zhvillimit ekonomik . Prania e saj brenda bashkisë ka ndihmuar që të “çmitizojë” politikën integruese të komuniteteve për shumë njerëz, edhe në komunitetin shqiptar , ashtu si prania Geraldo Reyes ‘ i cili ka ndihmuar komunitetn e tij hispanikë të ndërveprojnë me zyrën e kryetarit të bashkisë.
Maqedonia shpalli pavarësinë nga ajo e ish- Jugosllavisë , dhe është ende e përfshirë në një mosmarrëveshje me Greqinë rreth emrit të Maqedonisë . Grekët shkruna gazeta Waterbury Observer, e  kanë bllokuar përpjekjen e Maqedonisë për t’u bashkuar me Bashkimin Evropian ( BE ) , dhe deri sa të zgjidhet mosmarrëveshja për emrin , situata nuk ka gjasa të ndryshojë .
Komuniteti lokal shqiptar në Waterbury, sipas gazetës Waterbury Obserev ka dy klube të komunitetit . Një në zonën e lagjeve në rrugën Raymond që është kryesisht shqiptarë nga Shqipëria .Dhe Klubin e Komunitetit në Columbia Boulevard e cila është kryesisht me shqiptarë etike nga Struga .Që të dy grupet po punojnë mirë së bashku deri tani . Ata çdo vit organizojnë së bashku Festivalin e tyre shqiptare çdo vit , por të dy klubet i kanë festuar gjithmonë së bashku festat e 28 Nëntorit Shpalljen e Pavarësisë së Shqipërisë.