Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kategoria e pare! Lushnja kampione pret festen e titullit.

by

Lushnja-Naftëtari 2-1
GOLAT: E.Korreshi 24′, Metushi 32′/ Alushi 86′
LUSHNJA: Spaho, Sula (Dabulla 46′), Stojkoviç, H.Korreshi, Bizhyti, Topi, Gjyla, E.Korreshi, Çela, Metushi (Kulli 46′), Canka. Trajner: A.Bano
NAFTËTARI: Mema, Hoxha, Daci (Gega 46′), Kaja, Hodaj, A.Gega, Alushi, Çela, Koroveshi, Zylyftari (Azizaj 46′), Olatunji (Marini 75′). Trajner: E.Koxhaj
KARTONË TË VERDHË: Stojkoviç 44′, Dabulla 89′
GJYQTARË: H.Llapica (Vlorë), N.Bregasi, E.Velo (Durrës)
VËZHGUES: E.Kalimeri (Tiranë)
DELEGAT: D.Bastari (Tiranë)

Pasi siguroi dy javë më parë ngjitjen në Superiore, Lushnja u shpall dje matematikisht edhe kampione e Kategorisë së Parë, dy javë nga përfundimi i kampionatit. Verdhejeshilët fituan dje 2-1 ndaj Naftëtarit në Kavajë dhe tashmë kanë nisur festën, e cila do kulmojë më 11 maj në sfidën e fundit të sezonit ndaj Partizanit, kur do të ngrenë edhe trofeun. E gjithë merita shkon për shkollën lushnjare të futbollit, që nga trajneri Bano deri te kapiteni Çela. Lushnja e Sefës, Gogonit, Banos e tjerëve mbetet një emblemë e Superiores. Ekipi ka në gjirin e vet edhe golashënuesin më të mirë të kampionatit deri tani, Mikel Canka, i cili është shumë pranë fitimit të “Këpucës së Artë”. Dje nuk arriti të shënonte.
Ndeshja – Lushnja ka hyrë në fushën e blertë me bindjen se do ta mundte Naftëtarin, që e ka prerë zyrtarisht biletën për në Kategorinë e Dytë. Loja ka nisur me dëshirën e verdhejeshilëve për të shënuar sa më shpejt. Rastet vijojnë njëri pas tjetrit dhe goli vjen vetëm në minutën e 24-t, kur Erlind Korreshi në hyrje të zonës lëshon një predhë të vërtetë duke e kaluar Lushnjën në avantazh. Miqtë pavarësisht dëshirës, nuk mundën dot të çanin mesfushën lushnjare ku kapiteni Gentian Çela si dikur në rininë e tij dirigjon në mënyrë perfekte lojën. Presioni lushnjar sjell edhe golin e dytë të shënuar nga Metushi, që fotokopjon Korreshin. Metushi godet nga jashtë zone dhe gjen rrjetën e Memës. Të dy trajnerët e nisin me nga dy ndërrime fraksionin e dytë. Bano fut në lojë edhe Dabullën. Ndryshe nga 45 minutat e para, miqtë reagojnë më mirë dhe Alushi e Gega duken sikur ndryshojnë manovrën sulmuese të miqve. Nga ana e tyre, lushnjarët të qetë se fitorja nuk u rrezikohej dot nga kundërshtari, mundohen të nxjerrin para portës golashënuesin Canka. Në fakt, lojtari arriti të dilte disa herë i lirë, por nuk ishte dita e tij. Kjo u pa qartë kur një prej goditjeve të tij u ndalua nga shtylla traversale. Dhe, kur lojës po i vinte fundi, 19-vjeçari Alushi i miqve kryen një veprim të bukur në zonë dhe shënon. Minutat e mbetura nuk sjellin asgjë dhe Lushnja fiton 2-1.

Bano: Merita është e të gjithëve
Pas ndeshjes së djeshme, trajneri i Lushnjës, Artan Bano u shpreh: “Ishte një fitore e merituar, të cilën nuk e diskutuam për asnjë moment. Kjo fitore na shpall kampionë. Për këtë sukses kanë kontribuar dhe kanë meritë të gjithë, që nga kryetari i Bashkisë së Lushnjës, donatorët, fansat tanë të zjarrtë dhe lojtarët. Ndihem i lumtur që munda të kontribuoj në rikthimin e Lushnjës në Superiore. Nuk më mbetet tjetër veçse t’i falënderoj të gjithë ata që kontribuan për këtë ekip. Para së gjithash, lojtarët tanë janë sjellë më shumë se profesionistë të vërtetë. Festën e vërtetë do ta zhvillojmë më 11 maj, kur do luajmë me Partizanin. Ia vlen që tifozët tanë të gëzojnë përballë një tjetër emri të madh, atij të Partizanit”.

Çela: Fitoi shkolla lushnjare
Kapiteni i Lushnjës, Gentian Çela, ka një arsye më shumë për të festuar dhe u ndjerë më se i lumtur. “Sigurisht që ndihem i lumtur. Para së gjithash bëmë detyrën, duke e rikthyer Lushnjën në Superiore dhe tani u shpallëm edhe kampionë. Nëse shihni formacionin, kuptoni se grupi është ‘Made in Lushnja’ që nga porta deri te trajneri Artan Bano. Këtë e çmoj si fitoren më të madhe, shkollën lushnjare. Megjithatë, meritë kanë të gjithë lojtarët, trajneri Bano, bashkia dhe donatorët. Sigurisht që një falënderim i madh shkon për të gjithë tifozët e kësaj skuadre dhe veçanërisht për ‘Ultrasit Lagunar’. Pa ata kjo Lushnjë kurrë nuk do të ishte rikthyer në Superiore, apo të fitonte titullin kampion”.
FERIZ FERIZAJ

Peters: Besoj se është e rëndësishme që të vendoset zbatimi i ligjit!

by

Zgjedhjet e 23 Qershorit, lidhjet e mira të Shqipërisë me SHBA, dhe vizat në qendër të bisedës mes  Kongresmenit amerikan, Demokrati i Michiganit, Gary Peters dhe ambasadorit të Shqipërisë në Washington, Gilbert Galanxhi,/

Nga BEQIR SINA, New York/

Kongresmeni Peters mbi ngjarjet e fundit në lidhje me Komisionin Qendror të Zgjedhjeve shqiptar, përbërjen e Komisionit Qendror të Zgjedhjeve,” beson se kjo është e rëndësishme që të vendoset zbatimi i ligjit, i cili është për t’u ndjekur për të ruajtur legjitimitetin e këtyre zgjedhjeve.

Washington, DC – Kongresmeni amerikan, Demokrati i Michiganit, Gary Peters u takua me ambasadorin e Shqipërisë në Washington, zotin Gilbert Galanxhi, për të diskutuar zgjedhjet e ardhshme në Shqiperi dhe çështjen e vizave të qytetarve shqiptarë, për me shumë hyrje në SHBA, për ata që kërkojnë të udhëtojnë nga Shqipëria për në SHBA.

Në këtë bisedë thuhet se ka pasur edhe një vlersim i marrdhënieve të shklëqyera shqiptaro-amerikane dhe sidomos të ngritjes së nivelit të tyre këto dekadat e fundit, të cilat kanë në qendër të bisedemive mes Kongresistit amerikanë Gary C. Peters dhe Ambasadorit të Shqipërisë në Uashington, zotit Gilbert Galanxhi.

Çka në një intervistë për shtypin shqiptarë e ka pranuar më parë edhe vetë Ambasadorii i Shqipërisë në Uashington, zotit Gilbert Galanxhi, kur ka deklaruar se:” Mendoj se përkufizimi për Shtetet e Bashkuara të Amerikës si partner strategjik reflekton saktë realitetin e marrëdhënieve aktuale midis Tiranës dhe Uashingtonit. Unë mund të flas për këto dy vitet e fundit që unë drejtoj Ambasadën, gjatë të cilave intensiteti dhe cilësia e bashkëpunimit shumëplanësh është në nivele shumë të larta. Mund të them se ‘pjesën e luanit’ e zë bashkëpunimi shumë i ngushtë, i përditshëm, korrekt dhe dashamirës me Departamentin e Shtetit, dhe gjej rastin të falënderoj të gjithë ekipin që trajton marrëdhëniet me Shqipërinë. Por, ju siguroj se me të njëjtin intensitet dhe cilësi bashkëpunohet me Kongresin Amerikan, me Departamentin e Mbrojtjes, atë të Drejtësisë, të Sigurisë, etj.”

 

Kurase, dje zyra e Kongresmenit demokrat nga Michigani Gary Piters, njofton se në një bised që ka pasur ai në Uashington me Ambasadorii i Shqipërisë zotin Gilbert Galanxhi është diskutuar gjerësisht rreth një temë që ka interes shumë të madh për shqiptarët, siç është ajo lëvizjes së qytetarëve shqiptarë drejt SHBA-së, pra lehtësimi i regjimit të vizave.

Në fokus të kësaj bisede kanë qenë sipas dekleratës edhe zgjedhjet e 23 Qershorit në Shqipëri, ku dy bashkëbiseduesit si pohoi edhe vetë Ambasadori Galanxhi për gazetën Bota Sot, kishin gjetur mirëkuptim të plotë.

Në dekleratën e tij për shtyp kongresisti demokrat Gary Piters, thotë se me Ambasadoriin e Shqipërisë në Uashington, zotin Gilbert Galanxhi, ata diskutuan mbi ngjarjet e fundit në lidhje me Komisionin Qendror të Zgjedhjeve shqiptar, përbërjen e Komisionit Qendror të Zgjedhjeve, i cili ka qenë e kontestuar për shkak se një zyrtar i mbështetur nga një parti, e cila e braktisi qeverinë për opozitën u zëvendësua nga Parlamenti.

Kongresmeni Peters thekson në dekleratë se ai beson se kjo është e rëndësishme që të vendoset zbatimi i ligjit, i cili është për t’u ndjekur për të ruajtur legjitimitetin e këtyre zgjedhjeve.

Kongresmeni amerikan Gary Peters – thotë në dekleratë se Ambasadori Galanxhi gjithashtu kërkoi mbështetje për vizat afat-gjatë, në lëvizjen e lirë të qytetarëve shqiptarë drejt SHBA, pra hyrjen me viza disa vjeçare.

Kongresmeni Peters, në dekleratë mbështet përpjekjet për të lehtësuar tregtinë legjitime dhe të udhëtimeve me viza Shqipërinë, dhe do të punojë me aleatët në Kongres drejt këtij qëllimi.

Për vizat afat-gjatë, viza hyrjeje në SHBA, ai thotë se do të inkurajojë më shumë vizita në Shqipëri dhe të lejojë qytetarëve shqiptarë vizita të komuniteteve shqiptare në SHBA, për të vizituar anëtarët e familjeve për një periudhë të zgjatur kohe, me sa më pak vështirësi që të jetë e mundur.

Kongresmeni Peters shprehu falënderimet e tij Ambasadorit Galanxhi për miqësinë e tij të vazhdueshme dhe diskutimin e tyre të sinqertë të këtyre çështjeve të rëndësishme. Ata u zotuan të vazhdojnë të punojnë ngushtë së bashku për të mbështetur marrëdhëniet shumë të mira amerikano-shqiptare.

 

Lajme nga Futbolli! Skenderbeu Kampion I Shqiperise

by

Fulhami! Klubi anglez kerkon portierin e Kombetares Shqiptare-Kombetarja! Elseid Hysaj drejt Fiorentines/ Vullnet Basha vishet kuqezi. Vellai i Migjen Bashes i thote po, ofertes se teknikut/PAOK. “300 mije Euro, per “Pashain” kuqezi, Andi Lila

FSH27 APR 2013SUPERLIGA “1933…..2011, 2012, 2013, To be continue”. Me këtë parrullë të tifozëve korcarë, që spikaste mes koreografisë së mirëorganizuar kuqebardhë, ka nisur e bitisur ndeshja hapëse e javës së 24-t të Superiores, mes Skënderbeut dhe Kastriotit. Ndeshje e cila ka përfunduar me fitoren 2-0 të vendësve, por ka përmbyllur njëkohësisht edhe matematikisht e zyrtarisht cështjen “titull”.

Ky trofe, më i rëndësishmi në futbollin kombëtar shqiptar, mbetet në Korcë për të tretin sezon radhazi. Vetëm një pikë i duhej skuadrës së Mirel Josës për t’u rikonfirmuar kampion i Shqipërisë, por juglindorët nuk i kanë falur krutanët, duke i bërë në njëfarë mënyre “kurban” të festës së tyre.

Goli i Ditmar Bicit, shënuar afër fundit të pjesës së parë me kokë, pas një goditjeje nga këndi, i ka zhbllokuar korcarët, pastaj ka menduar Sabien Lilaj për të “vulosur” gjithcka në minutën e 58-të dhe për ta ndezur atmosferën në stadium, e cila më tej ka vijuar dhe është përhapur në tërë qytetin juglindor, që jeton me futbollin.

Skënderbeu e ka dominuar lojën dhe kanë qenë në mënyrë persistente ngulmues në portën e Osmanit, por sulmuesit dhe mesfushorët e krahut nuk kanë arritur të jenë dhe aq efektivë në rastet e krijuara. Nëse Plaku, S.Lilaj, Caushajt e të tjerë do ta kishin shënjestrën më të kolauduar, epërsia e kuqebardhëve mund të kishte qenë edhe më e thellë.

Megjithatë, fitorja ishte bindëse, objektivi madhor u arrit. Përvec marrjes së tri pikëve, Skënderbeu rikonfirmohet për të tretin sezon radhazi kiampion i vendit, duke pasur tashmë katër trofe të tillë në palmaresin e vet, duke llogaritur edhe atë të vitit 1933.

Një sukses mëse i merituar i juglindorëve, me president Ardian Takaj dhe trajner Mirel Josa, në gjirin e të cilëve luajnë shumë prej lojtarëve më të mirë të kampionatit tonë. Po ashtu, “notën dhjetë” meriton tifozëria korcare, më e shumta në numër në stadiumin e vet, por që nuk ka munguar ta përkrahë skuadrën e zemrës edhe në transferta.

Dy javët e mbetura të kampionatit për kampionët e rikonfirmuar të Shqipërisë do të luhen tashmë sa për statistikë, sepse misioni u krye. Fazë e parë e shkëlqyer për korcarët, faza e dytë me pak oshilacione, por gjithsesi titulli nuk u vu në diskutim në asnjë moment, ishte plotësisht i merituar.

17 fitore, 4 barazime dhe tri humbje në 24 javë kampionat, me golaverazhin tejet pozitiv 39:10, apo përkthyer ndryshe në 55 pikë, tregojnë forcën reale të këtij Skënderbeu në krahasim me rivalët e tjerë në Superiore. Forcë të cilën duhet ta dëshmojë tashmë edhe tej kufijve, në angazhimet e veta europiane. Ky është misioni i radhës për kampionët e rinj dhe të vjetër tanët, që kanë kohë të mendojnë e përgatiten për pjesëmarrjen në Ligën e Kampioneve, si përfaqësues të Shqipërisë tashmë, jo vetëm të një qyteti, Korcës së serenatave, apo sic njihet ndryshe “Parisit të vogël”.

Share on facebookShare on twitterShare on emailShare on printMore Sharing Services.

 

Fulhami! Klubi anglez kerkon portierin e Kombetares Shqiptare

Etrit Berisha është shumë pranë transferimit te klubi anglez i Fulhamit. I
kontaktuar nga “Panorama Sport”, portieri i Kombëtares shqiptare nuk ka dashur
të përmendë emrin e skuadrës (si gjithnjë), por ka pohuar se është shumë pranë
kalimit në një klub anglez. Deri tani, ndër klubet britanike, interesim për
gjigantin e portës kuqezi ka shfaqur vetëm Fulhami, ndaj është lehtë i
kuptueshëm destinacioni i gjigandit kuqezi. Ndërkohë, kujtojmë që Berisha pat
vënë edhe një kusht të panegociueshëm për çdo skuadër para se të largohet nga
Kalmari: vendin e sigurt në formacion, çka me gjasa ia ka siguruar
Fulhami.

Bisedimet – Prej disa muajsh, klubi i Fulhamit është vënë në
kërkim të një portieri. Nëse në fillim klubi hezitoi disi për shkak se Berisha
ishte ende i ri dhe nuk kishte dhënë prova në klube të mëdha, gjërat ndryshuan
krejtësisht pas paraqitjeve të tij me përfaqësuesen. Berisha është shndërruar në
një lojtar thelbësor në formacionin e trajnerit të Kombëtares së Shqipërisë,
Gianni De Biasit, pasi është treguar konstant dhe vendimtar në disa raste, ku
vlejnë për t’u përmendur pritjet kundër Norvegjisë. “Mendoj se e ardhmja ime do
të vendoset brenda dy javëve të ardhshme. Ofertat nuk më kanë munguar nga disa
klube, por deri tani jam më pranë një klubi anglez. Me shumë mundësi do të luaj
në Angli sezonin tjetër. Bisedimet janë në rrugën e duhur dhe mendoj se gjithçka
do të shkojë mirë”, pohoi Berisha.

Pse Fulhami – Klubi anglez është vënë
në kërkim të një portieri, pasi kërkon të zëvendësojë veteranin Mark Schwarzer.
Portieri 41-vjeçar nga Australia do të largohet në fund të sezonit dhe
drejtuesit kërkojnë të gjejnë një zgjidhje afatgjatë për portën. Ata shfaqën
interesim që në dhjetor për Etrit Berishën, por për shkak të disa burokracive,
kalimi nuk u bë i mundur. Më pas, Fulhami nisi të kërkonte edhe për portierë të
tjerë, duke vënë në shënjestër Stekelenburgun e Romës, por marrëveshja u prish
në momentet e fundit. Tani klubi italian kërkon rreth 4.5 milionë euro për
kartonin e holandezit dhe Fulhami iu rikthye sërish pistës “Berisha”, por këtë
herë shumë seriozisht. Sipas vetë futbollistit shqiptar, gjërat po ecin mirë dhe
marrëveshja duhet të mbyllet brenda javës së parë të majit. Etrit Berisha ka
luajtur shtatë ndeshje me përfaqësuesen shqiptare. Ai u afrua në ekipin
përfaqësues pas këmbënguljes së trajnerit De Biasi. Ky i fundit pohoi pak javë
më parë se portierin e kishte zbuluar vetëm nëpërmjet internetit.

Kombetarja! Elseid Hysaj drejt Fiorentines

Sezonin tjeter mbrojtesi me i ri i ekipit tone kombetar, Elseid Hysaj, do te
shtoje radhet e shqiptareve ne Seria A. Futbollisti i Empolit qe luan ne Seria B
konsiderohet nje nga talentet shqiptare, i cili po shkelqen gjithnje e me shume
ne Itali, ndaj dhe per te perfituar nga sherbimet e tij po interesohen klube te
njohura italiane.

Mbrojtesi 19 vjecar luan titullar me Empolin dhe gjate
ketij sezoni ka fituar dhe besimin e Xhani De Biasit, teksa eshte grumbulluar me
kombetare, dhe eshte aktivizuar gjate 3 ndeshjeve te fundit. Ai konsiderohet nje
lojtar me te ardhme te sigurte pasi eshte ne nje moshe shume te re dhe
megjithate qe tani po ben emer si ne Itali dhe me kuqezinjte.

Presidenti
i Empolit, Fabrizio Corsi, flet me superlativa per talentin shqiptar, te cilin
ja sugjeron Fiorentines. Mediat italiane nenvizojne se Corzi mban marredhenie te
mira me klubin vjollce, keshtu qe kerkon t’i afroje nje lojtar qe do ta
ndihmonte Fiorentinen qe te kishte nje ecuri me te mire ne Seria A dhe ne Kupat
e Evropes, ku do te ,luaje me siguri gjate edicionit te ardhshem.

“Hysaj eshte nje lojtar shume punetor, i cili luan ne krah te djathte, por ne per
nevojat tona e kemi vene te luaje ne krah te majte te mbrojtjes. Fiorentines do
t’i bente shume pune nje lojtar si ai, sepse ka nje te ardhme te sigurt”,
theksoi presidenti i Empolit.

Kesisoj, 19-vjecari kuqezi me origjine nga

Shkodra pritet qe gjate merkatos se veres te nise karriere me nje klub te madh
te Seria A. Mediat italiane raportojne se Lacio, skuadra qe drejtohet nga Igli
Tare, eshte vene prej kohesh ne gjurmet e tij. Lacio e kerkoi mbrojtesin gjate
merkatos se janarit, sikurse interesohen edhe dy ekipet te tjera ne Seria A,
Katania dhe Udineze. Empoli insistoi qe ta mbante, por me hapjen e merkatos se
veres drejtuesit e klubit kane leshuara sinjale te qarte se ai do t’i bashkohet
nje skuadre tjeter ndaj dhe po kujdesen qe destinacioni i ardhshem i Hysaj te
shkoje sipas sugjerimeve te tyre.

Vullnet Basha vishet kuqezi. Vellai i Migjen Bashes i thote po, ofertes se teknikut

Pas Migjen Bashës, edhe i vëllai Vullneti, i cili luan në kampionatin
zviceran me Sionin, zgjedh të luajë për Kombëtaren shqiptare, pasi ka kaluar në
të gjitha hallkat e ekipeve kombëtare të Zvicrës, nga U-18, U-19, U-20 dhe U-21.
Lajmi është bërë i ditur dje nga gazeta zvicerane “Le Matin”, në versionin e saj
online.

Vullneti duket se po ecën në rrugën që ndoqi i vëllai, Migjen
Basha, i cili vetëm pak javë më parë fitoi të drejtën për të luajtur me
përfaqësuesen kuqezi. Vullneti, aktualisht mesfushor i skuadrës së Sionit në
kampionatin zviceran, edhe pse ka kaluar të gjithë zinxhirin e ekipeve kombëtare
të moshave me Zvicrën, sipas “Le Matin”, në fund ka vendosur që të zgjedhë të
luajë për Shqipërinë, që konsiderohet edhe kombi i tij.

Gazeta zvicerane
thekson se lojtari i është përgjigjur pozitivisht thirrjes së trajnerit Xhani de
Biazi, për të qenë pjesë e kuqezinjve, ku do të gjejë edhe të vëllanë, Migjenin.
Duke u mbështetur në rastin e dy vëllezërve Basha, gazeta në fjalë e trajton
këtë lëvizje edhe në një mënyrë tjetër. Atë që Zvicra i përgatit talentet dhe në
fund i ikin nga duart.

“Sa për një kujtesë të hidhur: në eliminatoret e
Botërorit 2014 në Brazil, kombëtarja shqiptare bën pjesë në të njëjtin grup me
Zvicrën, citon shkrimi i gazetës ‘Le Matin’. Kjo do të thotë që më 11 tetor,
skuadra e drejtuar nga trajneri Otmar Hitcfeld, do të gjejë përballë dy
ish-zviceranë, vëllezërit Basha”.

Në fakt deri diku, kjo logjikë është e
drejtë, sepse me shumë mundësi Migjeni pritet që të jetë në fushë për ndeshjen e
muajit tetor ndaj zviceranëve, por për sa i përket Vullnetit, gjithçka mbetet
ende e hapur. Ai është ende i panjohur për kombëtaren shqiptare dhe që të fitojë
vend në formacion, ndoshta do t’i duhet shumë punë.

Gjithsesi nga ky lajm, përforcohet edhe më shumë ideja se trajneri Xhani de Biazi vazhdon t’i
mëshojë fort afrimit në Kombëtare të talenteve shqiptare që luajnë në
kampionatet perëndimore. Përveç Vullnet Bashës, gjatë ditëve të fundit është
përfolur shumë për fushatën e teknikut italian të kuqezinjve në kërkim të
futbollistëve të rinj shqiptarë që militojnë në ekipet e huaja.

PAOK. “300 mije Euro, per “Pashain” kuqezi.

Gazetat greke e bejne fakt te kryer. Andi Lila sezonin

Klubi nënkampion i Greqisë, PAOK, i bën ofertë mbrojtësit të kombëtares
shqiptare, Andi Lila. Lajmi është bërë i ditur dje nga mediat greke. Gazeta më e
madhe sportive greke “Sport Day”, ndër të tjera shkruan: “Presidenti i klubit
selanikas, Zisi Vrizasm, pëlqen shqiptarin e PAS Janinës, Andi Lila. Mbrojtësi
mund të luajë në disa pozicione dhe PAOK-u është i interesuar për të zyrtarisht.
Lila ka një kontratë me Janinën, e cila përfundon në verën e vitit 2014. Një
sforco e PAOK-ut pritet të sjellë në Selanik lojtarin 27-vjecar”.

Sipas shtypit grek, PAOK-u ofron 300 mijë euro për kartonin e shqiptarit dhe kjo i ka
joshur së tepërmi drejtuesit e PAS Janinës. Nëse kjo tratativë mbyllet me
sukses, atëherë Lila do të bëhej futbollisti i dytë shqiptar që luan për klubin
selanikas, teksa aktualisht pjesë e tij është talenti Egys Kace, i cili po luan
si titullar prej një viti. Lila vjen pas një sezoni fantastik te Janina,
ndërkohë që klubi që ka një buxhet modest ka arritur të sigurojë pjesëmarrjen në
Ligën e Europës, për herë të parë në historinë e tij. Gjatë këtij kampionati
Lila ka thyer edhe një “rekord”, pasi ka qenë një nga lojtarët më të ndëshkuar
me kartonë të verdhë në Greqi. Andi Lila ka pohuar se klubi i PAOK-ut ka
shfaqur interesim konkret për të. “Po, është e vërtetë që janë të interesuar,
pasi edhe klubi më ka vënë në dijeni. Unë nuk mund të flas se cfarë do të ndodhë
në verë, pasi më parë duhet të arrihet marrëveshja në nivel klubesh. A do të më
pëlqente të luaja PAOK-un? Sigurisht që po, sepse është një klub i madh, me
tifozë të jashtëzakonshëm dhe mbi të gjitha ka gjasa që të luajë në Champions.
Gjithsesi, unë vazhdoj të jem lojtar i PAS Janinës dhe për aq kohë sa nuk ka një
akord, jam i detyruar që të respektoj ngjyrat e fanellës që vesh,” – tha
mbrojtësi i Shqipërisë.

 

 

 

VATRA-Washington D.C. Branch

by

By Edward Bucaj/

On April 22, 2013 Vatra members from the Washington D.C. Branch held a meeting at the Albanian owned and operated Euro Bistro and Grille in Alexandria, VA. The purpose of the meeting was primarily to elect two delegates to participate in voting at the upcoming general assembly. The meeting attendees discussed ideas for increasing Vatra membership, expanding Dielli subscriptions, and sponsoring culturally rich events.  The participants committed to contributing articles and other material to Dielli’s editor in order to better inform readers of the branch’s activities. In addition, the DC Branch welcomed several new Vatra members including the Euro Bistro’s proprietor. The new members had the opportunity to learn about the DC Branch’s most recent accomplishments including its historic inauguration. It was decided that the branch could communicate most effectively via email.  At the close of the meeting, the members agreed to meet after the general assembly to convey the results of the elections and the implications of new amendments.

“CA ÇIFLIGARË”, QË MËTOJNË T’I DALIN ZOT NJË HISTORIE TË LAVDËRUAR

by

Shkruan: Fadil LUSHI/

Mbaj mend vitet e gjashtëdhjeta kur atdhetarët a ikonat e ndërgjegjes kombëtare ktheheshin në Tetovë dhe përreth saj nga kazamatet “PETROVA RUPA” të Goli Otokut famëkeq. Para se të vazhdojmë ndërtimin e këtij paragrafi, le të themi se ne nuk do të bëjmë avokatinë e historisë së tyre, por edhe as që do mëtojmë t’i shtojmë a t’i heqim as një të vetme pikë a presje. Nuk do e bëjmë sepse na mungon teseri…, thjeshtë neve na mbetet ta lexojmë drejt dhe pa shtrembërime, në një kohë krejt tjetër fare. Kjo histori e kthimit ndalon në vendlindjen e tyre. Përveç familjarëve, ata nuk i priste asnjeri, nga frika se mos vallë nga pushtetarët e atëhershëm do të etiketoheshin si mbështetësit e tyre. Ata dukeshin si njerëz të humbur në hapësirë dhe në kohë, me zemra të thyera për rininë e humbur dhe të papërjetuar…, kalorës me mendje të “mashtruar” e të kllapitur. Komunikimi i tyre i cunguar të krijonte përshtypjen se ishin “jabanxhi” në familjet e tyre, në lagjen a në kasabanë e tyre. Kishte fare pak njerëz që i përshëndesnin…, po edhe ata që kishin “guximin” ta bëjnë atë, detyroheshin ta mbanin mënjanë kokën dhe shikimin, ndërkaq buzëqeshjet për ta ishin të ulëta, madje edhe të fshehura…, megjithatë ata kurrën e kurrës nuk lejuan që në hidhërimin e tyre të marrin pjesë njerëzit që nuk i përkrahën, që nuk i përshëndetën dhe që nuk thanë asnjë fjalë për ta.

Ata që janë dëshmitarë të gjallë të asaj vakie, sot mund të thonë se historia e tyre, gjegjësisht  “gramatika e retrospektivës së tyre politike”, ishte sa e lavdishme po aq edhe atdhetare, andaj sot e gjithë ditën e Perëndisë, pasardhësit e tyre nuk kanë nevojë për solidarësi morale, për solidarësi materiale (ndonëse ca kalorës të vonuar të çështjes kombëtare a më mirë të themi ca që u është ndalur ora, pandehën ta margjinalizojnë e ta materializojnë pandershmërisht) dhe as për solidarësi ideologjike. Sot historia e tyre nuk mund të pjesëtohet a të shumëzohet…, nuk mund të harrohet a të nëpërkëmbet, nuk mund të hiqen nga mbamendja jonë kolektive emrat si: shipkovicasi Sadudin Abdullah Gjura, tetovarët: Vehbi Ahmet Lushi, Raif Ali Maleziu, Qerim Ramadan Arifi,  Ismail Said Saidi, Sabri Ruzhdi Ramizi, Mehmetriza Gega, Rafi Halili dhe shumë e shumë të tjerë atdhetarë (u kërkojmë ndjesë familjarëve të atyre që nuk i përmendëm në këtë shkrim).

Dikur edhe ata kishin të “drejtën e votës së tyre”, një votë që kishte një ngjyrë, një mesazh, një urdhëresë…, thjeshtë ishte votë jovullnetare…, një votë që e numëronte kush tjetër,  pos diktatorit…, ai që ua mori “masën e samarxhiut”. (Kur jemi te vota jonë e sotme, Fjalori i gjuhës së sotme shqipe për këtë nocion e jep këtë shpjegim: E drejta e secilit për të shfaqur mendimin në kohën e zgjedhjeve ose kur vendoset një çështje bashkërisht në një organizatë politike, shtetërore a shoqërore; shprehja e mendimit a e vullnetit nga secili për të zgjedhur dikë në një organ…, ose për të vendosur për një çështje…,votë vendimore-deliberative, votë këshillimore-konsultative). Ti, i nderuar lexues imi i paanshëm, pa më thuaj se ç’dallim ka vota e sotme me atë të atdhetarëve!?

Sot edhe pas pesë a gjashtë dekadash, asnjeri nuk ka të drejtë morale që ndaj historisë së tyre të ketë botëkuptim, qëndrim a edhe sjellje çifligare…, asnjeri nuk ka të drejtë që historisë së tyre t’i bëjë “gojëtari të rreme”, nuk ka të drejtë që këtë histori ta riprodhojë (për hesapet e veta), ta abuzojë dhe në instancë të fundit edhe ta shtrembërojë. Mos vallë sot, pas pesë a gjashtë dekadash, këta emra që i përmendëm më lart, nuk janë shembuj të mjaftueshëm për një të kaluar tonën të dhimbshme…, mos vallë këta emra të atdhetarëve që i përmendëm më lart, nuk flasin diç më shumë për atë se si duhet të duket morali ynë kolektiv…, mos vallë këta emra nuk janë trashëgimi jona kolektive…, mos vallë bijtë, bijat dhe nipërit e tyre nuk duhet t’u referohen këtyre emrave. Mos vallë emrat në fjalë, nuk mund ta ndërtojnë atë kështjellën e pamposhtur të çështjes kombëtare. Mos vallë shqiptarët që frymojnë këtej pari trojeve të tyre autoktone, duhet të vazhdojnë që të mos i vlerësojnë virtytet e njëri-tjetrit…, pse gjithsecili mëton të hetojë a të zbulojë dobësitë e njëri-tjetrit, pse gjithsecili vazhdon ta “ushqejë” mosdurimin ndërvëllazëror, pse vazhdojnë ta harrojmë trashëgiminë po edhe retrospektivën e vuajtjeve shekullore.

Sot, një miku im i nderuar me profesion historian, më thotë se ne shqiptarët ishin të parët banorë të Gadishullit Ilirik, por fatkeqësisht qemë të fundit që shpëtuam nga sundimi a pushtimi i Perandorisë Otomane, ne shqiptarët ishim të fundit që shpëtuam nga diktatura dhe të fundit që e shembëm atë, ne jemi të fundit që ende rrugëtojmë atë “tranzicionin politik” të stërgjatë dhe të bezdisshëm… Ky miku im kosovar, që është më i mençur se unë, vazhdon të më thotë se “ju shqiptarët e Maqedonisë, jeni të fundit që ndërtuat a shpallët atë demokracinë parlamentare me ortakëri, të sakatosur dhe me paterica”!?

Ky “kosovari” im i nderuar, nuk pandeh të thotë se “… ju shqiptarët e Maqedonisë”, njëri-tjetrin e konceptoni vetëm si VOTA…, ju, edhe pas dy dekadash, ato vota i shikoni si tufë dhensh që e kanë humbur rrugën…, si qengja që nuk nuhatin erën e nënave të tyre…, si foshnjat të cilat nuk thithin qumështin e nënave të tyre biologjike…, si jetimë që jetoni në një lëkurë, në jetimoret e shtetit që u ka lënë pas dore…, si njerëz që ju është ndaluar t’i referoheni trashëgimisë suaj politike, kulturore, territoriale, arsimore…, që ju është marrë e drejta e të dalit zot pronës suaj intelektuale…, investimit shpirtëror e të tjera investime, qofshin ato individuale a kolektive…, juve që u kontestohet e drejta e të qenit aristokrat sa i përket bërjes së gjyqit moral. Dhe, pas dy dekadash, ju shqiptarët e hapësirës së Maqedonisë nuk keni “takatin” që të divorcoheni nga ai fjalori juaj fyes…, nuk divorcoheni dot “kollaj” nga urrejtja juaj e tërbuar dhe patologjike…, nuk mëtoni që edhe pas dy dekadash ta mësoni atë tabelën e shumëzimit politik, shumëzimin e vlerave, tabelën e ndërgjegjes kombëtare, atë tabelën e klasifikimit të vlerave…, ju, si duket, o keni flakur, o keni humbur atë tabelë nderi ku dikur kishit vendosur emrat dhe fotografitë e atdhetarëve që u nënvizuan në krye të këtij shkrimi”!? Pra sot, pas pesë e gjashtë dekadash, ne shqiptarët e Maqedonisë, “me një sy të verbër, me një vesh të shurdhër si dhe me një mendje të hallakatur”, nuk arrijmë dot të ndërgjegjësohemi sa i përket pështjellimit politik që na ka zaptuar. “Ndoshta kohërat e komunizmit ishin më të mira për solidaritetin kolektiv, për unitetin ndërshqiptar, për mendimit unik etj., etj.”!?

“Fatmirësisht”, që evropianët nuk dinë ta lexojnë, nuk dinë ta shkruajnë e ta flasin gjuhën shqipe, sepse po ta dinin këtë, atëherë me plotë të drejtë do ta parashtronin pyetjen se ç’kërkojnë shqiptarët.