Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

PROMOVOHET BUSTI I HYLLARY CLINTON NE SARANDE

by

“Zgjedhjet në SHBA janë akoma disa muaj larg, por një qytet në Shqipëri ka vendosur të ngrejë një monument për Hillary Clinton”.

Kështu ironizon Russia Today, teksa raporton se qyteti turistik i Sarandës i ka ngritur një monument kandidates demokrate për presidente e SHBA.

Shqiptarët kanë ngritur statuja për presidentë amerikanë, por kjo është hera e parë që i ngrihet statujë një kandidati për president, raporton RT.

Shumë komentues thonë poshtë videos së postuar nga RT se kjo është gjëja më e çuditshme që kanë dëgjuar.

“Nuk kanë gjë tjetër për të bërë shqiptarët,” shkruan dikush.

Megjithatë Jessica Rightmayer, një turiste amerikane që ishte në Sarandë në ato momente, qau kur u luajt himni amerikan.

“Mendoj se është një monument i bukur dhe i ngjan,” tha ajo për Reuters.

Skulptori Idriz Balani tha se ka përdorur tre foto për të krijuar këtë punim.

Prokurori amerikan John Juncaj:Heronjtë e pavarësisë nuk nderohen me fishekzjarrë

by

Prokurori amerikan me origjine shqiptare: Krenar të shërbej në Shqipëri/

Ambasada amerikane ka zgjedhur që një prokuror shqiptaro-amerikan të japë mesazhet për publikun shqiptar, pak ditë para votimit të reformës në drejtësi. Prokurori Xhon Juncaj tha se një vend e bën të madh mundësitë e barabarta që u jep të gjithë qytetarëve.

“Sot festojmë pavarësinë e një vendi të madh. Si e masim madhështinë e një vendi. Babai dhe nëna ime si shqiptarë do t’ju thoshin se në një vend te madh, me shumë punë dhe sakrificë, një mekanik dhe e shoqja pastruese të dy me prejardhje shqiptare mund t’i rrisin dhe t’u japin shkollë 4 fëmijëve. Në një vend të madh mund t’i rrisin ata fëmijë me vlerat tradicionale shqiptarë, bukë e kripë dhe zemër të bardhë. Në një vend të madh mund të festojmë jo vetëm domethënien e 4 korrikut, por edhe 28 nëntorin. Do t’u thoshim se në një vend të madh, djali i prindërve emigrantë mund të bëhet prokuror, një prokuror që përpara gjykatave të huaja deklaroj me krenari. Heronjtë e pavarësisë nuk nderohen me fishekzjarrë. Si amerikan jam krenar t’ju them se heronjtë nderohen kur mbahet premtimi i tyre, premtimi për mundësi të barabartë për çdo qytetar, të bëhet edhe në të ardhmen”, tha ai.

SHBA-të, partneri kryesor strategjik i Kosovës

by

-Kryeministr, Isa Mustafa, priti në takim drejtorin e Zyrës për Evropën Jugore dhe Qendrore në Departamentin e Shtetit, Thomas Yazdgerdi, i cili shoqërohej nga ambasadori i SHBA-ve, Greg Delawie/

PRISHTINË, 30 Qershor 2016-Gazeta DIELLI-B.Jashari/ Kryeministri i Republikës së Kosovës, Isa Mustafa, priti në takim drejtorin e Zyrës për Evropën Jugore dhe Qendrore në Departamentin e Shtetit, Thomas Yazdgerdi, i cili shoqërohej nga ambasadori i SHBA-ve, Greg Delawie.

Kryeministri Mustafa e njoftoi për progresin e shumanshëm në Kosovë si dhe për fokusimin e Qeverisë në zhvillimin e mëtejmë ekonomik, avancimin e proceseve integruese euroatlantike si dhe fuqizimin e shtetit ligjor.

Duke shprehur mirënjohjen e Qeverisë dhe të popullit të Kosovës për përkrahjen e vazhdueshme të SHBA-ve, kryeministri Mustafa theksoi përkushtimin për thellimin e mëtejmë të bashkëpunimit dhe partneritetit me SHBA-të.

Kryeministri Mustafa, me këtë rast, tha se Shtetet e Bashkuara të Amerikës do të jenë përherë partneri kryesor strategjik i Republikës së Kosovës.

Drejtori i Zyrës për Evropën Jugore dhe Qendrore në Departamentin e Shtetit, Thomas Yazdgerdi, vlerësoi të arriturat në Kosovë duke çmuar punën e institucioneve të Kosovës.

Yazdgerdi, po ashtu, shprehu përkrahjen e mëtejme të Shteteve të Bashkuara të Amerikës për Kosovën në të gjitha fushat.Gjatë takimi është biseduar edhe për çështje të tjera që lidhen me zhvillimet politike në Kosovë si dhe në rajon.

Fatos Lubonja-ambasadorit Lu: E sheh që Rama blen dhe Obamën me paratë e krimit

by

Pas publikimit të fotos me Obamën të blerë me 80 mijë dollarë nga Edi Rama ka rreaguar edhe Fatos Lubonja i cili e ka lidhur këtë fakt me debatin brenda shqiptar për reformën në drejtësi. Një një postim në Facebok të titulluar: “Për shqiptarët dhe Donald Lu” Lubonja shkruan:”A do ta kuptojnë më në fund shqiptarët se me paret e krimit shqiptar mund të (keq)përdoren edhe amerikanët, deri presidenti i SHBA, prandaj shpresën për drejtësi duhet ta mbështesin tek lufta e tyre e përditshme për dinjitet dhe ndershmëri dhe jo tek të huajt?

Po Donald Lu, a do të reflektojë më në fund, sadopak, se nuk mund t’i jepet drejtësia në dorë një njeriu që, qoftë edhe vetëm për këtë akt, është në konflikt me drejtësinë – sepse duhet të shpallet nën hetim nga Prokuroria shqiptare për burimin e 80 mijë $, dhe “persona non grata” në SHBA për shkelje të ligjeve amerikane”?Ky reagim i Lubonjës erdhi pas lajmit se shqiptaro – amerikani Bilal Shehu, i cili u akuzua tre vjet më parë se kishte përdorur para të marra nga jashtë Amerikës për të siguruar një mundësi për fotografi mes Edi Ramës, në atë kohë, kryetar i Partisë Socialiste në opozitë dhe Barack Obama, presidenti amerikan në fushatë për rizgjedhje. “Ai pranoi fajësinë e tij në një gjykatë federale në Nju Xhersi në SHBA dhe pritet të dënohet”, njoftoi Reuters.Sipas Reuters dhe mediave të tjera amerikane, Shehu pranoi fajësinë duke deklaruar se në shtator 2012, ai mori një transfertë bankare prej 80 mijë dollarësh “nga një burim i huaj” me dijeni të plotë se këto para duhej të përdoreshin për të paguar pjesëmarrjen në një aktivitet për mbledhje fondesh për fushatën e Obamës.Aktakuza nuk e përmend emrin e financuesit të huaj të këtij operacioni të paligjshëm në SHBA, por Reuters thotë se personi që përfitoi nga financimi qe Edi Rama, aktualisht kryeministër i Shqipërisë.

Ja vendet më të kërcënuara nga sulmet terroriste

by

Në listën e 7 vendeve më të rrezikuara janë Britania e Madhe, Belgjika, Gjermania, Franca, Spanja, Turqia dhe Rusia.Shqipëria renditet mes vendeve ku rreziku ekziston edhe pse është i fshehur./

Ekspertët kanë kërkuar një rivlerësim të sigurisë në aeroporte pas sulmeve kamikaze në aeroportin ndërkombëtar të “Ataturkut” në Stamboll. Kjo reflekton rritjen e mundësive për sulme terroriste rreth Europës, me 7 vende që përballen me një rrezik të lartë, sipas Zyrës së Jashtme britanike që ka publikuar një hartë me nivelet e ndryshme të rreziqeve. Në listën e 7 vendeve më të rrezikuara janë Britania e Madhe, Belgjika, Gjermania, Franca, Spanja, Turqia dhe Rusia.

Shqipëria renditet mes vendeve ku rreziku ekziston edhe pse është i fshehur. Italia, Holanda, Greqia dhe Austria listohen mes vendeve me “rrezik të përgjithshëm”. “Ataturku” u rihap për fluturime disa orë pasi 3 atentatorë vetëvrasës shkaktuan dhjetëra viktima e të plagosur, por sulmi nxori në pah se si aeroportet ndërkombëtare tani konsiderohen si shënjestra të buta për ISIS-in.  Zyra e Jashtme britanike këshillon pushuesit të flasin me kompanitë ajrore për informacione të përditësuara para se të ndërmarrin ndonjë udhëtim. Ajo paralajmeron gjithashtu qytetarët të mos udhëtojnë brenda një rrezeje prej 10 km në kufirin sirian dhe qytetin turk të Dijarbakir.