Dr. Sadik Elshani

Reflektim

Ka kohë që kam dëgjuar për historinë e dhimbshme të Fahrije Hotit, një grua nga Krusha e Madhe që përjetoi një tragjedi familjare nga forcat barbare serbe, të cilat ia vranë bashkëshortin e saj, ende i pagjetur. Në këtë masakër të tmerrshme forcat serbe vranë e masakruar 241 persona, kryesisht burra e djemë të rinj. Për këtë masakër është shkruar mjaft, prandaj nuk do të zgjatemi më tepër në këtë shkrim, por do të përqëndrohemi në figurën e zonjës Fahrije Hoti, një grua tipike shqiptare, e cila nuk u dorëzua para sfidave, vështirësive të jetës. Edhe pse ajo është viktimë, me forcën e karakterit të saj, këmbënguljen për të ngadhnjyer mbi të keqen, ajo nuk e lejoi veten që të viktimizohet, të përkulet para dallgëve të jetës, të ligësohet, të bie në depresion. Nuk priti që qeveria të kujdeset, të bëjë diçka për të dhe familjen e saj. Iu ppërvesh punës, së pari duke u kujdesur për bletët, por kur kjo nuk mjaftonte, atëherë ajo filloi të përgatiste ajvar, turshi, duke i shitur këto prodhime nëpër qytetet e Kosovës. Fal punës dhe përkushtimit të saj, ajo e ka zgjeruar biznesin e saj, ka punësuar 50 – 100 gra të veja dhe ka krijuar një kooperativë të suksesshme, ku shumë prodhues i sjellin perimet e tyre të kontraktuara më parë.  

Prodhimet e Kooperativës Krusha në supermarketet e ShBA-ve

Prodhimet e saj nuk shiten vetëm në tregun Kosovar, por edhe në shumë vende të botës. Para disa ditësh shkova në një supermarket në Philadelphia (qytet ku unë jetoj) ku herë pas here blej artikuj ushqimorë, dhe aty i pashë edhe prodhimet e kooperativës së Fahrijes, domate turshi. Në raste të tilla nuk ke sesi të mos ndihesh krenar për prodhimet që sjellin erën e vendlindjes dhe mundin e djersën e bashkëkombësve të tu. Po, ndoshta ky është një prodhim i thjeshtë, por megjthatë është një prodhim që është prodhuar në Kosovë dhe ka dëpërtuar në tregun amerikan. Prodhime të tilla di të bëjë Fahrija dhe pse të mos e shfrytëzojë, aftësinë, mjeshtërinë e saj. Bujqësia dhe industria ushqimore janë degë të rëndësishme të ekonomisë. Më kujtohet një artikull me titull: “Tehnologija kiselog zelja” (“Teknologjia e lakrave turshi”) në të përditshmen e Zagrebit, “Vjesnik”, në mesin e viteve të 80-ta të shekullit të kaluar. Ka kaluar tani një kohë e gjatë, por ende më kujtohet thelbi i atij shkrimi: Nëse ne prodhojmë lakra turshi të cilësisë së lartë, atëherë,pse të mos ia shesim këtë teknologji Evropës, pse të mos i plasojmë këto prodhime në tregun evropian – këtë dimë, këtë të bëjmë.

Shpirti sipërmarrës i qytetarit

Të shpresojmë se ndërmarrja e Fahrije Hotit të zgjerohet e të bëhet një kombinat i suksesshëm e prodhimtar. Shumë kompani gjigante amerikane (Macrosoft, Apple, Aldrich e shumë të tjera) janë krijuar nëpër bodrume, garazha. Jnë krijuar nga njerëz këmbëngulës, të përkushtuar e vizionarë. E tillë është edhe Fahrija, një grua me arsim fillor, por që është mjaft e artkuluar, flet qart e me një fjalor të pasur. Nga një viktimë është bërë frymëzim, duke u bërë një forcë e zhvillimit të fshatit të saj. Ka shumë njerëz që mund të bëjnë diçka, por u mungon vetëbesimi, këmbëngulja e përkushtimi. Presin që dikush të bëjë diçka për ta. Shembulli i Fahrijes t’u shërbejë edhe të tjerëve si model suksesi, Ka edhe shumë shembuj të tjerë suksesi anembanë Kosovës. Zoti Avdullah Krasniqi ka krijuar një fermë bio të tipit zvicëran në fshatin malor, Maqitevë,  të Suharekës/Therandës. Ai ka punuar si punëtor i thjeshtë në një fermë zvicërane dhe aty e ka fituar përvojën e tij, aty e ka parë se një gjë të tillë mund ta bëjë në fshatin e tij, në tokën e tij, ku ai do të jetë pronari që punon për veten dhe familjen e tij dhe jo për dikë tjetër. Ai Zvicrën e ka sjell në Kosovë, Janë këta njerëz të përkushtuar me shpirt sipërmarrës (entrepreneurial spirit) që e zhvillojnë e çojnë përpara vendin, prijnë dhe nuk presin asgjë nga dikush tjetër. Qeveria i ka detyrimet e veta: mbrojtjen e vendit, sigurimin e rendit publik, infrastrukturës, energjisë elektrike, krijimin e një klime të volitshme për investime, etj. Por, as në vendet më të zhvilluara qeveria nuk mund t’i bëjë të gjitha, edhe qytetarët i kanë detyrimet, përgjegjësitë e veta. Më 8 mars të këtij viti, 2021, u përurua objekti i ri modern i Kooperativës Bujqësore Krusha, i ndërtuar me ndihmën e BE-së, bizneseve kosovare dhe vetë grave të Krushës. Ky objekt është i pajisur me makineri e teknologji të re dhe ka hapësirë të mjaftueshme për kapacitetet prodhuese të kësaj ndërmarrjeje.

Filmi “Hive” (“Zgjoi”) pasqyrim artistik i historisë së Fahrijes

Historia e Fahrijes, kjo histori e dhimbjes, vuajtjeve, por edhe qëndresës, mbijetesës e ngadhnjimit mbi të keqen është bërë edhe subjekt i filmit të suksesshëm, “Zgjoi” (“Hive”). është një rrëfim që i bën nder Kosovës dhe gruas qëndrestare shqiptare.Gjer më tani nuk e kam patur mundësinë që ta shoh këtë film, por i kam shikuar disa fragmente në YouTube. Fahrija përveç vështirësive të jetës të shkaktuar nga barbaria serbe, ajo ballafaqohet edhe me paragjykimet e kundërshtimet e shoqërisë patriarkale kosovare. Burrat jo vetëm që nuk e ndihmojnë atë, por bëjnë çdo përpjekje për ta penguar në çuarjen përpara të ndërmarrjes së saj. Ata mendojnë se gruaja duhet të ulet në ulësen e pasagjerit (udhëtarit) dhe jo atë të shoferit. është një skenë e këtij filmi ku Fahrija shpërndanë prodhimet e veta me makinë, ndërsa burrat ulur rreth tavolinës në një kafene e shikojnë atë me mëri, urrejtje. Kur i shikon ata burra ashtu, që nuk e çajnë fare kokën për asgjë, në mend menjëherë të vijnë vargjet e Çajupit: “Burrat nën hije, lozën, kuvendojnë”. Emri i filmit nuk lidhet vetëm me faktin se Fahrija merret edhe me bletari, por ai ka edhe simbolikën e vet, lidhet me ndërmarrjen, kooperativën e Fahrijes, që është shndërruar në një zgjua të vërtetë ku duart e vyeshme të grave krushjane përgatisin prodhime cilësore, ajvar e turshi. Për momentin filmi është duke rrugëtuar drejt “Oskarit” dhe të shpresojmë se do ta fitojë këtë çmim prestigjioz, sepse historia e Fahrijes është një rrëhim i kësaj kategorie, këtij niveli: ngerthenë dallgët, sfidat, dramat, tragjditë dhe bukurinë e jetës.

Suksese e punë të mbarë!

Philadelphia, më 29 dhjetor, 2021

Sadik Elshani është doktor i shkencave dhe veprimtar i bashkësisë shqiptaro – amerikane.

Nga E.B., Nju Jork

Firma “Shq1pe” është një brand i rrobave në Nju Jork mjaft i njohur për stilin urban, sidomos mes të rinjve. Ajo është veshja e preferuar e vipave dhe yjeve muzikore. Stili “Shq1pe” është kthyer në një firmë globale, dhe është bërë e njohur në tregun amerikan dhe europian. 

“Shq1pe” është firma e parë shqiptaro-amerikane në Amerikë në industrinë e veshjeve. Ajo ka për qëllim promovimin e gjuhës dhe identitetit shqiptar nëpër botë. Dizajnimi i veçantë i markës ka tërhequr shqiptarët në diasporë, amerikanët dhe të huajt, duke e bërë atë një nga firmat e veshjeve më të dashura për të gjithë. 

Është themeluar në 28 nëntor 2019 nga Ervin Toro dhe përfaqëson stilin e veshjes së Nju Jorkut, duke lënë gjurmë në modën amerikane me motive shqiptare. Ervin Toro ka lindur në Fier dhe në vitin 1997 lëvizi në Nju Jork bashkë me familjen e tij. Ai ka qenë një aktivist i njohur në komunitetin shqiptar të Nju Jorkut, gjithashtu është edhe bashkëthemelues i organizates “Rrënjët Shqiptare – Albanian Roots” (2008).  Ka mbi 10 vite përvojë pune në industrinë e biznesit në manaxhim të projekteve, duke punuar për disa korporata të mirënjohura si, Sony Music Entertainment, Siemens Corporation, Samsung Electronics, etj. Ai ka kryer studimet e larta Bachelor në Pace University në Nju Jork për “Business Administration, International Management” (2007) dhe Master (MBA) në Wagner College, NY (2012) për “Business Management”. 

Një ndër synimet e tij është që të sjelli brandin Shq1pe dhe prodhimin e rrobave në Shqipëri dhe rajon. 

Intervistë ekslusive me Ervin Toro, themelues i firmës “Shq1pe”

Kur u formua firma e rrobave “Shq1pe Co.” si kompani?  

Ervin Toro: Kompania u bë publike në 28 Nëntor, 2019. E zgjodha këtë datë sepse është një  datë e rëndësishme për kombin Shqiptar dhe doja që kjo datë të ishte ditëlindja e  kompanisë Shq1pe Co. Dua që firma “Shq1pe” të shërbejë si një platformë urdhëlidhëse për diasporën shqiptare nëpër botë

Si lindi ideja? 

Ervin Toro: Duke qëne i angazhuar dhe i përfshirë në komunitetin Shqiptar në Nju Jork me organizime si parada, parti edhe evenimente desha te krijoja një brand që përfaqëson të gjithë shqiptarët kudo që ndodhen në botë dhe mendova që një mënyrë për të bërë këtë ishte me anë të firmës së rrobave. 

Çfarë koleksionesh ka brandi Shq1pe? 

Ervin Toro: Për momentin kemi një seleksion të gjërë për meshkuj edhe femra. Disa nga më të preferuarat janë hoodies, kostume sporti, dhe rroba për palestër. Ideja mbrapa stilimit është që ky brand ka rroba me veshje të lirë që vishen për ditë kur del jashtë ose kur je edhe më aktiv. 

Mund të flasësh për influencën dhe detajet e stilimit? 

Ervin Toro: Influenca është një stil Amerikan, stil urbani, por gjithashtu disa nga stilet kanë  edhe mesazhe brënda tyre. Jemi një brand që është ndryshe nga të tjerët. Me anë të rrobave ne promovojmë kulturën dhe gjuhën  shqiptare. 

Cilat nga produktet Shq1pe janë më të preferuarat nga publiku, më të shiturat? 

Ervin Toro: Kapelet, hoodies dhe kostumet sportive janë më të preferuarat nga publiku dhe më të shiturat në dyqanin online www.Shq1pe.com. 

Kush është mbrapa ekipit të stilimit/dizajnimit? 

Ervin Toro: Kam punuar personalisht vetë mbrapa çdo stilimi dhe koncepti. Si një i ri me ambicie në këtë industri kam dashur që çdo ide që kam pasur t’a sillja në jetë dhe jam munduar të influencoj sa do pak stilin Amerikan urban.

A po punon me ndonjë stilist?   

Ervin Toro:  Shq1pe Co. është e hapur për bashkpunim me çdo stilist të talentuar. Ne duam që të zgjerojmë sa më shumë stilet dhe koleksionet. Për momentin stilimi bëhet në New York por kemi dëshirë që në një të ardhme produksionin ta bëjmë në Shqipëri. 

Procesi ka qënë goxha intesiv, por kam mësuar shumë nga kjo industri dhe pasioni që kam për këtë më motivon që të mësoj sa më shumë. Mbas shumë punë kur produkti finalizohet dhe është në dorën tënde është vërtet një ndjenjë shumë speciale. 

Çfarë plani ka brandi Shq1pe në të ardhmen?

Ervin Toro: Fokusi jonë për momentin është që të promovojmë sa më shumë brandin në komunitetin shqiptar. Kemi shpenzuar këto dy vitet e kovidit duke promovuar me anë të mediave sociale edhe influencers si dhe artistë Shqiptar. Fokusi jonë do vazhdoj me promovimin e brandit por gjithashtu do nxjerrim prurje edhe stile të reja.

Ju gjithashtu keni pasur eksperiencë me muzikën si Dj.  Sa e rëndësishme është moda për identitetin e një artisti?

Ervin Toro: Po Dj ka qenë një hobi më shumë dhe e kam shijuar por tani nuk e praktikoj më por jam fokusuar me organizime evenimentesh nën emrin e brandit. Mendoj se moda apo mënyra se si vishesh për një artist tregon shumë imazhin dhe identitetin e një artisti. 

Në rastin tim unë vetëm rroba të Shq1pes vesh, por besoj se ky brand është një brand që përfaqëson të gjithë Shqiptarët ose të gjithë ata që kanë një lidhje me Shqiperinë dhe jo vetëm. Por besoj se brandi Shq1pe përfaqëson më shumë se një identitet shqiptar. Ky brand përfaqëson sakrificat që kalojnë të gjithë emigrantët duke filluar nga zero për të arritur një jetë sa më të mirë për veten dhe familjen tonë. Shq1pe përfaqëson stilin e jetës së New Yorkut, karakterin edhe kulturën e New Yorkut. 

Mund të na tregosh disa nga momentet më të bukura që ka kaluar brandi Shq1pe? 

Ervin Toro: Po, faktikisht kemi pasur disa momente të bukura për mua dhe brandin edhe ato kanë qënë kur disa artist të njohur Shqiptar kanë veshur rrobat tona si, Tayna, Rina, Alban Skënderaj, Capital T, etj. Vlerësoj shumë respektin nga komuniteti artistik shqiptar si dhe diasporën shqiptare. Kjo mbështetje ka qënë shumë domethënse për mua personalisht edhe për brandin edhe na bën shumë krenar fakti që këta artist të mëdhenj e vlerësojnë dhe përkrahin brandin Shq1pe. Motoja e Shq1pe-s është, “Jemi një” dhe më vjen mirë kur ne si komunitet përkrahim njëri-tjetrin në sukseset dhe rrugëtimet tona.

A po përgatit ndonjë performancë apo eveniment në të ardhmen? 

Ervin Toro: Po, jemi duke planifikuar disa evenimente për të promovuar brandin. Objektiva jonë eshtë të kemi një dyqan në një të ardhme por për momentin çdo oportunitet që kemi për të reklamuar brandin do e bëjmë me anë të evenimenteve. 

A keni disa këshilla për sipërmarësit e rinj që duan të marrin këtë iniciativë e të fillojnë një biznes të tyren? 

Ervin Toro: Të fillosh një biznes nuk është aspak e lehtë sepse kërkon dedikim, planifikim, dhe shumë punë. Kjo do të thotë të kalosh orë të gjata duke zgjidhur çdo sfidë të mundshme. Por besoj në qoftë se ke vërtet pasion për këtë biznes mendoj se do ja dalësh. 

Këshilla ime është që vetëm filloje! Mos ki frikë të marrësh risqe gjithashtu mos dëgjo njërëzit që thonë të kundërtën, mos ki frikë t’a nxjerrësh kreativitetin tënd botës. Ky ka qënë parimi im kur mora këtë iniciativë, duke iu përkushtuar punës çdo ditë për të ngritur sa më lartë brandin. 

Si ka qenë integrimi në Amerikë pas largimit nga Shqipëria? 

Ervin Toro: Fillimi ka qënë një  periudhë shumë  e vështirë  për mua duke mos ditur gjuhën, gjithashtu integrimi në një kulturë të re shumë ndryshe nga çfarë  isha mësuar. Pas shumë vitesh kur fillova kolegjin zgjerova networking dhe u njoha me studentë të tjerë shqiptarë dhe aty fillova të angazhohesha shumë në komunitetin shqiptar. Mbas kolegjit themelova edhe organizatën “Albanian Roots” (Rrënjët shqiptare) me qëllim promovimin e kulturës Shqiptare. 

Si bëhet porosia e rrobave nga Shq1pe Co.? 

Ervin Toro: Porosia bëhet online në faqen www.Shq1pe.com ose në faqet e instagramit @Shq1pe_co ose në Facebook @Shq1pe_co. Rrobat do ju dërgohen me postë brënda 2-3 javesh. Duhet të theksoj që ne postojmë në shumë vënde te botës edhe në Evropë. Deri tani kemi shitur në 9 shtete të ndryshme. 

Më vjen mirë të theksoj se edhe Amerikanët e pëlqejnë edhe e veshin brandin Shq1pe duke pasur shitje në shtete te ndryshme te Amerikës dhe Kanada, gjë që na bën akoma edhe më krenar për brandin. 

Objektiva jonë është që brendi Shq1pe të vijë në Shqipëri e të kemi prezencë edhe në rajon. 

Në dhjetor organizuat një fotoshoot në Nju Jork? Me kë keni bashkëpunuar për realizimin e këtij projekti?

Ervin Toro: Për koleksionin e ri të Shq1pes, me 22 dhjetor 2021 organizuam një fotoshoot në një nga pikat më të famshme në Manhattan, Soho. Një falenderim i madh shkon për të gjithë pjesëmarrësit që organizuan këtë projekt: për dy videografët/fotografët në set, NYC Pro Video (Olsi Beci) dhe King & Ace Films (Gem Belushi); modelët Alma Gashi, Lori Miho, Melisa Kulla, Billy Veizi dhe Dante Drishti. Gjithashtu vlerësoj mbështjetjen e projektit nga Omer Klobucista dhe NY Elite.

Mhill Velaj

Me rastin e Ikjes në amshim në moshen shumë të re te njëpinjolli të kësaj familje, Rrustem Shala Familja e Sadri Shales nga Barani i Pejës është një nga familjet më të shquara të kombit tonë gjithëandej trojeve tona e cila ishte kala Shqipërie, dhe halë në sy për regjimin vrastar Titos dhe Rankoviçit ku kujtojmë lexuesit e nderuar se Sadri Shala mbajti vite të tëra burg dhe u torturua si familje vetem pse nuk u pajtua kurrë me regjimin pushtues jugosllav.

Si shkrimtar vendas dashamir i kësaj familje tejet të nderuar dhe si koleg i dikurshëm i z.Smajl Shala gjithmonë kam ushqyer ndjenjat më te larta ndaj kesaj familje me taban kombëtar liridashes e arsimor me civilizim e emancipim . Kjo familje nuk u thye kurrë as në vitet 50-ta e as në vitet e 90-ta e gjerë sot duke qëndruar konsistent. Familja e mikut shokut vëllaut tim Smajl Shales në vitet e 90-ta ishte pjesë e rëndesishme e organizimit të shtetit paralel ishin aleat besnik të Presidentit Ibrahim Rugova, dhe bartes funksionesh të LDK -së duke organizuar referendumin e 1991 , mandej zgjedhjet dhe funksionimin e sistemit arsimor e shëndetsor në Lug të Baranit dhe me gjerë.

E terë kjo familje u shkollua dhe u edukua me njemije peripeti dhe Vëllezerit Shala siç i njohim ne u bastisen dhjetra herë vitet 90-ta , dhe në një atentat mizor në maj 1998 vritet Rifat Shala dhe plagoset vëllau Smajl Shala i cili mandej vuajti burgjeve serbe një kohë të konsiderushme. Të gjithë familja janë intelektual Zeneli jurist, Rrustemi ekonomist e afarist i nderuar ishte, Smajli historian, Xhema ekonomist, Rifati tashmë dëshmor martir ishte kimist dhe Sali Shala kimist. Udhën e nderit dijes atdhedashurisë e vazhduan dhe nipërit e mbesat e familjes të cilët shquhen në çdo pore jete.

Kur u bë e domosdoshme lufta e lavdishme e UÇK-Së kjo familje nderoi emrin e babes Sadriut dhe nderoi lart flamurin kuq e zi të Gjergj Kastriotit Skenderbeut ku Xheme Shala dhe Rrustem Shala i cili na la keto ditë vdiq duke na pikëlluar ne këtu në Amerikë dhanë kontribut epokal. Përkundër zemres së thyer per vëllaun Rifatin Vëllezerit Shala nuk u ndalen ne shtetëndertim dhe pavaresi të Kosoves, ku me vite Smajli ishte zv kryetar i Pejës së djegur nga okupatori serb ku dha kontribut meritor ne shume fusha.

Për kontributin e kësaj dere te madhe te kombit nuk mjaftojne artikujt e librat e terë botes andaj bashkëndjej me ju dhe jam pranë juve në këto dite merzie dhe pikëllimi.

Mhill Velaj -SHBA

Kryetar i SHSHSHA,

Stamford, Dhjetor 2021

Forumi i Ushtarakëve  Shqiptar të “Bijve të Shqipes” në FILADELFIA

Ushtarakët Shqiptarë të liruar ose në pension, me banim në Filadelfia të SHBA,(nën drejtimin e kryetarit të forumit ushtarak z.Eqerem Murati,n/kryetarit z.Ali Sopi dhe sekretari i këtij forumi z.Lutfi Brami ky dhe moderatori i këtij aktiviteti), përkujtuan dhe festuan me madhështi 109 vjetorin e krijimit të ushtrisë shqiptare 4 dhjetor 1912, në lokalin “AMIÇI resorant në Cerrihill të Neë-Jersit” me pronar birin e Radomirës Kalasë së Dodës të nderuarin z.ASTRIT SHEFIT SELIM DAKU. Në ketë takim entuziast vëllazëror merrnin pjesë antarë të Forumit të ushtarakëve shqiptar të “Bijve të Shqipes”në Filadelfia, bashkë me zonjat e tyre të nderuara,miqë të ftuar nga shoqata e ushtarakëve “Skënderbeg”të Neë-Yorkut të kryesuar nga zv/presidentia e kësaj shoqate kolonele në rezervë zj.Nadire  Xhakolli,me ekipin e saj të përbërë nga antarët e kryesisë të kësaj shoqate, ish Pedagogu i Akademisë Forcave Tokësore dhe mik i shoqates dhe i Forumit të ushtarakëve shqiptar të “Bijve të Shqipes”z.Mihal Jano, veteranët ushtarak Agim Piro, Përparim Sahitaj dhe Veri Taushllari), Kryetari i Shoqatës “Bijtë e shqipes” z.Bujar Gjoka, zv/Kryetari i shoqatës z.Dritan Matraku dhe “Kryetari i Nderit” të kësaj shoqate z.Tajar Domi,ideatori,themeluesi i forumit të ushtarakëve ky dhe “Kryetar Nderi”i shoqatës dhe i Forumit të ushtarakëve z.Petrit Zanaj. Në hyrje të resorantit ishte vendosur një panoramë bukur ku valviteshin flamujt shqiptar dhe Amerikan si dhe një parullë e shkruar “Gëzuar 109 vjetorin e ushtrisë kombëtare shqiptare”, ”Forumi i ushtarakve shqiptar te Filadelfias, kënd i ndërtuar me një kompozim të  bukur nga “Kryetari i Nderit” të Forumit z.Haki “Haxhi” Daut Çollaku. Të gjthë pjesëmarrësitë zunë vend në tavolina dhe ata dukeshin shumë entuziast e të gëzuar që po takonim e festonim së bashku pas një periudhe gati 2 vjeçare që nuk kemi festuar për vetë kushtet që na krijoi e mallkuara Pandemi Covid-19. Vërtetë dukej se do të ishte një ceremoni e bukur, një festë e mirë organizuar në një mjedis të ngrohtë familjar e shoqëror, mes ushtarakësh që vite me radhë kanë punuar e sakrifikuar së bashku në Atdheun mëmë dhe prapë janë bashkë edhe në Atdheun e 2-të”Amerikën e lirisë e demokracisë”. Ketë mbrëmje festive e hapi sekretari i Forumit të ushtarakëve shqiptar të “Bijve të shqipes”k/komisari i rendit publik shqiptar i respektuari z.Lutfi Brami. Ai pasi na uroj mirseardhjen në ketë takim vëllazëror dhe na ftoj që të ndigjonim e të këndonim bashkarisht Tingujt e Hymnit Kombëtar Shqiptar dhe Hymnit e Kombëtar Amerikan,ku të gjithë pjesëmarrësit  u ngritën në këmbë  e me dorë në zëmër ,i përcollëm me shumë emocion. Pas hymneve kombëtare të Shqipërisë dhe Amerikës z.Lutfi ja dha fjalën Kryetarit të Forumit të ushtarakëve shqiptar të Filadelfias z.Eqerem Murati për të përshëndetur pjesmarësit,i cili i  bëri  një përshkrim të rrugës lavdishme të Ushtrisë Shqiptare në këto 109 vite, duke u ndalur në momentet më të ndritshme të kësaj rruge, si në luftratë që ka bërë populli ynë në luftë për liri pavarësi e demokraci, në organizimin strukturor të ushtrisë në vitet e Mbretërisë, organizimin ushtrisë gjatë luftës antifashiste N-Çl dhe fitoren mbi nazifashizmin si pjesë krenare e Aleancës Anglo-Sovjeto-Amerikane, modernizimin në vitet e Luftës së Ftohtë dhe ristrukturimin e saj si pjesë e Aleancës së NATO s. Ai përshëndeti djemtë e vajzatë shqiptare sot nën uniformë, pjestarë të denjë në misionet luftarake e paqeruajtëse në botë, dhe po aq të paepur në detyra në raste emergjencash e fatkeqsishë natyrore brenda vendit dhe mbi sukseset e sotme të ushtrisë shqiptare në përbërje të aleancës atlantike si krenari e ushtrisë shqiptare në NATO. Fjala e tij u dëgjua me kënaqësi dhe u duartrokitë nga pjesmarrësit. Dhe pastaj muzikë, valle e vallzim, përplasje gotash e biseda shokësh e kolegësh, kujtime që shtrihen edhe përtej 50 vjetësh, kur ishin djemë e vajza të reja, skënderbegas e studente e studentë ushtarakë, oficere e oficerë të rinj kudo në Shqipëri. Në emër të shoqatës atdhetare kulturore të “Bijve të shqipes”përshëndeti pjesëmarrësit n/kryetari z.Dritan Matraku,i cili midis tjerash vlerësoi punën dhe kontributin që japin antarët e forumit ushtarak ,duke qenë shëmbull në gjitha aktivitet që organizohen e sidomos në ndërtimin e riparimin e ndërtesës së re të shoqatës. Në emër të shoqatës ushtarake “Skëndërbeg” përshëndeti ketë takim festiv kolonele në pension zv/presidentia zj.Nadire  Xhakolli,e cila falenderoi kryesinë e Forumit për ftesën dhe prezencën e saj e të  ekipit që ajo kryeson ,në ketë takim festiv vëllazëror organizuar për “109 vjetorin  e krijimit ushtrisë shqiptare” si dhe na solli përshëndetjen e Presidentit të kësaj shoqate kolonelit në (R) z.Bujar Hasani me urimin :’Gëzuar festën e ushtrisë shqiptare”dhe kështu festofshim bashkarisht në festat tjera në të ardhmen si dhe përjetofshim vetëm shëndet cilësor,jetgjatësi, mirësi,gëzime e lumturi familjare”. Mes këtij gëzimi familjar e vëllazëror vazhduan të kërcejnë e hedhin valle ish ushtarakët me zonjat e tyre, të cilët me shumë emocion i përjetuan këto 4-5 orë gazmore me këngë e valle,vallzim nga gjitha trevatë shqiptare. Drejtuesit e forumit dhe të Shoqatës kalonin nga një tavolinë në tjetrën, duke u takuar e çmallur me këta  vëllezër e kolegë,ku pati disa përshëndetje e takime e përgëzime me të ftuarit e nderit zotrijtë e shoqatës “Skënderbeg”,ku me rradhë çdo pjesëmarrës erdhi dhe i takoi dhe trokiti gotën e verës ,rakisë apo birrës me këta motra e vëllazër, që na e hijeshuan e shtuan gëzimin e festës sonë.  Nga artopolanti buçet kënga labe “Çobanët mbi Gjeneralë” dhe ajo për trimat e Drenicës,Tropojës, Dibrës dhe krahinava të tjera, ngrihen shëndete për shokë e miq.Mendoj se këtu një meritë të veçantë pati moderatori i këtij aktiviteti  k/komisari veteran Lutfi Brami, i cili me zgjuarësi e kopetencë  drejtoi ketë aktivitet. Sejcili pjesëmarrës kishte dëshirë të bënte foto me shokë e shoqe, sidomos tek këndi mes flamujve kombëtar shqiptar dhe amerikan. Shumë foto u bënë me të ftuarit për t’i patur si kujtim vëllazëror. Në ketë aktivitet u dhanë edhe disa “Çetërfikata Mirnjohje “ dhe “Nderi i Ushtarakut” për antar të forumit të dalluar dhe për kontribut pozitiv në shoqatë dhe në aktivitet e Forumit ushtarak. Moderatori i aktivitetit z.Lutfi Brami fton kryetarin e shoqatës”Bijtë e shqipes”z.Bujar Gjoka që të jap “ ”ushtarakut veteran z.Ahmet Shaban Shahut  “ÇETËRFIKATËN E MIRNJOHJES”,me motivacion:”Për kontributin,sakrificën dhe përkushtimin për të kultivuar virtutet dhe traditat më të spikatura shqiptare në komunitet,duke qenë një model e simbol,i cili duhet të ndiqet në jetën e Forumit e më gjërë”të firmosur nga kryetari e sekretari i Forumit ushtarak. -Moderatori fton “Kryetarin e Nderit” të Forumit z.Haki Çollaku për t’i dhënë “Çetërfikatën e Mirnjohjes “NDERI I USHTARAKUT SHQIPTAR” ,veteranit ushtarak z.Haziz Kuliçi me motivacion:”Për respektin dhe mbajtjen lartë të vlerave e virtuteve më të shejta të ushtarakut shqiptar në gjirin e komunitetit shqiptar të Filadelfia USA”,të firmosur nga kryetari e sekretari i Forumit ushtarak. -Moderatori fton Kryetarin e Forumit z.Eqerem Murati për t’i dhënë “ ÇETËRFIKATËN E MIRNJOHJES” ushtarakut në rezervë z.Rifat Sula me motivacion:” :”Për kontributin, sakrificën dhe përkushtimin për të kultivuar virtutet dhe traditat më të spikatura shqiptare në komunitet, duke qenë një model e simbol,i cili duhet të ndiqet në jetën e Forumit e më gjërë”të firmosur nga kryetari e sekretari i Forumit ushtarak. -Moderatori fton zj.kolonele Nadire  Xhakolli që t’i jap Çetërfikatën e mirnjohjes,”NDERI I USHTARAKUT SHQIPTAR”, veteranit z.Kastriot Hysko me motivacion:” :”Për respektin dhe mbajtjen lart të vlerave e vituteve më të shejta të ushtarakut shqiptar në gjirin e komunitetit shqiptar të Filadelfia USA”të firmosur nga kryetari e sekretari i Forumit ushtarak. -Moderatori fton “Kryetarin e Nderit” të forumit të ushtarakut z.Petrit Zanaj të jap “ÇETËRFIKATËN E MIRNJOHJES” zonjushës Hatixhe Haki “Haxhi “ Çollakut me motivacion:”Për përcjelljen e vlerave dhe virtuteve që na jep ne si veteranë të ushtrisë shqiptare dhe mbarë komunitetit shqiptar të Filadelfias,duke qenë një model e simbol,i cili duhet ndiqet nga të rijtë shqiptar dhe antarët e forumit tonë ,për të qenë qytetar të devotshëm mikut më të  madh të kombit tonë “Shteteve të Bashkuara të Amerikës”, të firmosur nga kryetari e sekretari i Forumit.  Prindërit  zj.Dhurata dhe z.Haki Çollakut në nderim të vajzës së tyre, Hatixhes, e sapo diplomuar për të shërbyer në radhët e USA Army! Jo vetëm sytë e Dhuratës, por edhe të të pranishmëve mbushen me lotë, lotë krenarie e nderimi. Të dy prindërit krenarë i përqafon edhe kolonelia në (R)Nadire Xhakolli, ushtarake në pension edhe ajo, por edhe djali i saj, Tani dhe bashkëshortja e tij, gjithashtu shërbejnë në FA të SHBA. Ja pra, edhe brezi i ri i emigrantëve shqiptarë, po ecën në shtigjet që hapën brezat e mëparshëm duke u bërë pjesë e FA të SHBA. -Moderatori fton “Sekretarin e Nderit”TË Forumit z.Hys Hasa për t’i dhënë “ÇETËRFIKATËN E MIRNJOHJES”, z.Jakup Domi me motivacion:” :”Për kontributin, sakrificën dhe përkushtimin për të kultivuar virtutet dhe traditat më të spikatura shqiptare në komunitet, duke qenë një model e simbol,i cili duhet të ndiqet në jetën e Forumit e më gjërë”të firmosur nga kryetari e sekretari i Forumit ushtarak. Zotrive te shoqates “Skenderbeg”ju dha nje “Çeterfikate mirnjohje” dhe nje flamur kombetar shqiptar. Në ketë aktivitet poeti e shkrimtari ushtarak Veri Taushllari i dhuroi shoqatës “Bijtë e shqipes”dhe Forumit të ushtarakëve shqiptar të Filadelfias,nga një libër me autografin e tij përfshi dhe bibliotekën “Anastas Dodi”të shoqatës. Një falenderim të veçant meritoi edhe drejtuesi i muzikës e këngës me digjej që na e kënaqi shpirtin me këngë e valle shqiptarie. Ne kete takim vellazeror antari i Forumit te ushtarakeve z.Bujar Çela(ky dhe antar i keshillit drejtues te shoqates”Bijte e shqipes”bashke me zonjen e tij ,sot pikerisht ne kete date kishin dhe 20 vjetorin e marteses,te cilet jane bashkshort,prinder e atdhetar shembullor, te cileve ju uroj edhe edhe 100 vite qofshin e gezofshin familjarisht duke qene te lumtur e te gezuar me femijte e tyre sot nxenes shembullor si ne shkollen shqipe”Gjuha jone “dhe ne shkollat e Filadelfias. Ja kështu u vazhdua dhe u mbyll kjo ditë e bukur gëzimi, nderimi e feste, ku shokë, miq e mikesha,si Ahmeti,Bujari, Tajari,Dritani, Asllani,Xhemaliu,Kastrioti,Lutfiu,Aliu, Përparimi, Jakupi, Luiza, Hysa, Mihali e të gjithë të tjerët ndanë disa orë të këndshme dhe jetuan me kujtime dhe rininë e tyre.

Në ketë festë pjesëmarrësit mbetën shumë të kënaqur nga gatimet ushqimore dhe shërbimi i kulturuar i këtij lokali shembullor me pronar shqiptar në ketë vend të largët.Të gjithë u larguam me respektin e mirnjohjen maksimale për organizimin, drejtimin e moderimin e këtij aktiviteti vëllazëror festiv të 109 vjetorit të krijimit të ushtrisë shqiptare dhe me urimin:”Faleminderit zotrijë drejtues të Forumit të ushtarakëve shqiptar të shoqatës”Bijtë e shqipes”në Filadelfia që na dhatë kënaqësinë të shijojmë e përjetojmë ketë aktivitet emocional vëllazëror.Të gjithë u larguam me përshtypjet më të mira me dëshirën që të gëzohemi e përjetojmë edhe në takimet tona në të ardhmen e përbashkët vëllazërore. Takime e festime të tilla na ulin stersin që përjetojnë gjithë emigrantë kudo në botë largë njerzëve të tyre të dashur të gjakut në vendlindje. Shumë faleminderit për mirkuptimin të dashur z.Eqerem Murati, Ali Sopi dhe Lutfi Brami.Zoti i bekoftë gjithë ushtarakët shqiptar kudo në botë, familjet e njerzit e tyre të dashur.

Akademik Hys Hasa

Filadelfia

Mbresa pas nje shfaqje te suksesshme

Diar Xani

Shfaqja “Planeti i Gjelber” eshte mbajtur ne dy termine si premiere me date 12.18.2021 ne hapsirat e Qendres Kulturore ne Greenwich Connecticut organizimin e kesaj e ka bere Albanian Youth Center ne kryete z. Richard Lukaj dhe stafit professional te kesaj qendre. Ndersa reprizen e kemi shfaqur te merkuren me date 12.22.2021 ne New Jersey, ne qendren kulturore Albanian Cultural Center ne Riverdale New Jersey, ne bashkpunim me kryetarin e kesaj qendre z. Astrit Zhaku. Pas kesaj  jam ne bisedime qe edhe ne muajin shkurt te vitit qe vjen me e vazhdu me perseritur pasi qe tani do te fillojne dhe festat e fund vitit dhe eshte e pamundur me vazhdu per momentin. Organizmin e ketij projekti e kam bere bashke me organizaten O.J.Q. ON-art te cilin kete projekt financiarisht e ka mbeshtetur Ministria e Kultures, Rinise dhe Sportit te Republikes se Kosoves. Shfaqja eshte Monodrame qe luhet me nje aktor dhe shumicen e gjerave me eshte dashur ti beje vete por me ndihmen edhe te disa kolegve per te cilat kam pasur shume konsultime. Pra Regjine dhe lojen si aktor i kam bere une Diar Xani. Ndersa tekstin e ka shkruar dramaturge Arife Haliti. Ideja dhe qëllimi i dramës për fëmije “Planeti i gjelbër”: Planeti toke çdo ditë e më shumë po përballet me ngrohjen globale. Edhe pse vetëdijshëm për këtë, asnjëherë nuk janë marre masa konkrete qe një gjë e tille te këtë zgjidhje të përhershme. Ajri i ndotur, tymi, djegiet e ndryshme te cilat shkaktohen nga vete njeriu, ka ndikuar qe shëndeti ynë të vihet në rrezik. Shumica e njerëzve si pasoje e ajrit të ndotur vuajnë nga sëmundjet e organeve të frymëmarrjes, përkatësisht te mushkërive. Prandaj, ideja dhe qëllimi i kësaj drame është thirrje për sensibilizim të të gjithë njerëzimit, pa marre parasysh moshën, gjininë, përgatitjen intelektuale dhe përkatësitë tjera identitare që të kujdesemi për ambientin ku jetojmë dhe veprojmë. Kjo ide përçohet nga personazhi e dramës i cili si mision e tij human ka marre përsipër t’i prezantoj demet e cilat ia shkakton ajri i ndotur planetit tone, dhe te gjejë zgjidhje dhe mënyra qe një gjë e tille të hiqet apo edhe të reduktohet, ashtu që i gjithë njerëzimi të jetoj në një ambient me te pastër ku e gjelbër është kryefjala e çdo mjedisi i cili na rrethon. Femijet kan qene teper te kenaqur dhe te intersuar per kete shfaqje, ata edhe pas shfaqjes kan qen te interesuar lidhur me shfaqjen me aktrimin, me kan bere shume pytje. Femijet kur shohin shfaqje aty vrehet edhe talenti edhe imagjinata e tyre. Ata shfaqjen e shohin me sy te drejte dhe e kuptojne shume drejte. Pra ata nuk mund ti genjesh. Prandaj ne si profesionist kemi kujdes se sa her qe bejm diqka per femije mendojme shume se si do te duket sepse ata nuk mashtrohen, ata e gjykojn drejt e gjithe ngjarjen se cka shohin. Per mua ka qen teper i rendesishem ky projekt sepse me ka shtyre te mendoj qe te filloj si nisme e pastaj shpresoj shume se do ta arrij qellimin sepse me shume se shumecka kishte me qen atraktive dhe e qelluar nese kishim mundur ta bejme ose te fillojme dhe ta krijojme teatrin per femijet apo te rinjeve. Mendoj qe mjaft më me koncerte dhe me kengetar e me kenge te njejta qe nga pas lufta asgje nuk po ndryshon, mendoj qe asgje spo ka te re, asnje organizim me ndryshe. Te gjitha shoqatat pergatitjet dhe eventet po i bejn te njejta ne shumicen e vendeve te diaspores prandaj mendoj qe rinia ose femijet duhen qe te ket edhe nje pikpamje me te gjere se sa ajo. Une do te shpresoj se shume shpejt edhe do te vazhdoj projektin dhe do ta shfaqi edhe neper shume vende apo shkolla ku ka femije shqiptar, do te beje workshop apo puntori me femijet si dhe pas kesaj edhe shpresoj se do te punoj bashk me femijet e disa shkollave qe te bej ndonje shfaqje bashk me ta e qe ne te ardhmen te ken pse jo teatrin e te rinjeve ne New York. Ata kan nevoj te shohin shfaqje, ata kan nevoje te luajn (aktrojne), te kuptoj se cka eshte teatri cka eshte aktrimi, cka eshte regjia etj etj. I lutem te gjithve se kush do qe ta lexoj kete infromim qe ata qe kane mundesine ta bejne organizimin per ta shfaqur kete shfaqje per femije atehere une jam i gatshem te bashkepunoj dhe ta pranoj ftesen nga kushdo qofte ndonje qender kulturore apo individ qe mund te organizoje qe femijet te kene mundesine te shohin kete shfaqje per femije.