Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Suzana Shkreli, merr nominim për në Kongresin Amerikan

by

Suzana Shkreli, Kandidate e Partise Demokrate për një vend në Kongres për shtetin e Michiganit/
13415424_1175483412484989_731113349218319403_o.jpg

Beqir SINA New York /

DETROIT MI: Një lajm i gëzueshëm dhe historik, vjen nga shqiptarët e Amerikës: “Pak kohë më parë, znj Suzanna Shkreli, një amerikano – shqiptare, njoftohet se ka marrë nominimin e biletës të Partisë Demokratike Amerikane, për një vend në Kongresin Amerikan”, zgjedhjet e ardhshme më 6 Nëntorë, nga një zonë kongresiale, shtetit të Miçiganit.
Ky është një lajmë ogurmirë, që edhe një herë po tregon vlerat demokratike të Shteteve të Bashkuara dhe kombit tonë, shqiptarë, suksesin e tyre nëpër botë, dhe veçanërisht, në vendin kampion të botës, lirisë dhe demokracisë, Shtetet e Bashkuara të Amerikës, miku e përjetshëm të shqiptarëve. Në medien sociale Facebook, shqiptarët shkruajnë se ne si komunitet shqiptarë do të jemi të lumtur, për të bërë çdo gjë që ne mund të bëjmë, atë, për të arritur edhe ketë sukses. Fitorja e Suzanës, natyrishtë, shkruajnë shqiptarët, që është fitorja jonë! Fitorja dhe suksesi i gjithë komunitetit shqiptarë në SHBA.
Gazeta Dielli fton me ketë rast të gjithë shqiptarët, kudo që janë, sidomos ata të komunitetit shqiptarë në Shtetet Bashkuara, Detroitin, ku Suzana Shkreli, është pjestare e atij komuniteti, dhe jeton atje,  për mbështetjen e saj, deri në Fitore! Suzanna Shkreli, nga qyteti i Macomb i Michiganit , e cila është e përzgjedhur si një nga gratë shqiptarë më të suksesshme të Projektit Albanian American Success Stories – Histori Suksesi Shqiptaro Amerikane, që drejtohet nga Vera Mjeku në New York, siç njoftoi 3 javë më parë Ambasada e SHBA në Tiranë, shkoi atje si pjësë e programit OPDAT – i cili thuhet se ndihmon zyrën e Prokurorit të Përgjithshëm në Tiranë me krijimin e programit të parë shqiptar për mbrojtjen e viktimave të krimit.
 Bëhet fjalë pra për prokuroren shqiptaro-amerikane, Suzanna Shkreli, e cila tashmë në rrugën e suksesit, ka shfaqur ambicjen e saj për në Kongresin Amerikan – zgjedhjet e 6 Nëntorit, me pëlqimin e Partisë Demokratike.Sipas njoftimit të ambasadës së SHBA,  në Tiranë, më 13 qershor, shqiptaro-amerikania Suzanna Shkreli, e cila është një prokurore me përvojë në sektorin e dhunës në familje dhe abuzimin me fëmijët në qarkun Macomb, në Michigan, shoqëroi dy Koordinatoret për Asistencën e Viktimave gjatë një turi ndërgjegjësimi nëpër Shqipëri.
Shqiptaro amerikania Suzana Shkreli, e cila është një shqiptare e Amerikës, mjaft e suksesshme është pjesë projektit ” Histori suksesi shqiptaro-amerikane” që i kushtohet veprimtarëve të dalluar të komunitetit shqiptar në SHBA. Një projekt ky prestigjoz, ku personalitete të njohura nga komuniteti shqiptar, të cilët kan krijuar emër në fusha të ndryshme në Amerikë, tashmë veç suksesit këtu mund të japin kontributin e tyre, edhe në Shqipëri, Kosovë, dhe vendorigjinën e tyre.
Suzanna, dhe dy vëllezërit e motrat e saj kan arritur suksesin përfundimtar si avokatë, duke e praktikuar atë në fushat e tyre përkatëse të ligjit, si dhe në krijimin e shoqatës së parë të avokatëve shqiptaro amerikan “Albanian American Bar Association” në Michigan, shkruhet në biografinë e saj.
Suzanna Shkreli, është e bija e Zef dhe Maria Shkreli, me prindër nga Ulqini dhe Gruda, e cila emigroi në Shtetet e Bashkuara së bashku me familjen e saj në kërkim të një jete më të mirë.
Suzanna, është një nga katër fëmijët e kësaj familje, me një motër më të madhe se vetja Diana, një vëlla binjak Pauli, dhe një vëlla më të vogël, i quajtur Mark.
Si gjeneratë e parë shqiptaro amerikanë, vëllezërit e motrat e saj u inkurajuan vazhdimisht nga prindërit e tyre, që për të arritur suksesin ata mund t’a marrin atë vetëm nēpërmjet një arsimimi të lart. Tani, ata janë dëshmitarë të dorës së parë se sa shumë prindërit e tyre kanë punuar për të siguruar shkollimin për ta, ndërkohë që ata ishin të bindur në jetën e tyre, se arsimi ishte jetike për të ardhmen dhe ngritjen personale dhe profesionale. Çka edhe me të vërtet ata e kan arritur këtu në SHBA.

KANADA : Aksident i rëndë në Toronto, shuhen 3 gjenerata të familjes shqiptare

by

Shtypi kanadez shkruan se aksidenti fatal ka ndodhur nga përplasja, e disa automjeteve  në jug të rrugës “Finch Ave”, duke marrë jetën e tre berzave të familjes shqiptare  përfshirë edhe vajzën e tyre 5-vjeçare, Isabella, nëna e saj, Valbona Vokshi, gjyshen Xhemile, që po ktheheshin nga vizita e tyre në Wonderlandin e Kanadasë,./
d7118s635772.jpg
Nga Beqir SINA, New York/
TORONTO KANDA : Tre breza të grave nga një familje të vetme mbetën të vdekur si shkak i një aksidenti tragjik në autostradën “ Highway 400” të premten në mbrëmje, tha  policia kanadeze, duke shtuar se “aksidenti fatal ka qenë i pa shmangshëm”.
Mediat kanë identifikuar viktimat e këtij aksidenti të cilat për fatkeq janë : Xhemile Vokshi 55 vjeç, Valbona Vokshi 35 vjeç dhe Isabela Kuçi 5 vjeç; gjyshja, vajza e saj dhe mbesa.
Makina me të cilën udhëtonte familja shqiptare, simbas lajmeve  u përfshi nga flakët pas një aksidenti ku u përplasën disa automjete.
Në një automjet tjetër të aksidentuar, udhëtonin vajza tjetër e 55-vjeçares dhe djali i saj 2-vjeçar, por që fatmirësisht nuk pësuan lëndime të mëdha.
Valbona e cila drejonte makinën kishte emigruar në Kanada prej 15 vitesh, atje kishte krijuar familjen dhe punonte me prindërit në një restorant.
Shtypi kanadez shkruan se aksidenti fatal ka ndodhur nga përplasja, e disa automjeteve  në jug të rrugës “Finch Ave”, duke marrë jetën e tre berzave të familjes shqiptare  përfshirë edhe vajzën e tyre 5-vjeçare, Isabella, nëna e saj, Valbona Vokshi, gjyshen Xhemile, që po ktheheshin nga vizita e tyre në Wonderlandin e Kanadasë,.
Policia, deri dje nuk kishte bërë të ditur  emrat e viktimave, shkruante shtypi kanadez.
“Valbona, “e donte jetën dhe shpresat dhe ëndrrat e kishte për më shumë për të ardhmen e saj… ajo ishte njeriu, që donte për tu kujdesur për të gjithë”, tha Seitaj, një shoqe e vjetër e saj, që  ka vizituar familjen e vitktimave çdo ditë që nga përplasja.
Miqtë dhe komuniteti shqiptarë në Kanada  kanë filluar një fushatë fond mbledhëse të financimit për të mbledhur para për GoFundMe.com për familjen, thuhet në një njoftim nga Kanadaja.
Simbas shtypit kanadez motra e Valbonës, Blerta, dhe nipi 2-vjeçar, ishin duke udhëtuar në një makinë të tjetër, po në të njëjtën rrugë gjithashtu të përfshirë në aksident, por ata fatmirësisht mbijetuan.
Valbona, thuhet se ështê nga Tirana  – Shqipëri, dhe erdhi në Kanada në moshën 20 vjeç , ajo ka punuar me orë të zgjatura në një restorant të sponsorizojë prindërit dhe motrën e saj.
“Isabella, ajo që tani flutorojë në Qiell, me engjujt, shkruajnë gazetat e Torontos, ishte gjithmonë e gëzuar, e qeshur, e dashur dhe me shumë humor, duke i bërë shokët e shoqet të qeshnin me embëlsinë fëminore, në kopshtin e tyre në Princess Margaret School Junior në Etobicoke,” ka thënë  edukatorja e saj, Sarah Harwood.
 Gjithashtu thotë ajo “Isabela e dashur, ishte edhe një aktore e talentuar , ajo luajti rolin e nënës për një shfaqje për fëmijët e tjerë, ajo shkroi dhe tregimet e saj, si ai”Miqtë dhe lepuri.”
 “Humbja e saj do të lënë një vend bosh në klasë tonë. Ajo ishte një engjull një dritë shumë e ndritshme, në Qiell”, thotë edukatoria e saj Sarah Harwood, kur mori lajmin e vdekjes së Isabelas të hënën, në një letër drejtuar prindërve dhe kujdestarëve të nxënësve të kësaj shkolle.
“Kjo ka qenë një ditë e “ kobshme” për gjithë komunitetin tonë,  shkollën tonë teksa  ne vajtojmë humbjen tragjike të një engjulli të shëndrritëshëm që tani fluturonë në Qiell”, ka shkruar kudestarja e saj.
Një ekip prej tre punonjësve socialë, thuhet se ka qenë në shkollën e e Isabellës, duke folur me ëmbëlsi, dashuri dhe inkurajim me rreth 340 nxënës të hënën. 
Ata po qëndrojnë në Shkollë, duke folur me nxënësit deri të mërkurën, ditën e fundit të klasave, thotë Shari Schwartz-Maltz ,i cili është një zëdhënës i Këshillit të shkollës në District Toronto.
Shkolla tani ka dërguar letra për prindërit për të biseduar me ta dhe inkurajuar fëmijët e tyre rreth tragjedisë.
Në shkollë dhe komunitetin e Torontos, është hapur libri i zisë për humbjen e gjithashtu të viktimave të aksidentit.
 
highrop.80650.jpg

1180484.jpg

pics-family.jpg.size.custom.crop.1086x547.jpg

 

“Kujtojm, por nuk harrojmë ( We remember and never forget)”

by

NGA BEQIR SINA*/

MONROE COLLEGE NYC : Në këtë aktivitet i pari dhe më i ri në komunitetin shqiptar, të Amerikës, i kësaj natyre, natyrishtë, që është nder dhe kënaqësi , për mua , madje nuk e teprojë po të them se “është privilegj që nga ky podium, nga ky tempull i djes, Kolegji Monroe, nga ky qytet Nju Jorku- simboli i lirisë dhe i demokracisë, nga ky vend – Shetet e Bashkaura të Amerikës, të cilat janë kampion në botë, i lirisë, demokracisë e të Drejtave të Njeriut, ti përcjell pëzemërsisht me këtë rast, një faleminderim , një mirënjohje dhe një respekt të madh Organizatës “Hope & Peace” Shpresë dhe Paqe, presidentes së saj zonjës së nderuar Mimoza Djaçi, me rastin e organizmit të këtij evenimenti në kujtimin e 26 Qershorit, “ Ditës Ndërkombëtare në Mbështetje të Viktimave të Torturës” të shpallur nga OKB-ja, dhe e njohur nga mbarë bota, përfshirë Shqipërinë. 

 Aktivitet ky që po zhvillohet, sot të shtunën, në kolegjin prestigjoz  Monroe College, këtu në qytetin e Bronxit, falë atyre që gjithmonë, kur ka pasur ngjarje të tilla të rëndësishme, për komunitetin shqiptarë, në zonën e Tri-Shteshit, sidomos ato me karakter kombëtar, historik, kulturor e artistik, kan bërë të mundur dhe hapën dyert e këtij kolegji, duke ua mundësuar dhe pritur shqiptarët, pra një falenderim të posaqëm, u shkon me këtë rast edhe drejtuesve të saj, zyrtarve të lart të Administratës së Kolegjit Monroe, dhe veçanërisht, profesorit të respektuar shqiptar Haxhi Berisha.

Të dashur bashkëatdhetarë , të nderuara zonja dhe zotërinj !

 “Në këtë Ditë Ndërkombëtare në Mbështetje të Viktimave të Torturës, ne shprehim solidaritetin dhe mbështetjen tonë për qindra e mijërat e viktimave të torturës dhe familjarëve të tyre në të gjithë botën. “ tha Sekretari i Përgjithshëm Ban Ki-moon, duke përkujtuar këtë ditë për mbarë botën.

Sakaq, më duhet të cekë qysh në fillim të fjalës time, në kujtim të kësaj dite se :”Ligji ( pra rregullat e kodet e shoqërisë në të gjithë botën) janë më se të qartë, se:”Tortura dhe Viktimat nuk mund të përdoret në çdo kohë dhe në asnjë rrethanë, edhe gjatë asnjë konflikti apo lufte, regjimi e sundimi , qoftë edhe kur siguria kombëtare është nën kërcënim apo diçka tjetër….. kur kujtojmë të gjithë së bashku ditën “Ditën Ndërkombëtare në Mbështetje të Viktimave të Torturës”. 

 Kjo ditë përkujtimore, vjen sot, tek ne shqiptarët, mbi të kaluarën komuniste në Shqipëri, dhe atë të sundimit sllavo komunistë në Kosovë, apo ato të kryera me ardhjen e komunizmit në Greqi,  pra krimet e toturat e grekërve ndaj popullsisë Çame, 72 vjet më parë, si dhe ato të ndodhura në trojet etnike shqiptare në Ballkan, Preshevë, Bujanovc, Medvegje, Mal të Zi, e Maqedoni.

 Aty ku shqiptarët kan qenë viktimat , u keq trajtuan dhe u diskriminuan, duke përfshirë edhe torturën, të cilat janë kryer në mënyrë të gjerë dhe sistematike në terren, shtëpitë e tyre apo edhe në qendrat e paraburgimit e të burgimit, (stacionet e policisë) kampet e internimit dhe përqëndrimit, e vende të tjera, si në të gjithë Shqipërinë, apo ish Jugosllavinë, që u shkërrmoq dhe nuk egziston më ( por nën kupto me këtë rast, në Serbi) dhe në Çamërinë, ku shqiptarët, fakeqësisht, janë të parët dhe të shumtë në numbër, ata që u viktimizuan dhe u torturuan për të vetmin fajë që kishin bërë, se:” ishin shqiptarë, kishin lindur shqiptarë dhe do të vdisnin si shqiptarë” .

 Tortura, dhe viktimizimi dihet se në të gjithë botën kërkon të asgjësojë personalitetin e viktimës dhe mohon dinjitetin e lindur të qenies njerëzore, njeriut. Andaj dhe Kombet e Bashkuara, Organizatat Ndërkombëtare për Lirinë e të Drejtat e Njeriut, shtetet Perendimore, të cilat janë simbol të lirisë, në botë me SHBA, në krye, me mikun e përjetshëm të shqiptarëve, gjatë gjithë historisë së tyre , e kan dënuar torturën, dhe kan dalë e janë  gjithmonë krah të viktimave, të çfardolloj qofshin ato me shkas ato; raciale, fetare apo ideologjike, që në fillim të krijimit të ligjeve dhe Kushtetutës së tyre demokratike. SHBA, dhe bota e civilizuar i kan  dënuar duke e quajtur ato si një prej akteve të kryera më çnjerëzore nga ku nënçmohet dhe eleminohet qenia njerëzore, nga një qenie tjetër që është quajtur jo njerëzore, mbasi ka kryer këtë akt.

 Tortura,dhe viktimat megjithëse, janë një krim sipas të gjitha ligjeve ndërkombëtare, dhe dënohet dhe është e pa pranueshme edhe nga feja, librat e shenjtë; Tora, Kurani, Ungjilli, dhe Bibla e tjer, ajo nuk ishte e till nga regjimet e pafe , të paide dhe pakombë, pra nga regjimet komuniste e sllavo komuniste, internacionaliste, sidomos, për ne shqiptarët, që e vuajtëm më shumë se kush tjetër, dhe më tmerrshëm se kushdo tjetër, nën sundimin barabarë të katilëve, duke filluar nga Rankoviqi, Tito e Millosheviqi, dhe ne shqiptarët në Shqipëri nën regjimin e ëgër komunist të Enver Hoxhës, e partisë komuniste, kurse e Çamët me masakrat e gjenocidin e shkatuar nga komanda e gjeneralit famëkeq Zevros.

  Viktimat dhe përdorimi i torturave sipas të gjitha instrumenteve ligjore përkatëse, në të gjithë botën janë absolutisht të ndaluara dhe nuk mund të justifikohen në asnjë rrethanë, që kan ndodhur dhe janë kryer. Ky lloj përdorimi i dhunës çnjerëzore, pra Torturës, me ligj dhe me letra ka qenë dhe është pjesë e së drejtës ndërkombëtare zakonore, edhe në kohën e Rankoviqit, Titos dhe kryekasapit Millosheviqit, që do të thotë se ajo është e detyrueshme për çdo anëtar të bashkësisë ndërkombëtare, pavarësisht nëse një shtet ka ratifikuar apo jo marrëveshjen ndërkombëtare në të cilat tortura është e ndaluar shprehimisht. 

 Por, fafkeqësisht koha ishte ajo që tregoje se prej kohës së ardhjes në fuqi të sllavo – komunisteve, mbas luftës së Dyte Boterore, pra regjimit të Rrakoviqit, Titos dhe Millosheviqit, megjithse në letrat e tyre egzistonte mos përdorimi i troturave dhe likudimi dhe viktimizimi, për ne shqiptarët, ai u ndoq nga sllavo komunistët me  praktika sistematike ose të përhapura të torturës, dhe egzekutimit, e likudimit ndaj popullit shqiptarë në Kosovë, Luginën e Preshevës, Maqedoni dhe Mal të Zi, duke përbër një krim të rëndë kundër njerëzimit, sa që sot për këtë qëllim është ngritur dhe funksionin edhe një Gjykata Ndërkombëtare për Dënimin e Krimeve në Ish Jugosllavi, e ngjashme me atë të ngritur me krimet e nazismit pas Luftës së Dytë Botërore, me Holokaustin.

 “Kujtojm, por nuk harrojmë (  We remember and never forget)”

Të dashur bashkëatdhetarë , të nderuara zonja dhe zotërinj !

Andaj shqiptarët asnjëhere s’do të lënë menjëanë ose asnjëherë s’do të harrojnë por gjithmonë do të kujtojnë, dhe reflektojnë, ato vuajtjet e torturat, popullit shqiptar, të kryera ato në periudha dhe kohë të ndryshme, duke filluar nga Çamëria, e më pas nga regjimi enveristë dhe apo ai shovinistë grekë  e sllavokomunistë.

Ne kurrë s’do të harrojmë, por do të kujtojmë: Çamërinë, e cila sot përkujton 72 vjetorin e “Gjenocidit grek mbi Çamërinë,” ne nuk do të harrojmë, por sa të jetë jeta dotë kujtojmë e nderojmë Kosovën martire, e cila sot është e lirë dhe e pa varur edhe falë atij gjaku, atyre viktimave, atyre deshmorëve bijë e bija shqiptare, që sakrifikuan gjënë më sublime, jetën e tyre për liri e pavarësi.

 Pikërisht, pas më shumë se 100 vjet luftë e gjakderdhje, viktima, dhunë e tortura, nga me te ndryshmet Kosova, populli shqiptar, fitoi lirinë e shumëpritur dhe realizoi atë ëndrrën e atyre që u flijuan dhe nuk e panë këtë ditë. Atë liri që e kërkuan dhe luftuan për ta fituar, për njëqind vjet me radhë , qysh nga Isa Boletini, e deri tek Ibrahim Rugova dhe Adem Jashari, bijët e bijat e Ushtrisë Çlirimtare të Kosovës, faqes më të ndritur të kombit shqiptarë .Kurse, sot, mbas 25 vjet të sundimit të regjimit diktatorial të Enver Hoxhës, ne kujtojmë e reflektojmë sot në 26 qershorin Ditën Ndërkombëtare të Kombeve të Bashkuara në Mbështetje të Viktimave të Torturës, vuajtjet dhe torturat e popullit shqiptarë për liri dhe demokraci në Shqipëri, dhe u japim atyre sot një mirënjohje, një respekt, duke u përulur thellë para tyre, dhe veprës së tyre.

Së fundi do të theksoja se shërimi i këtyre plagëve të shkatuara viktimave të tyre, nga krimet e torturat, kërkon një ndërgjegjësim total të shoqërisë, pranimin e fajit dhe të kërkuarit falje nga presekutorët dhe ata që i kryen këto krime, mendojë se duhet një lustracion, i pastër për të treguar se viktimat mund të bëjnë kalimin nga tmerri në plagët të shërimit.

Më duhet të përdor me këtë rast një kolumn më të fundit, të një kolegut tim, mikut tim, të nderuar dhe të respektuar, gazetarit dhe ish drejtori i Zërit të Amerikës për Europën dhe Azinë, Frank G. Shkreli, i cili është edhe autor i dhjetra, artikujve, kolumnave , opinoneve dhe analizave, të thella, por edhe asaj me titull :”Talljet me viktimat e komunizmit nuk kan të ndalur”

Zoti Shkreli, shkruan ndër të tjera në kolumnën mbi zhvillimin e një paneli tryezën e rrrumbullakët, mbajtur këto ditë në Tiranë organizuar nga Fondacioni Konrad Adenauer, zyra në Shqipëri  dhe Instituti i Integrimit të ish të Përndjekurve Politikë në “In Memoriam – Së bashku në nder dhe respekt të kujtesës kombëtare të viktimave të ish-diktaturës komuniste në Shqipëri” se  :  “Kur pyeta një pjesëmarrës në tryezën e rrumbullakët se me çfarë përshtypjesh u largua nga takimi i djeshëm, ai u përgjigj duke përdorur një thënje popullore, “për çfarë dëgjova i lumi unë, e për çfarë pashë, i mjeri unë”.  Një pjesëmarrës tjetër, gjithashtu i dëshpëruar nga tryeza e rrumbullakët, u shpreh se ish të përndjekurit u larguan së andejmi me mesazhin se, “Ne ju vramë, ne u japim dëmshpërblimin dhe ne, madje u ndërtojmë edhe memorialin, por lustracion nuk ka”.

 Dhe, konkludon Shkreli :’ Tashti jemi mësuar me talljet, me gënjeshtrat dhe me premtimet boshe të  radhës, shprehur nga përfaqsues të ndryshëm të Tiranës zyrtare,  se më në fund po angazhohen seriozisht për tu marrë me fatin e të përsekutuarve të regjimit komunist dhe në një mënyrë ose një tjerë për të kujtuar viktimat.  Andej nga vi unë, themi se “Nuk kam gajle se po më rren, por më vjen keq se kujton se ia besoj rrenat.”  Në mungesë të provave konkrete dhe veprave serioze se qeveria shqiptare nuk po tregon “nder dhe respekt ndaj kujtesës kombëtare të viktimave të ish-diktaturës komuniste në Shqipëri”, askush më nuk beson premtimet tuaja, e sidomos të përndjekurit e zhgënjyer herë pas here.

Të dashur bashkëatdhetarë , të nderuara zonja dhe zotërinj ! shumë e nderuar organizatore Presidente zonja Miomza Dajçi ju falleminderit për vemendjen dhe faleminderit qe me dhatë rastin të flasë në këtë ditë 26 Qershorin, “ Ditës Ndërkombëtare në Mbështetje të Viktimave të Torturës” të shpallur nga OKB-ja, dhe e njohur nga mbarë bota, përfshirë Shqipërinë. 

* Fjala e mbajtur me rastin e  26 Qershorit, “ Ditës Ndërkombëtare në Mbështetje të Viktimave të Torturës”

Bronx Borough President Ruben Diaz Jr. dekoron tri gra shqiptare në New York

by

Nga Ludi Metaj/

Me rastin e Ditës Ndërkombëtare në Mbështetje të Viktimave të Torturës, miratuar në vitin 1997 nga OKB, Borough President Ruben Diaz Jr, akordoi me këtë rast Çmimin e Lartë të Meritës për tre gra aktiviste të organizatës së gruas shqiptare – amerikane, The Women’s Organization “Hope & Peace” në New York. Ndarja e Çmimeve u zhvillua gjatë një Ceremonie solemne pranë Monroe College në New York, nën praninë e Zv. Presidentes së Bashkisë në Bronx – New York Znj. Aurelia Greene.

Zonjat e nominuara për Çmimin e Madh të Meritës nga Borough President Ruben Diaz Jr, ishin Rukie Ndreu (pas vdekjes) Drita Çarçani dhe gazetarja Mimoza Dajçi.

Rukie Ndreu (pas vdekjes) ish e persekutuar politike nga regjimi komunist në Shqipëri, internuar familjarisht që në moshë të re për motive politike. Diktatura dënon të vëllanë e saj Elez Hoxha me burgim dhe internon te shoqin Xhafer Ndreun me familje. Në nëntor të vitit 1990 djemtë saj Kastrioti, Shkëzeni, daja i tyre ish i burgosuri politik Elez Hoxha dhe e fejuara e Kastriotit – Nexhmija arratisen në kohën kur Ramiz Alia i kishte kushtuar shumë vemendje vrasjeve në kufi. Rukie Ndreu ishte një grua fisnike me zemër e shpirt të madh, aktiviste pranë Shoqatës së Gruas ish të persekutuar politike në Shqipëri dhe veprimtare e shquar për të drejtat e gruas dhe fëmijëve pranë organizatës së gruas “Hope & Peace” në New York, themeluar nga gazetarja Mimoza Dajçi.

Drita Çarçani, ish e persekutuar dhe e internuar politike nga diktatura komuniste në Shqipëri. Të atin e saj  Tajar Çarçanin në dimrin e vitit 1943 e pushkatojnë pa gjyq me urdhër direkt të Enver Hoxhës , familjes i konfiskojnë pasurinë, i marrin pronat  dhe i internojnë në jug të vendit, në internim Dritës i vdes edhe një vëlla. Pas demokracisë Tajar Çarçanin ish Presidenti Berisha e dekoron me Titullin “Martir i Demokracisë”. Drita Çarçani ka qenë një veprimtare e njohur në Shqipëri për demokracinë, të drejtat e ish të persekutuarve politikë, pjesëmarrëse në grevën e urisë pranë kësaj shoqate dhe aktiviste për të drejtat e gruas në organizatën e gruas The Women’s Organization “Hope & Peace”.

Zonja e tretë nominuar me Çminin e Lartë të Meritës nga Presidenti i Bashkisë Bronx – New York, Z. Ruben Diaz Jr. ishte gazetarja dhe veprimtarja e njohur shqiptare me banin në SHBA, Znj. Mimoza Dajçi. Mimoza ka qenë anëtare e Këshillit Kombëtar të Partisë Demokratike të Shqipërisë, ish Sekretare e Përgjithshme – Dega Tiranë për ish të persekutuarit politikë, themeluese e shoqatës së Grave ish të persekutuara politike të Shqipërisë. Gazetare pranë shoqatës së ish të përndjekurve politike në Tiranë “Përndjekja”, bashkëpunëtore e gazetave “LIria”, “Rilindja Demokratike” etj.

Edhe në SHBA – Mimoza ka themeluar organizaten e gruas shqiptare -amerikane The Women’s Organization “Hope & Peace” që meret me të drejtat e gruas e fëmijëve, kundër dhunës e trafikimit njerëzor. Mimoza është gazetare dhe publiciste e njohur edhe në shtypin shqiptaro-amerikan në Amerikë. Ka qenë gazetarja e parë e TV Kultura Shqiptare në SHBA dhe gazetës “Tema”. Eshtë aktiviste e palodhur e të drejtave të njeriut, shquhet për humanizëm, veprimtari kulturore e shoqërore. Përveç veprimtarive të shumta që Mimoza ka ndërmarë me organizatën e saj në SHBA, ka qenë edhe dërgimi i ndihmave humanitare  në Shqipëri me rastin e përmbytjeve nëpërmjet Kryqit të Kuq me Znj. Edith Blitzer dhe Z. Aleks Nilaj që drejton shoqatën “Me duar të hapura”.

Temat kryesore në këtë event të rëndësishëm u mbajtën nga Znj. Aurelia Greene, Pastor Que English, Znj. Zera Musliu, Z. Beqir Sina, Znj. Ludmilla Ahmetaj, Znj. Mimoza Dajçi etj. Cermonia u ndoq nga gazetari dhe publicisti i njohur në diasporë Z. Beqir Sina, kumtesa e të cilit u mirëprit dhe duartrokit disa herë nga të pranishmit, dhe nga TV Kultura Shqiptare Z. Adem Belliu. Vlen për tu theksuar kumtesa e publicistit të njohur Z. Beqir Sina, i cili mbajti në këtë ceremoni suksesi një referencë me nivel mjaft të lartë shkecor, historik e social.

Nën pjesëmarjen e konsiderueshme të shqiptarëve moderuan veprimtarinë Znj. Hana Merdita dhe aktori Jualin Gjaci, në mbyllje u shtrua edhe një koktej.

Darkë ndërfetare në Staten Island me rastin e muajit të shenjtë Ramazanit

by

Marrin pjesë udhëheqësit fetar nga sinagogat, kishat, tempujt dhe xhamitë, e tjera në ishullin e Staten Island në Nju Jork, kongresist, senator, dhe zyrtarët e lart të qytetit, ata të policisë (NYPD), dhe, udhëheqës të tjerë të komunitetit, përfshirë edhe famullitarin Don Pjetër Popaj /
Nga Beqir SINA  New York/
STATEN ISLAND NY : Qendra Kulturore Islamike Shqiptare, ne ishullin njujorkez Staten Island,  në kuadër të aktiviteteve të muajit të shenjtë Ramazanit, më datë 24.06.2016 , të premetën në mbrëmje, realizoi iftarin tradicional në xhaminë e tyre, ku morën pjesë dhjetra besimtarë  .
Ky aktivtet i cili është ndër më të vecantit në këttë qytet, mund të konsiderohet edhe si një tubim ndërfetar,  mbasi aty ftohen te marrin pjesë, edhe udhëheqësit fetar nga sinagogat, kishat, tempujt dhe xhamitë, e tjera në ishullin e Staten Island në Nju Jork, kongresist, senator, dhe zyrtarët e lart të qytetit, ata të policisë (NYPD), dhe, udhëheqës të tjerë të komunitetit.
Në mesin e udhëheqësve të ndryshëm fetarë, të premten në Qendrën Kuulturor Islamike Shqiptare në Staten Island , ishte i ftuar  edhe Don Pjetër Popaj – Famullitari i Kishës Kkatolike Shqiptare Zoja e Shkodrës në Hharstdale – Nju Jork–
Këto festime ndërfetare, që dikur nuk kan qenë as të imagjinuara në formën sikur ato organizohen tani në Staten Island, por fal lidershipit fetarë në Staten Island – kjo gjë është arrirë dhe është për t’u marrë shembull në të gjithë Nju Jorkun, permendet në këtë tubim.
Folësit, kan cekur faktin se në këtë drejtim janë dalluar dhe Imamët shqiptarë, të kësaj qëndre, të cilët janë edhe lidershipi i qëndrës Islamike – AICC , Imam Dr. Zurkani Vardar, Imam Ferid Bedrolli dhe dr. Tahir Kukaj, të cilët kan kontribuar në afrimin e komuniteteve të ndryshme ndërfetare.
Në mesin e të ftuarve në këtë Iftar –te madh, ishin kësaj rradhe, edhe kongresitë, diplomatë shqiptarë dhe të huaj, zyrtarë të lart të ruajtjes së rendit, nga FBI,  disa përfaqësues të departamentit të policisë së qytetit, nga NYPD, zyrtarë të administratës lokale, në Ishullin Staten Island , udhëheqës të ndryshëm fetarë dhe të komuniteteve në Staten Island si dhe disa veprimtar të komunitetit :
FBI Special Agent Diego Redondo,,Dr. Richard Guarasci,Hon. Michael McMahon, DA Staten Island,Hon. Ertan Yalcin, Turkish General Consul,Hon. Fatmir Zajmi Consul of Republic of Kosovo,,Congressman Don Donavan, Commissioner for Community Affairs Marco Carrion, Dr. Demitrious Caroline, Adnan Al-Hashm, Dr. Sarah Sayeed Senior Advisor NYC of the Mayor, Community Affairs Unit Hon. Chief Edëard Delatorre Commanding Officer Staten Island.
Hon. Inspector James Klein Commanding Officer Crime Prevention Section NYPD, Hon. Lt. Raffet Aëad NYPD, Inspector Robert Bocchino 120 Precinct NYPD, Lt. Tania Kinsella, NYPD, Hon. Dr. Richard Guarasci, President of ëagner College, Dr. Lily McNair, Provost and SVP at ëagner College, Mona Zaloom, Vin Zaloom, Building Bridges Coordinator, Rev. Chloe Breyer, Executive Director Interfaith Neë York, Dr. Ram Nair/ Hindu Temple, Hon. Father Liam O’Doherty (OLGC), FBI Special Agent Kevin F. Mann,Staten Island Representative of Governor Adreë M. Cuomo, Hon. Jonathan Soto Senior Community Liaison in Community Affairs Unit Representative from Nisha Agarëal Commissioner of Immigration Affairs, Ahsan Chughtai, Henry Goldschmidt Interfaith Neë York, Representative of Hon. Scott M. Stringer, Dr. Khurshid Khan, Charles Fall – Rev. Terry Troia Project Hospitality Project Hospitality Iamam, Dr. Tahir Kukaj, profesor dhe një ndër Imamët kryesorë të kësaj qëndre islamike shqiptare në Saten Island, i cili udhëhoqi ketë takim ndërfetar me shtrimin e Iftarit, ka thënë vitin e kaluar në të njëtin organizim  se qëllimi, i tyre në shtirmin e këtij Iftari, duke ftuar dhe udhëheqës të ndryshm fetarë dhe të komuniteteve në Staten Island , është në kuadrin e aktiviteteve të bashkëpunimit dhe bashkëjetes ndërfetare e shkëlqyer në qytetin dhe komunitetin tonë.
 Ai ka sqaruar gjithashtu  se xhamia e tyre është bërë një prej qëndrave fetare dhe kulturore, prijatare në fushat të ndryshme të jetës fetare, sociale e shoqerore në qytetin e Neë Yorkut.
“AICC, ka theksuar Dr. Kukaj, është themeluese e dy organizatave ndërfetare në Staten Island në parteneritet me qendrat tjera në këtë qytet, ku bashkërisht ne shërbejmë, afro një dekadë në ishullin Staten Island dhe Neë York”.
Më tej imam Kukaj, duke faleminderuar secilin prej të ftuarve për pjesmarrjen e tyre në këtë Iftar, ndërfetar, ka folur për rëndësinë , vlerat dhe kuptimin e muajit të Agjerimit Ramazanit, tek të gjithë besimtarët mysliman.
Duke veçuar me këtë rast , atë se shqiptarët mysliman janë simbol i tolerancës dhe bashkëjetesës fetare, kudo në botë
“ Muslimanët, janë besnik dhe duan këtë vend, e në mënyre të veçant ne shqiptarët, tha Dr. Kukaj, ne i jemi shumë mirënjohës popullit Amerikan dhe qeverisë së Shteteve të Bashkuara, për atë që e kan ndihmuar në kohët më të vështira popullin shqiptar , ishin ata që ndihmuan popullin shqiptarë më shumë se kushdo nga e gjithë bota, sidomos në momentet më të vështira të kombit shqiptar, prej shpalljes së pavarësisë, dhe, sidomos në rastin e luftës së Kosovës, si dhe me rastin e formimit të shtetit të Kosovës, pavarësinë e saj ndihma e SHBA ka qenë jashtëzakonishte madhe” thote ai duke falimenderuar këtë vend.
 Edhe  disa liderit nga Departamenti i Policisë në Nju Jork, udhëheqësit e ndryshëm fetarë dhe të komuniteteve në Staten Island – folën për bashkëjetesen fetare, rolin dhe kontributin e tyre në këtë qytet, i cili ka treguar me aktivitetet e tij se duhet marrë si shembull për të gjitha komunitetet, thanë ata në bashkëjetesen fetare.