Komunitet – Page 229 – Dielli

Papa Françesku viziton Greqinë; lutet për zgjidhjen e krizës me migrantë

April 16, 2016 by dgreca

Migrantët qanin, kërkonin ndihmë dhe binin te këmbët e Papës, derisa ai po vizitonte një qendër në ishullin e vogël të Lesbosit, i cili më së miri pasqyron krizën humanitare me të cilën po përballet Evropa.

Ata thërrisnin ‘liri, liri’ përderisa Papa ecte përgjatë kampit Moria, ku po mbahen rreth 3,000 migrantë që nga koha e arritjes së një marrëveshje të shumëfolur ndërmjet Bashkimit Evropian dhe Turqisë.

“Unë kam dashur të jem sot me ju. Unë dua t’ ju them se nuk jeni vetëm. Gjatë këtyre javëve dhe muajve ju keni përjetuar kaq shumë vuajtje, në kërkim të një jete më të mirë. Shumë prej jush jeni detyruar të ikni nga situatat e konfliktit dhe përndjekjes, mbi të gjitha, për të mirën e fëmijëve tuaj”, ka thënë Papa Françesku.

Papa Françesku, lideri i 1.2 miliard katolikëve romanë në gjithë botën, gjithashtu ka kërkuar nga Evropa që të tregojë humanizëm gjatë trajtimit të krizës me migrantë.

“Këtë mesazh dua të lë sot për ju: mos e humbni shpresën! Dhurata më e madhe që mund t’i japim njëri tjetrit është dashuria: një vështrim i mëshirshëm, një gatishmëri për të dëgjuar dhe për të kuptuar, një fjalë inkurajimi, një lutje. Shpresoj ta ndani këtë dashuri me njëri-tjetrin”, ka thënë Papa.

Gjatë vitit të kaluar, me qindra njerëz që iknin nga zonat e luftës dhe varfëria kanë vdekur, gjatë kalimit të rrugës së rrezikshme nga Turqia për në ishullin grek të Lesbosit, me anije të gomës. Ishulli është i mbushur me varre të paemëruara.

“Ky udhëtim tregon pikëllimin tim”, u tha Papa Françesku gazetarëve gjatë udhëtimit nga Roma, duke e përshkruar krizën me migrantë si “katastrofën më të madhe humanitare që nga Lufta e Dytë Botërore”.

Gjatë vizitës së tij gjashtë orëshe në ishullin grek, Papa u shoqërua nga lideri shpirtëror i të krishterëve ortodoksë në botë, Patriarku Bartholomew, si dhe nga Kryepeshkopi grek, Ieronymos.

Raportohet se Papa Françesku ka ofruar që t’i marrë me vete në Itali 10 refugjatë, pas vizitës në ishullin grek Lesbos.

Televizioni shtetëror grek, ERT ka raportuar se tetë sirianë dhe dy afganë e kanë mundësinë që të largohen nga ishulli bashkë me Papën.

Përfshirja e afganëve shihet si një veprim simbolik, meqë Bashkimi Evropian nuk i konsideron më të gjithë afganët si refugjatë dhe nuk i përfshin ata në mesin e shtetasve që u aprovohen aplikacionet.

Gjatë një takimi të shkurtër pas arritjes në aeroport, Papa Françesku e falenderoi kryeministrin grek, Alexis Tsipras për ‘mikëpritjen” që populli grek u ka bërë të huajve, pavarësisht problemeve ekonomike me të cilat po përballet vendi.

Tsipras i tha Papës se ai ndihet krenar për mënyrën se si janë përgjigjur grekët në raport me këtë krizë, në një kohë kur disa vende anëtare të BE-së “po ndërtonin mure dhe gardhe për t’i ndalur njerëzit e pambrojtur, që po kërkonin një jetë më të mirë.”

Organizatat humanitare i kanë përshkruar kushtet në Moria, një kamp ushtarak që nuk është më në përdorim, si të tmerrshme.

Bashkimi Evropian arriti një marrëveshje në muajin mars për të siguruar se të ashtuquajturit migrantë ekonmikë – të cilët kishin udhëtuar për në ishullin grek me anije të gomës, të udhëhequr nga kontrabanduesit -të dërgohen prapa në Turqi.

Turqia është pajtuar që t’i pranojë ata, në këmbim të miliarda eurove, një marrëveshje që ka zemëruar shumë grupe për të drejtat e njeriut.

Përgatiti: Valjeta Kosumi

BILL KLINTON-SHQIPTAREVE:Dua t’ju siguroj se Hillary presidente dhe populli amerikan do të jenë me Shqiptaret

April 16, 2016 by dgreca

*Engel :”Me Hillary Clinton-in, si Presidente e SHBA, shqiptarët do të kenë në Shtëpinë e Bardhë, mikeshën më të madhe”/

Nga Beqir SINA/

Foto:Dritan HAXHIA/

BRONX NYC : Ish-presidenti Bill Clinton, bëri fushatë për gruan e tij, kandidaten demokrate për presidente, Hillari Klinton, në Sallën Smith të Kolegjit të Malit Shën Vincenti -“College of Mount Saint Vincent” në zonën Riverdale të Bronx, New York.

Thirrjes së shqiptarëve të Amerikës, nga Kongresisti Eliot Engel dhe asamblesiti Mark Gjonaj, për të mbështetë kandidaturën e Hillary Clinton për Presidente, në një takim elektoral në Bronx, New York, iu përgjigjen rreth 1000 mijë vetë, shumica e tyre, me të drejtë ishin shqiptarë, nga Kosova, Shqipëria, dhe, të gjitha viset shqiptare.

Takimi elektoral i fushatës, për zgjedhjet presideniciale, për zgjedhjet paraprake në partinë Demokrate, në Bronx New York, kishte si folës kryesor ish-Presidentin Bill Clinton,. Këtë tubim e përshëndetën në filim, të tij, edhe miku i dëshmuar i shqiptarëve, kongresisti Eliot Engel, Presidenti i Bronxit, Ruben Diaz, dhe asamblesisti i shtetit, të Nju Jorkut, zoti Mark Gjonaj.

Në këtë tubim elektoral, ishin të pranishme edhe shumë figura të njohura të komunitetit shqiptarët, vprimtar të dalluar të komunitetit shqiptarë në SHBA.

Para prezantimit të ish-presidentit të SHBA, Bill Clinton, në Kolegjin e Malit St Vincent në Bronx, kongresmeni i Westchester Countyt, Elliot Engel, u tha mbështetësve, të përbërë kryesisht nga shqiptarët e Amerikës, që Hillary Clinton, ka për të shërbyer New York , më mirë dhe do të bëjë punën si një presidente e madhe e SHBA”

Engel, tha se :”Unë mbështes Hillary Clinton-in. E mbështes me shumë entuziazëm. E njoh zonjën Clinton, shumë mirë. Ajo, ka qenë gjatë këtyre viteve senatorja jonë e New York-ut, dhe ka bërë një punë të mrekullueshme. Unë jam i bindur se punën e mrekullueshme, që ka bërë për shtetin e New York-ut, ajo do të dijë ta bëjë për gjithë Amerikën. Prandaj, tha ai edhe po e mbështes atë. Zgjedhja e saj si presidente do të jetë një moment historik, për Shtetet e Bashkuara.”

Me Hillary Clinton-in, si presidente, shqiptarët do të kenë në Shtëpinë e Bardhë mikeshën më të madhe të tyre, tha Engel.

“Hillary Clinton, u shpreh më pas kongresisti Engel, i njeh personalisht shumë individë, veprimtarë në komunitetin shqiptaro-amerikan. Ajo i njeh më së miri që të gjitha çështjet e politikës së jashtme, që kanë të bëjnë me shqiptarët. Unë jam dëshmitar për këtë, sepse kam diskutuar personalisht me të, shpesh lidhur me shqiptarët. Hillary Clinton, gjithmon ka biseduar për tema që u interesojnë shqiptarëve edhe me një numër veprimtarësh të këtij komuniteti”.

Më tej ai kujtojë shqiptarëve se të mos harrojmë se ishte presidenti Bill Clinton ishte ai që i shpëtoi shqiptarët nga masakrat e regjimit diktatorial serb të Sllobodan Millosheviçit në vitin 1999, duke udhëhequr fushatën bombarduese të NATO-s. Hillary Clinton, tha ai ishte përkrah tij, kur merrte ai ato vendime të rëndësishme dhe është shumë e ndërgjegjshme për arsyet dhe rëndësinë e atyre bombardimeve.

“Hillary më ka thënë personalisht, tregojë Engel, se ka ndërmend të vazhdojë veprën e bashkëshortit për Kosovën, kur të bëhet presidente e Amerikës. Ajo, është mbështetëse e vendosur e pavarësisë së Kosovës, e të drejtave të shqiptarëve në Maqedoni, e në Malin e Zi. Hillary, është nxitëse e forcimit të mëtejshëm të marrëdhënieve mes Shqipërisë dhe Shteteve të Bashkuara të Amerikës”.

Në fund të fjalës së tij duke u bërë thirrje shqiptarëve të votojnë të martën për Hillary Clinton, në New York, miku i dëshmuar i shqiptarëve, kongresisti Eliot Engel, argumentojë se përse :”Prandaj, unë nuk mund të imagjinoj një mik më të mirë për komunitetin shqiptaro-amerikan në Shtëpinë e Bardhë se sa Hillary Clinton-in, tha Engel, duke shtuar se kuptohet, unë e mbështes kandidaturën e saj jo vetëm për këtë po edhe se ajo do të jetë Presidentja më e mirë për të gjithë amerikanët, por në veçanti edhe për shqiptaro-amerikanët”.

Ish-presidenti Bill Clinton, duke folur në Kolegjin e Malit Shën Vincenti, të premten, 15 prill, 2016, në fushatën “Hillary për Amerikën – Fight for us “, udhëhoqi një miting elektoral, ku kërkojë që të angazhohen votuesit, e Shtetit të New Yorkut, për votimet e ditës së martë, më 19 prill.

Ndërsa, Hillary Clinton, në fakt mbetet shumë më përpara në sondazhe për këto votime, në primare nga demokratët në New York, debati i zjarrtë mbrëmshme me senatorin Bernie Sanders, ka treguar se ajo është ende në “vështërsi” dhe i duhen pa tjetër edhe 75 delegatët e shtetit të New Yorkut, të martën. Çka, do t’i forconte asaj edhe shumë pozitat për në Konventën e Demokratëve, që mbahet në fund të muajti gusht.

Në një përpjekje për të marrë votuesit më të rinj në këto votime, ish-presidenti Bill Clinton foli në tubimin në Kolegjin e Malit Shën Vincenti në Bronx, duke marrë si shembull edhe mbështetjen e shqiptarëve të Amerikës, të cilët tha ai janë “që të gjithë, musliman, katolik dhe ortodoks, besojë se janë për Hillary Clinton”.

Ish presidenti amerikan, Bill Klinton, tha se ishte i nderuar, që po shikonte një mbështetje kaq të madhe të shqiptarëve, në këtë fushat, duke mbajtur fjalimin e tij, ai faleminderojë ngrohtësisht asambleistin e shtetit të Nju Jorkut, Mark Gjonaj, për organizimin e këtij tubimi madhështor.

“Duke përmendur të arriturat e deritashme, që prej përfundimit të luftës në Kosovë, presidenti i dikurshëm amerikan, që ishte President i SHBA, gjatë asaj kohe, kujtojë rrugën e vështirë që kaloi Kosova për të arritur nga liria tek pavarësia e saj”.

Ai, ka rikujtuar më tej edhe vizitat, që me bashkëshorten e tij, Hillari Klinton, e cila sot është kandidate e fuqishme për Presidente e SHBA në zgjedhjet presidenciale 2016, i kishin bërë në kampet e refugjatëve ku ishih zhvendosur shqiptarët e Kosovës, në Maqedoni.

“Kurrë nuk do t’i harroj fytyrat e njerëzve dhe rrëfimet e tyre”, tha Klinton.

Bill Klinton, përshëndeti numrin e madh të shqiptarëve, që kishin ardhur t’i tregonin çiftit Clinton, mbështetjen e madhe për Hillary Clinton Presidente, të martën , dhe lavdëroi shqiptarët , duke i quajtur shqiptarët simbol në botë të bashkëjetes fetare,. Ai iu drejtua shqiptarëve duke i bekuar : “Zoti i bekoftë shqiptarët, të gjithë shqiptarët” dhe falemnderojë të gjithëve ju që po e mbështesnin fushatën e Hillary Clinton, për Presidente e SHBA, tha Klintoni.

“Dua t’ju siguroj se Hillary presidente, dhe i gjithë populli amerikan, është me ju dhe do të jenë në të ardhmen tuaj me shqiptarët”, tha Klinton.

Ish- Presidenti i SHBA, Bill Klinton, mbetet një hero në sytë e shqiptarëve për rolin e tij në ndalimin e katastrofës humanitare që kërcënonte Kosovën. Ish- Presidenti Klinton në Kosovë, Shqipëri, viset shqiptare dhe në diasporë, gëzon respekt të jashtëzakonshëm, për rolin që ka pasur në fushatën ajrore të aleancës veri-atlantike kundër forcave serbe të sigurimit më 1999.

Pikërisht, ky rol ka bërë që figura e ish presidentit amerikan jo vetëm në Kosovë, por në Shqipëri, viset shqiptare dhe diasporë, të shihet si personalitet që çliroi Kosovën nga pushteti i dhunshëm i Serbisë së udhëhequr nga Sllobodan Millosheviqi.

Andaj, edhe sot shqiptarët e Amerikës iu përgjigjen masivisht në mbështetje për fushatë për gruan e tij, kandidaten demokrate për presidente, Hillari Klinton, në Sallën Smith të Kolegjit të Malit Shën Vincenti -“College of Mount Saint Vincent” në zonën Riverdale të Bronx, New York.

Bill Clinton ia atribuojë gruas së tij në shumicën e shteteve , aftësinë të fitoreve në paraprake për popullaritetin e saj dhe përpjekjeve në një drejtim të qëndrueshme në mbarë vendin, të afrikano-amerikanëve dhe latinëve.

Gjatë tubimit, Clinton vazhdoi për të pikturuar Hillary Clinton si një Presidente e SHBA, që do të ishte zgjedhja më e mirë për popullin Amerikan, simbas tij, “E ndjeshme dhe efektive për të fituar si kandidate demokrate, për në primare. Në 45 vjet të saj, shtojë Klinton, ajo ka qenë e angazhuar në politik, dhe është përpjekur për të ndihmuar njerëzit, që të jetojnë ëndrrat e tyre dhe të zgjedhin problemet e tyre, të të gjithë popullit, unë kam punuar me të, dhe u them me plotë gojën se ajo është më e mira, është një udhëheqse që kërkon ndryshimin dhe është krijuese. Dhe, ka shumë dallime në mes atyre që vetëm dinë të flasin për ndryshim dhe atyre që janë duke e bërë ndryshimin.”

Kjo është hera e parë që shumë nga nxënësit e shkollave do të votojnë në zgjedhjet presidenciale.

Një studente prindërit së cilës emigruan nga Shqipëria që kishte ardhur të mbështeste Hillary Clinton, tha se :

“Unë mendoj se Hillary, është e bukur ajo që ajo dëshiron të bëjë për emigrantët dhe për t’u dhënë atyre të gjithë legalizimin dhe të gjitha letrat e tyre se ata e meritojnë dhe kanë nevojë për të”, thotë Doniak Cotaj. “Mendoj se të gjithë e meritojn mundësinë për të ardhur në Amerikë, dhe të kenë të gjitha të mirat e këtij vendi.”

Clintoni foli edhe se ku Hillary qëndron në borxhin studentor, borxhit të kredisë dhe ndihmën e shkollimit. Ai tha se ajo dëshiron të bëjë një ndihmës jo vetëm për studentët në institucionet publike, por ato private si. Ajo gjithashtu dëshiron të ndryshojë politikën për kredi studentore, tha Klinton.

Ish-presidenti Bill Clinton, gjithashtu ka mbrojtur efektet e faturës së rregullores financiare Dodd-Frank nënshkruar nga Presidenti Obama, duke thënë se ka pasur tashmë 50,000 më pak njerëz që punojnë në Wall Street, se ka pasur para se të godiste SHBA, recesioni i Madh.

Clinton tha se korporatat “shpenzojnë 80 deri 90 për qind të të ardhurave të tyre … duke ua dhënë ato atyre të aksionerëve të tyre” dhe drejtuesve të tjerë të lartë në vend se të përdoren për punëtorët e tyre.

Votimet paraparake për të dyja partitë në New York, do të mbahen më 19 Prill.

SHQIPTARET E AMERIKES DHURUAN $41,850.00 PER SHTATOREN E AZEM HAJDARIT

April 15, 2016 by dgreca

Mbrëmjen e së Enjtes, 14 Prill 2016, në restorantin Fiorino me pronar bashkatdhearin Sabit (John) Bitici u mblodhën miqtë e Heroit të Demokracisë Azem Hajdari. Mes të ftuarve ishte edhe kryetari i Bashkisë së Tropojës Besnik Dushaj si dhe Rasim Hasani, vëllai i Heroit Azem Hajdari.

Mysafirëve u ka uruar mirëseardhjen Sergio Bitici. Ai kujtoi vizitat e Azem Hajdari në SHBA dhe sa herë erdhi në Nju Jork ai ishte mysafir i vëllezërve Bitici. Në Fiorino dhe në të tjerë restorante të vëllezërve Bitici janë pritur senatorë e Kongresmenë që kanë ndihmuar ceshtjen shqiptare; janë pritë presidentë e kryeminstra nga vendlindja.

Edhe biznesmeni Harry Bajraktari tek i ka uruar mirëseardhjen Kryetarit të Tropojës, ka përgëzuar vëllezërit Bitici për bujarinë e tyre për vëllezvrit Bitici, të cilët kanë bërë shumë për cështjen shqiptare.

Kryetari i Vatrës dr. Gjon Bucaj i ka uruar mirëseardhjen Kryetarit Dushaj dhe ka përgëzuar vëllezërit Bitici për shqiptarizmin e tyre. Për Azem Hajdarin, ai tha se ishte një mik i Vatrës dhe Vatra e sheh veten të përfshirë në këtë fushatë për shtatoren e tij.

Zv/Kryetari i Vatrës z. Agim Rexhaj ka kujtuar bashkëpunimin e Vatrës dhe të tijin personal me Azem Hajdarin. Ai u ndal vecanërisht në vizitën e delegacionit të Vatrës në qershor 1998 në Tiranë e Tropojë, kur Vatra dhuroi ndihma për Kosovën dhe shkoi në Tropojë në spitalin e qytetit, ku takoi të plagosurit e Ushtrisë Clirimtare të Kosovës dhe i dhuroi spitalit medikamente e pajisje mjeksore. Azemi u kujdes shumë pvr delegacionin e Vatrës në ato kohë pasigurie të rendit. Po ashtu z. Rexhaj solli edhe kujtime nga koha e vizitave të Azem Hajdarit në SHBA, ku ai ishte shoqërues i tij. Një pritje të ngrohtë i pat rezervuar Vatra heroit të Demokracisë pas plagosjes në Parlament.

Dr. Hasan Ademaj, që ishte një nga kontributorët për përmendoren e Azem Hajdarit, tha se Azem Hajdari është heroi i gjithë shqiptarëve dhe për të duhet të japin kontribut jo vetëm miqtë e Azemit por edhe shteti shqiptar sepse ai është heroi që vrau frikën e shqiptarve dhe dha kontribut të vecantë për demokracinë. Po ashtu dr. Hasani propozoi që edhe në Kosovë ky hero mitologjik shqiptar duhet të ketë vendin e vet.

Kryetari i Bashkisë së Tropojës z. Besnik Dushaj ka falenderuar mikpritësit dhe ka bërë një ekspoze të Tropojës duke u bërë thirrje bashkatdhetarëve që të investojnë në Tropojë, të udhëtojnë në Tropojën turistike sepse ka pamje magjike, që rrallë gjenden në krahina të tjera. Më pas ai shpalosi edhe projektin e ndërtimit të shtatores së Azem Hajdarit. Kjo shtatore tha ai ndërtohet me kontribute vullnetare. Kryetari Dushaj falenderoi nismëtarët investues biznesmenët Harry Bajraktari dhe Rrustem Gecaj, që të parët dhuruan nga 5 mijë dollarë. Ai tha se kjo shtatore do të vendoset në Sheshin “Azem Hajdari” , i cili ka një sipërfaqe prej 6 mijë metra katror dhe është një nga zonat më të frekuentuara të Qytetit “Bajram Curri”. Shtatorja do ta ketë vështrimin nga Mlai i Shkëlzenit. Pa llogaritur bazamentin, shtatorja do të ketë lartësi 5 metra.

Në fund u bë fushata e dhurimeve për shattered e Azem Hajdarit. U mbllodhën 36 mijë e 950 Dollarë. Ja dhuruesit dhe shumat:

1- Harri Bajraktari 8 Mijë Dollarë

2- Rrustem Gecaj 8 Mijë Dollarë

3-Vëllezërit BITICI 5 Mijë Dollarë

4- Mother Teresa Golf 5 Mijë Dollarë

5- Xhaferr Gecaj 2 Mijë Dollarë

6- Agim Rexhaj 1 Mijë Dollarë

7- Dr. Hasan Ademaj 1 Mijë Dollarv

8- Agata dhe Dritan Mishto 1 Mijë Dollarë

9- Fitim Balaj 1 Mijë Dollarë

10- Visar Demushi 1 Mijë Dollarë

11- Zeqir Hasan Ramaj 1 Mijë Dollarë

12- Roland Nezaj $ 250.00

13- Martin Shkreli $500.00

14- Lu Fundos $500.00

15- Haxhi Rudolfo Hysenaj $500.00

16.Arben Vatoci $ 500.00

17- Isa Brija $ 500.00

18- Elmi Berisha $500.00

19- Sejdi Hysenaj $500.00

20- Sherif Nezaj $500.00

21- Halit Nezaj $500.00

22- Fadil Berisha $ 500.00

23- Zamir Vejuka $500.00

24- Luigj Gjelaj $500.00

25 Anton Raja $500.00

26- Gjoke Deckaj $250.00

27-Musli Mulosmanaj $200.00

28.Halil Mulaj $200.00

29- Dalip Greca $200.00

30- Gani Haxhaj $ 100.00

31 Erenik Nezaj $250.00

MIRËNJOHJE E MERITUAR, HAFËZ JUSUF AZEMIT, NGA KRYETARJA E KOMUNËS SË TETOVËS

April 14, 2016 by dgreca

Nga Prof. Dr. Riza Sadiku/

Në muajin Maj të vitit 2015, kryetarja e komunës së Tetovës, Zonja Teuta Arifi, me plotë të drejtë dhe meritë e nderojë me mirënjohje veprimtarinë e dalluar të çështjes kombëtare në mërgim, Zotëri Hafëz Jusuf Azemin i cili tërë jetën ia kushtoi kauzës shqiptare.

H.J.Azemi u lind në fshatin DOBROSHT të Tetovës në vitin 1920, në vitin 1945 largohet nga krimet sllavo-komuniste, së pari në Greqi, pas disa muajsh qëndrimi në këtë vend, vendoset në kamp-strehimoret e Italisë, ne te cilin qendron disa vite, nga ky shtet ne vitin 1948 largohet në Siri, pas qëndrimit të tij disa vite në këtë vend, në vitin 1952 udhëton për në Sh.B.A, se pari vendoset ne Nju Jork, pas një kohe kalon ne në Çikago, ku jeton edhe sot.

Veprimtaria kombëtare e H.J.Azemit është shumë dimensionale dhe komplekse, por me këtë rast do të theksojmë një rast të veçantë të takimit të tije me Mid’hat Frashërit në kamp-strehimoren e Rexhio Miles të Italisë. H.J. Azemi duke u endur prej një shteti në tjetrin nëpër Evropë, edhe pse në kushte shumë të vështira, ai me shumë idealistë të tjerë, kurrë nuk e harroi çështjen kombëtare, veprimtaria e të cilit i ra në sy edhe Mid’hat Frashërit, deri sa një kohë të shkurtër prej dy javësh ka banuar në një dhomë të ndarë me batanie me H.J. Azemin në kamp strehimoren e Rexhio Miles, në të cilin kamp ka pasur të strehuar edhe shumë nacionalistë të tjerë shqiptare. Mid’hat Frashëri, duke i parë preokupimet dhe idealet e disa veprimtarëve kombëtar, lidhur me fatin e trojeve etnike shqiptare, me një rast i thotë H.J. Azemit: ‘‘Në të ardhemen qendrat e nacionalizmës dhe kombëtarizmes do të jenë Prishtina dhe Tetova’’, (deklaratë e inqizuar e H.J. Azemit, dhënë Riza Sadikut në Muzeun e Kosovës, korrik 2002, takimin e tyre e dëshomjnë edhe tri letrat e M. Frashërit, dërguar J.Azemit, të cilat i posedon autori i këtij shkrimi). Pra, J. Azemi është i vetmi person i gjallë fizik i cili ka kontaktuar me themeluesin e Ballit Kombëtar Mid’hat Frashërin, i cili takim J. Azemit i ka lënë gjurmë të thella, duke ia shtuar edhe më tepër dashurinë ndaj atdheut, angazhimin e tij për zgjidhjen e çështjes mbarëkombëtare dhe bashkimin e trojeve etnike. Ideve të M. Frashërit të cilat i dëgjoi personalisht në kamp-strehimoren e Rexhio Miles, H.J. Azemi u qëndroi besnik gjatë gjithë jetës së tij, kur nuk e lakoi platformën politike të Ballit Kombëtar të M. Frashërit, këtu edhe qëndron madhëria kombëtare dhe pjekuria politike e Hafëz Jusuf Azemit e cila e bënë të pa vdekshëm, për Historinë e Popullit Shqiptare.

Rrugën e M. Frashërit, me mburrje dhe krenari e vazhdoi H. j. Azemi gjatë gjithë jetës së tij edhe në Shtetet e Bashkuara të Amerikës, përmes Ballit Kombëtar dhe organizatës politike Lidhja Kosovare, shënimit të Ditës së Flamurit, shënimit të Ditës së Kombeve të Robëruara, krijimit të Lobit Shqiptaro-Amerikan, përmes kontakteve me përfaqësuesit ma te larte të Administaratës Amerikane (të disa Kryetarëve dhe Sekretarëve të Sh.B.A.-ve), shumë Kongresmenëve dhe Senatorëve të Shtëpisë së Bardhë në Uashnigton. Me një aktivitetë të këtillë kombëtar të Hafëz Jusuf Azemit, me një numër të madhë të bashkëveprimtarëve tjerë, arritën që çështjen mbarë kombëtare, në veçanti atë të Kosovës, ta instalojnë në piedestalin më të lartë të Administratës Amerikane dhe forcave progresive demokratike Evropiane.

Nga këto pak rreshta që u cekën më lartë, lidhur me veprimtarinë kombëtare të H.J. Azemit, deshrojme te rrezatojme dhe ta justifikojme mirenjohjen e Kryetares se komunes se Tetoves, Zonjes Teuta Arifi e cila vazhdimsin e veprimtarise kombetare te mergates shqiptare dhe te H.J.Azemit, me të drejtë e krahason me ate te Fan Nolit dhe Faik Konicës, të cilët vuan themelet e lobit shqiptaro-amerikan, kurse Hafëz Jusuf Azemi me shume bashkveprimtar , ato themele, jo vetëm që i zgjeruan , por edhe i degëzuan sipas kërkesave të kohës në mënyrë kontinuele, duke i informuar personalitetet kompetente të Administratës Amerikane me pozitën, vuajtjet dhe shtypjen e popullit shqiptar nga regjimet komuniste në tërësi, në veçanti ate të Kosovës, kurse opinionin e gjerë amerikan për pozitën e shqiptarëve në ish Jugosllavi e kanë informuar përmes protestave dhe demonstratave të shumta të organizuara nga mërgata shqiptare si në: Uashington, Nju Jork, Çikago dhe Detroit, promotor i të cilave ishte Hafëz Jusuf Azemi.

Kjo mirënjohje modeste, por shumë domethënëse për veprimtarinë kombëtare të H.J. Azemit në mërgim, dhënë nga Zonja Teuta Arifi, Kryetare e Komunës së Tetovës, le tu shërbej si shembull edhe Kryetarëve tjerë të komunave të trojeve etnike shqiptare që të ju ndajnë edhe shumë veprimtarëve tjerë mërgim, të cilët, tërë jetën ia kushtuan çështjes kombëtare, pa interesa personale.

U shënua tetё vjetori i hartimit tё Kushtetutës sё Republikës sё Kosovës

April 13, 2016 by dgreca

Prishtinë, 12 Prill 2016 – Nё njё ceremoni tё organizuar nga Ministria e Drejtёsisё, me rastin e shёnimit tё tetё vjetorit tё hartimit tё Kushtetutёs sё Republikёs sё Kosovёs, ku pjesёmarrёs ishin Presidenti i ri i Republikёs sё Kosovёs, Z. Hashim Thaçi, Kryeministri i Republikёs sё Kosovёs, Z. Isa Mustafa, Kryetarja e Gjykatёs Kushtetuese Znj. Arta Rama Hajrizi dhe pёrfaqёsues tё institucioneve vendore dhe ndёrkombёtare.

Me kёtё rast Ministri i Drejtësisë, Prof. Dr. Hajredin Kuçi, falënderojё tё pranishmit pёr pjesëmarrje nё kёtё ceremoni, duke e vlerёsuar kёtё pёrvjetor si tё rendësishёm pёr sistemin e drejtësisë dhe Republikёn e Kosovёs.

‘’Pas 17 shkurtit tё vitit 2008, konsiderojё qё data mё sublime pёr Republikën e Kosovës është data 9 Prill 2008 dhe sa herё tё përmendim Kushtetutën e Kosovës, kujtojmë ata burra dhe gra qё kanё rёnё dhe tёrё ajo sakrificё e tyre ёshtё reflektuar nё Deklaratёn e Pavarёsisё dhe Kushtetutën tonё” tha Ministri Kuçi.

Duke shprehur mirënjohjen e tij pёr anëtarët e hartimit tё Kushtetutës, Ministri Kuçi përmendi dy personalitete, tё cilët nuk janë mё nё mesin tonё, znj. Nekibe Kelmendi dhe Z. Ramadan Kelmendin tё cilët ishin anёtarё tё kёtijё komisioni dhe theksoi se ne kemi qenё tё vetёdijshёm qё kur tё bёjmё Kushtetutën, nuk do tё bёhet vetëm pёr gjeneratën tonё, por edhe pёr gjeneratat qё do tё vijnë. Ndёr tё tjera Ministri Kuçi pёrmendi se ka qenё me fat qё ka punuar me tё gjithё pёr tetё vite dhe qё sё bashku kemi ndёrtuar arkitekturën e drejtësisë dhe tani mё kemi njё sistem funksional tё drejtësisë, i cili ka nevojё tё ngritët edhe mё shumё mbi bazamentin e tijё. Ministri Kuçi po ashtu pёrmendi edhe ndihmёn e veçant qё kanё ofruar partnerёt ndёrkombetarё, Shtetet e Bashkuara tё Amerikёs dhe misionin e EULEX-it nё Kosovё, me tё cilët tha se do tё vazhdojmë bashkëpunimin edhe mё tej. Nё fund Ministri Kuçi pёrshёndeti tё gjithë juristёt dhe bёri thirrje qё ta lexojmë dhe rilexojmë Kushtetutën e Republikёs sё Kosovёs, nё mёnyrё qё tё krijojmë mё pak hapёsirё pёr komentime dhe shumё mё shumё pёr zbatimin e saj me bindje ndaj Kushtetutës, sepse ky ёshtё akti themeltar, ёshtё besimi jonё dhe besimin tonё do ta kthejmë nё praktik.

Presidenti i ri i Republikёs sё Kosovёs, Z. Hashim Thaçi në paraqitjen e tijё tё parë publike, pas betimit dhe ceremonisë së inaugurimit, tha se Kushtetuta e Kosovës i ka rrënjët në kompromisin e Vjenës dhe krijimin e mekanizmave mbrojtës për komunitetet jo-shumicë. Kosova është Republikë sovrane dhe e pavarur, falë këtij kompromisi dhe nuk është e moralshme që sot ne t’u ikim obligimeve tona, 8 vjet pasi që kemi fituar rezultatin më të shenjtë dhe më të madh të historisë sonë, shtetin tonë të pavarur.

“Si president do t’i inkurajojë partitë politike, shoqërinë civile dhe institucionet e Kosovës që t’i ndërmarrin veprimet e nevojshme, që të realizojnë ëndrrën e krenarisë për shtet dhe të forcojnë edhe identitetin shtetëror”, ka thënë Presidenti Thaçi.

Ndërsa, çështje tjetër e ngritur nga Presidenti i Republikës së Kosovës, Z. Hashim Thaçi, ishte edhe mbrojtja e Kushtetutës në publik. “Duhet ta rikthejmë besimin qytetar tek institucionet legjitime. Me punën tonë duhet të rrisim besimin qytetar tek shteti ynë”, është shprehur presidenti Thaçi, duke u zotuar se si president i vendit, do t’u ofrojë përkrahje të palëkundur në pesë vitet e ardhshme.

Ndёrsa Kryeministri i Republikёs sё Kosovёs, Z. Isa Mustafa nё fjalёn e tij para tё pranishmëve tha se Kushtetuta e Kosovës, jo vetëm në mënyrë simbolike, por edhe në formë përmbajtjesore është sinonim i veprimtarisë, luftës dhe përpjekjeve të shumë gjeneratave për liri dhe pavarësi.

“Në faqet e saj përvijojnë idetë dhe vlerat nga veprimtaria patriotike e shumë burrave dhe grave të Kosovës, nga përkushtimi dhe flijimi i shumë të burgosurve politikë, studentëve, minatorëve të Trepçës, Kushtetutës së Kaçanikut, luftëtarëve të UÇK-së, dëshmorëve dhe martirëve, intelektualëve dhe shumë dijetarëve tanë. Për më tepër Kushtetuta sublimon përkushtimin e Presidentit Historik, dr. Ibrahim Rugova dhe të Komandantit Legjendar të UÇK-së, Adem Jashari. Kushtetuta jonë në formën e saj specifike, po ashtu, pasqyron arkitekturën e shtetit tonë, të ideuar nga shumë gjenerata dhe të vulosur nga përfaqësuesit e popullit në Kuvendin e Republikës së Kosovës”, tha Kryeministri Mustafa.