Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

SHQIPTARET E AMERIKES KREMTOJNE PASHKET

by

Panoramë shumë e bukur e kremtimit të Pashkëve nga besimtarët shqiptarë në SHBA/
Shkruan: Beqir SINA – New York/
Gëzuar Pashkët! Happy Easter!
NEW YORK CITY : Pashkët Kataolike kremtimi më i madh i kalendarit liturgjik të Kishës Katolike dhe të kishave të tjera të krishtera që kremtojnë Ringjalljen e Jezusit të Nazaretit, ndodhur, sipas Besëlidhjes së Re, tre ditë pas vdekjes së tij në kryq – janë duke u kremtuar me gëzim të madh edhe në mesin e katolikëve shqiptarë në Shtetet e Bashkuara, sidomos në dy vendvendosjet më të mëdha të tyre, në zonën e Detroitit – Michigan dhe zonën e Tri-Shteshit – New York, New Jersey dhe Connecticut.
Kjo, panoramë e bukur festive pasqyrohet mjaft mirë edhe në informacionin e përcjellur në faqet e interrnetit, rrjetet sociale face book dhe tweeter, të kishave shqiptare katolike në SHBA, ku tregohet se celebrimet dhe krimtimet kudo janë madhështore, në kishat katolike shqiptare, nëpër Amerikë, duke iu bashkuar kështu kremtimeve në të gjithë botën katolike, kryqetërthor rruzullit, përfshirë Shqipërinë, Kosovën dhe viset shqiptare dhe diasporë.
Më së miri këtë fakt, e shohin në videot dhe fotografite e hedhura sot në rrejetin social facebookun të Kishës Katolike Zoja e Shkodrës – Our Lady of Schodra – (https://www.facebook.com/albanianchurch?fref=ts), ku shikojmë se mesha qendrore e festës, është kremtuar të shtunën, më 4 prill, në orën 21.00, duke gëdhirë e Diela e Madhe e Pashkëve.
Ndërkohë, që po sot Ditën e Pashkëve, të dielën, më 5 prill, po në këtë kishë, kryefamullitari Dom Pjetër Popaj, dhe ndihmësi i tij Dom Viktori, kremtojnë së bashku me besimtarët e tyre, meshën në orën 09.00 dhe 12 të mesdrekës, sipas traditës së kësaj kremte të madhe.
Çka, ajo duket qartë edhe në pamjet filmike , ku në Kishë për të celebruar së bashku Pashkët, janë mbledhur mijëra besmitarë katolikë shqiptarë, të cilët mbasi kan qendruar mbrëmë deri vonë në meshat madhore për Pashkët në Kishën Katolike Shqiptare Zoja e Shkodrës – Our Lady of Shkodra në Harstdale në Nju Jork, përsëri sot u mblodhën së bashku me fëmijët e tyre në të Dielën e Pashkëve.
Ku, simbas traditës, dhe kryerjes së këtij riti fetar katolik në liturigjinë e tij meshtari i saj Dom Pjetër Popaj – thotë ndër të tjera se :”Ndihma jonë është në emër të Zotit, i cili krijoi Qiellin dhe Tokën! O Zot dëgjoje britmen time dhe ajo të mbrrijë tek Ti! O Ati Ynë bekojë gjithë këtë ushqim, bukën, vezët dhe djathin dhe ushqimet e tjera që kemi përgatitur për këtë festë dhe na bën që në dashuri me gëzim t’i kremtojmë këto Pashkë – Na përmbush me fuqin tande që qysh tani te jetojmë me Krishtin dhe duke u ringjallemi me Të, që jeton dhe mbretëron në shekuj të shekujve. Amen!”
Më tej, Dom Pjetër Popaj lutet, duke thënë: “Zoti qoftë me Ju! ju bekoftë Hyji i gjithpushteshëm: Ati e biri e Shpipri Shenjt. Zoti ju ruajtë dhe për shumë mot dhe më gëzime – për shumë vjetë dhe Gëzuar Pashkët! të gjithë besimtarëve”,
Kurse, në fund të meshës famullitari i Kishës Katolike Shqiptare “Zoja e Shkodrës” Dom Pjetër Popaj, thotë se :”Meqënse, kjo natë është nata e felënderimit – dhe falënderojmë Zotin për ringjalljen e Krishtit prej së vdekurit që është shëlbimi ynë, shpresa jonë për jetën e amshueme. Dhe, ne ju falënderojmë të gjithë ju besimtarëve, sikur meshtarët e juaj, për shembullin e mirë që jepni, për inspirimin që keni ndaj një feje të dallueme tuajën, që vazhdimisht e tregoni me bujarinë tuaj të pashterrshme, solidaritetin dhe besnikërinë tuaj – Shumë ju falëmi nderit, ne sikur meshtarët tuaj – shërbëtorët tuaj gjithmonë e ndijemë veten edhe më të gëzueshëm kur ju shohim ju të gëzueshëm dhe jeni aq afër Zotit dhe aq afër njëri tjetrit. Dhe një falënderim të posaçëm të gjithë atyre që kan ndihmuar këtë Meshë të Madhe dhe për shumë vjetë dhe Gëzuar Pashkët! të gjithë besimtarëve”.

Pashkët të cilët simbas riteve nisën ditën e Ejte, sot, të Dielën, kan vazhduar me dy mesha të Shejta dhe gjatë gjithë ditës, besimtaret shkëmbejn dhe thyejn vezët mes tyre – deri tek banketet e shtura dhe të mbushura përplot me ushqime, të ndryshme në mjediset familjare, drekën e Pashkës – një drekë e veçantë, kjo e cila dallohet për gatimet tradicionale të krishtera – dhe më pas daljet familjare nëpër pikniqe në parqet e qyteteve për reth qendra të banimit dhe vizita tek njëri tjetri.
Një foto album në adresën e internetit të kishës Our Lady of Schodra shihet si është përcjell me një gëzim të madh edhe kremtimi Pashkëve Katolike në mesin e fëmijëve shqiptar në Amerikë, Të cilët kan zgjedhë diçka argëtuese sipas traditës së Pashkëve, për të bërë edhe më të bukur dhe kremtuar së bashku me prindërit e tyre të Dielën e Pashkëve. Fëmijët e veshur bukur me shportat me vezët me të gjitha ngjyrat, e kan bër këtë ditë festive të Pashkëve edhe më gazmore – më të mrekullueshme, për të gjithë fëmijët katolik në Nju Jork, që përfshin zonën e Tri Shtetshit .
Në hyrje të Kishës “Our Lady of Schodra”, i veshur me një mbulesë artizanale Lepuri i Pashkëve- Easter Bunny” i cili është një element kryesor kryesor i Pashkëve në shumë mjedise të krishtera, sot anembanë botës, është pjesë edhe e fëmijëve shqiptarë. Ai ishte duke qëndruar në oborrin e Kishës, teksa mbante të fshehur në shportë të madhe, vezë për ata që ai i quan fëmijët e mirë dhe ka lënë atyre nëpër shportat e tyre të Pashkëve edhe me ndonjë lodër dhe ëmbëlsira.
Megjithatë, duke e përshkruar atmosferën madhështore të kësaj kremte të madhe , duhet cekur se një pjesë besimtarëve, kan zgjedhur, edhe një nga mënyrat e tjera për të festuar me të afërmit e tyre , teksa kan vendosur,të festojnë Pashkët, edhe me vizitat tek familjarët e tyre, ose të dalin shëtitje më fëmijët jashtë në fushat e lojës dhe parqe, kopshte zoologjike dhe vende të bukura të tjera në qytetin e Nju Jorkut, e për rreth tij
Në facebookun Our Lady of Schodra (https://www.facebook.com/albanianchurch?fref=ts),Kryetaria e Këshillit të Kishës, Margarita Gazivoda Kocovic, mbasi ka uruar “Për shumë vjet Pashkët!”, shkruan në postimin e saj se :”Pashkët jane simbol i triumfit të jetës, ringjalljes se shpresës. Jezusi zbriti mbi tokë për dashurinë e për shëlbimin tonë. Ai na shpëtoi me gjithë jetën e tij: me mrekullitë, me predikimet por në mënyrë të veçantë me mundimet, me vdekjen e ngjalljen e tij pas kryqëzimit, për të ndryshuar boten.
Gëzuar Pashkët të gjithë!Ringjallja e Jezusit u sjelltë bekim dhe paqë në familjet tuaja! thotë Kryetarja e Këshillit të Kishës Katolike Shqiptare, Zoja e Shkodrës në New York, Margarita Gazivoda Kocovic

NJE KOMUNIKIM INTERESANT I AMBASADORIT AMERIKAN

by

Ambasadori Donald LU komunikoni drejperdrejt me qytetaret shqiptare. Ishte nje gjetje origjinale komunikimi nepermjet rrjetit te Facebook-ut i Ambasadorit Lu me qytetaret shqiptare. Me daten 3 prill qindra qytetare shqiptare i drejtuan pyetje te shumta Ambasadorit Lu, per ceshtje e tematika te ndryshme, qe nga problemet personale, procedurat e vizave, aresimimi ne SHBA, politika, diplomacia, mardheniet SHBA-Shqiperi, ceshtja kombetare shqiptare, gjendja aktuale ne vendin tone e plot probleme e zhvillime te realitetit te sotem shqiptar, te cilave Shkelqesia e Tij ju pergjigj me qetesi e gjakftohtesi. Midis te tjerave Ambasadori Lu, deklaroi se Shqipëria ka nevojë për një Zyrë Kombëtare Hetimi, të aftë për të hetuar zyrtarët më të lartë. Ai tha se SHBA mbështesin parlamentin, prokurorinë dhe drejtësinë në hapat për të dekriminalizuar institucionet dhe për të luftuar korrupsionin. Une kam zgjedhur per lexuesit e “Diellit” disa me kryesoret, pa i hequr ose shtuar dhe presjet. Fillimisht zyra e Mardhenieve me Publikun e Ambasades dha njoftimin:-Të dashur miq, sot data 3 prill 2015, në orën 14:00, Ambasadori Donald Lu do tu përgjigjet pyetjeve tuaja te drejtpërdrejtë këtu në faqen e Ambasadës Amerikane në Facebook. Ne do të postojmë një foto “Pyetje & Përgjigje” në orën 14:00 dhe Ambasadori do tu përgjigjet pyetjeve që do të postohen në komentet e asaj fotoje deri në orën 15:00. Pyetjet e postuara përpara ose pas këtij orari nuk do të merren në konsideratë.
Gjithashtu, do të donim t’ju këshillonim që nëse keni pyetje që lidhen me çështjetë konsullatës, ju lutem ti bëni ato në rubrikën tonë të përjavshme, “Pyet Konsullin”: http://goo.gl/YdiLig.
Të dashur miq, mirëseerdhët në programin “Pyet Ambasadorin.”
Është kënaqësia ime që të flas me ju drejtpërdrejtë këtu në faqen e Ambasadës në Facebook dhe mezi po pres t’ju përgjigjem pyetjeve tuaja! Prandaj mund të nisni të postoni! Ambasadori Donald Lu.
Bedri Luku Z. Ambasador Donald Lu. Ju uroj pune te mbare ne detyren qe keni mare si perfaqesues i SHBA-ve ne Shqiperi! Mirenjohje per cdo te mire qe kane bere paraardhesit tuaj dhe qe do te beni Ju per kete vend!
U.S. Embassy-Tirana Thank you, Mr. Luku.
Elton Bigs. Ne cilin vend tjeter te Europes perendimore ambasada e nje shteti mik nderhyn ne punet e brendshme te atij shteti (marr parasysh ketu deklaratat e fundit te ambasades, packa se te drejta) ?
Ne jemi aleatë të NATO-s, – pikat e forta tuaja janë edhe pikat tona të forta. Ne nuk e konsiderojmë atë si ndërhyrje. Ne e konsiderojmë mbështetjen tonë për përpjekjet e Shqipërisë për të ndërtuar një vend më të fuqishëm si aktin e një miku te mirë dhe një aleati të fortë. Dhe gjithashtu ne shpresojmë se kur ne te kemi nevojë për mbështetjen tuaj, shqiptarët do të jenë te sinqertë me ne për shoqërinë tonë dhe të metat tona.
Edison Halili Pershendetje, Do te doja te dija, cilat jane disa nga menyrat dhe si mund te shermbejme ne te rinjte ne luften kunder korrupsionit ne vendin tone. Si Mund te ndihmojme edhe ne konkretisht?
U.S.Embassy –Tirana. Une nuk kam nje propozim konkret, por mendoj qe nese juve vete dhe cdokush nga miqte tuaj vendosni qe te jeni pjese e zgjidhjes,- duke dhene shembullin e mire, dhe jo duke u bere pjese e problemit, une mendoj se Shqiperia do te kete me shume sukses ne luften ndaj korrupsionit dhe ndertimin e nje shoqerie te bazuar ne merita. Ne lidhje me rolin tuaj ne luften ndaj terrorizmit, ne i vleresojme kontributet e rendesishme te Shqiperise ne luften kunder terrorizmit. Terrorizmi lulezon nga padrejtesia dhe varferia, prandaj dhe me çdo veprim qe shkon kunder padrejtesise dhe varferise, ju do te jepni nje kontribut ne luften globale kunder terrorizmit.
Muhamed Veliu Zoti Ambasador. Ne cilat aspekte do te jete ndihma e FBI-s ne ndertimin e Byrose Kombetare te Hetimit?
Pershendetje Muhamed. Me lejo te te shpjegoj perse ne mendojme se eshte e rendesishme qe Shqiperia te themeloje nje Zyre Kombetare Hetimi. Se pari, duhet te ekzistoje nje institucion per zbatimin e ligjit me kapacitet te zhvilluar hetimi. Se dyti, ka gjithashtu nevoje per nje institucion qe ka autoritetin per te hetuar zyrtare deri ne nivelet me te larta. Skuadra jone nga FBI ishte ketu per te biseduar se si ne mund te ndihmojme ne ngritjen e nje Zyre Kombetare Hetimi ne Shqiperi, ne perpjekjet e saj per te luftuar korrupsionin, krimin e organizuar dhe trafikun e droges. Zyra e Prokurorise se Pergjithshme dhe institucionet e drejtesise duhet te vazhdojne te permbushin pergjegjesite e tyre per te zbatuar ligjin dhe siguruar nje proces te rregullt.
Loreta Prendi Zoti Ambasador jam nje shtetase amerikane. Jam 11 vjece, kam shume deshire te studioj ne Amerike. Kur mund t’i marr prinderit e mi te shkoj e te jetoj ne Amerike? Shume faleminderit.
U.S. Embassy-Tirana E dashur Loreta Prendi,
Ambasada Amerikane ka hapur nje qender keshillimi falas per te gjithe ata studente qe deshirojne te vazhdojne studimet ne Amerike. Dergo nje email ne info@educationusa.al per te caktuar nje takim me keshilltaren qe punon prane Qendres Informative te Arsimit Amerikan ne Shqiperi. Ajo do te te kaloje ne te gjitha hapat qe nevojiten per te studiuar ne Amerike. Suksese!
Albi Koçi Kur do te vizitoni Gjirokastren… ?Forumi ” Djemtë e Gjirokastrës ” ju ka dërguar një ftes zyrtare,për ta vizituar edhe për tu njohur me vlerat kulturore dhe historike …
Pershendetje Albi Koçi! Faleminderit per ftesen tuaj per ne Gjirokaster. Deri tani une kam udhetuar ne Elbasan, Shkoder, Vlore, Lezhe, Shengjin, Kruje, and Berat. Pres me kenaqesi qe te viztoj qytetin tuaj. Kam degjuar qe ne maj do te mbani festivalin folklorik. Shpresoj qe kur te vij, te kem mundesi te takohem edhe me “Djemte e Gjirokastres.” Gjithe te mirat, Donald.
Ina Boja. Zoti Ambasador a ka nisur procesi i dekriminalizimit në Shqipëri, apo gjithçka po ndodh është vetëm një show i partive politike në vend?A mendoni se këto forca politike të cilat e nënshkruan marrëveshjen e dekriminalizimit dhe që kanë të përfshira në program..
Pershendetje! Ajo qe ne vleresojme me shume nuk eshte retorika, por veprimet qe jane ndermarre nga Prokuroria e Pergjithshme, Parlamenti, drejtuesit e partive, dhe aktore te tjere. Eshte e rendesishme qe te vazhdohet me procesin e dekriminalizimit, i cili nisi me marreveshjen ndermjet partive ne dhjetor te 2014-es. Ne vazhdojmë të nxisim të gjitha partitë politike në Shqipëri të largojnë individët e përfshirë në veprimtari kriminale apo korruptive. Ne pershendesim veprimin e Prokurorise se Pergjithshme per te ngritur akuza ndaj dy deputeteve.
Desti Lika Z. ambasador :-Kur e mesove gjuhen shqipe dhe sa kohe tu desh qe ta mesosh ? Thx.
U.S. Embassy-Tirana Përshëndetje Desti – Unë kisha 13 muaj kohë për të studiuar shqip para se të vija në Tiranë, në një shkollë të projektuar posaçërisht për të ndihmuar diplomatët amerikanë te mësojnë gjuhën e folur në shtëpitë e tyre të reja. Unë kisha mësues nga Shkodra, nga Korça, dhe nga Tirana dhe gjatë asaj kohe, unë kam mësuar per lidhjet dhe dallimet mes këtyre qyteteve dhe mënyrën se si ata mund te jenë konkurrues nganjëherë kur ata krahasojnë historitë e tyre të mahnitshme dhe kulturat e tyre. Kjo ishte një eksperiencë e këndshme dhe tepër interesante!
Kim Krasniqi Good afternoon Your Excellency Mr Lu
Where do you see Albania in ten years time? Thank you for taking the time to read my question. …
Sinqerisht, kam shume shpresa per Shqiperine e dhjete viteve te ardhshme: e forte, me institutcione te pavarura ne çdo nivel dhe funksion qeverises, lumenj dhe liqene te paster, bregdete dhe male te mbushur me turiste, si dhe institucione arsimore me cilesi te larte qe terheqin studente edhe nga jashte vendit. Une besoj se ky vend mund te arrije shume – e ka faktuar kete gjate dy dekladave te fundit, dhe shpresa ime eshte qe Shqiperia do te vazhdoje punen e madhe qe ende duhet per te perfeksionuar te ardhmen e saj te shkelqyer.
Aurel Halili. z.ambasador Lu cfare kushtesh apo kriteresh duhet te plotesojne sdudentet shqiptar per te studiuar ne universitetet amerikane?
U.S. Embassy-Tirana I dashur Aurel, Ambasada Amerikane ka hapur nje qender keshillimi falas per te gjithe ata studente qe deshirojne te vazhdojne studimet e larta ne Amerike. Dergo nje email ne info@educationusa.al per te caktuar nje takim me keshilltaren qe punon prane Qendres Informative te Arsimit Amerikan ne Shqiperi. Ajo do te te kaloje ne te gjitha hapat qe nevojiten per te studiuar ne Amerike, qe nga perzgjedhja e Universitetit, aplikimi dhe viza studentore. Suksese!
Artur Neli. A eshte e ligjshme Byroja Kombtare e Hetimit ne Shqiperi, kur ekskluzivitetin per hetim e ka vetem Prokuroria. FLM.
Pershendetje Artur Neli, jam Don Lu. Me lejo te te shpjegoj perse ne mendojme se eshte e rendesishme qe Shqiperia te themeloje nje Zyre Kombetare Hetimi. Se pari, duhet te ekzistoje nje institucion per zbatimin e ligjit me kapacitet te zhvilluar hetimi. Se dyti, ka gjithashtu nevoje per nje institucion qe ka autoritetin per te hetuar zyrtare deri ne nivelet me te larta. Skuadra jone nga FBI ishte ketu per te biseduar se si ne mund te ndihmojme ne ngritjen e nje Zyre Kombetare Hetimi ne Shqiperi, ne perpjekjet e saj per te luftuar korrupsionin, krimin e organizuar dhe trafikun e droges. Zyra e Prokurorise se Pergjithshme dhe institucionet e drejtesise duhet te vazhdojne te permbushin pergjegjesite e tyre per te zbatuar ligjin dhe siguruar nje proces te rregullt.
Lorenc Goxhaj, Zoti ambasador Si ju duket Shqiperia?
U.S. Embassy-Tirana Lorenc, Thank you for this question. I had very few impressions of Albania before I arrived. Albania is full of surprises. I was surprised about how warm and hospitable the people have been here. It’s like nowhere else in the world. I was surprised about the natural beauty of this country. Many Albanians complain about the construction or the damage to the environment, but the truth is that this country has incredible natural beauty that needs to be defended. Finally, I was surprised by the young people. They are not weighted down by the difficult baggage of Albania’s communist past and they have very high expectations for the future. And they deserve to have those expectations realized!
Faleminderit per pyetjet tuaja! Une u mundova qe t’ju pergjigjesha sa me shume pyetjeve qe munda. Shihemi ne programin e ardhshem! Gjithe te mirat, Don Lu.

Pergatiti per “Diellin”, Shefqet Kercelli

Komunitet-KA NDËRRUAR JETË VEPRIMTARI XHEVAT SABIT SAITI, NË KALIFORNI

by

Me pikëllim të thellë ne zemer dhe me lotë, qysh nga e premtëja ka mbetur familja Saiti, në Roseville te Californisë dhe vendlindja në fshatin Pojate te Ferizajit me rastin e vdekjes e të dashurit të tyre. Vekja e Xhevatit po ashtu ka tronditur edhe shumë shok dhe miqë të familjes Saiti te cilet jetojnë në shumicen e shteteve të SHBA’s por edhe vende tjera te botës. Me keqëardhëje dhe mërzi u prit ky lajm edhe komunitetin Shqiptar në Californi Veriore ku Z.Xhevati ishte i devotshëm, aktivist i pazavendësuar,dhe gjithnjë i gateshëm për çfardo sfidë per kauzën kombëtare, dhe mu për këte një muaj me herët muar edhe mirënjohje nga ky komunitet. Zotri Xhevati nga vajti la gjurmë e përshtypje të një personi vigjilent, te matur, te respektuar, ku shembëlltyra e tij do kujtohet do përmendet për një kohë të gjatë, dhe do sherben si model per gjeneratat e reja. Për shumë shqiptar që patën rast ta takojn zotri Xhevatin, perfituan shpresë, ngadhënjim mbi shumë veshtirësi që kishin, mirësi, besim e dashuri njerëzore dhe të paqë për të gjithë. Xhevati ishte model për një shqiptar te shpresës e guximit,dhe veprimtar të madh per Kosovën. Ne amëshim!
Trupi i të ndjerit Xhevat do prehet në ditën e Hëne në Sacramento, Californi.

Hasan Berisha

NJE PETICION PER RRUGEN E ARBRIT

by

NGA MARJANA BULKU/
Peticioni për përfundimin e Rrugës së Arbërit, një iniciative e Gëzim Alpion ,e mbështetur nga shumë intelektualë dhe qytetarë dibranë ,në kushtet e një tranzicioni apsurd ekonomik, politik dhe social shqiptar, tingëllon edhe një herë si një thirrje e fortë per të kthyer vemendjen nga dy Dibrat, nga ajo përpjekje titanike që u konkretizua me ndërtimin e disa lotuseve të kësaj rruge historike që ndryshoi gjeografine dhe fatet e këtyre banoreve edhe pse përkohesisht,që sot ndjehen te braktisur sepse realiteti politik shqiptar prodhon regres dhe aspak progres, ndaj rruga mbeti,,,”ku e lam e ku na mbeti…” Ky peticion është një përpjekje më shumë në vazhdën e gjatë të bashkëbisedimeve , të tryezave,studimeve që të sjellin në kujtesë emra dhe njerëz që edhe pse ndoshta nuk jetojnë më ,u bënë iniciatorë të një rruge që duket se bashkon njerëz, vende ,qytetërime, forcon dhe gjallëron jeten ,ekonominë dhe lehtëson kryeqendrat e mëdha nga mbipopullimi duke i bërë të banueshme edhe periferitë ku bukuritë dhe perspektivat turistike nuk mungojnë.Rrugët dhe arsimimi janë kyce të zhvillimit të qytetërimeve, standarte të munguara për shkak të trashëgimnisë tonë të varfër që na ndante, izolonte, mohonte luksin e të jetuarit si duhej. Pas viteve 90 -të u guxua të artikulohej ”rruga e Arbërit” , i ndjeri Hamit Xhaferri , nje njeri mjaft i kulturuar, i guximshëm dhe me shumë vizion risolli si prej legjende Rrugën e Arbrit në ato tryeza partiake të të djathtës shqiptare që sapo kishte filluar të frymonte në Shqipëri .Ai e përshkruante si një rrugëtim që dibranët i afronte me Tiranën dhe kjo nënkuptonte shumcka jo vetëm në aspektin gjeografik. Viteve të opozitarizmit politik kur partive u duheshin kauza dhe njerëz që politika të prodhonte progresin për të cilin shoqëria kishte nevojë ,kam patur rastin të jem në mes të atyre mjediseve ku nuk ka munguar mendimi i intelektualëve dibranë. Ishte referimi i zotit Iliaz Kaca , i detajuar, ,konkret ,pjesë e një studimi shumëvoluminoz që ky studjues dibran ia kishte kushtuar Rrugës së Arbërit. Nuk ishin shfaqje të një tregu politik ,por akte që shumë shpejt u konkretizuan me projekte dhe ndërhyrje konkrete .Në vitet 2008- 2009 kur filloi zbatimi në terren i rrugës së Arbërit pak kush besonte se rrugëtimi drejt Tiranës do normalizohe, gerrmime, male që ndaheshin në mes, ura betoni e makineri që e shndërruan zonën në një kantier pune ku punohej edhe natën. Historianët patën rastin të ndeshen me gjurmë të qytetërimit Ilir, gazetarët dhe reporterët heshtën ,rrugëtarë që shfrynin se rruga ishte në konstruksion dhe ua vështirësonte lëvizjen, fshatarë të cilëve rruga u kalonte nga toka e tyre e ku duhej që bashkë me shpronësimin t’ju shpjegoje se tregu dhe rruga janë oportunitete te mira në këtë rast, shumë udhëtarë të tjerë përdornin segmentin e Qafë Thanës pë tu lidhur me Tiranën. Pra Rruga e Arbërit është një përpjekje e gjatë që bashkon njerëz dhe vullnete, dëshira dhe ambicje, tregje dhe kultura për të qenë më afër dhe bashkë. Projekti i rrugës së Arbrit arriti ti kapërcente burokracitë e dha rezultate që duken , distanca që shkurtohen dhe vendbanime që afrohen duke u falur siguri qytetarëve se shteti kujdeset për ta…ky ishte peisazhi i vitit 2009 kur rrugët me vijezime të conin drejt shpresës për më mirë…
…”ku e lam e ku na mbeti…”
Dr Gëzim Alpion që prej dy vjetësh ka nisur një përpjekje që rizgjon vullnetin qytetar uroj edhe shpresat e tyre drejt përfundimit të rruges së Arbërit. Jam e bindur se nuk ka qytetar shqiptar që nuk e përkrah idenë e ndërtimit të një rruge… Mbase duhet tjua kërkojmë politikanëve që ta firmosin atë.
***
Së shpjeti numri i përkrahësve të peticionit për Rrugën e Arbërit online dhe në formularë do të arrij në 9,000. Ju lutemi NËNSHKRUANI peticionin për ndërtimin e kësaj vepre që do të sjell një numër vendesh në Ballkan më pranë njëri tjetrit dhe Evropës.
https://www.change.org/p/complete-the-construction-of-the-a…
Complete the construction of the Arbëri Road – Ndërtoni sa më shpejt dhe me standarde Rr
www.change.org’

TALENTI STRUGAN I FUTBOLLIT

by

*Rilind Veseli – Talenti i shkollës së futbollit amerikan, në rrugën e ëndrrave Kuq e Zi/
*Dymbëdhjetëvjeçari strugan – Rilind Veseli, futbollisti i shkollës së futbollit amerikan , talenti i të cilit me krenarin prindërore, pohohet se është zbuluar qysh në Strugë në fushat e futbollit me bashkëmoshtarët e tij atje, adhuron edhe lojën e Mess-it. Ka simpatin dhe të traineret Zach Dean dhe Gareh të cilët jan trainer Te Red Bullit (ETA) . Por, nuk mund t’i ndajë ata duke ëndërruar, që një ditë mund t’u ngjajë atyre, dhe të veshë edhe ai fanellën e ëndërrave Kuq e Zi./
Nga Beqir SINA, New York/
PATERSON NEW JERSEY : Rilind Veseli, është një ndër ata fëmijë të shumtë shqiptarë në Amerikë, i cili është bër pjesë e shkollës së Futbollit amerikan, me shpresën dhe ëndrrën e tij, se një ditë, edhe, ai ndoshta do të ketë fatin që të veshë edhe fanelën Kuq e Zi . Megjithëse, ai , tranierët dhe prindërit e tij, Adi dhe Sabije Veseli, veprimtar të dalluar në komunitet, janë të vetëdijshëm, se “nuk është aspak e lehtë, por ai me talentin e tij, shpreson se e ka nisur rrugën prej nga zbulimi deri tek suksesi”.
Në Nju Xhersi, ku jeton dhe luan tani talenti strugan, ai është vendosur në “shenjestër” të tranierëve dhe specialistëve të futbollit . Futbollisti dymbëdhjetëvjeçar Rilind Veseli, nuk do të mbërrinte deri në skuadrat e sistemit zinxhir më të njohura për futbollin në SHBA- sikur të mos kishte talentin personal futbollistik.
Rilind Veseli, i cili ka lindur me 20 – Korrik -2003 në qytetin Pompton Lakes, të Nju Xhersit , ishte vetëm katërvjeçar, kur nisi të luante futboll me bashkëmoshatarët e tij, Dhe, atë fillimisht si çdo fëmijë vetëm për argëtim, kur u pikas nga specialistët amerikan, që i thanë prindërve të tij, që ai vetëm të vazhdonte të luante dhe të mos demoralizohej për të tjerat, se gjatë rrugës ai mund t’i përventësonte të gjitha vetitë e duhura.
Rilindi, pastaj u regjistrua në shkollën fillore, në qytetin e lindjes , shkollën “Lincoln School” në Nju Xhersi dhe menjëher u aktivizua në gup-moshat për futboll po për këtë shkoll.
Mirëpo, vlen të ceket se me futboll , Rilindi, “lindi” ose filloi të merret qysh në moshën 4 vjeçare, prej se kur filloi të lidhet edhe shpritërisht, edhe me vendlindjen e prindërve tij- Teksa, ai filloi të luaj futboll me atë të rrugicave dhe fushave të barit, lëndinave të parqeve të qytetit të Strugës, kur për çdo vjet ai së bashku me prindërit kalon pushimet verore, në Strugë perlën e qyteteve shqiptare, i cili është edhe qyteti i lindjes të prindërve të tij Adit dhe Sabijes.
Struga dhe bashkëmoshatarët e tij ; padyshim që jane “vendlindja” e futbollit, motivimi dhe shpriti futbollistik, për atë do të mbeten “zbulimi” mbasi Rilindi, i cili aty filloi të luajë futboll me djemtë e të njëjtës moshë, të cilët edhe sot i kujton me shumë mall dhe dashuri.Kurse, në Amerikë, klasën e parë, tregojnë prindërit e tij, Rilindi, u aktivizua në këtë llojë sporti – pra Futbollin që këtu amerikanët e quajnë Soccer.
“Kur, një nga mësuesit e tij të lëndës së fizkulturës, erdhi dhe na takoi para gjashtë vjetësh dhe na tha se ishte në kërkim të talenteve, dhe njëri prej tyre ishte përzgjedhur djali ynë Rilindi, për ne ishte befasi” thonë prindërit e tij, të cilët nuk kursjen asgjë tani që ai të bëhet një futbollist i mirë.
Atij dhe prindërve të tij, edhe sot i ka mbetur në mëndje – ajo ditë, kur Rilindi ishte në një lojë , futbolli në fushën e shkollës dhe një trajner i skuadrës së njohur të shkollës së futbollit Red Bull, për moshat e reja, kishte ardhur në kantonin Pomton Lakes, për të përzgjedhur talentet të rinj për shkollën e futbollit në Nju Xhersi, dhe çudidërisht, thanë ata ai u përzgjodhë në mesin e fëmijëve talente, që mund të kenë të ardhme të shkëlqyer futbollistike. “Edhe, kësaj rradhe me një herë i ra në sy Rilindi, dhe traineri i tij na udhëzoi që ta regjistrojmë në akademin e sportit të “Red Bull (ETA)” në New York”, tregonë sot Adi babai i tij me krenari.
Kështuqë, djaloshi dymbëdhjetëvjeçar, shqiptar i lindur në Amerikë, u ra në sy skautëve amerikanë, të cilët treguan vëmendje ndaj struganit me premtime për të ardhmen, prej tyre.
Prej asaj dite ai për çdo vitë tani – regullisht luan me ekipet e shkollës sesionin dimëror në salla të mbyllyra, gjatë sesionit dimëror në ,,Indor Soccer,, dhe sesionin veror e luan në fushën e blertë të futbollit “Travelling Soccer” për skuadrën e moshave zinxhir “Red Raiders” .
Simbas, specialistëve të futbollit, të veçantat dhe ato që e dallojnë këtë për të qenë edhe ai një talent futbolli, janë:” Ato, se ai është shumë i aftë të luaj në çdo pozicion , duke u dalluar në manovrim dhe goditjen e fort të topit, si dhe spikat se luan me këmbën e majtë , por përdor majft mirë edhe të djathtën në lëvizjet taktike gjatë lojës”.
“Rilindi, shquhet, sepse ai i njeh mjaft mirë rregullat e lojës, çka padyshim ai e ka më të lehtë edhe luajtjen në fushën e blertë”, thotë njeri prej trainerëve të tij, në shkollë.
Barcelona, thotë ai vetë është ekipi i preferuar i im – dhe nuk fsheh ëndrrën e tij se Mesi dhe Ronaldo janë lojtarët më të admirueshëm dhe që Rilnidi ëndërron……! dhe se ëndërra Kuq e Zi ka hyrë në zemrën e tij!
Ne mësuam se për djaloshin shqiptar, tani janë të interesuara të gjitha shkollat futbollit në Nju Xhersi , që t’a kenë në ekipin e tyre në skuadrat e shkollave. Aktualisht, emri tij, thuhet se është futur në planet e disa trajnerëve që e njohin dhe e duan në ekipet e tyre. Rilindi, në rrjetin shoqëror facebook dhe tweeter, ka bërë për vete edhe fansat e tij.
Kartoni i tij shënon se specialistët, që kanë punuar me Rilindin – janë të shumtë duke filluar nga ata të shkollës deri tek ata të akademive të Futbollit:
Ata që kan punuar deri tani me talentin shqiptar Rilind Veseli, janë : Traineri Lawrence Krewer, teksa aktivizohej me Red Bull(ETA) shtator 2009, Diane Rennar tetor 2010.
Ndërkohë, që në janar 2011 , ai aktivizohet me Anthony De Francesco, deri në shtator 2011 me Stephen Keating. Përsëri në janar 2012 ai luan me Lawrence Krewer. Teksa, në mars 2012 kalon me Red Bull,. Në janar 2013 ai luajti me Dave Deyo . Në janar 2014, Rilindi, luan përsëri me Anthony De Francesko, deri sa në shtator 2014 kaloi tek (ETA) Red Bull Franklin Lakes.
Rilindi, ka pasur fatin të stërvitet me trajnerët më të mirë të shkollës së futbollit në Nju Xhersi si: Traineri – Coach Gareth Tyack – 2014, me trainerin Zach Herold – sesionin dimëror 2014-2015 dhe trainerin Dean Atkins sesionin dimëror 2015. Dhe, që nga në janar të këtij viti( 2015 ) është nën stërvitjen tranierit Kimmy Soto në shkollën e tij. Kurse, po prej janarit aktivizohet me ekipin TSF – me trainer Kurt Donladson.
Pirëndërit e tij, dy veprimtar të dalluar të komunitetit , Adi dhe Sabije Veseli e cila është një shkrimtare e njohur e komunitetit, anëtare e Lidhjes së Shkrimtarëve Shqiptaro Amerikan, thanë se :’ Ne si prindër i dëshirojm suksese në futbollë, dhe, do të jemi krahë tij në çdo hapë.- dëshirojmë, dhe shpresojmë që një ditë djali ynë të luaj për ngjyrat Kuq e Zi”, thotë Adi dhe Sabija.
Ata, na thanë se ishin krenar për sukseset e Rilindit, dhe se për t’a lidhur sa më shumë me futbollin shqiptar, shtuan ata, ne e kemi aktivizuar Rilindin edhe në grupin e fëmijëve U-12, me ekipin e shqiptareve ,,Albanien Eagles” me trainer Edip Ramadani, me qendër në Paterson. Ndërkaq, janë më se të kënaqur se edhe dy herë ata me këtë ekip të trainerit të apasionuar strugan , Ramadanit, “Shqiponjat e Shqipërisë” si quhet ekipi i tyre, janë edhe fitues të trofeut 2014 -2015.
Dymbëdhjetëvjeçari strugan – Rilind Veseli, futbollisti i shkollës së futbollit amerikan , talenti i të cilit me krenarin prindërore, pohohet se është zbuluar qysh në Strugë në fushat e futbollit me bashkëmoshtarët e tij atje, adhuron edhe lojën e Mess-it. Ka simpatin dhe të traineret Zach Dean dhe Gareh të cilët jan trainer Te Red Bullit (ETA) . Por, nuk mund t’i ndajë ata duke ëndërruar, që një ditë mund t’u ngjajë atyre, dhe të veshë edhe ai fanellën e ëndërrave Kuq e Zi.