Flamur VEZAJ/

Për të dytin vit radhazi, tre patriotët shqiptarë Aldi Myteberi, Nikolin Gaçe dhe Ardit Dervishi organizuan kampionatin e golfit në veri të Bostonit! Këtë vit, nismës së tyre iu bashkuan edhe organizata të rëndësishme në Boston, si Vatra, MaasBesa dhe Albanians Fighting Cancer! Ky kampionat, me rreth 90 lojtarë golfi, kishte një qëllim të përbashkët: mbledhjen e fondeve për tre organizatat shqiptare, të cilat punojnë prej vitesh për të ndihmuar komunitetin shqiptar në Boston në fusha të ndryshme.

Për të zhvilluar këtë aktivitet të rëndësishëm, një kontribut të madh dhanë 23 kompani biznesi me pronarë shqiptarë dhe amerikanë, të cilët iu bashkuan nismës për mbledhjen e fondeve, që shkuan të gjitha për tre organizatat shqiptare: Vatra, MaasBesa dhe Albanians Fighting Cancer! Gjithashtu, në këtë event kontribuan edhe klube sociale shqiptare dhe individë, të cilët janë pjesë e organizatave përkatëse këtu në Boston.

Gjithçka filloi mesditën e të hënës, kur rreth 23 kompani të ndryshme biznesi, shqiptare dhe jo vetëm, sollën lojtarët e tyre për të marrë pjesë në këtë kampionat golfi. Në hyrje të Ipswich Golf Country Club, organizatorët pritën lojtarët për t’u regjistruar, ndërkohë që ofruan dhurata simbolike për çdo lojtar. Pas regjistrimit, lojtarëve iu shtrua një drekë, pas së cilës ata u ndanë në grupe në gjithë sipërfaqen e klubit të golfit, ku ishin vendosur edhe reklamat e kompanive që kishin bërë donacione për këtë event.

Loja vazhdoi për më shumë se 4 orë, dhe darka i mblodhi të gjithë bashkë për të festuar dhe ndarë çmimet e fituesve. Për ndarjen e çmimeve folën tre iniciatorët e këtij organizimi: Myteberi, Dervishi dhe Gaçe, të cilët falënderuan të gjithë pjesëmarrësit në lojë dhe në darkën e shtruar për këtë event, duke shpallur edhe fituesit e kampionatit.

Sipas renditjes, vendin e parë e fituan lojtarët që përfaqësonin kompaninë “RMD Insurance”: z. Anthony DeGregorio, z. Cable Morey dhe z. Joseph Caprini, për të cilët menaxheri shqiptar i restorantit “Abe & Louie’s” dhuroi një çmim simbolik, një darkë falas për 6 persona! Çmimi i dytë shkoi për ekipin “Team Sunshine”: z. Reed Bourgeois, z. Ben Carrol, z. Ahmad Hodroj dhe z. Adam Bahou, të cilëve klubi i golfit “Ipswich Country Club” u dhuroi një ditë leje kalimi për të luajtur brenda këtij klubi falas. Ndërsa vendi i tretë i takoi ekipit të kryesuar nga z.Klaus Trasha, z.Justin Nee, z.Ray dhe z.Klajdi Cenolli që u shpërblye me nga një kuti cigare puro nga kompania shqiptare “Nobel,” të prodhuara në Republikën Domenikane.

Pas ndarjes së çmimeve, Myteberi ftoi drejtuesit e organizatave shqiptare të përshëndesin të pranishmit. Në emër të organizatës MaasBesa foli zëvendëskryetarja znj. Jorida Qirollari, e cila përveç falënderimit të dhuruesve, tregoi për aktivitetet kulturore dhe edukative të organizatës. Znj. Qirkollari theksoi punën që MaasBesa ka bërë prej vitesh, përfshirë hapjen e shkollave shqipe në tre qytete, si dhe organizimin e festivalit shqiptar.

Në emër të VATRËS në Boston foli kryetari z. Mentor Maksutaj, i cili, përveç falënderimeve ndaj tre nismëtarëve, vuri theksin në punën 112-vjeçare të VATRËS në të mirë të komunitetit shqiptar, për ruajtjen dhe promovimin e kulturës dhe traditës shqiptare. Ai kujtoi punën e madhe që ka bërë një nga themeluesit e VATRËS, Fan S. Noli, për ndihmën ndaj komunitetit shqiptar dhe krijimin e kishës së parë autoqefale shqiptare në SHBA.

Në emër të organizatës Albanians Fighting Cancer foli Dr. Ivi Kisamati, i cili theksoi punën disa vjeçare të organizatës për të ndërgjegjësuar komunitetin shqiptar për sëmundjen e kancerit dhe ndihmën e dhënë për personat e prekur nga kjo sëmundje. Dr. Kisamati falënderoi organizatorët dhe shprehu vlerësim për kompanitë që dhuruan donacione për këtë event.

Në mbyllje të darkës, Aldi Myteberi deklaroi se kjo traditë e organizimit të kampionatit të golfit do të vazhdojë, ndërsa Nikolin Gaçe dhe Ardit Dervishi falënderuan një për një të gjithë dhuruesit e donacioneve, kompanitë, bizneset dhe individët që mundësuan këtë event!

Foto: F.Vezaj & E. Lazri

Nga Keze Kozeta Zylo/

18 Vjet Shqip pa u ndalur nëpër Nju Jork

Edhe shqyp na thanë se Zoti/ për shqyptarë Shqypninë e fali/ se sa t’enden stina e moti/

do ta gzojn kta djalë mbas djali.

Pas Fidanishtes së parë të Shkollave Shqipe në Staten Island, Brooklynit, të shtunën edhe Bronxi hapi dyertë për vitin akademik 2024-2025.

Misioni Kombëtar vazhdon pa u ndalur nëpër Nju Jork, e konkretisht prej kaq vitesh në Bronx atje ku lulëzon një komunitet i madh shqiptarësh ku u mirëpritën dhjetra nxënës për të vazhduar shkollën shqipe.

Shkolla Shqipe në Bronx me disa klasa e ushtron mësimin shqip në shkollën publike amerikane “Christopher Columbos” High School në 925 Astor Ave, Bronx NY ku më duhet të theksoj mikpritjen e madhe që na bën kjo shkollë që nga drejtoresha e saj zonja Julie Nariman, një edukatore e shkëlqyer në NYC, drejtore dhe themeluese e Shkollës së mesme për Gjuhën dhe Inovation në Bronx.

Natyrisht ndihemi shumë të sigurtë dhe të mirëpritur dhe nga policët e shtetit amerikan që janë aq miqësor dhe professional me nxënësit e dashur në mjediset e kësaj shkolle.

Në ditën e parë të shkollës pati nxënës të rinj të cilët shoqëroheshin nga prindërit plot dëshirë dhe respekt për Shkollën Shqipe “Alba Life”.

Zoti Qemal Zylo që mban titullin e lartë: Kalorësi i Urdhrit të Flamurit, themelues dhe drejtor i TV dhe Shkollave Shqipe “Alba Life” Ambasador i Kombit iu uroi të gjithë nxënësve, prindërve dhe mësuesëve vit të mbarë. Z. Zylo i ftoi prindërit të vinë pranë këyre shkollave dhe të punojmë së bashku për të realizuar ëndrrën e Rilindasve për të mësuar cdo shqiptar Gjuhën Shqipe, pasi ikjet biblike nga Atdheu e dramatizojnë asimilimin e shqiptarëve në dhera të huaja. Ai iu foli për punën kolosale të Alba Life në këto 18 vite, përhapjen e shkollave në gjithë Nju Jorkun dhe në Online, rritjen dhe interesin e madh që po vazhdojnë prindërit të kenë për të ardhur dhe kjo natyrshën është fal bashkëpunimit profesional me mësueset dhe nxënësit. Mësueset përshëndetën të pranishmit e shumtë dhe me dashuri shoqëruan nxënësit e tyre nëpër klasa. Në klasat e mësueseve Helenës, Erindës dhe Albanës të gjitha mësuese profesioniste dhe të përkushtuara, mësimi filloi me mirëseardhjen e tyre dhe detyrat që do të kenë gjatë vitit për të mësuar Gjuhën Shqipe.

Që pesë vjece që jam futur në shkollë vazhdoj ditën e parë ta kem emocionante, të magjishme, edhe pse tani në rolin e mësueses me vështiësitë e veta, por cdo vit e mbaj mend dhe kete ndjesi më japin dhe nxënësit që ulen pranë këtyre bangave në shkollën publike amerikane sidomos, kur vijnë për herë të parë.

Prindërit i sjellin pranë kësaj shkolle prestigjioze në Bronx për të mësuar Gjuhën Shqipe, historinë, kulturën dhe traditat e mrekullueshme. Ata ndihen krenar me mësueset, shkollën që iu afron këto mundësi të mëdha për Gjuhën Shqipe dhe natyrisht si themelues na shtojnë detyrat dhe përgjegjësinë e madhe për ta ushtruar këtë Mision Kombëtar në lartësinë e duhur profesionalisht dhe atdhetarisht.

Ndonëse për ne si themelues dhe mësues vështirësitë janë të panumërta, që me sigurimin e nxënësve, ardhjen e nxënësve të rinj, bisedimet me prindërit për t’i sjellë fëmijët e tyre pranë shkollave, sigurimin e librave, sjelljen e tyre nga Tirana, marrjen e mjediseve në shkollat publike, pasi filozofia jonë e drejtimit ka qenë: “Shkolla do shkollë, mjedis shkolle dhe jo gjithëfarë mjedisesh të tjera”.

Takimi me Presidenten e Kosovës znj. Vjosa Osmani

Ndonëse ishim në ditën e parë dhe ashtu si deri në ditën e fundit mësimin e kemi të shenjtë, ose super të shenjtë, shpesh nuk shkojmë kur marrim ftesa nëpër aktivitete të shumta që marrim si media Alba Life, sidomos në këto orë të mësimit. Këtë radhë e shkelëm vetëm për Kosoven, presidenten Vjosa Osmani si përfaqësuese e shtetit të Kosovës shkuam me nxënësit, prindërit dhe mësuesit dhe të gjithë ata që kishin mundësi. Fjalimi i presidentes Vjosa Osmani do të ngelet shumë mbresëlënës pasi ishte për Gjuhën Shqipe, identitetin tonë kombëtar dhe mbrojtjen e saj. Natyrisht Alba Life edhe pse e përfaqësuar me një shkollë të Bronxit dhe me një mësuese të nderuar nga Brooklini Fatlinda Bajçinca Gashi bashkë me dy nxënëset e saj, kishte disa radhë të auditoriumit që i mbushte me bluzat me simbolin e Shkollave Shqipe. Në këtë ditë u nderuan me medaljen presidenciale të Kosovës z. Qemal Zylo themelues dhe drejtor i shkollave dhe mësuese Entela Muda me plot meritë në Staten Island me një përvojë të gjatë dhe bashkëpunimi besnik ndaj Alba Life dhe Misionit Kombëtar. Po ashtu u nderuan dhe nxënëset si Dastida Gashi, Eliona Shala, Sara Memaj, Klestia Xama, Venera Burga, Fiona Vucetaj, natyrisht në bazë të numrit që u dha nga z. Gjonaj kur ne shkuam në sallë, pasi më parë nuk e dinim që do të vlerësoheshin dhe nxënës.

Shkollat Shqipe “Alba Life” Ambasador i Kombit janë bërë frymëzim dhe në mjaft hapje të shkollave të tjera në Diasporë dhe është e moralshme që vitet e saj 18 vjeçare, skrupuloze dhe të suksesshme të mos përzihen me tipe “mësimesh” që u hap sot këtu dhe u mbyll nesër atje… Mos të përzihet me ego të sëmura tipa “kaposh” që servilosen nëpër pushtete dhe vetëshpallen lider të Diasporës ku askush nuk i ka votuar dhe nuk i ka dëgjuar kurrë për bëmat e tyre…

Në shoqërimin si “triumfatorë” kur hynë në sallën që shoqëronin zonjën Vjosa Osmani mungonte Alba Life. Këtë lloj “statusi” nuk e kemi pasur kurrë merak, por meqënse ishte bërë një organizim I tillë me shoqëruesa, doemos është ndjesi e pështirë. Prindërit, mësuesit ngelen të befasuar për lënien në hije të shkollave shqipe “Alba Life” në gjithë Nju Jorkun. Kjo ra në sy dhe u bë shumë shqetësuese, prandaj nëse ftohen shkollat shqipe organizuesit duhet të mbledhin në tyrezë të përbashkët themeluesit për hartimin e një programi rreth aktivitetit, sepse luanit thotë populli t’i jepet pjesa që i takon. Edhe pse z. Gjonaj ishte organizuesi kryesor unë ende nuk e besoj qe ai i la në hije shkollat “Alba Life”. Unë besoj tek ndonjë të vetëshpallur si lider që janë shumë herë më mbrapa, në hapjen e shkollës shqipe dhe nuk mund të krahasohet me Alba Life, por ja që atje në presidium i thirrën shumë më para nesh duke i mbivlerësuar sikur të jenë themeluesit e shkollave Shqipe në gjithë Diasporën, apo duke parakaluar para auditoriumit me egon e shfrenuar dhe të “madhështisë”, kur në fakt këta lider të vetëshpallur nuk i kemi parë për pikë kontributi pranë nesh. Jo vetëm që s’i kemi parë, por vendosin gurë nën rrota për t’i shkatërruar. Sidoqofte njëherë tjetër dhe shume shpejt do të flas rreth fenomenit të bërrylave që mjerisht është e pandashme midis nesh…

Nuk mund të ftosh në këtë aktivitet prindërit e Alba Life dhe nxënësit e saj duke iu thënë troc deri dhe nëpër statuse si: ju ftojmë të vini cdo të shtunë në shkollë tjetër nën emrin tim. Kjo është vërtetë corientim, poshtëruese, jo dashamirësi, jo mbështetje dhe u kuptua qartë se aktiviteti dukej sikur ishte në shërbim të një shkolle tjetër që fillimisht na ka kërkuar aq ndihmë si ta hapte.

Sinqerisht kurrë, kurrë s’do ta bëja një gjë të tillë, duke i rrëmbyer punën tjetrit dhe ta ndërtosh lavdine tënde në kurrizin tonë…

Dhënia e librave të Abetares me nga 10 për cdo shkolle, ishte shumë konfuze, u krijua një gjendje tensionuese ku u ngritën pa radhë, pasi të vetëshpallurit u thirrën që në fillim morën librat dhe drejtues të tjerë dukej se nuk po merrnin libra. Ardhja e prindërve, nxënësve për të marrë librat krijoi tension të paparë, rrëmujë, radhë të madhe saqë Presidente Osmani me të drejtë u detyrua të largohej. Kjo gjendje krijoi irritim ndër prindër, nxënës, prandaj si drejtues të Alba Life e kemi ngritur nëpër isntitucione që ardhja e librave duhet bërë ligjore nga shteti amë dhe Kosova dhe jo të jepen dhuratë nga 10 libra sa për t’u dukur. Shtroj pyetjen po nxënësit e tjerë nuk duan abetare?

Sidoqoftë më duhet të them publikisht dhe të dokumentuar se TV dhe Shkollat Shqipe “Alba Life” u themeluan në shërbim të Kosovës dhe Gjuha Shqipe e Kombit tim e bën ato të mos e ndalojnë këtë Mision të shenjtë.

Të punosh në këtë shkollë nga më prestigjiozet është nder, përkushtim dhe detyrim moral. Ne ndihemi të gëzuar që shumë mësues, prindër, nxënës i kanë qëndruar besnik këtij misioni ashtu sic duhet të veprojë cdo shqiptar e bir shqiptari. Ajo që mësojmë nga ky Institucion arsimor kulturor është meritokracia. Këtë e mësuam mirë dhe e ndjemë nga afër, kur Parlamenti dhe Senati i Nju Jorkut u cuan në këmbë për këtë punë kolosale të Shkollave Shqipe “Alba Life”, dhe u dëgjuan zërat tanë, u vlerësua MESIMI SHQIP Në NEW YORK DHE Në ONLINE. Kjo ndodhi për herë të parë në historinë e Diasporës Amerikane, që të dëgjohen gjuha shqipe në gojën e politikaneve amerikanë të votuar nga 18 milionë nju jorkez, ku u nderua me një sezion të vecantë. Kjo ndodh sepse ne punojmë bashkë për një qëllim madhor dhe amerikanët e kanë në kulturën nderimin e punës vullnetare dhe të dobishme. Shpresoj shumë që vendi ynë, liderët e vërtetë apo dhe të vetëshpallur që s’duhet të pranohen pa vota se është dhunim i demokracisë të mësojnë nga vendet më të zhvilluara, më të civilizuara të mësojnë nga Burrat e vërtetë të Kombit dhe Diasporës sidomos ata që janë votuar masivisht për 18 vite nga prindërit, nxënësit dhe mësuesit dhe i përhapën shkollat Shqipe në gjithë Nju Jorkun duke sakrifikuar dhe privuar që mund të bënin jetën e tyre sa më “lluksoze” private…

Urime dhe le të vazhdojmë të ecim pa u ndalur krah për krah si 36 Shkronjat e Alfabetit Shqip pranë Shkollave Shqipe “Alba Life” Ambasador i Kombit!

Këta nxënës dhe jo vetëm Alba Life, ku dhe për shumë shkolla të tjera të hapura në Diasporë kemi shkruajtur reportazhe, filmuar, fotografuar meritojnë shumë e më shumë, sepse bashkë e mbrojmë më shumë amanetin e të parëve dhe Kombin.

Ndërsa punoja, takoja nxënësit e Alba Life apo prindërit e shumtë më dukej se në auditoriume dëgjoja zërin brilant të Gjergj Fishtës që s’do të shuhet sa të ketë shqiptar mbi dhe si:

Edhe shqyp na thanë se Zoti,

për shqyptarë Shqypninë e fali,

se sa t’enden stina e moti,

do ta gzojn kta djalë mbas djali.

Dita e parë e shkollës ishte plot me dritëza perëndie, dritëza shqip që të motivon për ta vazhduar Misionin Kombëtar që tashmë hymë në vitin e 18-të pa u ndalur.

21 shtator

Bronxc New York

Agim Aliçkaj,
Anëtar i Bordit Ekzekutiv të LQSHA
Bronxville, NY, Më 16 shtator 2024/

– Fjala ime në takimin e Ligës Qytetare Shqiptaro-Amerikane me kongresmenin Jerry Nadler në shtëpinë time

I nderuar kongresmen Nadler,

Mirë se vini në shtëpinë tonë! Sipas traditës shqiptare shtëpia jonë i përket Zotit, familjes dhe mysafirit. Ishte kjo traditë që mirëpriti dhe shpëtoi shumë hebrenj të pafajshëm gjatë Holokaustit, të cilët jetuan ose arritën në Kosovë dhe trojet e tjera shqiptare. Jam shumë krenar që babai im Arif Aliçkaj ishte një nga shpëtimtarët që mori pjesë në këtë përpjekje mbarëkombëtare.

Populli i lashtë paqësor shqiptar nuk ka sulmuar kurrë askënd, gjithmonë në mbrojtje të lirisë së tij, duke mbrojtur fëmijët, familjet, shtëpitë dhe tokën e tij nga agresorët si Serbia që u mboll në Evropën Juglindore nga Rusia. Regjimet Serbe në bashkëpunim me Kishën dhe Akademinë e shkencave, janë përpjekur gjithmonë të asgjësojnë shqiptarët, të rrëmbejnë tokën e tyre dhe të kënaqin dëshirat e tyre hegjemoniste për të krijuar Serbinë e Madhe dhe për të siguruar daljen e Rusisë në detin Adriatik.

Në vitin 1990, me familjen time më është dashur t’i shpëtoj okupimit dhe shtypjes së popullit shqiptar të Kosovës nga diktatura komuniste serbe. Unë pata fatin të emigroja në vendin më të mirë në botë, SHBA, në vendin e mundësive dhe ëndrrave të bëra realitet për këdo që dëshiron të punojë shumë. Sot, si shumë bashkatdhetarë të tjerë këtu, po jetoj ëndrrën amerikane.

Menjëherë hyra në Ligën Qytetare Shqiptaro-Amerikane për të ndihmuar popullin tonë nën pushtimin serb. Jam i nderuar dhe shumë i lumtur që kam punuar me Presidentin e Ligës, ish Kongresmenin Joe DioGuardi, Këshilltaren për Çështjet e Ballkanit Shirley Cloyes DioGuardi dhe anëtarët e Bordit të Ligës për më shumë se 34 vjet. Dëshiroj të falënderoj Shirley’n dhe Joe’n për lidershipin dhe rolin e tyre të jashtëzakonshëm në çlirimin dhe pavarësinë e Republikës së Kosovës.

Çlirimi i Kosovës u mundësua nga Shtetet e Bashkuara të Amerikës dhe NATO-ja, të cilët ndihmuan rezistencën paqësore të Dr. Ibrahim Rugovës dhe në vitin 1999 Ushtrinë Çlirimtare të Kosovës-UÇK, duke luftuar ushtrinë serbe dhe forcat paramilitare terroriste të komanduara nga krimineli i luftës Slobodan Millosheviq, i cili kreu një gjenocid duke vrarë më shumë se 15,000 civilë, duke zhvendosur 1 milion njerëz, duke përdhunuar 20,000 gra dhe duke masakruar 1,432 fëmijë, përfshirë foshnjat.

Pas ndërhyrjes së suksesshme dhe kapitullimit serb, bashkësia ndërkombëtare nuk arriti të bëjë një gjë shumë të rëndësishme që presidenti Biden sugjeroi si senator, denazifikimin e Serbisë. Regjimi serb i ministrit të dezinformimit të Millosheviqit, Aleksandar Vuçiq, sot është saktësisht i njëjtë me atë të Millosheviqit, e njëjta ideologji fashiste, me të njëjtat synime për të dominuar Ballkanin.

I kontrolluar dhe i drejtuar nga Putini, regjimi shkatërrues i Vuçiqit po promovon hapur axhendën ruse. Ata refuzojnë të sanksionojnë Rusinë, lavdërojnë kriminelët e luftës dhe refuzojnë t’i nxjerrin ata para drejtësisë, përfshirë ata që vranë tre amerikanë – vëllezërit Bytyçi, si dhe refuzojnë të kthejnë trupat e personave të zhdukur me forcë. Ata trajnojnë banditët që kërcënojnë minoritetin serb që të mos marrin pjesë në jetën demokratike të Kosovës, duke djegur makinat dhe shtëpitë e tyre.

Në maj të vitit të kaluar, kriminelët serbë kryen trazira dhe rrahën ushtarët e NATO-s, ndërsa më 24 shtator, të komanduar nga kryekrimineli Radojçiq, i cili bredh lirshëm nëpër Beograd, bënë agresion ndaj Kosovës me aktin terrorist në Banjskë, duke vrarë policin në detyrë z. Afrim Bunjaku.

Mbi të gjitha, ata tallen me dialogun e lehtësuar nga ndërmjetësit evropianë duke refuzuar të nënshkruajnë dhe zbatojnë marrëveshjen e BE-së të propozuar nga presidentët Macron dhe Scholz. Në të njëjtën kohë, ata po vazhdojnë me destabilizimin e Bosnjës dhe Malit të Zi.

Politikanët dhe diplomatët evropianë nuk janë të gatshëm t’i bëjnë ballë shantazheve dhe agresionit serb për arsye gjeopolitike, me shpresën se Serbia do të largohet nga Rusia për në Evropë, gjë që nuk do të ndodhë kurrë. Në vend të kësaj, ata po i bëjnë presion viktimës, qeverisë demokratike të Albin Kurtit, duke i kërkuar të bëjë lëshime të dëmshme të pajustifikuara, duke e fajësuar atë për të gjitha keqbërjet dhe intrigat serbe.

Departamenti ynë i Shtetit ka ndjekur verbërisht politikën e dështuar evropiane, e cila ishte një surprizë e madhe për të gjithë neve, duke ditur se Presidenti Biden është shumë i njohur me situatën në Ballkan dhe agresionin serb.

Republika e Kosovës e udhëhequr nga liderët demokratik properëndimorë, presidentja Vjosa Osmani, kryeministri Albin Kurti dhe kryeparlamentari Glauk Konjufca, është duke bërë gjithçka në rregull, duke zbatuar rendin dhe ligjin, duke ndërtuar demokracinë dhe jetën e sigurt për të gjithë në Kosovë, përfshirë minoritetin serb.

I frustruar dhe i pakënaqur me të arriturat e Kosovës, regjimi despotik serb i A. Vuçiqit ka përqendruar të gjitha forcat për ta shkatërruar Kosovën duke kërkuar krijimin e Asociacionit të Komunave Serbe si parakusht, pa pranuar marrëveshjen e BE-së dhe pa njohur pavarësinë e Kosovës.

Kjo është një çështje që ju e kuptoni shumë mirë, i nderuar kongresmen Nadler, si anëtar i rangut të Komitetit Gjyqësor. Shtetet e Bashkuara dhe vendet më demokratike e kanë njohur Republikën e Kosovës, në bazë të planit të Ahtisaarit të përgatitur prej tyre, i cili garanton me Kushtetutë të drejtat më të larta që mund t’i gëzojë ndonjë pakicë në botë. Qeveria e Kosovës po e zbaton me besnikëri këtë plan.

Kërkesa e Serbisë për t’i dhënë autonomi shtesë pakicës së tyre ka vetëm një qëllim, ta bëjë Kosovën jofunksionale, të nënshtruar ndaj ndarjes dhe shkatërrimit të plotë. Është afërsisht i njëjti numër, rreth 80 mijë shqiptarë që jetojnë në Serbinë jugore, të cilët po diskriminohen dhe pastrohen etnikisht nga regjimi serb. Pse nuk mund të gëzojnë të njëjtat të drejta si serbët në Kosovë? Pse nuk mund të kenë edhe ata Asociacion të komunave me shumicë shqiptare?

Krahasimi i të drejtave tregon se serbët në Kosovë kanë spitalin e tyre, universitetin e tyre në gjuhën serbe, diploma të njohura, 10 vende të rezervuara automatikisht në parlament me të drejtë vetoje, një ministër e kështu me radhë. Shqiptarët në Serbi nuk kanë asgjë nga këto, ndërsa në të njëjtën kohë më shumë se 6000 adresa të tyre janë hequr nga regjistri pa të drejtë vote.

Populli i Kosovës kërkon drejtësi, jo hakmarrje ndaj Serbisë, e cila ende duhet të pranojë dhe të kërkojë falje për gjenocidin. Ata vetëm kërkojnë të kenë të drejtën e ekzistencës në tokat e tyre stërgjyshore. Në këtë drejtim, ne ju lusim me mirësi që mundësisht të përdorni fuqinë dhe lidhjet tuaja në Kongres dhe administratën e Biden-Harris për të ndihmuar popullin më pro-amerikan të Kosovës të jetojë i lirë në paqe dhe demokraci duke:

– Kërkuar nga Shtëpia e Bardhë dhe Departamentit i Shtetit që të përfshihen drejtpërdrejt në dialog duke udhëhequr, jo duke e ndjekur Evropën. Presim vetëm zbatimin e drejtësisë së barabartë për të dyja palët e përfshira, duke i bërë presion serioz Serbisë që të nënshkruajë marrëveshjen e BE-së pa parakushte, veçanërisht pa Asociacion të dëmshëm e të panevojshëm të komunave serbe. Siç ka deklaruar më heret Presidenti Biden, njohja reciproke dhe anëtarësimi i Kosovës dhe i Serbisë në BE, duhet të jetë rezultati përfundimtar i dialogut.

– Organizuar një seancë dëgjimore, pas zgjedhjeve të nëntorit, për të trajtuar dhe vlerësuar situatën e përgjithshme, si dhe të drejtat e shqiptarëve në Serbi dhe serbëve në Kosovë.

Ne e kuptojmë se ka probleme më të mëdha dhe më të rrezikshme në botë me të cilat SHBA duhet të merren, si lufta në Ukrainë dhe Gaza, por problemi në Ballkan është i ndërlidhur. Të gjitha këto probleme shkaktohen nga vendet e “boshtit të së keqes”, Rusia, Serbia, Kina, Koreja e Veriut, Irani, Siria, Hezbollahu dhe Hamasi. Rusia është veçanërisht e interesuar të përdorë Serbinë për të hapur një konflikt të ri në Ballkan, në mënyrë që lufta në Ukrainë të bëhet më e lehtë për ta.

Rafaela Prifti/

September 17 is National Voter Registration Day. It is a nonpartisan civic holiday dedicated to celebrating democracy including the rights, responsibilties and opportunities we share as Americans. You can pick up a voter registration form or information about how to vote at several sites and official locations including your local library. If you are a newly naturalized American or first-time voter, there are online guides to voting that are accessable in the state of your residency. And if you have a few minutes to spare and are curious about voting rights history, here is a quick overview of healines going back to the 1700s.

1700s Voting was generally limited to white property holders: “Despite their belief in the virtues of democracy, the founders of the United States accepted and endorsed severe limits on voting. The U.S. Constitution originally left it to states to determine who is qualified to vote in elections. For decades, state legislatures generally restricted voting to white males who owned property. Some states also employed religious tests to ensure that only Christian men could vote.” Carnegie Corporation of New York

1800s During the early part of the 19th century, state legislatures began to limit the property requirement for voting. However, many states, particularly in the South, used a range of barriers, such as poll taxes and literacy tests, to deliberately reduce voting among African American men.

1920 – After decades of organizing and activism, women nationwide won the right to vote with the ratification of the 19th amendment to the U.S. Constitution in 1920.

1960 Southern States ramp up barriers to voting

1964 24th Amendment targets poll taxes. It was approved by Congress in 1962 and ratified by the states two years later. In a 1966 case, the Supreme Court ruled that poll taxes are unconstitutional in any U.S. election.

1965 Voting Rights Act passes Congress

1971 President Nixon sign the 26th amendment bringing down the voting age to 18 from 21.

1975 Voting Rights Act expanded to protect language minorities

1982 Congress requires new voting protections for people with disabilities

1993 Congress passed the National Voter Registration Act known as “motor voter”. The law required states to allow citizens to register to vote when they applied for their drivers’ licenses. It also required states to offer mail-in registration and to allow people to register to vote at offices offering public assistance. In the first year of its implementation, more than 30 million people completed their voter registration applications or updated their registration through means made available because of the law.

2000 Election problems spotlight need for reform. The extremely close Bush-Gore Presidential race led to a recount in the state of Florida that highlighted the problems plaguing U.S. elections.

2002 Congress passes the Help America Vote Act

2013 Supreme Court strikes a blow to the Voting Right Act

2014 Voting Right movement coalesces to fight supression

2016 Presidential Election and claims of fraud. “After President Trump was elected despite losing the popular vote, he and his supporters made claims that large numbers of people voted illegally. The narrative about fraud ultimately resulted in President Trump convening the Presidential Commission on Election Integrity, which disbanded in January 2018 without presenting any evidence or findings.” Carnegie Corporation of New York

November 2018 Election draws record number of voters, problems remain

Through 2020, there have been 59 presidential elections.

Currently on view, the Polonsky exhibition of the New York Public Library’s Treasures, includes objects and documents related to the history of democracy and civic life, among them a handwritten copy of the Bill of Rights from 1789.

Source: Carnegie Corporation of New York is an influential foundation established by Andrew Carnegie (1835–1919) in 1911 “to promote the advancement and diffusion of knowledge and understanding.”

Sokol Paja*/

Lavdi jetës dhe veprës së Imzot Fan Nolit, intelektualit, diplomatit, prijësit shpirtëror, shtetarit, atdhetarit e shqiptarit të shquar të shekullit 20-të. Imzot Noli është pa dyshim një prej figurave më poliedrike të kombit shqiptar i cili la gjurmë të pashlyeshme në historinë e shtetit, kombit dhe mërgatës shqiptare të Amerikës. Në Lidhjen e Kombeve Imzot Noli i bëri një shërbim të shquar diplomatik shtetit e kombit tonë në rrafshin e politikës dhe diplomacisë ndërkombëtare.

Me veprimtarinë politike, fetare, diplomatike e komunitare, letërkëmbimet e shumta me personalitete botërore si politikanë, diplomatë e shkrimtarë, Imzot Noli themeloi diplomacinë shumëplanëshe të shtetit shqiptar. Imzot Noli krijoi një shkollë të mendimit politik e oratorisë shqiptare në skenën politike të Shqipërisë së viteve 20-30-të. Si orator elegant e sharmant, si mendje e një kalibri të lartë, si gjeni e brilant, me gjuhë të pasur e stil oratoriko-biblik, me fuqinë e argumentit dhe bindjes, retorikës patriotike, dijeve të shumta, miqësitë dhe kultura e lartë e Imzot Nolit u shëndërruan në një model të shkëlqyer përfaqësues, në një fuqi bindëse të jashtëzakonshme në ligjeratat e tij publike, politike e diplomatike në interes të shtetit e kombit shqiptar.

Imzot Noli si mjeshtër i përdorimit të shembujve, retorikës, logjikës, fakteve konkrete, të dhënave historike, ilustrimeve gjeopolitike, oratorisë sipërore, fuqinë logjike e analizuese, argumentuese, polemizuese dhe guximin e tij përballë udhëheqësve botërorë, në Lidhjen e Kombeve, shënoi një sukses diplomatik e historik për kombin tonë në njohjen e pavarësisë shtetërore, përforcimin e sovranitetit e integritetit territorial dhe afirmimin e kombit shqiptar krahas shteteve më të fuqishme të botës. Pranimi i Shqipërisë në Lidhjen e Kombeve falë punë së jashtëzakonshme të Imzot Nolit e delegacionit shqiptar, ishte një akt unik në historinë kombëtare pasi sanksionoi shtetin shqiptar si subjekt të së drejtës ndërkombëtare.

Fan Stilian Noli si një ndër figurat më të shquara e të kompletuara të skenës politike, diplomatike, fetare e atdhetare në historinë e Shqipërisë të shekullit të 20-të, la pas një trashëgimi të jashtëzakonshme kulturore, politike, shpirtërore e diplomatike me kontributin e tij të çmuar si shkrimtar, filozof, publicist, poliglot, përkthyes, aktivist i mërgatës së Amerikës, orator, diplomat, politikan, historian, muzikant, teolog e shtetformues, ku shoqëria, institucionet, shteti e kombi shqiptar i janë borxh përjetë. Figura politike, kulturore, fetare dhe historike e Fan Nolit mbetet një nga më të shndritshmet në panteonin e lavdishëm të shërbestarëve të kombit shqiptar.

*Fjala e editorit të gazetës Dielli në aktivitetin përkujtimor kushtuar veprimtarisë së Fan Nolit në Lidhjen e Kombeve, mbajtur në New York në Selinë e Kombeve të Bashkuara më 9 shtator 2024.