Mesazhi i veprimtarisë së sotme tek Restaurant AMICI në Cherry Hill NJ, me pronar atdhetarin Alex Shefit Daku.

Titulli i shkrimit janë vargjet e këngës që janë kënduar e këndohen më së shpeshti në gëzimet e manifstimet tona në vendlindje, por edhe në diasporë. Ato kanë ngritur peshë zemrat tona duke sjellë emocione të mëdha, dashuri e bashkim. Por jo vetëm kaq. Ato sjellin shpresë, fuqi e përparim të viseve shqiptare kudo brenda e jashtë Shqiperisë tonë të ndarë.
Këto vargje shprehin historikun e trojeve tona, të mbështjellë me emrin e atyre që na mbrojten nga çbërja kur ne sa kishim lindur si shtet. Dhe mbështetja amerikane na shoqeroi pa kursim në cdo hap e moment tjetër kur shqiptarët ngriheshin për emrin e lirinë e tyre. Tashmë ne e dimë, se kjo nuk ka qenë një mbështetje e thjeshtë por dicka vendimtare që ka përcaktuar fatet e Shqiperisë në historinë e saj, që nga luftërat e I-rë dhe e II-të botërore, deri tek pavarësia e Kosoves e shtet-formimi i saj. E megjithatë ne duhet të themi se një faktor i rëndesishëm për sigurimin e kësaj mbështetje përvec dashamirësisë pa kushte të udhëheqesve e popullit në SHBA, ka qenë dhe është kontributi i madh i Diasporës shqiptare këtu që nëpermjet emrave e figurave patriotike të njohura punuan e luftuan pa u lodhur për të kërkuar të drejtat e shqiptarëve që akoma janë të pa bërë bashkë. Me plotë gojën mund të themi se Diaspora shqiptare e hershme apo dhe e re në Amerike, ka kontribut sa ” një Mal” në cështjen tonë kombëtare, por misioni vazhdon.
Tashmë kanë kaluar vite e dekada dhe Diaspora shqiptare jo vetëm është rritur në numër e cilësisht kudo, por vecanërisht këtu në Filadelfia po shkohet drejt një Shqipërie të vogël “. Sigurisht jo fizikisht, por me bashkatdhetarët që përbëjnë komunitetin e këtushëm nga të gjitha trojet shqiptare prej rreth 30 mijë personash me shkollën shqipe “Gjuha Jonë” prej 20 vitesh, me Qendrën social – kulturore që gumëzhin në cdo kohë prej rreth 22 vitesh, me brezin e ri që avancon cdo ditë në shkollim, shkencë, bisnes etj, kemi sjellë Shqipërinë tonë në Amerikë. Shoqata Mbarëshqiptare Atdhetare – Kulturore ” Bijte e Shqipes “, prej rreth 22 vitesh po punon intensivisht cdo vit e më mirë, që ky komunitet të ndjehet sa më i bashkuar e i lumtur edhe këtu larg atdheut, të ndjehet krenar me gjuhën,
historinë e kulturën tonë kombëtare, duke i trashëguar ato ndër brezat e ardhshem.
Për ti shërbyer sa më mirë këtij qëllimi, me ndjeshmërinë e mbështetjen e më shumë se 500 familjeve shqiptare që patën mundësi të kontribonin, u ble para pesë vitesh një ambjent i ri për Qendër të komunitetit, i bukur, i bollshëm e me histori mbresëlenëse 250 vjecare. Shumë pengesa objektive e subjektive patëm gjatë këtyre viteve për ta restauruar këtë ambjent, ndërsa pak muaj më parë janë plotësuar të gjitha kërkesat ligjore dhe tashmë ka filluar edhe puna.
Por projekti i restaurimit të kësaj Qendre të re ku do të funksionojë edhe shkolla shqipe në përmasa më të mëdha në numër të nxënësve, kërkon përsëri kontribut financiar e punë nga bisneset e familjet shqiptare, të cilëve u është bërë thirrje nga këshilli drejtues i shoqatës që ta vleresojnë këtë proces duke shprehur bujarinë e humanizmin si deri më tani. Përvoja jonë është shumë konkrete.
ALEX DAKU gjithmonë në vijën e parë
I lindur në Radomirën rrëzë Korabit dhe i rritur në Tiranë, Alexi pasi mbaron shkollën e mesme në vendlindje, emigron për disa vite në Itali dhe përmes vështërsish arrin të futet në SHBA. Punoi si shef guzhine në një restaurant prestigjioz në Nju Jork për 5-6 vite dhe prej 11 vitesh udhëheq bisnesin e tij të ushqimit e Realstate në Cherry Hill të Nju Xhersit, në AMICI Resaturant dhe në Filadelfia. Pasuria e tij nuk është e madhe sa e disa bashkatdhetarëve ketu, por Alexi ka zemrën e shpirtin e madh. Kështu kanë qenë edhe paraardhësit e tij. Gjyshi Selim Daku, ish partizan në luftën për clirim e ushtarak për disa vite pas clirimit, shquhej për zgjuarsi, zotësi e xhymert. Po ashtu edhe babai i Alexit, Shefiti, i tillë e mbylli jetën. Efektin e dominimit të trashëgimisë, populli e ka perjetësuar me shprehjen shumë domethënëse: “Në mos rrjedhtë, do të pikojë “. Dhe kjo është shumë e dukshme edhe në rastin e këtij bashkatdhetari. Ai na mblodhi sot në restaurantin e tij të bukur ” AMICI në Cherry Hill, nëpërmjet një Ftese publike të shpërndarë nga shoqata “Bijte e Shqipes ” në FB, për një drekë me qëllim mbledhje fondesh për nevojat e punës në Godinën e re
Pasi uroj mirëseardhjen e qëllimin e kësaj dreke nëpërmjet të cilës e gjithë shuma monetare që do të grumbullohet nga pagesa e biletave të pjesëmarrësve do të kalojnë në llogarinë e shoqatës Bijte e Shqipes, z. Daku premtoi edhe një tjeter takim të tillë pas pak kohe, dhe ja kaloi fjalën kryetarit të kësaj shoqate z. Dritan Matraku. Pasi falenderon Alexin për këtë ftesë e organizim domethënës e kuptimplotë, z. Matraku i njohu pjesëmarrësit me bujarinë, mbështetjen e atdhedashurinë e dukshme të tij të shprehura ndër vite në nevojat e thirrjet e
ndryshme për kontribute në komunitet. Aleksi është një emër i njohur në këto drejtime, vazhdoi ai, ndërsa na ka bërë krenar të gjithëve ne bashkatdhetarët e tij vecanërisht gjatë periudhës të Covid 19 kur hapi dyert e këtij restauranti duke u shërbyer ushqim falas atyre që kishin nëvojë në atë kohë tepër të vështirë, apo duke dërguar e shpërndarë ushqimin në institucione të tilla si spitale, rajone të policisë etj. Prandaj në atë kohë emri i bisnesit të tij “AMICI Restaurant “ u bë i dukshëm e i falenderuar nga gazetat e stacionet televizive të ndryshme si këtu në NJ ashtu edhe në vendlindjen tonë, Shqipëri.
Për të gjitha këto cilësi, mbështetje e kontribute të vazhdueshme zotit Alex Daku iu akordua nga këshilli drejtues i shoqatës “CERTIFIKATE MIRENJOHJE “, e cila u dorëzua nga kryetari z. Dritan Matraku.
Në vazhdim ai i njohu pjesëmarrësit me ecurinë e punimeve të deritanishme në Qendrën e re apo punime që janë marrë përsipër nga bisnese të ndryshme, por edhe nevojat që kemi për të tjerë mbështetës për të përfunduar rindërtimi i objektit. Ai evidentoi kompaninë ” Ferko Plumbing “ që zotërohet nga Ferhat Ferko e cila përfundoi instalimin e sistemit te shkarkimit të ujrave nga jashtë objektit (ku vlera e shpenzimeve ishte mbi $30 mijë), dhe z. Altin Rrapushaj për fillimin e këtyre punimeve brenda tij. Gjithëashtu, Z. Mexhit Koboci, z. Roland Ismailanji dhe z. Albert Sula kanë marrë përsipër instalimet elektrike dhe kostoja tejkalon $25 mijë.
Më pas u ftua sekretarja e re e shoqatës, zonja e nderuar Julida Çepele e cila i dorëzoi bisnesmenit Ajet Pajollari Certifikatën e Mirënjohjes që këshilli drejtues i ka akorduar atij për mbështetjen e kontributet ndaj shkollës shqipe. Ndërsa zv. kryetari i shoqatës, z. Mexhit Koboçi ftoi z. Albert Sulaj dhe i dorëzoi atij vlerësimin nëpërmjet Certifikatës së Mirënjohjes që i ka akorduar gjithashtu ky këshill për kontribut të vecantë e marrje përsipër të punëve në Godinën e Re.
Por shoqata “Bijte e Shqipes “sic thamë më sipër, ka 22 vite jetë. E në këtë morì vitesh janë evidentuar e vlerësuar shumë bashkatdhetar të tjerë të fushave e moshave të ndryshme, të cilët jo vetëm kanë lartësuar veten e familjet me arritjet e tyre, por të gjithë komunitetin e shqiptarinë anë e mbanë. Në veprimtarine e sotme ishin të ftuar edhe trashegimtar të familjes Risilia që falë asaj ne kemi sot qendrën ekzistuese të komunitetit por edhe shkollën shqipe, të cilët i kemi falenderuar e vlerësuar në cdo rast. Por sot kishim edhe një emër tjetër, që e rrit edhe më shumë frymën e deritashme të bashkimit e besimit për të cuar më tej misionin tonë :
Dr. Neurokirurg GENTIAN TOSHKEZI
Njeriu i ditur është edhe i thjeshtë. Prandaj Dr. Gentin e gjen gjithmonë pas punës me miqtë e shokët e tij, me pjestar të komunitetit, në kafe e biseda ndihme për to. Ai ka lindur në Lushnje ndërsa ka mbaruar me Medalje Ari, Universitetin Shteteror në Tirane për mjekësi në vitet ’90 -të dhe është specializuar për Neurologji. Ne studimet e specializimet e mëpastajme në Paris, Vjenë, Bruxel e Amerikë, fiton specialitetin si Neurokirurg. Ka punuar në spitale me emër në Boston e Nju Jork, ndërsa para 7-8 vitesh vendoset në Filadelfia me familjen pasi fiton të drejtën për të punuar në specialitetin e tij në spitalin më të madh këtu “ Jefferson Hospital”, ndër më të njohurit në Amerikë. Duke vlerësuar aftësitë e profesionale e njerëzore, në vitin 2020 shpallet në dhjetëshen e mjekëve më të mirë të këtij spitali në të gjithë Amerikën. Para pak muajsh është përzgjedhur si Drejtor i Departamentit të Neurokirugjisë në spitalin e Merylandit. Eshtë vlerësuar para një viti nga shoqata “Bijte e Shqipes”me Certifikatën “Nderi i Komunitetit “, ndërsa nga Presidenti i Republikes të Shqiperise mban Medaljen : “Kalorësi i Skenderbeut “. Vleresimet në shqip janë më të pëlqyeshme për Dr. Gentin.
Në përshendetjen e tij në drekën e sotme tek Restaurant Amici, ai shtoi krenarinë shqiptare duke përmendur emrat e këngëtarëve të mëdhaja shqiptare në Amerikë : “Operacionet neuro – kirurgjikale që ne zhvillojmë, zgjasin zakonisht 4-5 ore, thotë Dr. Genti . Prandaj vendosim radion në emisionet muzikore, per te punuar më qetësisht. Një ditë me rastisi dicka e rrallë. Në emisionin muzikor në radio dolën për të kënduar tri këngëtaret tona të mëdhaja Dua Lipa Bebe Rexha e Rita Ora . Pjestaret e ekipit po habiteshin kur unë po thoja për të parën “Eshtë shqiptarja ime“, pastaj për të trea radhazi të njëjtën shprehje, por me krenari të madhe …”
Ishte një atmosferë e bukur e krijuar pas kësaj përshendetje të doktorit, pasi cdo ditë e me shumë po shohim që geni shqiptar i përhapur në të gjithë botën, po rritet e shkëlqen më së miri, duke qenë një garanci e zhvillimit, konsolidimit e trashëgimisë tonë kombëtare.
–
,
Duke u kthyer në këtë shkrim tek ai që na ftoi në këtë drekë fondmledhëse, z. Alex – Astrit- Shefit Daku mu kujtua një burrë i mencur shumë vite të shkuara nga i cili mbaj mend thelbin e bisedës me të: “… Lutu e dhuro për paraardhësit tuaj. Dhe ne se nuk ke mundësi ti ndjekësh në veprën e tyre, të paktën mos i bëj pis me jetën tënde …”. Alexi dhuroi sot për “Bijte e Shqipes“, përvec $ 7,300 dollar të grumbulluar nga dreka, edhe $200 të tjera dhuruar nga nëna e tij Lavdija.
Të lumtë Astrit !
Shpresojmë që shumë të tjerë si ju, ti japin frymë unitetit e besimit ashtu si më parë, për të përfunduar Qendren e Re dhe Shkollën Shqipe të komunitetit tonë, duke i dhënë më shumë jetë “Shqipërisë së Vogël ” në Filadelfia.

Nga: Tajar Domi*
• Ish kryetar i shoqates ” Bijte e Shqipes
Filadelfia, me 1 Tetor 2023

Nga Keze Kozeta Zylo/

Pas hapjes së shkollave shqipe në Staten Island për këtë vit nga “Alba Life” Ambasador i Kombit, vazhdoi suksesshëm edhe në Bronx, Queens dhe në Online.

Mësuesit dhe staffi i Shkollave Shqipe “Alba Life” mund ta themi me plot krenari se kanë pasur sukses për ditën e parë të Vitit Akademik 2023-2024, çka më vjen në mendje urtia popullore që thotë: “Fillimi i mbarë gjysma e punës”.

Kjo javë ka qenë shumë e ngjeshur me ceremonitë e ditës së parë dhe natyrisht e pamundur të vinim si Bord në të gjitha shkollat, konkretisht në Bronx shkuam së bashku si çift, ndërsa në Staten Island mori pjesë Dr. Valbona Zylo Watkins ku klasat janë nën kujdesin e mësueseve profesioniste Entela Muda, Elona Shkreta pasi fillimi i shkollave është të shtunave në të njejtën kohë në orën 10:30 paradite.

Bronxi gumëzhinte i tëri, një numër i madh nxënësish dhe prindërish erdhën pranë shkollës publike amerikane: Shkolla e mesme “Columbus” e cila ka qenë anëtare e Fondacionit për shkolla të shkëlqyera që nga viti 1997.

Shkolla “Alba Life” vazhdon mësimin e Gjuhës Shqipe si dhe vallet dhe këngët popullore brenda këtij programi nga ora 10:30 deri në orën 1:00, tri orë mësimore. Qielli vesonte lehtë lehtë, dhe më dukej se ndjeja një lëmim dhe përkëdheli qiellore, kur merrnim librat e abetares nga makina , apo gjithë pajisjet e nevojshme shkollore dhe mediatike. Më herët kishin ardhur disa prindër bashkë me fëmijët e tyre shumë të gëzuar që do të fillonin shkollën.

Ceremonia e hapjes ishte madhështore, e bukur, emocionante me pikëza loti gjyshesh e cila u hap me Himnin Kombëtar ku midis të tjerash ata këndonin: Prej lufte veç ai largohet/ që është lindur tradhëtor/ kush është burrë, nuk frikohet/ po vdes, po vdes si një dëshmor!

Z. Qemal Zylo themelues i TV dhe Shkollave Shqipe “Alba Life” Ambasador i Kombi iu uroi gjithë të pranishmëve një vit të mbarë dhe tha se ndihej krenar që së bashku jemi në këtë Mision Kombëtar. Ai falënderoi të gjitha mësueset e përkushtuara që punojnë plot dinjitet nëpër klasa si mësueset Mehrije Shala dhe Kade Lajqi si dhe anëtaret e stafit si Edona Gjidiaj dhe Erlinda Shala që ndihmojnë në aktivitetet dhe vallet shqiptare.

Prezantoi para të gjithë prindërve dhe nxënësve, mësuesen e re Helena Ujkaj, një mësuese plot përvojë, e kualifikuar me master nga shteti amë dhe e integruar në arsimin amerikan. Ai tha se ndihej krenar që këto mësuese, brez i ri vinë pranë Shkollave Shqipe “Alba Life” dhe duan të japin kontributin e tyre. Mësueset Mehrije, Kade dhe Helena premtuan se do të bënin një punë shumë profesionale, do të punonin me zemër që nxënësit të mësonin shqip pranë kësaj shkolle prestigjioze.

Natyrshëm kishte dhe fëmijë që qanin sepse i donin mamatë e tyre pranë bangave, por nga përvoja ata mësohen aq shpejt sa mezi presin të shtunave të vinë pranë shkollës dhe kjo fal kujdesit të mësuesëve dhe stafit.

Programi vazhdoi me këngën aq të njohur dhe të dashur si UÇK që këndohet shpesh nga Shkolla Shqipe “Alba Life” ne NY, Ambasador i Kombit, nën interpretimin e nxënësit të talentuar Diellor Lajqi.

Ishte e magjishme kur shikoje nxënësit që këndonin: Për Atdhe këngës ja mora, apo vallëzonin dorë për dorë së bashku. Pranë kësaj shkolle nderuan me pjesëmarrjen e tyre tri artistë të mrekullueshëm si Luan dhe Rejhan Bexheti të cilët sollën vajzën e tyre simpatike Besën si dhe Valbona Peraj. Artisja simpatike Valbona Peraj mblodhi të gjithë nxënësit së bashku dhe kënduan “Xhamadani Vija Vija” duke e shoqëruar me simbolin aq të njohur kombëtar shqiponjën. Krenari t’i kishim midis nesh. Valbona Peraj gjithmonë ka qenë pranë kësaj shkolle dhe ne e falënderojmë për kontributin e saj e cila së fundi ka hedhur në treg këngën shumë të arrirë artistikisht “Mëkat” dhe e mirëpritur nga publiku I saj I shumtë.

Mësueset pas programit artistik morën secila nxënësit e vet dhe shkuan në klasat e tyre komode, të pastra dhe tejet të përshtatshme.

Brooklyn, Queens, Online, filluan Vitin e Ri akademik 2023-2024

Shkollat Shqipe Alba Life në NY vazhduan në Brooklyn me Vitin e Ri akademik 2023-3024. Ndonëse ishte ditë me shi të rrëmbyeshëm, përmbytje të mëdha dhe shumë shkolla u mbyllën, ne nuk u ndalëm para “furtunave”. Ja psh mësuese Fatlinda e kishte marrë vajzën shumë herët nga shkolla, Adelina si prind pasi na uroi tha se nuk e sillte dot Rilindin për shkak të kohës, Shkolla jonë në Brooklyn website shkruante “closed” e shumë episode të tjera që i konfuzuan veçanërisht prindërit e rinj. Natyrshëm i mireprësim herën tjetër.

Ndërsa një prind që solli fëmijën e rritur 13 vjeçe sot pranë shkollës më tha: Bija ime gjithmonë më kritikon që pse nuk e regjistrova që pesë vjece në Shkollen Alba Life, pasi ajo ka shoqen e ngushtë që flet shqip dhe vallëzon vetëm në saje të ekipit të kësaj shkolle…

Është bekim ta fillosh Vitin Akademik 2023-2024 me Himnin Kombëtar. Z. Qemal Zylo prezantoi para nxënësve mësuesen më të re të Shkollës Shqipe në Brooklyn Rozeta Hyseni, e cila po vazhdon në programin e doktoraturës, një mësuese me shumë përvojë në Shqipëri. Shumë urime mësuese Rozeta dhe kënaqësi që iu bashkove Misionit Kombëtar pranë Shkollave Shqipe “Alba Life” Ambasador i Kombit. Jemi të sigurtë se do ta përhapni dritën e diturisë plot kulturë. Shumë urime për ju mësuese Fatlinda Gashi që me profesionalizmin tuaj dhe dashurinë per Kombin po kontribuni pranë kësaj shkolle.

Krenari të kemi dy mësuese të kualifikuara plot kulturë dhe dinjitet me licensa nga Universiteti i Prishtines dhe Tiranës me master dhe kandidate për mbrojtjen e doktoraturës.

Shume urime nxënës dhe prindër të dashur!

Kur jam pranë jush, s’tretem, ngjallem,

sytë tuaj ngrohin si diell,

me ABC-n kurrë buzët s’ndalen,

ndaj thonë Zoti flet shqip në qiell…

Shtoj se me kaq pasion dhe profesionalizëm vepruan dhe shkollat e tjera si në Queens dhe në Online me mësueset plot përvojë të licensuara për mësuesi nga shteti amë si Vjollca Skënderi dhe Gresila Basha. Mesueset Skënderi dhe Basha kanë punuar fort në këtë program si me punën mësimore individuale, mësimdhënien e programuar, punën brenda një klase ose paralele, detyrat e shtëpisë.

Në një bashkëveprim nxënësit bashkëveprojnë me njëri-tjetrin dhe me shokët e tyre të klasës duke folur shqip dhe per t’i bërë ata më konfident. Natyrisht fjala e mësuesit mbizotëron në procesin mësimor. Përmbajtja paraqitet si ligjëratë e mësuesit dhe si një fjalim i kontrolluar. Ato kanë ditur ta menaxhojnë profesionalisht qëllimin e mësimit, pasi artikulon bukur Gjuhën Shqipe, cakton detyrat dhe jep rezultatin; e gjithë vëmendja iu është drejtuar nxënësve dhe për këtë kemi fjalë miradie nga nxënësit dhe prindërit e shumtë në këto 16 vjet punë dhe Shqip nëpër gjithë Nju Jorkun dhe në Online.

Fillimi i mbarë i Vitit të Ri Akademik 2023-2024 është ogur i mirë për mbarëvajtjen e procesit mësimor, për të cilin jemi shumë të përkushtuar për të arritur objektivat dhe qëllimin për këtë Mision Kombëtar.

TV “Alba Life” së shpejti do të sjellë kronikën e përgatitur enkas për këto shkolla filmuar nga z. Zef Ujkaj pranë shkollës në Bronx dhe do ta transmetojë në kanalet televizive.

Përgatiti Albano Kolonjari/

Në Brooklyn: Shiu i një muaji, deri në 4.5 inç, ra në vetëm 3 orë të premten në mëngjes, sipas të dhënave të Shërbimit Kombëtar të Motit. Sipas vlerësimeve të NOAA, ky total i reshjeve prej tre orësh pritet vetëm një herë në 100 vjet në Brooklyn . * Në Manhatan: Gati 2 centimetra shi ra në një orë në Central Park, ora e dytë më e lagësht atje në 80 vjet. Aty deri tani kanë rënë më shumë se 5 centimetra shi. Shiu rekord pushtoi sistemin e kanalizimeve të Nju Jorkut të premten, duke krijuar përmbytje ne rrugë, bodrume, shkolla, metro dhe automjete në të gjithë qytetin më të populluar të vendit.

Uji u ngrit shpejt dhe i furishëm, duke i zënë në befasi udhëtarë teksa kalonin në orën e pikut të mëngjesit të së premtes. Reaguesit e parë u hodhën në veprim aty ku ishte e nevojshme, duke nxjerrë njerëzit nga makinat e bllokuara dhe bodrumet e mbushura si vaska.

Më shumë shi ra në një ditë të vetme në Aeroportin Ndërkombëtar John F. Kennedy të Nju Jorkut – gati 8 inç – me shume se çdo tjetër që nga viti 1948. Shiu i një muaji ra në Brooklyn në vetëm tre orë pasi u godit nga disa prej stuhisë më intensive shkalla e reshjeve të premten në mëngjes.

Situata janë një simptomë e ndryshimit të klimës, thonë shkencëtarët, me një atmosferë më të ngrohtë që vepron si një sfungjer masiv, i aftë të thithë më shumë avuj uji dhe më pas ta shtrydhë atë në vërshime intensive, të cilat lehtë mund të mposhtin mbrojtjet e vjetruara nga përmbytjet.

“Në përgjithësi, siç e dimë, ky model i ndryshimit të motit është rezultat i ndryshimit të klimës,” tha Rohit Aggarwala, Shefi i Klimës i qytetit të Nju Jorkut në një konferencë shtypi të premten në mëngjes. “Dhe realiteti i trishtuar është se klima jonë po ndryshon më shpejt sesa mund të përgjigjet infrastruktura jonë.”

Një shi i përhapur prej 3 deri në 6 centimetra kishte rënë në të gjithë qytetin e Nju Jorkut pasdite të së premtes vonë. Më shumë shi do të bjerë gjatë mbrëmjes, por gradualisht do të zvogëlohet. Guvernatori i Nju Jorkut Kathy Hochul shpalli gjendjen e jashtëzakonshme për qytetin e Nju Jorkut, Long Island dhe Luginën Hudson të premten në mëngjes si më të rëndat nga përmbytjet. Në një intervistë me WNBC-TV të Nju Jorkut, ajo u bëri thirrje banorëve të qëndrojnë në shtëpi për shkak të kushteve të përhapura të rrezikshme të udhëtimit.

“Kjo është një ngjarje shumë sfiduese e motit,” tha Hochul. “Kjo është një ngjarje kërcënuese për jetën. Dhe unë kam nevojë që të gjithë njujorkezët t’i kushtojnë vëmendje atij paralajmërimi në mënyrë që ne t’i mbajmë ata të sigurt.” Guvernatori i Nju Xhersit, Phil Murphy gjithashtu shpalli gjendjen e jashtëzakonshme për shtetin e tij të premten pasdite.

Zjarrfikësit shpëtuan në gjashtë bodrume në qytetin e Nju Jorkut të përmbytur nga përrenjtë e ujit, sipas Departamentit të Zjarrfikësve të qytetit të Nju Jorkut.

Autoriteti Metropolitan i Transportit rivendosi plotësisht shërbimin në shtatë linja të metrosë deri të premten në mbrëmje, sipas Demetrius Crichlow, nënkryetar i lartë i Departamentit të Transitit të Metrosë në Nju Jork.

“Sot nuk ishte një ditë e lehtë për ne, por si njujorkezët, ne jemi elastik, vazhdojmë të vazhdojmë”, tha Crichlow.

Kryetari dhe CEO i MTA, Janno Lieber tha të premten në mbrëmje një nga tre linjat hekurudhore Metro-North – linja Hudson – dhe vuri në dukje se hekurudha e Long Island gjithashtu ka shërbim të mirë. MTA tha gjithashtu se po punon për të rivendosur shërbimin e kufizuar në dy linjat e mbetura të premten mbrëma.

Udhëtimi ajror nuk ishte më i drejtë. Vonesat e fluturimeve goditën të premten të tre aeroportet e zonës së Nju Jorkut. Përmbytjet brenda terminalit historik Marine Air në aeroportin LaGuardia të Nju Jorkut e detyruan atë të mbyllet. Terminali është më i vogli i aeroportit dhe u shërben linjave ajrore Spirit dhe Frontier.

Një këshillë udhëtimi mbetet në fuqi për qytetin e Nju Jorkut deri në orën 6 të mëngjesit të së shtunës ET me më shumë përmbytje të mundshme.

Zona me tre shtete të Nju Jorkut po përballet me një rrezik “të moderuar” të nivelit 3 nga 4 për përmbytje të menjëhershme për pjesën tjetër të ditës të premten, paralajmëroi Shërbimi Kombëtar i Motit. Kërcënimi nga përmbytjet shtrihet përtej qytetit të Nju Jorkut dhe prek rreth 25 milionë njerëz në të gjithë verilindjen.

Shiu i dendur do të zgjerohet në veri dhe lindje dhe do të ndikojë në një zonë të gjerë të New England-it jugor deri në mbrëmjen e së premtes. Shiu më i dendur në rajon do të përqendrohet në Konektikat, ku paralajmërimet për përmbytje ishin tashmë të vendosura të premten pasdite. Reshjet prej 3 deri në 4 inç goditën pjesën jugperëndimore të shtetit më herët të premten.

Një deri në 3 inç shi është gjithashtu i mundur nga Konektikati qendror në pjesë të Rhode Island deri të premten në mbrëmje. Pjesë të Masaçusets, duke përfshirë Bostonin, mund të numërojnë totalin e reshjeve të përhapura prej 1 deri në 2 inç në kohën kur shiu më i madh të përfundojë të premten mbrëma. Rekorde shiu

Normat ekstreme të reshjeve kanë prodhuar totale pjellore:

Në Brooklyn: Shiu i një muaji, deri në 4.5 inç, ra në vetëm 3 orë të premten në mëngjes, sipas të dhënave të Shërbimit Kombëtar të Motit. Sipas vlerësimeve të NOAA, ky total i reshjeve prej tre orësh pritet vetëm një herë në 100 vjet në Brooklyn.

Në Manhatan: Gati 2 centimetra shi ra në një orë në Central Park, ora e dytë më e lagësht atje në 80 vjet. Aty deri tani kanë rënë më shumë se 5 centimetra shi.

Në Queens: Është dita më e lagësht e regjistruar në Aeroportin Ndërkombëtar John F. Kennedy, tregojnë të dhënat paraprake nga Shërbimi Kombëtar i Motit. Të paktën 7.88 inç shi ka rënë atje që nga mesnata. (Marre nga CNN dhe shtypi lokal)