Kronike – Page 512 – Dielli

Dr. Berisha prapë me rekord

July 20, 2013 by dgreca

Deklarata e Kryeministrit: Arrita një rekord të ri, 145 minuta not në Dhërmi! Gati për beteja të reja…!/

TIRANË- Kryeministri në detyrë Sali Berisha ka arritur një rekord të ri personal në not. Lajmi bëhet i ditur nga vetë ai përmes faqes së Facebook, ku nuk ka ngurur të postojë edhe foto gjatë notit.
Teksa shprehet se është gati për beteja të reja, Berisha shton se ka notuar sot në Dhërmi për plot 145 minuta, 5 minuta më shumë se një vit më parë.
Një vit më parë kryeministri notoi për 140 minuta, rekord ky i thyer këtë vit. Edhe pse vitet e tjera rekordet në not i ka parë si një ogur të mirë edhe për karrierën politike, edhe këtë vit, pavarësisht se ka humbur zgjedhjet, Berisha shprehet optimist, kur thotë “Gati për beteja të reja”.
“Sot në Dhërmi bëra një check up në natyrë! Një rekord i ri u arrit. 145 minuta not të të gjitha stileve. Gati për beteja të reja, të fuqishme që na presin”, komenton Berisha.
Në një njoftim të zëdhënëses së tij Erla Mëhilli sqarohet se kryeministri së bashku me familjen, nipërit dhe mbesat ka zgjedhur edhe këtë vit të pushojë për disa ditë në Dhërmi.
“Ai vendosi një rekord të ri personal, duke notuar pandërprerë dhe duke përshkuar disa herë distancën deri tek Bovat, në plot 145 minuta. Pushimet në Dhërmi gjatë muajit gusht, për Kryeministrin Berisha, janë kthyer në një ritual pothuajse të përvitshëm”, theksohet më tej.(Kortezi:Balkanweb)

PRESIDENTJA MORI NE DOREZIM PETICIONIN E SHOQERISE CIVILE

July 19, 2013 by dgreca

Përfaqësues të shoqërisë civile i dorëzuan të premten presidentes së Kosovës, Atifete Jahjaga, peticionin e nënshkruar nga mbi 12 mijë qytetarë, me të cilin shprehet mospajtimi i tyre me versionin e tanishëm të Ligjit për Amnistinë.
Rrjedhimisht, përfaqësues të shoqërisë civile kërkuan nga presidentja që të përdorë autoritetin dhe kompetencat ligjore dhe të mos e nënshkruajë këtë ligj, para se ai të pësojë ndryshime shtesë.
Bashkë me peticionin, përfaqësuesit e disa organizatave qeveritare i kanë dorëzuar presidentes edhe një letër ku shoqëria civile pajtohet me miratimin e një Ligji për amnistinë, por se ai duhet të vlejë për integrimin e qytetarëve serbë të veriut në institucionet e Kosovës.
Ilir Deda, drejtor ekzekutiv i Institutit KIPRED, tha para mediave se shoqëria civile nuk është kundër Ligjit për amnistinë, por kërkon që ky ligj, si një akt që derivon nga Marrëveshja me Beogradin, të vlejë vetëm për integrimin e serbëve të komunave veriore dhe të mos amnistojë edhe vepra të jashtëligjshme të kryera në pjesët tjera të vendit.

“Republika e Kroacisë ka sjell Ligj të amnistisë vetëm për serbët për integrimin e tyre, Republika e Serbisë për shqiptarët në Luginë të Preshevës, Republika e Maqedonisë ka nxjerr Ligj për amnisti për shqiptarët në Maqedoni dhe për integrim të pjesës veriore të Kosovës duhet të amnistohen ata që duan të integrohen. Nuk mund të ketë amnisti për njerëz që janë edhe në Kuvendin e Republikës së Kosovës dhe të cilët e kanë shkelur ligjin apo të cilët janë afër partive politike”, tha Deda.
Ndërkohë, edhe Fisnik Korenica nga Grupi për Studime Juridike tha se në emër të nënshkruesve të peticionit, i kanë kërkuar presidentes që të kthejë ligjin në Kuvend për ndryshime të mëtutjeshme.
“Ne i kërkuam presidentes që të ushtrojë kompetencat e saj kushtetuese për ta kthyer ligjin në Kuvend dhe për t’i dhënë specifikisht ato zbrazësi juridike që ne mendojmë se ky ligj i ka. Ne jemi për një ligj mbi amnistinë, i cili i arrin dhe plotëson standardet bazike të një shteti të së drejtës dhe për një ligj mbi amnistinë që nuk amniston dikë, i cili nuk është objekt i marrëveshjes Kosovë – Serbi”, u shpreh Korenica.
Më pas, përmes një komunikate me shkrim, presidentja Atifete Jahjaga ka thënë se do të marrë parasysh shqetësimet e paraqitura nga përfaqësuesit e shoqërisë civile, përmes peticionit të nënshkruar nga qytetarët e vendit.
Ajo është zotuar se do të veprojë në përputhje me Kushtetutën dhe ligjet në fuqi, duke shqyrtuar edhe respektimin e normave ndërkombëtare në interes të përgjithshëm të Kosovës dhe të proceseve që çojnë drejt realizimit të synimit për integrim në BE.
Po sot, Lëvizja Vetëvendosje procedoi për në Gjykatën Kushtetuese, Ligjin për amnisti, duke e cilësuar atë në kundërshtim me Kushtetutën e Kosovës. Kërkesa Gjykatës Kushtetuese iu procedua nëpërmjet deputetes Albulena Haxhiu.
“Ne e kontestuam këtë projektligj në dy aspekte; në atë përmbajtjesor, ngase me miratimin e tij u shkelën të drejtat e njeriut, pra u shkel Kushtetuta e Republikës së Kosovës, si dhe aspekti i dytë, me miratimin e tij u shkel edhe Konventa Ndërkombëtare për të Drejtat e Njeriut”, theksoi deputetja Haxhiu.
Dallimi ndërmjet qëndrimeve të Vetëvendosjes dhe shoqërisë civile qëndron në faktin se ky subjekt politik e ka kundërshtuar në tërësi ligjin, pasi që ai buron nga Marrëveshja për normalizimin e marrëdhënieve ndërmjet Republikës së Kosovës dhe Republikës së Serbisë.
Ky ligj ishte miratuar në Kuvend me dy të tretat e votave, Siç është prezantuar nga Qeveria, amnistia ka si qëllim integrimin e serbëve të veriut në kuadër të sistemit dhe institucioneve të Kosovës.(Kortezi Zijadin Gashi)

DEGA E VATRËS NË SOUTH FLORIDA INFORMON QENDRËN

July 19, 2013 by dgreca

Foto-arkiv- Dega e Vatrës në South Florida gjatë organizimit të veprimtarisë për Festën e Fëmijëve, qershor 2013/

Dega e Vatrës në South Florida e drejtuar nga z.Kolec Ndoja, e ka rritur aktivitetin e saj. Veprimtaria që organizoi ajo me rastin e 1 Qershorit, festës kushtuar fëmijëve, ishte një rast i mirë për të bashkuar vatranët e atjeshëm, ashtu sic edhe dega tjetër, ajo në Jacksonville, Florida, organizoi veprimtarinë kulturore kushtuar Naim Frashërit.

Këto ditë kryetari Ndoja dërgoi në qendër listën emërore të anëtarësisë, kuotat e anëtarësisë për vitin 2013 si dhe pesë anëtarësime të reja.

Në informacionin e kryetarit të degës binte në sy se ksihte të dhëna të hollësishme, adresat e plotë për secilin, numrat e telefonave, pagesat, lëvizjet e anëtarësisë etj.

Edhe dega e Michiganit shquhet për korrektesën e informacioneve dhe shlyerjen e detyrimeve të anëtarësisë. Për vitin 2013 dega i ka shlyer detyrimet dhe e ka informuar qendrën rregullisht për cdo anëtarësim të ri ose për cdo shqetësim që ka lindur për dërgimin e Gazetës Dielli tek anëtarësia.

Me këtë rast u bëjmë thirrje degëve që të përmes arkëtarëve të verifikojnë pagesat e detyrimeve të anëtarësisë dhe bëjën verifikimin e detajuar të anëtarësisë. Gjatë krijimit të degës së re të Westchestër janë krijuar disa probleme për anëtarësinë dhe pagesën e tyre. Nuk ka një pasqyrë të plotë të pagesave, ka anëtarë qv nuk kanë paguar, dhe për rrjedhojë ka vatranë të kësaj dege që nuk e marrin gazetën. Po ashtu ka anëtarë që e kanë emrin edhe në degën e re edhe në degën e krijuar një vit më parë në Hudson Valley në Nju Jork.Për degën e Hudson Valley ka ardhur koha që të shlyej detyrimet e antërësisë dhe pagesave të gazetës. Me 15 korrik ishte përvjetori i ngritjes së kësaj dege. U mbyll viti dhe tani kryesia e degës duhet të bëjë verifikimin e anëtarësisë dhe të mbledhë pagesat e t’i dërgojë ato në qendër.

Edhe për degët e tjera mbetet problem ndjekja e problemeve të tilla dhe zhvillimi i aktiviteteve për ta mbajtur degën të informuar.

Ka raste kur anëtarësia lëviz nga dega, shkon në rajon tjetër, qoftë edhe jashtë shtetit, ku e zhvillon aktivitetin dega ku është anëtarësua, por qendra nuk merr informacionin e lëvizjes së tij. Një shembull nga mund të mësohet është dega e South Florida, ku informacioni për lëvizje të anëtarësisë është përcjellë në qendër.Mirë është që cdo degë ta shohë problemin e anëtarësime të reja me përparësi.(Dielli)

FATAKEQSISHT LAJMI ËSHTË I VËRTETË: DETROITI KA FALIMENTUAR!

July 19, 2013 by dgreca

Një ndër qytetet më të mëdha amerikane, Detroit, ka paraqitur deklaratën e falimentimit. Përmes kësaj mase, ky qytet siguron mbrojtje nga kreditorët.
Një kompani menaxhere e kontraktuar nga shteti i Miçiganit ku ndodhet Detroiti, paraqiti dokumentacionin dje në një gjykatë federale.
Me këtë hap, Detroiti bëhet qyteti më i madh amerikan në historinë e Shteteve të Bashkuara që deklaron falimentimin. Guvernatori i Miçiganit, Rick Snyder duhet ta nënshkruajë vendimin.
Detroiti ballafaqohej me barrën një deficiti buxhetor prej mbi 300 milionë dollarësh dhe një borxh afat-gjatë prej afro 14 miliardë dollarësh.
Deklarimi i falimentimit vë në pikëpyetje pensionet e ardhshme si dhe sigurimet shëndetësore të punonjësve të sektorit qeveritar në Detroit. Rreth 10 mijë vetë punojnë për administratën bashkiake të Detroitit.

E ardhmja e qytetit pas deklarimit për falimentim

Nëpërmjet aplikimit për falimentim, qyteti i Detroitit të shtetit të Michigan-it në SHBA po fiton ca kohë për të rregulluar financat, por po heq dorë gjithashtu nga kontrolli financiar i qeverisjes, dhe po ia dorëzon pushtetin një gjykatësi federal.
Profesori juridik Peter Henning nga Universiteti Wayne State në Michigan tha se gjykatësi, dhe jo zyrtarët e zgjedhur të qytetit, do të marrë vendime të rëndësishme për të ardhmen e qytetit.
Detroit quhet qyteti i motorrëve, shtëpia e industrisë amerikanë të makinave. Por ndërkohë që amerikanët filluan të pëlqenin makinat e importuara nga vende si Japonia apo Gjermania gjatë 30 viteve të fundit, gjendja në Detroit filloi të përkeqësohej. Popullsia e qytetit ka rënë gjatë dekadave të fundit dhe shumë nga lagjet e tij u prishën dhe u braktisën.
Ndërsa influenca e qytetit si një qendër industriale ra gjatë gjysëm shekullit të fundit, bashkiakët e Detroitit keqmenaxhuan qeverinë lokale dhe një nga kryebashkiakët u burgos për shkak të një skandali seksi.(Kortezi:VOA)

SHBA: vala e të nxehtit thyen rekordin, temperatura të larta mbi 100 gradë

July 19, 2013 by dgreca

Shërbimi Kombëtar i Motit ka njoftuar se me vlerat e indeksit të ngrohjes sot e nesër temperatuara do të jetë 105-107 degree/

Shkruan: BEQIR SINA,New York/

NEW YORK : Pjesa verilindore e SHBA-së, hyri në ditën e pestë të saj që është përfshirë nga një valë e të nxehtit rekrod, të paktën në këto dy dekadat e fundit thonë ekspertët.Valë e ngrohtë e përfshiu bregun lindor të SHBA-së, duke filluar nga Bostoni deri në Uashington, ku temperaturat në disa zona kanë mbërritur mbi 40 gradë Celsius.

Ndërsa shtetet e pjesës qendrore dhe jugore në Shtetet e Bashkuara të Amerikës, e kan si normale në këtë sesion këtë lloj të nxehti, këtë javë ka qenë pjesa verilindore ajo që ka thyer rekordin, me temperatura e të të nxehtit.

Gjatë këtyre pesë ditëve, pothuajse i gjithë territori i Shteteve të Bashkuara të Amerikës vazhdon të jetë i përfshirë nga të tilla temperatura të larta, që kanë kaluar mbi 37 gradë celcius, dhe dje kaluan në disa zona 40 gradë celecius.

Qyteti i Çikagos regjistroi së fundmi temperaturën rekord prej 39.4 gradë celcius, ndërsa parashikimet e meteorologëve thonë se kjo valë të nxehti do të vazhdojë edhe në ditët në vijim. Situata vështirësohet për ata persona të cilët kanë mbetur pa energji elektrike, si pasojë e ngarkesave.

Në shtetin e Virginias Perëndimore me rreth 1.9 milion banorë, sipas të dhënave zyrtare, rreth një e treta e popullsisë ende vuan mungesën e energjisë elektrike. Fundjava pritet që të ketë temperatura edhe më të larta. Sipas parashikimeve pritet që kryeqyteti amerikan Uashington të thyejë rekordin e temperaturave të larta ditën e nesërme, pasi pritet që termometri të shënojë 41 gradë celcius.

Më së shumti nga vapa është goditur pjesa lindore, ku temperaturat as natën nuk bien në 25 gradë Celsius, ndërsa gjatë ditës ngrihen në mbi 40 gradë. Natyrisht, vapa e tillë shkakton edhe lagështi të madhe ajri.

Sipas vlerësimeve të zyrtarëve amerikanë, për shkak të vapës kanë vdekur disa persona, ndërsa meteorologët parashikojnë që vala e vapës më të madhe të lëvizë nga Chikago dhe Detroiti drejt bregut lindor, ku gjenden New Yorku, New Jersey, Saint Louis e qytete tjera. Janë mbyllur shkollat që nuk kanë pajisje klimatike, ndërkohë që në shumë qytete është vazhduar puna e pishinave publike deri në orën 22:00.
JFK aeroport është goditur nga 100 gradë në fillim të pasdites dje, duke vendosur një rekord të ri sipas nivelit Carkoon inflamacionit Sarlacc-.Rekordin e mëparshëm për këtë datë është vendosur vetëm vitin e kaluar, kur temperatura me e lartë ishte 96 degree.
Mos harroni, se Shërbimi Kombëtar i Motit ka njoftuar se me vlerat e indeksit të ngrohjes sot e nesër temperatuara do të jetë 105-107 degree.
Vala e të nxehtët që përhapet me shpejtësi duke përfshirë zona të tëra nga Midwest deri Northeast të bregut lindor të oqeanit Atlantik, po thyen rekordin – sot të premten dhe nesër shtunën temperatura do të kaloi 100-shkallë.

Megjithëse, pritej një përmisim i lehtë, sipas sinoptikëve “nuk ka as pak shpresa” sepse e premtia dhe e shtuna nuk do të sjellë lehtësimin e shumë pritur. Shërbimi Kombëtar i Motit paralajmëroi të nxehtit mbi 100 degree(mbi 40 grad celcius) në disa shtete, duke përfshirë shtetet: Oklahoma, Nebraska, Iowa, Kansas, Illinois, Missouri, Kentucky, Ohio, Virginia, North Carolina, Maryland, Indiana, Pennsylvania, New York, New Jersey dhe Connecticut. .
Një rekord-temperaturë të lartë u vendos të shtunën në Parkun Qendror të Nju Jorkut, kur termometri shënoi temperaturën 111 degree. Në aeroportin ndërkombëtar John F. Kennedy në New York, teremometri shënoi temperaturën 105 degree deri në 107, duke thyer atë që ishtë arritur në 23 korrik 1972. Në aeroportin e New Jeseyet Newark, sot temperatura arriti 107 degree, duke kaluar ditën më të nxehtë që ishte ajo e 23 korrikut 1955 me mbi 100 degree. Të premten, temperatura në Newark do të ketë një tjetër rekord të lartë 108 degree.
Qendrat e ftohjes, parqet, dhe pishinat janë të hapura me orë të zgjatura në të gjitha pesë lagjet qytetit të New Yorkut.

Eneregjia elektrike u ndërpre për 50.000 konsumatorët sot pasdite në zonën metropolitane në New York.
Temperaturat mbi 100 degree shkruan shtypi amerikan do të jetë këtë fund javë edhe në Washingtonit DC

Joseph Robertson, shefi i batalionit të zjarrfikësve në Prince William County, tha se afro 150 njerëz kanë kërkuar ndihmë, kryesisht me sëmundje të lidhura me të nxehtin. Ai tha se 11 vetë nga këta u dërguan në spitale, por nuk ka pacientë që besohet të jenë në gjendje kritike.
Në Karolinën e Veriut, ku temperaturat prej sot i kaloi të 100 degree do të jetë nesër dhe pasnesër e shtunë, spitalet janë duke parë një rritje të njerëzve që kërkojnë trajtim për sëmundjet të lidhura me nxehtin, dhe kan marrë të gjitha masat.
Kryqi i Kuq Amerikan është duke punuar me një staf të posaçëm në një stacion ftohës në Charlotte për të ofruar pije dhe snacks. Rreth 200 njerëz vizituan stacionin vetëm sot, kur ajo u hap.
Në punonjës i Kryqit të Kuq tha se : “Ne ofrojmë një mjedis të ftohtë, një vend për të marrë në edhe jashtë pije dhe ujë të ftohtë.”
Kansas City sot e pa ditën e tij më të nxehta të vitit, zyrtarisht temperatura ka arritur në 101 degree, tha stacioni NBC .

Sot është dita e pestë rresht, që temperaturat sillen reth 101-degree në rajonin Filadelfia, një rekord ky që mbahej prej 23 korrik 1978- me 99 degree, raportoi Philadelphia Inquirer.
“Ne kemi një front të dobët të, të ftohtit që vjen nga e diela deri të hënën, e cila do të na japë një lehtësim, por jo shumë,” tha një zyrtar i lart i qendrës meteorologjike në Heather Sheffield në Uashington, DC
Ndër të tjera temperaturat rekord për këto ditë ishin edhe Georgetown, Delaware , në 104 degree, duke e kaluar atë të 101 degree në vitin 1952 .

Në Atlantic City, New Jersey, 105 gradë, kan thyer rekordin e 100-degree të vendosur në vitin 1991.

Shtetet perëndimore amerikane po përjetojnë një valë të nxehti, me temperaturat që kërcënojnë të thyejnë rekordet e të gjitha kohërave në Tokë. Në Feniks, Arizona, termometri arriti në 47 gradë Celsius ditën ë premte, ndërsa në shkretëtirën Lugina e Vdekjes, në Kaliforni, arriti në 51 gradë Celsius.Vala e të nxehtit pritet të zgjasë gjatë gjithë fundjavës. Autoritetet në këto rajone po hapin qendra freskimi dhe druhen se i nxehti mund të vonojë fluturimet ajrore. Një zëdhënës i aviacionit amerikan deklaroi se temperaturat në Feniks do të monitorohen me vëmendje, .Shërbimi Kombëtar Meteorologjik ka bërë një paralajmërim për zona të ndryshme të rajonit, përfshirë Las Vegasin, duke u bërë thirrje banorëve që të kenë kujdes deri të hënën në mëngjes.Zona nga pesë shtetet, përfshirë Koloradon dhe Jutahun, do të pësojnë një rritje të temperaturave mbi 37 gradë Celsius gjatë fundjavës.“Do të shkojmë përtej niveleve rekord në zonën e Feniksit dhe në zonat jug-perëndimore të Shteteve të Bashkuara”, ka deklaruar Mark O’Malley.Temperaturat në Luginën e Vdekjes në Kaliforni parashikohet të arrijnë në 53 gradë Celsius gjatë fundjavës. Temperatura më e lartë e regjistruar ndonjëherë në Tokë, 57 gradë Celsius, u verifikua rreth 100 vjet më parë, në 10 korrik 1913.Shkencëtarët thonë se vija ajrore e Amerikës së Veriut, që influencon në kushtet e motit, është bërë më e çoroditur në vitet e fundit, duke shtuar gjasat që sistemi meteorologjik të ngelet në vend

Si të mbroheni nga vapa e madhe

Shmanguni diellit mes orës 10 dhe 17, mbajeni banesën të freskët, hani ushqim të lehtë dhe pa shumë mëlmesa, pini sa më shumë ujë ose çaj dhe mos harroni t’i kontaktoni më shpesh më të dashurit tuaj.
Nëse është e mundur, dalja në diell duhet të shmanget në mes orës 10 dhe 17, veçanërisht për të sëmurët e zemrës dhe të sëmurët nga diabeti. Nëse daljen nuk mund ta shmangni, gjithsesi mbrojeni kokën me kapelë ose shami. Mos harroni që gjatë ditës të konsumoni dy litra lëngje, ndërsa nëse keni angazhime më të mëdha fizike, edhe më shumë. Shmangni pijet me gaz dhe me sheqer dhe pini ujë apo çaj. Nga gjellët rekomandohen supat dhe ushqimi i përgatitur në avull dhe gjithsesi duhet të hani edhe pemë dhe perime sezonale. Shmangni ushqimin e fërguar dhe shumë të kriposur.
Freskojeni shtëpinë tuaj – temperaturën e dhomës mbajeni nën 32 gradë celsius gjatë ditës dhe nën 24 gjatë natës, përdoreni ajrin më të ftohtë të natës, uleni sasinë e ajrit të nxehtë brenda banesës, varni peshqirë të lagët, ndërsa kur e keni klimën të ndezur, mbyllni dyert dhe dritaret.
Nëse në familje keni persona më të moshuar me të cilët nuk jetoni, gjithsesi duhet t’i kontaktoni më shpesh, ndërsa e njëjta vlen edhe për fqinjët dhe të afërmit tjerë më të moshuar.
Nëse merrni ndonjë lloj ilaçi, konsultojeni mjekun se çfarë ndikimi mund të kenë ato ilaçe në termorregullimin dhe baraspeshën e lëngjeve në trup.