Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Shqipëri, nisin votimet për zgjedhjet e përgjithshme

by

Nga Ilirian Agolli/

Shqipëria nisi sot votimin për zgjedhjet e përgjithshme parlamentare pas një fushate entuziaste të dy koalicioneve më të mëdha, për të cilat parashikohen rezultate të ngushta. Procesi i votimit është hapur normalisht në pjesën më të madhe të vendit me shqyrtimin e materialeve zgjedhore nga komisionerët dhe pas kësaj rutine nis votimi i qytetarëve. Sipas të dhënave zyrtare numri i përgjithshëm i votuesve është rreth 3,3 milionë shqiptarë me të drejtë vote, megjithatë një numër i konsiderueshëm i tyre nuk jetojnë në Shqipëri për shkak të emigrimit masiv.

Njoftimet e para tregojnë se materialet zgjedhore janë shpërndarë normalisht në të gjithë vendin dhe komisionet janë të gatshme për të regjistruar garën, e cila ka filluar të paktën 6 muaj më parë. Edhe pse me 3 karrige bosh, KQZ-ja me 4 anëtarë bëri të mundur pajisjen e komisioneve në 12 qarqe me materiale të zakonshme të votimit, ndërsa nuk u realizuan dot 2 eksperimentet për numërim elektronik të votave në Fier dhe për verifikimin e kartave të identitetit në kryeqytet.

Veprimtaria e KQZ pritet të vështirësohet me kalimin e kohës, kur duhet të mbyllet procesi i votimit dhe kur duhet të administrohen rezultatet me 5 vota komisionerësh. Në komisionet e qendrave të votimit anëtarët janë ndarë midis forcave kryesore, ndërkohë që janë angazhuar një numër i madh vëzhguesish partiakë dhe të pavarur, vendas dhe ndërkombëtarë. Ata kanë koordinuar veprimtaritë për të mbuluar 12 qarqet dhe për të vërejtur nëse do të ketë parregullsi të mëdha apo manipulime të qëllimshme.

Qeveria ka deklaruar angazhimin e saj të plotë për zgjedhje të lira dhe të rregullta, megjithatë këto deklarata nuk i kanë qetësuar dyshimet e opozitës për manipulimet me listat dhe kartat e identitetit. Militantë të të dyja koalicioneve janë përfshirë në mbikëqyrjen e kujdesshme të procesit zgjedhor ku ekziston një mosbesim i gjerë për veprimet e kundërshtarëve. Raporti i parë i vëzhguesve ndërkombëtarë do të jetë të hënën mbasdite dhe raporte më të detajuara priten gjatë ditëve në vazhdim.

Një tjetër dilemë e procesit është nëse humbësi do të njohë rezultatin duke fashitur dyshimet mbi procedurat. Në proceset zgjedhore të Shqipërisë, është bërë tashmë e zakonshme që njerëzit votojnë të qetë gjatë gjithë ditës por tensionet dhe mosbesimet kthehen në mbrëmje gjatë numërimit të votave.

BE ka deklaruar se këto zgjedhje janë një provë e rëndësishme për demokracinë shqiptare dhe gadishmërinë e Shqipërisë për t’u integruar në institucionet europiane.(Kortezi: VOA)

 

EMËR QE NUK DUHET HARRUAR,TAHIR DRENICA(1921-2013)

by

Shkruan: SHABAN CAKOLLI/

Me dhembje sot e morëm lajmin,për ndarëjen nga jeta,të një burri të madh,miku të dashur,të mençur,guximtar dhe intelektual ,rrapsodit të madh Tahir Drenica.Tahir Drenica ishte lindur më 21.06.1921,në një familje të madhe prej dyzet e tetë anëtaresh,familje.Mbiemrin e mori sipas vendlindjes, nga se babai i tij ishte atdhedashës,ishte armik i pushtetit të asaj kohe,andaj po të tregonte mbiemrin e tij,Tahiri nuk do të mund të fillonte karierën e vet,do të ndiqej nga pushteti,kështu ai me mençuri u regjistrue si Tahir Drenica,kështu i mbeti mbiemri deri në fund të jetës së vet.Ai nga fëmijëria pasion e kishte këngën,vinte nga një familje,atdhetare dhe artdashëse.Në atë kohë për shumë shqiptar shkollimi ishte vetëm një ëndërr,po jo mundësi.Tahiri u shkollua odave,dhe përvoja është një shkollë e mirë.Familja e Tahirit ishte artdashëse,kurse Tahiri në fëmijëri ëndërronte të bëhej artist i vërtetë.

Thuhet se shtëpia e tyre ka qenë vatër e kulturës,në odat e tyre janë tubuar këngëtarë me famë të asaj kohe,si:Cuf Kadishani,Halim Beqa,Murat Pajaziti,Sefë Gashi(Mleqani) e shumë të tjerë.Tahir Drenica i kishte dëgjuar me ëndje,i kishte mësuar me interesim të madh këngët e tyre,nga se në atë kohë kishte pak tekst shkrues,këngët mësoheshin përmendësh.Tahiri në moshën fëmijërore i mësoj të gjitha këngët,të cilat i këndonin rrapsodët e njohur,më pas i këndoj,i imitoj këngëtarët një kohë,kurse më vonë u bë këngëtar i pavarur,i cili më nuk kishte nevojë të emitoj të tjerët,por vet i përpunoj tekstet,meloset,si dhe zëri i tij i ëmbël u bë shumë i dashur për dashamirët e këngës të asaj kohe.Tahiri,u stërvit duke u bërë ballë garimeve me të gjithë këngëtarët e kohës.

Ka kënduar me rrapsodët më të njohur të asaj kohe me Rizah Bllacën,Salih e Feriz Krasniqin,,Sef Mleqanin,Augustin Ukajn,Demir Krasniqin,Bajrush Dodën,Durmish Kadishanin,etj…..Ai ka pasur edhe një përcjellës i cili atë botë ishte mjeshtri më i njohur i violinës,quhej Qazim Berisha,ka kënduar me këngëtarin e madh Qamili i Vogël,me Osman Gllarevën,këta mund të shquheshin këngëtarët e famshëm atëherë.Kur ishte njëzet e shtatë vjeç,Tahiri shquhej nga këngëtarët tjerë(1948),ai u bë shumë i popullarizuar,ftohej në dasma,festa,gazmende,koncerte,dhe kudo është pritur si artist i popullit.Tahirin e kam njohur shumë herët,kur isha fëmijë,kudo ku vinte në dasma në rrethin tonë e kam përcjellur.Tahiri ishte mjeshtër i madh i këngës,kishte zë të lartë,të ëmbël dhe dinte të e përdorte zërin.Kur këndonte në shiqim të lënte përshtypje se nuk e hapte fare gojën,kishte mjeshtri në përhapëjen e zërit,po kishte mjeshtri edhe në përdorimin e veglës,madje i kishte hije mbajtëja e sharkisë.Tahiri fliste rrallë,po fjala dhe ndeja i kishin hije,ishte i rrespektuar nga miqët.Njëherë në një dasmë në rrethin tanë pati kënduar me Shaban Baksin,të dy kishin zë të fuqishëm dhe identik,shumë kohë është folur në popull dhe ajo dasmë pati bërë jehonë të madhe tek artdashësit.

Nga vitet e 60-ta,Tahiri ka kënduar me Hashim Shalën,me askend nuk janë përshtatur më mirë,kurrë më nuk janë nda.Tahiri ka qenë këngëtar i guximshëm,ka kënduar historinë kombëtare,Skënderbeun,Fazli Grajçevcin,Ramë Bllacën,Krajl Nikollen.Pashiqin Rankoviqin,Ahmet Delinë,këngë këto që shumë këngëtarë nuk guxonin të i ëndërronin,lëre më të i këndonin.Menjëfjalë ai ka kënduar mbarë historinë kombëtare,por ka kënduar edhe këngë dashurie,këngë humoristike,satirike,të gjitha motivet.

Tahir Drenica me Hashim Shalën,kanë kënduar në çdo vend të botës ku ka pasur shqiptarë,nga Amerika e largët dhe skaj më skaj Europës,në Danimarkë,Gjermani, Austri e gjetiu, në Belgjikë kur u përuruar busti i Skënderbeut,kanë qfaqur një program të pasur kulturor meOsman Gllareven,Qamilin e Vogël,Marash Krasniqin,Augustin Ukajn,kanë mrekulluar Brukselin,i cili me aq interesim e ka përcjellur kulturën tonë.Tahiri me Hashimin kanë kënduar në Kopenhagen,Zvicërr e kudo nëpër vendet ku mërgimtarët tanë kanë qenë të organizuar nëpër shoqata e klube.Mbajë mend viteve të 90-ta,kur vinin në Gjermani,me Shkurte Fejzen,Ilir Shaqirin,Mahmut Feratin,ata dalloheshin me kësula të bardha,të ëmbël në këngë,të ngrohët në biseda me mërgimtarët,të papritueshëm të kthehen në skenë kur i kërkonin mërgimtarët,kanë kënduar këngët:Katundarë e Sheherli,Leze mori Leze,Kur jam kanë një vakt i Ri,çka po më rrin karshi-karshi,e cila ishte kënga më e kërkuara e tyre nga rinia jonë.Personalisht unë vet,në mërgim kam pasur rastin të i zhvilloj tri intervista të shkurtëra me Tahir Drenicën.Rrëfimet e tij ishin shumë interesante,ai tregonte si ishin njohur me një studjuese të folklorit,studiuesja ishte daneze Birthe Traerup,e cila kishte botuar libra në pesë gjuhë të huaja,ku në këto libra ishin përkthyar dhe botuar disa këngë të Tahir Drenicës dhe Hashim Shalës.Tahir Drenica dhe Hashim Shala,kishin inçizuar një reportuar të gjërë të tyre në”Jugoton” Të zAGREBIT;Në Radio Prishtinë, në RTP e atëhershme.

Kohën e fundit,folklori ynë burimor shumë pak po kultivohet dhe aq më pak po dëgjohet,andaj edhe pak emisione kanë pasur këta rrapsod,një vend dhe rëndësi të veqantë ua ka dhënë mbretresha e folklorit tonë Shkurte Fejza,në emisionin”Rrënjët Tona”.Tahir Drenica dhe Hashim Shala,kishin shpirt të pastër artistësh,

janë shpërblyar disa herë,si dhe kanë qenë të dashur nga populli,një jetë të tyre me këngë.

Unë mendoj se te ne është një dobësi,njerëzit sa janë të gjallë ua ndrydhim të bëmet,nuk ua përhapim meritat,kurse pasi të vdesin u thurim lavdi!Kam shkruar tri shkrime të shkurtëra për Tahir Drenicën,por tani kur u nda nga jeta,sikur po e ndjejë se i kam mbetur borgj,për një veprimtari të pasur kombëtare që ka pasur ky rrapsod i madh.Tahir Drenica dhe Hashim Shala,kanë pasur miq në çdo shtëpi shqiptare.Ata kanë kënduar trimërinë dhe bujarinë,veprat historiko-kombëtare,të trimave të mbarë hapësirës shqiptare,ata kanë mallkuar armiqët në vargjet e këngëve të tyre,ata me këngën e tyre folklorike,e cila dikur ishte begatia më e madhe e kombit tonë,e që mendoj se do duhej të ruhej me të njejtën rëndësi edhe sot,kanë frymëzuar popullin tonë liridashës.

Kur këndonte Lec Gradicën,odave tona,Tahiri i pushtonte zemrat e artdashësve,kjo manifestohej edhe me të reshurat e armëve në ajr,të cilën e kam vërejtur se Tahiri nuk e kishte për qejf.Plumbat nuk duhet hargjuar për këngën ,thoshte Tahiri,do ishte

mirë të i ruajmë për armikun.Saherë përmendi Tahirin,tani më dhimbset Hashim Shala,nga se ata ishin shumë të barabart në këngë,kishin gjetur vetën së bashku,tani Hashimit ia thau krahët,edhe pse Hashimi ende është i fortë,i shëndetshëm,vështirë

do të rrugëtoj me këngën,pa Tahir Drenicën.Tahir Drenica do të mbetët emër i paharruar i cili do të përcillet nëpër brezat tanë.Ai ka ruajtur,kultivuar dhe pasuruar kulturën tonë kombëtare,si i tillë ka lënë shumë pllaka,kaseta,Cd,Video,me një reportuar të pasur të veprimtarisë së tij kulturore,qoftë të historisë kombëtare,arshikisë,satirës,vepra këto që do të u përcillen brezave.Qoftë i paharruar kujtimi për te,për jetë të jetëve.

 

 

 

AMBASADORI I RI AMERIKAN NE SHQIPERI, DONALD LU

by

Arvizu përfundon mandatin në Shqipëri.Donald Lu do të jetë përfaqësues i SHBA në Tiranë.
Ne Foto: Ambasadori  i ri i SHBA në Tiranë, Donald Lu/

Ambasadori i Shteteve të Bashkuara të Amerikës, Aleksandër Arvizu, merr zyrtarisht njoftimin për përfundimin e misionit të tij në Tiranë. Departamenti Amerikan i Shtetit ka përcaktuar Donald Lu si pasardhës të Arvizusë në Tiranë. Burime nga Ministria e Jashtme bënë të ditur për gazetën “Panorama” se dje në mesditë, ambasadori në detyrë i SHBA ka ngjitur shkallët e Ministrisë së Jashtme, ku është pritur në një takim nga zv.ministrja Edit Harxhi. Megjithatë, burimet nuk saktësojnë se ka qenë ambasadori Arvizu që ka paraqitur në Tiranë emrin e pasardhësit të tij. Aktualisht ai mban postin e zv.kreut të misionit të Ambasadës së Shteteve të Bashkuara në Nju Delhi, Indi, ndërkohë që më herët ka ushtruar këtë detyrë në vende si Gjeorgjia, Pakistani dhe Azerbajxhani. Në të njëjtën kohë, zyrtarisht ende nuk thuhet se cila është data kur Donald Lu do të nisë zyrtarisht punën në vendin tonë.
Tre vjet më parë, në korrik 2010, Departamenti Amerikan i Shtetit emëroi Aleksandër Arvizunë si ambasador në Tiranë.Diplomati nga Uashingtoni e nisi zyrtarisht detyrën në fund të muajit dhjetor, kur paraqiti edhe letrat kredenciale te Presidenti Bamir Topi. Ai u vendos menjëherë në qendër të vëmendjes edhe për shkak të ngjarjeve të 21 janarit 2011. Arvizu e etiketoi Kryeministrin Sali Berisha si një burrë shteti, pas vendimit që ai mori për të anuluar një miting të mbështetësve të tij pak ditë pas ngjarjeve të dhunshme kur u sulmua Kryeministria. Në zgjedhjet e 8 majit, ambasadori amerikan do të mbahet mend për gjestin e tij kur së bashku me Etore Sekui të Komisionit Europian përveshën mëngët dhe u ulën në radhën e vëzhguesve në shkollën “Vasil Shanto”, kur po numëroheshin votat e Njësisë Bashkiake Nr. 5 për Bashkinë e Tiranës. Vitin e fundit në media është folur për një ftohje të ambasadorit amerikan me Kryeministrin Sali Berisha për shkak të qëndrimeve të kundërta të tyre për çështjen e shkarkimit të anëtarit të LSI-së në KQZ, Ilirjan Muho. Pak ditë më parë ambasadori amerikan bëri thirrje për gjetjen e konsensusit mes palëve për plotësimin e vendeve të mbetura bosh në KQZ. Përgjigjja e Berishës ishte: “Kur fillojnë të bëjnë gjykatësin kushtetues apo kur bëjnë gjykatësin e lartë apo atë të faktit, unë them se nuk respektojnë veten e tyre. Cilido qoftë. Ky është një shtet i bazuar në ligje. Askush nuk ka mandat të interpretojë ligjet e një vendi tjetër. Askush nuk ka mandat të marrë atribute, sepse mënyra se si funksionojnë qeveritë e vendeve të lira është një mënyrë e mrekullueshme, është një mënyrë transparente. Ndaj dhe nuk mund të bëhet fjalë për asnjë variant tjetër, përveçse atë që përcakton ligji i vendit, atë që thonë institucionet e vendit”. (Kortezi; ADI SHKEMBI)

STATEMENT BY THE DIRECTOR GENERAL OF THE STATE POLICE, MR. HYSNI BURGAJ ON THE MEASURES TAKEN FOR THE PEACEFUL CONDUCT OF THE ELECTORAL PROCESS

by

6200 police officers will conduct the electoral process. During the 3312 electoral activities, we are dealing only with 36 insignificant and minor incidents.
TIRANA – 22 June 2013. Director General of State Police, Hysni Burgaj announced earlier this morning that it has taken all the necessary measures for the smooth running of the election process. In a press release, Burgaj announced that 6200 police officers will conduct the electoral process, in case of need to intervene in areas where there may be problems.
“6,200 Police officers have been mobilized to cover the CEC’s and Polling Stations. To ensure coverage of all service facilities of election we have made movement about 750 police troopers from the State Police Directorate of Tirana District and Regional Directorates on Border Migration into those areas, where the number of facilities can not be covered by their local police. They have to ensure the right to vote and to take all the measures including the use of vehicles and buses. On the following days, during and after the e-day until the end of the election process, the operation of State Police will focus on:
1) Protection of the polling station,
2) Intervention in the polls, only upon the request of the polling committees to restore order and public order.
3) Procedural actions for all events or incidents that may occur during the electoral process, collaborating with local prosecution.
4) Escorting of voting materials from the polling stations to ballot counting centers.
5) Cooperation and coordination with representatives CEAZ in compliance with the requirements of the Electoral Code.
6) Monitoring of Public Security, the steering groups of the central government level, and gathering the detailed information on any violations of the electoral process, in order to prevent such events.
7) Escorting of voting materials from counting centers to the Central Election Commission.
Police Director Hysni Burgaj announced that the submission of election facilities by police services start at 18.00, with the arrival of election materials at these facilities. “We are prepared and ready to act at any momenthe continued. In connection with the electoral campaign, said the director Burgaj, insignificant incidents were recorded, and managed by security police in 3312 election activities. “The State Police officers were involved on only taking measures to ensure the progress of the activities programmed by electoral parties or independent candidates. In this framework, the State Police is cooperating closely with the organizers of these activities. During this period the State Police structures have managed public safety during the 3312 electoral activities, a figure which is over two times higher than previous 2011 elections. During the election process, it is estimated a decrease in the number of election incidents and events related to the electoral process, over 16 times less than the previous process. The largest number of the minor incidents occurred in the district of Tirana, Elbasan, Shkodra and Vlora. We emphasize that we are dealing only with insignificant and minor incidents, the most notable were the damages actions for breaches of posters, symbols, flags, the electoral offices of political parties, While in 25% of cases we are dealing with threats against representatives of political parties,- said Burgaj.

 

Shtypi amerikan për zgjedhjet e 23 Qershorit në Shqipëri !

by

Kongresisti Eliot Engel : “E gjithë Bota është duke shikuar SHQIPËRINË!”/

Shkruan: BEQIR SINA, New York/

NEW YORK : Nё disa artikuj tё botuar këto ditë, nё shtypin e amerikan duke iu referuar mediave në Shqipëri, flitet për zgjedhjet nё Shqipёri dhё parashtroheshin disa probleme qё dinamika e zgjedhjeve sjell. Mё poshtё po paraqesim njё pёrmbledhje tё disa pikave kryesore, marrё me shkurtime nga mediat në online.

Zëvendës ndihmësi i Sekretarit Amerikan të Shtetit, zoti Filip Riker, ka thënë për Zërin e Amerikës se: “të gjitha palët duhet të respektojnë rezultatin e zgjedhjeve”.
Këtë deklerat, të cilën e publikoi dhe Associated Press, duke iu referuar në një intervistë me Zërin e Amerikës gjatë vizitës në Shkup, Zëvendës Ndihmës Sekretari i Shtetit Filip Riker, thuhet se zoti Riker foli në lidhje me zgjedhjet e 23 qershorit në Shqipëri. Ai tha se “është e rëndësishme për të gjitha palët e interesuara që të respektojnë rezultatin, dhe se Shqipëria duhet të veprojë në përputhje me statusin e saj si një anëtare e NATO-s, duke mbajtur zgjedhje të rregullta”.
Ndërkohë, që kongresisti demokrat nga New Yorku, Eliot Engel kryetar Grupit të Çështjeve Shqiptare në Kongresin Amerikan, ka deklaruar, për zgjedhjet e ditës së nesërme në Shqipëri, duke thënë se : “E gjithë Bota është duke shikuar SHQIPËRINË!”
Kongresmeni amerikan Eliot Engel në një intervistë për gazetën kombëtare Bota Sot, muajin e kaluar tha se reputacioni i vendit do të varet mbi organizimin e zgjedhjeve të lira dhe demokratike, zgjedhjeve të qershorit 23 në Shqipëri..
“Është shumë e rëndësishme që Shqipëria të ketë zgjedhje të lira, të ndershme dhe demokratike, të mos ketë asnjë mashtrim apo manipulim dhe që procesit zgjedhor të jetë i pastër. Shumëkush është duke i monitoruar dhe ndjekur nga afër zgjedhjet në këtë vend. Mbasi Shqipëria është anëtare e NATO-s dhe unë mendoj se zgjedhjet e lira dhe të ndershme do të ndihmojnë Shqipërinë në anëtarësim e saj në Bashkimin Evropian, e kundërta nuk do të jetë lajm i mirë, për shkak se tërë bota është duke shikuar nga Shqipëria nesër “, ia patë deklaruar Bota sot, kongresisti Engel, një demokrat i rangut të lartë në Komitetin e Punëve të Jashtme i Dhomës së Përfaqësuesve, Grupit të Çështjeve Shqiptare në Kongresin Amerikan
Sipas tij, Komisioni Qendror i Zgjedhjeve duhet të punojnë për të arritur standardet ndërkombëtare të zgjedhjeve dhe demokratike.”Mua nuk më intereson se kush është në KQZ, për mua është e rëndësishme që komisioni të bëjë punën në përputhje me ligjet në fuqi në mënyrë që zgjedhjet të jenë të lira dhe demokratike”, ka thënë kongresisti amerikan.

Kurse, Kongresmeni demokrat amerikan, nga Michigani, Gary Peters, i cili është edhe bashkëkryetar i Grupit të Çështjeve Shqiptare në Kongresin Amerikan, dje në një intervistë për Bota Sot, deklaroi se ” Zgjedhjet e së dielës përfaqësojnë një mundësi të jashtëzakonshme për Shqipërinë. Është, shumë – shumë e rëndësishme që këto zgjedhje të bëhen pa kundërshtime ose parregullsi pasi Shqipëria kërkon të vazhdojë rrugën e integrimit drejt Europës. Kur u takova me deputetët e Parlamentit gjatë vizitës time në Tiranë, unë dëgjova me veshët e mij angazhimin e tyre ndaj praktikave demokratike transparente. Unë kam shpresë të madhe se këta udhëheqës do të vijojnë me angazhimin e tyre në dobi të të gjithë shqiptarëve si dhe të marrëdhënieve Amerikë – Shqipëri. Shqiptarët me të vërtetë e kuptojnë rëndësinë e përfshirjes në zgjedhje demokratike.”

Rruga drejt Bashkimit Evropian, tha kongresmeni Peters, mbetet e rëndësishme për rritjen ekonomike për të ardhmen e Shqipërisë por edhe zgjedhjet e lira dhe të ndershme janë të domosdoshme për të, për të përparuar në rast se dëshiron t’i bashkohet BE -së. Shqiptarët duhet të presin prej drejtuesve të tyre që këta të demonstrojnë respekt të plotë ndaj principeve bazë të demokracisë të cilat dy kombet tona i kanë aq të shtrenjta.

Në zonën time elektorale në juglindje të Miçiganit, unë kam parë me sytë e mi përkushtimin e shqiptarëve ndaj bashkësive të tyre, familjeve si dhe ndaj SHBA -së dhe Shqipërisë.

Ai tha gjithashtu se:” Unë jam duke i ndjekur nga afër ngjarjet që kanë të bëjnë me Komisionin Qendror të Zgjedhjeve. Në një demokraci është e rëndësishme që populli të ketë besim tek institucionet siç është Komisioni Qendror i Zgjedhjeve. Zbatimi i ligjit duhet të sundojë në një mënyrë politike. Megjithatë, është e rëndësishme që KQZ po funksionon dhe rezultati i konsensusit politik. Unë jam i shqetësuar për kundërshtitë që janë krijuar, por mbetem me shpresë se situata do të zgjidhet me sukses.”
Ndërkaq, kryesocialisti Rama, kryetari i opozitës në një intervistë me Bugajski në programin – “ORA e BUGAJSKIT”: ka deklaruar se “Unë nuk besoj në monitorimin e zgjedhjeve” Në show-n “Bugajski Hour” lideri i opozitës Edi Rama ka thënë se ai nuk beson në monitorimin e zgjedhjeve. “Shumica e vëzhguesve duket për mua si spektatorë në një funeral,” i ka deklaruar Rama gazetarit amerikan që punon për televizionin Albanian Screen – Janusz Bugajski.
Kur u pyetë nëse ai mendonte se Shqipëria, ishte duke ecur përpara në këto zgjedhje në krahasim me ato të mëparshme, ai tha se, “Unë do të citoj një ndryshim pozitiv. Ka një larmi të transmetimit televiziv të drejtpërdrejtë dhe të mbulimit të drejtpërdrejtë, më shumë hapësirë ​​për njerëzit që të shprehin veten e tyre dhe për të dëgjuar alternativa. Për pjesën tjetër, institucionalisht, ne nuk jemi edhe aty ku ishim më parë, por ne kemi ndërmarrë hapa mbrapa, sepse ne kemi humbur institucionin qendror i zgjedhjeve dhe KQZ-ja ka bërë një organizimi partiak nga partia në pushtet. ” ka deklaruar zoti Rama.
Kryetari i Delegacionit të Parlamentit Europian Eduard Kukan në ABC News, është shprehur se: “Është shumë e rëndësishme që humbësi ka për të pranuar disfatën”
Këtë dekleratë ai e ka bërë në një intervistë me ABC News, më 19 qershor, Eduard Kukan, kreu i delegacionit të Parlamentit Evropian, që do të monitorojë nga afër zgjedhjet në Shqipëri, nënvizoi rëndësinë e zgjedhjeve të 23 qershorit, dhe çështja e plotësimit të vendeve vakante në KQZ. “Jam i inkurajuar nga informacioni që kam, se fushata zgjedhore e këtij viti nuk ka qenë negativ, por ishte më i civilizuar dhe nuk ka pasur sulme agresive personale ndërmjet liderëve politikë. Unë shpresoj se kjo do të ndiqet edhe në ditën e zgjedhjeve dhe pas votimit. Është shumë e rëndësishme që humbësi pranon humbjen dhe nuk krijojnë probleme për funksionimin e Parlamentit të ardhshëm. Pra, zgjedhjet duhet të shihet si një mundësi për vendin për të avancuar drejt Bashkimit Evropian “.
Ne kemi një deklaratë të përbashkët nga Stefan Füle dhe Catherine Ashton shpreh shqetësim për KQZ-në. Në fakt, ajo që është e vërtetë shqetësim në Bruksel, se KQZ-ja si institucion nuk është optimale apo se ajo mund të përdoret nga humbës në zgjedhjet e konkursit?
Eduard Kukan: Pyetja juaj nxit komente. Në deklaratën e Stefan Füle dhe Catherine Ashton, dhe deklarata e ambasadorit amerikan, ajo është e deklaruar qartë se KQZ-ja është një problem. Ne u bëjmë thirrje udhëheqësve politikë të Shqipërisë të gjejnë konsensus për KQZ. Ne jemi të vetëdijshëm se koha po mbaron dhe e di se kjo është një çështje e komplikuar, për shkak se ajo ka nevojë për votën e Parlamentit nëse anëtarët e KQZ-së do të kthehen në Komision. Por edhe nëse kjo ndodh në orët dhe minutat e fundit, të gjithë do të vlerësojmë këtë. Nëse kjo nuk ndodh, siç keni thënë në pyetjen tuaj, kushtet mund të jetë krijuar për të vënë në pikëpyetje rezultatin e zgjedhjeve. Kjo është për shkak se KQZ-ja nuk mund të marrë këto vendime, të cilat kërkojnë një shumicë të cilësuar. Edhe OSBE-ja ka shprehur në mënyrë të qartë këtë në raportin e saj. Nëse kjo nuk ndodh, ajo do të jetë një minus i panevojshëm për vendin. Pavarësisht se sa të qetë dhe të ndershëm zgjedhor mund të jenë, nuk do të ketë kritika për funksionimin e KQZ-së. Kjo është arsyeja pse unë theksoj se sa e rëndësishme është për të dyja palët për të shmangur këtë pikë negative për KQZ.
Kurse, Kryeministrit Berisha në Agjencinë Austriake APA ka deklaruar thekson shtypi amerikan se :” Ne do të pranojmë rezultatin e zgjedhjeve”
Kryeministri i Shqipërisë këtë deklerat e bëri disa ditë më parë në një intervistë me Agjencinë Austriake për Shtyp (APA). Kryeministri Sali Berisha i tha gazetarit Martin Richter se ai ishte mjaft komod se PD do të fitojë zgjedhjet. Kur u pyetën se çfarë do të ndodhë nëse ai humbet, ai deklaroi: “Sigurisht që ne do të pranojmë vullnetin e popullit shqiptar.” Ai vazhdoi duke shtuar se ai ende ka aq shumë energji, dhe nuk e ka vendosur ende se çfarë do të bënte ai. “Ne do të presim për verdiktin e popullit,” tha ai.
Kryeministri është pyetur rreth mundësisë së një koalicioni të ri në mes PD-së dhe LSI, nëse rezultatet e thirrjes së zgjedhjeve për një në mënyrë që të formojnë qeverinë. Berisha tha se kjo çështje duhet të kërkohet pas zgjedhjeve. Ai shtoi, megjithatë, se lëvizja e Metës ishte “një veprim shumë befasuese dhe të papritura. Kjo ishte koha e gabuar për të marrë një vendim të tillë dhe për të vënë vendin në një situatë të tillë të paqëndrueshëme, vetëm para zgjedhjeve. ”
I pyetur në lidhje me sjelljen e tij politike, nëse ai humbet zgjedhjet, nëse ai do të reagojë me protesta dhe bojkot të Parlamentit, Berisha dha një përgjigje të një fjalë: “Kurrë”.