Sulmi terrorist nga serbet  në Veri të Kosovës  me 24 shtator,  ku si qellim final  kishte aneksimin e këtij territori, të kujton vitin 1990 të serbëve në Knin të Kroacisë, por  në sajë të profesionalizmit të Policisë  së Kosovës, një plan i tillë dështoi, duke iu treguar se janë të përgatitur në mbrojtje të sovranitetit të Kosovës.  Ndërsa  pas kësaj date dialogu ne mes Serbisë e Kosovës,nuk mund të zhvillohet si deri me tash, sepse në favor të paqës Serbia duhet  të ndëshkohet nga faktori ndërkombëtar.

Nail  Draga

Ngjarjet e ndodhura në Veri të Kosovës me 24 shtator, nuk janë të rastit sepse ata ishin nën dirigjim të pushtetit në Serbi, ndërsa çdo arsyetim, duke ia mveshur këtë organizim serbeve lokal është tentim për të hequr  përgjegjësinë e një dështimi terrorist i cili si qellim ka pasur aneksimin e Veriut të Kosovës. Në lidhje mbi dështimin e këtij veprimi terrorist ka spekulime të ndryshme, por nga të gjithë vlerësohet angazhimi i strukturave shtetërore e në veçanti të  policisë së Kosovës, e cila arriti për një kohë të shkurtër të bllokoj veprimin e tyre, duke  dëshmuar  përgatitje dhe profesionalizëm. Ndonëse grupi terrorist  u vra një efektiv të policisë së Kosovës dhe u plagosën dy tjerë, nga grupi i terroristeve zyrtarisht janë pranuar se janë vrarë tre dhe plagosur disa të tjerë. Nga ana tjetër mbetet ende e pa zbardhur terheqja e grupit të terroristëve nga manastiri i Banjskës dhe kalimi në territorin e Serbisë, duke e ditur se ata kanë qenë  të rrethuar nga policia e Kosovës. 

Arsenal i armëve

Ndonëse në fillim është theksuar se në këtë aksion terrorist kanë marrë pjesë 30 indvidë, të armatosur me lloje të ndryshme armesh, me pas u dëshmu se ata kanë qenë rreth 90. Bëhet fjalë për konfiskimin e mijëra armëve, municioneve e pajisje të ndryshme dhe prezantimit opinionit të gjerë, ku ekspertet theksojnë se ata kanë pasur armatim për 200 individë, me vlerë rreth 5 milion euro. Gjatë ekspozimit, të tyre  në bazë të një analize fillestare, shumë prej këtyre armëve dhe municioneve janë përdorur në sulmet e serbëve ndaj Policisë si dhe KFOR-it më 29 maj në Zveçan, e po ashtu janë hasur gjatë operacioneve të shumta të konfiskimeve të armëve në veri. Këto armë e bëjnë të dukshme lidhjen e këtij grupi terrorist me zyrtarët e Listës Serbe, përkatësisht nënkryetarin e saj Milan Radojçiqin, si dhe shtetin e Serbisë.

Bartja e armatimit të tillë i cili ka qenë i lloj-llojshëm, pranë Banjskës, nuk është realizuar brenda ditës, por një kohë me të gjatë, mbetet enigmatike roli i KFOR-it i cili është me mision të ruaj kufirin e Kosovës. Nëse këtyre iu shtohen edhe mjetët e ndryshme ushtarake të transportit, del qartë se një skenar i tillë për të destabilizuar Kosovën ka pasur mbeshtetje nga pushteti serb. Se çdo gjë ishte sipas skenarit të Serbisë, dëshmojnë deklaratat e A.Vuçiqit në mbledhjen e KS në OKB duke theksuar  se situata është e tensionuar dhe mund të ketë eskalim të saj në veri. Ishte ky një  paralajmërim se këtu mund të ndodhin edhe të papritura nga ana e serbeve  lokal të cilët e realizuan me 24 shtator por dështuan ne qellimin e tyre. Pikërisht në favor të këtij konstatimi është e dhëna se në Rashkë  janë  stervitur një kontigjent i serbeve të cilët mund të përdoren për aksione të ndryshme në Kosovë. Ndërsa pranimi i këtij aksioni terrorist nga M.Radojiçiqi nga Mitrovica Veriore, ishte për të eliminuar gjoja përfshirjën e A.Vuçiqit në këtë akt terrorist.

Kisha ortodokse në shërbim të politikës serbe

Opinioni i gjerë është i njoftuar se KOS-i vazhdimisht ka qenë mbeshtetëse e politikës dhe të hegjemonizmit serb. Një dukuri e tillë nga ana e tyre është dëshmuar edhe gjatë luftërave në ish-Jugosllavi si në Kroaci, Bosnjë  e Hercegovinë dhe më pas në Kosovë. Në Kosovë si baza të tyre kanë qenë kishat dhe manastiret të cilat  edhe kësaj here u dëshmuan se janë në mbeshtetje të politikës serbe. Por, pasi u dekonspirua aksioni i terroristëve, të cilët si mbeshteje dhe shpëtim gjetën të manastiri në Banjskë, për të shpëtuar nga një komprometim i tillë, nga ana e KOS-it janë paraqitur me deklaratë se ata nuk kanë mbeshtetur një veprim të tillë, pavarësisht se në oborrin e tyre kanë qenë individ të uniformuar dhe të armatosur. 

Serbet kanë militarizuar  zonën kufitare

Sipas infomacioneve bëhet me dije se pushteti serb ka kohë qe është duke militarizuar zonën kufitare me Kosovën. Bëhet fjalë për 48 baza ushtarake, 28 të ushtrisë dhe 20 të xhandarmerisë. Këto të dhëna dëshmojnë se me këto forca ata ushtrojnë tensione duke paralajmëruar konflik duke shkeluar edhe vijën kufitare të demilitarizimit prej 5km, që është pjesë e marrëveshjes së Kumanovës(9 qershor 1999). 

Pikërisht në lidhje me këtë çështje ka pasur reagime nga faktori ndërkombëtar, por pushteti serb pranoi se në këtë zonë janë të vendosur mijëra trupa serbe, por ata deklarohen gjoja se kanë bërë  zvoglimin e tyre në 4.500 trupa, por realiteti dëshmon se ata i zhvendosin nga njëra bazë në tjetrën për të kriuar përshtypjen se e kanë zvogluar numrin e tyre, qe është manipulim qe nuk e beson askush. 

Bazat ushtarake serbe në kufi me Kosovën

Ndërsa nëse analizojmë shpërndarjën territoriale të bazave ushtarake serbe, del qartë se më së shumti janë koncentruar në anën lindore të Kosovës, sepse në këtë hapësirë territoriale në të dy anët e kufirit dominon popullsia shqiptare. Kemi të bëjmë me veprime perfide të politikës serbe për të mbajtur nën tension popullsinë vendore. 

Ndonëse kanë kaluar 24 vite nga lufta në Kosovë ne Serbi vazhdohet me strategjinë e Millosheviqit, çështje qe duhet të jetë shqetësuese për faktorin ndërkombëtar, sepse politika serbe vazhdon të jetë destabilizuese për tërë regjionin. Madje qendrimi i pavendosur nga ndërkombëtarët për të marrë masa ndeshkuese ndaj Serbisë, në favor të raporteve aktuale gjeopolitike, e ka nxitur politikën serbe të mbeshtesë aktin terrorist në Veriun e Kosovës. 

Pikërisht duke marrë parasysh këto të dhëna kryeministri i Kosovës A.Kurti me 2 tetor njoftoj se Serbia nga 37 pika ka planifikuar të sulmojë Kosovën për te aneksuar veriun e saj. Kemi të bëjmë me një situatë e cila ka të bëjë me sigurinë e Kosovës, ku vendosja e trupave shtesë të NATO-s në veri të Kosovës, dëshmon se kemi të bëjmë me çështje të stabilitetit në regjion.

Propozimet nga E.Rama identike me ato serbe

Kur kemi të bëjmë me çështje madhore sikurse është sulmi terrorist nga serbet në veriun e Kosovës, ka qenë e udhës qe Shqipëria e Kosova të bashkëveprojnë dhe të dalin me një qendrim. Por, në sajë të moskoordinimit ne mes dy vendeve kryeministri i Shqipërisë E.Rama, dual me dy propozime të cilat nuk janë në favor të Kosovës, por të Serbisë.

Si me parë  por edhe pas sulmit terrorist në veri të Kosovës, kryeministri i Shqipërisë E.Rama, ka theksuar se është e nevojshme qe të mbahet një konferencë ndërkombëtare ku  temë e takimit do të ishin raportet në mes Serbisë dhe Kosovës. Por, ai ka harruar se  mbajtja e një takimi të tillë vlen për vendet e panjohura nderkombëtarisht, ndërsa  Kosova është shtet i pavaruar dhe e njohur ndërkombëtarisht mbi 100 shtete. 

Nga ana tjetër  E.Rama, ka propozuar qe KFOR-i të udhëheq me Veriun Kosovës, qe është kritikuar nga Qeveria e Presidenca e Kosovës, sepse Kosova ka kapacitet për të ushtruar pushtetin në këtë pjesë të vendit, andaj një deklarim i tillë është identik sipas A.Vuçiqit dhe është në kundërshtim me sovranitetin e Kosovës.

Duke njohur rrethanat shoqërore e politike në regjion, ku destabilizues mbetet Serbia me politikën e saj hegjemoniste, E.Rama ka pasur mundësi me prezantuar ide për një konferencë e cila do të ishte me efekt pozitiv  nëse do të mbahej në lidhje me definimin e çështjeve të pakicave kombetare në të dy vendet, duke u bazuar parimin  e reciprocitetit. 

Kemi të bëjmë me  politikën me qasje të dyfishtë   te pushtetit serb sepse ate çka kërkon për pjesëtarët e popullit  të vet  iu mohon popujve të tjerë në Serbi. Por, për të trajtuar një temë të tillë E.Rama  nuk ka guxim të deklarohet, edhe pse është i njohur  me  diskriminimin e  shqiptarëve në luginën e Preshevës, qe është rast tipik i spastrimit etnik.

Si të dialogohet me mbeshtetësit e terrorizmit

Analistë të shumtë me kohë kanë theksuar se dialogu në Bruksel është treguar i pasuksesshëm. Si i tillë pala serbe e shfrytëzonte për të fituar në kohë, varësisht rrethanave gjeopolitike, ku dominon ajo nga agresioni rus në Ukrainë. Por, këtij dialogu të pasuksesshëm i kanë ndihmuar edhe ndërmjetësit ndërkombëtar(Borell-Lajçak) të cilët nuk kanë treguar ballancë në bisedime, por haptazi janë qasur Serbisë. Madje kërkesat e tyre ndaj Kosovës për të shtensionuar situatën në veri të Kosovës, ata kanë folur si zëdhënës të Serbisë. Një qasje e tillë dhe ledhatimi i Serbisë, madje duke i vendosur masa Kosovës, ata kanë barazuar kriminelët me viktimin, qe paraqet paradoks në procesin e dialogut. 

Duhet format i ri i dialogut

Por, pas 24 shtatorit me të drejt bëhët pyetja si të dialogohet me mbeshtetësit e terrorizmit, madje ka zëra edhe për dorëheqjen e ndërmjetëseve se ata kanë dështuar në këtë proces.  Dialogu duhet të vazhdojë por në format tjetër, sepse pas 24 shtatorit asgjë nuk është si më parë, andaj duhet gjetur  një model tjetër  me individë të balancuar dhe të pranueshëm për të dy palët. Përvoja e deritashme në këtë  proces politik, sidomos në eskalimin e sulmit terrorist në Veri të Kosovës, me qellim aneksimin e tij kërkon ndëshkimin e Serbisë sepse nuk mund të dialogohet me mbeshtetësit e terrorizmit. 

(Tetor  2023)

Të huaj që shkruajnë ose flasin për virtytet e larta të shqiptarëve, etnokulturën, trimërinë, etj.

Ami Bue:

“Shqiptarët janë njerëz më të bukur në Perandorinë osmane”.

B. Vranisheviq:

Piktor nga Vojvodina: “Është mrekulli ta shohësh popullin trim luftëtar shqiptar… Ata nuk lodhen për pasuri e luks… gjithmonë janë të aramtosur, madje edhe gratë të cilat njihen nga shikimi i tyre krenar dhe të ecurit të sigurtë… Lumturinë nuk e kërkojnë te bukuria, por në kënaqësinë e tyre, të burrit të vet, të fëmijëve dhe popullit të tyre”.

Bajroni:

“Shqiptarët me kostumet e tyre bëjnë një pejsazh më të mrekullueshëm në botë… Shqiptarët janë raca njerëzore më e bukur që ekziston, trima më të fortë se kështjellat e tyre”. Për dy nipërit e Ali Pashë Tepelenës, ka thënë: “Janë krijesa më të bukura që më ka zënë syri… Femra shqiptare vetëm njërit ja fal trupin dhe zemrën”.

Branton. Publicist:

“Shqiptarët ishin themeluesit e kalorësisë së lehtë (franceze – R.N.) dhe se me ushta të gjata (armë – R.N.) dhe me flamurkat në majat e tyre, e nisnin betejën, duke u sulur me vrul mes rreshtave të armikut dhe jepnin goditje duke krijuar pështjellim”. (“Fakti”, 3 nëntor, 2005 – Luan Rama)

Dekani:

“Populli shqiptar është i shëndoshë, i durueshëm, i gjallë, me dinjitet dhe mjaft i ditur”.

Eriksoni: misionar amerikan: “Nuk ka popull më shpirtmirë e më të sjellshëm (gjentil) në Evropë se shqiptarët. Ata, përbëjnë një element të fuqishëm burrërie. Mblidhen me besnikët më të adhe dhe japin jetën për fjalën e dhënë”.

Fal Majeri

“Shqiptarët me armë të vetme burrërinë dhe shpirtin luftarak, u rruajtën për 1000 vjet dhe arritën të mbijetojnë… Kryengritja greke e shek. XIX, që shpëtoi Greqinë nga zgjedha turke, qe vepër e shqiptarëve”.

Fransua Pukëveli:

“Shqiptarët që mund të quhen shiitë të Perandorisë së Lindjes…janë plot entuziazëm për atdheun e tyre dhe për të flasin vetëm në superlativ… Nuk ia ndajnë kurrë sytë maleve të Epirit… Mbajnë mend mirë pavarësinë që e gëzonin”.

Gerard de Nerval:

“Ngado që ishin shqiptarët shiheshin si luftëtarë kryenecë që nuk e përfillnin vdekjen”.

Gligor Përliçev:

“Të gjithë shqiptarët janë zemërgjërë, mendjemprehtë dhe mirënjohës të mëdhenj; janë mikpritës dhe të besës si asnjë komb tjetër, të ndershëm, thellësisht liridashës dhe të patrembur në luftime…”.

Ibn Kemali. Historian osman:

“Shqiptarët e ndezën zjarrin e luftës, morën në duart e tyre ushtat, të cilat u ngjanin gjarpërinjëve helmues, dhe qëndruan në grykat e shpellave. Ata luftuan deri në kohën e mbrëmjes… Kur lufta pushoi, ata porsi lumenj vërshuan mbi ushtrinë tonë dhe e thyen atë…”.

Jovan Haxhivasileviq.

Më 1918 shkruante se shqiptarët e Dibrës kurrë nuk i kanë zbatuar urdhërat dhe reformat e sulltanit, pushtetit turk aty ka qenë vetëm formalisht.

Lamartini.

“Nuk ka pendë as penel që mund të shprehë sakrificën heroike të banorëve (të Shqipërisë) në luftrat që kanë bërë kohëve të fundit, më shumë se askush tjetër, për çlirimin e Greqisë”. Ai për shqiptarët ka shkruar edhe këtë: “Ky komb e ky popull nuk merret nëpër këmbë… Kjo është toka e heronjëve të të gjithë kohrave… Homeri aty gjeti Akilin, Grekët Aleksandrin e Madh, Turqit Skenderbeun, njerës këta të së njejtës racë, të të njejtit gjak e të së njejtës gjini”.

M. Huacunthe Hecquard:

“Në asnjë vend të botës femrat nuk janë më të respektuara dhe nuk ushtrojnë një veprimtari më të fuqishme se shqiptaret dhe se disa nëna shqiptare kanë përzënë prej shtëpisë bijt e vet, pasi ata ishin larguar nga fronti i luftës, ato i kishin kthyer në fushën e betejës”.

M. Ritton:

“Gratë arvanitase janë më të pastra se gratë greke”.

Madam Senja. Greke, nënë e një poeti francez:

“Vallja e njohur “hasapikos”, që kërcehej nga arvanitasit e konkretisht nga kasapët, “përbënte një rishfaqje skenash luftëtarësh të vjetër qysh nga epoka e Aleksandrit të Madh”.

Maksimilian Lambec:

“Historia e vërtetë botërore do të shkruhet vetëm atëherë, kur në hartimin e saj do të marrin pjesë edhe shqiptarët”.

Marco Nese.

Ky shkencëtar ose shkrimtar italian, në një vepër të vet, të 3 dhjetorit 2004, ka theksuar se pas kapitullimit të Italisë, më 8 shtator 1943, kur Gjermania e shpalli ushtrinë italiane për dezertore dhe vendosi ta dënojë me vdekje, 20.000 ushtarë italianë shpëtuan jetën duke u fshehur nëpër familjet shqiptare. “U veshën me kostume kombëtare vendase, mësuan ndonjë fjalë shqip, etj”

Marieta Vasilesku.

Kjo rumune filoshqiptare, në një rast ka thënë se ka parë një ëmbëltor të Sharrit, shqiptar, i cili edhepse flente me hanxharën nën jastëk, ishte njeriu më besnik, më i ndershëm dhe më i guximshëm i Bukureshtit.

Michael Attaleiates.

Kronist bizantin. Në v.1034, ka shkruar: “Arvanitët janë njëri nga popujt më të çuditshëm. Ata nuk i ka bindur Roma as katolicizmi, nuk e di se sa sukses do të kemi ne. Ata i mbahen ende origjinës së tyre pagane dhe nuk e braktisin vendin”.

Pallavçini. Ambasador në Stamboll:

“Kryengritja e Shqipërisë së Veriut (më 1910), e çoi Turqinë në gjendje tejet kritike, jetë a vdekje për qeverinë turke”.

Pushkini:

“Vetëm gjatë një beteje në Revolucionin rumun, mernin pjesë 700 shqiptarë”.

Rozher (1922):

“Shqiptarët trajtojnë mikpritjen si një rit të shenjtë. Ata nuk dinë si ta falenderojnë mikun që e ka nderuar duke kaluar pragun e shtëpisë së tyre”.

Seneshali i Madh. Gjeneral i shquar nga Normandia, i shek. XVI:

“Sllavët, janë të pamëshirshëm në luftë, vrasin këdo që arrijnë dhe nuk zënë asnjë rob lufte, ndaj edhe ne ua bëjmë njësoj. Sa për shqiptarët, ata kanë sjellje krejtësisht tjetër dhe sillen njerëzisht ndaj robërve të zënë… në ushtrinë e mbretit Luigj XII, ishte formuar një gradë prej 1200 shqiptarësh, të cilët treguan trimëri aq të shkëlqyer, sa që u bënë simbol i armatave franceze për afër një shekull të tërë. Kështu që, mbretërit e tjerë të Francës, për komandant të ushtrisë emëronin gjithënjë ndonjë shqiptar, siç ishte, fjala vjen, gjenerali Duka i Brisakut, etj.

Sreten Vukosavleviq. Deputet serb:

“Lëvizja kaçake ka qënë një profesion fisnik dhe elegant me të cilin merreshin njerëz të guximshëm dhe të zot, të ndihmuar nga populli, prandaj edhe pushteti sërb nuk ua delte dot në krye”. Ndërsa, ministri i Punëve të Brendëshme, M. Vujiqiq, shton: “Shqiptarët e kanë patur traditë “kaçakllëkun”, sepse kanë dashur të jetojnë të lirë dhe të pavarur”. Kosta Novakoviq, thekson se “kaçakët janë njerëz që bëjnë kurban të gjitha: shtëpi, mall, katandi dhe marin malet ku formojnë çeta komitësh dhe luftojnë kundër barbarizmit të ushtrisë dhe policisë serbe”. Edhe Nushiqi, në mënyrë indirekte e arsyetonte Lëvizjen kaçake. Mosha Pijade, ka pranuar që kaçakët kanë luftuar kundër zgjedhës së rëndë serbe, që do të thotë e ka arsyetuar veprimin e tyre.

Stadtmuller:

“Lufta greke për liri, nuk mund të mendohej pa elementin shqiptar”. (Sidomos, pa Ali Pashë Tepelenën, i cili e nxiti Kryengritjen e v. 1821, dhe pa të cilin edhe sikur të fillonte ajo kryengritje, “do shuhej qysh në djep” – thuhet në literaturën historike).

Tacit:

“Ilirët janë një popull i fuqishëm, me sy të errët, të matur, guximtarë, kryelartë që nxjerr ushtarë të mirë”.

Timotheos:

“Shqiptarët janë më luftarakët e botës”.

Tit Livi:

“Romakët janë qytetëruar nga etruskët”. (toskët – R.N.)

Vuk Karaxhiq:

“Ne Serbët duhet të marrim shembullin e shqiptarëve të cilët i përkasin – tri feve e konsiderojnë njëri tjetrin bashkëkombas dhe shqiptari musliman i vret 10 turq për një shqiptar të krishterë, ndërsa shqiptari katolik i vret 10 itlianë për një shqiptar musliman apo orthodoks dhe poashtu shqiptari orthodoks i vret 10 grekë për një shqiptar musliman ose katolik”. Përndryshe, Karaxhiqi ka treguar interesim për shqiptarët, siç ishte edhe botimi shqip i “Dhjatës së Re”, botuar në Korfuz më 1827. Mirëpo, objekti i interesimit të Vuk Karaxhiqit është edhe historia e shqiptarëve, sidomos periudha e Gjergj Kastriotit-Skënderbeut dhe personaliteti i tij. Librin “Jeta e Gjergj Kastriotit” e parapagoi për vete, për konsullin rus në Dubrovnik, si dhe për personalitetet e tjera të jetës letrare, historike e kulturore të Serbisë. Ai mblodhi edhe 13 këngë popullore shqipe të cilat në vitin 1830 ia dërgoi Jernej Kopitarit. Këto këngë u botuan në “Zbornik filoloshkih i lingvistçkih studija” më 1921, me titull “Arnautske pjesme” (“Këngë shqiptare”)”. Përndryshe, sipas dr. Jashar Rexhepagiqit, Vuku ka ditur pak edhe shqipen.

Xhorxh Fred Uiliams:

“Nuk ka popull më shpirtmirë e më gjentil në Evropë se shqiptarët”.

Prof. Sylë Ukshini/

* Roli turbullues i Serbisë në Ballkan është identik me rolin turbullues të Iranit dhe Hesbullahut në Lindjen e Afërtë.

Këto dy ngjarje, edhe pse larg njëra-tjetrës kanë paralele të padiskuetueshme. Në kohën kur lufta dhe agresioni shtetëror rus ka ngecur në Ukrainë, Moska zyrtare përmes aleatëve të saj në Ballkan (Serbisë) dhe në Lindjen e Afërtl (Iranit dhe Hisbullahu) dëshiron të destabilizojë shtete demokratile dhe partnere të Perëndimit dhe SHBA-së. Pjesë e këtij strategjie destabilizuese rus është edhe agresionin shtetëror i Serbisë kundër Kosovës me 24 shtator, si dhe sulmi i djeshëm është u Hamasit kundër caqeve civile në Izrael.

Prandaj, nuk është befasi nëse nuk më befasi nëse Rusia, edhe pse ka shënuar në afrim spektakular me Rusinë, të nxisi grupet e majta radiale si PKK- kundër Truqisë dhe gjetiu nëpër botë!

Prandaj, sjella asimetrike e BE-së ndaj Kosovës, madje rreshtimi i 4 vendeve mosnjohëse të BE-së (Greqia bënë përjashtim në këtë rast) dhe së fundi edhe e Hungarisë në prehërin e Rusisë dhe kundër interesave të Kosovës, aty ku më së

shumti është e interesuar Rusia që të dështojë BE-ja dhe SHBA, duhet të jetë pikë kthese për rikalibrimin e politikës së jashtme dhe të sigurisë të BE-së. Në të kundërtën BE-ja po i ngjanë gjithnjë e më shumë Koncertit Evropian të fillimshekullit 20.

Është paradoks, por në Bruksel më të zëshëm kanë qenë pse njohja e kosovës nga Izraeli u ndoq edhe me hapjen e Ambasadës në Jerusalem sesa në kohën kur disa vende anëtare rreshtohen përkrah Moskës së Putinit dhe me këtë minojnë unitetin e BE-së.

Para disa ditësh, pothuaj e gjithë masmedia amerikane njoftoi opinionin se është kapur një sasi e madhe FENTANYl-i (thuhet tonelata) në kufirin SHBA –Meksikë. Një gjë e tillë ka ndodhur edhe më parë, por në sasira më të vogla. Ky kimikat shumë i rrezikshëm për jetën e njerzve i prodhuar në Kinë, është siguruar nëpërmjet kartelit të drogës meksikan për ta futur në SHBA e për ta përdorur ate drejt përdrejt si drogë.

Në vazhdim të këtij informacioni, masmedia amerikane, theksoi se pesë vitet e fundit nga përdorimi i pakontrolluar i këtij kimikati, është vënë re një humbje e shtuar e jetëve të grupmoshës 21- 49 vjec, madje këtë vit kjo ka marrë përmasa dukshëm të mëdha.

Por me pak fjalë cfarë është FENTANYL-i. Ai është një përzierje kimikatesh me formulën C22H28N2O, i përdorur në shumicën e rasteve si ilac (medikament mjeksor) opioid sintetik gati 50-100 herë më i fuqishëm se morfina. Nga institucionet shëndetsore të certefikuara, është përdorur me doza shumë të ulta për të menaxhuar dhimbjet e pacientave me kanser në faza të përparuara ose pas operacioneve të rënda.Por shkencërisht është vërtetuar se ai jep efekte ansore të fuqishme si: depresion respirator, tharje të gojës, marrje mendësh, kapsllëk, përgjumje etj. Doza në mjeksi është 0,5-1mg (miligram) sepse 0,1 mg është e barabartë me 10 mg morfinë.

Ata që kanë studiuar për lëndët helmuese luftarake (LHL), kanë dijeni se për qëllime luftimi (në kohën e luftës së ftohtë e më pas), janë përgatitur edhe një grup LHL-sh të quajtura “narkotike” me shenjat: BZ, BZ-1, BZ-2. Baza e përbërjes së këtyre LHL-ve është FENTANYL-i kimikisht i pastërt. Ata mendohet të përdoreshin në fushën e luftimit në formë aerosolesh për të droguar e vënë në gjumë kundërshtarin që nuk dëshiroje ta vrisje, por ta kapje të gjallë.

Duke marrë parasyshë sa më sipër, le të këthehemi pak prapa në kujtesë duke ritheksuar se: sëmundja sars u cfaq fillimisht në Kinë dhe vaksina ishte pothuaj gati po nga kinezet, kur pjesa tjetër e botës pothuaj nuk dinte asgjë. Sars-i nga ana strukturore është pararendës i Covid-19 (koronaviruesit), i dalë nga laboratori ushtarak kinez i Uhanit (nuk dihet se doli me dashje apo padashje). Por prej Kinës erdhi pandemija botrore që mori më shumë se 8 milion jetë njerzish dhe solli pasoja tek qindra miliona të tjerë në formën e sëmundjeve të: trurit, zemrës, mushkrive, enëve të gjakut etj.

Disa insekte që shumohen me miliarda dhe që janë bërë një bezdi e madhe për gjithë amerikanët, thuhet se erdhën nga Kina. Aktualisht ato po dëmtojnë produktet ushqimore e bimsinë, por nuk dihet se cfarë bart gjenerata tjetër që do të pasojë.

Disa baluna me helium “gjoja meteorologjike’ erdhën si “rastësisht” mbi hapsirën e SHBA-ve. Por balunat kishin aparatura të sofistikuara transmetimi dhe si “rastësisht u futën padashje në një teritor ku kishte edhe raketra ndër komtinentale bartëse të municioneve bërthamore”.

Tani na del në skenë edhe FENTANYL-i prodhim kinez, që po vret amerikanë të pa informuar mirë për përmasat e rrezikshmërisë që bart ky kimikat.

Të gjitha këto të marra së bashku, e në lidhje me njera tjetrën, (shtyhem të pyes vehten dhe të tjerët), janë rastësi apo plan i mirmenduar? Po ashtu Kina (si kundërshtarja më e hapur e interesave amerikane) a mos në heshtje ka filluar tashmë një luftë të re kryesisht biologjike në radhë të parë kundër SHBA-së por edhe të tjerëve?

Këto pak rreshta nuk kanë për qëllim të përhapin panik, as në SHBA e as në vendet e tjera të botës. Por përvoja shumëvjecare në Ushtrinë Shqiptare dhe 26 vite si shtetas amerikan, më shtynë të them disa të vërteta edhe të hidhura të cilat duhet të bien në veshin e dikujt që ka mundësi vendimmarrje për sigurinë tonë të së ardhes e të brezave vijues. Po ashtu është një apel edhe për ata që përdorin droga se FENTANYl-i është shumë i rrezikshëm për jetën e njerëzve.

ASLLAN BUSHATI