Federata Pan-Shqiptare e Amerikës VATRA në bashkëpunim me Shoqatën e Shkrimtarëve Shqiptaro-Amerikanë do të organizojë një ditë kushtuar letërsisë më datë 25 Nëntor 2023 ora 11 Am në Selinë Qëndrore të Vatrës me adresë: 2437 Southern Blvd, Bronx, NY 10458.

Në këtë ditë do të promovohen 3 vëllime me poezi të poetit Ilmi Tahiri: “Sytë kah atdheu”, “U ktheva atdhe” dhe “Për ty Kosovë”.

Ceremonia vazhdon me një ligjëratë kushtuar poetit të mirënjohur Ymer Elshani e titulluar “Historia ime e patreguar” përgatitur nga Teuta Elshani.

Më pas ceremonia përfundon me dhurimin e 20 librave për Federatën Vatra nga patrioti Koçi Tahiri.

Ftohen mediat dhe komuniteti të marrin pjesë.

Të dashur miq!

Emina Cunmulaj Nazarian dhe Vatra Miami ju ftojnë të festojmë së bashku ditën që bashkon të gjithë shqiptarët kudo janë, ditën më të madhe të shqiptarëve – 28 Nëntorin. Miami i ngrohtë dhe me diell do të bëhet edhe më i zjarrtë nga vallja dhe kënga shqiptare! Ju mirëpresim, kudo ndodheni !

p.s: Cilido është i ftuar ta shpërndajë këtë ftesë!

eminashand.org

Vatra Michigan fton të gjithë shqiptarët në Festën e Flamurit.

Kryetari i Federatës Pan-Shqiptare të Amerikës VATRA z.Elmi Berisha zhvilloi një takim të përzemërt dhe vëllazëror me liderin e AAK z.Ramush Haradinaj. Veç tjerash ndër temat kryesore të diskutimit ishin situata politike në Kosovë, dialogu me Serbinë dhe roli i jashtëzakonshëm i mërgatës shqiptaro-amerikane në promovimin e interesit dhe imazhit të Kosovës në Shtetet e Bashkuara të Amerikës. Pas takimit në faqen zyrtare në Fb z.Haradinaj shkroi: “Shqiptarët që jetojnë e veprojnë prej vitesh në Amerikë, janë shembulli më i mirë i atdhedashurisë dhe i përkushtimit ndaj kombit. Ata kaluan Atlantikun, por lidhjen me atdheun nuk e shkëputën asnjëherë dhe vazhdojnë të luajnë një rol të rëndësishëm edhe sot në rrugën e integrimeve të Kosovës.

Pata kënaqësinë të takoj kryetarin e Federatës Pan-Shqiptare ‘Vatra’, Elmi Berisha, me ç’rast biseduam për zhvillimet e përgjithshme politike në vend e rajon. Njëherësh ritheksova nevojën e vazhdimit të përkrahjes së tyre për Kosovën si për zhvillimin ekonomik të saj ashtu edhe në temat e rëndësishme që na presin në të ardhmen, veçanërisht në procesin e anëtarësimit në NATO, si një nevojë urgjente e cila garanton më shumë siguri dhe paqe në rajon”.

Festa e Flamurit 2023.