Mary Camaj i bashkohet Federatës Pan-Shqiptare të Amerikës VATRA. Mary Camaj ka diplomë Bachelor në Studime Ndërkombëtare, Shkenca Politike, Biznes, dhe Spanjisht në Manhattan College. Aty ka bërë prezantime të shumta dhe ka shkruar punime të panumërta për Shqipërinë. Tani po vazhdon studimet në Columbia University, niveli Master në Shkenca Politike dhe veçanërisht duke u fokusuar në rajonin e Ballkanit dhe shtetet që zotërojnë popullsi indigjene të shqiptarëve etnikë.

Prej 8 vitesh kontribuon në Grupin Artistik Rozafati të Kishës Katolike Zoja e Shkodrës në Hartsdale, Nju Jork. Momentalisht është valltarja kryesore e grupit. Këtë vit “Rozafati” ka përfaqësuar denjësisht komunitetin shqiptar nga Nju Jorku tek Festivali Folklorik Kombëtar i Gjirokastrës. Pasionin dhe deshirën që ka për vallet, muzikën e traditën shqiptare e ndan edhe me të tjerët në rrjetet sociale.

Mary merr pjesë në gati çdo aktivitet që bëhet në komunitetin shqiptar në New York e më gjerë që nga organizimi, prezantimi, dhe performanca artistike. Mary Camaj është model i shkëlqyer i vajzës shqiptare, aktiviste në komunitet dhe premtuese për të ardhmen duke qenë shembull për gjeneratat që do vijnë. Vatra rritet çdo ditë. Të rinjtë janë shpresa e kombit tonë në mërgatën shqiptare në Shtetet e Bashkuara të Amerikës.

“Sistemi politik zgjedhor amerikan”.

Marin Tukaj, një tjetër bashkatdhetarë që i bashkohet Federatës Pan-Shqiptare të Amerikës VATRA. I lindur në Hajmel, Shkodër, z.Tukaj ka studiuar në fushën turizmit dhe mjedisit dhe është diplomuar me rezultate të shkëlqyera në master shkencor pranë Fakultetit të Historisë dhe Filologjisë, Universiteti i Tiranës. Marini ka qenë pjesëmarrës në disa konferenca kombëtare dhe ndërkombëtare në fushën e menaxhimit, turizmit dhe mjedisit. Gjithashtu ka qenë pjesë e disa shoqatave mjedisore në Shqipëri. Ka një eksperiencë disa vjeçare si drejtues në institucione publike ndërsa vitet e fundit është fokusuar në menaxhimin e bizneseve të ndryshme. Të rinjtë që aderojnë në Vatër janë shpresë, energji dhe investim në jetëgjatësinë e Vatrës. Vatra rritet çdo ditë. Vatra është organizata patriotike me serioze dhe dinjitoze në mërgatën shqiptare në Shtetet e Bashkuara të Amerikës. Vatra është historia, krenaria, identiteti dhe trashëgimia e shkëlqyer e shqiptarëve në Amerikë.

New York, 3 Shtator 2023- Marjan Cubi me familje, miq, veprimtarë të çështjes kombëtare e dashamirë organizoi për të gjashtin vit festën e Nënë Terezës, një traditë familjare dhe fetare në nderim të Shenjtores shqiptare. Në këtë festë familjarë, miq, vatranë dhe patriotë të dalluar bashkohen çdo vit në shenjë nderimi dhe respekti për figurën e Nënë Terezës, shembullin e saj, shërbimin që i dha botës dhe mbi të gjitha përfaqësimin e vlerave më të larta të kombit shqiptar. Një festë sa fetare por edhe patriotike që familja Cubi e organizon me fisnikëri e bujari çdo vit. Fjalën kryesore e mbajti kryetari i Vatrës z.Elmi Berisha i cili u ndal te figura e shenjtores shqiptare Nënë Tereza në lartësimin e kombit tonë, vlerësoi kontributin e Marjan Cubit për komunitetin, çështjen kombëtare, Kishën Katolike e Vatrën për 42 vite pa u ndalur dhe u fokusua te vazhdimësia e familjes Cubi në Vatër, ku Ilir Cubi vazhdon me dinjitet e krenari rrugën e babait të tij Marjan Cubit. Ilir Cubi e mbështet Vatrën që nga vitet 90-të. Në ditët e sotme është ndër protagonistët kryesorë që i shërben me pasion e devotshmëri Vatrës e Diellit. Kjo festë tradicionale komunitare ka rëndësi të veçantë pasi Nënë Tereza bën çdo shqiptar krenar me përkatësinë e saj kombëtare, me atë që i ofroi botës, me dashurinë e saj, përkushtimin e saj, përshpirtshmërinë e saj, devotshmërinë e saj dhe thjeshtësinë e saj. Nënë Tereza bashkon vlerat shqiptare me vlerat më të larta universale.

Vrasja e Gjeneral Tellinit, pasqyrimi në Diellin e Vatrës, 1 shekull më parë.